பாலுக்கும் காவல்; பூனைக்கும் தோழன்

சிரியா, உக்ரைன் விவகாரங்களை தொடர்ந்து மீண்டும் கடந்த சில நாட்களாக இராக்கில் நடக்கும் பயங்கர மோதல்கள் உலகம் முழுவதும் ஊடகங்களின் தலைப்புச் செய்தியாக இடம் பிடித்துள்ளன.கிட்டத்தட்ட 25 ஆண்டுகளாக, மனிதகுல நாகரிகத்தின் தொட்டில்களில் ஒன்று என போற்றப்படும் இராக்கில் அமைதி இல்லை; போர், மேலும் போர், குண்டுவெடிப்புகள், மீண்டும் உள்நாட்டுப் போர்... ரத்தவெள்ளத்தில் ஆயிரமாயிரமாய் அப்பாவிகள் இரையாவது தொடர் கதையாக மாறியிருக்கிறது.மீண்டும் இதோ, இராக்கில் தற்போது ஆட்சியிலிருக்கும் அரசுக்கும், அதற்கெதிராக செயல்படத் துவங்கியுள்ள - மிகப்பெரும் பயங்கரவாத அமைப்பாக உருவெடுத்துள்ள ஒரு அமைப்புக்கும் இடையில் மிகப் பெரும் மோதல் - கலவரம் வெடித்துள்ளது.இதில் வேடிக்கை என்னவென்றால், இராக்கின் தற்போதைய அரசாங்கமும், அதை எதிர்த்து பயங்கர வன்முறையை துவக்கியுள்ள அமைப்பும் - இரண்டுமே அமெரிக்காவின் கைக்கூலிகள் என்பதுதான்.

‘நியூ ஈஸ்டர்ன் அவுட்லுக் ஜர்னல்’ என்ற ஏடு மிக விரிவான ஒரு அறிக்கையை சமீபத்தில் வெளியிட்டது: ‘சிரியாவை மொத்தமாக கபளீகரம் செய்ய பெரும் முயற்சியில் இருக்கிற அமெரிக்க ஏகாதிபத்தியம், அதன் முன்னோட்டமாக பல நாடுகளில் உள்நாட்டுப் போர்களை தூண்டிவிட திட்டமிட்டுள்ளது. 

அதில் முக்கியமான நாடு இராக். சிரியாவில் கடந்த 3 ஆண்டுகளுக்கும் மேலாக கொடிய பயங்கரவாதிகள் அனுப்பப்பட்டு அவர்கள் மிகப் பெரும் வன்முறை வெறியாட்டத்தை அரங்கேற்றி வருகிறார்கள். இவர்களுக்கு அமெரிக்காவும், அதன் கைக்கூலிகளான துருக்கி, சவுதி அரேபியா மற்றும் கத்தார் ஆகிய நாடுகளும் பல்லாயிரம் கோடி டாலர்களையும் மிகப் பெருமளவில் ஆயுதங்களையும் வாரி வழங்கி வருகின்றன. பல்வேறு பயங்கரவாதக் குழுக்களை சிரியாவுக்குள் அனுப்பிய ஏகாதிபத்திய சக்திகள் படிப்படியாக அந்தக் குழுக்களையும் ஒன்றிணைத்து மிகப் பெரும் பயங்கரவாத ராணுவமாக - அமெரிக்காவின் சொல்படி எந்த நேரத்திலும், எந்த நாட்டிற்குள்ளும் புகுந்து ரத்தவெறியாட்டத்தை நடத்தக்கூடிய கூலிப்படையாக - மாற்றுவதில் தற்போது வெற்றி பெற்றுள்ளன. அப்படி உருவாகியிருக்கும் படைதான் ‘இஸ்லாமிக் ஸ்டேட் ஆப் இராக் அண்ட் சிரியா (ஐஎஸ்ஐஎஸ்)’.

கடந்த 2007ம் ஆண்டே சர்வதேச அரசியல் நோக்கர்களில் ஒருவரான செய்மவ்ர் ஹெர்ஷ் என்பவர் எழுதிய ஒரு விரிவான கட்டுரையையும் மேற்கண்ட நியூ ஈஸ்டர்ன் அவுட்லுக் ஜர்னல் ஏடு வெளியிட்டிருக்கிறது.மத்திய கிழக்கு - வளைகுடா நாடுகள் உள்ளிட்ட எண்ணெய் வள பூமியில் நிரந்தரமாக மோதலை நீடிக்கச் செய்ய ஒரு விரிவான திட்டத்தை அமெரிக்கா செயல்படுத்திக் கொண்டிருக்கிறது. இன்னும் குறிப்பாக ஈரான், சிரியா, லெபனான் போன்ற நாடுகளை - ஏற்கெனவே இராக்கை கைப்பற்றியிருப்பது போல - முழுமையாக கபளீகரம் செய்வதுதான் இத்திட்டத்தின் இலக்கு. இதற்காக ஒவ்வொரு முறையும் மேற்கத்திய நாடுகளின் ராணுவப் படைகளை அங்கு முதலிலேயே அனுப்புவது என்பதற்கு மாறாக, இந்த நாடுகளிலெல்லாம் எந்த நேரமும் ஊடுருவி பெரும் கலகங்களையும், வன்முறைகளையும் நடத்துவதற்கேற்றாற்போல் ஒரு படையை உருவாக்க திட்டமிட்டுள்ளது அமெரிக்கா.

ஏற்கெனவே, இராக்கிலும், ஆப்கானிஸ்தானிலும் தன்சொல்படி கேட்ட பயங்கரவாத கைக்கூலி கும்பல்களை அடையாளம் கண்டு, அவர்களுக்கு விரிவான ராணுவப் பயிற்சியும், கேட்கும் போதெல்லாம் கைநிறையப் பணமும், அதிநவீன ஆயுதங்களும் அளித்து தயார்ப்படுத்திக் கொண்டிருக்கிறது.இந்த கும்பல்களுக்கு துருக்கி, சவுதி அரேபியா போன்ற பாதுகாப்பான சொர்க்கங்கள் ஏற்கெனவே தயாராக காத்திருக்கின்றன. துருக்கியின் எல்லையை பயன்படுத்தி, இராக், ஈரான், லெபனான் போன்ற நாடுகளுக்கு இந்த கும்பல்களால் எளிதாக ஊடுருவ முடியும்.செய்மவ்ர் ஹெர்ஷ், குறிப்பிட்ட இந்த விபரங்களின் தொகுப்புதான், இன்றைக்கு இராக்கில் பெரும் வன்முறையை அரங்கேற்றி வருகிற ஐஎஸ்ஐஎஸ் எனும் அமெரிக்க ஆதரவு பயங்கரவாத கூலிப்படை.இதில் இருப்பவர்கள், பல பத்தாண்டுகளுக்கு முன்பே ஆப்கனில் பின்லேடனை ஊட்டி வளர்த்த அமெரிக்காவால் உருவாக்கப்பட்டு, பயிற்றுவிக்கப்பட்ட அல்கொய்தா பயங்கரவாத இயக்கத்தின் பல நாட்டு பிரிவினர்தான்.

இராக்கில் சதாம் உசேனை வீழ்த்துவதற்காக, அந்நாட்டில் பேரழிவு ஆயுதங்கள் இருப்பதாக பொய்க் காரணம் கூறி 2003ம் ஆண்டு படையெடுத்தது அமெரிக்க ஏகாதிபத்தியம். மனித குலத்தால் வெறுக்கப்பட்ட இந்த கொடிய போரில் கிட்டத்தட்ட 6 லட்சம் இராக்கியர்கள் கொல்லப்பட்டார்கள். ஆனால் ஊடகங்கள் அந்த உண்மைகளை மறைத்தன.கிட்டத்தட்ட 10 ஆண்டுகள் இராக்கில் அமெரிக்கப் படைகள் நேரடியாக கோலோச்சின. பெயருக்கு கைக்கூலி அரசாங்கங்களும் அமைந்தன. அமெரிக்க ராணுவ தலைமையகமான பெண்டகன், இராக்கில் தற்போது உள்ள பாதுகாப்புப் படைக்கு மட்டும் 22 பில்லியன் டாலர் செலவழித்துள்ளது.

அதே நேரத்தில் மேற்படி பயங்கரவாத கூலிப்படைக்கு அமெரிக்காவின் நாசகர உளவு ஸ்தாபனமான சிஐஏ, பல்லாயிரம் கோடி டாலர் நிதியைச் செலவழித்துக் கொண்டிருக்கிறது.இராக் அரசுப் படைகளுக்கு கடந்த ஏப்ரலில் அமெரிக்கா எப்16 ரகத்தில் 36 போர் விமானங்களை அளித்துள்ளது. நூற்றுக்கும் மேற்பட்ட ஏவுகணைகளையும் மிகப் பெருமளவில் எந்திரத் துப்பாக்கிகளையும் வழங்கியுள்ளது. 11 மில்லியன் ரவுண்டுகள் சுடும் அளவிற்கு வெடிமருந்துகளை அளித்துள்ளது.அரசுப் படைகளுக்கு எதிராக நிற்கும் கூலிப்படைக்கும் இதைவிட அதிகமாக ஆயுதங்களை சப்ளை செய்துள்ளது.பாலுக்கும் காவல், பூனைக்கும் தோழன் என்ற கதைதான்.இதோ இப்போது அமெரிக்கப் படைகள், பாரசீக வளைகுடாவிற்கு புறப்பட்டுவிட்டன. இராக் உள்ளிட்ட வளைகுடா பிரதேசத்தின் அளவற்ற எண்ணெய் வளத்திற்காக, ரத்த ஆறுகளை உற்பத்தி செய்கிறது அமெரிக்கா.

                                                                                                                                                                                                 - எஸ்.பி.ராஜேந்திரன்

உயிர்காக்கும் மருந்தில் பன்னாட்டு படையெடுப்பு

மருந்து விற்பனை என்பது இன்று வேகமாக லாபம் ஈட்டும் தொழிலாக மாறியுள் ளதை உலகமய சூழலில் நாம் காண்கிறோம். பெரும் கார்ப்பரேட் நிறுவனங்கள்கூட தங்கள் வர்த்தகத்தை அதிகப்படுத்திட, இத்துறையில் கால் பதிக்க துவங்கியுள்ளன. சேவை என்பது முற்றிலும் இல்லாமல் போய்விட்டது. லாபம்.. லாபம்.. கூடுதல் லாபம் எனும் தாரக மந்தி ரத்தை பின்புலமாய் கொண்டு இத்துறையில் உள்ளவர்கள் செயலாற்றி வருகின்றனர்.ஒரு மருந்து சிலகுறிப்பிட்ட நோய்களுக்கு மட்டுமே கொடுக்கப்படாமல், அதன் விரி வான பயன்பாட்டின் காரணமாக வேறு சில நோய்களுக்கும் கொடுக்கப்படும் வாய்ப் புள்ளது. சமீப காலமாக உலக அளவில் புதிய மருந்து கண்டுபிடிப்பில் தேக்கமும் வறட்சி யும் ஏற்பட்டுள்ளது.

ஆராய்ச்சி பணிகளுக்கு ஆகும் பெரும் செலவே இதற்கு முக்கிய கார ணமாகும்.ஏற்கனவே மேற்கத்திய நாடுகளில் ஏற் பட்டுள்ள பொருளாதார நெருக்கடி இதற்கு கூடுதல் காரணமாகவும் அமைந்துள்ளது.இது தான் இன்றைய நிலவரம். இந்தப் பின் னணியில் லண்டனை தலைமையிடமாக கொண்டு வர்த்தகம் செய்யும் கிளாக்சோ ஸ்மித் கிளைன் (ழுடுஹஓடீ ளுஆஐகூழ முடுஐசூநு) எனும் நிறு வனம் தான் தயாரித்து விற்பனைக்கு வந் துள்ள, சில நோய்களுக்கு மட்டுமே பயன் படுத்திட வேண்டிய சில மருந்துகளை விதி களை மீறி மற்ற நோய்களுக்கும் விற்பனை செய்தது இப்போது உலகுக்கு தெரியவந் துள்ளது.மன நோய்க்கு மட்டுமே கொடுக்கப்பட வேண்டிய ஒரு மருந்தின் பக்க விளைவான, இளம் வயதினருக்கு தற்கொலை உணர்வை தூண்டும் எனும் தகவலை தனக்கு சாதகமாக இந்நிறுவனம் மறைத்துள்ளது. பாக்சில் (ஞஹஓஐடு) எனும் வர்த்தகப் பெயரில் (கூசுஹனுநு சூஹஆநு) வந்துள்ள இம் மருந்துகளின் தன்மை கள் மறைக்கப்பட்டுள்ளது. இளம் வயதின ருக்கு-குழந்தைகளுக்கு இம்மருந்து கொடுக் கப்படலாம் என்பதற்கு சாதகமாக சில மருத் துவ அறிக்கைகளை பிரபலமான மருத்துவ புத் தகங்கள் மூலம் வெளியிட்டுள்ளது.இதே கிளாக்சோ நிறுவனத்தின் மற்றொரு தயாரிப்பான வெல்பர்டின் (றுநுடுடு க்ஷருசுகூஐசூ) மனநோய் சிகிச்சைக்கு பயன்படுத்தப்பட வேண்டிய மருந்தாகும். ஆனால் இம்மருந்தை உடல் எடை குறைப்பிற்கும், பாலியல் பிரச்ச னைகளுக்கும் இந்நிறுவனம் பரிந்துரைக்க சொன்னது. இதற்கு ஆதாரமாக தங்கள் நிறு வனமே பரிசோதனைகள் செய்ததாக அறிக் கைகளை வெளியிட்டது. இப்போது அவ்வ றிக்கைகள் அனைத்தும் தவறானது, முறையற் றது எனவும், அந்த அறிக்கைகள் வெளியிடப் பட ஆராய்ச்சியாளர்களுக்கு லஞ்சம் கொடுக் கப்பட்டதாகவும் தகவல்கள் தெரிவிக்கின்றன.கிளாக்சோ நிறுவனத்தின் இந்த தவறான வழிகாட்டுதல்களை மிகப் பெரிய குற்றம் என்று அந்நாட்டு கட்டுப்பாடு அதிகாரிகள் சொல்லியுள்ளனர்.

எப்போதும் போல இந்த பன்னாட்டு பெரும் வணிக நிறுவனமும் இதற்கு சில மூத்த அதிகாரிகளே காரணம் என ஒரு சில பேர்களின் பக்கம் தள்ளி விடப் பார்க்கின்றது. இது ஓர் நிறுவனத்தின் வர்த்த கம்/வியாபாரம் சம்பந்தப்பட்ட கொள்கை (ளை) முடிவுகள். அப்படியிருக்க ஒட்டுமொத்த நிறுவனமே தண்டிக்கப்பட வேண்டியுள்ளது.இப்படி தவறு செய்யும் நிறுவனங்கள் மீது நஷ்டஈடு என்ற பெயரில் பல்லாயிரக்கணக் கான டாலர்கள் செலுத்த வேண்டும் எனும் வழக்கு தொடரப்படுகின்றது.இப்படி ஏதோ ஒரு நிறுவனம் தான் தவறு செய்கின்றது என்பது மட்டுமல்ல. பன்னாட்டு நிறுவனங்களின் லாப வெறி ஓட்டத்தில் இது ஒரு சிறு புள்ளியே!அமெரிக்காவை தலைமையிடமாக கொண்டு செயல்படும் அபோட் (ஹக்ஷக்ஷடீகூகூ) எனும் நிறுவனம் நரம்பு தளர்ச்சி மற்றும் மன உளைச்சலை கட்டுப்படுத்தும் மருந்தான டெபாகோட் (னுநுஞஹமுடீகூநு) வேறு சில பிரச்ச னைகளுக்கும் எழுதப்படலாம் எனும் தவ றான தகவல் கொடுத்ததற்காக ஆறு மாதம் முன்பு 1.6 பில்லியன் டாலர் நஷ்ட ஈடாக கொடுக்க வேண்டும் என்று அந்நாட்டு நீதி மன்றம் தீர்ப்பளித்தது.அதே போல் ஜான்சன் & ஜான்சான் நிறு வனம் தயாரித்துள்ள ஒரு மருந்தை விற் பனை செய்ய மட்டுமே உரிமை பெற்ற அபோட் நிறுவனம் தவறான தகவல்களை அளித்தது கண்டுபிடிக்கப்பட்டு , 2 பில்லியன் டாலர் அபராதத் தொகையாக செலுத்திட வேண்டும் என தீர்ப்பு வந்துள்ளது. இந்த அபராதத் தொகைகளை கட்டாமல், தட்டிக்கழித்து விட லாம் எனும் எண்ணத்தில், நிறுவனம் வழங் கிய தகவல்கள் அனைத்தும் உண்மையே என மருத்துவர்கள் மூலம் சொல்ல வைத்தது.

அதுவும் முற்றிலும் தவறு என தெரியவந்தது.எங்கள் நிறுவனத்தின் நற்பெயருக்கு களங்கம் விளைவிக்க பார்க்கிறார்கள் எனும் விஷம பிரச்சாரமும் செய்யப்பட்டது. தங்க ளின் கார்ப்பரேட் நற்பெயரை காப்பாற்றிக் கொள்வதற்கு இந்த நிறுவனங்கள் என்ன வேண்டுமானாலும் செய்யும் என்பதை பல வரலாறுகள் நமக்கு சொல்லியிருக்கின்றன.இந்த மோசமான வழித்தடத்தை கொண் டுள்ள பன்னாட்டு நிறுவனங்களான கிளாக் சோவும் - அபோட்டும் தங்கள் நாடுகளில் ஏற்பட்டுள்ள பொருளாதார நெருக்கடிகளை சமாளிக்க, வளரும் நாடுகள் மீது கவனம் திருப்பி சந்தைகளை தங்கள் வசமாக்கி, ஒட்டு மொத்தமாக மக்களை ஏமாற்றி சுரண்டப் பார்க்கின்றன. மேற்சொல்லப்பட்ட நிறுவனங் கள் தங்கள் சொந்த நாடுகளிலேயே தவறான அனைத்தையும் செய்து அபராதம் கட்டி விதியை மீறியவைகள். நம்நாட்டில் என்ன செய்தார்கள்? ஆட்சியாளர்களோ கதவுகளை அகலமாக திறந்துவைத்து எதை வேண்டு மானாலும் செய்யுங்கள்- என ரத்தினக் கம் பளம் விரிக்கின்றனர்.அதனால் தான் இன்று தடுப்பூசிகள் வர்த் தகத்தில் சுமார் 70 சதவீதத்திற்கு மேலான சந்தையை தன்னுடைய ஆதிக்கத்திற்குள் வைத்திருக்கிறது கிளாக்சோ நிறுவனம். இவர் கள் வசதியாக நம்நாட்டு மக்களை சுரண்ட இந்தியாவிலுள்ள தடுப்பூசி நிறுவனங்கள் (பொதுத்துறை) இயங்காமல் - உற்பத்தி செய் வது தடுக்கப்பட்டு முடக்கி வைக்கப்பட்டது. விளைவுகளை இன்று நாம் சந்திக்கின்றோம். இதற்கு ஏற்றாற்போல், சில ஆண்டுகளுக்கு பிறகு (சுமார் 6 ஆண்டுகளுக்கு மேல்) இப் போது இந்தியாவின் மூன்று தடுப்பூசி நிறு வனங்களில் உற்பத்தி துவங்கியுள்ளது. இந்த நிறுவனங்களின் வெளியீட்டு திறன் (டீருகூஞருகூ ஊஹஞஹஊஐகூலு) அரசு மருத்துவமனை களின் தேவைக்கும் குறைவாகத்தான் இருக் கும். இதைத்தவிர வெளிச்சந்தை உள்ளது. ஆக, நாமே அறியாமல் நமது எதிர்கால தலை முறை பன்னாட்டு நிறுவனங்களின் கட்டுப் பாட்டில் பிறந்த நாள் முதல் இருக்கும். மற்றொரு புறத்தில் அபோட் நிறுவனம் இந்தி யாவில் உள்ள பெரும் இந்திய நிறுவனங்களை விழுங்கி இந்திய சந்தையில் அழுத்தமான கால் பதித்து, சந்தையில் 30 சதவீதம் இடத்தை பிடிக்க மேலும் நிறுவனங்களை வாங்கவும் முயற்சிக்கின்றது.

இப்படி செய்யும் போது பல ஆயிரக்கணக்கான தொழிலாளர்கள் (தொழிற்சாலை மற்றும் மருத்துவ பிரதிநிதிகள்) எந்தவிதமான உரிமைகளும் இன்றி நசுக்கப் படுகின்றனர்.இந்த பன்னாட்டு நிறுவனங்களின் படை யெடுப்பை - கொள்ளை முயற்சியை தடுப்பது தேச பக்த கடமையாகும். மருத்துவ அரங்கில் பல சாதனைகளை நம்நாட்டு அறிஞர்கள் புரிந்து வருவது ஒரு புறம். அதே நேரத்தில், சுகாதார மேம்பாட்டிற்காக அரசு செலவிடும் தொகையோ ஆண்டுக்கு ஆண்டு குறைந்து வருகின்றது. தனியார் மயத்தை நோக்கி இந்த துறையை அரசே தள்ளி விடுகின்றது. இன் னும் பெருவாரியான மக்களுக்கு சுகாதாரமான குடிதண்ணீர் கிடைப்பதில்லை. சமீபத்திய ஆய்வு அறிக்கை மூலம் நமக்கு கிடைக்கும் செய்தி நம்மை அதிர்ச்சியில் தள்ளுகின்றது.உலகப் புகழ்பெற்ற தி லான்செட் (கூழநு டுஹசூஊநுகூ) எனும் மருத்துவ இதழில், 2010ம் ஆண்டு மட்டும் 1.7 மில்லியன் மக்கள் உயிர் இழந்துள்ளனர்; அதில் சுமார் 4 லட்சம் பேர் நிமோனியா காய்ச்சலால் (ஞசூநுருஆடீசூஐஹ) மடிந் துள்ளனர்; அடுத்ததாக, சுமார் 2 லட்சத்தி பத் தாயிரம் பேர் வயிற்றுப் போக்கால் மறித்துள் ளனர் எனும் தகவல் வெளியிடப்பட்டுள்ளது..இப்படி வயிற்றுப்போக்கு நோய் வருவ தற்கு பல காரணங்கள் உண்டு. ஆனாலும் சுதந்திர இந்தியாவில் எந்த ஆட்சியிலும் அதைப்பற்றிய கவலையோ, அதை போக்கு வதற்கு உருப்படியான உறுதியான நடவடிக் கைகளோ எடுக்கப்பட்டதில்லை.சமீபத்திய யுனிசெப் நிறுவனத்தின் அறிக் கையை படிக்கும்போது மேலும் வேதனை யளிக்கிறது. அதாவது நம் நாட்டின் மொத்த மக் கள்தொகையில் கிட்டத்தட்ட 54 சதவீத மக் கள் (சுகாதாரமான) கழிவறை வசதியின்றி திறந்தவெளிகளில் மலம் கழிக்கின்றனர். நம்மைவிட பொருளாதாரத்தில் பின்தங்கிய, ஏன் ஏழ்மை நாடான வங்கதேசத்தில் கூட நம்மை விட முன்னேற்றம் கண்டுள்ளனர். ஆனால் நமது நாட்டின் நிலை மிகவும் மோச மானதாக உள்ளது.சுற்றுச்சூழல் துறையில் தண்ணீர் மற்றும் சுகாதாரத்திற்கான அமைச்சராக உள்ள ஜெய் ராம் ரமேஷ், 2017க்குள் மொத்த மக்கள் தொகைக்கும் கழிவறை வசதி கிடைத்து விடும் என ஆரூடம் போல சொல்லி வருகின் றார். திட்டங்கள் எதுவும் உருப்படியாக வடி வமைக்கப்படவில்லை.

கழிவறை கட்டுவதற்கு மானியங்கள் வழங் கப்படுவதாக பெரும் விளம்பரங்கள் அரசு தரப் பில் செய்யப்பட்டாலும், அதை வாங்குவதற் குள் மக்கள் பாடு திண்டாட்டம் தான்!சுகாதாரமான தண்ணீர் இல்லை. குடிப் பதற்கு தண்ணீர் கிடைக்க பல மைல் தூரம் நடக்கும் பெண்களின் அவலம் நீடிக்கும் நமது நாட்டில், முறையற்ற பன்னாட்டு நிறுவனங் களின் படையெடுப்பு ஒரு பக்கம்; திட்டமிட்டு தனியார் மயத்தை நோக்கி தள்ளும் மத்திய, மாநில அரசுகள் மறுபக்கம். மக்களை ஒட்டு மொத்தமாக சுரண்ட நினைக்கும் இவர்களுக் கெதிரான அரசியல் போராட்டத்தை மார்க் சிஸ்ட் கட்சியின் அரசியல் தீர்மானத்தில் வழி காட்டியிருப்பதைப் போல், வெகு மக்க ளிடத்தில் தொடர் விழிப்புணர்வு பிரச்சாரமாக கொண்டு சென்று, ஆட்சியாளர்களின் மக்கள் விரோத கொள்கைகளை முறியடிப்போம்!

உங்களுக்கு தெரியாத கியூபாவின் உண்மைகள்

புரட்சிகர பூமியாம் சோசலிச கியூபாவிற்கு எதிராக அமெரிக்கா விதித்த பொருளாதாரத் தடைகள், வர்த்தகத் தடைகள் பற்றி நாம் அறிவோம். உலகெங்கிலும் உள்ள அமெரிக்க ஆதரவு முதலாளித்துவ ஊடகங்கள் கியூபாவிற்கு எதிராக நடைமுறைப்படுத்தி வரும் ஊடகத்தடை நாம் அதிகம் அறியாதது.

சமீப நாட்களாக கியூபாவுக்கு எதிராக உலக ஊடகங்களில் ஒரு திட்டமிட்ட அவதூறுச் செய்தி உலா வந்துகொண்டிருக்கிறது. அந்தச் செய்தி கியூபாவை ஒரு பிசாசைப்போல வர்ணிக்கிறது. கியூபாவில் மனிதஉரிமை காலில்போட்டு நசுக்கப்படுவதாகக் கதைக்கிறது. கியூபாவில் சிறைக் கைதி ஒருவர் இறந்துபோனது குறித்தே இத்தகைய செய்திகள் பரப்பப்பட்டுள்ளன.

கடந்த நான்காண்டுகாலமாக சிறையில் அடைக்கப்பட்டிருந்த கைதி ஒருவர் இறந்துபோனது உண்மைதான். தனது மனைவியை பொது இடத்தில் மிகக்கொடூரமான முறையில் தாக்கிக் காயப்படுத்திய குற்றத்திற்காகவும், அவரை தடுத்து நிறுத்த முயன்ற காவல்துறையினர் மீது வன்முறைத் தாக்குதலை நடத்திய குற்றத்திற்காகவும் கைது செய்யப்பட்டு, சட்ட நடைமுறைகளின் அடிப்படையில் அவருக்கு சிறை தண்டனை விதிக்கப்பட்டது. சிறையில், அவருக்கு ஏற்கெனவே இருந்த உடல்நலக் குறைபாடுகளின் தொடர்ச்சியாக மூச்சுக்குழலில் தொற்று ஏற்பட்டு அனைத்து உறுப்புகளும் செயலிழந்தன. உலகிற்கே மருத்துவச் சேவை அளிக்கும் கியூபா, தனது நாட்டிலுள்ள இயல்பான குடிமக்களைப் போலவே சிறைவாசிகளையும் நடத்தி வருகிறது. அந்த வகையில் அதிகபட்ச மருத்துவ சிகிச்சையை அவருக்கு அளித்தது. எனினும் சிகிச்சை பலனின்றி கியூபாவின் மிகப்பெரிய மருத்துவமனையான சாண்டியாகோ டி கியூபா மருத்துவமனையில் காலமானார்.

இந்தச் செய்தியைத்தான், உண்மைகளை மறைத்துவிட்டு உலகெங்கிலும் எடுத்துச் செல்கின்றன முதலாளித்துவ ஊடகங்கள். ஒருபுறம் அமெரிக்கா, மறுபுறம் ஸ்பெயின், மற்றொருபுறம் சிலி என எதேச்சதிகார - ஏகாதிபத்திய ஆதரவு ஆட்சியாளர்கள் இந்த செய்தியை கையில் வைத்துக் கொண்டு கியூபாவுக்கு எதிராக விஷத்தைக் கக்கி வருகிறார்கள்.

கியூபாவில் சிறையில் இதுவரை கைதிகள் எவரும் இறந்ததில்லை. மிகக்கொடூரமான முறையில் எவரும் கொல்லப்படவில்லை. மரண தண்ட னைக் குற்றங்களே அங்கு நடக்கவில் லை. அப்படிப்பட்ட அற்புதத்தேசத்தின் மீது சேற்றை வாரி இறைக்கும் ஸ்பெ யின் ஆட்சியாளர்களுக்கும் சிலி ஆட் சியாளர்களுக்கும் ஏராளமான கேள்விக் கணைகள் காத்திருக்கின்றன.

ஸ்பெயின் மட்டுமின்றி, கியூபாவை திட்டித் தீர்க்கும் ஐரோப்பிய கூட்டாளி களின் ‘மிகவும் நாகரிகமான’ அரசுகள், தங்களது நாடுகளில் தற்போது நடந்து கொண்டிருக்கும் மகத்தான தொழிலாளர் இயக்கங்களின் மீது, முன்னெப் போதையும் விட கொடூரமான தாக்குதலை கட்டவிழ்த்துவிட்டிருக்கின் றனவே, ஏன்?

ஸ்பெயின் நாட்டுச் சிறைகள் நிரம்பி வழிகின்றன. அத்தனை பேரும் அந் நாட்டிற்கு வேலை தேடி ஆப்பிரிக்க நாடுகளிலிருந்து வந்த அப்பாவிகள். கடந்தாண்டு ஜூலை மாதம் டெரூயல் எனும் நகரில் அமைந்துள்ள சிறைக் கொட்டடியில், ஒரு சாதாரண சிறைவாசி பல மாத காலம் பட்டினிப்போராட்டம் நடத்தி இறந்துபோனார். எப்படி? அவர் மொராக்கோ நாட்டிலிருந்து பிழைப்பு தேடி இங்கு வந்தவர். எந்தக்குற்றமும் செய்யாததற்காக கைது செய்யப்பட்டார். தான் ஒரு அப்பாவி என்பதை நிரூபிப் பதற்காகவே பட்டினி கிடந்து உயிர் நீத்தார். அவரது கதறலை ஸ்பானிய அதிகாரிகள் ஏறெடுத்துக்கூட பார்க்க வில்லை.

சிலி நாட்டில் சர்வாதிகாரி பினோ செட்டின் கையாட்கள்தான் ஆட்சியி லிருக்கிறார்கள். சமீபத்தில் பள்ளிப் பாடப் புத்தகங்களில் கொடூங்கோலன் பினோசெட் பற்றி புகழ்பாடும் பாடம் இடம் பெற்றதை எதிர்த்து போராட்டத்தில் இறங்கியமாணவர்கள் மீது கொடிய அடக்குமுறை ஏவப்பட்டது. பலர் மீது பயங்கரவாத தடுப்புச்சட்டம் பாய்ந்ததே?

அமெரிக்க ஆட்சியாளர்களோ மிகவும் ‘நல்லவர்கள்’.

கியூபாவின் மனித உரிமையைப் பற்றி கவலைப்பட்டுக் கொண்டே இருக்கிறார்கள்.உலகிலேயே மிகமிக மோசமான முறையில் மனித உரிமை களைப் பராமரிக்கிற ஒருநாடு இருக்கிறதென்றால், அது அமெரிக்காவே என்று ஐக்கிய நாடுகள் சபையின் மனித உரிமைக் கவுன்சிலே பளிச்சென்று சொல்லியிருக்கிறது. இந்த நாட்டின் பெண்கள் மிடுக்கான உடைகள் உடுத்தலாம்; ஆனால் ஆணுக்கு நிகரான உரிமைகள் இல்லாதவர்கள். இன ரீதியான, மத ரீதியான ஒடுக்குமுறைகளுக்கு அமெரிக்க மாகாணங்களில் ஏராளம் ஏராளம் உதாரணங்கள் மறைந்திருக்கின்றன. சிறைகள் சித்ரவதைக்கூடங்கள். இந்த நாட்டின் நீதித்துறை அடிக்கடி ‘தவறான’ தீர்ப்புகளையே வழங்கும். நீதித்துறையின் ‘தவறுகளில்’ சிக்கியவர்களுக்கு மரண தண்டனை உறுதி. உலகிலேயே சின்னஞ்சிறுவர்களையும் மன ரீதியாக பாதிக்கப்பட்டவர்களையும் கூட தூக்கிலேற்றிய பெருமைக்குரியது அமெரிக்க அரசு.

2010ம் ஆண்டு ஜனவரி மாதம் முதல் தற்போது வரை 90 சிறை வாசிகளை தூக்கில்போட்டு கொன்றிருக்கிறது அமெரிக்க நிர்வாகம். இன்னும் 3 ஆயிரத்து 220 பேருக்கு மரணக்கயிறு காத்திருக்கிறது.

கடந்தாண்டு நவம்பர் மாதத்தில் கலிபோர்னியாவில் உள்ள மிகப் பெரும் சிறை ஒன்றில் அனைத்துக் கைதிகளும் ஒட்டுமொத்த மாகப் பட்டினிப்போராட்டம் நடத்தினார்கள். அவர்கள் மீது கண்மூடித்தனமாக தாக்குதல் ஏவப்பட்டது. மூன்றுபேர் அடி வாங்கியே செத்துப்போனார்கள்.

உள்நாடு மட்டுமின்றி ஆப்கானிஸ்தான், இராக், பாகிஸ்தான், லிபியா உள்பட பல்வேறு நாடுகளில் அமெரிக்கா கொன்று குவித்த உயிர்கள் ஏராளம் ஏராளம்.

ஆனால், பேரிடர்களின் போது மட்டுமின்றி, இயல்பான காலங் களிலும் கூட பல்வேறு நாடுகளில் ஆயிரக்கணக்கான மருத்துவர் களை சேவைக்காக அனுப்பி, லட்சக்கணக்கான உயிர்களை பாது காத்துக் கொண்டிருக்கிற மகத்தான வரலாறு படைத்தது சோசலிச கியூபா.

முதலாளித்துவ ஊடகங்கள் உரைக்க மறுக்கிற உண்மை இது.

-எஸ்.பி.ராஜேந்திரன்

‘மீண்டும் மீண்டும் கூடாரம் அமைப்போம்!’

அமெரிக்கா முழுவதும் நடைபெற்று வரும் முதலாளித்துவ எதிர்ப்பு கைப் பற்றுவோம் போராட்டங்களின் ஒருபகுதியாக ஓக்லாந்து மற்றும் சார்லோட் டே பகுதிகளில் நடந்த ஆர்ப்பாட்டங்களில் பங்கேற்றதற்காக எட்டு பேர் கைது செய்யப்பட்டுள்ளனர்.

2011 செப்டம்பர் 17ல் அன்று துவங்கிய கைப்பற்றுவோம் போராட்டங்கள் தளர்ச் சியடையாமல் தொடர்கின்றன. நீதிமன்றம் மற்றும் நிர்வாக உத்தரவுகள் மூலம் நாட்டின் பல பகுதிகளில் அமைக்கப்பட்டிருந்த கூடாரங்களை காவல்துறையினர் அகற்றியுள்ளனர். ஆனால், கூடாரங்களை மீண்டும் அமைப்போம் என்ற முழக்கத்தோடு மக்கள் போராட்டங்களைத் தொடர்கிறார்கள். காவல் துறையினரின் அடக்கு முறை மக்கள் மத்தியில் பெரும் ஆவேசத்தை ஏற் படுத்தியிருக்கிறது.

ஓக்லாந்து மற்றும் சார் லோட்டே ஆகிய இரு நகரங்களில் காவல்துறை யினரின் கொடூர நடவடிக் கைகளைக் கண்டித்து பெருந்திரள் ஆர்ப்பாட்டங் கள் நடந்துள்ளன. எந்த அடக்குமுறைக்கு எதிராக ஆர்ப்பாட்டம் நடந்ததோ, அதே அடக்குமுறையைக் கொண்டு இந்த ஆர்ப்பாட்டங்களையும் கலைத்து விடலாம் என்று காவல் துறையினர் களத்தில் இறங் கினர். ஃபிராங்க் ஒகாவா பிளாசா என்ற கட்டிடத்தி லிருந்து காவல்துறையின ரின் தலைமையகம் வரை யில் பேரணியாகச் செல்ல போராட்டக்குழுவினர் திட்டமிட்டிருந்தனர்.

ஆனால் இடையிலேயே காவல்துறையின் கலவரத் தடுப்புப் பிரிவினரால் அவர்கள் தடுத்து நிறுத்தப்பட்டார்கள். போராட்டத்தில் பங்கேற்றவர்களை விரட்டி அடிக்கத்துவங்கினர். அவர்கள் மீது ரப்பர் குண்டுகள் வீசப்பட்டன. எட்டு பேரைக் கைது செய்து காவல்துறையினர் அழைத்துச் சென்றனர். கைது நட வடிக்கைக்கு மக்கள் கடும் எதிர்ப்பு தெரிவித்தனர். போராட்டம் அதிக வீச் சுடன் தொடரும் என்று போராட்டக்குழுவினர் அறிவித்திருக்கிறார்கள்.

கிழக்குப்பகுதி நகரமான சார்லோட்டேயில் நடை பெற்ற பெருந்திரள் பேரணி யையும் குலைக்கும் நடவடிக்கைகளில் காவல்துறை யினர் ஈடுபட்டனர். எதிர்ப்பு தெரிவித்ததற்காக இரண்டு பேரைக் கைது செய்தனர். தேவையான எரிபொருள் இல்லாமல் கைப்பற்றுவோம் போராட்டங்கள் நின்றுவிடாது. நாங் கள் தொடர்ந்து போராடு வதன் மூலம் சக்தியைக் தக்க வைத்துக் கொள்வோம் என் கிறார் போராட்டக்குழு வினரில் ஒருவரான டை லான் போஸ்லி.

அடுத்த சதிவேலையைத் துவக்கிய அமெரிக்கா

சிரிய அரசு எதிர்ப்பாளர்கள் நடத்தியுள்ள தாக்குதல்களில் ராணுவத் தைச் சேர்ந்த எட்டு பேர் கொல்லப்பட்டுள்ளதால் லிபியாவுக்கு அடுத்த படியாக சிரியாவில் தனது சதிவேலையை அமெரிக்கா துவங்கிவிட்டதாகச் செய்திகள் வெளியாகியுள்ளன.

அமெரிக்க ஆதரவு பொம்மை அரசுகள் அதிகமாக இடம் பெற்றுள்ள அரபு லீக்கிலிருந்து சிரியாவைத் தற்காலிக நீக்கம் செய்து வைத்த நிகழ்வைத் தொடர்ந்து, ஆயுதந்தாங்கிய சிரிய அரசு எதிர்ப்பாளர்கள் தங்கள் தாக்கு தல்களைத் துவக்கியுள்ளனர். ராணுவத் தளங்களைக் குறிவைத்து இந்தத் தாக்குதல்கள் நடந்துள்ளன. ராணுவம் மற்றும் பாதுகாப்புப் படைகளைச் சேர்ந்த எட்டுபேர் இதில் கொல்லப் பட்டுள்ளனர்.

கடந்த எட்டு மாதங்களாக அந்நிய நாடுகளின் உதவியுடன் இந்தத் தீவிர வாதிகள் செயல்பட்டு வருகிறார்கள். சிரிய ராணுவத்தின் தீவிர நடவடிக்கை யால் இந்தத் தீவிரவாதிகளின் சதிவே லைகள் முறியடிக்கப்பட்டன. ஆனால் அமெரிக்கத் தூண்டுதலின்பேரில் அரபு லீக் எடுத்துள்ள நடவடிக்கை தீவிரவாதிகளுக்கு உற்சாகம் அளித்துள்ளது. தலைநகர் டமாஸ்கசுக்கு அருகில் உள்ள ஹரஸ்தா என்ற ஊரில் சிரிய விமானப்படையின் உளவுப்பிரிவு அலுவலகம் உள்ளது. அதன்மீது தீவிரவாதிகள் தாக்குதல் நடத்தினர்.

டோமா, கபோன் மற்றும் சக்பா ஆகிய இடங்களில் அமைந்துள்ள ராணுவத்தளங்கள் மீதும் தாக்குதல் நடந்துள்ளது. தற்காலிக ராணுவக் கவுன்சில் ஒன்றை அமைத்துள்ளதாக சிரிய எதிர்ப்பாளர்கள் அறிவித்திருக் கிறார்கள். இந்நிலையில் தற்போதைய ஜனாதிபதி அஸ்ஸாதுக்கு ஆதரவாக நாடு முழுவதும் மீண்டும் ஆர்ப்பாட்டங்கள் நடந்துள்ளன. அதில் ஆயிரக் கணக்கான மக்கள் பங்கேற்றுள்ளனர். பல்வேறு நாடுகளில் தூதரகங்கள் முன்பாக இந்த ஆர்ப்பாட்டங்கள் நடத்தப்படுகின்றன.

எட்டு மாதங்களாக நடைபெற்று வரும் இந்தத் தாக்குதல்களைப் பயன் படுத்திக் கொண்டு, லிபியாவில் செய் தது போன்ற ஆட்சி மாற்றத்தை சிரியாவிலும் கொண்டு வர அமெரிக்கா திட்டமிட்டு வருவதாகச் செய்திகள் வெளியாகியுள்ளன. சிரியாவில் உள்ள அரசு எதிர்ப்பாளர்களுக்கு லெபனா னில் உள்ள அமெரிக்க ஆதரவு அரசியல்வாதிகள் மூலமாக ஆயுதங்கள் வழங்கப்பட்டன என்பது குறிப்பிடத் தக்கது.

“முதலாளித்துவத்தின் மரணமே, மக்களின் விடுதலை”: ஜூனியர் விகடன்

வல்லரசு என்று தன்னைத்தானே மார்தட்டிக் கொள்ளும் அமெரிக்கா, இத்தனை காலமாகத் தனது நாட்டுக்குள் இருந்த ‘இன்னொரு அமெரிக்கா’ வை வெளிக்காட்டாமல் மறைத்தே வைத்தது. அந்த அமெரிக்கா நமக்கு அறிமுகம் இல்லாதது. வேலை அற்ற வர்களும் ஏழைகளும் சூழ்ந்தது. வாஷிங்டன், சியாட்டில், சாக்ரோமண்டோ போன்ற நகரங் களின் ஒதுக்குப்புறங்களில், தேவாலயங்க ளின் பின்பகுதியில் கூடாரங்கள் அமைத்து வாழும் ஏழைகள் நிறைந்த அமெரிக்கா அது!

அமெரிக்காவின் குடிமக்களில் கிட்டத் தட்ட 28 சதவிகிதம் பேர் வறுமைக்கோட் டுக்குக் கீழேதான் வாழ்கிறார்கள். வேலை இல்லாத் துயரம் நாளுக்கு நாள் அதிகரித்துக் கொண்டே இருக்கிறது. கடந்த10 ஆண்டுகளில் மட்டும் வேலையற்ற அமெரிக்கர்களின் எண்ணிக்கை ஐந்தில் இருந்து எட்டு சத விகிதமாக உயர்ந்துள்ளது. வேலை இல்லாத தால் வீட்டை இழந்து, காரையே வீடாக மாற்
றிக்கொள்ளும் கலாச்சாரம் அங்கு உரு வெடுத்து வருகிறது.

கடந்த 2007-08ல் அங்கு பொருளாதார மந்த நிலை ஏற்பட்டது. அப்போது 1.5 லட்சம் பேருக்கு வேலை பறிபோனது. பண நெருக் கடியில் சிக்கி, கடன்களை அடைக்க முடியா மல் திணறிய 50 லட்சம் பேரின் வீடுகள் ஜப்தி செய்யப்பட்டன. அமெரிக்க அரசு மிகப்பெரிய பொருளாதார மீட்சி நடவடிக்கை எடுக்கப்போகிறது என்று அன்றைய அதிபர் புஷ் அறிவித்தார். அது தங்களை முழுமை யாகக் காப்பாற்றும் என்று அவர்கள் நம்பிக்கை யோடு எதிர்பார்த்தனர். ஆனால், தவறு இழைத்த நிதி நிறுவனங்களுக்கு 35 லட்சம் கோடி அரசுப் பணத்தை வாரி இறைத்ததே, அந்தப் ‘பொருளாதார மீட்சி நடவடிக்கை’ யாக அமைந்தது. இதனால் ஏழை, மத்தியதர மக்களுக்கு எந்தவித நன்மையும் கிடைக்க வில்லை.

அப்போதுதான், ‘நம்மால் முடியும்.. மாற்றம் நிச்சயம்’ என்று அறைகூவல் விடுத்த ஒபாமாவை நம்பினார்கள். அதுவும் ஏமாற்றத்திலேயே முடிந்தது. அமெரிக்கப் பாணியைப் பின்பற்றும் ஏனைய நாடுகளிலும் இதுதான் நிலை. மக்களுக்கு வேலை வாய்ப்புகளை உருவாக்காத அரசாங்கங்கள், ஏற்கெனவே அவர்களுக்கு அளித்துவந்த கல்வி, சுகாதார மானியங்களையும் நிறுத்தத்தொடங்கின. ஒபாமா காலத்திலும் எந்த மாற்றங்களும் இல்லாமல் ஓடியது. இதுதான் கார்ப்பரேட் உலக தர்மமாக மாறியது.

பொறுத்துப்பொறுத்து ஏமாந்த மக்கள் கொந்தளித்து எழுந்தால் என்னவாகும்? அக்டோபர் 15ம் தேதி, இந்த கேள்விக்கு பதில் கிடைத்தது. உலகப் பங்கு வர்த்தகத்தின் கோயிலாகக் கொண்டாடப்படும் ‘வால் ஸ்ட்ரீட்’டை எதிர்த்து இந்த மக்கள் தங்களது போராட்டத்தைத் தொடங்கினார்கள். ‘வால் ஸ்ட்ரீட்டை முடக்குவோம்’ என்ற இயக்கத் தை முதலில் சிறிய அளவில் தொடங்கினர். அது கடந்த சனிக்கிழமை அன்று உலகம் தழுவிய அளவுக்கு மாறியதுதான் அதிரடியான மாற்றம். அமெரிக்கா தொடங்கி ஆப்பிரிக்கா வரையிலான அனைத்துக் கண்டங்களிலும் 82 நாடுகளில், 951 நகரங்களில் நடந்தது போராட்டம். நியூயார்க்கின் டைம் சதுக்கம், லண்டனின் மன்ஹாட்டன் வீதி, இத்தாலி யின் ரோம் சதுக்கம், ஸ்பெயினின் மாட்ரீட் வீதிகள், தென் ஆப்பிரிக்காவின் ஜோகன் னஸ்பர்க் பங்குச்சந்தை வீதி என்று எங்கெங் கும் போராட்டங்கள் நடக்கின்றன. அவர்கள் அனைவருக்கும் ஒரே இலக்கு... கார்ப்பரேட் உலகின் பேராசைக்கு முடிவு கட்டுவது!

‘முதலாளித்துவத்தின் மரணமே, மக்க ளின் விடுதலை’, ‘பங்குச்சந்தைகளை முட மாக்குவோம்’ ‘சர்வதேசச் செலாவணி நிதி யத்தை இழுத்து மூடுவோம்’, ‘கார்ப்பரேட் உல குக்கு சங்கு ஊதுவோம்’ ‘ஏழை- பணக்காரர் பிரிவினைக்கு முடிவு கட்டுவோம்’ என்று கோஷங்கள் விண்ணைப்பிளக்கின்றன. தன்னெழுச்சியுடனும் சமூக வலைதளங்கள் உதவியுடனும் ஒன்று கூடும் மக்களை எந்த நாட்டு அரசாங்கத்தாலும் எதுவும் செய்ய முடியவில்லை.

உலகம் முழுக்கப் பரவும் இந்தப் போராட் டங்களுக்கான காரணங்கள் நாட்டுக்கு நாடு மாறுபடுகின்றன. இந்தப் போராட்டக்காரர்கள் ஒரே இயக்கத்தின் கீழ் திரளவில்லை. ஆனால், இன்றைய முதலாளித்துவ உலகை மாற்ற ‘புரட்சி மட்டுமே தீர்வு’ என்று அவர்கள் அத்தனை பேரும் ஒன்றிணைந்து விண் அதிர முழங்குகிறார்கள்.

முதலாளித்துவம் எங்கு செழித்து உலகம் முழுமைக்கும் பரவியதோ, அங்கிருந்தே அதன் அழிவும் தொடங்குகிறது. மார்க்ஸ் சொன்னது போல, முதலாளித்துவம் தன் சவப்பெட்டிக்கான ஆணியைத் தானே தேர்ந் தெடுத்துக் கொண்டதுபோல் தோன்றுகிறது. இந்தப் போராட்டத்தின் தன்மையைப் பார்த்து அனைத்து நாட்டு அரசாங்கங்களும் பயம் கொள்ளத் தொடங்கியுள்ளன.

சமஸ்

நன்றி : ஜூனியர் விகடன் (23.10.2011)

வால் ஸ்டிரீட்டைக் கைப்பற்றுவோம்!

அமெரிக்காவின் நியூயார்க் நிதி மாவட்டத்தில் துவங்கிய பெரு நிறுவன ஊழலுக்கு எதிரான போராட்டம் உலகம் முழுவதும் 1,400 நகரங்களுக்குப் பரவியுள் ளது.

ஆக்குபய் டுகெதர் (http://www.occupytogether.org/) என்ற இணையதளத்தையும் போராட்டக்காரர்கள் துவக்கியுள்ளனர். அனைத்து இடங்களில் நடைபெறும் போராட்டங்களையும் ஒருங்கிணைக்க இந்தத் தளம் உதவும் என்று போராடி வரும் குழுக்கள் முடிவு செய்துள்ளன. அக்டோபர் மாதத்தில் இந்தப் போராட்டம் மற்றும் போராட்டத்திற்கு ஆதரவான இயக் கங்கள் 1,496 நகரங்களில் நடைபெறும் என்று திட்ட மிடப்பட்டுள்ளது. அமெ ரிக்க நகரங்களில் ஆர்ப் பாட்டக்காரர்களை வன் முறை மூலமே காவல்துறை யினர் எதிர்கொண்டுள் ளனர்.

டல்லாஸ், அட்லாண்டா, சியாட்டில் மற்றும் பாஸ்டன் ஆகிய நகரங்களில் கடந்த இரண்டு நாட்களாக நடைபெற்ற ஆர்ப்பாட்டங் களைக் கலைக்க காவல்துறை யினர் வன்முறையையே கை யாண்டிருக்கிறார்கள். பாஸ் டனில் 130 பேர் கைது செய் யப்பட்டனர். “எழுச்சி பெறு சிகாகோ கூட்டணி” சார்பில் சிகாகோ நகர வீதிகளில் பெருந்திரள் பேரணி நடைபெற்றது. ஆயிரக்கணக்கான மக்கள் பங்கேற்ற இந்தப் பேரணி யை சீர்குலைக்கும் நோக்கத் தில் 27 பேர் கைது செய்யப் பட்டு, சிறையில் அடைக் கப்பட்டுள்ளனர்.

வாஷிங்டனில் வெள்ளை மாளிகை அருகில் முகாம டித்திருக்கும் ஆர்ப்பாட்டக் காரர்கள் மேலும் நான்கு மாதங்கள் அங்கேயே இருந்து போராட்டத்தைத் தொட ரப் போவதாக அறிவித்தி ருக்கிறார்கள். வால் ஸ்டி ரீட்டை மையமாகக் கொண்டே கொள்கைகளை வகுத்து வருவதே பொருளாதார நெருக்கடி, வறுமை, பொரு ளாதார ஏற்றத்தாழ்வு மற் றும் உயர் மட்டத்தில் ஊழல் ஆகியவை ஏற்பட்டு வரு கின்றன என்று அமெரிக்க மக்கள் கருதுவதே போராட் டத்திற்கு ஆதரவு பெருகி யுள்ளதற்குக் காரணமாகும்.

ஆர்ப்பாட்டம் செய்து வரும் மக்கள், ஆப்கானிஸ் தான் மற்றும் இராக் ஆகிய நாடுகளில் மேற்கொள்ளப் பட்டுள்ள ஆக்கிரமிப்பை முடிவுக்குக் கொண்டு வர வேண்டும் என்ற கோரிக் கையையும் முன்வைத்திருக் கிறார்கள். ‘நியூயார்க் டைம்ஸ்’ நாளிதழில் வெளியான ஆய் வொன்றில், அமெரிக்கக் குடும்பத்தினரின் சராசரி வருமானம் மேலும் சரிந் துள்ளது என்று தெரிவிக்கப் பட்டிருக்கிறது. தங்கள் போராட்டம் நியாயமா னது தான் என்பதை இந்த ஆய்வு காட்டுவதாக போராட் டக்குழுவினர் சுட்டிக் காட் டுகிறார்கள்.

ஐரோப்பாவிலும் தாக்கம்

அமெரிக்காவில் நடை பெற்று வரும் முதலாளித் துவ எதிர்ப்புப் போராட் டம் பிரிட்டன் உள்ளிட்ட பல்வேறு ஐரோப்பிய நாடு களிலும் தாக்கத்தை ஏற் படுத்தியுள்ளது. விரல் விட்டு எண்ணக்கூடிய அள வில் இருக்கும் பெரும் பணக் காரர்களுக்காக பெரும் பான்மை மக்களின் நலன் களைக் காற்றில் பறக்க விடு வதை அனுமதிக்க முடி யாது என்று அந்த நாடுகளி லும் மக்கள் போர்க்குரல் எழுப்பியுள்ளனர்.

அமெ. தொழிலாளி வர்க்கத்தால் நொறுங்கி விழும் அமெரிக்கா

உலக முதலாளித்துவத்தின் சூதாட்டமைய மாக திகழும் அமெரிக்காவின் வால்ஸ்டிரீட் பகு தியை கைப்பற்றுவோம் என்ற முழக்கத் துடன் நடைபெற்று வரும் போராட்டத்திற்கு எண்ணற்ற தொழிற்சங்கங்கள் ஆதரவு தெரிவித்துள்ளன.

ஏழு லட்சம் உறுப்பினர்களைக் கொண்ட அமெரிக்கத் தகவல் தொடர்பு ஊழியர்கள் சங்கம் தனது முழு ஆதரவை அளித்திருக் கிறது. அனைத்து அமெரிக்கர்களிடம் இருக்கும் கோபத்தை இந்தப் போராட்டம் பிரதிபலிக்கிறது. குறிப்பாக, வால் ஸ்டிரீட்டால் பின்னுக்குத் தள்ளப்பட்ட மக்களுக்கான கோரிக்கைகளை உள்ளடக்கியதாக இந்தப் போராட்டம் அமைந் திருக்கிறது என்று அச்சங்கம் வெளியிட்டுள்ள அறிக்கையில் கூறப்பட்டுள்ளது.

அமெரிக்காவின் போக்குவரத்து ஊழியர் கள் சங்கம் ஒன்று ஆதரவு தெரிவித்துள்ளது. தங்கள் சங்கத்தைச் சேர்ந்த 38 ஆயிரம் பேரும் மக்களின் இந்தப் போராட்டத்திற்கு ஆதரவாகக் களம் இறங்குவார்கள் என்று சங்கத்தின் தலைமை அறிவித்துள்ளது. போராட்டக்காரர் களை கைது செய்து அழைத்துச் செல்லும் வாகனங்களை ஓட்ட மறுக்கும் ஓட்டுநர்களை நிர்ப்பந்திக்கக்கூடாது என்றும் சங்கம் வலியுறுத்தியுள்ளது.

பல்வேறு ஆசிரியர்கள் சங்கங்கள் ஒன்றி ணைந்து உருவாக்கியுள்ள ஒன்றுபட்ட ஆசிரி யர்கள் சம்மேளனமும் விரைவில் போராட்டத் திற்கு ஆதரவாக களமிறங்கப் போவதாக அறிவித் திருக்கிறது. இதில் லட்சத்திற்கும் மேற்பட் டோர் உறுப்பினர்களாக இருக்கிறார்கள். போராட்டத்திற்கு ஆதரவான ஊர்வலம் ஒன் றை நடத்தி தங்கள் ஆதரவைத் தெரிவிக்கப் போகிறார்கள். பெரு நிறுவனங்களின் பேராசை யை விட மனிதர்களின் தேவைக்கு முக்கியத்துவம் தாருங்கள் என்று தேசிய ஒன்றுபட்ட செவிலி யர்கள் சங்கம் அறைகூவல் விடுத் திருக்கிறது.

போராட்டம் தீவிரம்

ஆதரவு அலை பெருகியுள்ள நிலையில், போராட்டக்களத்தில் இருப்பவர்களின் உறுதி அதிகரித்திருக்கிறது. அமெரிக்க நிர்வாகத்தின் அடக்குமுறையை மீறி தங்கள் போராட்டம் தொடரும் என்று அறிவித்ததோடு, பல மாநிலங் களுக்கும் போராட்டத்தை விரிவுபடுத்தியிருக் கிறார்கள். இதுவரை 700 பேருக்கு மேல் கைது செய்யப்பட்டுள்ள நிலையில், அதனால் போராட் டம் குலையும் என்று நிர்வாகம் எதிர்பார்த்தால், ஏமாந்து போய்விடுவார்கள் என்பது போராட்டம் நடத்துபவர்களின் கருத்தாகும்

வேலையின்மை, சமூக அசமத்துவம், வீழும் வாழ்க்கை தரம் உள்ளிட்ட காரணங்களுக்காக நியூயார்க்கில் கடந்த மாதம் ஆரம்பித்த போராட்டம் இப்போது அமெரிக்காவின் 900க்கு மேற்பட்ட நகரங்களுக்குப் பரவியுள்ளது. உலகின் பல்வேறு நாடுகளில் அமெரிக்க மக்களுக்கு ஆதரவு தெரிவிக்கும் ஆர்ப்பாட்டங்களும் நடக்கவிருக்கின்றன. ஆடட்டும் ஏகாதிபத்தியக் கோட்டை!

போராடும் அமெரிக்க மக்களுடன் ஒற்றுமை காப்போம். ஏகாதிபத்திய எதிர்பியக்கங்களை இந்தியாவிலும் வளர்த்தெடுப்போம். முதலாளித்துவ இந்திய அரசு தெற்காசிய பிராந்தியத்தில் மேற்கொள்ளும் மேலாதிக்க நடவடிக்கைகளையும் பிராந்திய வல்லரசாக உருப்பெற்றிடும் நோக்கோடு தனது செல்வாக்கை நிலைநாட்டிட ராஜீய மற்றும் ராணுவ ரீதியாக மேற்கொள்ளும் திட்டங்களையும் முறியடிக்கும் வகையில் உழைக்கும் மக்களின் போராட்ட இயக்கங்களை வளர்த்தெடுப்போம்.

Watch live streaming video from globalrevolution at livestream.com

ஏகாதிபத்தியத்தின் எண்ணெய் அரசியல்

அமெரிக்கத் தொழில் நிறுவனங்கள் மற்றும் எண்ணெய் நுகர்வோருக்கான உலக எண்ணெய் வளப்பாதுகாப்பு அமைப்பாக அமெரிக்க ராணுவம் உருமாற்ற மடைந்து விட்டது.

இவ்வாறு கருத்துத் தெரிவித்துள்ளவர் யார் தெரியுமா-பேராசிரியர் மைக்கேல் கிளேர் என்ற ஒரு அமெரிக்கரே இவ்வாறு கருத்துத் தெரிவித்துள்ளார். உலக எண்ணெய் அரசிய லில் ஒரு நிபுணராக இவர் அறியப்படுகிறார்.

 பெட்ரோலிய எண்ணெய் வளம் நிரம்பிய பகுதி களை தனது ஆதிக்கத்துக்குள் வைத்திருப் பது என்ற ஒரு கொள்கையை அமெரிக்க அரசு கடந்த 40 ஆண்டுகளுக்கு மேலாகக் கடைப்பிடித்து வருகிறது. 1973ம் ஆண்டில் எண்ணெய் உற்பத்தி செய்யும் நாடுகள், ஓபெக் என்ற அமைப்பை ஏற்படுத்தி எண்ணெய் விலையைத் தாங்களே நிர்ணயிப்போம் என்று அறிவித்தன. இதனால் ஏறிய தாறுமா றான விலையேற்றக்காலம் எண்ணெய் அதிர்ச்சிக்காலமாக அழைக்கப்படுகிறது. எண்ணெய் வளப்பிராந்தியம் எப்போதுமே தனது கட்டுப்பாட்டில் வைத்திருக்கப்பட வேண்டும் என்ற கொள்கையை அமெரிக்கா அப்போதே வகுத்துவிட்டது. வேறு அந்நிய நாடு எதுவும் வளைகுடாப் பிராந்தியத்தை தனது கட்டுப்பாட்டுக்குள் கொண்டுவர முய லுமானால் அது அமெரிக்காவின் முக்கிய நலன்களின் மீது தொடுக்கப்பட்ட தாக்குத லாகக் கருதப்படும். இதனை எதிர் கொள்வ தற்கு ராணுவபலத்தைப் பயன்படுத்தவும் அமெரிக்கா தயங்காது என்று அன்றைய அமெரிக்க அதிபரான ஜிம்மி கார்ட்டர் ஒரு கொள்கைப் பிரகடனத்தையே வெளியிட்டார். தனது மண்ணில் பெட்ரோலிய எண்ணெய் யை சுமந்திருக்கும் எந்தவொரு நாட்டிலும் நேரடியாகவோ மறைமுகமாகவோ ராணுவ பலத்தை பயன்படுத்தியோ, அவ்வாறின் றியோ குறுக்கிடும் கொள்கையை அமெரிக்கா கடைப்பிடித்து வருகிறது. இராக்போர் தொடங்கி இன்றைய லிபிய யுத்தம் ஈறாக அனைத்து போர்களும் எண்ணெய் வளத்தை தனது கட் டுப்பாட்டில் வைத்திருப்பதற்காக அமெரிக்கா வும் அதன் நேட்டோ கூட்டாளிகளும் நடத்தி யுள்ள யுத்தங்களே.

சவுதி அரேபியா, குவைத், கத்தார் போன்ற சில நாடுகளின் பிற்போக்குத்தனமான மன் னராட்சிகளுக்கு முட்டுக்கொடுத்து, ராணுவ உதவி போன்றவற்றை வழங்குவதன் மூலம் அவற்றை தனது கட்டுப்பாட்டின் கீழ் அமெ ரிக்கா வைத்துள்ளது. ஆனால் எண்ணெய் வளத்தை அமெரிக்கா மற்றும் மேற்கத்திய எண்ணெய் கம்பெனிகளின் சூறையாடலுக்கு அனுமதிக்காத நாடுகளில் ஆட்சிமாற்றத் தைக்கொண்டுவருவதையே தனது லட்சிய மாகக்கொண்டு அமெரிக்கா செயல்பட்டு வரு கிறது. 1953ல் ஈரான் நாட்டு அதிபரான முகமது மொசாதே தனது நாட்டின் எண்ணெய்த் தொழி லை தேசியமயமாக்கினார் என்பதற்காக சிஐஏவினால் பின்னாலிருந்து இயக்கப்பட்ட அதிரடிப்புரட்சி மூலம் அகற்றப்பட்டார்.

உலகின் மூன்றாவது மிகப்பெரிய எண் ணெய் வளநாடான இராக்கில் நடந்தது என்ன என்பதை உலகம் அறியும். பேரழிவு ஆயுதங் களை இராக் குவித்துள்ளது என்ற அப்பட்ட மான பொய்யைப்பரப்பி சதாம் உசேனின் ஆட்சி அகற்றப்பட்டது. தனது எண்ணெய் வளத்தின் பலன்களை தனது நாட்டு மக்களே அனுபவிக்கவேண்டும் என்பதில் அவர் உறுதியாக இருந்ததே அவர் இழைத்த குற்றம். அதற்காக இராக்கின் மீது திணிக்கப்பட்ட யுத்தத்தில் பல்லாயிரக்கணக்கான இராக்கியர் கள் கொல்லப்பட்டனர்; சதாம் உசேனின் ஆட்சி அகற்றப்பட்டது.

உலகின் இரண்டாவது எண்ணெய் வள நாடான ஈரானின் மீது கடுமையான வர்த்தகத் தடைகள் விதிக்கப்பட்டுள்ளன. தனது மண் ணில் புதைந்து கிடக்கும் கச்சா எண்ணெய் யை வெளியே எடுத்து சுத்திகரிப்பதற்கான உதவிகளை மற்ற நாடுகளிலிருந்து பெற முடியாத நிலையில், இந்தியா போன்ற நாடு களிலிருந்து அது இறக்குமதி செய்ய வேண் டியநிலையில் வைக்கப்பட்டுள்ளது. தனது நாட்டின் எண்ணெய்த் தொழிலை மேம் படுத்துவதற்கு அதற்கு 20,000 கோடி டாலர் தேவைப்படுகிறது. வர்த்தகத் தடைகள் காரணமாக அதற்குத்தேவைப்படும் நிதி கிடைக்கவில்லை. ஈரான்/பாகிஸ்தான்/இந்தியா எரிவாயுக்குழாய்திட்டத்துக்கும் அமெரிக்கா முட்டுக்கட்டை போட்டுள்ளது. அமெரிக்க நிர்ப்பந்தத்துக்கு பயந்து இந்திய அரசும் இந்த அநீதிக்குத் துணை போகிறது.

ஆப்பிரிக்க கண்டத்தில் அமைந்துள்ள சூடான் நாட்டின் தென்பகுதி எண்ணெய் வளம் நிரம்பிய பகுதியாகும். அமெரிக்கத் தலையீட்டின் விளைவாக இந்த ஆண்டு ஜூலை மாதத்தில் தெற்கு சூடான் தனி நாடாகிவிட்டது. இங்கே இனி மேற்கத்திய எண்ணெய் கம்பெனிகள் புகுந்து விளையாட லாம்.

லிபியாவின் எண்ணெய் வளத்தைக் கைப்பற்றுவதற்காகவே கடாபி அரசுக்கு எதிரான வர்த்தகத்தடைகளை அமெரிக்கா விதித்து வந்தது. 2004 ம் ஆண்டில் அமெரிக் காவுடன் சமரசம் செய்து கொள்வதற்காகவே மேற்கத்திய எண்ணெய் நிறுவனங்கள் லிபியா வில் காலூன்றுவதற்கு கடாபி அனுமதித்தார். ஆனால் 2006ம் ஆண்டு முதல் கடாபி வேறு விதமாகப் பேசத்தொடங்கியதை அமெரிக்கா கண்டது. அந்நிய எண்ணெய் கம்பெனிகள் பெட்ரோலியத் தொழிலில் கோடிக்கணக்கில் கொள்ளையடித்து வருகின்றன. இது லிபியா வுக்கே கிடைப்பதற்கு ஏற்பாடு செய்யவேண் டும் என்று 2006-ம் ஆண்டில் கடாபி பேசி னார். அந்நியக் கம்பெனிகளில் மேலாளர் பதவி களில் லிபியர்களை வேலைக்கு அமர்த்த வேண்டும் என்றும் கடாபி பேசினார். எண் ணெய் உற்பத்தி செய்யும் அனைத்து நாடுக ளும் தங்களுடைய பெட்ரோலியத் தொழிலை தேசியமயமாக்கவேண்டும் என்று கடாபி பேசினார். இவ்வாறு எரிசக்தித் துறையில் தனது தேசிய நலன்களை பாதுகாக்கும் கொள் கையை கடாபி வலியுறுத்தி வருவதை அமெ ரிக்கத் தூதர்கள் தங்கள் அரசுக்கு தெரிவித்து வந்துள்ளதை விக்கி லீக்ஸ் இணையதளச் செய்திகள் அம்பலப்படுத்தியுள்ளன.

இந்நிலையில்தான் லிபியாவின் எண்ணெய் வளப்பகுதிகளில் கடாபிக்கு எதிரான கலகம் வளரத்தொடங்கியது. லிபிய மக்க ளைக் காப்பாற்றுவது என்ற பெயரில் பிரான்ஸ், பிரிட்டன் ஆகிய நாடுகளின் விமானப்படை கள் லிபியா மீது குண்டுமழை பொழிந்தன. லிபிய கலகக்காரர்களுக்கு நிதி உதவியையும் ஆயுத உதவியையும் வழங்கி வந்தன. கடாபி யின் ஆட்சி அகற்றப்பட்டவுடன் மேற்கத்திய எண்ணெய் கம்பெனிகள் லிபியாவில் பாது காப்புடன் செயல்பட அனுமதிக்கப்படுவர் என்ற உறுதி மொழி கலகக்காரர்களால் வழங் கப்பட்டது. லிபியத் தலைநகரான திரிபோலி கலகக்காரர்களின் கட்டுப்பாட்டுக்குள் வந்து விட்ட நிலையில், பிரான்ஸ் அதிபர் சர்கோசி போன்றோரின் பேச்சுக்கள் எண்ணெய் வளத்தை தங்கள் கட்டுப்பாட்டில் வைத்துக் கொள்வதற்காக நேட்டோ படை தலையிட் டுள்ளதை அம்பலப்படுத்தியுள்ளன.

தென் அமெரிக்காவின் எண்ணெய் வள நாடான வெனிசுலாவின் தேசபக்தரான சாவே ஸின் ஆட்சியைக் கவிழ்க்க அமெரிக்கா 2002ம் ஆண்டில் மேற்கொண்ட முயற்சி விழிப்புணர்வுமிக்க வெனிசுலா மக்களால் முறியடிக்கப்பட்டது.

மனித உரிமைகளைப் பாதுகாத்தல் மற் றும் அணுஆயுதப்பரவல் தடையைக் காரண மாகக் கூறி அமெரிக்கா நடத்திவரும் யுத்தங்கள் உலகின் எண்ணெய் வளத்தை தனது கட்டுப்பாட்டுக்குள் வைத்துக்கொள்வதற்கான ஏகாதிபத்திய அரசியல் என்பது தொடர்ந்து அம்பலமாகி வருகிறது.

கி.இலக்குவன்

முழுகும்அமெரிக்கா திருந்தாத இந்தியா

தர நிர்ணய வரலாற்றில் முதல்முறை யாக அமெரிக்க அரசாங்கத்தின் கடன் தரம்மிக உயர்ந்த AAA நிலையிலிருந்து AA+ என ஒரு படி கீழிறக்கப்பட்டிருக்கிறது. ஸ்டாண்டர்ட் அண்ட் புவர் என்ற தர நிர்ணய நிறுவனம் இதைச் செய்திருக்கிறது. (அமெரிக்கா வில் 2008ல் திவாலான பல கம்பெனி களுக்கு, அதற்கு சில நாட்களுக்கு முன்பு வரை உயர்நிலை தரச்சான்று வழங்கி, அதனால் சந்திசிரித்த நிறுவனமே இது என்பது தனிக்கதை) அமெரிக்க அரசின் கடன் அளவு 14.3 டிரில்லியன் (இலட்சம் கோடி) டாலர் அளவினைத் தாண்டிய நிலையில், ஆளும் ஜனநாயகக் கட்சிக் கும், எதிர்க்கட்சியான குடியரசுக்கட்சிக் கும் இடையில் சட்டப்பூர்வமான கடன் உச்சவரம்பினை உயர்த்துவது குறித்த சர்ச்சை நடந்துகொண்டிருக்கும் நிலை யில்தான் இந்தக் கீழிறக்கம் நடை பெற்றிருக்கிறது. இதையடுத்து, அமெரிக் காவில் மட்டுமல்லாது இந்தியா உட்பட உலக முழுவதுமுள்ள பங்குச்சந்தைகள் சரிந்து வருகின்றன. முதலில் அமெரிக்கக் கதையினைப் பார்ப்போம்.

சர்ச்சையும் சமரசமும்!

அமெரிக்காவின் கடன் ஒவ்வொரு ஆண்டும் உயர்ந்துகொண்டே வருவது ஒன்றும் புதியதல்ல. 1917ம் ஆண்டில் அரசாங்கக் கடனுக்கான உச்சவரம்பு குறித்து ஒரு சட்டம் இயற்றப்பட்டது. சுமார் 43 பில்லியன் (4300 கோடி) டாலரில் தொடங்கிய அந்த உச்சவரம்பு, தொடர்ந்து ஒவ்வொரு ஆண்டும் உயர்ந்து கொண்டே வந்தது. 1980களில் பெரு மளவு வரிக்குறைப்பு செய்ததன் விளை வாக, ரீகன் ஆட்சிக்கால முடிவில் கடன் 3 டிரில்லியன் (3 இலட்சம் கோடி) டாலரைத் தொடும் நிலைக்குச் சென்றது. நவீன-தாராளவாதக் கொள்கைகள் காரணமாக தொடர்ந்த வரிக்குறைப்பு 2010 பிப்ரவரியில் இந்த நிலையினை உருவாக்கியிருக்கிறது. வரி வருமானத் திற்குப் பதிலாக கடன் வாங்குவது அர சுக்கு வழக்கமாக மாறியது. அக்டோபரில் தொடங்கி மறு ஆண்டு செப்டம்பரில் முடியும் அமெரிக்கப் பட்ஜெட்டில் சென்ற ஆண்டில் அனுமதிக்கப்பட்ட நிதி ஒதுக் கீடுகள் தீர்ந்துவிட்ட நிலையில், இவ் வாண்டு ஆகஸ்ட் 2க்குள் கடன் வரம்பு உயர்த்தப்படாமல், தனது ஊழியர்களுக்கு ஊதியம் கூட கொடுக்க முடியாத நிலை அரசுக்கு ஏற்பட்டது. இப்பின்னணியில் தான் ஆளும் கட்சிக்கும் எதிர்க்கட்சிக்கு மிடையில் சர்ச்சை முற்றியது. இறுதியில் 2 டிரில்லியன் (இலட்சம்கோடி) டாலர் கடன் அளவினை உயர்த்துவது என்றும், 3 டிரில்லியன் (இலட்சம் கோடி) டாலர் அரசுச்செலவினங்களைக் குறைப்பது எனவும் இரு தரப்பினரும் ஏற்றுக் கொண்டு சமரசம் ஏற்பட்டது. இந்த பரஸ் பர சமரசம் குறித்து சிலர் அமெரிக்காவில் மகிழ்ச்சி தெரிவித்திருக்கின்றனர். இது ஏற்படுத்தும் பாதிப்புகளைக் குறித்து அவர்கள் கவலைப்படவில்லை.

பாதிப்பு யாருக்கு?

கடன் உயராமல் இருப்பதற்கு, ஒன்று வரி விதிக்க வேண்டும் அல்லது செல வினங்களை குறைக்க வேண்டும். வரியை உயர்த்துவதற்குக் குடியரசுக்கட்சி தயாராக இல்லை. செலவினங்களைக் குறைப்பதற்கு ஜனநாயகக் கட்சி தயாராக இல்லை. ஆனாலும் இறுதியில் குடி யரசுக்கட்சியே வெற்றிபெற்றது. அரசுச் செலவுகள் வெட்டப்படுவதில் பெரும் பகுதி மருத்துவ உதவி, உணவுக்கூப்பன், கல்வி மானியங்கள், வேலையின்மைக் கால இழப்பீடுகள் போன்ற சமூகப் பாது காப்புத்திட்டங்களே. எனவே இயல்பாக ஏழை எளிய மக்களின் வாழ்நிலை யினை மிகவும் பாதிக்கும் சமரசமே இது. வாஷிங்டன் போஸ்ட் - ஏ.பி.சி நடத்திய கருத்துக்கணிப்பில் வரிகளை உயர்த்த வேண்டும் என 72 சதவீத மக்களும், உயர்த்தக்கூடாது என 27 சதவீதத்தின ரும் கூறியிருக்கிறார்கள். வரி உயர்வை எதிர்ப்பவர்கள் செல்வந்தர்கள். இருப்பி னும் சமரசம் என்ற பெயரில், ஏழைகளின் நலன்களை காவு கொடுப்பதென ஒபாமா முடிவு செய்துவிட்டார். வளர்ச்சியடைந்த பல நாடுகளுடன் ஒப்பிடும்போது 40 சதவீத அதிகச்செலவு கொண்ட அமெ ரிக்க மருத்துவத்துறையில் செயல்படும் பகாசுர மருந்துக்கம்பெனிகள், நிதி நிறுவனங்கள் பலவும் இந்த முடிவினை நிர்ப்பந்தித்தவர்களில் முக்கியமானவை. கடந்த 10 ஆண்டுகளில் அமெரிக்காவின் பெரும் செல்வந்தர்களின் வருமானம் 18 சதவீதம் அதிகரித்திருக்கிறது. மறுபுறத் தில் உழைக்கும் மக்களின் வருமானம் 12 சதவீதம் குறைந்திருக்கிறது. வேலையின் மை அதிகரித்து வருகிறது. ஆனாலும், இதுதான் சரியான முடிவு என சிலர் வாதிட்டு வருவது துரதிருஷ்டமே.

மாற்று வழிகள்

இந்த 1917 சட்டத்தில் கடன் வரம்பு, சதவீத அடிப்படையில் அல்லாமல், தொகை அடிப்படையில் குறிப்பிடப்பட் டுள்ளது. இது ஒரு தேவையற்ற சட்டம். இதில் இரண்டு ஓட்டைகள் உள்ளன. ஒன்று, ஒவ்வொரு ஆண்டும் நிதிப்பற்றாக் குறை உயரும்போது கடன் தொகையின் அளவு உயரும். இரண்டாவது, அரசின் வரி வருமானம் உயர்ந்தாலும் கூட, அர சின் செலவுகள் உயரும் நிலையில் கடன் தொகையின் அளவும் உயரத்தானே செய்யும்? தொகை அளவில் உச்சவரம்பு என்பதற்கு ஏதாவது பொருள் உண்டா? ஐரோப்பிய நாடுகளிலும், நமது நாட்டிலும் நிதிப்பற்றாக்குறை (=அரசுக்கடன் உச்ச வரம்பு) மொத்த உள்நாட்டு வருமானத் தில் (ழுனுஞ) இத்தனை சதவீதம் என்று தான் குறிப்பிடப்படுகிறது. நம் நாட்டில் நிதிப்பொறுப்பு மற்றும் பட்ஜெட் நிர்வாக (குசுக்ஷஆ) சட்டத்தில் நிதிப்பற்றாக்குறை 6 சதவீதம் என உச்சவரம்பு இடப்பட்டிருக் கிறது. அந்த ழுனுஞ சதவீத அடிப்படையில் பார்த்தால், இன்று அமெரிக்காவின் கடன் 100 சதவீதத்திற்கு மேல் எகிறிவிட்டது. (அதாவது ழுனுஞ 14.53 டிரில்லியன் டாலர், கடன் அளவு 14.58 டிரில்லியன் டாலர்). 1945க்கும் 1950க்கும் இடைப்பட்ட காலத்தில் அது 120 சதவீதம் வரையிலும் கூட சென்றிருக்கிறது. இன்றைய நிலை மையும் ஒரே நாளில் ஏற்பட்டது அல்ல, அப்படியானால், இன்று ஏன் அது இவ்வளவு பெரிய சர்ச்சையாக மாறியது?

ஒபாமா அரசிற்கு மாற்று வழிகள் இல் லாமல் இல்லை. ஒன்று வரிகளை உயர்த் தியிருக்க முடியும். அல்லது டாலர் கரன் சியினை அச்சடித்திருக்க முடியும். ஆனால் அதை அவர் செய்யவில்லை. அமெரிக்க மத்திய வங்கியான ஃபெடரல் ரிசர்வ் - இல் இருக்கும் அரசுக்கடன் பத் திரங்களின் மதிப்பு 1.7 டிரில்லியன் டாலர். இதற்கு இணையாக கரன்சியினை அச்சடித்தால் அது கடன் என்ற கணக் கில் வராது. வரம்பிற்கு அதிகமாக 1.5 டிரில்லி யன் டாலரே அதிகம் இருக்கும் நிலை யில், கடனை எளிதில் சமாளித்திருக்க முடியும். ஆபிரகாம் லிங்கன் ஆட்சிக் காலத்தில் உள்நாட்டுப்போர் காரணமாக பொருளாதார மந்தம் ஏற்பட்ட நிலையில் அவர் டாலர் நோட்டுக்களை அச்சடித் துத்தான் நிலைமையினைச் சமாளித் தார். அன்று அந்த அரசு அடித்த டாலர் கரன்சிக்கு கிடைத்த ‘கிரீன் பேக்’ (ழுசநநn க்ஷயஉம) என்ற பெயர்தான் இன்றுவரையி லும் நீடிக்கிறது. இன்று பணவீக்கம் மிகக் குறைந்த நிலையில் இருக்கும்போது இதைச்செய்வதில் தடையேதுமில்லை. ஆனால், ஒபாமாவிற்கு ஏன் இந்தத் தயக்கம்?

ஒபாமா என்ற தனி நபரின் நடத்தை சம்பந்தப்பட்ட விஷயமாக இதைப் பார்ப்பதில் பயனில்லை. அமெரிக்காவின் இரண்டு கட்சிகளும் ஆளும் வர்க்கங் களின் பிரதிநிதிகளே என்பதை இங்கு மறக்கக்கூடாது. அமெரிக்காவின் முதலா ளித்துவப் பொருளாதாரக் கட்டமைப்பு தொடர்பான அம்சமாகவே ஒபாமா இதைப்பார்க்கிறார். சென்ற ஆண்டு பட்ஜெட்டில் வரிகளை உயர்த்தக்கூடாது என்று குடியரசுக்கட்சி வைத்த கோரிக் கையினை ஒபாமா ஏற்றுக்கொண்டார். இவ்வாண்டு கடன் வரம்பு உயர்விற்கு அவர்கள் உடன்படுவார்கள் என்ற நம்பிக் கையில் அவர் அதைச்செய்தார். ஆனால் குடியரசுக்கட்சியினர் வரி குறித்த வாக்குறுதியினைப் பெற்றுக்கொண்டு, இப்போது சமூகப்பாதுகாப்புத் திட்டச் செலவுகளைக் குறைப்பதற்கும் நிர்ப்பந் தித்திருக்கிறார்கள். 2008 நெருக்கடி நிலைமையினையொட்டி அன்று திவால் நிலையிலிருந்த நிதி மற்றும் கார்ப்பரேட் நிறுவனங்களுக்கு ஒரு லட்சம் கோடி டாலருக்கு மேல் நிவாரணம் அளித்த பின்னணியில் தான் மொத்தக்கடன் அளவு உயர்ந்தது என்ற பேருண்மை யினையும் அவர்கள் மறந்துவிட்டார்கள். இன்று ஏழை எளிய மக்களுக்குக் கிடைத்துவரும் சமூகப்பாதுகாப்பின் மீது கைவைக்கும் நிலைமைக்குச் சென்றி ருக்கின்றனர். தங்களது ஊதாரித்தனத் தினால் பாதிக்கப்பட்டவர்களை மீண்டும் பழிவாங்கும் வஞ்சகம் என்பதைத் தவிர இது வேறென்ன?

மூன்று வகை பாதிப்பு!

இந்த சமரச ஒப்பந்தத்தின் விளை வாக, அமெரிக்க சமூகம், அமெரிக்க அர சியல், உலகப்பொருளாதாரம் என மூன்று தளங்களில் பாதிப்புகள் அமையும். ஒன்று, அமெரிக்க சமூகத்தில் மக்களின் வருமான பகிர்மானத்தில் ஒரு கடுமை யான பின்னடைவு ஏற்படும். சமூகப்பாது காப்புத்திட்டங்கள் வெட்டிச்சுருக்கப்படு கிறபோது அதற்கான செலவுகளை பய னாளிகள் ஏற்கும் நிலைமை ஏற்படும். அவர்களது செலவுகள்கூடும். மறுபுறத் தில் கல்வி, மருத்துவம், இன்சூரன்ஸ் போன்ற துறைகளில் செயல்படும் நிறு வனங்களின் கொள்ளை லாபம் அதிகரிக் கும். 1929ம் ஆண்டில்,அமெரிக்காவின் 1 சதவீத மேட்டுக்குடியினரின் வருமானம் 23 சதவீதமாக இருந்தது. இதுவே 1980களில் 9 சதவீதமாகக் குறைந்தது. அதாவது, உழைப்பாளி மக்களின் எழுச் சியின் விளைவாக 50 ஆண்டுகளில் மிகப்பெரும் செல்வந்தர்களிடமிருந்து 14 சதவீத வருமானம் சாமானிய மக்களின் கைகளுக்கு இடமாற்றம் செய்யப்பட்டது. ஆனால், மீண்டும் 2001ல் அந்த 1 சதவீத மேல்தட்டு வருமானம் 23 சதவீதமாக மாறியது. அதாவது, நிதி மூலதனத்தின் நிர்ப்பந்தங்களின் பின்னணியில் அம லாக்கப்பட்ட நவீன-தாராளவாதக் கொள் கைகளின் காரணமாக 14 சதவீதம் மீண் டும் சாமானியர்களிடமிருந்து தட்டிப்பறிக் கப்பட்டுவிட்டது. இந்த சமரச ஒப்பந்தம் உள்நாட்டில் மக்களின் வாங்கும் சக்தியி னைக் குறைக்கும். அதனால் ஏற்படும் பின்னடைவு, பொருளாதார மந்தம், உற்பத்திக்குறைவு, வேலையின்மை ஆகியவற்றினை மேலும் விரிவுபடுத்தும்.

இரண்டாவது, அமெரிக்க அரசியல் தீவிரமாக வலதுசாரித் திசைக்குள் செலுத்தப்படுகிறது. நிதி மூலதனம் அரசின் நலத்திட்டங்களை எப்போதும் ஏற்பதில்லை. சோவியத் யூனியன் காலத்தில் ஏழைகளுக்கு ஆதரவானவர் கள் போன்று வேடம் தேவைப்பட்ட காலம் மறைந்துவிட்டதால், இப்போது அதி தீவிர வலதுசாரித் திசைக்கு அமெரிக்க அரசி யல் திட்டமிட்டுத் திருப்பப்படுகிறது.

மூன்றாவது, உலகப்பொருளாதார மந்தத்தினை இது மேலும் ஆழப்படுத் தும், தென்னை மரத்தில் தேள் கொட்டி னால் பனை மரத்திற்கு நெரி கட்டுமா என சம்பந்தமில்லாத இரண்டு சம்பவங்கள் குறித்து வேடிக்கையாய் பேசுவார்கள். ஆனால், இன்று நிதி மூலதனம் அத்த கைய சம்பந்தத்தினை உலகம் முழுவ தும் ஏற்படுத்தியிருக்கிறது. அமெரிக்க நெருக்கடி உடனடியாக உலக நெருக்கடி யாக மாறுகிறது. அதாவது அமெரிக்கா தனது நெருக்கடியினை உலக நெருக்கடி யாக்கும் வல்லமை பெற்றுள்ளது.

நமக்கு பாதிப்பு இல்லையா?

அமெரிக்க நெருக்கடியால் இந்தியா விற்கு பாதிப்பு இல்லை என்று நமது நிதி அமைச்சரும், பிரதமரும் கூறிவருகிறார் கள். ஆனால், இந்தியப் பங்குச்சந்தைச் சரிவு அதைப் பொய்யாக்கியிருக்கிறது. 2008ம் ஆண்டில் பிரதமர், நிதி அமைச்சர் சிதம்பரம், திட்டக்கமிஷன் துணைத் தலைவர் அலுவாலியா ஆகிய மூவரும் மூன்று குரலில் பேசினர். ஏற்றுமதி நெருக் கடிக்குப் பின்னர் சோர்ந்து போனார்கள். பின்பு எல்லாரும் சேர்ந்து நிதித்துறை யில் எவ்விதப்பாதிப்பும் இல்லை என பெருமை பொங்க கூறினார்கள். அவர் களது ஆசை, ஆர்வம், முயற்சி அனைத் தையும் மீறி இடதுசாரி கட்சிகளும் நிதித் துறைத் தொழிற்சங்கங்களும் நிதித்துறை சீர்திருத்தங்களை செய்யவிடாமல் தடுத் ததால்தான் அது சாத்தியமானது என் பதை மட்டும் அவர்கள் சொல்ல மறுத்த னர். மீண்டும் அவர்கள் நிதித்துறை சீர் திருத்தங்களை செய்வதற்கு கச்சைகட்டி நிற்கிறார்கள் என்பது தான் வெட்கக்கேடு. அமெரிக்காவில் ஏற்படும் கிராக்கி மந்தம் உலக வர்த்தகத்தினை பாதிக்கும், நமது ஏற்றுமதியினைப் பாதிக்கும் என்பதெல் லாம் நாம் அறிந்ததே. சென்ற முறை நாம் சந்தித்த நெருக்கடிகளை அவ்வளவு விரைவில் மறக்கமுடியுமா? 2008 உலக நெருக்கடியிலிருந்தே நாம் இன்னும் மீளவில்லை. இப்போதாவது பாடம் கற்றுக்கொள்ள வேண்டாமா?

இ.எம்.ஜோசப்

(ஆதாரம் : சீத்தாராம் யெச்சூரி கட்டுரை (ஹிந்துஸ்தான் டைம்ஸ் 9.8.11)
பிரபாத் பட்நாயக் கட்டுரை(மேக்ரோ ஸ்கேன் 5.8.11) நோம் சோம்ஸ்கி உரை (இணையதளம்) மற்றும் பிற இணையதள தகவல்கள்.

ஹிலாரி கிளிண்டனின் வஞ்சக வார்த்தைகள்

அமெரிக்க வெளியுறவுத் துறை அமைச்சர் ஹிலாரி கிளிண்டன் மூன்று நாள் அரசு முறைப் பயணமாக இந்தியாவுக்கு வந்து சென்றிருக் கிறார். இந்திய அதிகார வர்க்கமும், ஊடகங் களும் அவரது பயணத்தைக் கொண்டாடி மகிழ் கின்றன. இந்த உற்சாகப் பெருவெள்ளத்தில், மயக்கத்தில் இந்திய இறையாண் மையைக் கேள்விக்குறியாக்கும் சில உண்மைகளை மறந்துவிடக் கூடாது.

தனது பயணத்தின் முதல் நாள் புதுதில்லியில் ஹிலாரி வெளியிட்ட அறிக்கையில், அணுவிபத்து இழப்பீட்டுச் சட்டம், சர்வதேச அணுசக்தி முகமையின் அணுசக்தி விபத்துத் தொடர்பான சாசனத்தை முழுமையாக உறுதிப்படுத்துவதாக இருக்க வேண்டும் என்று கூறியுள்ளார். மிகவும் கவனமாக, அர்த்தம் பொதிந்த விதத்தில் அவர் வெளியிட்டிருக்கும் அறிக்கை சாமானியர்கள் புரிந்து கொள்ளக்கூடியதாக இல்லை. ஆனால் அந்த வார்த்தைகளுக்குள் வஞ்சகம் ஒளிந் திருக்கிறது.

ஹிலாரியின் வார்த்தைகளுக்கு மதிப்பளிப்பது என்றால் இந்திய நாடாளுமன்றத்தில் நிறைவேற்றிய சட்டத்தை நீர்த்துப் போகச் செய்வதாகும். வெளிநாடுகளிடம் வாங்கும் அணுஉலைகளில் விபத்து ஏற்படுமானால் அந்த விபத்துக்கான இழப்பீட்டுக்கு அந்த நிறு வனங்கள் பொறுப்பேற்க வேண்டும் என்பது அணுசக்தி இழப்பீட்டுச் சட்டத்தில் உள்ள ஒரு பிரிவாகும். நம் சட்டத்தில் கூறப்பட்டுள்ள இந்த அம்சத் தை நாம் கைவிட வேண்டும் என்பதே ஹிலாரி சொல்லியிருப்பதன் வெளிப்படையான அர்த்தம்.

மேலும் சர்வதேச அணுசக்தி முகமையின் சாசனம் என்பது உலக நாடுகளைக் கட்டுப் படுத்தும் சட்டம் கிடையாது. நம் நாட்டு நாடாளு மன்றத்தில் நிறைவேற்றிய சட்டத்தை அது கட்டுப்படுத்தாது. எனவே அமெரிக்க தனியார் அணு உலை நிறுவனங்களின் நலன்களுக்காக பேசும் ஹிலாரியின் வார்த்தைகளுக்காக இந்திய ஆட்சியாளர்கள் நமது 120 கோடி மக்களின் நலன்களைப் பிணையாக வைக்கக் கூடாது.

அதுமட்டுமின்றி, நாடாளுமன்றத்தில் சட்ட மாக்கப்பட்டு ஓராண்டு காலம் கடந்த பின்னும் அந்த சட்டத்தை வெளிப்படையாக அறிவிக்கை செய்யாமல் இழுத்தடித்து வருகிறது மன்மோகன் சிங் தலைமையிலான ஐக்கிய முற்போக்குக் கூட்டணி அரசு. அதன் நோக்கம் வெளிப்படை யானது. தங்கள் அமெரிக்க எஜமானர்கள் எக்கார ணம் கொண்டும் கோபித்துக் கொள்ளக்கூடாது என்பதே அது.

தமிழ் மக்களின் நலன்களுக்காக மாநிலத்தின் தொழில் வளர்ச்சி, வேலைவாய்ப்பில் அக்கறை செலுத்தும் தமிழக முதல்வரின் ஆர்வம் புரிந்து கொள்ளக் கூடியதே. எனினும் அமெரிக்க நிறுவனங்களின் செயல்பாடு, நம்பகத்தன்மை குறித்து மிகுந்த கவனம் தேவை என்பதை மறந்துவிடக் கூடாது. தமிழ்நாடு அரசு தலா 300 மெகாவாட் உற்பத்தித்திறன் கொண்ட 10 சூரிய சக்தி பூங்காக்களை உருவாக்க திட்டமிட்டுள் ளது. இதற்கு அமெரிக்க முதலீடுகளைக் கொண்டுவருவதற்கு முயற்சி செய்யப்படுகிறது. ஏற்கனவே மகாராஷ்டிராவில் மின் உற்பத்தியில் ஈடுபட்ட என்ரான் என்ற அமெரிக்க நிறுவனத் தின் அனுபவத்தை நாம் எளிதில் மறந்துவிட முடியாது.

மொத்தத்தில் ஹிலாரியின் பயணம் அமெரிக்க ஏகாதிபத்தியத்தின் நலன்களை முன்நிறுத்தியே அமைந்தது என்பதை நம் நாட்டின் நல் எதிர்காலத்தில் நம்பிக்கை உள்ள அனைவரும் புரிந்துகொள்ள வேண்டும்.

அடிமையின் பயம் முதலாளியின் மூலதனம்

ஒரு புத்தகம் என்பது உள்ளதை உள்ளபடி சொல்வதுதான். இருந்தாலும் அதில் சில வாசிக்கும் போதே உடலுக்குள் வேதியல் மாற்றங்களையும்-சிந்தனையில் மாற்றங்களையும் வரவழைக்கும். அப்படி சிந்தனையிலும் மாற்றத்தை உருவாக்கி, உடற்கூறிலும் சில அதிர்வுகளை உருவாக்கியது பிரெடரிக் டக்ளசின் சுயசரிதை. இந்நூல் அமெரிக்காவின் பண்ணை அடிமைத்தனம் பற்றிய புரிதலையும் நாடுகள் எதுவாயினும் வர்க்கங்களின் குணம் ஒன்றாகத் தான் இருக்கும் என்பதையும் மெய்ப்பிக்கின்றது.

பிரெடரிக் டக்ளஸ் பண்ணை அடிமையின் சோகங்களை அனுபவித்ததை கண்ணால் கண்டதை அற்புதமாக விவரிக் கின்றார். தன்னுடைய ஒவ்வொரு உரிமையாளரும் எப்படிப் பட்டவர்கள் - அவர்கள் வேலை வாங்கும் விதம், வழங்கும் தண்டனைகள்... என்று படிக்கும் பொழுது உடல் அதிர்கின்றது.

டக்ளசின் பாட்டியின் மரணம் அதனால் ஏற்படும் ஏக்கம் ஒரு அடிமையின் மரணம் கண்டும் காணமல் போவதை தத்ரூபமாக கண்முன் நிறுத்துகின்றது.

அடிமைகளுக்கு கொடுக்கப் படும் தண்டனைகளை எண்ணிப் பார்க்கவே முடியவில்லை. ஒரு மாற்றுத் திறனாளிப் பெண் அடிமையை அடித்து ரத்தம் ஒழுக விளாசி கொடுஞ்செயல் செய்து விட்டு,பைபிளில் வரும் விவிலியத்தின் வாசகங்களைப் படித்து, கடவுளிடம் பாவ மன்னிப்பு பெறுவது என ஒவ்வொரு பக்கமும் தாண்டும் போது நமக்குள் ஏற்படும் உணர்வுகள் ஏராளம்.

தன்னுடைய வாழ்வின் அனைத்து விஷயங்களையும் தீர்மானிக்கும் எஜமானர்கள் - எதற்கு? ஏன்? மற்றவர்களுக்கு விற்கப்படுகின்றோம் என்பது கூட தெரியாமல், ஊர் மாறும் அடிமைகள்; செய்யும் வேலை களுக்கு கிடைக்கும் அற்ப உணவு, அதை சாப்பிடக் கூட முடியாமல் வாங்கும் அடியின் வலி, உடலின் ரணம் என பல பக்கங்களில் சோகம் கவ்வுகின்றது.

காட்டில் கிடைக்கும் வேரை (Roots) கையில் வைத்திருந்தால் எஜமானர்கள் அடித்து உதைக்க மாட்டார்கள் எனும் மூடநம்பிக்கை இருந்தது அது எப்படி மறைந்தது என்பது விவரிக்கப்படுகின்றது.
டக்ளஸ் தன் முதலாளி கொவே (மிக கொடியவன்) என்பவரை ஒரு கட்டத்தில் திருப்பி அடிக்கிறார். அதாவது முதலாளிக்கு ரத்தம் வரும் வரை. அதன் பிறகு அம் முதலாளி டக்ளஸ் மீது கை வைப்பது நிறுத்தப்பட்டது. இந்த விஷயத்தைப் படிக்கும் போது கீழத் தஞ்சை மாவட்டத்தில் பண்ணை அடிமைகளை ஒருங்கிணைக்கும் போது, தோழர் பி. சீனிவாசராவ் ‘‘அடித்தால் திருப்பி அடி’’ என்று சொன்னது நினைவுக்கு வந்தது. ஒரு அத்தி யாயத்தில் டக்ளஸ் சொல்கிறார். “அடிமையின் பயம் - முதலாளியின் மூலதனம்’’ எவ்வளவு ஆழமான அர்த்தம் பொதிந்த வார்த்தை. இரு வர்க்கங்களை அடையாளம் காட்டும் அற்புத வாசகம்.

ஒவ்வொரு ஆண்டும் அடிமைகளுக்கு வழங்கப்படும் விடுமுறையைப்பற்றி டக்ளஸ் அற்புதமாக சித்தரிக்கின்றார். அதாவது முதலாளிகள் ஆண்டு முழுவதும் வழங்கும் தண்டனைகள் அனைத்தையும் மறக்க, அதனால் அவர்கள் மீது ஏற்படும் கோபங் களை தணிக்கவும், விடுமுறை முழுவதும் மது அருந்த வைத்து, கேளிக்கைகளில் தள்ளி எப்போதும் அடிமை எனும் சிந்தனையை மேலோங்க வைத்து, மீண்டும் வேலைக்கு வரவழைப்பது எனும் சதித்திட்டம் தான் விடுமுறை. அதாவது, அது ஓர் ஏமாற்று வித்தை உடல் மற்றும் உளவியல் ரீதியாக மீண்டும் அடிமைச் சிந்தனையை உறுதிப்படுத்துவது ஆகும்.

ஓர் அடிமையை எஜமானர் எதற்காக வேண்டுமானாலும் அடிக்கலாம். தான் எதிர்பார்த்த அளவுக்கு வேலையைச் செய்யவில்லை என்றாலோ அல்லது சொன்ன கட்டளையை உடனடியாக செய்து முடிக்கவில்லை - பெண்களாக இருந்தால் இச்சைகளுக்கு உட்படவில்லை என்பதோ மன்னிக்க முடியாத குற்றங்கள். மரண அடி தான். அடிபட்ட பிறகும் ரத்தம் கொட்டினாலும் சொன்ன வேலையை முடிக்க வேண்டும். டக்ளஸ் படிக்க கற்றுக் கொண்டதை விவரிக்கும்போது, ஓர் அடிமையானவன் கல்வி அதுவும் அடிப்படைக் கல்வி கற்பது எவ்வளவு கடினமான விஷயம் என்பது புலப்படுகின்றது. அப்படி தான் கற்றுக் கொண்டதை மற்றவர்க்கு கற்றுத் தருவது என்பது எவ்வளவு மகத்துவமானது - அப்பணியை அப்பொழுதே டக்ளஸ் செய்திருக்கின்றார். அறிவொளியை மற்றவர்களுக்கு கற்றுக் கொடுத்த நாட்கள் தான் டக்ளசின் உன்னதமான நாட்கள் என குறிப்பிடுகின்றார்.

அடிமைகளை விற்க - வாங்க எனும் தொழிலுக்கு தரகர்கள் இருந்தார்கள். அவர்கள் புது அடிமைகளை விற்க முற்படும் போது அடிமைகளின் உடற்கூறின் பாகங்கள் நன்றாக உள்ளதா, செயல்படும் நிலையில் இருக்கின்றதா என்பதைப் பார்த்து அவர்களின் உடல் பாகங்களை அசைக்க ஆட்டச் சொல்லி வாங்குவார்களாம். கிராமப் புறங்களில் மாடு வாங்கும் போது, சந்தையில் மாட்டின் அங்கங்களை பார்த்து வாங்குவது போல் அடிமைகள் விற்கப்பட்டு வாங்குவார்களாம். விலங்கைவிடக் கீழ் நிலையில் மனிதன் இருந்ததை நினைக்கும் போது உள்ளம் கனக்கின்றது. ஒரு கட்டத்தில் தான் தப்பித்து அடிமை விலங்கை முறித்துக் கொள்ள வேண்டும் எனும் முடிவெடுக்கும் டக்ளஸ் இறுதியாக ஒரு முதலாளியிடம் ரிவிட் (ஸிவீஸ்மீt) அடிக்கும் தொழிலைக் கற்றுக் கொள்கிறார். கடுமையான உழைப்பு.

நல்ல வருமானம் கிடைத்த போதும் அனைத்தும் முதலாளிக்கே சொந்தம். ஏனென்றால், அடிமையின் உழைப்பின் மூலம் கிடைக்கும் வருமானம் மட்டுமல்ல. அடிமையே அவருக்கு சொந்தமல்லவா!

வருமானம் போனால் போகட்டும். ஆனால் வாழ்க்கையில் மாற்றம் பெற வேண்டுமானால், எனக்கு நானே உரிமையாளராக வேண்டும். அதாவது விடுதலை பெற வேண்டும் என்று டக்ளஸ் சொல்லும் போது கல்மனம் படைத்தவர்கள் கூட உருகிவிடுவார்கள்.

இந்த சுயசரிதை எழுதுவதற்கு பத்து ஆண்டுகளுக்கு முன்னர்தான் அவர் தப்பித்து விடுலையாகின்றார். அப்படி தப்பித்துச் செல்வதற்கு யார் உதவி செய்தார்கள் என்பதைக்கூட அவர் காட்டிக் கொடுக்கவில்லை. எவ்வளவு வைராக்கியம்.

இருநூறு ஆண்டுகளுக்கு முன்னர் அமெரிக்க நாட்டில் இருந்த நிறவெறி இன்றும் பல்வேறு வடிவங்களில் இருக்கின்றது என்பதை நினைக்கும் போது அன்று நிலைமை எப்படி இருந்திருக்கும் என்பதை யோசிக்க முடிகின்றது. வேறு ஒரு மொழியில் வந்த ஒரு பொக்கிஷத்தை தாய் மொழியில் அதன் ஆழம் மற்றும் தன்மை மாறாமல் மொழி பெயர்த்து அளிப்பது அற்புதமான கலை. எப்போதும் அதை நிதானத்துடன் சுவை மாறாமல் தமிழ் வாசகர்களுக்கு அளித்து வரும் இரா. நடராசன் டக்ளஸ் வாழ்க்கை வரலாற்றை வாசகர்கள் உள்வாங்கிக் கொள்ளும் வகையில் மொழிபெயர்த்துள்ளார்.

தமிழகம் உட்பட இந்தியாவின் பல மாநிலங்களில் நிலவி வரும் விதவிதமான தீண்டாமைக் கொடுமைகள் அதில் மக்கள் படும் அவதிகள் சந்திக்கும் அன்றாடப் பிரச்சனைகள் என்று இன்னும் நவீன அடிமைகளாக நமது வர்க்கம் நடத்தப்படும் வேளையில், இந்நூலை அதிகமான மக்களிடத்தில் கொண்டு சென்றால் கொடுமைகளுக்கு எதிரான ஒரு புதிய எழுச்சியை உருவாக்கிட முடியும். இனியும் எங்கும் கொடுமைகள் நிகழும் போது தடுத்திடப் பெரும் படையை அமைத்திடவும் இந்நூல் உதவும்.

கிராமப்புற உழைப்பாளி மக்களும் நகர்ப்புற தொழிலாளர்களும் இன்றைய உலக மய சூழலில் நவீன கொத்தடிமைகளாக மாற்றப்பட்டுள்ளனர். 8 மணி நேர வேலை கனவாகி வருகின்றது. அப்படிப்பட்ட நேரத்தில் இந்நூல் பரவலாகக் கொண்டு செல்லப்பட வேண்டும்.

அழகான வடிவமைப்பு எழுத்துப் பிழையில்லாமல் இருப்பது மொழிபெயர்ப்பின் ஆழம் மற்றும் எளிமை சோர்வில்லாமல் வாசிக்க வைக்கின்றது. மக்களின் தேவையைக் கருதி அதிகம் எடுத்துச் செல்லப்பட வேண்டிய சிறந்த புத்தகம். ஒரு கறுப்பு அடிமையின் சுயசரிதை.
                                                                                                                                                                               என்.சிவகுரு

ஜார்ஜ் புஷ்சையும், பாரக் ஒபாமா வையும் எந்த நீதிமன்றத்தில் நிறுத்துவது?

லிபியாவின் ஜனாதிபதி மும்மர் கடாபியை கைது செய்து கூண்டில் ஏற்றுமாறு சர்வதேச குற் றவியல் நீதிமன்றம் (ஐசிசி) கடந்த வாரம் வெள் ளிக்கிழமை வாரண்ட் பிறப்பித்தது. கடாபியின் மகன் செய்ப் அல் - இஸ்லாம் மற்றும் லிபியா வின் உளவுத்துறை தலைவர் அப்துல்லா அல்- சென்யூசி ஆகியோருக்கும் கைது வாரண்ட் பிறப்பித்தது.

“மனிதநேயத்திற்கு எதிராக கொடிய குற்றங் கள் புரிந்த போர்க்குற்றவாளிகள் இவர்கள்” என்று குற்றம் சாட்டி, வாரண்ட் பிறப்பித்துள்ளது தி ஹேக் நகரில் உள்ள இந்த நீதிமன்றம்.

உண்மையில், தனது நாட்டில் போராட்டத் தில் ஈடுபடும் கிளர்ச்சிக்காரர்களுடன் பேச்சு வார்த்தை நடத்த தயாராக இருப்பதாகவும், நேட்டோ படைகள் தனது நாட்டை சல்லடை யாக துளைத்து வருவதை உடனடியாக நிறுத்திக் கொள்ள வேண்டும் என் றும் லிபிய ஜனாதிபதி கடாபி வேண்டுகோள் விடுத்த மறுநாளே, அவரை சர்வதேச போர்க்குற்றவாளி என்று மேற்படி நீதிமன்றம் அறிவித்துள்ளது.

லிபியாவின் எண்ணெய் வளத்தை முழுமை யாக கைப்பற்றும் நோக்கத்தோடு, அங்கு ஆட்சிப் பொறுப்பில் இருக்கும் கடாபியின் அரசை ஒழித்துக் கட்டும் நோக்கத்தோடு அமெ ரிக்கா தலைமையிலான நேட்டோ படைகள் அந்நாட்டின் மீது கொடிய யுத்தத்தை நடத்தி வருகின்றன. இந்த தாக்குதலில் அமெரிக்கா வுக்கு இணையாக ஐரோப்பிய ஏகாதிபத்திய சக்திகளான பிரிட்டனும், பிரான்சும் நாசகரப் படைகளை அனுப்பி தாக்குதலை தீவிரப்படுத்தி யுள்ளன. இந்தத் தாக்குதல்களில் ஆயிரக்கணக் கானோர் பலியாகியுள்ளனர். அதுகுறித்த உண்மை விபரங்களை உலகிற்கு சொல்லாமல் மேற்கத்திய ஊடகங்கள் மூடி மறைக்கின்றன. கடாபியின் உயிரைப் பறிக்கும் எண்ணத்துடன் அவரது மாளிகையின் மீது தொடர்ந்து நேட்டோ போர் விமானங்கள் சரமாரியாக குண்டு வீசி வருகின்றன. அவரது மகனையும், 3 பேரக் குழந்தைகளையும் சில வாரங்களுக்கு முன்பு குண்டுவீசி கொன்றொழித்தது நேட்டோ படை.

படுகொலைகள் புரிந்து வரும் நேட்டோ படைகளை விட்டுவிட்டு, தாக்குதலுக்கு உள் ளாகியிருக்கும் கடாபியை குற்றவாளி என்று அறிவித்திருப்பதன் மூலம், சர்வதேச குற்ற வியல் நீதிமன்றத்தின் உண்மை முகத்தை அறி யலாம்.

1999ம் ஆண்டு மார்ச் 24ம்தேதி யுகோஸ்லே வியாவில் அமெரிக்கா, பிரிட்டன், பிரான்ஸ் உள்ளிட்ட நாடுகளின் படைகளை கொண்ட நேட்டோ ராணுவத்தினர் கொடூரமான யுத் தத்தை துவக்கினர்; அந்நாட்டைத் துண்டாட முயற்சித்த அல்பேனிய தீவிரவாதிகளுக்கு ஆயுதங்கள் வழங்கி, கொசோவா பிரதேசத்தில் ரணகளத்தை ஏற்படுத்தினர்; அதையொட்டி யுள்ள செர்பியாவிலும் குண்டுமழை பொழிந்த னர்; பல்லாயிரக்கணக்கான அப்பாவி மக்கள் அழிந்தனர். இறுதியில், எந்த யுகோஸ்லேவியா சல்லடையாக துளைக்கப்பட்டதோ, அந்த யுகோஸ்லேவியாவின் ஜனாதிபதி ஸ்லோ போடன் மிலோசெவிக்கை போர்க் குற்றவாளி என்று சர்வதேச குற்றவியல் நீதிமன்றம் அறி வித்தது. அவர் நாடு கடத்தப்பட்டார். தி ஹேக் நகரிலுள்ள சிறையில் அடைக்கப்பட்டார். சில ஆண்டுகளுக்கு முன்பு சிறையிலேயே மர்ம மான முறையில் உயிரிழந்தார்.

தாங்கள் கைப்பற்றத் துடிக்கும் நாடுகளைத் தாக்குவது; அந்த நாடுகளின் தலைவர்களை திட்டமிட்டு போர்க்குற்றவாளி என்று சர்வதேச நீதிமன்றத்தின் பெயரால் அறிவிப்பது; நீதிமன் றமே சொல்லிவிட்டதால் அவரை கைது செய்து தண்டனை கொடுக்க வேண்டுமென்று உலக அளவில் கருத்தை உருவாக்குவது; சம்பந்தப் பட்ட நாடுகளை கபளீகரம் செய்வது என வர லாற்றில் அமெரிக்க - ஐரோப்பிய ஏகாதிபத்தி யங்களின் குற்றங்கள் தொடர்கின்றன.

சில மாதங்களுக்கு முன்பு சூடான் ஜனாதி பதி அல் பஷீருக்கும் இவர்கள் வாரண்ட் பிறப் பித்தார்கள்.

சர்வதேச நீதிமன்றம் என்ற பெயரில் நடை பெறும் இந்த அட்டூழியத்தை சீனா, ரஷ்யா, ஆப்பிரிக்க யூனியன், லத்தீன் அமெரிக்க நாடு கள், மத்திய கிழக்கு நாடுகள் என உலகின் அனைத்துப் பகுதி நாடுகளும் கடுமையாக எதிர்க்கின்றன.

உள்நாட்டில் போராட்டத்தை ஒடுக்கினார் என்ற குற்றச்சாட்டிற்காக கடாபியை சர்வதேச நீதிமன்றத்தில் நிறுத்துவது சரியென்றால், அண் டை நாடான பாலஸ்தீனத்தில் அனுதினமும் அப்பாவி மக்களை குண்டுவீசிக் கொல்கிறதே அந்த இஸ்ரேலின் பிரதமரை எந்த நீதிமன்றத் தில் நிறுத்துவது?

பயங்கரவாதத்திற்கு எதிரான போர் என்ற பெயரில் கடந்த 10 ஆண்டுகளில் மட்டும் உல கம் முழுவதிலும் பல்வேறு நாடுகளில் கொடிய யுத்தங்களை நடத்தி, சுமார் இரண்டேகால் லட் சம் மக்களை அழித்தொழித்த அமெரிக்க ஜனா திபதிகள் ஜார்ஜ் புஷ்சையும், பாரக் ஒபாமா வையும் எந்த நீதிமன்றத்தில் நிறுத்துவது?

2001க்கு பிறகு அமெரிக்கா கொன்றுபோட்ட 2.25 லட்சம் பேர் வீடியோ

2001ம் ஆண்டு செப்டம் பர் 11ம் தேதி நியூயார்க் நக ரில் நடந்த தீவிரவாத தாக் குதலுக்குப் பின்னர் உலக அளவில் பல்வேறு நாடு களில் அமெரிக்கப் படை யினர் நடத்திய தாக்குதல் களில் 2 லட்சத்து 25 ஆயிரம் பேர் கொல்லப்பட்டுள்ள னர். அமெரிக்கப் படைகள் இந்த வேட்டைக்காக செய்த செலவுத் தொகை மட்டும் 4.4 டிரில்லியன் அமெரிக்க டாலர்களாகும் என்பது குறிப்பிடத்தக்கது.

அமெரிக்காவின் பிரவுன் பல்கலைக்கழகம் நடத்திய புள்ளிவிவர சேகரிப்பில் இது தெரிய வந்துள்ளது.

2001ம் ஆண்டு செப்டம் பர் 11ம் தேதி நியூயார்க் நகரில் தீவிரவாதிகள் தாக்கு தல் நடத்தினர். இரட்டை கோபுரம் விமானம் மூலம் தகர்க்கப்பட்டது. இதைத் தொடர்ந்து அமெரிக்கா, உலகளாவிய தீவிரவாத வேட்டையைத் தொடங் கியது. ஆப்கானிஸ்தான், இராக், பாகிஸ்தான், ஏமன் என பல நாடுகளிலும் அமெ ரிக்கப் படைகள் வேட் டை யில் இறங்கின.

இதில் இராக், ஆப்கா னிஸ்தானில்தான் பெருமள வில் உயிர்ச்சேதத்தை ஏற் படுத்தின அமெரிக்கப் படைகள். அமெரிக்கப் படைகள் இதுவரை நடத் திய தாக்குதல்களில் 2 லட் சத்து 25 ஆயிரம் பேர் உயி ரிழந்துள்ளதாக இந்தத் தக வல் தெரிவிக்கிறது.

அமெரிக்கப் படைக ளின் தாக்குதலில் சிக்கி 3 லட்சத்து 65 ஆயிரம் பேர் காயமடைந்ததாகவும் பல் கலைக்கழக தகவல் தெரி விக்கிறது.

இதில் அமெரிக்க கூட்டுப் படைகளின் தரப்பில் மட்டும் 31 ஆயிரத்து 741 பேர் உயிரிழந்துள்ளனர். இவர்கள் அனைவருமே ராணுவத்தினர் ஆவர். இவர் களில் 6000 பேர் அமெரிக்கர்கள், 1200 பேர் கூட்டுப் படையினர், 9900 பேர் இராக்கியர்கள், 8800 பேர் ஆப்கானிஸ்தானியர்கள், 3500 பேர் பாகிஸ்தானியர் கள். இவர்கள் தவிர அமெ ரிக்காவுக்காக பாதுகாப்பு குறித்த தகவல்களைத் திரட் டித் தந்தவர்கள் 2300 பேர் கொல்லப்பட்டுள்ளனர்.

அப்பாவி மக்கள்தான் பெருமளவில் உயிரிழந்துள் ளனர். இவர்களின் எண் ணிக்கை மட்டும் 1 லட்சத்து 72 ஆயிரம் பேர் ஆவர். இவர்களில் 1 லட்சத்து 25 ஆயிரம் பேர் இராக்கியர்கள், 35,000 பேர் பாகிஸ்தானியர் கள், 12,000 பேர் ஆப்கா னிஸ்தானியர்கள் ஆவர்.

அமெரிக்க மற்றும் கூட் டுப் படையினரிடம் சிக்கி உயிரிழந்த தீவிரவாதிகளின் எண்ணிக்கை சரியாகத் தெரியவில்லை. இருப்பி னும் இது 20,000 முதல் 51,000 ஆக இருக்கலாம் என கருதப்படுகிறது.

தாக்குதலில் உயிரிழந்த வர்களில் 168 பேர் செய்தியாளர்கள், 266 பேர் மனிதா பிமான பணியாளர்கள் ஆவர்.

அமெரிக்காவின் தீவிர வாதத்திற்கு எதிரான போரில் சிக்கி இடம் பெயர்ந்து அக திகளாக உள்ளோரின் எண் ணிக்கை மட்டும் 70.8 லட் சம் பேர் ஆவர். இவர்களில் பெரும்பாலானவர்கள் இராக் மற்றும் ஆப்கானிஸ்தா னைச் சேர்ந்தவர்கள்.

நோம் சாம்ஸ்கி :ஒரு மனசாட்சி உள்ள அமெரிக்கரின் குரல்

பின்லேடன் கொலை என்பது திட்டமிட்ட ஒரு படுகொலை என்பதும், அடிப்படையான சர்வதேச விதிகள் மற்றும் சட்டங்களை அப்பட்டமாக மீறிய செயல் என்பதும் தெளிவானது. எந்தவிதமான ஆயுதமும் இல்லாமல் இருந்த ஒருவரை சுமார் 80 கமாண்டோக்கள் சுற்றிவளைத்து சுட்டுக் கொன்றுள்ளனர். வெளியாகும் தகவல்களின் அடிப்படையில் அவ ரது மனைவி ஒருவர் மட்டுமே எதிர்ப்பு தெரிவித்துள்ளார்.

சமூகத்தில் சட்டத்திற்கு குறைந்த பட்ச மரியாதையாவது தரப்பட வேண்டும். குற்றம் சாட்டப்படுபவர்கள் நீதியின் முன்பு விசாரணைக்கு நிறுத் தப்பட வேண்டும். 2002 ஏப்ரலில் அமெரிக்க உளவுத் துறையான எப்பிஐ-யின் தலைவர் ராபர்ட் முல்லர் தீவிரமான புலன் விசாரணைக்கு பின்பு, அமெரிக்க இரட்டை கோபுரங் கள் மீதான தாக்குதல் ஆப்கானிஸ் தானில் திட்டமிடப்பட்டது என்றும், யுஏஇ மற்றும் ஜெர்மனியிலிருந்து செயல்படுத்தப்பட்டது என்று நம்புவ தாக மட்டுமே கூறினார்.

இதற்கு 8 மாதங்களுக்கு முன்பே, ஆப்கானிஸ்தானில்தான் பின்லே டன் தங்கியிருப்பதாக ஆதாரத்துடன் தகவல் அளித்தால், அவரை ஒப்ப டைப்பதாக தாலிபான்கள் வெளிப் படையாகவே தெரிவித்தனர். ஏப்ரல் 2002ல் நம்மால் நம்பப்பட்ட ஒரு விஷயம் குறித்து அப்போது எதுவுமே தெரிந்திருக்கவில்லை. ஆனால், பாரக் ஒபாமா தன்னுடைய வெள்ளை மாளிகையிலிருந்து வெளியிட்ட அறிக்கையில் மிகவும் சாதாரணமாக பொய் சொல்கிறார், “2001 செப்டம்பர் 9ல் நடத்தப்பட்ட தாக்குதலுக்கு பின் லேடன்தான் காரணம் என்பதை நாம் உடனடியாக தெரிந்து கொண்டோம்” என்று.

அபோதாபாத்தில் பின்லேடனை ஒளித்து வைத்திருந்த பாகிஸ்தான் ராணுவத்தினரின் ஒரு பகுதியினர் குறித்து வாஷிங்டனின் கோபம் பற்றி ஊடகங்களில் பெருமளவு விவாதிக் கப்படுகிறது. ஆனால், அதே நேரத் தில் தங்களது நாட்டுக்குள் அமெ ரிக்க படையினர் அத்துமீறி நுழைந்து ஒரு அரசியல் படுகொலையை நிகழ் த்தியிருப்பது குறித்து பாகிஸ்தானின் கோபம் பற்றி யாரும் கவலைப்படு வதாக தெரியவில்லை. அமெரிக்கா வுக்கு எதிரான ஆவேசம் என்பது பாகிஸ்தானில் ஏற்கெனவே பெரு மளவு அதிகரித்துள்ளது. இப்போது நடந்துள்ள செயல் அதை மேலும் அதிகமாக்கும். பின்லேடனின் உடலை கடலில் தூக்கி எறிந்தது குறித்து ஆத்திரமும் கோபமும் முஸ்லிம் உலகத்தில் ஏற்பட்டுள்ளது.

இராக் நாட்டைச் சேர்ந்த கமாண்டோ படையினர் ஜார்ஜ் டபிள்யு புஷ் வீட்டுக்குள் புகுந்து, அவரை சுட்டுக் கொன்று, உடலை தூக்கி அட் லாண்டா கடலில் வீசிவிட்டு போனால் நாம் எவ்வாறு இதை எதிர்கொள் வோம் என்று நம்மை நாமே கேட்டுக் கொள்ள வேண்டும். சர்ச்சைக்கு இடமின்றி பின்லேடனின் குற்றம் சித்தரிக்கப்படுகிறது.

கியூப விமானத்தை குண்டு வைத்து தகர்த்த போட்ச், புளோரிடா வில் அமைதியாக மரணமடைய அனுமதிக்கப்பட்டிருக்கிறார். துறை முக பயங்கரவாதத்தில் தொடர்பு டையவர்களும், இதுமாதிரியே நடத் தப்பட்டிருக்கிறார்கள். அமெரிக்கா அத்துமீறி நடத்திய படுகொலைகள் குறித்து புஷ்சின் கவனத்திற்கு யாருமே கொண்டு வரவில்லை போலிருக் கிறது.

ஜெர்னிமோ திட்டம் என்ற பெய ரில் நிகழ்த்தப்பட்ட செயலின்மூலம் ஏகாதிபத்திய ஆதிக்க மனநிலை தெளிவாக வெளிப்படுத்தப்பட்டது. மேற்கத்திய சமூகம் முழுவதும் பின் லேடன் மரணம் பெருமளவு கொண் டாடப்படுகிறது. ஆனால், அதே நேரத் தில் அமெரிக்காவால் நடத்தப்பட்ட முந்தைய மரணங்கள் புனிதப்படுத் தப்படுகின்றன.

சுருக்கமாக சொல்வதானால் இவ் விஷயத்தில் அடிப்படையான, எளி மையான உண்மைகள் வெளிப்படை யாக தெரிவிக்கப்படுவதுமில்லை; மதிக்கப்படுவதுமில்லை என்பது தான் உண்மை.

நோம் சாம்ஸ்கி எழுதிய கட்டுரையின் சில பகுதிகள்

கட்டுரையாளர்: எம்ஐடி நிறுவனத்தில் பேராசிரியராக பணியாற்றி ஓய்வு பெற்றவர், சமூக அரசியல் விஷயங்கள் குறித்து ஏராளமான கட்டுரைகளையும், நூல்களையும் எழுதியவர்.

உலகைச் சுற்றி.. ஒசாமா பின்லேடனின் படுகொலை : பிடல் காஸ்ட்ரோ

2001 செப்டம்பர் 11ம் தேதி நடந்த நிகழ் வுகளைப் பற்றி அறிந்தவர்களுக்கு தெரிந்தி ருக்கும். அமெரிக்க மக்களுக்கு நமது மக்கள் ஆதரவாக நின்றார்கள். நியூயார்க் இரட்டைக் கோபுரங்களைத் தகர்த்த அந்த கொடிய தாக்கு தலை எதிர்கொண்ட அமெரிக்கர்களுக்கு மருத் துவ உதவி உட்பட ஒத்துழைப்புகள் அளித்தோம்.

இந்த தாக்குதலால் ஏற்பட்ட களேபரமான சூழலில் அமெரிக்க விமானங்கள் வேறு எங்கும் தரையிறங்க முடியாத நிலை ஏற்பட்டது. அப் போது உடனடியாக அமெரிக்க விமானங்களுக் காக எமது தேசத்தின் விமான நிலையங் களைத் திறந்து விட்டோம்.

அப்பாவி மக்களின் உயிர்களைப் பறிப் பதை எப்போதும் உறுதிபட எதிர்ப்பதே கியூப புரட்சியின் பாரம்பரியம்.

எமது நாட்டிலும் பாடிஸ்டாவின் கொடிய ஆட்சிக்கு எதிராக ஆயுதமேந்திய போராட் டத்தை தீர்மானகரமாக ஆதரித்தோம் என்ற போதிலும், எந்தவொரு பயங்கரவாத செயலா லும் அப்பாவி மக்களின் உயிர் பறிக்கப்படு வதை எதிர்த்தே வந்திருக்கிறோம். கடந்த அரை நூற்றாண்டுக் காலமாக இத்தகைய கொள்கையை பேணிப் பாதுகாத்து வருகிற அந்த தார்மீக உரிமையே, தற்போதைய உணர் வுப்பூர்வமான சம்பவம் குறித்து கருத்து வெளியிட உந்துகிறது.

சர்வதேச பயங்கரவாதம் என்பது வன் முறை மூலமாகவும், போர் மூலமாகவும் ஒரு போதும் ஒழிக்கப்பட முடியாது என்பதை உரத் துக் கூறுகிறேன்.

பின்லேடன் என்ற நபர், பல்லாண்டு கால மாக, அமெரிக்காவின் நண்பராக இருந்தவர்; அந்த நாடு தான் அவருக்கு ராணுவப் பயிற்சி அளித்தது; அவர் சோவியத் ஒன்றியத்தின் எதிரி; சோசலிசத்தின் எதிரி. ஆனால் அவர் எப்படிப்பட்டவராக இருந்தாலும், நிராயுத பாணியான ஒரு மனிதனை - அவன் தனது சொந்த உறவினர்களால் சூழப்பட்டு இருக்கிற தருணத்தில், சுற்றி வளைத்துப் படுகொலை செய்வது பயங்கரமானதே! உலகின் சக்தி வாய்ந்த நாட்டின் அரசாங்கம் செய்திருக்கிற காரியம் இதுதான். பின்லேடனின் மரணத்தை அறிவித்த ஒபாமா, மிகக் கவனமாக வரையறுக் கப்பட்ட தனதுபேச்சில் கூறினார்:

“... உலகில் இதற்கு முன்பு பார்த்திராத அளவிற்கு மோசமான காட்சிகளைப் பார்த்து விட்டோம். இரவு உணவு நடக்கும் மேசையில் காலியாகக் கிடக்கும் இடம். தங்களது அம் மாவோ, அப்பாவோ இல்லாமல் வளர நிர்ப்பந் திக்கப்பட்ட குழந்தைகள். தங்கள் குழந்தையின் தழுவலை அனுபவித்து உணரும் வாய்ப்பு பறிக்கப்பட்ட பெற்றோர்கள். சுமார் 3000 குடிமக்கள் நம்மிடமிருந்து பறிக்கப்பட்டார்கள். நமது இதயங்களில் பெரும் துளையை ஏற்படுத்திச் சென்றார்கள்.”

மேற்கண்ட வார்த்தைகள் அனைத்தும் சத்தியமானவை, உண்மையானவை; ஆனால் இந்த உண்மை, இராக்கிலும், ஆப்கானிஸ்தானத்திலும் அமெரிக்காவால் கட்டவிழ்த்து விடப்பட்ட கொடிய போர்களால் நூற்றுக்கணக்கான, ஆயி ரக்கணக்கான குழந்தைகள் தங்களது அம்மாக்களையும், அப் பாக்களையும் இழந்து அனாதைகளாக வளர நிர்ப்பந்திக்கப் பட்டார்களே; தங்களது குழந்தையின் தழுவலை அனுபவித்து உணரும் வாய்ப்பு பறிக்கப்பட்டவர்களாக எண்ணற்ற பெற்றோர் மாற்றப்பட்டார்களே, அந்த கொடூரத்தை நினைவு கூருவதில் இருந்து எந்தவொரு மாண்புமிகு மனிதனையும் தடுத்துவிடாது.

இராக், ஆப்கானிஸ்தான், வியட்நாம், லாவோஸ், கம் போடியா, கியூபா, இன்னும் உலகின் பல்வேறு நாடுகளின் கிராமங்களில் இருந்து லட்சக்கணக்கான குடிமக்கள் பறித்துச் செல்லப்பட்டு விட்டார்கள்.

இன்னும் லட்சக்கணக்கான மனிதர்களின் மனங்களில் மனித உயிர்கள் அழிக்கப்பட்ட பயங்கர காட்சிகள் நிழலாடிக் கொண்டிருக்கின்றன. கியூப எல்லையில் அமெரிக்காவால் ஆக்கிரமிக்கப்பட்ட குவாண்ட நாமோவில் இந்தப் பயங்கரத் தின் அமைதி மாதக்கணக்கில், வருடக்கணக்கில் கூட குடி கொண்டிருக்கிறது. சொல்லமுடியாத அளவிற்கு கொடிய சித்ரவதையின் வலி அது. நாகரிக சமூகங்கள் என கூறிக் கொள்ளப்படுபவர்களால் கடத்தப்பட்டு, ரகசியச் சிறைக் கொட்டடியில் அடைக்கப்பட்டவர்கள், இங்கு இருப்பவர்கள்.

ஒசாமாவை, தற்போது பாகிஸ்தானின் வசம் இருக்கும் அவரது குழந்தைகள் மற்றும் மனைவிகள் கண் முன்னால், 20 கோடி மக்களைப் பெற்றுள்ள அந்த முஸ்லிம் தேசத்தின் சட்டங்களை மீறி, அந்த நாட்டின் கவுரவத்தை சிதைத்து, அதன் மதப் பாரம்பரியங்களை இழிவுபடுத்தி கொன்றோம் என்று ஒபாமா ஒப்புக் கொள்வதைத் தவிர வேறு வழியில்லை.

எந்த விசாரணையும் இன்றி, எந்த சட்டத்தின் அடிப்படை யிலும் அன்றி அவர் கொல்லப்பட்டபோது என்ன நடந்தது என்பதை விளக்குவதில் இருந்து அந்தப் பெண்களையும் குழந்தைகளையும் எப்படித் தடுக்கப்போகிறார் ஒபாமா? உலகம் முழுவதிலும் அந்தக் காட்சிகள் ஒளிபரப்பப்படப் போவதை எப்படித் தடுக்கப் போகிறார்?

2002 ஜனவரி 28ம் தேதி சிபிஎஸ் செய்தி நிறுவனத்தின் பத்திரிகையாளர் டான் ராதர் எழுதினார்: 2001 செப்டம்பர் 10ம் தேதி, அதாவது உலக வர்த்தக மையக் கட்டிடமும், பெண்ட கன் கட்டிடமும் தாக்குதலுக்குள்ளாவதற்கு சரியாக ஒரு நாள் முன்பு, டி.வி.நெட்வொர்க் செய்தியில், பாகிஸ்தானில் உள்ள ஒரு ராணுவ மருத்துவமனையில் ஒசாமா பின்லேடன் டயாலிசிஸ் சிகிச்சையில் இருக்கிறார்; அவர் அழகான குகைகளுக்குள் வசிப்பதற்கோ, மறைவிடங்களில் வசிப்ப தற்கோ உடல்ரீதியாக தகுதியானவர் இல்லை.

அவரைப் படு கொலை செய்ததும், உடலை கடலில் தூக்கி எறிந்ததும் அச்சத்தின் வெளிப்பாடு; அவரை இன்னும் பயங்கர நபராகக் காட்டும் பாதுகாப்பின்மை உணர்வின் வெளிப்பாடு.

தகவல் தெரிந்ததும் ஏற்பட்ட கொண்டாட்ட உணர்வையும் மீறி, அமெரிக்கப் பொதுமக்களும் கூட, ஒசாமா கொல்லப்பட்ட முறையை விமர்சிப்பார்கள்; ஏனென்றால், குடிமக்களைப் பாது காப்பதில் இருந்து வெகு தூரம் விலகிச் சென்று, தங்களுக்கு எதிரான பகைமை உணர்வையும், பழி உணர்வையும் தங் களது தேசம் மேலும் தீவிரப்படுத்திவிட்டது என்ற உணர் வுக்கு அவர்கள் ஆட்படத் துவங்கிவிட்டார்கள்!

(கிராண்மா, மே 4)

தமிழில்: எஸ்.பி.ராஜேந்திரன்