வாசிப்புப் பழக்கத்தின் முக்கியத்துவம்

எழுத்தறிவு என்பது பள்ளிக் கல்வியின் ஆதாரமாகும். ஆனால், துரதிர்ஷ்டவசமாக நம் நாட்டில் எழுத்தறிவு என்பது முதியோர் கல்வி யுடன் மட்டுமே பேசப்படும் பொருளாகிவிட் டது. உலகில் உள்ள எழுத்தறிவற்ற மக்கட் தொகையில் பெரும் பகுதியினர் இந்தியா வைச் சேர்ந்தவர்கள் என்பதால் இதில் ஒன் றும் ஆச்சரியப்படுவதற்கில்லை. ஏன் இந்தி யாவில் தொடர்ந்து எழுத்தறிவற்றவர்களின் எண்ணிக்கை நீடிக்கிறது? இதற்குக் கார ணம் இந்தியாவில் ஆரம்பக் கல்வி கற்ற பின் னரும் குழந்தைகளின் எழுத்தறிவின்மை தொடருவதுதான். குழந்தைகள் எட்டாண்டு கால ஆரம்பக் கல்வியை முடிக்காமலேயே வெளிவருவதாலும், ஆரம்பக் கல்வியை விட்டு வெளி வந்த பின்னர் படிக்கும் பழக் கத்தை விட்டுவிடுவதாலும் மீண்டும் எழுத் தறிவின்மை நிலைக்கே சென்றுவிடுகின்ற னர். எழுத்தறிவு பெற்ற குழந்தைகளிடமும் தொடர்ந்து படிக்கும் பழக்கத்தையும், ஆர்வத் தையும் பள்ளிக்கூடம் அவர்களுக்கு கற்றுக் கொடுக்காத குறையுள்ளது. படிக்கும் பழக்கம் தங்களின் அறிவை வளர்த்துக் கொள்ளவும், விழிப்புணர்வுடன் செயல்படவும் உதவிடும் என்பதை உணர்பவர்கள் மிகக் குறைவு.

பள்ளிக் குழந்தைகளிடம் செய்யப்பட்ட ஆய்வில் அவர்களின் படிக்கும் திறன் மிகவும் குன்றியிருப்பதும், அவர்களுக்கு அதற்கான பயிற்சியே கொடுக்கப்படுவதில்லை என் பதும் வெளிவந்துள்ளது அதிர்ச்சியளிப்பதாக உள்ளது. இதைச் சரி செய்வதற்கு பள்ளிக் கூட அளவில் தக்க நடவடிக்கை எடுக்க வில்லையெனில், புதிதாக நிறைவேற்றப்பட் டுள்ள கல்வி பெறும் உரிமைச் சட்டமே செயலற்றுப் போய்விடும். கற்றுக் கொடுக்கும் முறையில் மிகப் பெரிய மாற்றம் வரவேண்டும்.

பழைய கற்பிக்கும் முறையிலிருந்து ஆசி ரியர்கள் விடுபட வேண்டும். அன்றைய சமூக, கலாச்சார சூழலுக்குப் பொருந்திய கற்பித்தல் முறை இன்றைய காலச் சூழலுக்கு நிச்சயம் பொருந்தாது. அன்று மிகச் சிறுபான்மையராக இருந்த மேட்டுக் குடி மக்களுக்கு மட்டுமே கல்வி வழங்கப்பட்டது. இதனால் ஆசிரியர் தன்னுடைய மாணவர்களுக்கு எழுத்தின் வடிவத்தையும், அதன் ஒலி நயத்தையும் அவ சரமின்றி வருடக் கணக்கில் சொல்லிக் கொடுத்தார். கடுமையான பயிற்சியுடன் தேவைப்படும் போது தண்டனையும் கொடுக் கப்பட்டது. அன்றைய கல்வி முறையைப் பாராட்டிடும் சிலர், அன்று குழந்தைகள் பற்றி இருந்த கண்ணோட்டம் வேறு, இன்றிருக்கும் கண்ணோட்டம் வேறு என்பதை உணர்வ தில்லை. மேலும் அன்று கல்வி பெரும்பான் மையோருக்கு மறுக்கப்பட்ட சூழலுக்கும், இன்று கல்வி பரவலாக்கப்பட்டுள்ள சூழலுக் கும் உள்ள மாற்றத்தையும் நாம் உணர வேண் டும். அன்றைய கல்வி முறை குழந்தைகளின் இயல்பான சுபாவத்தையும், தனித்துவமான திறமைகளையும் மதிக்கத் தவறியது.

புதிய கல்வி முறை

மொழிகளைப் பயிலுவதற்கு குழந்தைக ளுக்கு இன்று புதிய யுக்திகளும் வசதிகளும் உள்ளன. குழந்தைகளின் மனோபாவத்திலும் பெரிய மாற்றம் ஏற்பட்டுள்ளது. உலகைப் புரிந்து கொள்ள வேண்டும், ஆய்ந்தறிய வேண் டும் என்ற ஆர்வம் குழந்தைகளிடம் இயல் பாகவே உள்ளது என்ற அடிப்படையில்தான் இன்றையக் கல்வி முறை அமைந்துள்ளது. இளம் பருவத்திலேயே அவர்களுக்கு புத்த கங்களுடனான உறவை உயிரோட்டமுள்ள தாக, அர்த்தமுள்ளதாக உருவாக்கிட வேண் டும். இல்லையேல் அவர்களின் எழுத்தறிவு பயனற்றதாகப் போய்விடும். அவர்களை அறிவு மற்றும் உணர்ச்சிப் பூர்வமாக வளர்த் தெடுக்க முடியாது.

பள்ளிகளில் பாடங்களை எந்திரகதியாக உரத்த குரலில் படிக்கும் குழந்தைகள், அவற் றின் அர்த்தத்தை உள்வாங்கிக் கொள்வதில் லை. இதனால் அவர்களுக்கு அடுத்தடுத்து புத்தகங்களைத் தேடிப் படிக்கும் ஆர்வம் வரு வதில்லை. குழந்தைகளால் பாடங்களை அதன் அர்த்தத்தை புரிந்து கொள்ளாமல் அப் படியே மனனம் செய்து ஒப்புவிக்க முடிகிறது. சூஊநுசுகூ (தேசிய கல்வி ஆராய்ச்சி மற்றும் பயிற்சி கவுன்சில்) முன்னாள் உறுப்பினர் சின்ன சாக்கோ ஒரு முறை ஒரு வகுப்பறையில் மாணவனை பாடத்தை வாசிக்கச் சொன்ன தும், அவன் உடனே எழுந்து நின்று “புத்தகத் துடன் படிக்கவா? புத்தகம் இல்லாமலேயே படிக்கவா?” என்று கேட்டது அனைவரையும் வியப்புக்குள்ளாக்கியது. கற்பித்தல் முறை களில் எந்த மாற்றமும் இல்லாமல் நம் பள்ளி கள் மியூசியங்கள் போல் இருப்பதை சின்ன சாக்கோ சுட்டிக் காட்டுகிறார். பழமையைப் பாதுகாப்பதில் நம் பள்ளிகள் கவனமாக இருக்கின்றன என்கிறார். இதனால் நாம் மிகப் பெரிய இழப்பிற்கு உள்ளாகிறோம்.

ஒரு ஜனநாயக நாட்டில் புத்தகம் படிக் கும் பழக்கம் உள்ள பொது மக்களின் பங்கு மிக முக்கியமானதாகும். அன்றாட சமூக, அரசி யல் பிரச்சனைகள் சம்பந்தமாக பொதுமக்கள் தங்களின் கருத்துக்களை வெளியிடுவது என்பது மிகவும் தேவையான ஒன்றாகும். விடு தலின்றி எல்லோரும் கருத்து தெரிவிப்பது என்பது கூட்டு சிந்தனைக்கும், முடிவுக்கும் இட்டுச் செல்லும். இன்றைய பரந்த உலகில் எழுத்தறிவு என்பது முக்கியமான ஆயுதமா கும். படிப்பறிவு வெறும் திறன் மட்டுமல்ல, அதுவொரு கலாச்சார அடையாளமும் ஆகும். புத்தகங்களைப் படிப்பதன் மூலம் நம்மைச் சுற்றி நடப்பவைகள் பற்றிய தெளிவான பார் வையைப் பெற முடியும். எனவே புத்தகங்களு டனான பரிச்சயத்தை இளம் பருவத்திலேயே வளர்ப்பது ஜனநாயகம் வெற்றியுடன் செயல் படுவதற்கு வழி வகுக்கும். படிப்பிற்கு இத்தகு முக்கியத்துவம் இருப்பதால் இப்பழக்கத்தை இளம் பருவத்தில் ஒரு திறனாகக் கற்றுக் கொடுக்க வேண்டும். படிக்கும் மனோபாவத்தை சிறு வயதில் கற்றுக் கொடுப்போமேயானால் அது வாழ்நாள் முழுவதும் பயன்படும் திற னாக அமையும். ஜனநாயகக் கடமைகளை ஆற்றிடவும் உதவிடும். இதை மனதிற் கொண்டு கற்பித்தல் முறைகளில் தேவை யான மாற்றங்களைக் கொண்டுவர வேண் டும். வெறுமனே புத்தகங்களை எழுத்துக் கூட்டி வாசிப்பதைத் தாண்டி, வார்த்தைக ளின் அர்த்தத்தை புரிந்து படிக்கும் அளவிற்கு குழந்தைகளின் திறனை வளர்த்தெடுக்க வேண்டும். இது வெற்றி பெற, தரமான புத்த கங்களும், குழந்தை இலக்கியங்களும் உரு வாக்கப்பட வேண்டும். புத்தகங்கள் குழந்தை கள் நேசிக்கின்றவைகளாக இருக்க வேண் டும். குழந்தைகளின் உள்ளார்ந்த ஆர்வத் தைத் தூண்டும் விதமாகவும், அவர்களை சமூ கத்துடன் இணைக்கும் படியாகவும் அமைய வேண்டும். புத்தகங்கள் சரியான சமூகப் பார் வையினைக் கொண்டிருக்க வேண்டும். அவர்கள் வாழும் சூழலில் உள்ள சமூக, கலாச்சார பன்முகத் தன்மைகளைக் கொண் டாடும் விதமாக இருக்க வேண்டும். குழந்தை களை அன்புடன் அரவணைத்துக் கற்றுக் கொடுக்கும் ஆசிரியர்கள் வேண்டும். ஆசிரி யர்கள் படிக்கும் பழக்கத்தை இயல்பாகவே உடையவர்களாக இருக்க வேண்டும். படிக் கும் பழக்கம் குழந்தைகளின் ஆற்றலையும் அறிவையும் வளர்க்கும் என்பதை உணர்த்தி, அவர்களை ஊக்குவிக்கும் ஆசிரியர்களாகத் திகழ வேண்டும்.

NCERTயின் பங்கு

குழந்தைகளின் படிக்கும் ஆர்வத்தைத் தூண்டிடும் வண்ணம் NCERT நாற்பது புத்த கங்களை வெளியிட்டுள்ளது. SSA திட்டத்தின் அடிப்படையில் NCERTயின் குழந்தைக் கல்வித் துறை வெளிக்கொண்டு வந்துள்ள இப்புத்தகங்கள் குழந்தைகளின் ஆர்வத்தை யும் தேவையையும் நிறைவேற்றிடும் வண் ணம் அமைந்துள்ளன. குழந்தைகளை மையப்படுத்தி எழுதப்பட்டுள்ள இச்சிறு புத்தகங்கள் புதுமையுடனும், நேர்த்தியுடனும், நிறைய படங்களுடனும் உள்ளன. “பார்க்கா” என்று பெயரிடப்பட்டுள்ள இப்புத்தக வரிசை யில் காட்டப்படும் குழந்தைகள் நம் வீடுக ளில் காணப்படும் குழந்தைகளைப் போலவே இயல்பாக இருப்பதால் இப்புத்தகங்களை குழந்தைகள் விரும்பி ஏற்றுக் கொள்வார்கள். அடிப்படையான மாற்றங்களுடன் கொண்டு வரப்பட்டுள்ள இப்புத்தகங்கள் இதற்கு முந்தைய முயற்சிகளை கேள்விக்குள்ளாக்கி, புறந்தள்ளக்கூடிய வகையில் உள்ளன. முதன் முறையாக இந்தியாவில் குழந்தைக ளுக்கான இலக்கியம் அல்லது புத்தக வரிசை உருவாக்கப்பட்டுள்ளது என்று கூறலாம். எல்லா மாநில அரசுகளையும் இது போன்ற புத்தக வரிசைகளை உருவாக்கச் சொல்லியும், ஆசிரியர்களை இத்தகு புது முயற்சிக்குப் பழக்கிடவும் NCERT கேட்டுக் கொண்டது. ஆனால் அதிர்ச்சியளிக்கக் கூடிய செய்தி என்னவென்றால் இந்த நல்ல முயற்சியில் ஈடுபட்டிருந்த NCERTயின் குழந்தைக் கல்விப் பிரிவை மூடுவதற்கான முடிவெடுக் கப்பட்டுள்ளது. இம்முடிவை மாற்றி,NCERTயின் குழந்தைக் கல்விப் பிரிவு மீண்டும் செயல்படுவதற்கான ஆணை யினை மத்திய மனித வளத் துறை அமைச் சகம் வெளியிட வேண்டும். NCERTயின் தலைமை மாநில அரசுகளையும், தன்னார்வக் குழுக்களையும், தனியார் புத்தக வெளியீட்டா ளர்களையும் குழந்தை இலக்கியங்களை உருவாக்கி அவைகளை நேர்த்தியாகவும், நிறையப் படங்களுடன் கவர்ச்சிகரமாகவும் வெளியிட ஊக்குவிக்க வேண்டும்.

சமீபத்தில் தேசிய புத்தக டிரஸ்ட் வெளியிட்டுள்ள புத்தகத்தில் பெண்களுக்கு எதிரான வன்முறையைச் சித்தரிக்கும் படம் அதிர்ச்சியளிக்கக் கூடியதாக இருக்கின்றது. பெண்களின் பிரச்சனைகளைச் சித்தரிக்கும் போது நாம் இன்றும் தொடர்ந்து தவறிழைக் கின்ற நிலையிலேயே இருக்கின்றோம் என் பது வருத்தத்திற்குரியது. ஏராளமான தன் னார்வக் குழுக்கள் குழந்தைகளுக்கான புத்த கங்களை வெளியிடுகிறார்கள். இவைகள் சரியான கருத்தோட்டத்துடன் தரமான புத்த கங்களாக இருக்கின்றனவா என்பதைக் கண் காணிக்க உரிய நிறுவனமும், நிபுணர்களும் இல்லாமல் இருப்பது மிகப் பெரிய குறை யாகும். இத்தகு தரக் குறைவான புத்தகங் களை அனைவருக்கும் கல்வி திட்டத்தின் நிதியிலிருந்து வாங்கி பள்ளிகளின் நூலகங் களை மாநில அரசுகள் நிரப்புகின்றன என்பது கவலையளிக்கின்றது. எனவே சூஊநுசுகூ தன்னுடைய தலைமைப் பாத்திரத்தைச் சரி யாக நிறைவேற்றி இந்தக் கொடுமைகளுக்கு முற்றுப்புள்ளி வைக்கும் என்ற எதிர்பார்ப்பு வலுப்பெற்றுள்ளது.

நன்றி ‘தி இந்து’ நாளிதழ் ஜனவரி 20

கிருஷ்ணகுமார்

கட்டுரையாளர்,

முன்னாள் இயக்குநர்-NCERT

தமிழில்: பேரா.பெ.விஜயகுமார்

ஹிரோஷிமா- நாகசாகி பின்னணியில் நடந்தது என்ன?

1945 ஆகஸ்ட் 6 மற்றும் 9 தேதிகளில் ஜப்பானிய நகரங்கள் ஹிரோஷிமா, நாகசாகி மீது அணுகுண்டுகள் போடப்பட்டன. உட னடியாகவே லட்சக்கணக்கான மக்கள் கொல்லப்பட்டனர். மேலும் பலர் கதிர்வீச்சி னால் பாதிக்கப்பட்டனர். அந்த இரு நகரங்க ளும் அவற்றின் சுற்றுப்புறங்களும் அடியோடு நாசமாகின. அணுகுண்டு வீச்சைப் பற்றியும் மனிதகுலம் அதுவரை சந்தித்திராத மோச மான விளைவுகள் குறித்தும் ஏராளமான கட் டுரைகள் வந்துவிட்டன. ஆனால் நாம் இந்தக் கட்டுரையில் பார்க்கப்போவது முற்றிலும் வேறானது. அணுகுண்டை மக்கள் மீது வீசு வதா, வேண்டாமா என்பது பற்றி அரசியல் தலைவர்கள், விஞ்ஞானிகளுக்கு இடையே குண்டுவீச்சுக்கு முன் நடந்த விவாதங்கள் பற்றியும் இறுதி முடிவு எடுக்கப்பட்ட விதம் குறித்தும் சில சுவாரசியமான விவரங்களைத் தற்போது பார்க்கலாம்.

அணுகுண்டை மக்கள் மீது போடக் கூடாது என்ற விஞ்ஞானிகளில் லியோ ஸிலார்ட் , ஆல்பர்ட் ஐன்ஸ்டீன் ஆகிய இருவரும் முக்கியமானவர்கள். இந்த இருவரும் அணுகுண்டின் ரகசியத்தைக் கண்டுபிடித்ததில் பிரதான பங்கினை வகித் தவர்கள். அதனால் அவர்களால் அது விளை விக்கக்கூடிய மிகப்பெரிய நாசத்தையும் முன்கூட்டியே நன்கு புரிந்துகொள்ள முடிந்தது.

அணுகுண்டு வீச்சின் பின்னணியைப் புரிந்துகொள்ள 1945-க்கு ஆறாண்டுகள் பின்னே போகவேண்டியுள்ளது. இங்கே சில கற்பனையான உரையாடல்கள் கொடுக்கப் படுகின்றன. உரையாடல்கள் கற்பனையாக இருந்தாலும் உண்மையில் நடந்த விஷயங் கள் அடிப்படையிலேயே அவை அமைக்கப் பட்டுள்ளன.

நமது கதை 1939 கோடையில் தொடங்கு கிறது. அணுப்பிளவு வினைகள் பற்றிய ஆய் வுகள் பிரான்சில் ஃப்ரெடெரிக் ஜோலியோட், ஐரீன் க்யூரி ஆகியோராலும் அமெரிக்காவில் ஸிலார்ட், என்ரிக்கோ ஃபெர்மி ஆகியோரா லும் செய்து முடிக்கப்பட்டு விட்டன. அணு ஆயுதங்கள் எவ்வளவு பயங்கரமானவை என் பதை ஸிலார்டினால் உடனே உணர முடிந் தது. மற்ற நாடுகளுக்கு முன் ஜெர்மனி அணு குண்டைக் கண்டுபிடித்து உலகை ஆட்டி வைக்கும் தன் நோக்கத்திற்கு அதைப் பயன் படுத்திவிடக் கூடாதே என்ற கவலை அவ ரை வாட்டியெடுத்தது. அவரும் யூஜின் விக் னர் என்ற மற்றொரு விஞ்ஞானியும் ஐன்ஸ்டீ னைச் சந்தித்தனர்.

விக்னர் : பெர்லினிலிருந்து உங்களது பழைய நண்பரை அழைத்து வந்திருக்கிறேன். அணுவிலிருந்து ஆற்றலைப் பெறுவது சம்பந் தமாக உங்களுடன் அவர் விவாதிக்க விரும்பு கிறார்.

ஐன்ஸ்டீன் : சரி.. அங்கே என்னதான் நடந்து கொண்டிருக்கிறது?

ஸிலார்ட் : யுரேனியம் அணுவைப் பிளந்தால் ஏராளமான சக்தி வெளிப்படும் என்பது உங்களுக்குத் தெரியும். இங்கேயும் பிரான்சிலும் அது பற்றி சில சோதனைகள் செய்யப்பட்டுள்ளன.

ஐன்ஸ்டீன் : நானும் அது பற்றிப் படித்தேன். பொருள் சக்தியாக மாறுவதால் அது நிகழ்கிறது.

ஸிலார்ட் : அணுப்பிளவு வினைகளை ஒன்றன்பின் ஒன்றாக சங்கிலித் தொடர்போல குறுகிய காலத்தில் நடத்த முடியுமானால் அது கட்டுப்படுத்த முடியாத ஏராளமான சக்தி யை வெளிப்படுத்தும். அது மனிதகுலம் இது வரை சந்தித்திராத ஒரு புதிய ஆயுதமாக ஆக முடியும் !

ஐன்ஸ்டீன் : ஆம், அது நிச்சயம் நடக்கக் கூடியதே. முனைந்து ஆய்வுகள் நடத்தி னால் அப்படி ஓர் ஆயுதத்தை சில ஆண்டு களிலேயே கண்டுபிடித்துவிட முடியும். ஆனால் அது மனிதகுலத்திற்கு மிக ஆபத்தானது !

ஸிலார்ட் : அதுதான் என்னுடைய கவலை. செக்கோஸ்லாவாக்கியாவிலுள்ள யுரேனியம் சுரங்கங்களை ஜெர்மனி ஏற்றுக் கொண்டிருக் கிறது. யுரேனியம் விற்பனையை அது நிறுத்தி யுள்ளது. நமது பழைய நண்பர் வெர்னர் ஹைசன்பர்க் அவர்களுக்கு உதவுகிறார் என்று நினைக்கிறேன்.

ஐன்ஸ்டீன் : உண்மை. நான் முற்றிலும் உங்களுக்கு ஆதரவாக இருக்கிறேன். ஆனால் என்ன செய்யலாம்? நான் எந்தவித குண்டுகளும் தேவையில்லை என்று நினைக் கிறேன். நாம் ஏதாவது செய்தாக வேண்டும்.

ஸிலார்ட் : கனடா, பெல்ஜியன் காங்கோ போன்று உலகத்தின் சில இடங்களில் யுரே னியம் கிடைக்கிறது. பெல்ஜியன் காங்கோவி லிருந்து யுரேனியம் ஜெர்மனிக்குக் கிடைக்கா மலிருப்பதை நாம் உறுதிப்படுத்த வேண்டும். அது மட்டுமல்ல, சங்கிலித் தொடர்வினைகள் பற்றி நாம் இங்கே ஆய்வுகள் செய்ய வேண் டும். என்ரிகோ பெர்மி இந்த விஷயத்தில் நம் மோடு இல்லை. நாம் அமெரிக்க அதிபர் ஃப்ராங்க்ளின் ரூஸ்வெல்ட்டிற்கு கடிதம் எழுத வேண்டும்.

ஐன்ஸ்டீன் : அது நல்ல யோசனை. அந்த கடிதம் எப்படி இருக்க வேண்டும் என் பதை நீங்கள் ஏன் தயாரிக்கக் கூடாது? அக் கடிதத்தை நான் அனுப்புகிறேன்.

அணுகுண்டு நோக்கி ஓட்டம் தொடங்கி விட்டது !

ஐன்ஸ்டீனும், ஸிலார்டும் முடிவு செய்த படி ஒரு கடிதம் 1939 ஆகஸ்ட் 2 அன்று அமெ ரிக்க அதிபருக்கு அனுப்பப் பட்டது. அந்த ஆண்டு செப்டம்பரில் ஜெர்மனி, போலந்தின் மீது படையெடுத்தது. இரண்டாவது உலக யுத்தம் அதிகாரபூர்வமாக அதிலிருந்து தொடங்கிவிட்டது. ஐன்ஸ்டீன்-ஸிலார்ட் கடிதத்தின் விளைவாக ஒரு `யுரேனியம் குழு’ அமைக்கப்பட்டது. ஆனால் அணு விஞ்ஞா னிகள் அடுத்த சில ஆண்டுகளில் குறிப்பி டத்தகுந்த ஆய்வு எதையும் செய்யவில்லை.

1941 டிசம்பரில்தான் இதற்கு முக்கியத் துவம் கொடுத்து ஒரு பெரிய அணு ஆய்வுத் திட்டம் தொடங்கப்பட்டது. அதுதான் பின்னா ளில் `மான்ஹட்டன் சோதனைத் திட்டம் (ஆயnாயவவயn ஞசடிதநஉவ)’ என்ற பெயரைப் பெற்றது. அது ஒரு ராணுவத் திட்டம் என்பதால் ஜெனரல் குரோவ்ஸ் அதற்குத் தலைமை ஏற்றார். அகில உலகப்புகழ் வாய்ந்த ஆயிரக் கணக்கான இயற்பியல், வேதியியல் விஞ் ஞானிகளும் பொறியாளர்களும் தங்களை ஈடு படுத்திக் கொண்ட மாபெரும் திட்டமாக அது உருவெடுத்தது. சில விஞ்ஞானிகளைக் குறிப்பிட வேண்டுமென்றால் என்ரிக்கோ பெர்மி, லியோ ஸிலார்ட், ஓப்பன்ஹீமர், வான் நியூமன், டோல்மன் போன்றோரைக் கூற லாம். திட்டத்தில் ஈடுபட்ட பெரும்பாலோருக்கு என்ன நடந்து கொண்டிருந்தது என்பது கூடப் பெரிதாக எதுவும் தெரியாது. ஜெர்மனி யில் நடைபெற்ற ஆய்வுக்கு ஆட்டோ ஹான், வைசாக்கர், வெர்னர் ஹைசன்பர்க் போன்ற விஞ்ஞானிகள் தலைமையேற்றனர். சோவி யத் யூனியனிலும் கூட குர்சடாவ் தலைமை யில் ஒரு சிறிய திட்டம் மேற்கொள்ளப்பட்டது. ஜெர்மன் ஆக்கிரமிப்பிற்கு எதிராக பிரான்ஸ் நடத்திய எதிர்ப்புப் போரில் முக்கிய பங்காற் றிய கம்யூனிஸ்ட் தலைவர் ஃப்ரெடரிக் ஜோலியோட் க்யூரி தன்னுடைய ஆய்வு அறிக்கைகளுடன் இங்கிலாந்திற்குக் குடி பெயர்ந்தார். அணுகுண்டை நோக்கிய ஓட்டம் தொடங்கிவிட்டது !

மேலே கூறப்பட்ட அனைத்துக் குழுக்க ளும் கட்டுப்படுத்தப்பட்ட சங்கிலித் தொடர் வினைகளை நடத்துவது குறித்த ஆய்வு களில் தங்களை முழுமையாக ஈடுபடுத்திக் கொண்டனர். இந்த பந்தயத்தில் 1943 ஆம் ஆண்டின் தொடக்கத்தில் மான்ஹட்டன் சோதனைத் திட்டமே வெற்றியடைந்தது.

1942-க்குப் பிறகு சோவியத் யூனியன் மீது ஜெர்மனி நடத்திய தாக்குதலும், பேர்ல் ஹார்பர் மீது ஜப்பான் நடத்திய தாக்குதலும் இரண்டா வது உலகப் போரின் திசையையே மாற்றிவிட் டன. ஆனால் 1944 இறுதியில் ஜெர்மனி எல்லா இடங்களிலும் தோல்வியைத் தழுவத் தொடங்கியது. ரோமில் முசோலினி பகிரங்க மாகத் தூக்கிலிடப்பட்டார். கிழக்கே ஜப்பான் மிகப் பெரிய தோல்விகளை சந்தித்துக் கொண்டிருந்தது. நேச நாடுகளின் ராணுவம் பிரான்சை விடுவிப்பதில் வெற்றியடைந்தது. 1945 மே மாத மத்தியில் சோவியத் யூனியனின் செஞ்சேனை பெர்லினை நெருங்கிவிட்டது. ஹிட்லருக்கு எங்கும் தோல்வி.

மீண்டும் அமெரிக்க சோதனைச்சாலை லாஸ் அலமாசுக்கு வருவோம். குண்டுவீச்சு சோதனைக்கு மூன்று மாதங்களுக்கு முன் னால் நடந்த நிகழ்வுகள் முக்கியமானவை.

இலக்கு நிர்ணயிக்கும் குழு

(கூயசபநவ உடிஅஅவைவநந)

1945 மே மாதம் இலக்கு நிர்ணயிக்கும் குழுக் கூட்டம் நடைபெற்றது. ஓப்பன்ஹீமர் தான் குழுத் தலைவர். ராணுவத் தலைவர் களுடன் வான் நியூமன், டோல்மன், பெதே போன்ற விஞ்ஞானிகளும் இந்தக் கூட்டத் தில் கலந்து கொண்டு இலக்கைத் தேர்ந்தெ டுப்பது, குண்டு வீசப்படும் இடத்தின் உயரம், பருவநிலை, புதிய குண்டு விளைவிக்கப் போகும் கதிர்வீச்சு மற்றும் உளவியல் பிரச் சனைகள் ஆகியவை பற்றி விவாதித்தனர். அந்த நேரத்தில் சிறிய பையன் (டுவைவடந க்ஷடில), குண்டு மனிதன் (குயவ ஆயn) என்று பெயரிடப்பட்ட இரண்டு குண்டுகளே கைவசம் இருந்தன.

ஓப்பன்ஹீமர் : குண்டுகளை எந்த இடத் தில் வெடிக்கச் செய்யலாம்?

பெதே : `சிறிய பையன்’ குண்டிலிருந்து அதிக அளவு சக்தியான 15000 டன் டிஎன்டி யைப் பெற உயரம் 2400 அடி இருக்கலாம். `குண்டு மனிதனி’டமிருந்து 5000 டன் சக்தி யைப் பெற 1500 அடி உயரம் தேவை.

ஓப்பன்ஹீமர் : இந்த குண்டுகளை எங்கே போடலாம்?

ஸ்டேன்ஸ் (ராணுவம்) : நாம் குண்டு வீசும் இடம் 3 மைல்கள் ஆரம் உள்ள நகரமாக இருக்க வேண்டும். நிறைய மக்கள் தொகை உடைய நகரமாக அது இருக்க வேண்டும். (அடடா, எவ்வளவு நல்ல மனசு ! ) ஆகஸ்ட் வரை இதுதான் இலக்கு என நிர்ணயிக்கப் படாத இடமாக அது இருக்க வேண்டும் ! கியோட்டோ, ஹிரோஷிமா, யோக்கோஹமா, கோக்குரா ஆர்சினல், நிகாட்டா போன்ற இடங்களைப் பரிசீலிக்கலாம். கியோட்டோ, ஹிரோஷிமா இரண்டும் ஹஹ இலக்குகள். யோக்கோஹமா, கோக்குரா ஆர்சினல் ஆகிய வை ஹ இலக்குகள். கடைசியாகக் குறிப்பிட்டது க்ஷ இலக்கு. சக்கரவர்த்தியின் அரண்மனை இலக்காக இருக்கக் கூடாது ! (சாதாரண மக் கள்தான் சாகவேண்டும் என்பதில் அத்தனை குறியாக அமெரிக்க ராணுவம் இருந்திருக் கிறது!) இறுதிப் பரிந்துரை ராணுவத் தலை மையிலிருந்து வர வேண்டும்.

குண்டை எங்கே போடுவது?

இந்த விவாதத்தை அடிப்படையாக வைத்து ஹிரோஷிமா, கியோட்டோ, யோக் கோஹமா, கோக்குரா ஆர்சினல் ஆகிய நான் கும் இறுதிப் பட்டியலில் இடம் பெற்றன. கடைசி நேரத்தில் கியோட்டோவை எடுத்து விட்டு அந்த இடத்தில் நாகசாகி சேர்க்கப்பட்டது.

இந்த எல்லா முயற்சிகளையும் தொடங்கி வைத்த லியோ ஸிலார்ட் இந்தக் கட்டத்தில் முற்றிலும் அணுகுண்டுகள் பற்றிய பிரமை கள் நீங்கிய மனிதராக ஆகிவிட்டார். அணு ஆயுதத்தைப் பயன்படுத்த வேண்டும் என்ற முடிவை அறிந்ததும் அவர் கலங்கிப் போனார். அதை எப்படியாவது தடுத்து நிறுத்த வேண் டும் என்று நினைத்தார். ஐன்ஸ்டீன் மூலமாக அதிபர் ரூஸ்வெல்ட்டை முதலிலும் பின்னர் ட்ரூமனையும் அவர் சந்திக்க எடுத்த முயற்சி கள் பலிக்கவில்லை. அவரோடு சேர்ந்து மான் ஹட்டன் சோதனைத் திட்டத்தில் ஈடுபட்ட 69 பேர் கையெழுத்திட்ட ஒரு மனு மூலம் அணு ஆயுதத்தை தார்மீக ரீதியிலும் மனித நேய அடிப்படையிலும் பயன்படுத்த அனும திக்க வேண்டாம் என்று அதிபரை கிட்டத் தட்டக் கெஞ்சினார் என்றே சொல்ல வேண்டும்.

விஞ்ஞானிகளின் மனு

“கீழே கையெழுத்திட்டுள்ள விஞ்ஞானி கள் அணு சக்தித் துறையில் பணிபுரிந்து வரு கிறோம். அண்மைக் காலம் வரை இந்தப் போரில் அமெரிக்கா மீது அணு ஆயுதத் தாக்கு தல் நடக்கக் கூடும் என்பது எங்களது அச்ச மாக இருந்தது. அதனால் திருப்பித் தாக்கும் வகையில் அணு ஆயுதம் வைத்திருப்பது ஒன்றே நமக்குப் பாதுகாப்பாக இருக்கும் என நம்பினோம். இன்று, ஜெர்மனி தோற்கடிக்கப் பட்டிருக்கும் சூழலில், அந்த ஆபத்து நீங்கி விட்டது. எனவே நாம் கீழ்க்கண்டவாறு சொல் லக் கடமைப்பட்டிருக்கிறோம் :

“போரை விரைவிலேயே வெற்றிகரமான ஒரு முடிவிற்குக் கொண்டுவர வேண்டும். அணு ஆயுதங்களைக் கொண்டு தாக்குதல் கள் நடத்துவது மிகச் சிறந்த ஒரு போர்முறை யாக இருக்கலாம். ஆனால் ஜப்பான் மீது இத்த கைய தாக்குதல் நடத்துவதை நியாயப்படுத்த முடியாது என நாங்கள் கருதுகிறோம்.”

-லியோ ஸிலார்ட் மற்றும் 69 பேர்

முனைவர் டியார்ஜி - பேராசிரியர் கே.ராஜூ

(இக்கட்டுரையின் அடுத்த பகுதி நாளை வெளியாகும்)

அறிவியல் மனப்பான்மை என்பது என்ன?

பேராசிரியர் கே.ராஜு

அறிவியல் கதிரிலும் தீக்கதிரின் பிற பக்கங்களிலும் பல அறிவியல் தக வல்களைப் படித்து வருகிறீர்கள். வேறு பல நூல்கள் மூலமாகவும் இணையதளத் தின் மூலமாகவும் உங்களுக்குப் பல அறிவியல் தகவல்கள் கிடைக்கின்றன. ஆனால் அறிவியல் தகவல் வேறு, அறி வியல் மனப்பான்மை என்பது முற்றிலும் வேறு. இந்த வித் தியாசத்தை நாம் தெளிவாகப் புரிந்து கொள்ள வேண்டியிருக்கிறது.

பேராசிரியர் ஜயந்த் விஷ்ணு நர்லிகர் புனேயில் உள்ள வானவியல் மற்றும் இயற்பியல் பல்கலைக் கழகங்களுக்கான மையத்தின் முன்னாள் இயக்குநர். மக் களிடையே அறிவியலைப் பரப்பும் பணி யைச் சிறப்பாகச் செய்தமைக்காக கலிங்கா விருது பெற்றவர். அகில இந் திய அறிவியல் இயக்கம் நடத்தும் `ட்ரீம் 2047’ மாத இதழில் அறிவியலைப் பற்றி யும் படித்தவர்களே கூட மூடநம்பிக்கைக ளுக்கு ஆட்படுவதைப் பற்றியும் விரிவாக எழுதியுள்ளார். அறிவியல் மனப்பான்மை யைச் சரியானபடி புரிந்து கொள்ள அக் கட்டுரை மிகவும் பயனுள்ளதாக இருக் கிறது.

அவர் சொல்கிறார் :

அறிவியல் வளர்ச்சியில் மூன்று படிகள் இருக்கின்றன.

1) பரிசோதனையில் சில புதிய விஷயங்களைக் கண்டுபிடித்தல்

2) கண்டுபிடித்தவைகளுக்கான அறிவியல் விளக்கம்

3) அவற்றின் அடிப்படையில் புதிய கண்டுபிடிப்புகளுக்கு வழிகோலுதல்

ஆகிய மூன்றும்தான் அவை.

அறிவியல் உலகு நிர்ணயிக்கும் தகுதிகள்

ஒருவர் சோதனைச்சாலையில் சில பரிசோதனைகள் செய்தோ அல்லது இயற்கை நிகழ்வுகளைக் கவனித்தோ அவற்றுக்கான அறிவியல்பூர்வமான விளக்கத்தைத் தருகிறார் என்று வைத் துக் கொள்வோம். அவரது முயற்சி வெற்றி பெறுமானால் வேறு சில புதிய எதிர்காலக் கண்டுபிடிப்புகள் பற்றிய தன் ஊகங்களை அவர் வெளியிடவும் செய்யலாம். ஆனால் அவை பரிசோத னைகள் மூலமாக அவர் காலத்தில் இல் லாவிடினும் எதிர்காலத்திலாவது நிரூபிக் கப்பட வேண்டும். அவர் தந்திருக்கும் விளக்கங்கள் தொடர்ந்து ஏற்கக் கூடிய வையாக இருக்குமானால் மட்டுமே அவர் உருவாக்கிய கொள்கை அறிவியல் உலகின் நம்பிக்கையைப் பெறும். அதே சமயம், அறிவியல் உலகம் எவருக்கும் - அவர் எவ்வளவு பெரிய விஞ்ஞானியாக இருந்தாலும் சரி - அவர் வகுத்த கொள் கை காலாகாலத்திற்கும் ஏற்புடையதாக இருக்கும் என்ற சான்றிதழைக் கொடுத்து விடாது ! எதிர்காலத்தில் வேறொரு பரி சோதனை அவரது விளக்கத்துடன் பொருந்தாமல் போனால் ஒன்று அது கை விடப்படும் அல்லது திருத்தியமைக்கப் படும்.

நியூட்டனும் ஐன்ஸ்டீனும்

நியூட்டன் கண்டுபிடித்த இரு பொருட்களுக்கிடையான ஈர்ப்பு விசை பற்றிய விதிகள் சில நூற்றாண்டு களுக்கு வெற்றிகரமாகத் தொடர்ந்தன. சென்ற நூற்றாண்டில் சூரியக் குடும்பத் தில் சில புதிய பரிசோதனைகள் செய்யப் பட்டபோது அவற்றுக்கு நியூட்டன் விதிகளால் விளக்கம் தர முடியவில்லை. ஐன்ஸ்டீனின் சார்பியல் தத்துவம் அவற் றுக்கு திருப்திகரமான விளக்கத்தைத் தந்தவுடன் அது ஏற்றுக் கொள்ளப்பட் டது. அதற்காக நியூட்டனை யாரும் குறை கூறுவதில்லை. அவருடைய காலத்தில் அறிவியல் வளர்ச்சியில் ஒரு குறிப்பிட்ட கட்டத்தை அடைய அவரது விதிகள் உதவி செய்தன என்பது உண் மை. அதே சமயம் பிற்காலத்தில் நியூட் டன் விதிகளைத் திருத்தியமைக்க அறி வியல் உலகம் தயங்கவில்லை. அறிவியல் முன்னேறுவது இப்படித்தான்.

இன்று யாராவது ஒருவர் ஐன்ஸ்டீன் தத்துவத்தைவிட மேலான தத்துவத் தைக் கண்டுபிடித்து விட்டதாகக் கூறி னால் அறிவியல் உலகம் அதை உடனே ஏற்றுக் கொண்டுவிடாது. அவர் தரு கின்ற விளக்கத்திற்குத் தகுந்த ஆதா ரங்கள் இருக்க வேண்டும். பரிசோத னைகள் மூலமாகவோ கணித சூத்திரங் கள் மூலமாகவோ அவை உறுதி செய் யப்பட வேண்டும்.

`ராமர் பெட்ரோல்’ என்ன ஆனது?

அறிவியல் மனப்பான்மை அறிவியல் வளர்ச்சியின் இந்த அம்சத்திலிருந்து உருவாகிறது. புதிய தகவல்கள் மற்றும் பிரகடனங்கள் நிரூபிக்கப்பட்ட உண்மை யுடன் உரசிப் பார்க்கும்போது சரியாகப் பொருந்த வேண்டும். இந்தத் தேர்வில் அவை தோல்வியுறுமானால் அவை தயவு தாட்சண்யமின்றி நிராகரிக்கப்படும். (சில ஆண்டுகளுக்கு முன் கிராமத்து இளைஞர் ஒருவர் உருவாக்கியதாகச் சொல்லப்பட்ட `ராமர் பெட்ரோல்’ இப்ப டித்தான் நிராகரிக்கப்பட்டது).