உலகை உலுக்கிய கவிதை: ........கறுப்பாக இருப்பது...

பிறக்கும்போது நான் கறுப்பாக இருக்கிறேன்


பின் வளரும் போதும் கறுப்பு


பனிக்காலத்திலும் கறுப்பு


வெயிலில் நடக்கையிலும் கறுப்பு


காய்ச்சலடித்துக் கிடக்கும் போதும் கறுப்பு


சாகும் தறுவாயிலும் நான் கறுப்பு தான்..


ஆனால் நீ


பிறக்கும்போது ரோஜா நிறத்தில் இருக்கிறாய்


வளர்கையில் வெள்ளை


பனிக்காலத்தில் நீலம்


வெயிலில் செல்கையில் சிவப்பு


காய்ச்சலில் பச்சை நிறம்


இறக்கும்போது நீ சாம்பல் நிறம்


இந்த லட்சணத்தில்


என்னைப் போய் 'நிறத்துக்காரன்' என்று


அழைக்கத் துணிய முடிகிறது உனக்கு!

மால்கம் எக்ஸ் அவர்களது மேற் கோளாகவும், யாரோ ஆப்பிரிக்கச் சிறுமி எழுதிய 2007-ம் ஆண்டின் சிறந்த கவிதை என்றும் விதவிதமாகச் சொல்லப்படும் மேற்படி கவிதை நிறவெறியின் வலியை - பல மணி நேர ஆவேச உரையோ, ஒரு நீண்ட நெடும் கட்டுரையோ சொல்லத் துடிக்கிற செய்தியை, காத்திரமாகச் சொல்லி விடுகிறது.

கொதிக்கும் உலைக்கு மூடிபோட முடியாது!

பத்திரிகையாளர் ஜெயப்பிரகாஷ் திசநாயகத்திற்கு 20 ஆண்டு சிறை தண்டனை விதித்து கொழும்பு உயர்நீதிமன்றம் தீர்ப்பளித் துள்ளது. “நார்த் ஈஸ்ட்டர்ன் ஹெரால்டு” பத் திரிகையில் ராஜபக்ஷே அரசை தொடர்ந்து விமர்சித்து வந்தவர். “சண்டே டைம்ஸ்” பத்திரிகையின் செய்தியாளராகவும் பணியாற்றி வந்தவர்.

விடுதலைப்புலிகளுக்கு ஆதரவாக கட் டுரை எழுதியதாக 2008 மார்ச் 7ம் தேதி, திச நாயகம் கைது செய்யப்பட்டார். மனித உரிமை களுக்கு எதிரான பயங்கரவாத தடைச்சட் டத்தின்கீழ் அவர் கைது செய்யப்பட்டு, அவர் மீது வழக்கு தொடரப்பட்டது.

பயங்கரவாத தடுப்புச்சட்டத்தின் கீழ் கைது செய்யப்பட்டு பத்திரிகையாளர்கள் தண்டிக்கப் படுவது மனித உரிமைகளுக்கு எதிரானது மட்டுமல்ல, கருத்துச் சுதந்திரம், பேச்சு சுதந் திரம் ஆகிய அடிப்படை உரிமைகளுக்கு முற்றி லும் எதிரானதாகும். இலங்கையில் நடப்பில் உள்ள பயங்கரவாத தடுப்புச் சட்டத்தின் அம் சங்களைப் பார்க்கும்போது, பாஜக ஆட்சிக் காலத்தில் இந்தியாவில் கொண்டுவரப்பட்ட பொடா சட்டத்தை இச்சட்டம் ஒத்திருக்கிறது.

இலங்கையில் அரசுத்தரப்புக்கும் விடு தலைப்புலிகளுக்கும் இடையில் மோதல் நடந்துவந்தபோது, தமிழர்கள் பெரும்பான்மையாக வாழும் பகுதியில் அத்தியாவசிய உணவுப் பொருட்களை அரசு ஒரு ஆயுதமாக பயன் படுத்துகிறது என்று திசநாயகம் தனது கட்டு ரையில் குற்றம் சாட்டியிருந்தார்.

திசநாயகத்திற்கு சிறைதண்டனை விதிக்கப்பட்டிருப்பது, இலங்கையில் பத்திரிகை சுதந்திரம் பறிக்கப்பட்டுவிட்டது என்பதை காட்டுகிறது என்று ஆசிய மனித உரிமைகள் ஆணைக்குழு கடுமையாக விமர்சித்துள்ளது.

ராஜபக்ஷே ஆட்சியில் பத்திரிகை சுதந்திரம் பறிக்கப்படுவதாக தொடர்ந்து புகார் எழுந்து வருகிறது. இலங்கை அரசை விமர் சித்து எழுதிவந்த லசந்த விக்ரமதுங்க, ஜனவரி மாதம் பத்திரிகை அலுவலகத்தின் வாசலிலேயே சுட்டுக்கொல்லப்பட்டார்.

தமிழர்கள் அடைக்கப்பட்டுள்ள முகாம்களின் நிலைமை குறித்து இலங்கை உச்சநீதி மன்ற தலைமை நீதிபதியே கவலை தெரிவித்திருந்தார். ஆனால் இதுகுறித்து ராஜபக்ஷே அரசு கவலைப்படவில்லை. யுத்தத்தில் ஈடு படாதவர்கள் முகாம்களில் இருந்து வெளியேற அனுமதிக்கப்படவேண்டும் என்று இலங்கை உச்சநீதிமன்றம் கூறியுள்ள தீர்ப்பை, ராஜ பக்ஷே அரசு அமல்படுத்துமா என்பதும் சந் தேகமே.

பயங்கரவாதம் என்ற பெயரில், தான் நினைக்கும் அனைத்தையும் சாதிக்க நினைப்பது அமெரிக்க பாணியாகும். ராஜபக்ஷே அரசும் இதே பாணியில் பயணம் செய்ய முயல்வது ஜனநாயகத்திற்கு நல்லதல்ல.

இலங்கையில் வாழும் இருதரப்பு மக்களுக்கிடையே நல்லிணக்கத்தையும், சகோதரத் துவத்தையும் ஏற்படுத்துவதற்கு ராஜபக்ஷே அரசு முன்வரவேண்டும். அதற்கு யுத்த மனோ பாவத்திலிருந்து வெளியே வருவது மிக முக்கியமாகும். விமர்சிப்பவர்களை ஒடுக்கி விட முயல்வது, கொதிக்கும் உலைக்கு மூடி போடும் முயற்சியே என்பது உலக அனுபவ மாகும்.

இலங்கைத் தமிழர்களின் வாழ்வுரிமையைக் காக்க கோரிக்கை சிபிஎம் இன்று தர்ணா

இலங்கைத் தமிழர்களின் வாழ்வுரிமையைப் பாதுகாக்க இந்திய அரசு ராஜீய ரீதியில் உடனடியாக தலையிடக் கோரி, மார்க்சிஸ்ட் கம்யூனிஸ்ட் கட்சியின் சார்பில், சனிக்கிழமையன்று மாநிலம் தழுவிய அளவில் தர்ணா போராட்டங்கள் நடைபெறுகின்றன.

மாவட்டத் தலைநகரங்களில் நடைபெறும் இப்போராட்டங்களில் கட்சியின் மாநிலத் தலைவர்கள் பங்கேற்று உரையாற்றுகின்றனர்.

இலங்கை ராணுவ முகாம்களில் அடைக்கப்பட்டுள்ள சுமார் மூன்று லட்சம் தமிழர்கள் பெரும் சுகாதார சீர்கேட்டுக்கு உள்ளாகியுள்ள நிலையில், அவர்களை அவரவரது பூர்வீக பகுதிகளில் குடியமர்த்த இலங்கை அரசு அக்கறை காட்டாமல் உள்ளது. விடுதலைப் புலிகளுடனான ஆயுத மோதல் முடிவுக்கு வந்துவிட்ட பின்பும், தமிழ் மக்களுக்கான அரசியல் தீர்வை அலிக்கும் நடவடிக்கைகளையும் இலங்கை அரசு மறுத்து வருகிறது.

இந்நிலையில், இப்பிரச்சனையில் இந்திய அரசு ராஜீய ரீதியில் தலையிட்டு, இலங்கைத் தமிழ்மக்களை அவர்களின் பூர்வீக பகுதிகளில் குடியமர்த்தவும், அவர்களின் மறுவாழ்வுக்கான பணிகளை மேற்கொள்ளவும், தமிழர் பகுதிகளுக்கு கூடுதல் அதிகாரங்கள் உடனான சுயாட்சி உரிமை வழங்கவும், இலங்கை அரசை நிர்ப்பந்திக்க வேண்டும் என வலியுறுத்தி, மார்க்சிஸ்ட் கம்யூனிஸ்ட் கட்சி சனிக்கிழமையன்று தர்ணா போராட்டத்திற்கு அழைப்பு விடுத்துள்ளது.

திண்டுக்கல்லில் நடைபெறும் தர்ணாவில் மாநிலச் செயலாளர் என்.வரதராஜன் பங்கேற்று உரையாற்றுகிறார். மத்தியக்குழு உறுப்பினர்கள் - உ.ரா.வரதராசன் மதுரை திருப்பரங்குன்றத்திலும், ஏ.கே.பத்மநாபன் வடசென்னையிலும், ஜி.ராமகிருஷ்ணன் தென்சென்னையிலும், உ.வாசுகி சேலத்திலும் பேசுகின்றனர்.

இதேபோல மாநில செயற்குழு மற்றும் மாநிலக்குழு உறுப்பினர்கள், நாடாளுமன்ற- சட்டமன்ற உறுப்பினர்களும் மாநிலத்தின் பல்வேறு பகுதிகளில் நடைபெறும் தர்ணாக்களில் பங்கேற்று பேசுகின்றனர்.

உடனே போர் நிறுத்தம் செய்க! சர்வதேச சமூகத்தின் கோரிக்கைகளை இலங்கை அரசு ஏற்க வேண்டும் : பிரகாஷ் காரத்

சர்வதேச சமூகத்தின் கோரிக்கைகளை ஏற்று இலங்கை அரசு உடனடியாகப் போர்நிறுத்தம் செய்ய முன்வர வேண்டும் என்று மார்க்சிஸ்ட் கட்சியின் பொதுச் செயலாளர் பிரகாஷ்காரத் கேட்டுக் கொண்டுள்ளார்.

மார்க்சிஸ்ட் கட்சியின் அகில இந்திய பொதுச்செயலாளர் பிரகாஷ்காரத் கோவையில் செவ்வாயன்று செய்தியாளர்களைச் சந்தித்தார். அப்போது அவர் கூறியதாவது:

சர்வதேச பொருளாதார நெருக்கடி இந்தியாவிலும் பல துறைகளில் எதிரொலிக் கத் துவங்கியுள்ளது. ஒவ்வொரு தொழிற்துறையும் இதனால் கடும் பாதிப்புகளைச் சந்திக்கத் துவங்கியுள்ளன. வேலையிழப்புகள் பெருகிவிட்டன.

உதாரணமாக திருப்பூரில் டெக்ஸ்டைல் துறையில் கடும் பாதிப்பு ஏற்பட்டுள்ளது. இதேபோல் பல துறைகளும் சரிவைச் சந்தித்துள்ளன. ஆனால் அரசு இதற்காக எடுத்து வரும் முயற்சிகள் போதுமானவையாக இல்லை. ஒவ்வொரு துறைக்கும் அரசு பிரத்யேகமான நிவாரணத் திட்டங்களை அறிவிக்க வேண்டும்.

சுவிட்சர்லாந்து நாட்டில் சட்டவிரோதமாக வங்கிக் கணக்கு வைத்துள்ள இந்தியர்களின் பட்டிய லைக் கேட்டுப்பெற வேண்டும் என்று மார்க்சிஸ்ட் கட்சி மத்திய அரசுக்கு கோரிக்கை விடுத்துள்ளது.

இவ்வாறு செய்வதால் வரி ஏய்ப்பு மற்றும் கறுப்புப் பணம் வைத்திருப்பது உள்ளிட்ட குற்றங்களைத் தடுக்க முடியும். நம் நாட்டின் பணம் சட்டவிரோதமாக வெளிநாடுகளில் முடக்கி வைக்கப்பட்டிருப்பதைத் தடுக்க முடியும். அமெரிக்கா சுவிஸ் வங்கியில் கணக்கு வைத்திருப்போர் பட்டியலைத் தருமாறு சுவிஸ் அரசிடம் கேட்டுள்ளது. இதேபோல் பிரிட்டன் அரசும் கேட்டுள்ளது. இந்திய அரசும் விரைவில் பட்டியல் பெற நடவடிக்கை எடுக்க வேண்டும்.

இலங்கையில் தொடர்ந்து போர்முனையில் அப்பாவித் தமிழர்கள் சிறைப்பட்டுள்ளனர். சர்வதேச நாடுகள் மற்றும் ஐ.நா. சபை உள்ளிட்ட அமைப்புகளின் அனைத்துக் கோரிக்கைக ளையும் நிராகரித்து விட்டு இலங்கை அரசு தொடர்ந்து போரை நடத்தி வருகிறது. இப்போரை முடிவுக்குக் கொண்டுவர மற்ற நாடுகளைக் காட்டிலும் இந்திய அரசுக்கு அதிக பொறுப்பு உள்ளது. முன்னமேயே இலங்கையில் 13வது சட்டத் திருத்தம் ஒன்று இந்திய அரசின் முன்முயற்சியால் போடப்பட்டது. இதை மேலும் முன்னெடுத்துச் சென்று தீர்வு ஏற்படுத்த இந்திய அரசு முன்வர வேண்டும். இலங்கை அரசும் ஒன்றுபட்ட இலங்கைக்குள் தமிழ் மக்களுக்கு சுயாட்சியுடன் கூடிய அதிகாரத்தை அளிக்க முன்வர வேண்டும். இவ்வாறு அவர் பேசினார்.

இன உணர்வா? அரசியல் உள்நோக்கமா?

வே. மீனாட்சிசுந்தரம்

இலங்கை அரசின் ராணுவமும் எல்டிடிஇ-யின் மனித குண்டுகளும் தமிழ் மக்களைப் போட்டி போட்டுக் கொல் வதை உலகமே கண்டிக்கிறது. எல்டிடி இ-யை ஆதரித்த கனடா, ஜப்பான், பிரிட் டன், நார்வே நாடுகளின் அரசுகளும், இன்று ஐ.நா .சபையின் தீர்மானத்தினால் அதன் பயங்கரவாத நடவடிக்கைகளை அதிகாரப் பூர்வமாக கண்டிக்கும் நிலை எழுந்துவிட்டது. இப்பொழுது மவு னத்தைக் கலைத்து அவர்களே பேச்சு வார்த்தைக்குப் போக புலிகளையும் இலங்கை அரசையும் அறிவுறுத்துகின்ற னர். வெளிநாட்டில் வசிக்கும் இலங் கைத் தமிழர்களில் பெரும் பகுதியினர், புலிகளின் பாதை தவறானது என்று குரல் கொடுக்கத் துவங்கிவிட்டனர். இவர்கள் ஒரு காலத்தில் புலிகளுக்கு ஆயுதங்கள் வாங்க, பணத்தை வாரி இறைத்தவர்கள். இப்பொழுதும் தமிழ் மக்களின் உரிமை யை நிலை நிறுத்த அங்கிருந்து உதவத் தயாராய் இருப்பவர்கள். தலைவாரி, சீரு டை அணிவித்துப் பள்ளிக்கு அனுப்ப வேண்டிய குழந்தைகளை குண்டுகளாக் கும் தொழிலை முக்கியத் தொழிலாக்க எல்டிடிஇ-க்கு உதவியாக முதலீடு செய் தது தவறு என்று உணரத் தொடங்கி விட்டனர்.

ஒருபக்கம் ராஜபக்சே “பிரபாகரன் குற்றவாளி, எனவே அவர் பிடிபடுகிற வரைக்கும் அதிகாரப் பகிர்வு சாத்தியமில்லை”, என்பதை ஏற்பதற்கில்லை. உள் நாட்டு யுத்தத்தைக்காட்டி இலங்கை மக்களின் ஜனநாயக உரிமைகளைப் பறிக்கும் நடவடிக்கையை அம்பலப்படுத்தும் இலங்கைப் பத்திரிகைகளை, ஆளும் கும்பல் தாக்குவதை பார்க்கிறோம். இன அடையாளத்தை முன் நிறுத்தி ஒருவரை ஒருவர் அடித்துச் சாவதை விட சேர்ந்து வாழ, ஒருவரை ஒருவர் மதித்து வாழ, புத்தி தேவைப்படுகிறது. அந்தப் புத்திக் கொள்முதலுக்கு, ‘பொருளாதாரத்தை சீரழித்தது போதாதா?’ லட்சக்கணக்கில் உயிர்களையும் இளம் பிஞ்சுகளையும் விலை கொடுத்தது போதாதா? என்ற கேள்விக்கு விடை தேடும் கட்டத்தை இன்று இரு மொழி மக்களும் எட்டிவிட் டனர். அதன் அடையாளங்களே யாழ்ப் பாண மக்களின் எல்டிடிஇ எதிர்ப்பு ஆர்ப் பாட்டம்.

மறுபக்கம், தன் நாட்டு பிரதமரையும், இந்தியாவின் முன்னாள் பிரதமரையும் கொல்ல இளம் தமிழ்க் குழந்தைகளை குண்டுகளாக்கி உயிர்களைப் பறித்தக் கொடுமை, கடைசியாக ஏரியை உடைத்து தமிழ் மக்களை வெள்ளத்தில் தள்ளி விட்டு, வெள்ளப் பெருக்கால் விவசாயம் கெட்டு மீதமுள்ள “ஈழத்” தமிழனையும் பட்டினிப்போடும் புலிகளின் ராணுவயுக்தி ஆகிய வைகளை மனிதநேயப் பண்புள்ளவர்கள் கண்டிப்பர். தமிழ் உணர்வுள்ள எவரும் ஏற்கமாட்டார்கள். இரண்டு ராணுவ சிப்பாய்களைக் கொல்ல 20 தமிழ் மக்களைக் கொன்றதையும், வாழவேண்டிய பிஞ்சுக் குழந்தையை வெடிக்கும் குண்டாக்கி எரித்ததையும் நினைக்கிற போதே நமக்கு நெஞ்சம் பதறுகிறது.

இன உணர்வும் அரசியலும்

இன உணர்வின் அடிப்படை என்ன? உயிரியல் அடிப்படையில் சொல்வதென் றால் தற்காப்பு என்ற இயல்புணர்வின் வெளிப்பாடே இன உணர்வாகும். மானுட மூளையின் ஒரு பகுதியின் அம்சமாகும். தன்னையும் தனது சந்ததியையும் மொழி யாலும் பண்பாட்டாலும் பாதுகாக்க இந்தத் தற்காப்பு உணர்வே அடிப்படையா கும். ஆதிகாலத்தில் பொருள் பற்றாக்குறை நிலவியது. அன்று மனித இனக் குழுக்கள் சண்டையிடாமல், ஒருவரை ஒருவர் அழிக்க முயலாமல் வாழ முடியாத நிலை இருந்தது. சங்க இலக்கியத்தை அலசி னால் போர் போற்றப்பட்டதற்கு அடிப் படை “மக்கள் உணவுப் பாதுகாப்பு” என் பது புரியும். ஒரு கட்டம் வரை இனக் குழுக்களுக்கிடையே இருந்த பகைமை, மக்கள் திரள் உலகெங்கிலும் பரவ வழி வகுத்தது . பொருள் உற்பத்தியில் உபரி ஏற் படவே இனக் குழுக்கள் இடையே வர்த் தக உறவு வளர்ந்தது. வர்த்தக உறவுகள் மொழிகளின் பரிமாற்றத்திற்கு வழிவகுத் தன; சண்டைகள் குறைந்தன. சக வாழ்வு பாதுகாப்பிற்கு அவசியம் என்ற புத்தி வந் தது. இந்த மாற்றத்திற்கேற்ப மாற மறுத்த இனங்கள் விலாசமிழந்தன. மொழியியல் வரலாற்று ஆசிரியர்கள் கூறுவதென்ன? சக வாழ்வின் அருமையைப் போற்றி, பிற மொழிகளின் சொற்களின் வேர்களை தமிழ்ச் சொல்லாக்கும் ஆற்றல் நமது முன்னோர்களுக்கு இருந்ததால் தமிழ் வளர்ந்தது. ஆரியமொழி பேசிய இனம், இந்த ஆற்றலை இனத் தூய்மைக்கு ஆபத்து என்று கருதியதால் அம்மொழி வழக்கொழிந்தது. இனக் கலப்பில்லாமல் வாழ முயன்ற ஆரிய மொழி பேசிய மக்கள் அருகிப் போயினர். கருப்பின மக்களை கேவலப்படுத்திய வெள்ளை இன மக்க ளில் பெரும்பான்மையினரின் இனத்தூய் மை பற்றிய பார்வையையும் தாண்டி பாரக் உசேன் ஒபாமா, அமெரிக்க ஜனாதிபதி ஆனார். மானுட வரலாற்றில் ஒரு பக்கம் இனங்களின் சக வாழ்விற்கான முயற்சி யும், மறுபக்கம் ஒரு இனம் மற்றொரு இனத்தை அடிமைப்படுத்த அல்லது அழிப்பதற்கான முயற்சியும் பல ஆயிரம் ஆண்டுகள் நடந்தது. 20ம் நூற்றாண்டில் இரண்டு உலக யுத்தம் நிகழ்ந்தது மட்டு மல்ல, சமத்துவ சமுதாயம் காண, எல்லா இனங்களும் சேர்ந்து வாழ, அமைதிப் பூக் காடாக நாடுகளை ஆக்கும் முயற்சிக ளும் நடந்தன. இனங்களின் சிறைச் சாலையாக இருந்த ரஷ்யா, சோவியத் குடி யரசாகி இனங்களின் பண்பாடுகளை போற்றும் அமைதிப் பூக்காடாகியது. மறுபக்கம் இன, மத அடிப்படையிலான மோதல்கள், ஏழை நாடுகளை பயங்கரங் கள் நிறைந்த சுடுகாடாக்கின. இந்தியா-பாகிஸ்தான், பாலஸ்தீனம்-இஸ்ரேல், ஜார்ஜியா-ஒசாட்டியா, ஏழு துண்டாகி அமைதிக்கு நேட்டோ படைகளை நம்பி நிற்கும் யூகோஸ்லோவியா போன்ற நாடு களின் பயங்கரவாத பேயாட்டங்கள், ஜனநாயக ஆட்சிமுறைக்கு வழிமறிச் சான்றுகளாக மாறியுள்ளதைப் பார்க்க மறுக்கலாமா?

ஆனால் தமிழகத்தில், இலங்கைவாழ் மக்கள் படும் துயரங்கள் தீர வழி தேடா மல், உள்ளூர் அரசியலை முன்னிறுத்திக் குழப்புவது வேதனை அளிக்கிறது. இங்கே தீக்குளிப்புகளைத் தூண்டுகிற அரசியல் கட்சிகள், ஊடகங்கள், தற்கொலை செய்ய தூண்டுவோரை சட்டம் சும்மாவிடாது என்று சொல்ல மறுக்கும் அரசு. இவற் றைக் கண்டிக்காத அறிவுலகம் ஆகிய வற்றைக் காணுகிறபோது நெஞ்சு பதறு கிறது. மத்திய அமைச்சரவையில் இடம் பெற்ற ஒரு கட்சியின் தலைவர் “ஈழம் பிரி யாமல் இலங்கையில் கால்வைக்க மாட் டேன்” என்கிறார். நானே நாளைய முதல் வர் என்றும் இன்னொரு தலைவர் “தமிழ் நாட்டு மக்களே நாடாளுமன்றத் தேர் தலைப் புறக்கணியுங்கள்” என்கிறார்.

அன்று பாரதி பாடினார். “எனப் பல பேசி இறைஞ்சிடப் படுவதாய் நாட்பட, நாட்பட நாற்றமும் சேறும் பாசியும் புதைந்து, பயன்நீர் இலதாய் நோய்க் களமாகி அழி கெனும் நோக்கமோ விதியே! விதியே! தமிழ்ச் சாதியை என செய நினைத்தாய்” என்று கேட்டார். பாரதியைப் போல் இன்று நமக்கும், “ஊடகங்களே! தமிழ்ப் பத்திரி கைகளே! ஈழ ஆதரவு அரசியல் தலைவர்களே! இனஉணர்வைச் சேறாக்கித் தமிழகத்தை நோய்க்களமாக்கும் நோக் கம் கொண்டீரோ? அவலை நினைத்து உரலை இடிப்பது சரிதானா? தீக்குளிப்பு களைத் தூண்டும் உணர்ச்சிப் பிரவாகம் எதற்கு? இலங்கை மக்களின் துயரம் போக்கவா அல்லது இங்கே அரசியலைக் கடையவா?”, என்று வினவத்தோன்றுகி றது. ஊடகங்களின் ஒரு தலைப்பட்ச மான பரபரப்புச் செய்திகள் தமிழ் நாட்டை அலைகழிக்கின்றன. இலங்கைவாழ் தமிழ் மக்கள் அமைதியாக வாழ ஒரு காலத்தில் புலிகளும் ஏற்ற தீர்வைத் தானே மார்க்சிஸ்ட் கட்சி வழி மொழி கிறது. உலக நாடுகளின் உதவியோடு அமைதியை நிலை நாட்டவே இந்திய அரசை வலியுறுத்துகிறது. இதை மேலும் முன்னெடுத்துச் செல்வோம்.

தமிழர் பிரச்சனை: அனுபவங்களும் தீர்வும்

பி. சம்பத்

பல்லாயிரக்கணக்கான இலங்கைத் தமிழர்களின் நிலைமை மிகுந்த துயரம் அளிப் பதாக உள்ளது. தொடரும் இலங்கை இராணு வத்தின் பெருந்தாக்குதல் கவலையளிக் கிறது. மறுபுறம் எல்.டி.டி.இ. பல்லாயிரக்கணக் கான மக்களை தன் பிடிக்குள் வைத்திருப் பதாகவும், இலங்கை இராணுவம் - எல்.டி. டி.இ. ஆயுத மோதல் பகுதியில் சிக்கித் தவிக் கும் மக்களின் எண்ணிக்கை பற்றியும், குழப் பமான செய்திகள் வருகின்றன. எண்ணிக் கை எதுவானாலும் கணிசமான மக்கள் பாதுகாப்பான இருப்பிடம், போதுமான உணவு, குழந்தைகளுக்குத் தேவையான பால், அத் தியாவசிய மருந்துகள் போன்றவை கிடைக் காமல் அவதிப்படும் நிலை நீடிக்கிறது என் பதே உண்மை.

அவதியுறும் இம்மக்களுக்கு உடனடி யாகச் செய்ய வேண்டிய பணிகளையும், நிவார ணங்களையும் தாமதமின்றி நிறைவேற்ற வேண்டியது அவசரப்பணியாக உள்ளது. இலங்கை இராணுவமும், எல்.டி.டி.இ.யும் போர் முனையில் சிக்கித் தவிக்கும் அப்பாவி மக்களை பாதுகாப்பான குடியிருப்புப் பகுதி களுக்குச் செல்ல அனுமதிக்க வேண்டும். அப்பாவி மக்களைத் தாக்குவதோ அவர் களைக் கேடயமாக பயன்படுத்துவதோ மனித உரிமை மீறலேயாகும்.

இதனைத் தொடர்ந்து இலங்கைத் தமிழர் களின் பிரச்சனைகளுக்கு நிரந்தரத் தீர்வு காண வேண்டும். நீண்ட நெடுங்காலம், இலங் கை அரசின் பிடிவாதத்தாலும், எல்.டி.டி.இ.யின் தவறான அணுகுமுறையாலும் வீணடிக்கப் பட்டுவிட்டது. எனவே, உடனடியாக நிரந்தரத் தீர்வுக்கான முயற்சிகளைத் தொடங்க வேண் டும். இதில் இலங்கை அரசின் பொறுப்பு முக்கியமானது. இலங்கைத் தமிழ் மக்க ளுக்கு சமஉரிமை, கல்வி, தொழில், வேலை வாய்ப்புகளில் சமவாய்ப்புகள். தமிழ் மொழிக்கு சிங்கள மொழிக்கு நிகரான சம அந்தஸ்து, வடக்கு - கிழக்கு மாகாணங்களுக்கு சுயாட்சி யுடன் கூடிய அதிகாரப்பகிர்வு போன்றவை நிரந்தரத் தீர்விற்கான அடிப்படை அம்சங் களாகும்.

வடக்கு - கிழக்கு மாகாணங்களுக்கு வெளியேயும் பல லட்சக்கணக்கான தமிழர் கள் வாழ்ந்து வருகின்றனர். அவர்கள் பாது காப்பான நிலையில் இருப்பதை உத்தரவாதப் படுத்தக்கூடிய அரசியல் தீர்வு அவசியம். வடக்கு - கிழக்கு மாகாணங்களில் வாழும் தமிழர்களுக்கான அமைப்புகள் பிரிந்து நிற் கின்றன. இத்தகைய சூழலில், இலங்கை அரசின் ஜனநாயக விரோதப் போக்கையும், எல்.டி.டி.இ.யின் தவறான நிலைபாடுகளுக் கும் எதிராக யாழ்ப்பாணத்தில் பல்லாயிரக் கணக்கான தமிழ் மக்கள் கண்டன ஊர்வலம்- ஆர்ப்பாட்டம் நடத்தியிருப்பது குறிப்பிடத்தக்கது.

இந்திய அரசின் தார்மீகப் பொறுப்பு

இலங்கைத் தமிழர்களின் பிரச்சனையில் இந்திய அரசு இன்னும் வலுவாகத் தலையிட வேண்டும். இருதரப்பிலும் போர் நிறுத்தம் செய்ய வலியுறுத்த ராஜீய ரீதியில் முயல வேண்டும். இதற்கு இந்திய அரசு ஐ.நா. சபை யின் உதவியை நாட வேண்டும் என்று மார்க் சிஸ்ட் கம்யூனிஸ்ட் கட்சிஆலோசனை கூறி யுள்ளது.

இந்நிலையில் தமிழ்நாட்டில் இலங்கைத் தமிழர்களுக்கு ஆதரவு என்ற பெயரில் சில கட்சிகளும், அமைப்புகளும் எடுத்துள்ள நிலைபாடுகளும், நடத்தும் போராட்டங்களும், இனவெறிப்பேச்சுக்களும் எவ்விதத்திலும் இலங்கைத் தமிழர்களின் துயர் துடைக்க உதவாது. தீக்குளிப்பு போன்ற விரும்பத்தகாத சம்பவங்களும் நடந்துள்ளன. இத்தகைய தீக்குளிப்புகளை ஊக்குவிக்கும் வகையில் உணர்ச்சியைத் தூண்டிவிடும் பேச்சுக்கள் தீங்கானவையாகும்.

அரசியல் கட்சிகளைப் பொறுத்தவரை பா.ம.க., மதிமுக, விடுதலைச் சிறுத்தைகள் போன்றவை தனி ஈழம்- எல்.டி.டி.இ. ஆதரவு நிலை எடுத்துப் பேசி வருகின்றன. 25 ஆண்டுகளுக்கு மேலாக தொடரும் மோதல்கள் இலங்கைத் தமிழர்களுக்கு சொல்லொண்ணாத் துன்பத்தையும் எல்.டி.டி.இ.க்கு பின்னடைவையுமே தந்துள்ளன என்பது அனுபவம். இதனை மறந்து பேசுவது இலங்கைத் தமிழர் களுக்கு மட்டுமல்ல; இந்திய நாட்டுக்கும் நல்லதல்ல.

இந்திய கம்யூனிஸ்ட் கட்சியின் அகில இந்தியப் பொதுச் செயலாளர் ஏ.பி.பரதன், ஒன்றுபட்ட இலங்கைக்கு உள்ளிட்ட அரசியல் தீர்வு, இலங்கை துண்டாடப்படுவது ஏகாதிபத்திய சக்திகளுக்கே உதவும் என்ற சரியான கருத்தை தமிழ்நாட்டிற்கு வந்தபோது அழுத்தமாக பதிவு செய்திருப்பது வரவேற்கத் தக்கது. இப்பின்னணியில் தமிழ்நாட்டில் அந்தக் கட்சி பழ.நெடுமாறன் தலைமையிலான இலங்கைத் தமிழர் பாதுகாப்பு இயக்கத்தில் எல்டிடிஇ ஆதரவு அமைப்புகளோடு கை கோர்த்துள்ளது புதிராகவே உள்ளது.

மறுபக்கம், இலங்கைத் தமிழர் நல உரிமைப் பேரவை என்ற பெயரில் திமுக தலை மையில் காங்கிரஸ், முஸ்லிம் லீக், திராவிடர் கழகம் போன்ற கட்சிகள் இணைந்து செயல்படுகின்றன. அஇஅதிமுக, தேமுதிக போன்ற கட்சிகள் சுயேட்சையான நிலைபாட்டை எடுத்து விளக்கங்களையும், விமர்சனங்களை யும் முன்வைத்து வருகின்றன. சமீபத்தில் நடைபெற்ற அதன் செயற்குழுக் கூட்டத்தில் எல்.டி.டி.இ.யின் அணுகுமுறையை நிராகரித்து, அதிகாரப் பகிர்வு-சுயாட்சி என்ற அடிப்படையில் அரசியல் தீர்வை வலியுறுத்தி தீர்மானம் நிறைவேற்றப் பட்டுள்ளது ஒரு முன்னேற்ற மான நிகழ்வாகும்.

மார்க்சிஸ்ட் கம்யூனிஸ்ட் கட்சியைப் பொறுத்தவரை துவக்கத்திலிருந்தே இப்பிரச்சனையில் சரியானதும், பொருத்தமானது மான நிலைபாட்டை எடுத்துவந்துள்ளது. இலங்கை அரசு தொடர்ந்து ராணுவத் தீர்வுக் கான முயற்சிகளைத் தொடருவதை ஏற்க முடியாது; அதே நேரத்தில் எல்.டி.டி.இ.யி லிருந்து அப்பாவித் தமிழ் மக்களை வேறு படுத்திப் பார்க்க வேண்டும், ஒன்றுபட்ட இலங்கைக்குள் அரசியல் தீர்வு எட்டப்பட வேண்டும் என்று அழுத்தமாக வலியுறுத்தி வந்துள்ளது. கடந்த பிப்ரவரி 12 இல் தமிழ் நாட் டில் மாவட்டத் தலைநகரங்களில் சக்தியான கண்டன இயக்கங்களை நடத்தியுள்ளது. இந்தியப் பிரதமரை தோழர்கள் சீத்தாராம் யெச் சூரி எம்.பி., டி.கே. ரங்கராஜன் எம்.பி. நேரில் சந்தித்து இலங்கை அரசை நிர்ப்பந்திக்க வலியுறுத்தியுள்ளனர்.

இலங்கையில் வடக்கு - கிழக்கு மாகா ணங்களில் மட்டுமின்றி அந்நாட்டின் பரவ லான பகுதிகளில் சிங்கள மக்கள் திரள் வலு வாக உள்ள பகுதிகளிலும் தமிழர்கள் லட்சக் கணக்கில் வசிக்கிறார்கள். எனவே, இலங் கைத் தமிழர்களுக்கு என ஒரு தனி நாடோ, அல்லது வடக்கு, கிழக்கு மட்டும் பிரித்து தனி ஈழம் கேட்பதோ அல்லது உருவாக்குவதோ தீர்வு ஆகாது என்பதை உணரவேண்டும். 30 ஆண்டுகால அனுபவங்கள் இதனை அழுத்த மாக பதிவு செய்துள்ளது.

எனவே, சமாதானம், சம உரிமை, சக வாழ்வு, முழுமையான ஜனநாயக உரிமைகள் என்ற கோரிக்கைகளையும் முழக்கங்களை யும் முன்வைப்பதும் அதற்கான முறையில் தலையிட இந்திய அரசை வலியுறுத்துவதும் தான் அல்லல்படும் இலங்கைத் தமிழர் களின் துயர் துடைக்க உதவும்.

இதற்கான முறையில் இந்திய - தமிழக அரசியல் இயக்கங்களும், ஜனநாயக அமைப் புகளும் ஒன்றுபட்டுக் குரல் கொடுக்க முன் வந்தால் இலங்கைத் தமிழர்களுக்கு அது பேருதவியாக இருக்கும்.