சிக்மன்டுபிராய்ட் என்பவரைப் பற்றிக் கேள்விப்பட்டிருப்பீர்கள். அவருடைய வாரி சைப்போல செயல்பட்ட அமெரிக்கரான எட் வர்டு பெர்னிஸ் தான் நவீன பிரச்சார முறை யைக் கண்டுபிடித்ததாக அறியப்படுகிறார். முதல் உலகப்போரின் போது ஐரோப்பாவில் நடைபெற்ற ரத்தக்களறியில் அமெரிக்கா பங்கேற்பதை அமெரிக்கர்கள் விரும்பவில்லை. யுத்தத்தில் அமெரிக்கா பங்கேற்பதற்கு ஆதர வான ஒருமனப்போக்கை அமெரிக்க மக்கள் மத்தியில் ஏற்படுத்துவதற்காக ரகசியமான முறையில் செயல்பட்ட நவீன சிந்தனையாளர்களின் செல்வாக்கு மிக்க குழு ஒன்றில் அங்கம் வகித்தவர் தான் எட்வர்டு பெர்னிஸ். 1928ல் பிரச்சாரம் (பிராபாகான்டா) என்ற தலைப்பில் இவர் ஒரு நூலை எழுதினார். பிரச்சாரம் என்ற சொல்லுக்கு பதிலாக மக்கள் தொடர்பு என்ற சொற்றொடரை அவர் புழக் கத்துக்கு கொண்டுவந்தார்.
பொது இடத்தில் பெண்கள் புகை பிடிப்பது தவறில்லை என்ற எண்ணத்தை உருவாக்கு வதற்காக அமெரிக்காவின் புகையிலைத் தொழில் துறையினர் இவரைப் பணியமர்த்திக் கொண்டனர். புகை பிடிப்பது பெண்களின் உரிமை என்று பிரச்சாரத்தைக் கட்டவிழ்த்து விட்ட இவர், சிகரட்டுகளை பெண்ணுரிமைக் கான அடையாளங்களாக மாற்றினார்.
கவுதமாலாவில் ஜனநாயக முறைப்படி தேர்ந் தெடுக்கப்பட்ட அரசாங்கம் எடுத்த சமூகசீர் திருத்த நடவடிக்கைகளால் அமெரிக்கப் பழக் கம்பெனியான யுனைடெட் புரூட் கம்பெ னிக்கு அச்சுறுத்தல் ஏற்பட்டதையடுத்து அந்நாட்டில் கம்யூனிச அபாயம் ஏற்பட்டு விட்ட தென்று ஒருபுரளியைக் கிளப்பிவிட்டு அந் நாட்டின் ஜனநாயக அரசாங்கம் கவிழ்க் கப்படுவதற்கு வழி வகுத்தார். அதனை ஒரு விடுதலையாக சித்தரித்தார்.
பெர்னிஸ் ஒரு முரட்டுத்தனமான வலது சாரி அல்ல. மெய்மையைப் போலத் தோன்றும் பொய்களை உருவாக்குவதன் மூலம் இதனை சாதிக்கமுடியும் என்பதுடன் அந்த பொய் களே பின்னர் முக்கிய நிகழ்வுகளாக மாறி விடும் என்றும் அவர் கூறியுள்ளார். இக்காலத் தில் இதுபோன்ற நிகழ்வுகளுக்கான சில உதாரணங்கள்:
மெய்போன்ற பொய்(1): உறுதியளிக்கப்பட் டதைப்போல அமெரிக்காவின் கடைசிப் படைவீரர்களும் ஏற்கனவே அறிவிக்கப்பட்ட அட்டவணைப்படி இராக் நாட்டைவிட்டு வெளியேறிவிட்டதாக பாரக் ஒபாமா அறிவித்துள்ளார். அமெரிக்க ராணுவவீரர் ஒருவர் இராக் நாட்டிலிருந்து குவைத் நாட்டுக்குள் நுழைவதை சித்தரிக்கும் காட்சி ஒன்றையும் தொலைக்காட்சி ஒளிபரப்பியது.
உண்மை நிலை: அமெரிக்க வீரர்கள் அனைவரும் இராக் நாட்டிலிருந்து வெளி யேறவில்லை. குறைந்தபட்சமாக 50 ஆயிரம் அமெரிக்க வீரர்கள் 94 படைத்தளங்களில் தங்கியிருந்து தொடர்ந்து செயல்படுவார்கள். வான்வழித் தாக்குதல்களிலும் தேர்ந்தெடுத் துக் கொலைசெய்யும் திட்டங்களிலும் எத்த கைய மாற்றமும் இல்லை. ராணுவ ஒப்பந்தக் காரர்களின் எண்ணிக்கை ஒரு லட்சம் என் பதிலிருந்து தொடர்ந்து அதிகரித்து வருகிறது. இராக் நாட்டு எண்ணெய் வளத்தின் பெரும் பகுதி அந்நியர்களின் நேரடிக் கட்டுப்பாட் டுக்கு இப்போது கொண்டுவரப்பட்டுவிட்டது.
மெய் போன்ற பொய் : (2) இராக் நாட் டுக்கு நற்பயன்கள் பலவற்றை வழங்கிவிட்டு அமெரிக்க ராணுவம் வெற்றிப்பெருமிதத் துடன் வெளியேறியது என்பது பிபிசி அறி விப்பாளரின்வருணனை.
உண்மை நிலை: வெற்றியுமில்லை பெரு மிதமுமில்லை. இது பேரழிவை ஏற்படுத்திய ஒரு துன்ப நிகழ்வு.30 லட்சம் உயிர்களை பலி வாங்கிய வியட்நாம் யுத்தத்தை உன்னத நோக் கம் கொண்டதாக அமெரிக்க அதிபர் ரொனால்டு ரீகன் வருணித்ததைப்போன்றது தான் இது.
மெய் போன்ற பொய்: (3) எத்தனை இராக் கியர்கள் இறந்தார்கள் என்பது தெரிய வில்லை. பல பத்தாயிரங்களாக இருக்கலாம்.
உண்மை நிலை : அமெரிக்காவின் தலை மையில் நடைபெற்ற ஆக்கிரமிப்பு யுத்தத்தின் காரணமாக பலியான இராக்கியர்கள் எண் ணிக்கை 10 லட்சம். இது தவிர 40 லட்சம் இராக்கியர்கள் வீடு வாசல்களை இழந்துள் ளனர். ஊட்டச்சத்துக் குறைபாட்டால் பெரும் பாலான இராக்கியக்குழந்தைகள் பாதிக்கப்பட் டுள்ளனர். இந்த புள்ளி விபரங்கள் அமெரிக்கா வைச்சேர்ந்த ஜான் ஹாப்கின்ஸ் பல்கலைக் கழக ஆய்வாளர்களால் திரட்டப்பட்டவை. பிரிட்டிஷ் அரசின் தலைமை அறிவியல் ஆய்வாளரால் ஏற்றுக்கொள்ளப்பட்டவை.
இப்படிப்பட்ட பொய்கள் திட்டமிட்ட முறையில் பரப்பப்பட்டாலும் தங்களுடைய சொந்த அறிவாற்றல் மற்றும் மதிப்பீட்டில் நம் பிக்கையுள்ள பொதுமக்கள் இவற்றை நம்புவ தில்லை என்பது ஒரு நல்ல செய்தி. தங்க ளுடைய நாடுகளின் யுத்த முயற்சிகளை எதிர்த்து வரும் ஐரோப்பிய மக்கள் இத்தகைய பொய்ச்செய்திகளை நம்ப மறுப்பது கண்டு சிஐஏ உளவு அமைப்பு கவலை அடைந்துள் ளதை அம்பலப்படுத்தும் ஆவணம் ஒன்றை அண்மையில் பரபரப்பு ஏற்படுத்திய விக்கி லீக்ஸ் இணையதளம் வெளியிட்டுள்ளது.
ஆதாரம்: பீப்பிள்ஸ் டெமாக்ரசி 5-9-2010
தமிழில்: கி.இலக்குவன்
புதன், 15 செப்டம்பர், 2010
மக்களிடம் பரப்பப்படும் மெய் போன்ற பொய்கள்
செவ்வாய், 16 ஜூன், 2009
அரக்கத்தனமான அரசியல்
மேற்குவங்கத்தில் மார்க்சிஸ்ட் கம்யூ னிஸ்ட் கட்சி மற்றும் இடதுசாரிக் கட்சிகள் மீதான கொலைபாதகத் தாக்குதல்களைக் கட்டவிழ்த்து விட்டிருப்பதன் மூலமாக திரி ணாமுல் காங்கிரசின் ஜனநாயக விரோத நட வடிக்கைகள் உச்சத்தை அடைந்திருக்கின்றன. மத்திய அரசில் அங்கம் பெற்ற அடுத்த கணமே, திரிணாமுல் காங்கிரசின் தலைவர் மம்தாபானர்ஜி, தங்கள் கட்சியின் சார்பான மத்திய அமைச்சர்கள், வங்கத்திலேயே வாரத்தில் ஐந்து நாட்கள் வேலை செய்வார்கள் என்றும், அதில் இரு நாட்கள் மட்டும் அமைச் சரவைப் பொறுப்புக்களைக் கவனிப்பார்கள் என்றும் தெரிவித் திருக்கிறார். இவ்வாறு, திரிணாமுல் காங்கிரஸ், மேற்கு வங்கத்தில் அரக்கத்தனத்தைக் கட்டவிழ்த்துவிட, மத்திய அமைச்சர்கள் என்ற முறையில் கிடைத் துள்ள அதிகாரத்தைத் துஷ்பிரயோகம் செய்தி டவும், இந்தியாவில் உள்ள அனைத்துப் பகுதி மக்களுக்கும் சேவை செய்வதற்காகத் தாங் கள் ஏற்றுக்கொண்டுள்ள பொறுப்பைத் தட்டிக் கழித்திட இருப்பதும் தெளிவாகிறது.
‘அயிலா’ என்னும் புயல் மேற்கு வங் கத்தை கடுமையாகத் தாக்கியுள்ள இத்தரு ணத்தில், அதனால் பாதிக்கப்பட்ட மக்க ளுக்கு, எவ்விதமான மனிதாபிமான உதவியும் அளித்திட மாநில அரசுக்கு உதவிடக்கூடாது என்று மத்திய அரசை திரிணாமுல் காங்கி ரசின் தலைவர் கேட்டுக்கொண்டுள்ளார். இத்தகைய அணுகுமுறையானது ஜனநாயக விரோதமான ஒன்று மட்டுமல்ல, மனிதாபி மானமற்றதுமாகும். இத்தோடு அவர் நின்று விடவில்லை. நிவாரண உதவிகளை தேர்ந் தெடுக்கப்பட்டு ஆட்சியிலி ருந்துவரும் மாநில அரசாங்கத்திற்கு மத்திய அரசு, அனுப் பிடக் கூடாது என்றும் மாறாக நேரடியாக மாவட்ட ஆட்சியர்களுக்கு அனுப்பிட வேண் டும் என்றும் கோரியிருக்கிறார். இத்தகைய கோரிக்கையும் ஜனநாயக விரோதமானது மட்டுமல்ல, அரசியலமைப்புச் சட்டத்தின் அடிப்படை அம்சமான கூட்டாட்சித் தத்துவத் தையே நிராகரிக்கும் செயலாகும். மேலும், புயலால் பாதிக்கப்பட்ட மக்களுக்கு நிவாரண உதவிகள் அளிப்பது தொடர்பாக மாநில அரசு கூட்டிய அனைத்துக் கட்சிக் கூட்டத்திலும் திரிணாமுல் காங்கிரஸ் பங்கேற்க மறுத்தி ருப்பதிலிருந்தும் அதன் ஜனநாயக விரோத குணம் வெளிப்படுகிறது.
இந்திய அரசியலமைப்புச் சட்டத்தில், பஞ்சாயத்து ராஜ் அமைப்புகளுக்கு நிதி ஒதுக் கீடு தொடர்பாக, 93ஆவது திருத்தம் கொண்டு வரப்பட்ட சமயத்தில், பஞ்சாயத்துக்களுக்கு நிதியை நேரடியாக அனுப்பி வைப்பது தொடர்பாக நாடு முழுவதும் கடும் விவாதங்கள் நடைபெற்றன. அப்போது மத்திய அரசிடமி ருந்து, தேர்ந்தெடுக்கப்பட்ட மாநிலங்களில் உள்ள அரசுகளையும் சம்பந்தப்பட்ட மாநில முதல்வரையும் புறந்தள்ளிவிட்டு, நேரடியாக மாவட்ட ஆட்சியர்களிடமே நிதியை அனுப்பி டலாம் என்று காங்கிரஸ் பரிந்துரைத்தது. இது அரசியலமைப்புச் சட்டத்திற்கு விரோதமானது என்று கருதப்பட்டு, நாடு அதனை முற்றி லுமாக நிராகரித்துவிட்டது. இப்போது அதே போன்று தேர்ந்தெடுக்கப்பட்ட மாநில அரசை புறந்தள்ளிவிட்டு, நேரடியாக மாவட்ட ஆட்சி யர்கள் மூலம் உதவிகளைச் செய்திட வேண் டும் என்று திரிணாமுல் முயற்சித்துக் கொண் டிருக்கிறது. தங்களுடைய சொந்த அரசியல் லாபத்திற்காகவும் தேர்தல் அனுகூலத்திற் காகவும் திரிணாமுல் காங்கிரஸ் நம்முடைய அரசியலமைப்புச் சட்டத்தையும், நாடாளு மன்ற ஜனநாயகத்தையுமே கேலிக் கூத்தாக் கிட தயாராகிக் கொண்டிருக்கிறது.
மார்க்சிஸ்ட் கட்சி மற்றும் இடதுசாரிக் கட்சி ஊழியர்கள் மீது திரிணாமுல் காங்கிரஸ் கொலைவெறித் தாக்குதல்களைத் தொடுத் திருப்பதிலிருந்து அதன் ஜனநாயக விரோத குணம் தெளிவாக வெளிப்படுகிறது. பதினைந் தாவது மக்களவைப் பொதுத்தேர்தல் அறிவிக் கப்பட்டதிலிருந்து இன்று வரை சுமார் 40 மார்க்சிஸ்ட் கட்சி ஊழியர்களையும், 2 பார் வர்ட் பிளாக் ஊழியர்களையும் கொலை செய் திருக்கின்றனர்.
தற்சமயம் கிழக்கு மிட்னாபூர் மாவட்டத் தில் நந்திகிராமம் மற்றும் கெஜூரியில் நடந்துகொண்டிருக்கும் சம்பவங்கள் மிகவும் அருவருக்கத்தக்க வகையில் அமைந்துள் ளன. மக்களவைத் தேர்தல் முடிவுகள் வெளி வந்தவுடனேயே, அத்தொகுதியில் தேர்ந் தெடுக்கப்பட்ட திரிணாமுல் காங்கிரஸ் நாடா ளுமன்ற உறுப்பினர் வெளிப்படையாகவே, நந்திகிராமமும், கெஜூரியும் 48 மணி நேரத்திற் குள் ‘‘மார்க்சிஸ்ட்டுகளிடமிருந்து விடுவிக் கப்பட வேண்டும்’’ என்று பேசியிருக்கிறார். திட்டமிட்ட தாக்குதல்களின் மூலமாக மார்க் சிஸ்ட் கட்சி ஊழியர்கள் மற்றும் ஆதரவாளர் கள் நந்திகிராமத்தில் பல கிராமங்களில் விரட்டியடிக்கப்பட்டார்கள். சந்தோஷ் பர்மன் என்னும் மார்க்சிஸ்ட் கட்சி ஊழியர் சடேன் கபாரி கிராமத்தில் கொல்லப் பட்டிருக்கிறார். ஆயிரத்திற்கும் மேற்பட்ட மக்கள் தங்கள் வீடுகளிலிருந்து தப்பியோட நிர்ப்பந்திக்கப் பட்டிருக்கிறார்கள். தேர்ந்தெடுக்கப்பட்டுள்ள பஞ்சாயத்து உறுப்பினர்கள், தங்கள் பதவி களை ராஜினாமா செய்துவிட்டு, ஓடிவிட வேண்டும் என்று மிரட்டப்பட்டிருக்கிறார்கள்.
ஜூன் 8 காலையிலிருந்தே, ஆயுதபாணிக் கும்பல் ஒன்று, மோட்டார் சைக்கிள்களில் வந்து கெஜூரியில் உள்ள மார்க்சிஸ்ட் கட்சி அலு வலகங்களைத் தாக்கி இருக்கிறது. அங்கிருந்த மார்க்சிஸ்ட் கட்சி ஊழியர்களின் வீடுகளில் புகுந்து பொருள்களைக் கொள்ளை யடித்தபின், வீடுகளைத் தீக்கிரையாக்கி இருக்கிறார்கள். இத்தாக்குதல்கள் 36 மணி நேரம் தொடர்ந்து நடைபெற்றிருக்கிறது. சுமார் 19 கிலோ மீட்டர் தூரம் வரை இருந்த, மார்க் சிஸ்ட் கட்சியின் அனைத்து அலுவலகங்க ளும் நன்கு திட்ட மிட்டு கொள்ளையடிக்கப் பட்டு, சூறையாடப் பட்டிருக்கின்றன. நூற்றுக் கும் மேற்பட்ட மார்க்சிஸ்ட் கட்சி ஊழியர்கள் கொடுங்காயங்களைப் பெற்றிருக்கின்றனர். 200க்கும் மேற்பட்ட வீடுகள் கொள்ளை யடிக் கப்பட்டு, தீக்கிரையாக்கப்பட்டிருக்கின்றன. ஆயிரத்திற்கும் மேற்பட்ட கிராமங்களிலிருந்த மக்கள் தங்கள் வீடுகளிலிருந்து வலுக்கட்டா யமாக விரட்டியடிக்கப்பட்டிருக்கின்றனர்.
இத்தாக்குதல்கள் தொடர்ந்து கொண்டிருக் கின்றன. ஜூன் 9 அன்று, கெஜூரிக்குச் சென்ற மாநில அமைச்சர்களை, உள்ளே விடா மல் திரிணாமுல் காங்கிரசார் தடுத்திருக் கின்றனர். பிரச்சனைகள் குறித்து மாவட்ட ஆட்சியர் மற்றும் காவல் துணை கண்காணிப் பாளரிடம் பேசுவதற்குக் கூட அவர்கள் மறுத்துவிட்டனர். மாநில அரசுடன் ஒரு மோதலை உருவாக்கி, அதனால் ஏற்படும் நிகழ்ச்சிப் போக்குகளை அடுத்து, ‘‘சட்டம் - ஒழுங்கு கெட்டுவிட்டதாகக்’’ கூறி மாநில அரசைக் கவிழ்க்க வேண்டும் என்பதே அவர்கள் நோக்கம் என்பது தெளிவு. அக்கட்சி யின் தலைவர், மாநில அரசுக்கு எதிராக அரசியலமைப்புச் சட்டம் 355ஆவது பிரிவை பிரயோகிக்க வேண்டும் என்று ஏற்கனவே கூப்பாடு போடத் துவங்கிவிட்டார்.
ஈயத்தைப் பார்த்து, இளித்ததாம் பித்தளை என்ற பழமொழிக்கு இதைவிடச் சிறந்ததோர் உதாரணம் கிடையாது.. முதலில் கொலை பாதகச் செயல்களில் ஈடுபடுவது, பின்னர் குய்யோ முறையோ என்று கத்தி, சட்டம் - ஒழுங்கு பிரச்சனை கெட்டுவிட்டதாகக் கூப் பாடு போடுவது, மத்திய அரசு தலை யிடவேண்டும் என்பது. இதுதான் திரிணா முல் காங்கிரசின் அரசியலாகும்.
1970களில் மார்க்சிஸ்ட் கம்யூனிஸ்ட் கட்சி, காங்கிரஸ் கட்சியாலும் பிற்போக்கு சக்திகளாலும் கட்டவிழ்த்துவிடப்பட்ட அரை பாசிச அரக்கத்தனத்தை எதிர்த்து, முறிய டித்துத்தான் வளர்ந்திருக்கிறது. அப்போது நடைபெற்ற போராட்டத்தில் ஆயிரக்கணக் கான தோழர்களை நாம் பலிகொடுத்துள் ளோம். பல்லாயிரக்கணக்கானோர் தங்கள் குடும்பங்களிலிருந்து பிரிந்து சென்றுள்ளனர். 1972இல் நடைபெற்ற மோசடித் தேர்தலில் வெற்றி பெற்றதை அடுத்து, காங்கிரஸ் இத்தகு அரைப் பாசிச அரக்கத்தன நடவடிக்கை களை மேலும் தீவிரப்படுத்தியது. மார்க்சிஸ்ட் கம்யூனிஸ்ட் கட்சி இதனை உறுதியுடன் எதிர்த்து, சமர்புரிந்து, வெற்றி பெற்று மேற்கு வங்கத்தில் மீண்டும் ஜனநாயகத்தை நிலை நிறுத்தியது. 1977இல் அவசரநிலைத் தோல்வி யடைந்ததை அடுத்து அரைப் பாசிச அடக்கு முறையும் முடிவுக்கு வந்தது. நாட்டில் ஜனநாயகம் மீண்டும் நிலைநிறுத்தப்பட்டது. அதன்பின்னர், இதுநாள்வரை, இடது முன் னணி அரசாங்கத்தை மேற்கு வங்க மக்கள் தொடர்ந்து தேர்ந்தெடுத்து வருகிறார்கள்.
இப்போதும் திரிணாமுல் காங்கிரசும் மற்ற பிற்போக்கு சக்திகளுடன் சேர்ந்து நின்று, மார்க்சிஸ்ட் கட்சி ஊழியர்கள் மற்றும் இடது சாரிகள் மீது கொலைவெறித் தாக்குதல் களைத் தொடுத்து, மீண்டும் ஜனநாயகத்தைக் கவிழ்த்து, கடந்த முப்பதாண்டு காலமாக அமைதியாகவும் ஸ்திரத்தன்மையுடனும் இருந்து வரும் மேற்கு வங்கத்தை சீர்குலைத் திட விரும்புமானால், அன்று அரைப் பாசிச அரக்கத்தனம் எவ்வாறு முறியடிக்கப்பட் டதோ அதேபோன்று இப்போதும், அத்தகு அரைப்பாசிச அரக்கத்தனம் உறுதியுடன் எதிர்த்து நின்று முறியடிக்கப்படும்.
தமிழில்: ச.வீரமணி