உண்னும் உணவை தட்டி பறிக்கும் பண்னாட்டு கம்பெணிகள் :-பிரபாத் பட்நாயக்

முன்னேறிய முதலாளித்துவ நாடுகள், மிக மிக மோசமான பொருளாதார மந்த நிலை மற்றும் வேலையின்மை ஆகிய நெருக்கடி யில் சிக்கித் தவித்துக் கொண்டிருக்கின்றன. அதே வேளையில், வளரும் நாடுகளோ, (முன் னேறிய நாடுகளின்) இந்த மந்த நிலையின் பாதிப்புக்களையும் சந்தித்துக் கொண்டிருக் கின்றன. அதற்கும் மேல், மிகவும் கடுமை யான உணவு நெருக்கடியையும் சந்தித்துக் கொண்டிருக்கின்றன. கடந்த பத்தாண்டு களில் இல்லாத அளவிற்கு, பசிப்பிணி என்ற கொள்ளை நோயினால் வளரும் நாடுகள் பாதிக்கப்பட்டுள்ளன. உலகம் முழுவதும் உணவுப் பொருட்களின் விலை வரலாறு காணா த அளவிற்கு உயர்ந்துள்ளது. இது ஏதோ பெயரளவிற்கு என்று எண்ணிவிட வேண்டாம். மாறாக, (ஆலைகளில்) உற்பத்தி செய்யப்பட்ட பொருட்களின் விலையோடு ஒப்பிட்டு பார்த்தாலே வரலாறு காணாத விலையேற்றம் என்பதை உணரலாம். உணவுப் பொருட்களின் விலை 2008ல் எகிறி குதித்தது. பின்னர் 2009ல் சற்று குறைந்தது. ஆனால் 2008க்கு முன்னால் இருந்த விலைகளை விட மிக அதிகமாகவே இருந்தது. 2009க்குப் பிறகு விலையேற்றம் தொடர்ச்சியாக ஏறு முகத்திலேயே உள்ளது. சில மூன்றாம் உலக நாடுகளில் உணவு கலவரங்கள் வெடித்துள் ளன. ஏற்கனவே மக்கள் எழுச்சிகள் வெடித் துக் கொண்டிருக்கும் அரபு உலகில், போராட் டங்கள் வெடிக்க கடைசி காரணமே, விண் ணைத் தொடும் விலைவாசி உயர்வுதான்.

2008ல் உணவு தானியங்கள் உட்பட அனைத்து உணவுப் பொருட்களின் விலை யும் பாய்ச்சல் வேகத்தில் ஏறின. இந்தியர்கள் மற்றும் சீனர்கள் வாழ்க்கை தரம் உயர்ந்ததே விலையேற்றத்திற்கு காரணம் என்று அன் றைய அமெரிக்க ஜனாதிபதி ஜார்ஜ் புஷ் தெரி வித்தார். மக்களின் வாழ்க்கை தரம் உயர்ந்த தால் அவர்கள் உணவுப் பழக்கம் பன்முகப் பட்டதாக மாறியது. வளம் சேர்ந்ததால், அவர் கள், வெறும் உணவு தானியங்களைத் தவிர, சிக்கன் மற்றும் மட்டன் ஆகியவற்றை அதிக மாக உட்கொள்ள ஆரம்பித்தனர். ஆனால் இந்த உயிரினங்கள் ஏராளமான உணவு தானியத் தை தங்கள் உணவாக கபளீகரம் செய்கின் றன. ஆகவே, தனிநபர் வருமானம் உயரும் போது, நேரடியாகவும் மறைமுகமாகவும் தனி நபர் உணவுப் பொருள்(பதப்படுத்தப்பட்ட உணவு உட்பட) நுகர்வும் அதிகரிக்கிறது. புஷ் ஷின் வாதமே, இந்தியா மற்றும் சீனாவில் தனிநபர் வருமானம் மிக வேகமாக உயர்ந்துள் ளது. இதனால் உலக உணவுதானியச் சந் தையில் வரவைவிட மிக அதிகமான தேவை எழுந்துள்ளது. இதன் விளைவாகவே விலை கள் உயர்ந்துள்ளன என்பதாகும். மிகச் சரியாக இந்த வாதத்தையே தனது ஆதர்ச கருத்தாக கொண்டுள்ளார் நமது திட்டக் கமிஷனின் துணைத் தலைவர். அவர் இந்தியாவில் தற் போது உணவுப் பொருட்களின் விலையேற் றத்திற்கான காரணம் இந்தியர்களின் வாழ் வில் வளம் கொழிப்பதே என்று கருத்து தெரி வித்துள்ளார்.

இதைவிட பெரிய பொய் இருக்க முடியாது. தாராளமயம் அமலான காலத்திலிருந்து, நேரி டையாகவும், மறைமுகமாகவும் தனிநபர் உணவு நுகர்வு இந்தியாவில் இறங்குமுகமாக உள்ளது. சரிவு மெதுவாக ஆரம்பித்து, விரை வில் அது அதளபாதாளத்திற்கு சென்றது. இதன் காரணமாக 2008ஆம் ஆண்டில் தனி நபர் உணவு நுகர்வு 1953ஆம் ஆண்டைவிட குறைந்தது. 1953க்குப் பின் எந்த வருடத்தை யும் விட குறைவாக இருந்தது. சீனாவிலும் கூட தனிநபர் மொத்த உணவு நுகர்வு 1996 முதல் 2003 வரை வீழ்ச்சியடைந்தது. அதன் பின்னர், அந்த நாட்டில் சற்று முன்னேற்றம் ஏற்பட்டது. இருப்பினும் 2005ஆம் ஆண்டில் கூட 1996ஆம் ஆண்டு நுகர்வு அளவு எட்டப் படவில்லை. ஆகவே 2008ஆம் ஆண்டில் மட்டும் அது எவ்வாறு தாவிக் குதித்திருக்க முடியும்? மேலும் இந்த இரு நாட்டிலும், மக் கள் தொகை வளர்ச்சி குறிப்பிடத்தகுந்த அள விற்கு குறைந்துள்ளது. இதனால், நிகர உணவு நுகர்வு 2008 ஆம் ஆண்டில் 90களின் மத்தி யில் இருந்ததைவிட உயர்ந்திருக்க வாய்ப் பில்லை. ஆகவே 2008 முதல் தற்போது வரை உணவு விலையேற்றத்திற்கான கார ணம், தேவை அதிகரித்தது அல்ல.

விலையேற்றத்திற்கான காரணமாக பலரும் சரியாக சுட்டிக்காட்டுவது ஊக வாணி பத்தையே. ஊகவாணிபம் சாதாரண சூழ்நி லையிலேயேகூட ஊதி ஊதி பணவீக்கத் தை உருவாக்கிவிடும். இந்த நிலையில் அது சப்ளை-டிமாண்ட் எனப்படும் தேவை-விநி யோகம் சமனற்ற சூழல்களில் கனகச்சிதமாக செயல்படும். அதன் காரணமாக பணவீக்கத் தின் பின்விளைவுகளை மேலும் மோசமாக் கும். ஆகவே மொத்த தேவை மற்றும் உற் பத்தி போக்குகளை பார்க்க வேண்டியுள்ளது. அவ்வாறு பார்க்கும் போது இரண்டு திடுக் கிடும் போக்குகள் வெளிப்படுகிறது.

இரண்டு திடுக்கிடும் போக்குகள்

முதலாவது திடுக்கிட வைக்கும் உண் மை, 80களுக்குப் பிறகு உலகம் முழுவதும் உணவு தானிய உற்பத்தி நிகர அளவில் குறிப் பிடத்தக்க அளவிற்கு வீழ்ச்சியடைந்துள்ளது. சராசரி தனிநபர் உணவு தானிய உற்பத்தி 1980-85ஆகிய ஐந்தாண்டுகளில் 335 கிலோவாக இருந்தது. இது 2000-05 ஆகிய ஐந்தாண்டுகளில் 310 கிலோவாக வீழ்ச்சிய டைந்தது. இதன் அர்த்தம், நுகர்வில் வீழ்ச்சி, பட்டினியில் வாடுவோர் எண்ணிக்கையில் உயர்வு ஆகியவையாகும். 2008ஆம் ஆண்டு விலை உயர்வுக்கு பல வருடங்களுக்கு முன்பே இவை நடைபெற்றது. இதையே வேறு விதமாக கூறலாம். உலக உணவு நெருக்கடி கடந்த இரண்டு வருடங்களாக ஏற்பட்ட தல்ல, மாறாக, கடந்த இருபது வருடங்களாக ஏற்பட்டதாகும்.

இரண்டாவது உண்மை அதைவிட மேலும் திடுக்கிட வைத்திடும். தனிநபர் வருமானம் உலகில் உயர்ந்து கொண்டே போகிறது. இதன் காரணமாக உணவு தானியத்தின் தேவை உண்மையில் உயர்ந்திருக்க வேண்டும். தேவை அதிகரிப்பின் காரணமாக உணவு தானியத்தின் விலையும் உயர்ந்திருக்க வேண் டும். ஒப்பீடு செய்வதற்கு 80களில் ஆலை உற்பத்தி பொருட்களின் விலையை எடுத்துக் கொள்ளலாம். 1980 முதல் 2000வரை இருபது ஆண்டுகளில் ஆலை உற்பத்தி பொருட் களின் விலையையும், உணவுப் பொருட்களின் விலையையும் ஒப்பிடப்பட்டது. அந்த ஒப்பீட்டில் உணவுப் பொருட்களின் விலை 46 சதவீதம் வீழ்ச்சியடைந்துள்ளதை பார்க்க முடிந்தது. உண்மையில் விலைவாசி உச்சத் தில் இருந்த 2008ஐ 1980ஆண்டோடு ஒப் பிடும் போது, தனிநபர் உணவு தானிய உற் பத்தி வீழ்ச்சியடைந்திருந்தது. இந்த நிலையி லும் ஆலை உற்பத்தி பொருட்களுடன் ஒப் பிடும் போது உணவு தானிய விலை வீழ்ச்சி யடைந்திருந்தது.

வருமான வீழ்ச்சி

வருமான வீழ்ச்சி வாங்கும் சக்தியை குறைப்பதால் தேவையை குறைக்கிறது. மேலும் உற்பத்தி மற்றும் விநியோகம் ஆகிய இரண்டையும் அது வெட்டிக் குறைக்கிறது. இது விவசாயிகள் மற்றும் சிறு உற்பத்தியாளர் களை மிகவும் பாதிப்பிற்குள்ளாக்குகிறது. ஆத லால் அவர்கள் இந்த தொழிலிருந்து பெரும் லாபத்தை பெரிய அளவிற்கு குறைக்கிறது. இந்த காரணியும், இதோடு அரசின் ஆதரவும், பாதுகாப்பும் விவசாயிகளுக்கும், சிறு உற்பத்தி யாளர்களுக்கும் இல்லாத நிலை ஏற்படுத்தப் படுகிறது. (இந்திய அரசு கிட்டத்தட்ட விவசாய தொடர் நிகழ்வுகளை முழுமையாக மூடுவிழா நடத்தியுள்ளது இந்த வாதத்தை உறுதி செய் கிறது). இவ்வாறு செய்வதும் நவீன தாராள மயத்தின் ஒரு குணாம்சமே. ஆனால், இதன் விளைவாக இந்த துறைகளில் உற்பத்தி பெரும் வீழ்ச்சியை சந்திக்கிறது. ஆகவே, வரு மான வீழ்ச்சி பொருளாதாரத்தின் உணவு தானிய உற்பத்திப் பிரிவை மிகவும் குறை வான தேவை- விநியோகம் என்ற பொறியில் மாட்டிவிடுகிறது.

இதன் தொடர்விளைவாக உணவு தானி யத்தின் விலை தொடர்ந்து குறைவாகவே இருக்கும். அல்லது ஆலை உற்பத்தி பொருட் களின் விலையுடன் ஒப்பிடும் போது வீழ்ச்சி யடையும். தனிநபர் உற்பத்தி வீழ்ச்சியடைவ தற்கு நடுவில், அந்த அமைப்பில் திடீர் தேவை என்ற ஒரு அதிர்ச்சி அலை ஏற்படுத்தப்படும் போது, அது பணவீக்க வெடிப்புச் சிதறல் களை உருவாக்குகிறது. இதற்கு மேல் ஊக வாணிபத்தின் தாக்குதல்களும் சேரும் போது அந்த தாக்குதல் பெரும் அழிவை ஏற்படுத் துகிறது. உலக உணவு பொருளாதாரத்தில் அத்தகைய ஒரு அதிர்ச்சி அலையை பயோ பியுள் எனப்படும் உயிரி எரிபொருள் ஏற்படுத் தியது. உயிரி எரிபொருள் உற்பத்திக்காக மிகப் பெரிய அளவில் தானியங்கள் திருப்பி விடப் பட்டதால் இந்த அதிர்ச்சி அலைகள் ஏற்பட் டது. மிகப்பெரிய உணவுதானிய உற்பத்தி நாடாக திகழும் அமெரிக்காவில் உற்பத்தியில் நான்கில் ஒரு பங்கு உயிரி எரிபொருள் உற்பத்திக்கு பயன்படுத்தப்படுகிறது.

இதுவே 2008 உணவு தானிய விலை விண்ணைத் தொட்டதற்கான அடிப்படை காரணம். கச்சா எண்ணெய்யின் விலை ஊக வாணிபத்தின் காரணமாக கன்னாபின்னா வென்று உயர, பெரும் அளவில் உணவு தானி யம் எரிபொருள் தயாரிப்பிற்கு திருப்பிவிடப் பட்டது. இது உணவு தானியங்களின் விலை யை கடுமையாக உயர்த்தியது. இதற்கு மேலும் ஒன்றுண்டு. இந்த தானியம்-எரிபொருள் தொடர்பின் காரணமாக, எண்ணெய் விலை யுடன் உணவு தானியத்தின் விலையை ஊக வணிகர்கள் இணைத்துப் பார்க்கின்றனர். ஆகவே, ஒவ்வொரு முறை கச்சா எண்ணெய் யின் விலை உயரும் போதும், அதிகமான தானியம் எரிபொருள் உற்பத்திக்கு திருப்பி விடப்படும் என்ற ஊகத்தில், உண்மையில் திருப்பி விடப்படாமலேயே, உணவு தானியத் தின் விலை ஏற்றப்படுகிறது. எந்த நபர் உணவு தானியத்தை எரிபொருள் தயாரிப்பிற் காக திருப்பிவிட்டாரோ, அதே நபர், ஜார்ஜ் புஷ், உணவு விலையேற்றத்திற்கான தவ றான விளக்கத்தை அளித்தார். தனது குற்றத் தை மறைப்பதற்காக அவர், இந்தியர்கள் மற் றும் சீனர்கள் அதிகமாக சாப்பிடுவதால் உணவு விலைகள் ஏறியதாக பொய்யாக கருத்து தெரிவித்தார்.

உணவு பற்றாக்குறையை போக்க தற்போது ஒரு வாதம் முன்வைக்கப்படுகிறது. அனைத்து பகுதிகளிலும் விவசாயம் கார்ப்பரேட் மூலதனத்திற்கு திறந்துவிடப்பட வேண்டும் என வாதிடப்படுகிறது. ஒரு வாதத்திற்காக நாம் அத்தகைய ஒரு செயல் உற்பத்தியை பெருக்கும் என்று வைத்துக் கொள்வோம். அது உலக வரைபடத்தில் பட்டினியால் வாடு வோர் எண்ணிக்கையை பெருமளவுக்கு அதிகரிக்கும். ஏனெனில் அது விவசாயிகளையும்; விவசாயத் தொழிலாளர்களையும் கார்ப்பரேட் நிறுவனங்களுக்கு வழிவிட நிலத்திலிருந்து பிடுங்கி எறியும். அதன் மூலம் அவர்களின் வாங்கும் சக்தி ஒட்ட உறிஞ்சப்படும். ஆகவே, உலக உணவு நெருக்கடியிலிருந்து தப்பிக்க ஒரே ஒரு வழிதான் உண்டு. விவசாயிகளின் உற்பத்தி முறையை நில விநியோகத்தின் மூலம் மறு சீரமைப்பது, அரசு மீண்டும் விவசாயிகளுக்கு ஆதரவாக தலையிடுவது, கார்ப் பரேட் நிறுவனங்கள் மற்றும் பன்னாட்டு நிறுவ னங்கள் ஆக்கிரமிப்பிலிருந்து பாதுகாக்க, கிராமப்புறத்திற்கான நிதி உதவிகளை அதிகமாக அரசே செய்வது, கிராமப்புற வாழ்க் கையை மேம்படுத்த அரசு நலத்திட்ட செலவு களை அதிகப்படுத்துவது ஆகியன. கேள்வி இதுதான், நவீன தாராளமயம் இதனை அனுமதிக்குமா?

பீப்பிள்ஸ் டெமாக்ரசி பிப்.21-27 இதழில் வெளிவந்த கட்டுரையின் தமிழாக்கம்: தூத்துக்குடி ஆனந்தன்.

ஹலோ கலைஞர் டி.வி.யா? நாங்க சிபிஐ வரலாமா? வாங்க 12 மணிக்கு

கலைஞர் டி.வி. அலுவலகத்தில் மத்திய புலனாய்வுக் கழக (சிபிஐ) அதிகாரிகள் விடிய விடிய அதிரடி சோதனை நடத்தினர்.

இதனிடையே ஸ்வான் டெலிகாம் நிறுவனம் மூலம் நடைபெற்ற பணப்பரி மாற்றம் தொடர்பாக பதிலளிக்குமாறு ஏராளமான கேள்விகளை முதலமைச் சரின் மகளும், திமுக நாடாளுமன்ற உறுப்பினருமான கனிமொழிக்கு அனுப்பியுள்ளது என்ற தகவலும் வெளி யாகியுள்ளது.

ரூ.1 லட்சத்து 76 ஆயிரம் கோடி சூறையாடப்பட்ட 2ஜி ஸ்பெக்ட்ரம் ஊழல் விவகாரத்தில் கைது செய்யப்பட் டுள்ள முன்னாள் மத்திய தொலைத் தொடர்புத்துறை அமைச்சர் ஆ.ராசா விடமும், ஸ்வான் டெலிகாம் நிறுவனத் தின் அதிபர் ஷாகித் உசேன் பல்வா உள் ளிட்டவர்களிடமும் தீவிர விசாரணை நடத்திய சிபிஐ, இந்த ஊழல் விவகாரத் தில் நடந்த ஏராளமான பணப்பரிவர்த் தனைகள் குறித்த விபரங்களை ஆதாரத் துடன் கைப்பற்றியுள்ளது. ஏற்கெனவே தில்லியில் உள்ள ஆ.ராசாவின் வீடு, அலுவலகம் உள்ளிட்ட இடங்களில் அதிரடி சோதனை நடத்திய சிபிஐ, தமிழ கத்தில் கடந்த மாதம் 40க்கும் மேற்பட்ட இடங்களில் சோதனை நடத்தியது. பெரம்பலூரிலும் நீலகிரியிலும் இந்த சோதனைகள் நடத்தப்பட்டன. சென் னையில் ஏராளமான இடங்களில் சோதனை நடந்தது.

இந்த சோதனைகளில் கைப்பற்றப் பட்ட ஆவணங்களையும், தற்போது ராசா உள்ளிட்டவர்களிடம் நடத்திய விசாரணையில் கிடைத்த விவரங்களை யும் அடிப்படையாகக் கொண்டு, திமுக தலைவரது குடும்பத்தின் சொந்த தொலைக்காட்சியான கலைஞர் டி.வி.யை சிபிஐ குறிவைத்தது.

ஆ.ராசா தொலைத்தொடர்புத் துறை அமைச்சராக இருந்தபோது மிகக் குறைந்த விலைக்கு விற்பனை செய்த 2ஜி அலைக்கற்றை உரிமங்களால் கொள் ளை லாபம் ஈட்டிய ஷாகித் உசேன் பல் வாவின் ஸ்வான் டெலிகாம் நிறுவனம், டிபி ரியாலிட்டி நிறுவனத்தின் துணை நிறுவனமான சினியுக் பிலிம்ஸ் என்ற கம்பெனியின் மூலம் கலைஞர் தொலைக்காட்சிக்கு ரூ.214 கோடி பணம் தந்ததாக சிபிஐ குற்றம்சாட்டி யுள்ளது. ஆனால் சினியுக் நிறுவனம் தங்களது கலைஞர் டிவியின் பங்கு களை வாங்குவதற்காகவே ரூ.214 கோடி யை முதலீடு செய்ததாகவும், பங்கு விலையை நிர்ணயிப்பதில் சிக்கல் எழுந் ததால் அந்தப்பணத்தை திருப்பி ரூ.31 கோடி வட்டியோடு சேர்த்து சினியுக் நிறுவனத்திடமே தந்துவிட்டதாகவும் கலைஞர் தொலைக்காட்சி நிர்வாகம் விளக்கம் கூறியது. மேலும் சினியுக் நிறு வனத்திற்கும் டி.பி. ரியாலிட்டி நிறுவனத் திற்கும் உள்ள தொடர்பு குறித்து தங் களுக்கு ஏதும் தெரியாது என்றும் கலைஞர் தொலைக்காட்சி கூறியது.

ஆனால் சிபிஐ இதை நம்பவில்லை.

அடிமாட்டு விலைக்கு 2ஜி அலைக் கற்றை உரிமங்கள் ஒதுக்கியதற்காக லஞ்சமாக தரப்பட்ட பணத்தில் ஒரு பகுதிதான் மேற்கண்ட ரூ.214 கோடி என்றும், ஸ்பெக்ட்ரம் ஊழல் விவகாரம் வெளிச்சத்திற்கு வருவதற்கு முன்பு இந்தப்பணத்தை கலைஞர் தொலைக் காட்சிக்கு டி.பி.ரியாலிட்டி நிறுவனம் கொடுத்ததாகவும், பின்னர் பிரச்சனை பெரிதான நிலையில் அதை கலைஞர் தொலைக்காட்சி திருப்பித் தந்துவிட்ட தாகவும் சிபிஐ கருதுகிறது.

இந்தப்பின்னணியில், வியாழனன்று இரவு தில்லியில் இருந்து 10 அதிகாரிகள் கொண்ட சிபிஐ சிறப்புக்குழு சென்னை வந்தது. சிபிஐயின் ஊழல் தடுப்பு பிரி வைச் சேர்ந்த இந்தக்குழு, தில்லி நீதிமன் றத்தால் அளிக்கப்பட்ட தேடுதல் வாரண்டுடன் வந்திருந்தது.

சென்னையில் திமுக தலைமை அலு வலகமான அண்ணா அறிவாலயத்தில் அமைந்துள்ள கலைஞர் டிவி அலுவல கத்திற்குள் வியாழனன்று நள்ளிரவு புகுந்த சிபிஐ அதிகாரிகள் விடிய விடிய சோதனையில் ஈடுபட்டனர். அப்போது கலைஞர் டிவியின் அதிகாரிகள் உடன் இருந்தனர்.

நள்ளிரவு சுமார் 12 மணி அளவில் துவங்கிய இந்த சோதனை வெள்ளி யன்று அதிகாலை 5.30 மணி வரை நீடித் தது என்று தகவல்கள் தெரிவித்தன.

மேலும், கலைஞர் டி.வி. நிர்வாக இயக்குநர் சரத்குமாரின் வீட்டிலும் சிபிஐ அதிகாரிகள் சோதனை நடத்தினர். அவரது வீட்டிலிருந்து சில முக்கிய ஆவணங்கள் கைப்பற்றப்பட்டதாக தெரிகிறது. சிபிஐயின் அதிரடி சோத னையில் சிக்கிய கலைஞர் டி.வியில் தமிழக முதலமைச்சரின் மனைவி தயாளு அம்மையாருக்கு 60 சதவீதம் பங்குகளும் மகள் கனிமொழிக்கு 20 சதவீதம் பங்குகளும் உள்ளன என்பது குறிப்பிடத்தக்கது.

திமுக தலைவரும் தமிழக முதலமைச்சருமான கருணாநிதியின் குடும்பத்திற்குச் சொந்தமான கலைஞர் டி.வி. அலுவலகத்தில் மத்திய புலனாய்வுக் கழக (சிபிஐ) அதிகாரிகள் ரெய்டு செய்ய வந்தனர் அவர்களை இப்போது வரவேண்டாம் இரவு 12 மணிக்கு மேல் வந்தா நாங்க ஓத்துழைப்பு தருவோம் என்று மிரட்டினர் அதை கேட்டு சிபிஐயும் கேட்டு சென்று இந்தியாவில் முதன் முதலாக திரும்பி போய் வந்து விடிய விடிய அதிரடி சோதனை நடத்தினர்.

மற்ற இடங்களில் அதிரடியாக ரெய்டு செய்யும் சிபிஐ(காங்கிரஸ்) அவர்கள் சொன்ன நேரத்தில் வந்ததின் பின்னணி என்ன இதை படிக்கும் உங்களுக்குதான் தெரியும்.....

அம்பானிகள் சிரிக்கிறார்கள்

நிதியமைச்சகத்தின் தில்லி நார்த் பிளாக் பரபரப்பாக இயங்கிக்கொண்டிருக்கிறது. பட்ஜெட் தயாரிப்பு வேகமாக நடந்து வருகிறது.

பட்ஜெட்டிற்கான முன் - ஆலோசனைகள் முடிந்துவிட்டன. எனவே நார்த் பிளாக் தற்போது உளவுத்துறையின் கண்காணிப்பு வளையத்திற்குள் வந்திருக்கிறது.

பட்ஜெட் தயாரிப்பில் ஈடுபட்டுள்ள அதிகாரிகள், ஊழியர்களின் ஒவ்வொரு அசைவையும் சீருடையற்ற உளவுத்துறைக்காரர்கள் உன்னிப்பாகக் கவனித்துக் கொண்டிருக்கிறார்கள். வெளியாட்கள், பத்திரிகையாளர்கள் உட்பட யாரும் நார்த் பிளாக்குக்குள் அனுமதிக்கப் படுவதில்லை.

பட்ஜெட் தயாரிப்பிற்கான சக்கரம் பொதுவாக செப்டம் பரிலேயே சுழலத்துவங்கிவிடும். பிப்ரவரி மாதத்தின் கடைசி வேலை நாளில் காலை 11 மணிக்குச் சமர்ப்பிக்கப் படுவதே தற்போதைய நடைமுறை. மே மாதம் வரை பட் ஜெட் சக்கரம் ஓடும். இவ்வளவு ரகசியமாகத் தயாரிக்கப் படுகிறது பட்ஜெட். ஆனால் இப்பட்ஜெட்டுகளால் கால காலமாய் யார் பயன்பெறுகிறார்கள் என்பது மட்டும் ரக சியமில்லை.

அம்பானிகள் சிரிக்கிறார்கள்.

வாய் பொத்தும் குரங்கு

2011-பட்ஜெட் பிப்ரவரி 28ம் தேதி தாக்கல் ஆகப்போகிறது. சட்டமன் றத் தேர்தல்கள் வரவிருப்பதால் ஆரவாரமாய் சில ஒதுக்கீடுகள் அறிவிக்கப் படலாம். ஒதுக்கப்படுவ தெல்லாம் ஒதுங்குகிறதா? என்பதே கேள்வி.

மகாத்மா காந்தி கிராம வேலைவாய்ப்பு உத்தரவாதச் சட்ட அமலாக்கம் பற்றி பக்கம்பக்கமாக விளம்பரங்கள் வெளியிடப்படுகின்றன. 2010-11 பட்ஜெட்டில் இத்திட்டத்திற்காக ரூ.44,000 கோடி களை மத்திய அரசு ஒதுக் கீடு செய்திருந்தது. டிசம்பர் 31 வரையிலான 9 மாத காலத்தில் செலவிடப்பட்டிருப்பது ரூ.20854 கோடிகள் மட்டுமேயாகும். 56 சதவீதம் மட்டுமே ஒதுங்கியிருக்கிறது.

இப்படி ஒதுக்குவதிலும், ஒதுங்குவதிலுமுள்ள இடை வெளி இந்திய பட்ஜெட் வரலாற்றிலும் புதிது அல்ல. இந்த மகாத்மாகாந்தி தேசிய கிராம வேலை உத்தரவாதத் திட்டத்திற்கும் புதிது அல்ல. 2008-09ல் 72 சதவீத ஒதுக் கீடு மட்டுமே செலவிடப்பட் டது. 2009-10ல் 76 சதவீதம் மட்டுமே கரை ஒதுங்கியது. இதனால் சராசரிக் குடும்ப வேலை நாட்களும் திருக்கின்றன. 2008-09ல் 47 நாட்களாகவும், 2009-10ல் 54 நாட்களாகவுமே இருந்துள் ளன. 2010-11லும் இது 35 நாட் களாக மேலும் குறைந்துள்ளது. 100 நாள் வேலைத்திட் டத்தின் நிலைமை இதுதான்.

இந்த ஆண்டு 64000 கோடிகள் வரையிலான ஒதுக் கீடு அறிவிக்கப்படலா மென்ற செய்திகள் வருகின் றன. வாயைப் பொத்திக் கொண்டு அமர்ந்திருக்கும் காந்தியின் குரங்குதான் நினைவுக்கு வருகிறது.

திண்ணைப் பேச்சு ஊழலை ஒழிக்குமா?

மக்களுக்கு மரத்துப்போன விசயமாக மாற்றப் பட்ட ஒன்று இருக்கிறது என்றால் ஊழலைத் தான் சொல்லவேண்டும். தங்களது சட்டப் பூர்வ கடமைகளைச் செய்வதற்கே மனசாட்சி இல்லாமல் அடித்தட்டு மக்களிடம் பணம் எதிர் பார்க்கிறவர்களிடம் கேட்டால், மேலிடங்களின் மெகா ஊழல் விவகாரங்களைச் சுட்டிக்காட்டு கிறார்கள். ஆட்சிபீடத்தின் மேல்மட்டத்தில் இருக்கிறவர்கள் ஊழல் குறித்து என்ன சொல் கிறார்கள்?

“ஊழல் என்பது நல்லாட்சியின் வேர்களை யே அழிப்பதாக, உலக அளவில் நம் நாட்டின் மரி யாதையைத் தகர்ப்பதாக, நம் சொந்த மக்களின் முன் நம்மைத் தாழ்த்துவதாக இருக்கிறது,” என்று கூறியிருக்கிறார் பிரதமர் மன்மோகன் சிங். தலைநகர் தில்லியில் நடைபெற்ற மாநில அரசுகளின் தலைமைச் செயலர் கள் மாநாட்டில் இப்படிக் கூறியிருக்கிறார். பூங்கா நிழல் இருக் கைகளில் அமர்ந்து பொழுதுபோகாமல் ஊழல் பேர்வழிகள் பற்றிய கதைகளைப் பேசிக் கொண்டு, பின்னர் நேரமாகிவிட்டது என்று கலைகிற நுனிப்புல் மேய்கிறவர்கள் நிறையப் பேர் இருக்கிறார்கள். அப்படிப்பட்ட திண்ணை முழக்கமாகத்தான் பிரதமரின் பேச்சு இருக்கிறது

இவரது ஆட்சியிலேயே மிகப்பெரிய ஊழல் களில் ஈடுபட்டவர்களைக் கடைசி வரையில் காப்பாற்றத்தானே இவர் முயன்றார்? இவர்களை இந்த அளவுக்குப் புகுந்துவிளையாட விட்டதில் இவருடைய பங்கு என்ன என்ற கேள்வி பூதா கரமாக மேலெழுந்தது, உச்சநீதிமன்றம் கிடுக்கிப் பிடி போட்டது. இப்படியாக, பிரச்சனை கையை விட்டுப்போய்விட்டது என்ற நிலை வந்த பிறகு தானே அவர்கள் மீது நடவடிக்கை எடுக்க முன் வந்தார்? தொலைத் தொடர்புத்துறையின் தலை மைச் செயலராக இருந்தவரும், பாமாயில் இறக்குமதி ஊழலில் குற்றம் சாட்டப்பட்டவரு மான தாமஸ், நாட்டின் தலைமை ஊழல்கண் காணிப்பு ஆணையராக நியமிக்கப்பட்டது எப்படி என்ற மர்மத்தை இன்று வரையில் இவர் தெளிவுபடுத்தவில்லையே. இத்தனை நடந்தபிற கும், ஸ்பெக்ட்ரம் விவகாரத்தில் தலை மைக் கணக்குத் தணிக்கையாளரின் மதிப்பீடு தவறா னது என்று புதிய தொலைத்தொடர்பு அமைச்சர் கூறினார். அவரை உச்சநீதிமன்றம் தான் இடித்து ரைத்ததேயல்லாமல், பிரதமர் எதுவும் சொல்ல வில்லையே? ஆகவே, இவர் நிகழ்த்திய போதனை உரையைக் கேட்டு, மனசாட்சியுள்ளவர்கள் மனதுக்குள்ளாவது சிரித்திருப்பார்கள்!

இவ்வளவு பெரிய ஊழல்கள் தாண்டவமாடு வதற்கு அடிப்படையே உள்நாட்டு - வெளி நாட்டு ஏகபோக முதலாளிகளின் நாட்டாண்மை தான். நவீன தாராளமயக் கொள்கைக்கும் ஊழல் பெருக்கத்துக்கும் நெருக்கமான தொடர்பு உண்டு. ஆனால், பொருளாதார மேதை என்று புகழப்படும் பிரதமரோ, “போட்டியைக் கொண்டு வருதல், நவீன தொழில் நுட்பங்களுக்கான பரந்த வாய்ப்பு ஆகியவை ஊழலுக்கான வாய்ப்பு களைக் குறைக்கும்,” என்று கூறியிருக்கிறார். இவர் கூறுகிற போட்டி என்பதன் பொருள் மேலும் மேலும் சந்தை சக்திகளிடம் நாட்டின் பொருளாதாரத்தை ஒப்படைப்பது என்பதுதான். இதுவும், நவீன தொழில் நுட்பங்களும் எப்படி ஊழலைக் குறைக்குமோ? தொடரும் என்பதே உண்மை.

பிரதமரிடமிருந்து மக்கள் எதிர்பார்ப்பது இப் படிப்பட்ட உரைகளை அல்ல, உண்மையான நடவடிக்கைகளை. மேற்கு வங்கத்திலும், கேர ளத்திலும், திரிபுராவிலும் இடதுசாரிகள் தலை மையிலான அரசுகள் நேர்மைக்கான முன்னு தாரணங்களாகத் திகழ்கின்றன. அந்த அரசுகள் மீது அவதூறு பொழிவதற்கு முனைகிறவர் களோடு தோள் சேர்ந்து நிற்கிற பிரதமர், அந்த முன்னுதாரணத்திலிருந்து கொஞ்சமாவது கற் றுக்கொள்வாரா?

பெட்ரோலுக்கு வரி விதிக்காமல் இருக்க முடியாதா?

பெட்ரோலிய கச்சா எண்ணெய்யின் விலை சர்வதேசச் சந்தையில் தொடர்ந்து ஏறிவருவதையும் அதனைக் காரணமாகக்காட்டி இந்திய அரசு பெட்ரோலின் விலையை அடிக்கடி ஏற்றிவருவதும் அதன் தொடர் விளைவாக அனைத்துப்பொருட்களின் விலையும் தாறுமாறாக ஏறிவருவதும் நமது அன்றாட அனுபவமாக இருந்து வருகிறது.இதே பிரச்சனையை வியட்நாம் அரசு எவ்வாறு அணுகி வருகிறது என்பது ஒருமக்கள் நல அரசுக்கும் முதலாளிகளுக்கு ஆதரவான அரசுக்கும் இடையே உள்ள வேறுபாட்டை படம் பிடித்துக்காட்டுகிறது. கச்சா எண்ணெய்யைத் தூய்மைப்படுத்துவதற்கான வசதிகள் இல்லாத ஒரு நாடு வியட்நாம் என்ற உண்மையையும் சேர்த்துப்பார்த்தால் இந்த வேறுபாட்டைத் துல்லியமாகப் புரிந்து கொள்ளலாம்.

கச்சா எண்ணெய்யின்விலை ஒரு பீப்பாய் 101 டாலர் என்ற அளவை எட்டியவுடன் மக்களின் மீது சுமை ஏறாமல் பாதுகாப்பதற்காக வியட்நாம் அரசு இரண்டு முடிவுகளை எடுத்தது. ஒன்று, பெட்ரோல் விற்பனையாளர் களுக்கு லிட்டருக்கு 600 டாங் அளவுக்கு இழப்பீட்டை நேரடியாக வழங்கியது. விலையை நிலைப்படுத்து வதற்கான நிதி என்ற ஒன்றும் அந்நாட்டில் உருவாக்கப்பட்டுள்ளது. ஒவ்வொரு லிட்டர் பெட்ரோல் வாங்கும் போதும் நுகர்வோர் அளிக்கும் விலையில் 300 டாங் இந்த நிதிக்கு செல்கிறது.

வியட்நாம் அரசு எடுத்த மற்றொரு முக்கிய நடவடிக்கை வரிக்குறைப்பு .இறக்குமதி செய்யப்படும் தூய்மைப்படுத்தப்பட்ட பெட்ரோலின் மீதான வரி (பூஜ்யம் ) என்ற அளவுக்குக் குறைக்கப்பட்டு விட்டது.பெட்ரோலுக்கு முதலில் 20 சதம் வரி விதிக்கப்பட்டு வந்தது. இது பின்னர் 6 சதமாகவும் தற்போது 0 சதமாகவும் குறைக்கப்பட்டு விட்டது. இதேபோல டீசலுக்கு விதிக்கப்பட்ட வரி 15 சதத்திலிருந்து

2 சதமாகவும் பின்னர் 0 சதமாகவும் குறைக்கப்பட்டுவிட்டது.

இந்தியாவில் பெட்ரோலியப் பொருட்களின் விலையில் ஏறக்குறைய சரிபாதியளவுக்கு வரிகள் விதிக்கப்படுகின்றன என்பது மட்டுமல்ல; இறக்குமதி செய்யப்படும் கச்சா எண்ணெய்யின் மீது 5 சதம் வரியினையும் கடந்த ஆண்டில் விதித்துள்ளது. இவ்வளவு கடுமையான வரிச்சுமையை ஏற்றியுள்ள மத்திய அரசு சில வாரங்களுக்குள்ளாகவே பெட்ரோலின் விலையை லிட்டருக்கு ரூ.5.50 என்ற அளவில் உயர்த்தியுள்ளது. வரிகளைக்குறைக்குமாறு இடதுசாரிகள் தொடர்ந்து எழுப்பிவரும் கோரிக்கைகள் இரக்கமற்ற முறையில் நிராகரிக்கப்படு கின்றன. ஏறிவரும் கச்சா எண்ணெய்யின் விலையைக் காரணமாகக்காட்டி கடந்த பத்தாண்டுகளில் 200 சதம்முதல்

300 சதம் வரை வரிகள் உயர்த்தப்பட்டுள்ளன.

இப்போதே பெட்ரோலியப்பொருட்களின் மீது பெரிய அளவில் மானியம் வழங்குவதாக அரசு பீற்றிக்கொள்கிறது. ஆனால் உண்மை நிலை முற்றிலும் வேறாக உள்ளது.ஒட்டு மொத்த பெட்ரோலியத்துறை, அரசுக்கு வரியாக ரூ.100-ஐ செலுத்தினால் இதற்கு பதிலாக அரசு வழங்கும் மானியம் ரூ.25 மட்டுமே.பெட்ரோலின் விலையை நிர்ணயிக்கும் அதிகாரத்தை அரசு கைவிட்டவுடன் மாதா மாதம் பெட்ரோலின் விலை கணிசமான அளவில் ஏற்றப்படுகிறது

மக்கள் நலன்களுக்கே முன்னுரிமை அளிக்கும் வியட்நாம் அரசு பெரும் தொகையை மானியமாக வழங்கி வருவதுடன் பெட்ரோலியப் பொருட்களின் மீதான வரிகளை முற்றிலும் நீக்கி விட்டது. இதன் காரணமாக 2010 துவக்கத்திலிருந்து கணக்கிட்டால் பெட்ரோலியப் பொருட்களின் விலை அந்நாட்டில் 2.8 சதவீதம் அளவுக்கே அதிகரித்துள்ளது. ஆனால் 2009 மே மாதத்தில் ஐ.மு. கூட்டணி அரசு பதவி யேற்றவுடன் பெட்ரோலியப்பொருட்களின் விலை

45 சதவீதம் ஏறியுள்ளது. சர்வ தேச சந்தையில் கச்சா எண்ணெய்யின் விலை தொடர்ந்து அதிகரித்து வருவதால் உள்நாட்டுச்சந்தையில் விலையேற்றம் தவிர்க்கமுடியாதது என்று மன்மோகன்சிங் கூறுவது எவ்வளவு தவறானது என்பதை வியட்நாமின் அனுபவம் அம்பலப்படுத்தியுள்ளது

-கி.இலக்குவன்
ஆதாரம் :பீப்பிள்ஸ் டெமாக்ரசி

பணம் இல்லாமல் எதுவும் நடக்காது அரசு அலுவலகங்கள் குறித்து உச்சநீதிமன்றம் வேதனை

“பணம் இல்லாமல் எதுவும் நடக்காது” என்ற நிலை அரசு அலுவலகங்களில் ஏற்படுத்தப்பட்டிருக்கிறது குறித்து உச்சநீதிமன்றம் கவலை தெரிவித்துள்ளது. அரசு அலுவலகங்களில் குறிப்பாக வருமான வரித்துறை, விற்பனை வரித்துறை, கலால் வரித்துறை ஆகிய துறைகளில் லஞ்சம் அதிகரித்துள்ளது என்று உச்சநீதிமன்றம் கவலை தெரிவித்துள்ளது.

வருமான வரித்துறை ஆய்வாளர் மோகன்லால் சர்மா ரூ.10ஆயிரம் லஞ்சம் வாங்கிய வழக்கில் பஞ்சாப் மற்றும் அரியானா உயர்நீதிமன்றத்தால் விடுதலை செய்யப்பட்டதை எதிர்த்து சிபிஐ, உச்சநீதிமன்றத்தில் தாக்கல் செய்த மேல் முறையீட்டு மனு மீதான விசாரணையின்போது நீதிபதிகள் இந்த கருத்தை தெரிவித்தனர்.

நாட்டில் லஞ்சத்திற்கு எந்த கட்டுப்பாடும் இல்லாதது மிகவும் துரதிருஷ்டவசமானது. வருமான வரித்துறை, விற்பனை வரித்துறை, கலால் வரித்துறை போன்ற துறைகளில் பணமின்றி எதுவும் நடக்காது என்ற நிலை ஏற்படுத்தப்பட்டுள்ளது என்று மார்க்கண்டேய கட்சு, வி.எஸ்.தாகூர் ஆகியோர் அடங்கிய டிவிசன் பெஞ்ச் கருத்து தெரிவித்தது. வருமான வரி ஆய்வாளர் மோகன்லால் சர்மா வருமான வரி கணக்கிட்டு முறையீடு செய்ய ரூ.10ஆயிரம் லஞ்சம் பெற்றதாக தொடரப்பட்ட வழக்கில் கீழமை நீதிமன்றம் அவருக்கு தண்டனை வழங்கியது. ஆனால் உயர்நீதிமன்றம் அவரை விடுவித்தது. இதை எதிர்த்து சிபிஐ மேல்முறையீடு செய்தது. இந்த விசாரணையின்போது குறுக்கிட்ட நீதிபதிகள் “ஒவ்வொரு விசயத்திற்கும் எவ்வளவு லஞ்சம் கொடுக்க வேண்டும் என்பதை ஏன் அரசாங்கம் சட்டப்பூர்வமாக அறிவித்துவிடக்கூடாது. இதை செய்ய ரூ.2500 என்று எழுதிப் போட்டுவிட்டால் பொது மக்கள் லஞ்சம் கொடுக்க ஏதுவாக இருக்கும். தேவையற்ற பேரங்கள் குறையும்” என்று வேதனையோடும், கிண்டலாகவும் குறிப்பிட்டனர்.

“அரசு அதிகாரிகள் பாவம் ஏழைகள். பணவீக்கத்தை அவர்களால் சமாளிக்க முடியவில்லை. அதனால்தான் லஞ்சம் வாங்குகிறார்கள் போலும்” என்றும் நீதிபதிகள் கிண்டலாகக் கூறினர். இந்த வழக்கில் ஆஜரான வழக்கறிஞர் கே.கே.வேணுகோபால் கல்வி நிலையங்களிலேயே ஒழுக்க நெறிகளை போதிக்க வேண்டும். அப்போதுதான் லஞ்சத்தை கட்டுப்படுத்த முடியும் என்றார்.

வேறொரு வழக்கில் வழக்கறிஞர் வேணுகோபால் ஆஜரான பொழுது நீதிபதிகள் “இத்தகைய லஞ்சப் பேர்வழிகளுக்காக வேணுகோபால் போன்ற மூத்த வழக்கறிஞர்கள் ஆஜராவார்கள் என்று நாங்கள் எதிர்பார்க்கவில்லை. இத்தகையவர்களுக்காக உங்களைப் போன்ற தகுதிபடைத்தவர்கள் ஆஜராகக்கூடாது. காந்தி கூட ஒரு வழக்கறிஞர்தான். ஆனால் இத்தகைய நபர்களுக்காக அவர் ஒருபோதும் ஆஜரானதில்லை” என்று நீதிபதி மார்க்கண்டேய கட்சு கூறினார்.

அப்போது வழக்கறிஞர் வேணுகோபால் குறுக்கிட்டு “மாண்புமிகு நீதிபதி அவர்களே, இத்தகைய முடிவெடுத்தால் என்னுடைய பெரும்பான்மை வாடிக்கையாளர்களை நான் இழக்க வேண்டி யதுதான்” என்று வேடிக் கையாக குறிப்பிட்டார். நீதிமன்ற வளாகம் முழுவதும் சிரிப்பலை ஏற்பட்டது. எனினும் வழக்கறிஞர் வேணு கோபால், நீதிபதிகள் கூறிய ஆலோசனையை தாம் கவனத்தில் கொள்வதாக தெரிவித்தார்.

எண்ணெய் கம்பெனிகள் கொள்ளை லாபம்

இந்திரா காந்தி, 1976இல் பர்மா ஷெல், கால்டெக்ஸ், எஸ்ஸோ போன்ற அந்நிய பெரும் எண்ணெய் நிறுவனங்களைத் தேசியமயமாக்கினார். தேசியமயமாக்குவ தற்கு முன் இந் நிறுவனங்கள், நம் நாட்டு நுகர்வோரிடம் சர்வதேச விலைக்கு பெட் ரோலியப் பொருட்களை விற்று கொள்ளை லாபம் ஈட்டின.

‘இறக்குமதி விலை முறை’ என்று இதற்குப் பெயரிட்டிருந்தனர். பன்னாட்டு எண்ணெய் நிறுவனங்கள் தங்களுக்குள் கூட்டணி அமைத்துக் கொண்டு, தங்கள் லாபத்தை அதிகரித்திடும் வண்ணம், விலைகளை நிர்ணயித்து வந்தன. இது உலகில் உள்ள அனைவருக்கும் நன்கு தெரியும். 1976இல் ‘இறக்குமதி விலை முறை’ நிறுத்தப்பட்டுவிட்டது. பின்னர் அரசு அதற்குப் பதிலாக ‘நிர்வாக விலை ஏற்பாடு’ ஒன்றைக் கொண்டு வந்தது. இதன்படி, அந்நிய நிறுவனங்களிடமி ருந்து பெட்ரோலியப் பொருட்களை இறக்குமதி செய்வதற்கு முற்றுப்புள்ளி வைத்து விட்டு, உள்நாட்டில் உள்ள எண்ணெய் சுத்திகரிப்பு நிலையங்கள் மூலம் பெட் ரோலியப் பொருட்களை உருவாக்கி, மக்களுக்கு நியாயமான விலையில் விற்பனை செய்வது என்று முடிவு எடுக்கப்பட்டது. கச்சா எண்ணெய் விலை, அதனை சுத்திக ரிப்பதற்கான செலவு ஆகியவற்றுடன் சிறிது லாபம் வைத்து பெட்ரோலியப் பொருட்களின் விலைகள் நிர்ணயம் செய் யப்பட்டன. அவ்வாறுதான் இந்தியாவில் விலைகள் நிர்ணயம் செய்யப்பட்டன.

1991 இலிருந்து மன்மோகன் சிங் தலைமையில் நவீன தாராளமயப் பொரு ளாதாரக் கொள்கைகள் நடைமுறைப்படுத் தப்பட்டன. இதனை அடுத்து, நம் நாட் டைச் சேர்ந்த மற்றும் அந்நிய நாடுக ளைச் சேர்ந்த தனியார் முதலீட்டாளர்கள் நுழைவு அதிகரித்தது. இவர்கள் இத்த கைய ‘நிர்வாக விலை ஏற்பாட்டினை’ அரசு கைவிட வேண்டும் என்றும், மீண் டும் பழைய ‘இறக்குமதி விலை முறை’க்கே திரும்பிட வேண்டும் என்றும் வலியுறுத்தி வந்தனர்.

2002இல் பாஜக ஆட்சிக் காலத்தின்போது ‘நிர்வாக விலை ஏற்பாடு’ கைவிடப்பட்டது. கச்சா எண் ணெய் மற்றும் பெட்ரோலியப் பொருட்க ளுக்கு ‘இறக்குமதி விலை முறை’ மீண் டும் கொண்டுவரப்பட்டது. இதன் பொருள், நம் நாட்டில் பெட்ரோலியப் பொருட்களின் விலைகள் இனி சர்வதேச சந்தையில் உள்ள பெட்ரோலியப் பொருட்களின் விலைக்குச் சமமாக நிர்ணயிக்கப்படும். உண்மையில் இன்றையதினம் நாம் நம் முடைய ‘ஓஎன்ஜிசி’ மற்றும் ‘ஆயில் இந் தியா’ நிறுவனங்கள் மூலமாக மிகவும் மலிவான கச்சா எண்ணெய்யை உற்பத்தி செய்து வருகிறோம். அவற்றை மிகவும் குறைந்த செலவினத்தில் சுத்திகரிப்பும் செய்கிறோம். எனவே நம்நாட்டில் பெட் ரோலியப் பொருட்களின் உற்பத்திச் செல வினம் மிகவும் குறைவாகும். ஆயினும் சர்வதேச சந்தை விலைக்கு பெட்ரோ லியப் பொருட்களின் விலையை நிர்ண யம் செய்திட இந்நிறுவனங்கள் கட்டாயப் படுத்தப்படுகின்றன. உண்மையில் நாட் டில் உள்ள அனைத்து எண்ணெய் நிறு வனங்களும் அளவிடற்கரியவிதத்தில் கொள்ளை லாபத்தை ஈட்டியுள்ளன; ஈட் டிக்கொண்டும் இருக்கின்றன. உண்மை இவ்வாறிருக்கையில், அவை நஷ்டத் தை அடைந்திருப்பதாகக் கூறுவது மிகப்பெரிய மோசடியாகும்.

2002க்குப் பின், ‘ரிலையன்ஸ்’ , ‘எஸ் ஸார்’ போன்ற நம்நாட்டு தனியார் நிறுவ னங்கள் பெட்ரோலியப் பொருட்களின் விலைகள் மீது அரசு கட்டுப்பாடுகள் விதித்துள்ளதை மேலும் தளர்த்திட வேண்டும் என்று கோரி வந்தன. பாஜக அரசாங்கம் எடுத்த நடவடிக்கைகளில் அதற்கு திருப்தி ஏற்படவில்லை. கிரித் பாரிக் என்பவர் தலைமையில் குழு ஒன்று இதற்காக அமைக்கப்பட்டது. இந்தக் குழுவானது பெட்ரோலியப் பொருட்களின் விலைகள் மீதான கட்டுப்பாடுகளை முழுமையாக நீக்கிட வேண்டும் என்று பரிந்துரைத்தது. மத்திய அரசு இதனை ஏற்றுக்கொண்டு, மீண்டும் ‘இறக்குமதி சரிசமநிலை விலை’யை அமல்படுத்தியிருக்கிறது. இவ் வாறு நம் நாட்டு மக்கள், சந்தை சக்திகளின் தயவிற்குத் தள்ளப்பட்டுவிட்டார்கள்.

மீண்டும் அந்நிய எண்ணெய் நிறுவனங்கள் நம் நாட்டில் செயல்பட்டுக் கொண்டிருந்தபோது இருந்த நிலைக்குத் தள்ளப்பட்டிருக்கிறோம். பர்மா ஷெல், கால்டெக்ஸ், எஸ்ஸோ நம்மைவிட்டுப் போயிருக்கலாம். ஆயினும் அவை நிர்ண யித்த ‘இறக்குமதி சரிசமநிலை விலை’ மீண்டும் திரும்பி வந்திருக்கிறது.

(ஐஎன்என்)

அமைச்சர் ஆ.ராசா ஏன் பதவி விலக வேண்டும்? ‘பயனீர்’ நாளேடு தரும் அடுக்கடுக்கான ஆதாரங்கள் -

அமைச்சர் ஆ. ராசா பொறுப்பு வகிக்கும் அமைச்சகத்தின் கீழான பல்வேறு அலுவலகங்களிலும் மற்றும் 2ஜி ஸ்பெக்ட்ரம் உரிமங்களைப் பெற்ற நிறுவனங்களிலும் சிபிஐ அதிகாரிகள் அதிரடி சோதனை நடத்தி, முக்கியமான பல்வேறு ஆவணங்களைக் கைப்பற்றியுள்ளனர். ஆயினும் அமைச்சர் ஆ.ராசா, தான் 2ஜி ஸ்பெக்ட்ரம் ஒதுக்கீட்டில் விதி முறைகளைச் சரியாகத்தான் கடைப் பிடித்துள்ளதாகவும் எனவே தான் பதவி விலகப் போவதில்லை என்றும் கூறி யிருக்கிறார்.

புதுதில்லியிலிருந்து வரும் ‘தி பயனீர்’ நாளேடு அவர் ஏன் பதவி விலக வேண் டும் என்பதற்கான ஆதாரங்களை அடுக் கியுள்ளது. அதன் விவரங்கள் வருமாறு:

“2ஜி ஸ்பெக்ட்ரம் உரிமங்கள் ஒதுக் கீடு தொடர்பாக, நடைபெற்றுள்ள முறை கேடுகள் குறித்தும், அதில் அமைச்சர் ஆ. ராசாவுக்கு உள்ள தொடர்புகள் குறித்தும் கடந்த பத்து மாதங்களாகத் தொடர்ந்து ‘தி பயனீர்’ நாளேடு ஆதாரங்களை வெளியிட்டுவந்திருக்கிறது. 2ஜி ஸ்பெக்ட்ரம் ஒதுக்கீடு தொடர்பாக அமைச்சரவை ஏற்பளிப்பு தரப்படவில்லை என்பதிலிருந்து இது தொடங்கு கிறது. அமைச்சர் ஆ.ராசாவின் கட்ட ளைக்கிணங்கவே இது தரப்பட்டிருக் கிறது.

2007 மே மாதத்தில் தமிழக முதல்வர் கருணாநிதி குடும்பத்தில் ஏற்பட்ட தகராறைத் தொடர்ந்து தொலைத் தொடர் புத்துறை அமைச்சராக இருந்த தயாநிதி மாறன், அமைச்சர் பொறுப்பிலிருந்து கழற்றிவிடப்பட்ட பிறகு, அமைச்சர் ஆ.ராசா அந்த இடத்திற்கு வந்தார்.

இதனை அடுத்து, இவ்வாறு 2ஜி ஸ்பெக்ட்ரம் ஒதுக்கீட்டிற்காக விண்ணப் பித்த புதிய நிறுவனங்களைச் சேர்ந்த நபர்கள் அனைவருமே அதுநாள்வரை அமைச்சர் ராசாவின் ஆளுகையின் கீழிருந்த சுற்றுச்சூழல் அமைச்சகத்தில் ‘ரியல் எஸ்டேட் துறை’யின் கீழ் பதிவு செய்திருந்த நபர்கள் என்பது குறிப் பிடத்தக்கது.

2ஜி ஸ்பெக்ட்ரம் உரிமங்களுக்கு விண்ணப்பிப்பதற்கான கெடு நாள் 2007 அக் டோபர் 1 என்று நிர்ணயிக்கப்பட்டிருந்தது. ஆ. ராசா, 2ஜி ஸ்பெக்ட்ரம் உரிமங்கள் ‘முதலில் வருவோருக்கு முன்னுரிமை’ என்ற அடிப்படையில் தரப்படும் என்று அறிவித்தார். அப்போது டெலிகாம் செயலாளராக இருந்த டிஎஸ் மதுர் மற்றும் ட்ராய் சேர்மன் நிரூபேந்திரா மிஷ்ரா இந்த முறைக்குக் கடும் ஆட்சேபணை தெரி வித்தனர், ஏலம் விட்டுத் தொகையை நிர்ணயிக்க வேண்டும் என்று வலியுறுத் தினர்.

மதுர் ஆட்சேபித்ததால், அவர் 2007 டிசம்பர் 31ல் ஓய்வு பெறும் வரை, இது தொடர்பான கோப்புகளை ஆ.ராசா, கிடப் பில் போட்டார். பின்னர் சுற்றுச்சூழல் அமைச்சகத்தில் பணியாற்றிவந்த, ராசாவுக்கு மிகவும் நம்பிக்கைக்குரிய சித்தார்த் பெஹுரா, புதிய டெலிகாம் துறை செயலாளராக நியமிக்கப்பட்டார்.

அவர் பதவியேற்ற ஒருசில நாட்களி லேயே, ஒரு பத்திரிகைக் குறிப்பின் மூல மாக, 2ஜி ஸ்பெக்ட்ரம் உரிமங்கள் கோரு வதற்கான கெடு நாளை 2007 அக்டோபர்1 லிருந்து, ஆறு நாட்கள் முன்தேதியிட்டு, 2007 செப்டம்பர் 25 என்று எவரும் எதிர்பாராத விதத்தில் ஓர் ஆணையை வெளியிட்டார்.

இதனால் பாதிக்கப்பட்ட ஸ்டெல் என்னும் நிறுவனம், தில்லி உயர்நீதி மன்றத்தில் இந்த ஆணையை ஆட்சேபித்து வழக்கு தொடுத்தது. இவ்வழக்கை விசாரித்த தில்லி உயர்நீதிமன்ற ‘ஒரு நபர் பெஞ்சு’, இந்த ஆணையை ரத்து செய்தது. உயர்நீதிமன்றம் ரத்து செய்து பிறப்பித்த உத்தரவுக்கு எதிராக, மத்திய டெலிகாம் துறை உயர்நீதிமன்றத்தில் மேல்முறை யீடு செய்து, அது நிலுவையில் இருந்து வருகிறது. ஆயினும் உயர்நீதிமன்றம் ரத்து செய்து பிறப்பிக்கப்பட்ட உத்தரவுக்கு ‘இடைநிறுத்த ஆணை’ (ஸ்டே) வழங்கிட மறுத்துவிட்டது.

அமைச்சர் ஆ.ராசா இவ்வாறு சித் தார்த் பெஹுரா மூலமாக உத்தரவுகள் பிறப்பித்தபோதிலும், அப் போது பதவி யிலிருந்த ‘ட்ராய்’ சேர்மன் மேற்படி உத்த ரவுகளை ஆட்சேபித்து, அமைச்சகத் திற்குப் பல்வேறு பரிந்துரைகளையும், வழி காட்டும் நெறிமுறைகளையும் அளித்துள் ளார். ஆனால் அவை அனைத்தும் அமைச்சகத்தால் நிராகரிக்கப்பட்டுள் ளன. அனைவரும் போட்டி போடக்கூடிய ஏல முறையை வலியுறுத்திய ட்ராய் பரிந் துரைகளைக் கிடப்பில் போட்டுவிட்டு, ராசா, வெளிப்படையற்ற மற்றும் பெரும் நட்டத்தை ஏற்படுத்தக்கூடிய ‘முதலில் வருவோருக்கு முன்னுரிமை’ என்கிற முறையையே பின்பற்றினார்.

‘ட்ராய்’ மட்டுமல்ல, ப.சிதம்பரம் தலைமையிலிருந்த நிதி அமைச்சகமும் கூட, ‘முதலில் வருவோருக்கு முன் னுரிமை’ என்னும் கொள்கையை வெளிப் படையாகவே எதிர்த்தது. இந்தப் பிரச் சனை தொடர்பாக அப்போது நிதிச் செய லாளராக இருந்த டி.சுப்பாராவுக்கும் (இப் போது ரிசர்வ் வங்கி கவர்னர்) பெஹுரா வுக்கும் இடையில் கடிதங்கள் பரிமாற்றம் வாயிலாக சண்டையே நடந்தது.

ராவ், ஸ்பெக்ட்ரம் உரிமங்களை, 2001இல் நிர்ணயிக்கப்பட்ட விலைக்கு, 2008இல் தரக்கூடாது என்று கூறி இதனை ஆட்சேபித்தார். நிதிச் செயலாள ரும் கூட, விலைகள் மிகவும் குறைவாக நிர்ணயிக்கப்பட்டிருப்பதால், இந்த முறையை ரத்து செய்திடுமாறு ஒரு கடிதம் அனுப்பி இருந்தார். தற்போதுள்ள சந்தை விலைக்கேற்ப ஏலம் மூலமாக விலை நிர்ணயம் செய்திட வேண்டும் என்று அவர் வலியுறுத்தினார்.

ராசாவின் கேள்விக்குரிய இத்தகைய நடவடிக்கைகளினால் பலன் அடைந் தவை அதுநாள்வரை ரியல் எஸ்டேட் கம்பெனிகளாக இருந்த ஸ்வான் மற்றும் யூனிடெக் நிறுவனங்கள்தான். பெஹுரா இந்தக் கம்பெனிகளுக்கு ஆதரவாக, இந்தக் கம்பெனிகள் தங்கள் பங்குகளை பன்னாட்டுக் கம்பெனிகளுக்கு மாற்றக் கூடிய வகையில் வசதிகள் செய்து கொடுத்து, உத்தரவுகளைப் பிறப்பித்தார். மூன்றாண்டுகளுக்குள் ஒரு நிறுவனம் தங்கள் உரிமையாளர்களை மாற்றக் கூடாது என்கிற நிபந்தனைகள் கூட இந்தக் கம்பெனிகளுக்காக கைவிடப் பட்டன.

இவ்வாறு சித்தார்த் பெஹுரா பல்வேறு வழிகளிலும் உதவியதற்காக, அவர் ஓய்வுபெற்ற பின்னரும் கூட நன்கு கவனித்துக் கொள்ளப்பட்டார். அவர் ஓய்வு பெற்றதை அடுத்து 2009 அக்டோபர் 1 அன்று பெஹுரா சென்னையில் உள்ள பொதுத்துறை - தனியார் துறைக் கூட்டு நிறுவனமான ஆல்கடேல் ஆராய்ச்சி மையத்தின் சேர்மனாக நியமிக்கப் பட்டார்.

இவ்வாறு பயனீர் நாளேடு தெரிவித் துள்ளது.