ஜெயலலிதாவே வந்தாலும் என்னை ஆட்டவோ அசைக்கவோ முடியாது:

கடந்த செப்டம்பர் 16 ஆம் தேதி சேலத்தில் இந்திய ஜனநாயக வாலிபர் சங்க தோழர்கள் மீது தாக்குதல் நடத்திய காவல்துறை ஆய்வாளர் சந்தோஷ்குமார் என்பவர் நடந்துக்கொண்ட விதம் தமிழக காவல்துறைக்கு மேலும் ஒரு கலங்கத்தை சேர்க்கும் என்பதில் எந்த சந்த்கமும் இல்லை. மிகவும் கேவலாம வார்த்தைகளையும் மனிதத்தன்மையற்ற தாகுதலையும் தொடுத்துள்ள ஒரு "சைக்கோ நோயாளி போல சந்தோஷ் குமார்" நடந்துக் கொண்டதாக சம்பவத்தை நேரில் பார்த்தவர்கள் கூறுகின்றனர். அப்படி என்னதான் டி.ஒய்.எப்.ஐ தோழர்கள் தவறு செய்தார்கள்.

சேலத்தில் 150 கோடி ரூபாய் செலவில் கட்டப் பட்ட சூப்பர் ஸ்பெஷாலிட்டி மருத்துவமனையை மூடியதைக் கண்டித்தும், உடனடியாக அந்த மருத்துவமனையை மக்கள் பயன் பாட்டிற்கு கொண்டுவர வேண்டும் என்பதை வலியுறுத்தியும் இப்படிபட்ட நியாயமான கோரிக்கையை முன்வைத்து நடைபயணம் நடத்திய வாலிபர்களைதான் சேலம் காவல்துறை கண்மூடித்தனமாக தாக்கியுள்ளது.

மத்திய, மாநில அரசுகளின் நிதியிலிருந்து சேலம் கலெக்டர் அலுவலகம் அருகில் சூப்பர் ஸ்பெஷா லிட்டி மருத்துவமனை கடந்த ஆட்சி காலத்தில் கட்டப்பட்டது. மத்திய அரசின் நிதி ரூ.100 கோடியும், மாநில அரசின் நிதி ரூ. 39 கோடியே 31 லட்சம் உள்ளடக்கி இந்த மருத்துவமனை கட்டப்பட்டது. அவசர கோலத்தில் கடந்த ஆண்டு ஆகஸ்ட் 20 அன்று அன்றைய முதல்வர் கருணாநிதியால் இம்மருத்துவமணை திறந்து வைக்கப்பட்டது.

444 படுக்கைகளும், 17 சிறப்பு சிகிச்சை பிரிவுகளும் செயல்படும் வகையில் மருத்துவமனை கட்டப்பட்டது. திறப்புவிழா நடத்தி திறக்கப் பட்டிருந்தாலும் முழுமையான கட்டுமான பணிகள் முடியாத நிலையில் மருத்துவமனை செயல்பாட்டிற்கு வந்தது. மருத்துவமனைக்கான உபகரணங்கள் வாங்கப்பட்டு துறைமுகத்தில் இருப்பதாகவும், அதைப் பெற்று மருத்துவமனையில் பொருத்தி செயல்பாட்டிற்கு கொண்டுவராமல் சுகாதாரத்துறை இருப்பதாகவும் குற்றச்சாட்டு உள்ளது.

இந்நிலையில் ஆட்சி மாற்றம் ஏற்பட்டதையடுத்து இம்மருத்துவமனை அனைத்து வசதிகளும் பெற்று மக்கள் பயன் பெறுவர் என்று நினைத்த நிலையில், சிகிச்சை பெற்று வந்த நோயாளிகளை வேறு மருத் துவமனைக்கு மாற்றிவிட்டு, இம்மருத்துவமனையை மூடிவிட்டது புதிய அரசு.

கடந்த ஆட்சியில் கொண்டு வந்த சமச்சீர் கல்வியை முடிவுகட்ட முயன்று நீதிமன்றத்தால் சூடு போடப்பட்டு மீண்டும் அமலாக்கிய கதையை, புதிய சட்டமன்றம் துவங்கி சிறப்பு மருத்துவமனை வரை விரிவாக்கியதன் விளைவு இம்மருத்துவமனையும் மூடப்பட்டது.

இந்த மருத்துவமனையை அனைத்து வசதிகளேடு மீண்டும் உடனே திறக்க 

வேண்டுமென வலியுறுத்தி வாலிபர் சங்கம் சார்பில் ஏற்கனவே ஜூலை 1ல் ஆர்ப்பாட்டம் நடைபெற்றது. இக்கோரிக்கைக்கு அரசு செவி சாய்க்காததால் சேலம் மாநகரத்தின் 7 முனைகளிலிருந்து மருத்துவமனையை நோக்கி நடை பயணத்திற்கு திட்டமிட்டிருந்தனர். காவல்துறையினரிடம் அனுமதியும் கேட்டிருந்தனர். இப் போராட்டத்திற்கு அனுமதி மறுக்கப்படுவதாக எந்த தகவலும் சொல்லாமல், போராட்ட தினத்தன்று திடீரென போராட்டம் நடந்த இடத் திற்கு வந்த ஆய்வாளர் சந்தோஷ்குமார், அனுமதி மறுக் கப்படுவதாக கூறிவிட்டு, அனைவரையும் கைது செய்வதாக கூறியுள்ளார். 

ஏன் அனுமதி மறுக்கப்பட்டதை முன்பே கூறவில்லை என்று கேட்டவுடன், தகாத வார்த்தைகளால் சங்கத்தின் மாநகரச் செயலாளர் பிரவீண் குமாரை திட்டி சட்டையைப் பிடித்து இழுத்தும், எந்தவித அறிவிப்புமின்றி கூடியிருந்தவர்கள் மீதும் பிரவீண் குமார் மீதும் தடியடி நடத்தி கைதுசெய்துள்ளார்கள்.

அத்தோடு நிற்கவில்லை காவல்துறையின் வெறித்தனம் ஆய்வாளர் சந்தோஷ்குமாரே மூன்றுரோடு மையத்தில் நடைபயணம் துவங்கும் இடத்திற்கு சென்று, வாலிபர் சங்கத்தின் மாநிலத் தலைவர் செ.முத்துக்கண்ணன், மாவட்டச் செயலாளர் சேகர் என அனைவர் மீதும் காட்டுமிராண்டித் தனமாக தாக்குதல் நடத்தியுள்ளார்.

இத்தாக்குதலில் மாநகர துணைச் செயலாளர் காளிதாஸ், மாநகரப் பொருளாளர் கதிர்வேல், புருஷேத்தமன், சதீஷ் ஆகியோர் மயக்கமடையும் அளவிற்கு தாக்கப்பட்டுள்ளனர். 60க்கும் மேற்பட்டோர் கடுமையான தடியடிக்கு ஆளாகியுள்ளனர். வாலிபர் இயக்கத்தின் மாநிலத் தலைவரின் கைப்பேசி உட்பட அனைவரது கைப்பேசியையும் கைபற்றி கிரிமினல் கைதிகளைப் போல் நடத்தியுள்ளனர்.

தான் சசிகலாவின் சொந்தக்காரன் எனவும், ஜெயலலிதாவே வந்தாலும் என்னை ஆட்டவோ அசைக்கவோ முடியாது என்று சொல்லியபடி கடுமையாக அந்த சந்தோஷ்குமார் என்கிற அதிகாரி தாக்கியுள்ளார். பாவம் அவருக்கு வாலிபர் இயக்கத்தின் வரலாறும் தெரியாது, தமிழக மக்களின் கோபமும் தெரியாது என நமக்கு புரிகிறது. தமிழ்நாட்டில் எந்த மருத்தவமனையிலாவது நோயாளிகளுக்கு இரத்தம் வேண்டுமென்றால் மருத்துமனை அதிகாரிகள் உடன் அனுகுவது இந்திய ஜனநாயக வாலிபர் சங்கத்தைதான். மிகச்சிறந்த இரத்ததான அமைப்பு என இரண்டுமுறை தமிழக அரசின் விருதினை பெற்ற அமைப்பு இது. 

சேலத்தின் காவல்துறை மிகவும் கீழ்தரமாக, கேவலாமக நடத்துக்கொண்ட கடுமையான தாக்குதலை தொடுத்த வாலிபர்கள் பலமுறை இரத்த தானம் செய்து பாராட்டுதல்களை பெற்றவர்கள். மாவட்டச்செயலாளர் சேகர், மாநகர செயலாளர் பிரவீன்குமார், மாநகர துணைச் செயலாளர் காளிதாஸ், மாநகரப் பொருளாளர் கதிர்வேல், புருஷேத்தமன், சதீஷ் ஆகியோர் எந்த நேரத்தில் யார் தொலைபேசியில் அழைத்து இரத்த தானம் வேண்டும் என்றாலும் ஏற்பாடு செய்வார்கள்.

குறிப்பாக இவ்வமைப்பின் மாநிலத் தலைவர் செ.முத்துக்கண்ணன் திருப்பூரை சேர்ந்தவர். மாணவ பருவம் முதல் பாதிக்கப்படும் மக்களுக்காக போராடி வருபவர். திருப்பூர் அரசு பொது மருத்துவமனை பல பத்தாண்டுகளாக தூய்மையில்லாமல் இருந்த நிலையை மாற்ற 2005 ஆம் ஆண்டு 1000 இளைஞர்களை திரட்டி அவர்களுக்கு தலைமையேற்று  20 லட்சம் வசூல் செய்து மிகச்சிறப்பாக உழைப்புதானம் செய்து அந்த மருத்துவமனையை புண்ரமைத்த வாலிபர் இயக்கத்தின் தலைவர். இதற்காக திருப்பூரை சேர்ந்த பல அமைப்புகள் பாராட்டியுள்ளனர்.

உழைப்புதானம், இரத்த தானம், கண்தானம், இரவு பாடசாலைகள், உடற்பயிற்ச்சி கூடங்கள், தெரு விளக்கு பிரச்சனை முதல் தேசப்பிரச்சனை வரை கையில் எடுத்து போராடும் ஒரு இளைஞர் அமைப்பு பல ஆயிரம் மக்கள் பயன்படுத்து ஒரு மருத்துவமனை மூடிக்கிடப்பதை பார்த்து சும்மா இருப்பது இயலாத காரியம். உலகமய கொள்கையின் விளைவாக ஒட்டுமொத்த சுகாதாரத்தையும் தனியாரிடம் விடுவதற்கு ஆட்சியாளர்கள் துடிக்கும் போது, கிடைத்த அரசின் மருத்துவமனையை பாதுகாப்பது மக்களை நேசிக்கும் ஒரு அமைப்பின் கடமை. அதைதான் சேலத்தில் அந்த இளைஞர்கள் செய்தார்கள். அதற்குதான் இப்படி கொடுமையாக தக்கப்பட்டார்கள். 

அடித்த ஆய்வாளருக்கு தெரியவில்லை. தங்கள்துறை ஆளும் கட்சியின் ஏவல்துறை என. ஆட்சிகள் மாறும் போது ஆட்சியாளர்களுக்கு ஆதரவாக வாலாட்டுவதுதான் நேர்மை என நினைக்கிறார் போலும். ஆடிய வால்கள் பலமுறை ஒட்ட நறுக்கிய பழக்கம் மக்கள் இயக்கத்திற்கு இருக்கிறது. தான் சசிகலாவின் சொந்தகாரன் என்று அவர் கூறியது காற்றில் சுற்றித்திரிந்துக்கொண்டே இருக்கும். 

பிறர் நிலங்களை அபகரித்த போது கைகட்டி ஏவல் செய்து, ஆட்சி மாறியதும் ஏவல் செய்த எஜமானர்களை கைது செய்யும் காவல்துறை, செய்த தவறுக்காக விரைவில் தன்னையும் கைது செய்யும். அப்போது இந்த ஆய்வாளர் வருத்தப்பட்டு ஆவது ஒன்றுமில்லை என்பதை மட்டும் சொல்லி வைப்போம்.

நன்றி தோழர்.S.G.ரமேஷ்பாபு

செருப்பில் சேகுவேரா படம் : செருப்பை எரித்து DYFI போராட்டம்

உலக உழைப்பாளி மக்களின் விடிவெள்ளியான புரட்சியாளர் சேகுவேரா வின் உருவத்தை காலணி யில் பொறித்து வெளியிட்டு இருப்பதைக் கண்டித்து இந்திய ஜனநாயக வாலிபர் சங்கத்தின் சார்பில் காலணி களை தீயிட்டு கொளுத்தும் போராட்டம் நடைபெற் றது.

சேகுவேராவின் உரு வத்தை காலணியில் பொறித்து, இழிவுப்படுத்தும் நோக்கத் துடன் வெளியிட்டுள்ளதை இந்தியாவில் தடை செய்ய வேண்டும். சேகுவேராவின் உருவபடத்தை காலணியில் பொறித்து வெளியிட்டுள்ள நிறுவனத்தின் மீது வழக்கு பதிவு செய்ய வேண்டும் என் பன உள்ளிட்ட கோரிக்கை களை வலியுறுத்தி இப் போராட்டம் நடைபெற் றது.

காமாராஜர் சிலை எதிரே நடந்த, இந்த தீயிட்டு கொளுத்தும் போராட்டத்திற்கு டிஒய்எப்ஐ புதுவை பிரதேசத் தலைவர் சந்துரு தலைமை தாங்கினார். பிரதேச பொருளாளர் பிரபு ராஜ், நகரத்தலைவர் சரவ ணன், எஸ்எப்ஐ பிரதேச செயலாளர் ஆனந்து, இளை ஞர் பெருமன்றத்தின் மாநி லத் தலைவர் அன்துவான், செயலாளர் செல்வம், கீர்த்தி வர்மன் ஆகியோர் கண்டன உரையாற்றினார்.

திரளான வாலிபர்கள் போராட்டத்தில் கலந்து கொண்டு காலணிகளை எரித்தனர். மேலும் புதுச் சேரியில் சேகுவேரா உருவம் பொறித்த காலணிகளை அவர்களின் கோரிக்கையை ஏற்று புதுவை அரசு தடை விதித்து உள்ளது

பெட்ரோல் விலை உயர்வை எதிர்த்தால் கொடுர தாக்குதல் திமுக அரசின் பொங்கல் பரிசு

முத்தமிழ் அறிஞர் டாக்டர் கலைஞர் கருனாநிதியின் ஆட்சியில் போராட்டங்களாக ஒருபோதும் கூடாது

இளைஞன் என்ற திரைப்படத்திற்கு கதை வசனம் எழுதுவோம் இளைஞர்களை தன்மானமும் போராட்ட குணமும் கொண்டவர்களாக மாற்றுதற்காக அல்ல அவர்கள் இந்த படத்தை பார்த்துவிட்டு டாஸ்மார்க்கடையில் குடித்துவிட்டு மானம் இழந்து அறிவு இழந்து கிடக்கவேண்டும் என்பதற்காக இப்படிப்பட்ட எனது ஆட்சியல் இளைஞர்கள் போராட வருவதும் அவர்கள் மறியல் ஆர்ப்பாட்டம் செய்வதும் தேசவீரோத செயல் .

பெட்ரோல் விலைகளை பெட்ரோலிய நிறுவனங்களே தீர்மானித்துக் கொள்ள மத்திய அரசு அனுமதி வழங்கியுள்ளது. இந்த அனுமதி வழங்கப்பட்ட கடந்த ஆறு மாதங்களில் ஏழு முறை பெட்ரோல் விலை உயர்ந்துள்ளது. கடந்த 30 நாட்களில் இரண்டாவது முறையாக பெட்ரோல் விலை உயர்த் தப்பட்டுள்ளது.

இந்த விலை உயர்வை திரும்பப் பெற வலியுறுத்தி இந்திய ஜனநாயக வாலிபர் சங்கத்தின் தென்சென்னை மாவட்டச் செயலாளர் ச. லெனின், பொருளாளர் தாமு, வடசென்னை மாவட்டத் தலைவர் இல. சண்முகசுந்தரம், செயலாளர் விஜயகுமார், பொருளாளர் முருகன் ஆகியோர் தலைமையில் செவ்வாயன்று (ஜன.18) நுங்கம்பாக்கத்தில் உள்ள இந்தியன் ஆயில் பவனை முற்றுகையிட ஊர் வலமாக வந்தனர்.

இந்தியன் ஆயில் பவன் முன்பு ஆர்ப்பாட்டத்தில் ஈடுபட்டவர்களுடன் காவல் துறையினர் வாக்குவாதத் தில் ஈடுபட்டனர். இதனால் தள்ளு முள்ளு ஏற்பட்டது. இந்நிலையில் பிரதமர் மன்மோகன் சிங்கின் உருவ பொம்மையை தீயிட்டு கொளுத்தினர்.

தடியடி

இதனையடுத்து போலீசார் காட்டு மிராண்டித்தனமாக தடியடி நடத்தினர். கீழே விழுந்தவர்களை போலீசார் சுற்றி வளைத்துக் கொண்டு தாக்கிய தோடு, பூட்ஸ் கால்களால் மிதித்தனர். லத்தியை கொண்டு வயிற்றில் குத்தினர். இந்த தாக்குதல்களில் 8 பேர் காயம டைந்தனர்.

இதனிடையே, ஒரு பகுதியினர் இந்தியன் ஆயில் பவனுக்குள் நுழைந்து ஆர்ப்பாட்டம் செய்தனர். அவர்களை போலீசாரும், அடையா ளம் தெரியாத நபர்களும், ஆயில் பவன் ஊழியர்களும் சுற்றி வளைத்து தாக்கினர். இத் தாக்குதலில் முரளி (மயிலை), சுரேஷ் (சோழிங் கநல்லூர்), குமரன் (சைதை), மணி (ஆயிரம் விளக்கு), ரமேஷ் (எழும்பூர்), உதயா (அண்ணாநகர்), சுரேஷ் (வேளச்சேரி), ஜெயந்த் (தாம்பரம்) ஆகிய 8 பேரும் பலத்த காயமடைந்தனர்.

ஆர்ப்பாட்டம் செய்து கொண்டிருந்தவர்களை போலீசார் கீழே தள்ளி தரதரவென்று இழுத்து வேனில் தூக்கி எறிந்தனர். பின்னர் வேனுக்குள் ஏறி லத்தியால் தாக்கி பூட்ஸ் காலால் உதைத்தனர். இதனால் அந்த இடம் போர்க் கோலமாக காட்சி அளித் தது.

தோழர்கள் குமார்-ஆனந்தனுக்கு வீரவணக்கம்

மாபெரும் சபைகளில் நீ நடந்தால்

உனக்கு மாலைகள் விழ வேண்டும் - ஒரு

மாற்றுக் குறையாத மன்னவன்

இவனென்று போற்றிப் புகழ வேண்டும்!....

என்கிற கவிஞனின் வரிகள், பொதுவாழ் வில் எப்படி இருக்க வேண்டுமென்பதை எடுத்துரைக்கின்றது. அந்த வரிகளுக்கு ஏற்ப மாற்றுக் குறையாமல் போராடியதால் உயிர்த் தியாகம் செய்தவர்கள் தோழர்கள் குமார் - ஆனந்தன். அவர்கள் என்றும் எங்கள் இதயங் களின் மா மன்னர்கள். தான் வாழும் பகுதி மக் களை பாதுகாக்க போராடியவர்கள். கள்ள சாரா யத்தால் ஒரு உயிர் கூட பலியாகக் கூடாது என்பதற்காக தன்னுயிரை துறந்த தியாகச் செம்மல்கள். சமூக விரோதக் கும்பலுக்கு துணைபோயிருந்தால் ஏதோ வாழ்ந்து மடிந்திருக்கலாம். மாறாக, அதில் துளி கூட குறைவில்லாமல் கொண்ட கொள்கையில் உறுதியுடன் நின்று மடிந்த இளம் வீரர்கள்....

ஆம். 1999ம் ஆண்டு ஜூன் 26 அன்று போதை கலாச்சாரத்திற்கும், சமூக விரோதக் கும்பலுக்கும் எதிராக போராடியதால் வெட்டி வீழ்த்தப்பட்டவர்கள் தோழர்கள் குமார் - ஆனந்தன். அவர்கள் நம்முடன் இருந்து பிரிந்து இன்றோடு 11 ஆண்டுகள் உருண் டோடிவிட்டன. கடலூர் புதுப்பாளையம் பகுதி யில் குமார் - ஆனந்தனை தெரியாத நபர்கள் இல்லை. ஏன், தமிழகம் முழுவதும் ஈரமுள்ள இதயங்களில் இன்றும் அவர்கள் வாழ்ந்து கொண்டு இருக்கின்றனர். அதே தினம் ஜூன் 26 உலகப் போதை எதிர்ப்பு தினமாக கடைப்பிடிக்கப்படுகிறது.

எதிர்காலத் தலைமுறையை வளர்த் தெடுக்கும் பங்கு அந்நாட்டின் அரசுக்கு மிகப் பெரும் கடமை. அதற்கு உந்து சக்தியாகத் திக ழும் துறைகள் கல்வியும், சுகாதாரமும் தான். இது முழுக்க நம் நாட்டில் தனியார் கைகளில் கொள்ளைக் கூடமாக உள்ளது. தனியார் கல்வி நிறுவனங்களுக்கு அரசு நிபந்தனை விதித்தால் அதனை ஏற்க மறுக்கும் அள வுக்கு இன்று தனியார் முதலாளிகளின் கரங் கள் வலுப்பெற்று உள்ளது. ஒவ்வொரு மனித னும் தன் பிள்ளைகளை சிறந்த மாணவனாக தலைநிமிர்ந்து சமுதாயத்தில் வாழ வேண்டும் என நினைப்பது சரியே. அதனையே காரணம் காட்டி மிக அதிக அளவில் வசூல் வேட்டை நடத்திடுவது என்ன நியாயம்.

கடந்த பல ஆண்டுகளாக புதுப்பாளையம் பகுதி மக்களின் வளர்ச்சிக்காக இந்திய ஜன நாயக வாலிபர் சங்கமும், மார்க்சிஸ்ட் கம்யூ னிஸ்ட் கட்சியும் இணைந்து பல வழிகளில் செயல்பட்டு வருகின்றன. 20வது வார்டு நக ராட்சிப் பணிகளை மக்களின் துணையோடு செய்து வருகிறார்கள். மேலும் பல வழிகளில் முன்னேற்றம் காண வேண்டியுள்ளது.

11வது ஆண்டு நினைவு தினத்தில் குமார் - ஆனந்தன் படிப்பகத்தில் இரவு நேர இல வச பாடசாலை துவக்கவிழா நடைபெறவுள் ளது. 3ம்வகுப்பு முதல் 9ம் வகுப்பு வரை பயி லும் மாணவ - மாணவிகளுக்கு தினமும் மாலை நேரத்தில் டியூசன் நடத்திட உள்ள னர். இதற்கு பொறியியல் மற்றும் உயர் கல்வி படித்த இளைஞர்கள் ஆசிரியர்களாக பணி யாற்ற முன்வந்துள்ளது பாராட்ட வேண்டியதா கும். கல்வி வியாபாரமாகியுள்ள இச்சூழ் நிலையில் இலவச பாடசாலை அப்பகுதி மக்களின் வளர்ச்சிக்கு பெரிதும் உதவி செய்யும் என்பது திண்ணம்.

நம் வாழ்வில் தடைகள் பல வந்தாலும் அதனை தகுந்த வழியில் தகர்த்தெறிந்து மக்கள் பணிகளில் முழுக் கவனம் செலுத்தி, சமூக மாற்றத்தை முன்னெடுத்துச் செல் வதே நாம் தோழர்கள் குமார் - ஆனந்தனுக்கு செலுத்தும் வீரவணக்கம்!

ஆர்.தாமோதரன், நெய்வேலி

சமச்சீர் கல்வி : போராட்டத்திற்கு கிடைத்த வெற்றி

நீண்ட தாமதத்திற்கு பின் தயக்கத் தோடு சமச்சீர் பள்ளிக்கல்வி முறையை தமிழ கத்தில் படிப்படியாக நடைமுறைப்படுத்துவ தாக தமிழக அரசு அறிவித்துள்ளது. தமிழகத் திலுள்ள நான்கு விதமான பள்ளிக்கல்வி வாரி யங்களை ஒன்றிணைத்து, ஒரே பொது பள்ளிக் கல்வி வாரியமாக மாற்று வது எனவும், வரும் கல்வியாண்டில் 1ம் வகுப்பு மற்றும் 6ஆம் வகுப்பிற்கு ஒரே பொது பாடத்திட்டத்தை அறி முகப்படுத்தப் போவதாகவும் அறிவித்துள்ளது.

இந்த அறிவிப்பிற்கு பின்னால், நீண்ட வீரம் மிகுந்த மாணவர் போராட்டம் இருக் கிறது. பத்தாண்டு காலமாக தமிழக பள்ளிக் கல்வியின் அவலத்தை அம்பலப்படுத்தி, ஏழை, எளியோருக்கு ஒருவித கல்வி, பணம் படைத்தோருக்கு ஒருவித கல்வி என்ற ஏற்றத்தாழ்வான பள்ளிக்கல்வி முறையின் சீர்கேட்டை கண்டித்து, இந்திய மாணவர் சங்கம் தொடர் இயக்கம் நடத்தியது.

1969க்கு முன் ஒரே பள்ளிக்கல்வி வாரி யம்தான் தமிழகத்தில் இருந்தது. மேட்டுக்குடி வீட்டு பிள்ளைகளும், கீழத்தெரு பிள்ளை களும் அரசுப் பள்ளிகளில்தான் படித்தார்கள். மெட்ரிக் பள்ளிகள் கொஞ்சம் கொஞ்ச மாக பெருகி, 1974ல் 34 ஆக இருந்த மெட்ரிக் பள்ளிகள், மத்திய அரசு புகுத்திய கல்விக் கொள்கை அறிமுகமான 1986க்குப் பிறகு மழைக்காளான்களாய் முளைக்கத் துவங்கி, இன்று தனி பள்ளிக்கல்வி வாரியத்துடன் சுமார் 4000 பள்ளிகளாக பெருகியுள்ளன. இவற்றிற்கென தனிபாடத்திட்டம், தனி புத்த கங்கள், தனியான தேர்வுமுறை, மதிப்பீட்டு முறை ஆகியன உள்ளன. சுமார் 25 லட்சம் மாணவர்கள் இப்பள்ளிகளில் பயின்று வருகின்றனர்.

ஆனாலும் தமிழகத்தில் 70 சதவிகித மாணவர்கள், அரசு மற்றும் உதவிபெறும் பள்ளி களையே நம்பியுள்ளனர். அரசு பள்ளிகள், போதிய ஆசிரியர் இன்மை, அடிப்படை வசதி கள் இன்மை என தடுமாறுகின்றன. இதனால் கல்வி பெறும் அடிப்படை உரிமையை முறை யாக பெறமுடியாமல் மாணவர்கள் பாதிக்கப் படுகின்றனர். மாநில அரசு கல்விக்கென 30 சதவிகித நிதி பட்ஜெட்டில் ஒதுக்க வேண்டு மென்ற கோத்தாரி கமிஷனின் வேண்டு கோள், பரண்மேலிட்ட விளக்காக பயனற்றுக் கிடக்கிறது.

இவ்வாண்டு பொறியியல் மாணவர் சேர்க் கையில் வாய்ப்பு பெற்று கல்லூரி நுழைந் திட்ட மாணவர்களில் 35 சதவிகிதம் பேரே தமிழ்வழியில் பயின்றவர்கள் என்கிறது அரசின் புள்ளிவிபரம்.

உயர்கல்வி வியாபாரம் இதற்கொரு முக்கிய காரணமென்றாலும், மாணவர் சேர்க் கைக்கான போட்டி கடுமையாக உள்ள, மிக அதிக மதிப்பெண்கள் தேவைப்படும் அரசு மருத்துவக்கல்லூரிகள் மற்றும் அரசு பொறியியல் கல்லூரிகளில் சேருவோரில் 10 சதம் பேரே தமிழ்வழியில் பயின்றவர்கள் உள்ளனர். சமூகத்தின் உயர் வருமான பிரிவி னரே சேர இயலும் ரெசிடன்சியல் பள்ளி எனப்படும் தனியார் உண்டு, உறைவிடப் பள்ளி மாணவர்களே அதிக மதிப்பெண்கள் பெற்று, அக்கல்லூரிகளின் இடங்களை அப கரித்துக்கொள்கின்றனர். பள்ளிக்கல்வி சமச் சீரற்ற தன்மையில் உள்ளதே இதற்கு காரணம்.

அதே வேளையில் ஒருபுறம் உயர்கல்வி வாய்ப்புகளிலிருந்து ஏழை மாணவர்கள் துரத்தியடிக்கப்படுவதோடு, மறுபுறம் ஆங் கிலவழி மோகத்தைக் காட்டி தரமற்ற மெட்ரிக் பள்ளிகள் பல்கி பெருகிவருகின்றன. கல் நெஞ்சத்தாரின் கண்களையும் குளமாக்கிய கும்பகோண துயரமே அதற்கு உதாரணம். பெருகும் இப்பள்ளிகள் ஆண்டுக்கு ஐம்பது சத கட்டண உயர்வோடு, பெற்றோரை அலைக்கழிக்கின்றன.

இத்தகைய அவலத்தை போக்கிட, தமிழக பள்ளிக்கல்வி சமச்சீரான தன்மை யில் இருக்க வேண்டும். எனவே, சமச்சீர் பள்ளிக் கல்விமுறை தமிழகத்தில் நடை முறைப்படுத்தப்பட வேண்டும் என இந்திய மாணவர் சங்கம் கோரிக்கை வைத்தது. அதோடு நில்லாமல் ஆட்சியாளர்களின் கவ னத்தை ஈர்க்கவும், மாணவர்களையும், மக் களையும் கோரிக்கையின் பின்னால் அணி திரட்டிடவும் அடுக்கடுக்கான போராட்டங் களை நடத்தியும் வந்துள்ளது.

2003 ஜனவரியில் திருச்சியில் நடை பெற்ற இந்திய மாணவர் சங்கத்தின் 19வது மாநில மாநாட்டின் போதே சமச்சீர் பள்ளிக் கல்வியை வலியுறுத்தி தீர்மானம் நிறைவேற் றப்பட்டது. 2004 ஆகஸ்ட் 6 அன்று சமச்சீர் பள்ளிக்கல்விமுறை கேட்டு மாநிலம் தழுவிய எழுச்சிமிகு ஆர்ப்பாட்டம் நடைபெற் றது. அதையொட்டி சென்னை பள்ளிக்கல்வி இயக்குநரகத்தில் அப்போதைய மாநில தலை வர் ஜி. செல்வா தலைமையில் மனு கொடுக் கச் சென்ற எஸ்எப்ஐ தோழர்கள், காவல் துறையால் கடுமையாகத் தாக்கப்பட்டனர். மாணவிகள் என்று கூட பாராமல் தோழர்கள், வெண்மதி, சகிலா ஆகியோரை காவல்துறை யினர் ஷு கால்களால் வயிற்றில் மிதித்து காயப்படுத்தினர். தோழர் செல்வா உட்பட பலர் வாரக்கணக்கில் மருத்துவமனையில் தங்கி சிகிச்சை பெற்றனர்.

2006ல் முனைவர் முத்துக்குமரன் குழு அமைக்கப்பட்டது. அக்குழு தமிழகம் முழு வதும் சென்று கருத்துக் கேட்ட போது, இந்திய மாணவர் சங்கம் தனது கருத்துக்களை வலுவாக எடுத்துரைத்தது. பல தரப்பினரின் கருத்துக்களைக் கேட்டும், தமிழக பள்ளிக் கல்வி குறித்து ஆய்வும் செய்த அக்குழு தனது அறிக்கையை 2007 ஜுன் மாதம் அரசி டம் ஒப்படைத்தது. அவ்வறிக்கை 2007 அக் டோபர் 17 அன்று சட்டமன்றத்தில் முன்வைக்கப்பட்டது.

தமிழக அரசு, முனைவர்.முத்துக்குமரன் குழு அறிக்கையை கிடப்பில் போட்டது. ஏற்கனவே ஓராண்டு காலம் விரிவாக ஆய்வு நடத்தி, தயாரிக்கப்பட்ட அறிக்கை குறித்து ஆய்வு செய்ய இரு தனி குழுக்களை அமைத் தது. சமச்சீர் பள்ளிக்கல்வியை நடைமுறைப் படுத்திட காலவரையறையையும் அறிவித்திட மறுத்தது.

மாணவர் சங்கத்தின் தொடர்போராட்டங் களை தொடர்ந்தே, பள்ளிக்கல்வி மானியக் கோரிக்கைக்கு முன்தினம் ஜுலை 14ல் சட்டமன்றம் நோக்கி பேரணி நடத்தப்பட்டது. பேரணி மீது காவல்துறை கடும் தாக்குதலை ஏவிவிட்டது. மாணவர் சங்க அகில இந்திய இணைச்செயலாளர் செல்வா, மாநிலத்தலைவர் ரெஜிஸ்குமார் உட்பட 19 மாணவர்கள் மருத்துவ மனையில் அனுமதிக்கப்பட்டனர்.

சம்பவத்தைக் கண்டித்து சட்டமன்றத் தில் பேசிய அனைத்துக் கட்சிகளும் சமச்சீர் பள்ளிக்கல்விமுறையை நடைமுறைப்படுத்த வலியுறுத்தின. கல்வியாளர்கள், ஆசிரியர் அமைப்புகள், ஊடகங்கள் என சமச்சீர்பள் ளிக்கல்வி கேட்டு குரல்கள் அலை அலை யாய் எழுந்தன. நாளும் எழும் நிர்பந்தத்தால் சமச்சீர் பள்ளிக்கல்விமுறையை படிப்படி யாக நடைமுறைப்படுத்தப் போவதாக அரசு அறிவித்துள்ளது.

ஆனாலும் சமச்சீர் பள்ளிக்கல்வி முறை யை முழுமையாய் நடைமுறைப்படுத்தும் வரை ஓயாத போராட்டம் தேவைப்படுகிறது. வாரியங்களை ஒன்றிணைப்பதும், பாடத்திட் டங்களை ஒன்றிணைத்து பொதுபாடத்திட் டமாக மாற்றுவதால் மட்டும் சமச்சீர் கல்வி நடைமுறைக்கு வந்துவிடாது. அதற்கு தமிழக அரசு மேலும் சில நடவடிக்கைகளை எடுக்க வேண்டியுள்ளது. முனைவர் முத்துக்குமரன் குழுவின் இதர பரிந்துரைகளையும் நடை முறைப்படுத்த தேவையான நடவடிக்கை களை எடுக்க வேண்டும். குழுவின் பரிந் துரைகளில் முக்கியமானவைகளான:-

* பல ஆண்டுகளுக்கு முன் உருவாக்கப் பட்ட பள்ளிக்கல்வித்துறை சார்ந்த கல்வி சட்டங்களை ஒன்றிணைத்து தற்கால சூழலுக்கு ஏற்றாற்போல ‘தமிழ்நாடு கல்வி சட்டம்’ கொண்டு வர வேண்டும்.

* கோத்தாரி குழுவின் பரிந்துரையான ஆசிரியர்-மாணவர் விகிதம் 1 : 30க்கு மேல் போகக்கூடாது என்பதையும் நடைமுறைப் படுத்த வேண்டும்.

* மழலையர் கல்வி பொறுப்பையும் அரசே ஏற்றுக்கொண்டு, அனைத்து பள்ளிக ளிலும் மூன்று வயது நிரம்பிய குழந்தை கள் அனைவருக்கும் மழலையர் பிரிவு தொடங்க வேண்டும்.

* ஒரு தொழில்நுட்பக் கல்வி கற்க தேவை யான அறிவை பெறும் வகையில் பாடத் திட்டம் அமைய வேண்டும். மேலும் சமு தாய எதார்த்தத்தையும், இயற்கை சூழ லையும் முழுமையாக புரிந்து கொள்ளும் வகையில், பாடங்கள் உருவாக்கப்பட்டு கற்பிக்கப்பட வேண்டும்.

* பாடநூல்கள் தவிர விரிவாக எழுதப் பட்ட வழிகாட்டி நூல்கள், துணை நூல்கள் பயிற்சி புத்தகங்கள், அகராதிகள் போன்ற வற்றை அரசு வெளியிட வேண்டும்.

* தற்போதுள்ள , மனப்பாடத் திறனை மட்டும் சோதிக்கும் தேர்வுமுறைக்கு மாற்றாக மாணவர்களின் முழுத்திறனையும் சோதிக்கும் தேர்வுமுறை உருவாக்கப்பட வேண்டும்.

சமச்சீர் பள்ளிக்கல்வி முறை நடை முறைப்படுத்தப்படும் போது, அவ்வப்போது கல்வியாளர்கள், மாணவர் அமைப்புகள், ஆசிரியர் அமைப்புகளின் கருத்துக்களை கேட்டறிய வேண்டும்.

கே.எஸ்.கனகராஜ்

கட்டுரையாளர் இந்திய மாணவர் சங்க மாநிலச்செயலாளர்.

ஆடட்டும் நடராசர் ஆனந்தத் தாண்டவம்

சிதம்பரம் நடராசர் கோயிலுக்கு செயல் அதிகாரியை, அரசு நியமித்தது சட்டப்பூர்வமாக செல்லத்தக்கது என்று சென்னை உயர்நீதிமன்றம் அளித்துள்ள தீர்ப்பு வரவேற்கத்தக்கது. இந்த தீர்ப்பைத் தொடர்ந்து கோயில் நிர்வாகத்தை திங்களன்று இரவே தமிழக அரசு ஏற்றுக்கொண் டுள்ளது.

சிதம்பரம் நடராசர் கோயில், தில்லைவாழ் அந்தணர்கள் என்று அழைக்கப்படும் தீட்சிதர்களின் கட்டுப்பாட்டில் தொடர்ந்து இருந்து வந்தது. தமிழகத்தில் உள்ள பெரிய கோயில்கள் அனைத்தும் இந்து சமய அறநிலையத்துறையின் கீழ் கொண்டுவரப்பட்ட நிலையில், சிதம்பரம் கோயில் மட்டும் இதற்கு விதிவிலக்காக இருந்தது. அந்த நடராசரே சிதம்பரம் கோயிலை தங்களுக்கு முறி எழுதிக்கொடுத்தது போன்ற மாயத்தோற்றத்தை தீட்சிதர்கள் ஏற்படுத்தி வைத்திருந்தனர். இந்த கோயிலை தங்களது சொந்த சொத்து போல கருதி, சொத்துகள் முழு வதையும் தீட்சிதர்களே அனுபவித்து வந்ததோடு, கோயில் வருமானத்தையும் தாங்களே எடுத்துக் கொண்டனர். உண்டியல் கூட வைக்காமல் பக்தர்கள் செலுத்தும் காணிக்கையை நேரடி யாக தீட்சிதர்கள் பங்கு போட்டுக் கொண்டனர்.

தேவாரம், திருவாசகம் போன்ற தமிழ் பாடல் களை கோயிலில் பாட தடை விதித்திருந்த தீட்சிதர்கள், கோயில் சிற்றம்பல மேடையில் தேவாரம் பாட முயன்ற ஆறுமுகசாமி என்ற சிவனடியாரை தாக்கிய சம்பவமும் பலமுறை நடந்தது. நடராசரை தரிசிக்க விரும்பிய நந்தன் என்ற தலித் எரித்துக் கொல்லப்பட்ட கொடுமை நடந்ததும் சிதம்பரம் கோயிலில்தான். ஆண்டவனே தீக்குளித்து வருமாறு நந்தனின் கனவில் கூறியதாக புராணக்கதை புனையப்பட்டது. சமரச சுத்த சன்மார்க்க நெறி பேசிய வடலூர் ராமலிங்க வள்ளலாரும் சிதம்பரம் கோயிலில் அவமரியாதைக்கு உள்ளாக்கப்பட்டுள்ளார். ஆண்டவன் கட்டளையிட்டதாகக் கூறி தேவாரம், திருவாசகம் ஆகிய தமிழ் பாடல்கள் சிதம்பரம் கோயிலில் பூட்டப்பட்டு, கரையான்களுக்கு இரையாக்கப்பட்டதும், ராஜராஜ சோழன் காலத்தில்தான் விடுவிக்கப்பட்டது என்பதும் சரித்திர கால சம்பவங்களாகும்.

இந்த நிலையில் சிதம்பரம் கோயிலை இந்து சமய அறநிலையத்துறையின் கீழ் கொண்டு வர வேண்டும் என்ற கோரிக்கை நீண்ட நாட்களாக இருந்து வந்தது. 1987ம் ஆண்டு சிதம்பரம் நடரா சர் கோயிலை தமிழக அரசு எடுத்துக் கொண்டு செயல் அதிகாரியை நியமித்தது. ஆனால் இதை எதிர்த்து தீட்சிதர்கள் மேல் முறையீடு செய்தனர். அரசு உத்தரவுக்கு தடை விதிக்கப்பட்டிருந்த நிலையில், தற்போது சென்னை உயர்நீதிமன்றம் முக்கியமான தீர்ப்பை வழங்கியுள்ளது.

கோயில் நிர்வாகத்தில் முறைகேடு நடந்துள் ளதை உறுதி செய்துள்ள நீதிமன்றம், கோயிலில் கணக்கு விபரங்கள் சரியாக பராமரிக்கப்பட வில்லை என்றும், கோயில் நகைகள் ஏராளமாக காணாமல் போய்விட்டது என்று அரசுத்தரப்பில் கூறப்பட்ட குற்றச்சாட்டில் உண்மை உள்ளது என்று கூறியுள்ளது.

சிதம்பரம் கோயிலை அரசு ஏற்க வேண்டும் என்றும், இதற்கு தீட்சிதர்கள் ஒத்துழைக்க வேண்டும் என்றும் உயர்நீதிமன்றம் கூறியுள்ளது வரவேற்கத்தக்கது. அனைத்துத் துறைகளிலும் ஜனநாயகம் மலர்ந்து வரும் நிலையில், கோயில் நிர்வாகத்தில் மட்டும் தனி உரிமையை அனுமதிக்க முடியாது. உயர்நீதிமன்ற தீர்ப்பின் மூலம் வரலாற்று காலம் தொட்டு கறையாக இருந்த ஒன்று சரி செய்யப்பட்டுள்ளது.

“சமூகப்பாதுகாப்புடன் வேலை” இளைஞர்கள் எழுச்சி முழக்கம்

இந்திய ஆட்சியாளர்களும், தமிழக ஆட்சியாளர்களும் தமது ஆட்சிக் குடையின் கீழ் வேலையின்மை என்ற கொடுமை இருப்பதாக ஒரு போதும் ஒத்துக் கொள்வ தில்லை. வாரம் ஒரு முறை பன்னாட்டு நிறுவனங்களுடன் புரிந்துணர்வு ஒப்பந்தம் செய்வதும், அது பல ஆயிரம் இளைஞர்களுக்கு வேலை வழங்கும் என்பதும், பத்திரிகையில் தமிழ் நாட்டு முதல்வர் வெளியிடும் செய்தி. தகவல் தொழில் நுட்ப கொள்கை என்ற பெய ரிலும், தமிழக தொழில் கொள்கை என்ற பெயரிலும், தமிழகத்தில் 20 லட்சம் வேலை வாய்ப்புகள் உருவாகும் என்று மாநில முதல் வர் அறிவிப்பு வெளியிட்டார். அறிவிப்பு வெளியாகி ஆறு மாதங்களுக்குப் பின்ன ரும், பயன்பெற்றவர்களை கண்டறிய இயல வில்லை. ஏனென்றால் இவை அனைத்தும் ஒப்பந்தங்கள் அவ்வளவுதான். வேலையின் மை என்பதை வரையறை செய்கிற போது, முழுக்க முழுக்க எந்த வேலையும் செய்யா தவர்களே, வேலையற்றவர், என்று அரசு குறிப்பிடுகிறது. இந்த வரையறையின்படி பிச்சை எடுப்பவர், சாலையில் படம் வரைந்து வைத்து அதன் மீது விழும் பைசாவை எடுத்துக் கொள்பவர் ஆகியோரும் வேலையில் இருப்பவர்களாக கருதப்படுகின்றனர். சி.டி. குரியன் என்ற பொருளாதார அறிஞர், ஒரு நாளைக்கு ஒரு மணி நேரம் வேலை செய்து, ஒரு வேளை உண்டு, வாழ்க்கை நடத்துபவர் களையும், வேலையில் இருக்கிறார் என்று அரசு கணக்கெடுப்பு செய்திருக்கிறது என வருத்தத்தோடு குறிப்பிட்டார். அரைவயிறு உணவோடு, தெருவில் பிழைப்பு நடத்தும் மக் களை இரக்கமற்ற முறையில், இவர்களெல் லாம் வேலையில் இருக்கிறார்கள் என்ற அறி விப்பு மூலம் ஆட்சியாளர்கள் அகம் குளிர வாய்ப்பு இருக்கிறதேயொழிய, நாட்டின் கவுர வம் மதிக்கத்தக்கதாக இருக்காது.

முறைசாராத் தொழிலாளர்கள்

உலகிலேயே அதிகமான மக்கள் பிரி வினர் முறைசாரா தொழில்களில் ஈடுபட்டு இருப்பது ஆசியா கண்டம் என்றும் அதிலும் இந்தியாவில் தான் அதிகம் என்றும் ஆய் வாளர்கள் கூறுகின்றனர்.அதாவது இடம் பெயர்வோர், சொந்தத் தொழில் செய்வோர், கைத்தறி, விசைத்தறி ஆகியவற்றில் ஏற்படும் நெருக்கடி, பெரும் தொழிற்கூடங்கள் வந்த தாலும், விவசாய வளர்ச்சி இல்லாததாலும் நிலத்தை இழந்தோர் போன்ற அனைவரும், தங்களின் வாழ்க்கைத் தேவைக்காகச் செய் யக்கூடிய அன்றாட வேலைகளே முறைசா ராத் தொழில் என்று அழைக்கப்படுகிறது. இந்தியாவைப் பொறுத்தவரை நேரடி அரசு ஊழியர்கள், சுரங்கம், ரயில்வே, வங்கி, இன்சூரன்ஸ் உள்ளிட்ட பொதுத்துறை நிறு வனங்களில் வேலை செய்வோரை விட, முறைசாராத் தொழில்களில் இருப்போரின் எண்ணிக்கையே பல மடங்கு அதிகம்.

உலகமயமாக்கல் பொருளாதாரக் கொள்கை அமலாக்கத்திற்குப் பின், அரசுத் துறை மற்றும் தனியாரிடம் இருக்கும் அடிப் படை உற்பத்தித் துறைகளில் தொழில் நுட்ப வளர்ச்சி ஏற்பட்ட காரணத்தினால், ஆட் குறைப்பு செய்யப்பட்டது. காலிப்பணியிடங் கள் நிரப்பப்படுவதில்லை. தேவைப்படும் நேரத்தில் ஒப்பந்த அடிப்படையில், வேலைக் கான வாய்ப்புகள் வழங்கப்படுகிறது. இத்த கைய காண்ட்ராக்ட் ஊழியர்களாகத் தான், பொறியியல் துறையில் டிப்ளமோ பட்டம் பெற் றவர்கள் வேலை பெற முடிகிறது. இது நிரந்தர மற்றதாக இருப்பதால், தொடர்ந்து வேலை தேடுவோராகவே இளைஞர்கள் உள்ளனர்.

பஞ்சாலைகள் நசிவைச் சந்தித்துப் பின் னர் மீண்டும் முன்னேற்றம் கண்ட போது, நிரந்தரத் தொழிலாளர்களுக்குப் பதிலாக, ஒப்பந்தத் தொழிலாளர்களே அதிகம் நிய மிக்கப்பட்டனர். அதிலும் குறிப்பாக இளம் பெண்கள், கூடுதலாகப் பணியில் அமர்த்தப் பட்டனர். சுமங்கலித் திட்டம், மாங்கல்யத் திட் டம், கேம்ப் கூலி உள்ளிட்ட பெயர்களில் பல ஆயிரம் எண்ணிக்கையிலான பெண்கள், 2 ஆண்டு அல்லது 3 ஆண்டு ஒப்பந்தத்தில் பணியமர்த்தப்பட்டனர். இத்தொழில் கூடங் களில் உணவு, தங்குமிடம் இல்லாமல் சம்பளம் பேசப்படுவதும், பின்னர் உணவுக் கும், தங்குமிடத்திற்கும் சம்பளத்தில் பிடித்துக் கொண்டு மீதியைக் கொடுப்பதும் வழக்க மாகிவிட்டது.

உலகமயமாக்கல் கொள்கையின் காரண மாக வளர்ச்சி பெற்ற தொழில்கள் கட்டுமா னம் (51 லட்சம் பேருக்கு வேலை), ஹோட்டல் மற்றும் நிதித்துறை உள்ளிட்ட சேவைத்துறை ஆகும். இவற்றில் கட்டுமானம், ஹோட்டல் போன்றவற்றில் படிக்காத, இடம்பெயர்ந்த மக்கள் வேலை பெற்று வந்தனர். படித்த இளைஞர்கள் நிதித்துறை சார்ந்த வங்கிக ளிலும், மொபைல் ஃபோன் சேவைகளிலும், வேலை பெற்றனர். அதேபோல் தகவல் தொழில்நுட்பத் திறன் காரணமாக மென் பொருள் நிபுணர்களாகவும், பிபிஓ மூலமான வேலைகளையும் பெற்று வந்தனர்.மேற்படி வேலைகளுக்கும், அரசுத் துறையில் பணி யாற்றுகிற வேலைகளுக்குமான வித்தியாசத் தை நம்மில் பலர் உணரவில்லை. பாதுகாப் பான வேலை என்பதில் அரசுத்துறை முத லிடத்தில் இருக்கிறது. அதில் உள்ள காலிப் பணியிடங்களை பூர்த்தி செய்யாமல், அப்ப டியே விட்டு வைப்பதும், தனியார் துறைகளில் நிரந்தரமற்ற வேலை வாய்ப்பைப் பெருக்குவ தும், முறை சாராத் தொழில்களில் இளைஞர் களின் எண்ணிக்கையை அதிகப்படுத்தும்.

2001இல் இருந்து மத்திய அரசு ஆண்டு ஒன்றுக்கு 2 சதம் பேரை ஆட்குறைப்பு செய் யும் நடவடிக்கையை, மத்திய அரசு பணி களில் மேற்கொண்டு வருகிறது. மாநிலத்தில் லட்சத்திற்கும் மேற்பட்ட பணியிடங்கள் அரசுத்துறையிலும், அதேபோல் ஆசிரியர் பணியிடங்களும் காலியாக உள்ளன. ரயில் வேயில் 3 லட்சம் காலிப்பணியிடங்கள் இருந் ததாகவும் சில ஆயிரம் இடங்கள் மட்டுமே சமீபத்தில் பூர்த்தியானதாகவும் தகவல்கள் உள்ளன. வங்கித் துறையில் விருப்ப ஓய்வு அடிப்படையில் வெளியேறிய ஊழியர்களின் பணியிடங்கள் சுமார் ஒரு லட்சம் காலியாக உள்ளது. (ஆதாரம் 2005 பிஸினஸ் ஸ்டாண்டர்டு).

இந்திய நிதிச்சேவைகள், பி.பி.ஓ.; கே.பி.ஓ. நிறுவனங்கள், ஜவுளி, ஆயத்த ஆடை ஏற் றுமதி, வாகனங்கள் துறை ஆகியவை பாதிக் கப்பட்டுள்ளன. ஜவுளி, ஆயத்த ஆடை துறைகளில் 7 லட்சம் வேலைகள் இந்தியா முழுவதும் பறிபோன தகவலை நவம்பர் 30-2008 நாணய விகடன் ஏடு பதிவு செய்திருக் கிறது. தகவல் தொழில்நுட்பத்துறை பெரிதும் பாதிக்கப்பட்டுள்ளது. பணிநியமனத்தை பல நிறுவனங்கள் நிறுத்தி வைத்துள்ளன. கேம் பஸ் இன்டர்வியூவில் தேர்வு செய்யப்பட்ட பலர் பணி நியமன உத்தரவுக்காக 8 மாதங் களாக காத்திருக்கின்றனர். 80 சதவீத வங் கிப் பணிகள் இந்தியாவில் பொதுத்துறை யாக இருப்பதால், இந்தத் துறை தப்பியது. ஆனால் சரிவு காரணமாக 21 சதமான பணி நியமனம் குறையும் என்றும், பணி நீக்கம் அதிகரிக்கும் என்றும், நவ. 2008 இந்தியா டுடே கூறுகிறது.

உலகமயமாக்கல் கொள்கையைத் தமிழக அரசும் தீவிரமாகப் பின்பற்றத் துவங்கிய கார ணத்தால், தமிழக உள்ளாட்சித்துறை துவக்கு வதாக அறிவித்த கிராம நூலகங்களுக்கு, ஓய்வு பெற்றவர்களை நியமிக்க அரசாணை எண் 177 பிறப்பிக்கப்பட்டது. தமிழக உயர் கல்வித்துறை, அரசுக் கல்லூரிகளில் உள்ள 3025 காலிப்பணியிடங்களை ஓய்வு பெற்ற பேராசிரியர்களைக் கொண்டு நிரப்பலாம் என அரசாணை எண் 274 (04.07.08) வெளி யிடப்பட்டது. மாநில அரசு அறிவித்த வேலை யில்லா கால நிவாரணம் வழங்குவதற்கு ஏற்ற வகையில் வேலைவாய்ப்பு அலுவலகத்தில் உள்ள 250 காலிப்பணியிடங்களை நிரப்பக் கோரி, மாநில வேலை வாய்ப்பு மற்றும் பயிற்சி துறை மீது டிஒய்எப்ஐ வழக்கு தொடுத்தது. வழக்கை விசாரித்த உயர்நீதிமன்றம், மாநில அரசு துரிதமாகச் செயல்பட வேண்டும், என வழிகாட்டுதல் கொடுத்தது. 20.11.07 அன்று மாநில வேலை வாய்ப்பு மற்றும் பயிற்சித்துறை டி.ஒய்.எப்.ஐக்கு, காலிப்பணியிடங்களை நிரப்ப நடவடிக்கை மேற்கொள்ளப்படுவதாக கடிதம் எழுதியது. ஆனால் இதுவரை செயல் படவில்லை. இந்நிலையில் மாநில அரசு 2.5 லட்சம் காலிப்பணியிடங்களை அரசுத்துறை யில் பூர்த்தி செய்ததாக அறிக்கை வெளி யிட்டுள்ளது. இதற்கான எந்த பொதுத் தேர்வு களும் நடத்தப்படவில்லை. பகிரங்கமாக, என் னென்ன வழிகளில் பூர்த்தி செய்தோம் என் கிற வெள்ளை அறிக்கை வெளியிடவும் தயா ரில்லை.

ஒரு மனிதன் பிறப்பில் துவங்கி இறப்பு வரை உயிர் வாழ காற்று, நீர், உணவு, உடை, இருப்பிடம் ஆகிய ஐந்தும் தேவை. இதில் காற்றைத் தவிர (இப்போதைக்கு) மற்ற அனைத்தும் விலை பேசப்படுகிறது. ஒரு மனி தனால் 18 வயது முதல் 60 வரை உழைக்க முடியும். எஞ்சிய வாழ்நாளுக்கும் தேவை யானவற்றை இந்த சமூகம் உறுதி செய்ய வேண்டும். அதை சமூகம் தருகிற கல்வியி லும், சமூகப் பாதுகாப்புடனான வேலையிலும் தான் உறுதி செய்ய முடியும். இந்தியாவில் 15 சதமான மக்களுக்கே இத்தகைய வாழ்க் கை உறுதி செய்யப்பட்டுள்ளது. 85 சதமான பெரும்பான்மை மக்களுக்கு வாழ்க்கை உறுதியானதல்ல. எனவே சமூகப் பாதுகாப் புடனான வேலை என்ற கோரிக்கை, இந்தி யாவின், தமிழகத்தின் பெரும்பான்மை மக்களின் கோரிக்கை.

மாற்று ஆலோசனைகளை தமிழக இளை ஞர்களின் உரிமைக்குரலாக குமரியிலிருந்து கோவையிலிருந்தும்,இராமேஸ்வரத்திலிருந்தும், தமிழகம் முழுவதும் பட்டிதொட்டி எங்கும் சைக்கிள் பிரச்சாரம் செய்து சென்னையை அடைகிறது இந்திய ஜனநாயக வாலிபர் சங் கத்தின் வெண்கொடிப்படை, டிசம்பர் 13ல் துவங்கி கடந்த 15 நாட்களாக நடைபெற்ற இந்த பிரம்மாண்ட சைக்கிள் பிரச்சார இயக் கம், தமிழக இளைஞர்களுக்கும் சமூக பாது காப்புடனான வேலையை உறுதிப்படுத்துவதற் கான போராட்டத்தை தீவிரப்படுத்தட்டும்!

எஸ்.கண்ணன்

சைக்கிள் பிரச்சாரத்தால் ஈர்க்கப்பட்ட இளைஞர்கள் பாஜகவிலிருந்து விலகி வாலிபர் சங்கத்தில் இணைந்தனர்

சமூக பாதுகாப்புடன் வேலைகோரி நடைபெற்று வரும் வாலிபர் சங்க சைக்கிள் பிரச்சாரப் பயணக் குழுகளுக்கு எழுச்சி மிகு வரவேற்பு அளிக்கப்பட்டு வருகிறது. இப்பிரச்சாரத்தால் ஈர்க்கப்பட்டு திருச்சி யில் 15க்கும் மேற்பட்ட இளைஞர்கள் பாஜகவில் இருந்து விலகி இந்திய ஜனநாயக வாலிபர் சங்கத் தில் தங்களை இணைத்துக் கொண்டனர்.

சங்கத்தின் மாநிலச் செயலாளர் எஸ்.கண்ணன் தலைமையிலான குழுவினருக்கு பெரம்பலூர் மாவட் டம் கள்ளகம் கேட், கீழப் பழுவூர், வி.கைகாட்டி, உடையார்பாளையம் ஆகிய இடங்களில் உற்சாக வரவேற்பு அளிக்கப்பட் டது. கீழப்பழுவூரில் தப் பாட்ட கலைஞர்களின் அதிரடியான முழக்கத்தால் வரவேற்பு நிகழ்ச்சி களை கட்டியது.

ஜெயங்கொண்டத்தில் நடைபெற்ற பொதுக்கூட் டத்தில், மாநில நிர்வாகிகள் லெனின், பாலா, செந் தில், செல்வி, மாலதி, பாப்பா, சண்முகராஜா, சசிக்குமார் உள்ளிட்டோர் பேசினர்.

வியாழனன்று ஜெயங் கொண்டத்தில் துவங்கி ஆண்டிமடம், விருத்தாச் சலம் வழியாக இக்குழுவி னர் நெய்வேலி வந்தடைந் தனர். வழியெங்கும் உற் சாக வரவேற்பு அளிக்கப் பட்டது.

முன்னதாக, திருச்சி மாவட்டம் டோல்கேட் டில் நடைபெற்ற வரவேற்பு நிகழ்ச்சியின் போது, இப் பிரச்சாரத்தால் ஈர்க்கப் பட்டு பாஜகவிலிருந்து 15 இளைஞர்கள் விலகி, முத்துக்குமார் தலைமை யில் வாலிபர் சங்கத்தில் இணைந்தனர். அவர்களை மாநிலச் செயலாளர் எஸ். கண்ணன் வரவேற்றார்.

மாநிலத் தலைவர் எஸ். ஜி.ரமேஷ்பாபு தலைமையி லான குழுவினர் திருவண் ணாமலை மாவட்டத்தில் மேல்செங்கம், செங்கம், திருவண்ணாமலை நகரம், போளூர், கருங்காலி குப் பம், பெரிய களம்பூர், ஆரணி ஆகிய இடங்களிலும், வேலூர் மாவட்டத் தில் ஆற்காடு, ராணிப் பேட்டை, வாலாஜா, காவிரிப்பாக் கம், ஓச்சேரி, நாகவேடு, அரக்கோணம், திருத்தணி ஆகிய இடங்களிலும் பிரச் சாரம் மேற்கொண்டனர்.

திருவண்ணாமலை நகரில் இந்திய மாணவர் சங்கத்தைச் சேர்ந்த 200க் கும் மேற்பட்ட மாணவர் கள் பிரம்மாண்டமாக வெண்கொடியோடு அணி வகுத்து எழுச்சிமிகு வர வேற்பு அளித்தனர். போளூர் தாலுகாவில் 30 கிராமங்களில் பிரச்சாரம் மேற்கொண்ட 40க்கும் அதிகமான இளைஞர்கள் கொண்ட குழு, போளூரில் நடந்த நிகழ்ச்சியின்போது, பிரதான குழுவுடன் இணைந்து கொண்டது, கருங்காலிக் குப்பத்தில் 500க்கும் மேற்பட்டோர் எழுச்சி மிகு முழக்கங்களு டன் திரண்டு நின்று வர வேற்புஅளித்தனர். ஆரணி, காவிரிப்பாக்கம், திருத் தணி ஆகிய இடங்களில் நடைபெற்ற பொதுக்கூட் டத்தில் எஸ்.முத்துக்கண் ணன் உள்ளிட்ட நிர்வாகி கள் பேசினர்.

வெண்மணி தியாகி களுக்கு வீரவணக்கம்

முன்னதாக, ஓச்சேரியில் வியாழ னன்று காலை பிரச்சார துவக்கத்தின் போது, சைக்கிள் பிரச்சாரக் குழுவினர் வெண்மணி தியாகிகளை நினைவு கூர்ந்து எழுச்சிமிகு முழக்கமிட்டு பயணத்தை துவக் கினர். முன்னதாக ஆரணியில் பெரியார் நினைவு தினத்தையொட்டி அவரது சிலைக்கு ரமேஷ் பாபு மாலை அணிவித்தார்.

கடலூர்

மாநில துணைச் செயலாளர் ஆர்.வேல்முருகன் தலைமையிலான குழு, சிதம்பரம் நகரில் நடைபெற்ற பொதுக் கூட்டத்தைத் தொடர்ந்து, கடலூர் மாவ ட்டத்தில் பிரச்சாரம் மேற் கொண்டது. இதைத் தொடர்ந்து கடலூர் சென் றடைந்த இக்குழு, ரெங்க நாத குப்பம், கன்னிக் கோவில், கரிசலாங்குப்பம், மதகடிப்பட்டு, திருபுவனம் வழியாக வியாழனன்று இரவு புதுச்சேரியை அடைந்தது.