வடிவேலு இதுக்கு சரிப்பட்டு வரமாட்டான்...!!’

பிரச்சாரத்திற்கு மேக்-அப்போடு கிளம்பிய வடிவேலு, வேனில் ஏறுவதற்காக காலை எடுத்து வைத்த போது தான் அந்தப் பேச்சுச் சத்தம் கேட்டது.

“இவன் இதுக்கு சரிப்பட்டு வரமாட்டான்...”ன்னு திமுக துண்டைத் தோளில் போட்டுக் கொண்டி ருந்தவர் கிசுகிசுத்துக் கொண்டிருந் தார். வடிவேலுவுக்கு தாங்க முடியவில்லை. வைத்த காலை பின்னுக்கு இழுத்தவர், அவர்க ளுக்கு அருகில் வேகமாகப் போய் நின்றார்.

“ஆமா.. என்ன சொன் னீங்க...”

அவர்களில் ஒருவர், “அதெல்லாம் ஒண்ணுமில்ல தம்பி” என்றார்.

“இல்லை... ஏதோ... இவன் இதுக்கெல்லாம் சரிப்பட்டு வர மாட்டான்... அப்படினு சொன்னீங்களே... எதுக்கு...”

“விடுங்க, தம்பி. கிளம்புங்க...”

“இல்லை. அது என்னன்னு நான் தெரிஞ்சுக்கணும்...”

“வேண்டாம் தம்பி. அதுக்கெல்லாம் நீங்க சரிப்பட்டு வரமாட்டீங்க..”

(ஆவேசமான வடிவேலு) “ஏங்க என்னன்னு சொல்லாம இப்புடி மொட்டைக் கட்டையா சொன்னா எப்புடி..”

“அதான் சொன்னோமுல்ல தம்பி... நீங்க சரிப்பட்டு வரமாட்டீங்கன்னு...”

“ஏன்யா... ஊரே நாறிப்போய்க்கிடக்கு... ஊழல் அமவுண்ட் ரெண்டு லட்சம் கோடியத் தொடுதுங்குறாங்க... இருந்தாலும் ரெண்டு ஜோக்கச் சொல்லி சிரிக்க வெச்சு திசை திருப்பலாம்னு கிளம்பிருக்கேன்.. இப்புடி பொசுக்குனு இவன் சரிப்பட்டு வரமாட்டான்னு சொல்லிட்டா எப்புடி...”

“தம்பி... சொன்னா கேளுங்க... நீங்க அதுக்கெல்லாம் சரிப்பட்டு வரமாட்டீங்க...”

“யோவ்... என்னய்யா சின்னப்புள்ளைத் தனமா இருக்கு... புள்ள குட்டியெலாம் படிக்க முடியாம கரண்ட் கட் பண்ணி வெச்சுருக்கீங்கன்னு ஜனங்கள்லாம் குமுறிக்கிட்டு இருக்காங்க.. எனக்காவது சினிமா நடிகன்னு கூட்டம் கூடிருறாங்க... உங்களுக்குக் கூடுற கூட்டத்துல பாதிக்கும் மேல கரண்ட் இல்லாம வீட்டுல உக்கார முடியாத கூட்டம்தான்... ஒரு ரூபாய்க்கு அரிசி வாங்கிட்டு, தொட்டுக்க ஊறுகாய் கூட வாங்க முடியாம அலர்றாங்க... குடும்ப ஆட்சி மாறி குடும்பம்தான் ஆட்சியாயிருக்கு... நேர்மையான அதிகாரிங்களுக்குலாம் அடி, உதை விழுந்துக்கிட்டு இருக்கு... “

அதுவரை அமைதியாக இருந்த மற்றவர், “விடுங்க தம்பி. நீங்க பிரச்சாரத்துக்குக் கிளம்புங்க...”

“எதுக்கு சரிப்பட்டு வரமாட்டேன்னு எனக்குத் தெரியணும். தெரியாம நகர மாட்டேன்..”

“தம்பி... தம்பி... நீங்க அதுக்கெல்லாம் சரிப்பட்டு வர மாட்டீங்க... போங்க...”

“யோவ்... ரெண்டு வாரத்துக்கு முன்னால நீங்க காங்கிரஸ் வேட்டியையும், அவங்க உங்க வேட்டியையும் உருவுன காட்சிய மக்கள்கிட்டருந்து மறைக்க பாட்டெல்லாம் பாடி ஓட்டுக் கேக்கறன்யா... வற்றாத ஜீவநதி தாமிரபரணிய வத்தலும், தொத்தலுமா மாத்திட்டீங்க... படிச்சவன்லாம் திமுகவுக்குத்தான் போடுவான்னு முந்தி பெருமையாச் சொல்லிக்குவீங்களே.. அதுவும் போச்சு... அதனால இப்ப பாமர மக்கள ஏமாத்தத்தான என்ன இறக்கிவுட்டுருக்கீங்க... அப்படியிருக்குறப்ப எதுக்குய்யா நான் சரிப்பட்டு வர மாட்டேன்னு சொல்றீங்க...”

தொகுதிப் பொறுப்பாளர் வருகிறார்.

“என்ன, பிரச்சார வேன்ல ஏறாம இங்க நின்னு பேசிட்டுருக்கீங்களே...”

“இவங்க என்ன சொன்னாங்கன்னு கேட்டுச் சொல்லுங்க... அப்புறமா நான் வேன்ல ஏர்றேன்...”

அவர்களைப் பார்த்து, “நீங்க என்ன சொன்னீங்க...” என்கிறார் பொறுப்பாளர்.

“இல்லீங்க... இவர் சரிப்பட்டு வர மாட்டார்...”

கொந்தளித்தார் வடிவேலு. “பாத்தீங்களா... பாத்தீங்களா.. இப்புடித்தான் ரொம்ப நேரமா பேசிட்டுருக்காங்க...”

இருவரும் பொறுப்பாளர் காதில் கிசு கிசுக்கிறார்கள்.

வடிவேலு பக்கம் திரும்பிய பொறுப் பாளர், “வாங்க நாம கிளம்பலாம்” என்றார்.

“இவங்க என்ன சொன்னாங்கன்னு...” என்று இழுத்தார் வடிவேலு.

“அப்புறம் பாத்துக்கலாம். முதல்ல வாங்க. அதுக்கெல்லாம் நீங்க சரிப்பட்டு வர மாட்டீங்க...” என்றார்.

அலறியே விட்டார் வடிவேலு.

“ஏன்யா.. உங்க தகிடுதத்த வேலை யெல்லாம் மறைக்க எப்புடியெல்லாம் பொய்ப் பிரச்சாரம் பண்ணிட்டு வர்றேன். என்னன்னு சொல்லாமயே இப்புடி சரிப்பட்டு வரமாட்டான்... சரிப்பட்டு வரமாட்டான்னு சொல்லிட்டே இருக்கீங்களே..” என்று தழுதழுத்தவாறு வேனில் ஏறுகிறார் வடிவேலு.

மைக்கைப் பிடித்த வடிவேலு, “நான் எதுக்கு சரிப்பட்டு வரமாட்டேன்னு நீங்களாவது சொல்லுங்களேன்...” என்று பேச ஆரம்பித்தார்.

அய்யய்யோ... இவன் இதுக்கும் சரிப்பட்டு வரலையே என்று அலறினர் திமுகவினர்.

கற்பனை : கணேஷ்

கலைஞர் சொன்னதும்... சோனியாகாந்தி சொல்லாததும்

தீவுகளாக சிதறிக்கிடக்கும் திமுக கூட்டணிக்கட்சிகள் சென்னை தீவுத்திட லில் ஒரே மேடையில் திரண்டு பிரச்சாரம் செய்துள்ளன. இருந்தாலும் காங்கிரசில் உள்ள கோஷ்டிகள் ஒன்றாகச் சேரவில்லை. ப.சிதம்பரம், ஜி.கே.வாசன் போன்றவர்கள் சோனியா காந்தி பங்கேற்ற அந்தக்கூட்டத் தை புறக்கணித்துள்ளனர். சென்னை விமான நிலைய வரவேற்புக்குச் சென்ற ஈவிகேஎஸ். இளங்கோவன், கே.வி.தங்கபாலுவை மிரட் டித்தான் பாஸ் பெற்று விமான நிலையத்திற் குள் சென்றுள்ளார். தேர்தல் முடிந்தவுடன் சோனியா காந்தியே நேரில் வந்து காங்கிரசின் அனைத்து கோஷ்டிகளும் பங்கேற்கும் வகையில் ஒரு கூட்டத்தை நடத்தலாம். பாதுகாப்புக்கு ராணுவத்திடம் முன்கூட்டியே சொல்லிவைப்பது நல்லது.

காங்கிரஸ் தலைவர் சோனியாகாந்தியும், திமுக தலைவர் கருணாநிதியும் பங்கேற்ற இந்த கூட்டத்திற்கு ஒத்திகையாக முதல் நாள் குலாம்நபி ஆசாத்துடன் இணைந்து கரு ணாநிதி ஒரு கூட்டத்தில் பேசினார். இந்தக் கூட்டத்தில் குலாம்நபி ஆசாத் பேசும்போது, மக்களின் வாழ்வுநிலை உயரவும், வறுமை நீங்கி மகிழ்ச்சிப் பொங்கவும் திமுக மீண்டும் ஆட்சிக்கு வரவேண்டும் என்று கூறியுள்ளார்.

ஆனால், யாருடைய மக்களின் வாழ்வு நிலை உயர, யாருடைய வறுமை நீங்கிட என்று குலாம்நபி கூறவில்லை.

இந்தக்கூட்டத்திற்கு குலாம்நபி தாமத மாகத்தான் வந்தாராம். இதைக் குறிப்பிட்ட கலைஞர் “தில்லியிலிருந்து நான் கேட்பது எல்லாம் தாமதமாகத்தான் வரும். அதுபோலத் தான் மத்திய மந்திரி குலாம்நபி ஆசாத் தாமத மாக வந்திருக்கிறார், தில்லியிலிருந்து தாமத மாக வரும் என்றாலும், தட்டாமல் வரும், தாரா ளமாக வரும்” என்று குறிப்பிட்டிருக்கிறார்.

ஸ்பெக்ட்ரம் குற்றப்பத்திரிகையில் கலை ஞர் தொலைக்காட்சி உரிமையாளர்களை சேர்த்துவிடவேண்டாம் என்று கோரிக்கை விடுத்து, அது தாமதமாக, அதே நேரத்தில் தட்டாமல் நிறைவேற்றப்பட்டதை கலைஞர் குறிப்பிட்டிருக்கலாம். அதே நேரத்தில் இதே குலாம்நபி ஆசாத் சரியான நேரத்திற்கு வந்து 63 தொகுதிகளை தட்டிச்சென்றதை, தாராள மாகப் பறித்துக்கொண்டதை மனதில் நினைத் துப் பார்க்காமலா இருந்திருப்பார்.

காங்கிரசுடன் திமுகவின் உறவு தொடர் வதற்கான காரணம் என்ன என்பதையும் கலைஞர் விரிவாக விளக்கியுள்ளார். “மத்திய அரசுடன் உறவு கொண்டு காரியம் சாதிக்க இந்த இணைப்பு தேவை. காங்கிரஸ் கட்சியு டன் இணைவது பெருமை என்பதற்காக அல்ல. எங்களது உரிமையை மீண்டும் வலி யுறுத்த இந்தக் கூட்டணி தேவை. இது தேர்த லுக்கான கூட்டணி, பதவிக்கான கூட்டணி அல்ல” என்று குறிப்பிட்டிருக்கிறார்.

கடந்த நாடாளுமன்றத் தேர்தல் முடிந்து திமுக கேட்ட தொலைத்தொடர்புத்துறை உள் ளிட்ட வலுவான இலாகாக்கள் கிடைக்காத நிலையில் அமைச்சரவை பதவியேற்பு விழா வைக் கூட புறக்கணித்தது ஏன்? உரிமை யை நிலைநாட்டத்தானா? அப்படி நிலை நாட்டப்பட்ட உரிமை இப்போது திஹார் சிறையில் அல்லவா அடைபட்டுக்கிடக் கிறது. காங்கிரஸ் கேட்ட அளவுக்கு தொகுதி களை ஒதுக்க முடியாது என்று கூறி மத்திய அரசிலிருந்து விலகுவதாக அறிவித்தது காரியம் சாதிக்கத்தானா? என்ற கேள்வியெல் லாம் எளிய தமிழர்கள் மனதில் எழாமல் போகாது.

“விலைவாசி உயர்வுக்கு காரணம் மத்திய அரசுதான் என்று நான் சொல்ல வேண்டும் என்று கம்யூனிஸ்ட்டுகள் நினைக்கிறார்கள். ஆனால், அதை நான் செய்யவில்லை. “ என்று கருணாநிதி குறிப்பிட்டுள்ளார்.

என்ன ஒரு விசுவாசம்! விலைவாசி உயர் வுக்கு காரணமான முன்பேர வர்த்தகத்தை தடைசெய்ய வேண்டுமென்று திமுக பொதுக் குழுவிலேயே தீர்மானம் நிறைவேற்றப்பட் டது. கலைஞரும் பலமுறை கடிதம் எழுதி யுள்ளார். ஆனால், மத்திய அரசு அதைச் செய்ய வில்லை. பெட்ரோல் விலையை கடந்த ஓராண்டில் மட்டும் ஏழு முறை உயர்த்தப்பட் டுள்ளது. பெட்ரோல் விலை உயர்ந்தால் அனைத்துப் பொருட்களின் விலையும் உய ரும் என்பது பொருளாதார அரிச்சுவடி. ஆனால், இதற்கும் கூட மத்திய அரசை குறைகூற மாட்டாராம்.

விலைவாசி உயர்வுக்கு மத்திய அரசுதான் காரணம் என்று இவர் சொல்லாவிட்டாலும் தமிழக மக்களுக்கு நன்றாகவேத் தெரியும். இந்த இரண்டு கட்சிகளுக்கும் சேர்ந்து தமிழக மக்கள் தக்க பதில் சொல்வார்கள்.

சோனியா காந்தி பங்கேற்ற அடுத்தநாள் கூட்டத்தில் விடுதலைச் சிறுத்தைகள் கட்சியின் தலைவர் தொல்.திருமாவளவன் பேசும்போது, சோனியா காந்தி வாழ்த்துக் களோடு இந்த அணி வெற்றிபெறட்டும் என்று கூறியுள்ளார். இலங்கைத் தமிழர்கள் கொல் லப்படுவதற்கு காரணமாக இருந்த காங்கிரஸ் கட்சியை ஒழிக்காமல் விடமாட்டேன் என்று கடந்த சில மாதங்களுக்கு முன்புகூட இவர் முழங்கி வந்தார். காங்கிரசை ஒழிக்கும் பணிக்கும் சேர்த்து சோனியாகாந்தியிடம் வாழ்த்துப் பெற்றாரா என்று தெரியவில்லை.

பாமக தலைவர் மருத்துவர் ராமதாஸ் பேசும்போது, கருணாநிதியின் சாதனை களைப் பட்டியலிட நேரமில்லை என்று கூறியுள்ளார். கள்ளச்சாராயம், கந்துவட்டி, கட்டப்பஞ்சாயத்து, கஞ்சா கடத்தல் போன்ற வைதான் திமுக ஆட்சியின் சாதனைகள் என்று பேசியதும் இதே அய்யாதான். நேர மில்லாததால் அந்தச் சாதனைகளைப் பட்டி யலிடாமல் விட்டுவிட்டார் போலிருக்கிறது.

முதல்வர் கலைஞர் பேசும்போது, சோனியா காந்தி முன்னிலையில் கோரிக்கை பட்டியலை வாசித்துள்ளார். நதிநீர் பிரச்சனை கள் தீர்க்கப்படவேண்டும். தமிழை மத்திய ஆட்சி மொழியாக்கவேண்டும். கல்வித்துறை யை மீண்டும் மாநில அரசு பட்டியலில் சேர்க்க வேண்டும். சேதுகால்வாய் திட்டத் தை மீண்டும் துவங்கி நடத்திட வேண்டும். ஈழத்தமிழர்கள் உரிமை பெறவேண்டும் என்றெல்லாம் அடுக்கியிருக்கிறார்.

திமுக கடந்த ஏழு ஆண்டுகளுக்கும் மேலாக காங்கிரஸ் தலைமையிலான ஐக்கிய முற்போக்குக் கூட்டணி அரசில் இடம்பெற் றுள்ளது. வலுவான இலாகாக்களையும் கையில் வைத்துள்ளது. ஆனால், இந்த கோரிக்கைகளை நிறைவேற்ற நட்புறவைப் பயன்படுத்தி திமுக எடுத்த நடவடிக்கை என்ன என்பதையும் சேர்த்துச் சொல்லியிருந் தால் நன்றாக இருந்திருக்கும்.

இலங்கையில் தமிழ் மக்கள் கொன்று குவிக்கப்பட்டபோது காங்கிரஸ் தலைமையி லான மத்திய அரசு கண்டுகொள்ளவில்லை. இப்போது இந்த கோரிக்கைகளை நிறை வேற்றி தமிழர்களுடைய நெஞ்சங்களிலே பால் வார்க்க வேண்டும் என்று கூறுகிறார். முள்வேலி முகாம்களில் மிஞ்சியிருக்கும் தமிழர்களுக்கும் பால்வார்க்க வேண்டும் என்கிறாரா?

மாநிலப் பட்டியலில் இருந்த கல்வித் துறையை பறித்தது இதே காங்கிரஸ் கட்சி அரசு தானே. இன்றைக்கு உயர்கல்வித்துறை யை நுழைவுத்தேர்வு என்ற பெயரில் மத்திய அரசின் கட்டுப்பாட்டிற்குள் கொண்டுவர முயல்வதும் இதே மத்திய அரசுதானே. முதல் வரின் சொந்த ஊரில் அமைந்துள்ள மத்திய பல்கலைக்கழகத்தில் தமிழகத்திற்கு குறிப் பிட்ட இடம் வழங்கவேண்டும் என்று இவர் கேட்டதை நிராகரித்ததும் இதே மத்திய அரசு தானே. பிறகு எந்த நம்பிக்கையில் சோனியா அம்மையாரிடம் இவர் கோரிக்கை வைக் கிறார்.

தமிழகத்தில் கடந்த 5 ஆண்டு காலத்தில் மத்திய அரசின் உதவியோடு இணைந்து நிகழ்த்திய சாதனைகளைக் கூறுவதற்கு வழியின்றி கூட்டணிக்கட்சிக் கூட்டத்தை கோரிக்கை மாநாடாக முடித்திருக்கிறார் கலைஞர். ஆனால் சோனியாகாந்தி, இவர் முன்வைத்த கோரிக்கைகள் குறித்து எந்த விதமான உறுதிமொழியையும் வழங்கவில் லை. மாறாக, அனைத்துத் தரப்பினரின் வளர்ச் சியை காங்கிரஸ் விரும்புகிறது. அதே போன்ற வளர்ச்சியை திமுகவும் விரும்புவதால்தான் இரண்டு கட்சிகளும் இணைந்துள்ளன என்று சோனியாகாந்தி கூறியுள்ளார். காங் கிரஸ் தலைமையிலான மத்திய ஆட்சியில் யார் வளர்ந்திருக்கிறார்கள். டாடாக்களும், அம்பானிகளும் தானே. அவர்களது வளர்ச்சி யைத்தான் திமுகவும் விரும்புகிறது. இந்த விஷயத்தில் இரு கட்சிகளும் கூட்டணி சேர்ந்துள்ளன. காமன்வெல்த் விளையாட்டு ஊழல் வளர்ச்சியை காங்கிரஸ் விரும்புகிறது. அலைவரிசைக் கற்றை ஒதுக்கீட்டு ஊழல் வளர்ச்சியை திமுக விரும்புகிறது. எனவே, இது பொருத்தமான கூட்டணிதான்.

தமிழை மத்திய ஆட்சி மொழிகளில் ஒன் றாக மாற்றுவது குறித்தோ, கல்வித்துறையை மாநிலப் பட்டியலுக்கு கொண்டுவருவது குறித்தோ சோனியா காந்தி எந்த உறுதி மொழியையும் வழங்கவில்லை.

இலங்கைத் தமிழர்களுக்கு எங்களால் எந்தளவிற்கு உதவ முடியுமோ அந்தளவிற்கு உதவியுள்ளோம் என்று கூறியுள்ளார் சோனி யாகாந்தி. இதை ராஜபக்சே அரசிற்கு எந்தள விற்கு உதவ முடியுமோ, அந்தளவிற்கு உதவி யுள்ளோம் என்றுதான் புரிந்துகொள்ள வேண்டும்.

மொத்தத்தில் தீவுத்திடலில் நடத்தப்பட்ட கூட்டத்தின் வழியாக திமுகவும் காங்கிரசும் ஒரே கூட்டணியில்தான் இருக்கின்றன என்று காட்டப்பட்டதைத் தவிர, வேறு பலன் ஏதுமில்லை. சில கோரிக்கைகளை மேடை யில் வைக்க முடியும். குடும்ப நலன் சார்ந்த சில கோரிக்கைகளை தனியாகத்தான் வைக்க முடியும் என்பதை கலைஞர் அறியாதவர் அல்ல. அந்த கோரிக்கைகள் நிறைவேறி னால் போதும். மேடையில் சொல்லப்படுவ தெல்லாம் சும்மா ஒரு பேச்சுக்காக!

மதுரை சொக்கன்

காங்கிரசை நாம் ஏன் வீழ்த்த வேண்டும் வீடியோ

காமன் வெல்த் ஊழல் பற்றி சீமான் :-

Seeman about Common wealth games

ராகுல் காந்தி பற்றி சீமான் :-

Seeman about Raghul gandhi

டாஸ்மாக் பற்றி சீமான் :-

Seeman about TASMAC

கருப்பு பணம் பற்றி சீமான் :-

Seeman about India's Black money

காங்கிரசை நாம் ஏன் வீழ்த்த வேண்டும் என்பது பற்றி சீமான் :-

Seeman about Why should we defeat congress

தேர்தல் ஆணையத்துக்கு நன்றி சொல்லும் ஆடுகளும், பறவைகளும்

தமிழகத்தில் சட்டசபை தேர்தல் குறித்த அறிவிப்பு வெளியானது. அதற்குப்பின் தமிழகம் தனது மாமூலான முகத்தோற்றத்தி லிருந்து மாறிவிட்டது.

ஆள் உயர கட் அவுட்டுகள், வண்ண வண்ணச் சுவரொட்டிகள், ராட்சத பதாகை துணிகள், இவைகளை எங்கும் காணோம்.

அண்மைத் தமிழகம் சமீபகாலத்தில் தேர்தலின் போது வேறு சில காட்சிகளையும் கண்டது. அது திருமங்கலம் பார்முலா எனப் பட்டது. மதுரை மாவட்ட ஆட்சியர் சகாயத் தை மாற்றத்துடிக்கும் மு.க.அழகிரிதான் அந்த பார்முலாவிற்கு கொலம்பஸ்.

இதன்படி ஆடு, கோழி வெளியில் எங்கும் சுதந்திரமாக மேய்ந்துவிட முடியாது. பிடித்து கழுத்தை வெட்டி கல்யாண மண்டபங்களில் மதுபுட்டிகளுடன் விருந்து நடத்தப்பட்டது. விருந்தில் கலந்து கொண்டவர்கள் கறியுடன் மொய்யும் கொடுத்து கவனிக்கப்பட்டனர். வீடு களுக்கு பல பார்சல்கள் அனுப்பப்பட்டன. வாகனங்கள் பெட்ரோலால் அல்ல, கரன்சி நோட்டுக்களால் நிரப்பப்பட்டிருந்தன. வாக்கா ளர்களுக்கு கட்டாய லஞ்சம் திணிக்கப்பட் டது. லஞ்சம் வாங்காதவர்கள் மிரட்டப்பட்டனர்.

இந்த தேர்தலில் தேர்தல் கமிஷன் சில நடவடிக்கைகளில் இறங்கியுள்ளது. இத னால் ஆளும் கட்சி கூட்டணி கலங்கி நிற்கி றது. திமுக கூட்டணியில் உள்ள அனைத்துக் கட்சிகளும் தேர்தல் கமிஷன் மீது அடுக் கடுக்காக குற்றம் சுமத்துகின்றன. தேர்தல் ஆணையத்தின் நடவடிக்கைகளில் நீதிமன் றம் தலையிட்டுள்ளது.

சட்டத்திற்கு குந்தகமாக, அநீதியாக சில நிகழ்வுகள் நடைபெறும்போது உயர்நீதிமன் றம், உச்சநீதிமன்றம் தாமே தலையிடுவது உண்டு. நியாயம் கிடைக்கச் செய்த முன்னு தாரணங்களும் உள்ளன.

உதாரணமாக, 2011 பிப்ரவரி 11 அன்று சென்னை உயர்நீதிமன்ற தலைமை நீதிபதி எம்.ஒய்.இக்பால், நீதிபதிகள் பி.ஜோதிமணி, டி.எஸ்.சிவஞானம் ஆகியோர் சென்னையில் ஓர் ஆய்வினை மேற்கொண்டனர். சென்னை யில் உள்ள ஜார்ஜ் டவுன் குற்றவியல் நடுவர் நீதிமன்றத்திற்கு அன்று காலை சென்றனர்.

அந்த நீதிமன்றத்தில் வழக்குரைஞர்க ளுக்கு கூட தேவையான அடிப்படை வசதி கள் இல்லை. இருக்கை வசதி போதுமான தாக இல்லை. வழக்குரைஞர்களுக்கே இல் லை என்றால், மற்றவர்கள் நிலை பற்றி கேட்க வேண்டியது இல்லை. குடிநீர் வசதி, கழிவறை வசதி ஆகியன நீதிமன்றத்திற்கும், கைதிகளுக்கும், பொதுமக்களுக்கும் இல் லை. சட்ட உதவி மையம் மழை நீர் ஒழுகும் வகையில் இருந்தது.

நீதிமன்றத்திற்கு திரும்பிய அவர்கள் மேலே சொன்ன நிலை குறித்து விசாரிக்க பெஞ்சில் முடிவு செய்தனர். பொதுப்பணித் துறை தலைமைப் பொறியாளர் கருணாகர னை அங்கு வரவழைத்தனர். லட்சக்கணக்கில் டிவி பெட்டிக் கொடுக்கும் அரசு, குடிக்க தண் ணீர் கொடுக்க முடியாதா என்று கேட்டனர்.

தமிழகத்தில் உள்ள எல்லா நீதிமன்றங் களிலும் வசதிகள் இன்னும் கூட செய்து தரப் படவில்லை என்பது தனி விவகாரம். இதே போல் நீதிமன்ற தலையீடுகள் தேவைப்படும் கோடிக்கணக்கான மக்கள் அவதிப்படும் பிரச்சனைகள் ஏராளம் உள்ளன.

எனினும் பொது மக்கள் நலன் குறித்து சென்னை உயர்நீதிமன்றம் ஒரு பிரச்சனை யில் தலையிட்டு தீர்வு காண முயன்றது.

சமீபத்தில் சென்னை உயர்நீதிமன்றம் இன்னொரு பிரச்சனையில் தலையிட்டது.

தேர்தல் ஆணையத்தின் கட்டுப்பாடுகள் தொடர்பாக தமிழக முதல்வர் கருணாநிதி ஆவேசத்துடன் ஓர் அறிக்கை வெளியிட்டார்.

யாரும் இஷ்டப்படி பண நோட்டுக்களை அள்ளிச் செல்ல முடியவில்லை. அதிகாரி கள் இஷ்டப்படி வேலை பார்க்க முடியவில் லை. தேர்தல் நடத்தை விதிமுறைகள் என்ற பெயரில் வர்த்தகர்கள், தனி நபர்கள் துன்புறுத் தப்படுகின்றனர் என்று தம் வேதனையை வெளியிட்டிருந்தார். சொல்லப்போனால் வெள்ளையன் தலைமையிலான வர்த்தகர் அமைப்பு கூட தேர்தல் ஆணையத்தின் கட்டுப்பாடுகளை எதிர்க்கவில்லை.

அதற்கு முன்னதாக தமிழக முதலமைச்ச ருக்கு கடலூர் அரசு விருந்தினர் மாளிகை யில் தங்குவதற்கு 3 நிபந்தனைகளை தேர்தல் ஆணையம் விதித்திருந்தது. மக்களின் வரிப் பணத்தில் வசதிகள் செய்யப்பட்டுள்ள அரசு விருந்தினர் மாளிகையில் தேர்தல் காலத்தில் அரசியல்வாதிகள் தங்கக்கூடாது. தங்குவது எனில் 3 நிபந்தனைகளுக்கு அவர்கள் உட் பட வேண்டும். விருந்தினர் மாளிகையில் அர சியல் கட்சியினரை சந்திக்கக்கூடாது. தேர் தல் பிரச்சாரம் செய்யக்கூடாது. செய்தியாளர் களுக்கு பேட்டி அளிக்கக்கூடாது (தினமணி 24.3.2011). நியாயமாகப் பார்த்தால் தமிழக முதலமைச்சர் இதனை வரவேற்றிருக்க வேண்டும். அப்படி நடக்கவில்லை.

தமிழகத்தில் கடந்த 5 ஆண்டுகளாக குடும்ப பரிவாரத்துடன் செங்கோல் செலுத் தும் தமிழக முதல்வரை இந்நிகழ்வு காயப் படுத்திவிட்டது. எல்லா கூட்டங்களிலும் முதல்வர், தேர்தல் ஆணையம் மீது கல் எறிகிறார்.

மாமிச விருந்து நடத்துவதும், வாக்குக ளுக்கு லஞ்சத்தை பணமாகவோ, வேறு வகையிலோ வாரி வழங்குவதும் ஆகிய ‘திரு மங்கலம் பார்முலா’ தெருவில் திகைத்து நிற் கிறது. ஜனநாயக நாட்டில் பண வசதி உள்ள கட்சிகள் ஏராளமான பொருள் செலவில் மயக்கமூட்டும் வகையில் பிரச்சாரம் செய்வ தும் தடுக்கப்பட்டுள்ளது. இப்போது கூட போலீஸ் வாகனங்களில் பணம் கடத்தப்படு வதாக, தேர்தல் ஆணையம் கூறுகிறது. வெளி நாட்டு வங்கிகளில் கறுப்புப்பணத்தை பதுக் கியோர் பட்டியல் உச்சநீதிமன்றத்தில் ஒப்ப டைக்கப்பட்டுள்ளது. காவல்துறை ஜீப்புகளில் வாக்காளர்களுக்கு லஞ்சப் பணத்தை அள் ளிச்சென்றோர் பட்டியலும் தேர்தல் ஆணை யத்தால் உயர்நீதிமன்றத்தில் ஒப்படைக்கப் பட்டுள்ளது. காவல்துறை அதிகாரிகள் மாற் றம் குறித்து தமிழக முதலமைச்சர் வெகுண் டெழுகிறார். கட்டாய விடுப்பில் அனுப்பப் படும் அந்த அதிகாரிகளின் லட்சணம் என்ன? ஒருவர் சென்னை மாநகராட்சி தேர்தல் மோச டிக்கு சென்னை உயர்நீதிமன்றத்தால் கண்ட னம் செய்யப்பட்டவர். மற்றொருவர், திமுக அர சால் முறைகேடாக நிலம் பெற்றவர். மக்கள் மிரண்டு போய் வாக்களிக்க வராமல் இருந்து விடக்கூடாது என்று தைரியம் கொடுப்பதற் காக தமிழகம் சாராத பல்வேறு அதிகாரிகள் தேர்தல் பணிக்கு இங்கு வந்துள்ளனர். தேர் தல் ஆணையத்தின் இத்தகைய நடவடிக்கை கள் பின்னர் ஜனநாயகப்பூர்வமாக விவாதிக் கப்படலாம். வரும் காலத்தில் தேவைக்கேற்ப நெறிப்படுத்தப்படலாம்.

திமுக கூட்டணிக் கட்சியினர் அனை வரும் தேர்தல் ஆணையத்தை முழு மூச்சு டன் தாக்கி வரும் நிலையில், சென்னை உயர் நீதிமன்றமும் இதில் தலையிட்டது.

தமிழக முதல்வரின் அறிக்கையை உயர் நீதிமன்ற நீதிபதிகள் எலிப் தர்மராவ், எப். வேணுகோபால் ஆகியோர் 23.3.2011 அன்று வழக்காக எடுத்துக்கொண்டனர்.

இந்திய அரசியல் அமைப்புச்சட்டம் சார்ந்து முதல்வரின் அறிக்கையில் உள்ள விஷயங் கள் அமைந்துள்ளன. தேர்தல் அட்டவணை, வாக்கு எண்ணிக்கை தேதி, அதிகாரிகள் இட மாற்றம், பணம் கொண்டு செல்ல அனுமதி, பறி முதல் குறித்த பல கேள்விகளை நீதிமன்றம் எழுப்பியது. இந்திய தேர்தல் ஆணையர், தமிழ்நாடு தலைமை தேர்தல் அதிகாரி, தமிழக அரசின் முதன்மைச் செயலாளர் மத்திய அரசு செயலாளர் ஆகியோருக்கு இந்த வழக்கு குறித்து சென்னை உயர்நீதிமன்றம் அறிவிப்பு அனுப்பியது.

23.3.2011 அன்று தலைமை நீதிபதி இல் லை. அடுத்த நிலையில் நீதிபதி எலீப் தர்ம ராவ் இருந்தார். 28.3.2011 அன்று தலைமை நீதிபதி எம்.ஒய்.இக்பால், நீதிபதி டி.எஸ்.சிவ ஞானம் ஆகியோர் மறு உத்தரவிட்டனர்.

தேர்தல் தொடர்பாக உச்சநீதிமன்றம் பல உத்தரவுகளை பிறப்பித்துள்ளது. அதன் அடிப் படையில் முதல்வரின் அறிக்கை தொடர்பாக எழுப்பப்பட்ட அரசியல் அமைப்புச்சட்டம் சார்ந்த கேள்விகளை இந்த நீதிமன்றம் மேற் கொண்டு விசாரிக்க வேண்டிய அவசியம் இல்லை. தேர்தல் தொடர்பான அறிவிப்பு வெளியிடப்பட்டு விட்டதால் தேர்தல் தேதி, தேர்தல் முடிவை வெளியிடுதல் என எல்லா விஷயங்களும் தேர்தல் ஆணையத்தின் கட் டுப்பாட்டுக்குள் வந்துவிடும். எனவே இந்நீதி மன்றம் தேர்தல் ஆணையத்தின் முடிவில் தலையிட முடியாது. அரிதிலும், அரிதான வழக்குகளில் மட்டுமே இந்த நீதிமன்றம் தலையிட முடியும் என்று கூறி, முதல்வரின் அறிக்கையை வழக்காக விசாரிக்க வேண் டிய அவசியம் இல்லை என்று சென்னை உயர்நீதிமன்றம் வழக்கை அத்துடன் முடித்துக்கொண்டுவிட்டது.

தேர்தல் அறிவிப்பு வெளியான தினத்திற்கு தொடங்கி, வாக்கு எண்ணிக்கை முடிவடை யும் வரையில்தான் தேர்தல் கமிஷனின் அதி காரம் என்று உச்சநீதிமன்றம் முன்பே ஒரு தீர்ப்பில் கூறியுள்ளது. தேர்தல் வழக்குகளில் அப்பாவியாக தோற்றம் தந்து பழுது இல்லாத மனுவை பதிவு செய்பவர்கள், நீதிமன்றத்தை உள்நோக்கத்துடன் தவறாக பயன்படுத்திக் கொள்ள நீதிமன்றம் அனுமதிக்கக்கூடாது என்று உச்சநீதிமன்றம் கூறியுள்ளது.

சென்னை மாநகராட்சி தேர்தல் மோசடி குறித்து சென்னை உயர்நீதிமன்றம் முன்பு ஒரு முறை கண்டித்தது. தமிழக முதல்வர் முன்னி லையில் நீதிபதிகள் என்ன கடவுளா என்று ஒருமுறை ஆர்க்காடு வீராசாமி கேட்டார்.

சாதகமாக ஒரு வழக்கில் ஒரு உத்தரவு வந்தால் தாண்டிக்குதிக்கும் திமுக, பாதகமாக வந்துவிட்டால் கண்டுகொள்ளாமல் பதுங்கி விடுகிறது. பத்து ரூபாய் பணம் எடுத்துச் சென்றவன் பிடிக்கப்பட்டதாக இதுவரை புகார் இல்லை. அதுபோல் கருணாநிதி 31.3.2011 அன்று ஈரோட்டில் பேசியுள்ளார்.

நடப்பு அமலில் உள்ள சட்டப்படி தேர்தல் ஆணையத்தின் அதிகாரங்களை 1.4.2011ல் சென்னை உயர்நீதிமன்றம் மீண்டும் உறுதிப் படுத்தியுள்ளது.

தமிழ் நிலத்தையே திருமங்கலமாக மாற்ற நினைத்தவர்கள் தடுமாறுகின்றனர். ஆடுகளும், பறவைகளும் நிம்மதி பெருமூச்சுவிடு கின்றன. சாராய வெள்ளம் தேங்கி குட்டை யாக நிற்கிறது. மஞ்சள் பிசாசாக பணம் பதுங்கி, பேய்விழி விழிக்கிறது. தேர்தல் ஆணையமும், வாக்காளர்களும் மேலும் விழிப்பாக இருக்க வேண்டிய தருணம் இது. தேர்தல் ஆணையம், சென்னை உயர்நீதிமன் றத்தில் ஓர் உண்மையை தெரிவித்துள்ளது. காவல்துறை அதிகாரியே வாக்காளர்களுக்கு லஞ்சப் பணத்தை பட்டுவாடா செய்ததையும் ரெய்டு நடத்தப்போவதை காவல்துறை அதி காரிகளே முன்கூட்டி தகவல் கொடுத்து உஷார்படுத்தியதையும் தேர்தல் ஆணையம் பகிரங்கப்படுத்தி உள்ளது (30.03.2011, தினமலர்). திமுக வெற்றி பெற எதை வேண்டு மானாலும் செய்யலாம். ஜூலியட்டை கொல்ல அது ரோமியோவையே பயன்படுத்தலாம். இந்தப் போலி கதாபாத்திரங்களை மக்கள் அம்பலப்படுத்த வேண்டும்.

வெ.ஜீவக்குமார்

திமுக ஆட்சியில் மறக்க முடியாத சம்பவங்கள்

2006 மே மாதத்தில் நடந்த சட்டமன் றத் தேர்தல் முடிந்த கையோடு, அக்டோப ரில் நடைபெற்ற உள்ளாட்சி தேர்தலில் சென் னை மாநகராட்சியில் ஆளும் திமுகவினர் நடத்திய வன்முறை வெறியாட்டமும், ரவுடி களைப் பயன்படுத்தி வாக்குச்சாவடிகளை கைப்பற்றி இஷ்டத்திற்கு வாக்களித்துக் கொண்டதும், சினிமா பாணியில் பட்டாக் கத்திகளோடு டாடா சுமோ கார்களில் எம்எல் ஏக்கள் தலைமையில் வாக்குச்சாவடிகள் கைப்பற்றப்பட்டதும், வாக்காளர்களை ஓட்டுப் போட முடியாமல் தடுத்து ஜனநாயகப் படு கொலையை அரங்கேற்றியதையும் மறக்க முடியுமா?

தனித்துப் போட்டியிட்ட மார்க்சிஸ்ட் கம் யூனிஸ்ட் கட்சியினர் மீது திமுகவினர் கடு மையான தாக்குதலை தொடுத்ததையும், 59வது வட்டத்தில் மார்க்சிஸ்ட் கட்சி கவுன் சிலர் தேவியையும், அவருடன் இருந்தவர் களையும் திமுக சட்டமன்ற உறுப்பினர் வி.எஸ்.பாபு தலைமையிலான கும்பல் கொலைவெறித் தாக்குதல் நடத்தியதையும் மறக்க முடியுமா?

திமுகவினரின் இந்த ஜனநாயகப் படு கொலையை சென்னை உயர்நீதிமன்றம் கண் டித்ததோடு, 99 வார்டுகளுக்கு மறுதேர்தல் நடத்த உத்தரவிட்டதையும், திமுகவினரின் மனமும்,குணமும் மாறவில்லை என்பது அப்போதே வெளிப்பட்டதை மறக்க முடியுமா?

பீகார் பாணியில் நடந்த அந்த தேர்தலின் போது சென்னை மாநகர காவல்துறை ஆணையராக லத்திகா சரண் இருந்ததையும் மறக்க முடியுமா?

உள்ளாட்சித் தேர்தலையடுத்து, திமுக வினரின் அதிகார வேட்கையை கூட்டுறவு சங்கங்களுக்கான தேர்தலிலும் தொடர்ந் ததையும் மறக்க முடியுமா?

மாற்று சங்கத்தினர் மனுத்தாக்கல் செய்ய முடியாமல் தடுக்கப்பட்டனர். மீறி வேட்புமனு தாக்கல் செய்தவர்களுடைய மனு தள்ளுபடி செய்யப்பட்டதையும்,

போக்குவரத்து ஊழியர் சொசைட்டி களில் வாக்குச்சாவடியை கைப்பற்றி கள்ள ஓட்டு போட்டதை தடுத்தவர்கள் தாக்கப் பட்டதையும் மறக்க முடியுமா?

மாநிலம் முழுவதும் திமுகவினர் நடத்திய அராஜகத்திற்கு எதிராக பெரும் போராட்டங் கள் நடத்தியதின் விளைவாக கூட்டுறவு சங்கத் தேர்தலையே ரத்து செய்யப்பட்ட தையும் மறக்க முடியுமா?

தினகரன் அலுவலகம் எரிப்பு

முரசொலி மாறன் குடும்பத்தினருக்கு சொந்தமான தினகரன் நாளேடு கருத்துக் கணிப்பு என்ற பேரில் மு.க.அழகிரியைவிட, ஸ்டாலினுக்கும், கனிமொழிக்கும் ஆதரவு அதிகம் என்று வெளியிட்டதும், இதனை தாங் கிக்கொள்ள முடியாத அழகிரி ஆட்கள் மது ரையில் தினகரன் பத்திரிகை அலுவலகத்தை அடித்து நொறுக்கி, தீவைத்து கொளுத்தியதை யும், தீயில் சிக்கி மூன்று ஊழியர்கள் பலியான தையும் மறக்க முடியுமா?

போலீசார் கண்முன்பாகவே நடந்த இந்த கொடூரச் செயலில் ஈடுபட்ட யாரும் தண்டிக் கப்படாததும், நீதிமன்ற விசாரணையில் சாட் சிகள் பல்டி அடிக்கப்பட்டு குற்றவாளிகள் தப்பிக்கவிடப்பட்டதும் மறக்க முடியுமா?

தினகரன் அலுவலகம் எரிப்புக்கு பின், மாறன் குடும்பத்துக்கும், திமுக தலைவர் குடும்பத்துக்கும் இடையே பெரிய விரிசல் ஏற்பட்டதையும், தயாநிதி மாறன் மத்திய அமைச்சர் பதவியிலிருந்து விலக்கப்பட்ட தையும், அதன் விளைவாக மாறன் குடும்பத் தினர் நடத்தி வரும் சுமங்கலி கேபிள் விஷ னுக்கு போட்டியாக அழகிரி தரப்பில் ராயல் கேபிள் விஷன் துவக்கப்பட்டதையும், திமுக வின் தலைமை அலுவலகமான அறிவால யத்தில் இருந்த சன் டிவி இடமாற்றம் செய்யப் பட்டதையும் சன் டிவிக்கு போட்டியாக கலைஞர் டிவி துவக்கப்பட்டதையும் மறக்க முடியுமா?

மாறன் சகோதரர்களைப் பழிவாங்கும் விதமாக திமுக தலைவரும் தனது பங்கிற்கு அரசு நிறுவனமான எல்காட் மூலம் அரசு கேபிள் டிவி பலநூறு கோடி ரூபாய் செலவில் ஆரம்பிக்கப்பட்டதும். மாறன் குடும்பத்தினர் தயாரிப்பில் வெளிவந்த “காதலில் விழுந் தேன்” என்ற திரைப்படத்தை எந்த தியேட்டரி லும் வெளியிட முடியாமல் தடுக்கப்பட்ட தையும் மறக்க முடியுமா?

ஐஏஎஸ் அதிகாரி உமாசங்கர்

அரசு கேபிள் டி.வி.யை நிர்வகிக்கும் எல்காட் இயக்குனராக இருந்த ஐஏஎஸ் அதிகாரி உமாசங்கர், சுமங்கலியால் அரசுக்கு இழப்பு ஏற்படுகிறது என்றும், சம்பந்தப்பட்ட வர்களை கைது செய்ய வேண்டும் என்றும் அரசுக்கு பரிந்துரைத்ததையும், அவருடைய பரிந்துரையின் மீது நடவடிக்கை எடுக்காமல், அவர் மீது போலி சாதிச் சான்றிதழ் கொடுத்து வேலைக்கு சேர்ந்ததாக அபாண்டமான பழியை சுமத்தி, காத்திருப்போர் பட்டியலில் வைக்கப்பட்டதையும், அரசின் நடவடிக் கையை எதிர்த்து உமாசங்கர் நீதிமன்றம் சென்றதையும், அரசியல் கட்சிகளின் கடும் கண்டனத்திற்கு பிறகு அவருக்கு மீண்டும் பணி வழங்கப்பட்டதையும் மறக்க முடியுமா?

தீண்டாமையை தீண்டாத அரசு

தமிழகத்தில் காலம் காலமாக புரை யோடிக்கிடக்கும் சாதி அடக்குமுறைகள் பல வழிகளில் இன்றும் தொடருவதை எதிர்த்து மார்க்சிஸ்ட் கம்யூனிஸ்ட் கட்சியின் முன் முயற்சியால் தீண்டாமை ஒழிப்பு முன்னணி என்ற அமைப்பு துவக்கப்பட்டு, அந்த அமைப்பு தமிழகத்தில் எங்கெங்கு, எந்தெந்த வடிவங்களில் தீண்டாமைகள் தலைவிரித் துள்ளன என்று அரசுக்கு ஆதாரபூர்வமான அறிக்கை அளித்தும் அந்த அறிக்கையின் மீது நடவடிக்கை எடுக்க முன்வராத திமுக அரசு, தீண்டாமைகளை எதிர்த்து போராடு வோர் மீது காவல்துறையை வைத்து தடியடி, பொய்வழக்கு, சிறை என தீண்டாமையை தீண்டாத அரசாக நடந்து கொண்டதை மறக்க முடியுமா?

விழுப்புரம் மாவட்டம் காங்கியனூர் கிரா மத்தில் தாழ்த்தப்பட்ட மக்களை கோவி லுக்குள் அனுமதிக்க வேண்டுமென்று போரா டியவர்கள் மீது தடியடி நடத்தப்பட்டதும், இதில் சட்டமன்ற உறுப்பினர் ஜி.லதாவை காவல்துறையினர் கண்மூடித்தனமாக தாக்கியதும், கீழே விழுந்த அவரை பூட்ஸ் காலால் மிதித்து வயிற்றுக்குள் ஏற்பட்ட பாதிப்பால் சிறுநீர் வெளியேறாத நிலைக்கு ஆளானதையும் மறக்க முடியுமா?

திமுக சட்டமன்ற உறுப்பினர் மாலைராஜா திருநெல்வேலி மனோன்மணியம் சுந்தரனார் பல்கலைக்கழக துணைவேந்தரை சாதி பெயரை குறிப்பிட்டு தரக்குறைவாக பேசி அடிக்க பாய்ந்ததை மறக்க முடியுமா?

நில அபகரிப்பு, ஆள் கடத்தலில் ஈடுபட் டதாக திமுக அமைச்சராக இருந்த என்.கே. கே.பி.ராஜா கைது செய்யப்பட்டது மறக்க முடியுமா?

படுகொலைகள்

கந்துவட்டிக் கொடுமைக்கு எதிராக போராடிய பள்ளிப்பாளையம் வேலுச்சாமி, காவல்நிலையம் அருகிலேயே வெட்டிக் கொல்லப்பட்டதையும்,

கள்ளச்சாராயத்திற்கு எதிராக போராடிய திருவாரூர் நாவலன், திமுக ஒன்றியச் செய லாளர் பன்னீர்செல்வம் கும்பலால் வெட்டிக் கொல்லப்பட்டதையும்,

திமுக அமைச்சர்கள் கண் முன்னா லேயே காவல்துறை உதவி ஆய்வாளர் வெற்றிவேல் ரவுடிகளால் வெட்டிக் கொலை செய்யப்பட்டதும், தமிழகம் கூலிப்படைக ளின், ரவுடிகளின் ராஜ்யமாக மாறியுள்ளதை மறக்க முடியுமா?

நீதிமன்றத்தையும் விட்டுவைக்காதவர்கள்

சென்னை உயர்நீதிமன்ற வளாகத்திற் குள் காவல்துறை அத்துமீறி நுழைந்து, வழக் கறிஞர்களை தாக்கியதையும், இத்தாக்குத லில் நீதிபதிகளையும் அடித்ததையும், நீதி மன்றத்திற்கு அருகில் உள்ள வழக்கறிஞர் களின் அலுவலகங்களுக்குள் புகுந்து தாக்கி யதையும் மறக்க முடியுமா?

நீதி வழங்கும் இடமே போர்க்களம் போல் காட்சியளித்ததை மறக்க முடியுமா? இந்த அத்துமீறலுக்கு உத்தரவிட்டவர் யார் என்ப தில் காவல்துறை அதிகாரிகளிடையே பழி போடல் படலத்தை மறக்க முடியுமா?

சென்னை சட்டக்கல்லூரி மாணவர்களி டையே நடந்த சண்டைக் காட்சியை தொலைக்காட்சியில் கண்டவர்களில் மனம் கலங்காதவர்கள் யாரும் இருக்க மாட்டார்கள். ஆனால், அங்கிருந்த காவல்துறையினர் கல்மனம் படைத்தவர்களாக சண்டையை தடுத்து நிறுத்தாமல் வேடிக்கை பார்த்ததை யும், அவர்களை அவ்வாறு இருக்க வேண்டு மென்று உத்தரவிட்டவர்களையும் மறக்க முடியுமா?

தனக்கு வேண்டப்பட்டவரின் வழக்கில் சாதகமாக தீர்ப்பு அளிக்க வேண்டுமென்று நீதிபதியையே மிரட்டிய திமுகவின் கொள்கை பரப்பு செயலாளர் ஆ.ராசாவை மறக்க முடியுமா?

-க.திருச்செல்வன்

தி.மு.க தேர்தல் ஜாதகம்

பகுத்தறிவு பகலவனின் வாரிசுகளாகக் கூறிக் கொள்ளும் திமுகவினர் தேர்தல் பயம் காரணமாக பிரச்சார வாகனத்துக்கு தேங்காய் உடைத்து புறப்படுவதும், பரிகார பூசைகள் செய்ய புறப்படுவதும் சகஜமாகி விட்டதால் நாமும் ஒரு ஜோசியரை பிடித்து திமுக வின் தேர்தல் ஜாதகத்தை கணித்து பலன் சொல்லச் சொன்னோம். இனி ஜோதிட மாமணி கொங்கு மண்டல ஜோதிட சக்கரவர்த்தி பெருந்துறை பெருமாள் கூறுவதை அவர் வாயாலேயே கேட்போம். எதிர்க் கட்சிகள் பலமான கூட்டணி அமைத்தது திமுகவிற்கு ஜென்மச் சனி ஆரம்பமாகி விட்டதைக் காட்டுகிறது. சுயமரியாதைக் காரர்களான திமுகவினர் டெல்லிக்கு படை எடுத்து கேட்டதைக் கொடுத்து கூட்டணி அமைத்த நிகழ்வு இனிமேல் காங்கிரஸ் கையில் திமுக இல்லை என்றாகி விட்டது. தமிழகத்தில் 63 நாயன்மார்கள் என்று வர்ணிக்கப்பட்ட காங்கிரஸின் பல கோஷ்டி வேட்பாளர்கள் உள்குத்து காரணமாக வெற்றி பெறுவது சந்தேகமே. இந்நிலையில் திமுக ஆட்சி கூட்டணி ஆட்சியாவது அமைக்க வாய்ப்பு இருக்குமா? என்பது சந்தேகமே. இனி திமுக ஜாதகத்தை விரிவாகப் பார்ப்போம். முதலில் ஜாதகத்தில் பலமான எதிர்க் கட்சி கூட்டணி காரணத்தால் திமுகவுக்கு ஜென்மச் சனி பிடித்திருக்கிறது என்று கூறினோமே? சனியின் உக்கிரத்தை குருவின் இடத்தில் இருக்கும் வண்ண தொலைக்காட்சிப் பெட்டி வினியோகம் மூலமும், சுக்கிரன் இடத்தில் இருக்கும் இலவச ஒரு ரூபாய் அரிசி வினியோகம் மூலமும் சரி செய்து விடலாம் என்று திமுக நினைக்கிறது. ஆனால் சனி தனது இடத்தில் உள்ள 1 லட்சத்து 76 ஆயிரம் கோடி ஊழல் குற்றச்சாட்டு பிரம்மாஸ்த்திரத்தை ஏவியதால் திமுகவின் அனைத்து அஸத்திரிங்களையும் தவிடு பொடியாக்கி திமுகவை அனைத்தையும் இழந்து நிர்வாண கோலத்தில் இருக்கச் செய்து விட்டது. அதுதான் சனியின் மகத்துவம். மேலும் தேர்தல் கமிஷனர் மூலம் திருமங்கல பட்டுவாடாக்களை செயல் இழக்கும் முயற்சியில் சனி கிரகம் இறங்கியுள்ளது. சனி பகவானை திருநள்ளாறு சென்று வழிபட்டு பரிகார பூஜை செய்தால் எதிர்கால ஸ்பெக்ட்ரம் வழங்குகளிலுருந்து சற்று தப்பிக்கலாம். மருத்துவம், கலைஞர் காப்பீடு, போன்ற திட்டங்களை வைத்துள்ள புதன் கிரகத்தால் கரையேறி விடலாம் என்று திமுக நம்பிக்கை வைத்துள்ளது. ஆனால் மற்ற கிரகங்களின் ஆதிக்கத்தில் உள்ள பிரச்சனைகளால் திமுகவின் கனவு ஓட்டை விழுந்த படகின் நிலைமையாகி விட்டது.சூரியனின் வீட்டில் உள்ள சினிமாத் துறையில் குடும்ப ஏக போகம் காரணமாக சினிமாத் தொழில் கிட்டத்தட்ட அழிந்து விட்டது. வல்லான். வகுப்பதே வாய்க்கால் என்ற நிலை சினிமாத் துறையில் ஏற்பட்டு விட்டதால் தமிழகத்தின் முன்னணி நட்சத்திரமான விஜய் படங்களுக்கே தியேட்டர் கிடைக்காத நிலை. சினிமா கதை வசனம் எழுதிய கலைஞரின் அரசியலுக்கு முடிவுரை எழுத சினிமாக்காரர்கள் சந்தர்ப்பம் பார்த்துக் கொண்டிருக்கிறார்கள். செவ்வாய் வீட்டைப் பார்த்தோமானால் எப்படி இருந்த மந்திரிகள் இப்படி ஆகி விட்டார்களா என ஆச்சரியப்படத் தோன்றும். பத்து வருடத்துக்கு முன் உள்ள சொத்துக் கணக்கும் இப்போதுள்ள சொத்துக்கும் மலைக்கும் மடுவுக்கும் உள்ள இடைவெளி. மக்களை முட்டாளாக்கி மந்திரிகள் பொறியியல் கல்லூரிகளைத் தொடங்கி கல்வித் தந்தைகளாகி விட்டார்கள். ஓட்டு போடும்முன் மக்களுக்கு இது ஞாபகம் வராமல் இருக்க வேண்டுமானால் வைட்டமின் ‘ப’ வைத் தரவேண்டிய கட்டாயத்தில் திமுக உள்ளது. மக்கள் பங்களிப்பில்லாமல் வளர்ச்சி இல்லை. வளர்ச்சியின் பயனாக வந்த அமிர்தத்தை சிலர் எடுத்து அருந்த, கஷ்டங்கள் துன்பங்கள் என விஷத்தை எங்களுக்கு அளிப்பதா என மக்கள் சிந்திக்கத் தொடங்கி விட்டதால் திமுக கூடாரம் குழப்பமடைந்துள்ளது. சந்திரன் வீட்டிலிருந்து விலை வாசி உயர்வு திமுகவை மிரட்டிக் கொண்டுள்ளது. 5 ஆண்டுகளுக்கு முன் மளிகைப் பொருள்கள் வாங்கி விட்டு 1000 ரூபாய் கொடுத்தால் மீதி ரூ. 200 மளிகைக் கடைக்காரர் கொடுப்பார். ஆனால் திமுக-காங்கிரஸ் பொருளாதார கொள்கை காரணமாக குண்டூசி முதல் அனைத்து சாமான்களும் விலை ஏறி விட்டது. திமுக ஆட்சியில் மளிகை வாங்கி விட்டு ரூ.1000 கொடுத்தால் மேலும் ரூ.300 கேட்கிறார் மளிகைக் கடைக்காரர். மக்கள் சேமிக்கும் நிலை மாறி மக்கள் கடனாளியாக திரியும் நிலை ஏற்பட்டு விட்டது. சாதாரண பொது மக்கள் எப்போது தேர்தல் வரும் என எதிர்பார்த்து காத்திருக்கிறார்கள். ராகு வீட்டைப் பார்த்தால் குடும்ப அரசியல், வாரிசு அரசியல், மக்களை திமுக மிரட்டிக் கொண்டுள்ளதைக் காண முடிகிறது. ஒவ்வொரு மந்திரிகளின் வாரிசுகளும் மூத்த உறுப்பினர்களை ஏறி மிதித்து சீட் வாங்கி முன்னேறும் நிலை. கட்சி ஜனநாயகம் கேலிக்குரியதானதால் மக்கள் வேதனையுடன் இருப்பது திமுக கூட்டணிக்கு பாதகமே. கேது வீட்டைப் பார்த்தோமானால் திமுக வின் ரியல் எஸ்டேட் வன்முறைகள், சட்டம் ஒழுங்கு பிரச்சனைகள், கொள்ளை, தலீத் மற்றும் தொழிலாளர்களுக்கு எதிரான நிலை ஆகியவற்றைப் பார்க்கலாம். தேர்தல் வந்தால் நீலிக் கண்ணீர் வடிப்பவர்கள் ஆட்சிக் கட்டிலில் இருந்த போது எங்களை மறந்தது ஏன்? என கேள்வி எழுப்பிக் கொண்டுள்ளனர். எனவே திமுக இந்த தேர்தலைப் பொறுத்தவரை ஐசியு-வில் ஆபத்தான நிலையில் உள்ள நோயாளியின் நிலையில் இருப்பதை ஜாதகத்தில் காண முடிகிறது. ஏதாவது அதிசயம் நடந்தாலொழிய திமுக பிழைப்பது சந்தேகமே. தீக்கதிர் - ஜெயப்பிரகாஷ் நாராயணன்

திமுக பண‘கிரி’யின் ‘மு.க’வரி...

“பாரா உஷார்! பதுங்கி வருகிறது பணநாய கம்!” என கலைஞர் கடிதம் எழுதியிருக்கிறார். அதில் எதிர்க்கட்சிகள் கோடிகோடியாகப் பணத்தைக் குவித்து வைத்துக்கொண்டு வாக்கு களை விலைபேச அலைவதாக நா நடுங்காமல் பொய் கூறியுள்ளார். மேலும் அவர் கூறுகிறார், “கார்களிலும் வேன்களிலும் பணத்தைக் குவித்து வைத்துக்கொண்டு வாக்குகளை விலை பேசு வோரை கையும் களவுமாக காவலர்களிடம் பிடித்துக் கொடுக்க வேண்டிய கடமை உணர் வும் நமக்குள்ளது” இதைப் படிக்கிறபோது ‘சாத் தான் வேதம் ஓதுகிறது’ என்ற பழமொழியின் முழுப் பொருளும் பளிச்சென புலப்படுகிறது.

மக்களை அப்பாவிகளாகவும் ஏமாளிகளாக வும் காசு கொடுத்து விலைக்கு வாங்கிவிடலாம் என்றும் கங்கணம் கட்டித் திரிவது யார்? என் பதை இந்த உலகமே அறியும். வாக்காளர் களுக்கு காசு கொடுப்பது புதிய செய்தி அல்ல. காலங்காலமாய் நடப்பதுதான். அவை மிகச் சிறிய அளவில் அங்கொன்றும் இங்கொன்றுமாக நடந்ததுண்டு. ஆனால், இப்போது நடப்பது போல் திட்டமிட்டு வீடு வீடாய் கத்தைக் கத்தை யாய் கரன்சிகளை அள்ளி வீசுகிற கொடூர ஜன நாயக விரோத செயலின் தாய்-தந்தையே திமுக தானே. இதனை அமெரிக்கத் தூதரே தன் நாட் டுக்கு அனுப்பிய ரகசிய உளவுத் தகவலில் குறிப் பிட்டிருக்கிறார். அந்த அளவு பணநாயகத்தை உயர்த்திப் பிடித்தது திமுக: இதனை செயல் படுத்திய மு.க.அழகிரியை பாராட்டி - ‘திருமங் கலம் பார்முலா’ என அதற்கு ஒரு பெயரும் இட் டதை கலைஞர் கடிதம் எழுதும்போது மறந்து போனாரோ!

இப்போது காவல்துறை வாகனங்களிலேயே பணம் கடத்தப்படுவதை எதிர்க்கட்சிகளும் சுட் டிக்காட்டுகின்றன. தேர்தல் ஆணையமும் ஒப்பு தல் வாக்குமூலம் தருகிறது. அதே சமயத்தில் லத்திகா சரணை தேர்தல் நேரத்தில் மாற்றிய தேர்தல் ஆணையச் செயல் காவல்துறையின் தார்மீக உணர்வை சிதைத்துவிட்டதாக திமுக அரசு நீதிமன்றத்தில் நீலிக்கண்ணீர் வடிக்கிறது. உண்மையில் காவல்துறையை தங்கள் கட்சி யின் பணம் வழங்கும் ஏஜென்டுகளாக தரம் தாழ்த்தி தார்மீகத்தை சீர்குலைத்தது யார்? என் பதை ஒவ்வொரு வாக்காளரும் நன்கு அறிவார்.

தமிழக வாக்காளர்கள் காசுக்கு விலை போகும் ஆடு, மாடுகள் அல்ல. நடப்பது இடைத் தேர்தலுமல்ல. அராஜக ஆட்சியை தூக்கி எறிந்து ஒரு மாற்று ஆட்சியை உருவாக்க வேண் டும் என்கிற உணர்வு பேரலையாய் தமிழகத் தின் மூலை முடுக்கெல்லாம் வீசி அடித்துக் கொண்டிருக்கிறது. சிலரை சில நாள் ஏமாற்ற லாம். பலரை பல நாள் ஏமாற்றலாம். எல்லோ ரையும் எப்போதும் ஏமாற்றிக்கொண்டே இருக்க முடியாது. காலம் மாறிவிட்டது. காற்று திசை மாறி அடிக்கத் தொடங்கிவிட்டது. திமுக பண மூட்டைகளோடு எந்தப் பக்கம் தலை நீட்டி னாலும் விரட்டி அடிக்க மக்கள் தயாராகிவிட் டார்கள். துரத்திக்கொண்டுவரும் கூட்டத்திடமி ருந்து தப்பிப்பதற்காக ‘அதோ திருடன் திருடன் பிடி விடாதே’ என கத்திக்கொண்டு ஓடும் திருடனைப் போல இன்று திமுக அணி தோல்வி பயத்தில் பிதற்றத் தொடங்கியிருக்கிறது என்பதே நிதர்சனம்.

தேர்தல் ஆணையமும் மேலோட்டமாக சில கெடுபிடிகள் செய்வதைத் தவிர இன்னும் உருப் படியாய் எதையும் செய்திடவில்லை. ‘இருக்கும் இடத்தைவிட்டு இல்லாத இடம் தேடி எங் கெங்கோ அலைகின்றாய் ஞானத் தங்கமே’ என்று பாடத் தோன்றுகிறது. ‘மலை’யை ‘கிரி’ என்றும் சொல்வார்கள். பணமலையின் பணகிரி யின் மு..க..வரியை தேர்தல் ஆணையம் அறியா தோ? அழகிரியையும் மற்ற அமைச்சர்களையும் சோதனையிட்டால் போதுமே! செய்யுமா தேர்தல் ஆணையம்?

திமுகவினரின் கொடூரம் 10 நாய்கள் படுகொலை

பணப்பட்டுவாடாவிற்கு தடையாக இருந்த நாய்கள் விஷம்வைத்து சாகடிக்கப் பட்ட கொடூர சம்பவம் மதுரை கிழக்குத் தொகுதியில் உள்ள குலமங்கலம் கிராமத்தில் நடந் துள்ளது.

இங்கு திமுக சார்பில் பெ.மூர்த்தியும், அதிமுக சார்பில் தமிழரசனும் போட்டியிடுகின்றனர். வாக்காளர்களுக்கு லஞ்சம் கொடுக்க பல்வேறு தில்லு முல்லு வேலைகள் திமுக தரப் பில் நடைபெற்று வருகிறது.

தமிழக அரசின் அறிவிக் கப்படாத இரவு நேர மின்தடை யை பயன்படுத்தி வாக்காளர்க ளுக்கு பணம், அன்பளிப்புகள் கொடுக்க வாய்ப்பிருப்பதாக தொடர்ந்து குற்றச்சாட்டு எழுந்துவருகிறது.

இந்நிலையில் இக்கிராமத்தில் 10க்கும் மேற்பட்ட நாய்கள் கொலை செய்யப்பட்டுள்ளன என்ற அதிர்ச்சித் தகவல் வெளியாகியுள்ளது. குலமங்கலத்தில் தேநீர் கடை நடத்தி வரும் மனோகரன், துரைசாமி, கண்ணன், பாப்பாத்தி, முருகன் ஆகியோரின் நாய்கள் திடீரென இறந்துள்ளன. இந்தச் சம்பவம் நாய் வளர்த்தவர்களை அதிர்ச்சியடையச் செய்துள்ளது.

இது குறித்து கிராமத்தில் வசிப்பவர்களிடம் விசாரித்த போது, கோழிக்கழிவுகளில் குருணை மருந்தை கலந்து விட்டுள்ளனர். கோழிக்கழிவு களை சாப்பிட்ட நாய்கள் இறந்து விட்டன. இரவு நேரங்களில் பணம், அன்பளிப்பு வழங்குவதற்கு நாய்கள் இடை யூறாக இருப்பதால் நாய்கள் கொல்லப்பட்டிருக்கலாம் என்பதை மறுப்பதற் கில்லை என்றனர். தேர்தல் களத்தில் நாய்கள் கொல்லப்பட்ட சம்பவம் பெரும் பரபரப்பை ஏற்ப டுத்தியுள்ளது.

திமுகாவின் மாமா வீரமணி அவர்களுக்கு ஒரு விளக்கம்

திராவிடர் கழகத் தலைவர் கி. வீரமணி யாரை ஆதரித்தாலும் அடு கேடு படுகேடாகத்தான் ஆதரிப்பார். நாம் அதனை ஆட்சேபிக்க இயலாது. அது அவரின் ‘சுதந்திரம்’!

ஏற்கெனவே 2ஜி அலைக்கற்றை ஒதுக்கீட்டு ஊழலை மூடிமறைக்க ரொம்பவும் சிரமப்பட்டு விடுதலை யில் எழுதிய கட்டுரைகளைத் தொகுத்து ஒரு புத்தகமாக வெளியிட்டார். அவ ரது சொத்தையான வாதங்கள் எல் லாம் உச்சநீதிமன்றத்திலும் மக்கள் மன்றத்திலும் நொறுங்கி விழுகின் றன.

இப்போது ‘‘திமுக ஆட்சியின் சாத னைகளும் அதிமுக அணியின் வேத னைகளும்’’ என்று ஒரு வக்காலத்தை தாக்கல் செய்திருக்கிறார்.

திமுகவின் ‘சாதனை’ களில் ஒன் றாக அவர் கூறியிருப்பது கலைஞர் காப்பீட்டுத் திட்டம், இதன் மூலம் ஏழை எளிய மக்கள் அன்றாடம் பலன் பெற்று வருவதாக அவர் குறிப்பிட் டுள்ளார். (பக். 18).

இந்தத் திட்டத்தின் உண்மை நிலை என்ன என்பதை ஒன்றிரண்டு உதா ரணங்களோடு அவருக்கு விளக்கு வது அவசியம். தமிழ்நாடு மக்கள் நல்வாழ்வு இயக்கம் தரும் தகவல் களில் சில இங்கே வீரமணி அவர்கள் புரிந்து கொள்வதற்காகத் தரப்படுகின் றன:

உயிர்காக்கும் உயர்சிகிச்சைக்கான கலைஞர் காப்பீட்டுத் திட்டம் என்ற பெயரில் நடைமுறையில் இருக்கும் இத்திட்டத்தின் மூலம் ஒரு குடும்பத் திற்கு 4 வருடத்திற்கு ஒரு லட்சம் மட்டும் ரூபாய் ஸ்டார் ஹெல்த் காப் பீட்டு நிறுவனம் வழங்கும். இத்திட் டத்தின் கீழ் 51 நோய்களை உள்ளடக் கிய பட்டியல் வெளியிடப்பட்டுள்ளது.

புற்றுநோய்க்கட்டி என்ற சந்தேகத் தின் பேரில் அதை உறுதி செய்ய தேவைப்படும் பரிசோதனை செய் தால் அது புற்றுநோய் என்று உறுதி செய்யப்பட்டால் மட்டுமே, காப்பீட்டுத் திட்டத்தில் பணம் கிடைக்கும் (அதற் கும் உச்சவரம்பு உண்டு!) புற்று நோய் அல்லாத பிற கட்டிகள்/நோய்கள் என்று தெரியவந்தால் அதற் கான செலவினங் களை காப்பீட்டுத் திட்டத்தை நம்பி ஏமாறும் ஏழைக் குடும்பம் தன் வரு மானத்திலிருந்தோ, கடன் வாங்கியோ செலவு செய்ய வேண்டும்.

சிறுநீரக கல்லை அகற்றுவதற்கு ரூ.15,000 என்று நிர்ணயிக்கப்பட் டுள்ளது. ஆனால் இதற்கு ஆகும் உண் மையான செலவு ரூ. 40,000. மீதி

ரூ. 25,000ஐ நோயாளி தன்னுடைய சொந்தப் பணத்திலிருந்து செலவிட வேண்டும். அப்படி செலவிட வசதி யில்லாதவர்களை, மருத்துவமனை யில் அனுமதிக்க தனியார் மருத்துவ மனைகளின் நிர்வாகங்கள் தயங்கும். இல்லாவிட்டால், எவ்வளவு பிழை யிருக்கிறதோ அவ்வளவு குறைத்துக் கொள்ளுங்கள் என்று திருவிளை யாடல் திரைப்படத்தில் நாகேஷ் பேசும் வசனம் போல், எவ்வளவு அனு மதித்திருக்கிறதோ அந்த தொகைக் கான சிகிச்சையை மட்டும் கொடுத்து விட்டு மீதி சிகிச்சையை அரசு மருத் துவ மனைகளில் போய் பெற்றுக் கொள்ளுங்கள் என்று அனுப்பிவிடு கிறார்கள்.

இப்படியான அரைகுறை திட்டத்தை செயல்படுத்தும் ஸ்டார் ஹெல்த் நிறுவனத்திற்கு தமிழக அரசு முதலாம் ஆண்டில் 628.20 கோடி ரூபாய் செலுத்தியிருக்கிறது. கலை ஞர் காப்பீட்டுத் திட்டத்தின் கீழ் பயன்பெற்ற பயனாளிகள் சார்பில் மருத்துவமனைகளுக்கு ஸ்டார் ஹெல்த் நிறுவனம் செலுத்தியிருக்கிற தொகை ரூ.415.43 கோடிதான். அதாவது மக் களின் வரிப்பணத்தை தமிழக அரசே முன்வந்து ஸ்டார் ஹெல்த் நிறுவனத் திற்கு ஆண்டொன்றுக்கு ரூ.200 கோடி லாபமாக வழங்கியிருக்கிறது! வெறும் 100 கோடியில் ஒரு மருத்து வக் கல்லூரியை அரசே திருவாரூரில் துவங்கும் போது, ஸ்டார் ஹெல்த் நிறு வனத்திற்கு லாபமாக கொடுத்த தொகையை வைத்து என்னவெல்லாம் செய்யலாம் என்பதை நாம் சிந்திக்க வேண்டும். இந்நிலையில் இதே நிறு வனத்திற்கு இரண்டாம் ஆண்டில் 750 கோடி ரூபாய் ஒதுக்கியிருக்கிறது. தனி யார் காப்பீட்டு நிறுவனங்கள் சுரண்டும் மக்கள் வரிப்பணத்தில் ஆட்சியாளர் களுக்கும் பங்கு இருப்பதால்தான் எல்லா அவலங்களும் இடம் பெறு கின்றன. சட்ட பூர்வமாக - விஞ்ஞான ரீதியாக ஊழல் நடக்கிறது என்பது தான் உண்மை.

வீரமணி அவர்களின் புத்தகத்தில் ஒவ்வொரு பக்க உள்ளடக்கத்திற்கும் மறுப்பு தெரிவிக்கலாம். ஒரு சோற்றுப் பதமாக இந்த விளக்கம் மட்டும்.

மக்களை ஏமாற்ற முடியாது :திமுக மன்னர்களே

இன்றைய தினம் தமிழக மக்களும் பொதுவாக இந்திய மக்களும் எதிர்கொள்ளும் பிரச்சனைகளிலேயே ஆகப்பெரிய பிரச் சனையாக இருப்பது விலைவாசி உயர்வு தான் என்பதைக் கூறுவதற்கு விலைவாசி நிலவரம் குறித்த புள்ளி விபரங்கள் எவற்றை யும் வெளியிடவேண்டிய தேவை இல்லை. மக்களின் உணர்வுகளும் இவ்வாறே இருக்கின்றன என்பதை தேர்தல்கள் தொடர்பாக ஊடகங்களில் நடத்தப்பட்ட பல கருத்துக் கணிப்புகளும் உறுதிப்படுத்தியுள்ளன.

‘மீண்டும் எங்களை ஆட்சியில் அமர்த்துங்கள்’ என்ற வேண்டுகோளுடன் மக்கள் மத்தியில் பவனி வரும் திமுக என்ன செய்திருக்க வேண்டும்? ஆட்சிப் பீடத்தில் அமர்ந்திருந்த ஐந்தாண்டுகளில் விலைவாசி உயர்வைக் கட்டுப்படுத்த நாங்கள் எடுத்துள்ள நட வடிக்கைகள் இவை இவை .மீண்டும் ஆட்சிக்கு வந்தால் எத்தகைய நடவடிக்கைகளை எடுக்கத் திட்டமிட்டுள்ளோம் என்று பட்டியலிட்டிருக்க வேண்டாமா?அவ்வாறு செய்தார்களா?இல்லை இல்லை. ஆனால் இதில் வியப்படைய எதுவுமில்லை. விலை வாசி உயர்வுக்கான காரணங்களாக இவர்களின் கருத்துக்களைத்தான் சட்டமன்றவிவா தங்களிலேயே வெளிப்படுத்திவிட்டார்களே.

கருணாநிதியின் அருமை நண்பரும் மத்திய நிதியமைச்சருமான பிரணாப் முகர்ஜி நாடாளுமன்றத்தில் விலைவாசி உயர்வைப் பற்றிப் பேசும் போது என்ன கூறினார் தெரியுமா?

விலைவாசி உயர்வைக் கட்டுப்படுத்துவ தற்கான மந்திரக் கோல் எதுவும் என்னிடம் இல்லை என்று ஆடம்பரமாகக்குறிப்பிட்டார். விலைவாசி தானாகவே உயர்வது போலவும் அவர்களுடைய கொள்கைகளுக்கும் விலை வாசி உயர்வுக்கும் எத்தகைய தொடர்பும் இல்லை என்பது போலவும் அமைந்திருந்தது அவரது உரை. முன்பேர வர்த்தகம், பெட்ரோ லியப் பொருட்களின் விலை தொடர்ந்து அதி கரிக்கப்படுதல், ஏற்றுமதி-இறக்குமதிக் கொள்கைகள் போன்றவை விலையேற்றத் தில் முக்கிய பங்கு வகிக்கின்றன என்பதை மறுக்கமுடியுமா? உணவுப்பொருட்களின் விலையுயர்வுக்கு அவற்றின் வேண்டல் வழங்கலில் உள்ள பொருத்தமின்மை காரண மல்ல, ஊகவணிகமே காரணம் என்று வணி கம் மற்றும் வளர்ச்சிக்கான ஐ.நா. மாநாடே தெரிவித்துள்ளதே. ஆகவே விலைவாசி உயர் வைக் கட்டுப்படுத்துவதற்கான மந்திரக் கோல் கொள்கை மாற்றமேயன்றி வேறல்ல.

ஆனால் பிரணாப் முகர்ஜியின் இதே கருத்தைத்தான் இனமானப் பேராசிரியர் க.அன்பழகன் சட்டமன்றத்தில் தெரிவித்தார். விலைவாசி உயர்வு என்பது நிலநடுக்கம் போன்ற இயற்கைப்பேரிடர் என்று கூறிய அவர், விலைவாசி உயர்வைக் கட்டுப்படுத்து வதற்கு கம்யூனிஸ்டுகள்தான் ஆலோசனை கூறவேண்டும் என்று கிண்டலடித்தார். விலைவாசி உயர்வைக் கட்டுப்படுத்துவ தற்கு கம்யூனிஸ்டுகள் தெரிவித்துள்ள பல ஆலோசனைகளை மத்திய அரசு புறக்கணித்து வருவதை அறியாதவரைப் போல அவர் பேசினார் .

இந்தியர்களும் சீனர்களும் அதிக அள வில் உண்ணத்தொடங்கியுள்ளதால்தான் உலகஅளவில் உணவுப்பொருட்களின் விலை ஏறிவிட்டதாக ஒரு அரிய கண்டுபிடிப்பை அன்றைய அமெரிக்க அதிபர் ஜார்ஜ்புஷ் வெளியிட்டார் என்றால், திட்டக்குழுவின் துணைத்தலைவர் மாண்டேக் சிங் அலு வாலியா இதே கருத்தை வேறு சொற்களில் கூறினார். அரசு அமல்படுத்திவரும் கிராமப் புற வேலை உத்தரவாதத்திட்டம் போன்றவற் றால் மக்களின் வாங்கும் சக்தி அதிகரித்து விட்டது. அதுவே விலையுயர்வுக்குக் காரணம் என்று அவர் திருவாய் மலர்ந்தருளினார். இந்த அலுவாலியாவை நிதி அமைச்சராக் காமல் ஏன் பிரணாப் முகர்ஜியை நிதிஅமைச்ச ராக்கிவிட்டார்கள் என்று அமெரிக்க வெளியுறவு அமைச்சர் ஹிலாரி கிளிண்டன் துருவித் துருவிக்கேட்டுள்ளதை விக்கி லீக்ஸ் இணையதளம் அம்பலப்படுத்தியுள்ளதை நினைவில் கொள்வோம். முன்னாள் உலக வங்கி அதிகாரியும் அமெரிக்க ஆதரவாளரு மான மாண்டேக் சிங் அலுவாலியாவின் கருத் தைத்தான் முதல்வர் கருணாநிதி தனக்கே யுரிய பாணியில் வெளிப்படுத்தினார். விலை வாசி உயர்வினால் மக்கள் அனுபவித்துவரும் துன்ப துயரங்களைப்பற்றி மார்க்சிஸ்ட் கம்யூ னிஸ்ட் கட்சியின் சட்டமன்றக்குழுத்தலை வர் கே.பாலபாரதி பேசிய போது குறுக்கிட்டுப் பேசிய முதல்வர் கருணாநிதி, தியாகராய பாண் டிபஜார் கடைகளில் கூடும் கூட்டத்தை போய்ப் பாருங்கள்; அப்போது உண்மைநிலை புரியும் என்று கூறினார். அங்கே பொருட் களை வாங்கக்கூடும் உயர் மத்தியதர வர்க் கத்தினரைப்போலவே தமிழ் நாட்டின் எட்டு கோடிமக்களும் வசதியான வாழ்க்கை வாழ் வதைப்போல அவர் பேசினார்.

ஆக விலைவாசி உயர்வுக்கு அரசின் கொள்கைகள் காரணமல்ல. அது நில நடுக் கத்தைப்போல, சுனாமியைப்போல தடுக்க முடியாதது. மக்களின் வாங்கும் சக்தி அதிக ரித்துவிட்டதால் மக்கள் விலைவாசி உயர் வினால் பாதிப்புக்குள்ளாக மாட்டார்கள் என்பதே மத்திய ஆட்சியாளர்களான காங் கிரஸ்-திமுக கூட்டணி மற்றும் தமிழக திமுக அரசின் கருத்தாக உள்ளது .எனவே விலை வாசி உயர்வைக் கட்டுப்படுத்த வேண்டும் என்ற அக்கறைஅவர்களுக்கு இல்லை. எனவே திமுக தேர்தல் அறிக்கையிலோ முதல்வரின் தேர்தல் கூட்ட உரைகளிலோ விலைவாசி உயர்வுப்பிரச்சனை முக்கியத் துவம் பெறாமல் இருப்பதில் வியப்பில்லை. விலைவாசி உயர்வினால் பாதிக்கப்பட்டுள்ள மக்களின் கவனத்தை திசை திருப்ப, இலவ சங்கள் உள்ளிட்ட கவர்ச்சி அம்சங்கள் திமுக தேர்தல் அறிக்கையில் இடம்பெற்றுள்ளன. ஆனால் தமிழக மக்களை இவற்றின் மூலம் ஏமாற்றமுடியாது என்பதை தமிழக தேர்தல் களம் தெளிவாக நிரூபித்துவருகிறது .

சொல்லாததையும் செஞ்சாங்கல்ல... திமுக

‘‘சொன்னதை மட்டுமல்ல

சொல்லாததையும் செய்தது திமுக அரசு”

அப்படின்னு அடிக்கடி திமுக தலைவர்களும் கூட்டணிக் கட்சிக் காரங்களும் பேசறாங்களே அதுக்கு என்னப்பு அர்த்தம்? எனக்கு ஒரு சந்தேகம். சொல்லாததை எப்படி அப்பு செய்ய முடியும்?

என்னலே. சுத்த மொண்ணையா இருக்க. செல்போன் கம்பெனி களுக்கு லைஸென்ஸ் குடுக்குற விஷயத்துல மத்திய மந்திரியா இருந்த ராசா 1 லட்சத்து 76 ஆயிரம் கோடி ரூபாய்க்கு முறைகேடு செய்வார்னு சொன்னாங்களா? சொல்லல, ஆனா செஞ்சாங்கல்ல...

ஓ...நீயி அப்படிவர்ரியா? இப்பத் தான் புரியுது. ஊழல்ல மாட்ற மந்தி ரிய ஜெயில்ல வச்சித்தான் ஸ்டா லின் மாதிரி தலைவரெல்லாம் பாப் பாருன்னு சொல்லல. ஆனா செஞ் சாங்க. சரிதான். அப்புறம். என்னல் லாம் சொல்லாதத செஞ்சாங்கப்பு...

ஆட்சிக்கு வந்தவொடனே ஆரம் பிச்சாங்க பாரு அடிதடி அரசியலு... சென்னை மாநகராட்சித் தேர்தல் ரணகளமாயிருச்சுல்ல. கையில வீச்சருவா, கார்ல உருட்டுகட்ட. கூட்டணியில இருந்த பாமக கூட பதறிப்போச்சுல்ல. கோர்ட்டுல கேச போட்டு 99வது வார்டுக்கு திரும்ப தேர் தல் நடந்துச்சு. அப்ப விழுந்த கரும் புள்ளிதான் போலீஸ் அதிகாரி லத் திகா சரணுக்கு. இப்ப நடக்குற தேர் தல்ல லீவு போட்டுட்டுப் போக வேண்டியதாயிருச்சு. இதையெல் லாம் சொன்னாங்களா? இல்ல... ஆனா செஞ்சாங்கல்ல.

நீதிக்குத்தல வணங்குறோம்னு வக்கணையா வசனம் பேசுவாங்க. ஆனா, நீதிமன்றத்துக்குள்ளயே போலீச ஏவி வக்கீல்கள மட்டுமல்ல நீதிபதியையே பதம் பாத்தாங்க. கருப்பு கோட்டெல்லாம் செவப் பாயி, பாத்துக்க இதுதான் கருப்பு சிவப்புன்னு காட்டுனாங்க. இதை யெல்லாம் சென்னாங்களா? இல்ல... செஞ்சாங்கல்ல..

சமச்சீர் கல்விய நாங்கதான் கொண்டாந்தோம்னு பீத்திக்கிறாங் களே. இதோட பின்னணி தெரி யுமா? முத்துக் குமரன் குழுன்னு ஒண்ண போட்டாங்க. அதோட அறிக்கைய கெணத்துல போட் டாங்க. அத அமல்படுத்துன்னு கேக் கப்போனாங்க எஸ்எப்ஐ மாணவர் கள். கோட்டையைக் கைப்பற்ற வந்துட்டாங்கன்னு காவல்துறை கண்மூடித்தனமா அடிச்சு நொறுக் குச்சு. இதைச் சொன்னாங்களா? இல்லியே. செஞ்சாங்கல்ல.

இன்னொண்ணையும் சொல் றேன் கேட்டுக்க. சென்னையில சட்டக் கல்லூரி இருக்கு. அதுவும் ஐகோர்ட்டு மூக்கு நுனியில. மாணவர்களுக்குள்ள மோதல். ஒரு குரூப்பு இன்னொரு குரூப்பைக் கொலவெறியோட தாக்குது. இதப் பாத்துகிட்டு செவர் வச்சமாதிரி நிண்ணுது போலீசு. இந்தக் காட்சிய மனசாட்சி உள்ள யாரும் மறக்க மாட்டாங்க. காவல்துறை கையாலா காததா கருணை இல்லாததா கட மையாற்றாததா இருக்கும்னு சொன்னாங்களா? இல்ல. செஞ்சாங் கல்ல.

ஒரேயடியா அப்படி சொல்லிட முடியுமா அப்பு? செல்போன் உதிரி பாக கம்பெனியில போராட்டம் நடத்துன சிஐடியு தலைவர கைது பண்ணி சட்டம் ஒழுங்க பாதுகாத் தங்கல்லியா?

ஆமாமா... நல்லா பாதுகாத் தாங்க. ஃபாக்ஸ்கான் கம்பெனிங் கிறது செல்போனுக்கு உதிரிபாகம் செய்யறது. இந்தக் கம்பெனியில தொழிலாளர்களுக்கு ஆதரவா ஜனநாயக முறைப்படிதான் போராட் டம் நடத்துனாங்க. தொழிலாளர் களின் தோழன்னு பேசுறவர் ஆட்சி யில போலீஸ் என்ன பண்ணுச்சி? சிஐடியு தலைவர் சவுந்தரராசன கைது பண்ணுச்சி-ஜெயில்ல அடைச் சுது. கோர்ட்டுக்குக் கூட்டிவரும் போது கையில வெலங்கு மாட்டிச்சு. வெளங்குமாலே இந்த அரசாங்கம்? இந்த மாதிரி அராஜகம் பண்ணு வோம்னு சொன்னாங்களா? இல்ல செஞ்சாங்கல்லியா?

அப்படியே இந்தப் பக்கம் வா. பெண்களுக்கு அதச் செய்றேன் இதச் செய்றேன்னு பெருமையா சொல்லிக்கிறாங்களே! லதாங்குறது சிபிஎம் கட்சியோட எம்.எல்.ஏ. அவங்கள போலீஸ் என்ன பண் ணுச்சி தெரியும்ல?

அவங்க மொதல்ல என்ன பண் ணினாங்கன்னு சொல்லுங்க அப்பு.

அனைத்து சாதியினரும் அர்ச்சகராக நாங்கதான் அஸ்திவாரம் போட்டோம்னு சொல்றாங்களே. இவங்க ஆட்சிக் காலத்துல காங்கியனூர் கோயிலுக்குள்ள தலித்துகள அழைச்சிகிட்டு போகலாம்னு புறப்பட்டாங்க. இதுதப்பா? பொண் ணுண்ணும் பாக்கல. எம்எல்ஏன்னும் பாக்கல, புடிச்சித் தள்ளி பூட்ஸ் காலால மிதிச்சு. சொல்ல முடியாத வேதன. பல நாள் ஆஸ்பத்திரியில படுக்கவச்சிட்டாங்க.

தலித் மக்கள மனுஷனாக்கிய சீனிவாசராவ் நினைவு நாளன்னிக்கு இப்படியெல்லாம் துவம்சம் பண்ணுவோம்னு சொன்னாங்களா? இல்லியே. ஆனா செஞ்சாங்கல்ல.

சொல்லாததையும் செய்வோம் கிறது இதுதானா? அம்மாடியோவ். இவங்க சங்காத்தியமே கூடாது அப்பு. இத ஊரு பூரா சொல்லி வைக் கிறேன் பாரு ஆப்பு.

- மயிலைபாலு

திமுகவின் கேப்பையில் நெய் வடிகிறது! கேளுங்கள்!!

எடுபடாது; புருடா; காப்பி; ஜெராக்ஸ்” இப்படிப்பட்ட முத்துக்களை உதிர்த்திருப்பது யார்? ஏன்? எதற்கு? நீங்கள் மனதில் நினைப் பது சரிதான்! ஆம், அதிமுக தேர்தல் அறிக்கையைத்தான் திமுக கூட்டணியின் தலைவர்கள் இவ்வாறாக ‘கோரஸ்’ பாடியுள்ளனர். மாமியார் உடைத்தால் மண் சட்டியாம்; மருமகள் உடைத்தால் பொன்சட்டியாம்! இதுதான் இவர்களின் ‘அகராதி’யாம்!

திமுக 5 ஆண்டுகாலம் ஆட்சியில் இருந்தபோது, சொன்னதையும் செய்தார்களாம்; சொல்லாததையும் செய்தார்களாம்! உண்மை; ஒத்துக் கொள்ளத்தான் வேண்டும்; கலைஞர் காப்பீட்டு திட்டம் என்கிற பெயரால் ‘ஸ்டார் ப்ளஸ்’ என்கிற பெரும் தனி யார் கம்பெனிக்கு பல்லாயிரம் கோடி ரூபாயை கொட்டிக்கொடுப்போம் என்று சொல்லவில்லை; ஆனால் செய்திருக்கிறார்கள். கூரை இல்லா காரை (கான்கிரீட்) வீடாக்குவதில் கந்துவட்டிக்காரர்களிடம் சிக்க வைப் போம் என்று சொல்லவில்லை; ஆனால் செய்திருக்கிறார்கள்! இப்படி பற்பல!

இவர்கள் (திமுக) மிக்ஸி, கிரைண்டர், இதற்கு மேல் வாஷிங் மிஷின் கூட கொடுப்பார்களாம். ஆனால் அது ‘புருடா’ இல்லையாம்! இவர்களின் ஆட்சிக்காலத்தில் இலங்கையில் தமிழர்கள் கொத்துக்கொத்தாக படுகொலை செய்யப்பட்டபோது நீலிக்கண்ணீர் வடித்துவிட்டு, உண் ணாவிரதத்தைத் துவங்கிய அடுத்த வினாடியே முடித்துவிட்டு, இனிமேல் ஆட்சிக்கு வந்துதான் இலங்கை தமிழர்களை காப்பாற்றப் போகிறார் களாம்! இது ‘புருடா’இல்லையாம்! அதுபோல் சேது சமுத்திரத் திட்டத் தையும் இனி ஆட்சிக்கு வந்துதான் நிறைவேற்றப்போகிறார்களாம்! இது புருடா இல்லையாம்!

இனிமேல் தமிழக மக்களுக்கு செய்வதற்கு எதுவுமே பாக்கி (மிச்சம்) இல்லையென்று ‘அந்திம’ காலத்தில் கதையளந்து கொண்டிருக்கிறார்கள். இது காப்பியோ, ஜெராக்ஸோ இல் லையாம்; ஒரிஜினலாம்; எடுபடுமாம்! கேளுங்கள் கேப்பையில் நெய் வடி கிறதாம்!

சென்ற தேர்தலின்போது, அதிமுக கொடுத்த தேர்தல் வாக்குறுதிதான் ‘லேப்-டாப்’ என்கிற மடிக்கணினி! இதை திருமா பாஷையில் சொன் னால்- “...திமுக தலைவர் கருணா நிதி மாணவர்களின் படிப்பு மற்றும் குடும்பத்தை கெடுக்கும் குட்டிச் சாத்தானான கலர் டி.வி.யை வழங்கு கிறேன் என்கிறார். அதிமுக பொதுச் செயலாளர் ஜெயலலிதாவோ மாண வர்களின் நலனுக்காக லேப்-டாப் தருகிறேன் என்கிறார்” கதாநாயகி யும் ‘டூப்பிளிகேட்’ என்பதற்கு வேறெதுவும் சான்று வேண்டுமா?

காப்பி அடித்தால் மாணவர்க ளுக்கு ‘பனிஷ்மெண்ட்’ (தண்டனை) உண்டாம்; மருத்துவர் ஐயா சொல்கிறார். அதுவும் 5 இல்லையாம்; நிரந்தரமாக வாம்! நல்லது! காப்பி அடித்தால் தண்டனை என்றால்?... திருடி னால்? அதற்கு பாராட்டா? சீராட்டா? பரிசளிப்பா? என்ன தருவது? என்பதை தேர்தலுக்குப் பிறகாவது ஐயா சொல்லுவார்கள் என்று நம்புவோமாக? திருட்டு இதோ...

60 வயதானவர்களுக்கு பஸ் பாஸ் என்று கதாநாயகியில் இருக் கிறது; கட்டப்பஞ்சாயத்து, மணல் கொள்ளை போன்றவற்றை தடுக்க கதாநாயகி எதுவும் சொல்லவில் லை! இந்நிலையில், மார்ச் 23ல் திரு வாரூரில் திமுக கூட்டம்; இதற்கு மறுநாள் மார்ச் 24ல் திருச்சியில் அதிமுக தேர்தல் அறிக்கை வெளி யிடப்பட உள்ளது. இதில் என்ன இருக்கிறதென்பதை உளவுத்துறை ‘மோப்பம்’ பிடித்துவிட்டது. அதனால் கலைஞர் 23ம் தேதி திருவாரூர் பொதுக்கூட்டத்தில், கதாநாயகிக்கு புதியதாக ஒரு ‘மேக்கப்’ போடுகிறார் பாருங்கள்... “..நமது தேர்தல் அறிக் கையை படித்த சிலர் என் காதுக ளில் கிசுகிசுக்கிறார்கள்; கிசுகிசுப்பு மிகவும் அபாயகரமானது...” என்றெல் லாம் பீடிகை போட்டுவிட்டு... “பஸ் பாஸ் பெறும் வயதை 58 என்றும், கட்டப்பஞ்சாயத்து, மணல்கொள் ளையை ஒழிக்க (இதற்கு தற்போ தைய 5 ஆண்டுகால ஆட்சியில், குண்டர்சட்டம் பாய்ந்து பாய்ந்து ஓய்ந்துவிட்டது) புதிய சட்டம் கொண்டு வரப்படும்...” என ‘பிற்சேர்க்கை’ ஒன்றை ‘ஒட்டு’ போட்டார்! இன் னும் தேர்தல் முடிவதற்குள் ஓட்டுக் காக என்னென்ன ஒட்டுப்போட போகிறாரோ... பாவம்!

பி.தங்கவேலு

தி.மு.க. எனும் அரசியல் ஆக்டோபஸ் : ஆனந்த விகடன்

ப.திருமாவேலன்

படங்கள் : சு.குமரேசன், கே.கார்த்திகேயன்

கட்சித் தலைவராக கருணாநிதியைத் தேர்ந்தெடுத்தது லட்சக்கணக்கான தொண்டர்கள்!ஆட்சி முதல்வராக கருணாநிதியை அமரவைத்து அழகு பார்த்தது கோடிக்கணக்கான மக்கள்!

ஆனால், உண்மையில் கட்சியையும் ஆட்சியையும் கைக்குள் வைத்து, பவர் பாலிடிக்ஸைப் பக்குவமாகச் செய்துவருபவர்கள் யார் யார் தெரியுமா?

'திராவிட முன்னேற்றக் கழகம் ஒன்றும் சங்கர மடம் அல்ல. எனக்குப் பின்னால் என் மகன். அவருக்குப் பின்னால் அவரது மகன் என்று பட்டத்துக்கு வருவதற்கு! இந்தக் கட்சியில் பொதுக்குழு, செயற்குழு இருக்கிறது. அதுதான் அனைத்தையும் தீர்மானிக்கும்’ என்பது கருணாநிதி அடிக்கடி சொல்லும் வார்த்தைகள். ஆனால், கட்சியின் பொதுக்குழு, செயற்குழுவை மிஞ்சியதாக இருக்கிறது இந்த ஹோம் கேபினெட்!

கருணாநிதியின் தலைமையில் தி.மு.க. வந்த பிறகு நடந்த இரண்டு முக்கியமான பிரிவுகளும் அவரது மகன்களுக்காகவே நடந்தன என்பதுதான் அரசியல் வரலாறு அறிந்தவர்கள் கருத்து. இன்று லட்சக்கணக்கான தொண்டர்களைக்கொண்ட கட்சியின் தலைமை அலுவலகத்துக்குள் மத்திய புலனாய்வுத் துறை அதிகாரிகள் புகுந்து, மணிக்கணக்கில் இரண்டு முறை விசாரணை நடத்தி முடித்ததற்கும் இதே குடும்பமே காரணமானது. 'ஒரு தாயின் வயிற்றில் பிறக்க முடியாத காரணத்தால் தனித் தனி தாயின் வயிற்றில் பிறந்த அண்ணன் தம்பிகள் நாம்’ என்றார் அண்ணா. ஆனால், இன்று ஒரு தாய் வயிற்றுப் பிள்ளைகள் மட்டும்தான் கழகம் என்று ஆகிவிட்டது!

---

42 ஆண்டுகளாக திராவிட முன்னேற்றக் கழகத்தின் தலைவராக இருக்கிறார் கருணாநிதி. 'தலைமை நாற்காலியைப் பெரியாருக்காகக் காலியாக வைத்திருக்கிறேன். பொதுச் செயலாளர் பதவி மட்டும்தான் இனி தி.மு.க-வில் இருக்கும்’ என்ற அண்ணாவின் முழக்கம்தான், அவரைக் கடற்கரை ஓரத்தில் புதைக்கும்போது ஓரமாகத் தூக்கிப் போடப்பட்ட முதல் கொள்கை.

அடுத்த தலைவர் நாவலர் நெடுஞ்செழியனா, கலைஞர் கருணாநிதியா என்ற சண்டை வந்தபோது, தலைவராக கருணாநிதியும் ,பொதுச் செயலாளராக நெடுஞ்செழியனும் உட்கார வைக்கப்பட்டார்கள். அதில் இருந்து 10-வது முறையாக பொதுக்குழு மூலமாகத் தலைவராகத் தேர்ந்தெடுக்கப்பட்டு வருகிறார் கருணாநிதி.

1980-ல் கட்சிக்குள் மெதுவாகத் தனது மகன் ஸ்டாலினை கருணாநிதி அழைத்து வந்தார். இளைஞர் அணிச் செயலாளர் என்ற பொறுப்பு தரப்பட்டது. பொதுவாகவே, கட்சியில் துணை அமைப்புகள் சும்மா ஒப்புக்குத்தான் இருக்கும். ஆனால், ஸ்டாலின் வந்த பிறகு இளைஞர் அணி, தலைமைக் கழகத்துக்கு இணையான அணியாக மாற்றப்பட்டது. அறிவாலயம் கருணாநிதிக்கு என்றால்... அன்பகம் ஸ்டாலினுக்கு.

இளைஞர் அணியில் மாவட்ட அமைப்பாளர்கள்... கட்சியின் மாவட்டச் செயலாளர்களாகவே வலம் வந்தார்கள். அதன் பிறகு அமைச்சரவையில் ஸ்டாலின் ஆட்களுக்குப் பிரதிநிதித்துவம் தரப்பட்டது. வேட்பாளர் தேர்வில் கோட்டா வந்தது. ஸ்டாலின் துணைப் பொதுச் செயலாளர் ஆனார். அதன் பிறகு பொருளாளர் பதவி கிடைத்தது. அடுத்து அமைச்சர், துணை முதலமைச்சராகவும் ஆனார். இன்று, ஆட்சியும் கட்சியும் இவரது கண் அசைவில் தான் நடக்கின்றன.

கருணாநிதியின் மருமகனாகவும் மனசாட்சியாகவும் இருந்த முரசொலி மாறனின் மறைவுக்குப் பிறகு, அவரது இரண்டாவது மகன் தயாநிதியை மத்திய சென்னை நாடாளுமன்றத் தொகுதியில் நிறுத்தினார்கள். உடனேயே கேபினெட் அமைச்சராக்கப்பட்டார். டெல்லி அரசியல் இவரது கட்டுப்பாட்டுக்கு வந்தது. இவரது அண்ணன் கலாநிதி மாறன் நடத்தி வந்த நாளிதழில் ஒரு கருத்துக்கணிப்பு வெளியானதைத் தொடர்ந்து குடும்பத்துக்குள் குழப்பம். நேரடி அரசியலில் இறங்காமல் அதே சமயம், தென் மாவட்டத்து அரசியலைத் தனது ஆளுகைக்குள் வைத்திருந்த மு.க.அழகிரியின் செல்வாக்கை அந்தக் கருத்துக் கணிப்பு குறைத்து மதிப்பிட்டு இருந்தது. கலாநிதி, தயாநிதி ஆகியோருக்கும் அழகிரிக்குமான மோதலில், கருணாநிதி மகன் பக்கம்தான் நின்றார்.

தயாநிதி, கட்சியைவிட்டு நீக்கப்பட்டார். இனி, டெல்லியைக் கவனிக்க யார் என்ற கேள்வி எழுந்தபோது, கருணாநிதி தனது மகள் கனிமொழியை மாநிலங்களவை உறுப்பினராக ஆக்கினார். அடுத்து வந்த நாடாளுமன்றத் தேர்தலில் அழகிரியும் நிற்க... குடும்பக் கோபங்கள் தணிந்து தயாநிதியும் மறுபடி நுழைய... ஒரே குடும்பத்தில் இருந்து ஐந்து பேர் கட்சியின் முக்கியப் பதவிகளைப் பிடித்தார்கள்.

இன்றைய நிலையில் தி.மு.க-வின் ஐம்பெரும் தலைவர்கள் இவர்கள்தான்!

---

குடும்பத் தலைவர் ஒருவர் அரசியலில் இருந்தால், அவரை நம்பி மற்றவர்கள் அமைதியாக இருப்பார்கள். ஆனால், இங்கே எல்லோருமே தலை எடுத்து வலம் வருகிறார்கள்.

ராஜாத்தி அம்மாளைப் பார்க்க அவரது சி.ஐ.டி. காலனி வீட்டிலோ அல்லது அவர் ஆழ்வார்பேட்டைப் பகுதியில் நடத்தி வரும் ராயல் ஃபர்னிச்சர் கடையிலோ எப்போதும் கூட்டம் இருக்கும். அவரது கோட்டாவில் அமைச்சராக வந்தவர் பூங்கோதை.

ஊழல் வழக்கில் சிக்கிய ஒருவரைக் காப்பாற்ற பூங்கோதை முயற்சித்ததாகத் தகவல் கசிந்து, அவரது பதவியையே பறித்தார் கருணாநிதி. அப்படிப்பட்ட பூங்கோதை மறுபடியும் கேபினெட்டுக்குள் நுழைத்ததும்... அழகிரி குறித்து நீரா ராடியாவிடம் தரக்குறைவாக கமென்ட் அடித்த பூங்கோதைக்கே ஆலங்குளம் தொகுதியில் மீண்டும் போட்டியிட அனுமதி வாங்கித் தந்ததும், ராஜாத்தியின் ராஜ்யத்தை ஊருக்குச் சொல்லும்.

கனிமொழிக்குத் தரப்படும் முக்கியத்துவம் கருணாநிதியின் இன்னொரு மகளான செல்வியைச் சினம்கொள்ளவைத்தது. அவரே அப்பாவுக்காகப் பிரசாரம் செய்வதும், தொகுதி மக்களிடம் குறை கேட்கப் போவதுமாக எப்போதாவது செய்கிறார்.

கருணாநிதியின் கடைசி மகனான தமிழரசு, சேப்பாக்கம் தொகுதியைக் கவனித்துக்கொள்கிறார். மதுரையில் அழகிரிக்கு இணையான மரியாதை அவரது மனைவி காந்திக்குத் தரப்படுகிறது. தனித் தனி கட் அவுட்டுகளில் காந்தி சிரிக்கிறார். அவரது மகள் கயல்விழி, தி.மு.க-வின் பிரசாரக் குழுச் செயலாளர். அவரது கணவர், வெங்கடேஷ் தென் மாவட்ட மந்திரிகளைத் தன்னுடைய கட்டுப்பாட்டில் வைத்திருக்கிறார். செல்வி மகள் எழிலரசியின் கணவர் டாக்டர் ஜோதிமணி, இப்போது வளர்ந்து வரும் முக்கிய மான அதிகார மையம்!

---

இந்த ஐந்து ஆண்டு காலத்தில் சினிமாக்காரர்கள் சின்னாபின்னமானதைப்போல வேறு யாரும் ஆகவில்லை!

திரைத் துறையில் இருந்துதான் கருணாநிதி அரசியலுக்கு வந்தார் என்பதும், அவரது மேகலா பிக்சர்ஸ் கதைகளும் பழைய விஷயங்கள். கடந்த 20 ஆண்டுகளாக இந்தத் துறையில் சன் டி.வி. கால் பதித்து புதிய படங்களை வாங்கினார்கள். 'அவர்களுக்கு விற்பனை செய்யப்படாத படங்களை ரேட்டிங் குறைத்துக் காண்பிக்கிறார்கள் என்ற புகார்கள் எழுந்தன. குடும்பத்துக்குள் குழப்பம் ஏற்பட்ட சமயத்தில் கருணாநிதியே 'கலைஞர் டி.வி.’ என்ற தனிக் கடையைத் தொடங்கினார். படங்கள் வாங்குவதில் சன் - கலைஞர் தொலைக்காட்சிகளுக்குள் போட்டி கிளம்பியது. இதில் பல தயாரிப்பாளர்கள் மூளை குழம்பிப் போனார்கள்.

அடுத்து படத் தயாரிப்புகளில் வாரிசுகள் குதித்தார்கள். ரெட் ஜெயன்ட் மூவீஸ் ஆரம்பித்தார் ஸ்டாலினின் மகன் உதயநிதி. க்ளவுட் நைன் தொடங்கினார் அழகிரியின் மகன் துரை தயாநிதி. பெரிய நடிகர்களை இவர்கள் குத்தகைக்கு எடுக்க ஆரம்பித்தார்கள். கால்ஷீட் கொடுக்காத நடிகர்களை மிரட்டுவது வரை நிலவரம் கலவரம் ஆனது. தியேட்டர்களை மொத்தமாகக் குத்தகைக்கு எடுப்பதும்... தங்கள் படத்தை ரிலீஸ் பண்ண, மற்ற படங்களுக்கு இடைஞ்சல் ஏற்படுத்துவதுமான சோகக் கதைகளை எந்தத் தயாரிப்பாளர்களாலும் சொல்ல முடியவில்லை.

பாராட்டு விழாக்களுக்கு நடிகர்களை வரவழைக்க மிரட்டுவதை மேடை ஏறி அஜீத் சொன்னார். விஜய் கஷ்டம் ஊர் அறிந்தது. காலம் காலமாக தி.மு.க-காரராக அறிமுகமான அவரது அப்பா எஸ்.ஏ.சந்திரசேகரன், ஜெயலலிதா வைப் போய்ப் பார்த்தார். பல தயாரிப்பாளர்கள் ரகசியமாகப் போய் ஜெயலலிதாவை சந்தித்துத் திரும்பினார்கள்.

தமிழரசுவின் மகன் அருள்நிதி, 'வம்சம்’ படத்தில் நடித்து ஹீரோ ஆனார். கருணாநிதியின் அக்கா மகன் அமிர்தம் கலைஞர் டி.வி -யைக் கவனித்து வருகிறார். அவருக்கு உதவியாக அவரது மகன், குணாநிதியும் இருக்கிறார்.

கருணாநிதியின் முதல் மனைவி பத்மாவின் மகன் மு.க.முத்து. அவரது மகன் அறிவுநிதி, சினிமா வில் பாடுகிறார். சென்னையில் திடீரென அவரது கட்-அவுட்கள் முளைக்கும். அதை கருணாநிதி குடும்ப உறுப்பினரே கிழித்துவிட்டார். 'நான் கலைஞரின் மூத்த பேரன். அந்த அந்தஸ்தை வேறு யாரும் பறிக்க முடியாது’ என்று இவர் சொல்லி வருவது, சினிமா எடுக்க வேண்டிய கிளைக் கதைகளில் ஒன்று!

---

கடந்த மூன்று மாதங்களுக்கு முன்பு வரை தயாளுவை எந்த மீடியாக்களும் சீண்டியது இல்லை. முக்கியமான கூட்டங்களுக்கு மட்டும் வருகை தரும் அவர், இரண்டு ஆண்டுகளாக எதிலும் கலந்துகொள்ளவில்லை.

உடல்நிலையைக் காரணம் காட்டி அமைதியானார். கலைஞர் டி.வி-க்கான பங்குகளில் 60 சதவிகிதம் அவருக்கு உண்டு என்பதுகூட சிறு தகவலாகத்தான் இருந்தது. ஆனால், ஸ்பெக்ட்ரம் விவகாரத்தில் தொடர்புடைய ஷாகித் பால்வாவிடம் கலைஞர் டி.வி. 214 கோடிகளை வாங்கியது என்பதை சி.பி.ஐ. தனது அறிக்கையில் சொன்னதுமே, தயாளு அகில இந்தியா முழுவதும் அறியப்பட்டார். 'இத்தனை வருஷம் சும்மா இருந்த என்னை இப்படி மாட்டிவிட்டுட்டீங்களே’ என்று கருணாநிதியிடம் வருத்தப்படத்தான் முடிந்தது தயாளுவால். நிச்சயம் அவரிடம் விசாரித்துதான் ஆக வேண்டும் என்று சி.பி.ஐ. அடம்பிடிக்க.... தயாளு சென்னை அண்ணா அறிவாலயத்துக்கு அழைத்து வரப் பட்டார். இதோடு சி.பி.ஐ. விடுகிறதா என்பது தெரிய வில்லை. முழு க்ளைமாக்ஸை மார்ச் 31 அன்று பார்க்கலாம்!

இவருக்கு நேர் மாறானவர் ராஜாத்தி! எப்போதும் சர்ச்சைகள் இவரை வளைய வரும். சர்க்காரியா கமிஷன் விசாரணையிலேயே அவர் பெயர் வந்தது. இப்போது ஸ்பெக்ட்ரம் தரகர் நீரா ராடியாவுடன் ராஜாத்தியும் அவரது ஆடிட்டர் ரத்னமும் பேசியதும், வோல்டாஸ் கட்டடத்தைக் கை மாற்றித் தரும் விவகாரத்தில் ராஜாத்தியின் உதவியாளர் சரவணன் சம்பந்தப்பட்டதும்... முற்றுப்புள்ளி வைக்கப்படாத பெரிய ரகசியங்கள். ராடியா கைதானால் இவர்களுக்கும் சிக்கல் வரலாம்!

---

கருணாநிதிக்கு ஏற்பட்ட முதல் அவமானம் - அவரது மகன் முத்து, ஜெயலலிதாவைச் சந்தித்தது. வறுமையில் தான் வாடுவதாகச் சொல்லி 5 லட்சம் பணத்தைப் பெற்றுக்கொண்டார்!

மதுரை கவுன்சிலர் லீலாவதி கொலையில் சிலர் கைது செய்யப்பட்டதும், அவர்கள் மீது குற்றம் நிரூபிக்கப்பட்டதும் நடந்தது. தண்டனைக் கைதிகளான அவர்கள் முன்கூட்டியே விடுதலை ஆனது வரை சர்ச்சை தொடர்ந்தது!

தென் மாவட்டத்தில் தன்னுடைய பேச்சைக் கேட்காமல் அழகிரி தன்னிச்சையாகச் செயல்பட்டதாகச் சொல்லி, அவரைக் கட்சியைவிட்டே 2000-ம் ஆண்டில் நீக்கினார் கருணாநிதி. ஆட்சி மாறி கருணாநிதி கைது செய்யப்பட்ட பிறகுதான் மீண்டும் அழகிரி குடும்பத்துக்குள் சேர்த்துக்கொள்ளப்பட்டார்!

தி.மு.க-வின் முன்னா

ள் அமைச்சர் தா.கிருஷ்ணன் கொலை வழக்கில் அழகிரி சேர்க்கப்பட்டு, கைது செய்யப்பட்டார். அந்த வழக்கு விசாரணையின் இறுதியில் அழகிரி விடுதலை செய்யப்பட்டார். இன்று வரை தென் மாவட்டங்களில் மறக்க முடியாத குற்றச்சாட்டு இது!

ஸ்டாலினுக்கு மிக நெருக்கமாக இருந்தஅண்ணா நகர் ரமேஷின் தற்கொலை இன்று வரை மர்மம் உடைபடாத ரகசியம். அந்தத் தற்கொலைக்குப் பரிகாரமும் செய்யப்படவில்லை. பச்சைக் குழந்தைகள் மூவரும் மனைவியுமாக ரமேஷ§டன் இறந்த ஐந்து மரணங்களுக்கான குற்றவாளிகளை ஆட்சியில் இருந்த ஐந்து ஆண்டுகளில் இவர்கள் கண்டுபிடிக்கவும் இல்லை. தண்டிக்கவும் இல்லை!

மதுரை தினகரன் நாளிதழில் வெளியான கருத்துக் கணிப்பைத் தொடர்ந்து அந்த அலுவலகம் எரிக்கப்பட்டது. வினோத்குமார், கோபிநாத், முத்துராமலிங்கம் ஆகிய மூவரது மரணங்கள் தொடர்பான வழக்கு அப்பீலில் இன்று வரைக்கும் இருக்கிறது!

மத்திய அமைச்சர் பதவியை அழகிரி, தயாநிதி மாறன், கனிமொழி ஆகிய மூவருக்கும் வாங்குவதற்காக கருணாநிதி டெல்லிக்குச் சென்று காத்திருந்ததும்... அதைவைத்து ஆங்கில, இந்தி மீடியாக்கள் கமென்ட் அடித்ததும் நடந்தது. அதுவரை மரியாதைக்குரிய மனிதராக டெல்லி மீடியாக்களில் சொல்லப்பட்ட கருணாநிதி, முதன்முதலாக ஏளனம் செய்யப்பட்டார்!

சென்னையில் உள்ள பிரபல ஓட்டல்களில் ஏதாவது பேரனை வைத்து ஏதாவது ஒரு புகார் எழுந்து அடங்குவது சமீப காலமாக அதிகரித்து வருகிறது. போலீஸாரும் ஹோட்டல் அதிபர்களும் கை பிசைந்து நிற்கிறார்கள்!

கனிமொழியும் ஸ்பெக்ட்ரம் தரகர் நீரா ராடியாவும் பேசிய தொலைபேசி உரையாடல்கள் இன்று வரை இரண்டு தரப்பாலும் மறுக்கப்படவில்லை!

ஸ்பெக்ட்ரம் விவகாரத்தில், கலைஞர் டி.வி-யும் கருணாநிதியின் மனைவி தயாளு, மகள் கனிமொழி ஆகியோரும் சிக்கி இருக்கிறார்கள். இந்தச் சிக்கலில் இருந்து அவர்கள் எப்போது விடுபடுவார்கள் என்பது சி.பி.ஐ-க்கே தெரியாது!

---

அடுத்து புதிய வாரிசுகள் மெள்ள உள்ளே நுழைகிறார்கள். செல்வியின் மகள் எழிலரசி வீணை கற்றுக்கொண்டது பாராட்டத்தக்க அம்சம். அதற்காக, கோவையில் நடந்த உலகத் தமிழ்ச் செம்மொழி மாநாட்டில் அவரது கச்சேரி கட்டாயப்படுத்தி சேர்க்கப்பட்டது.

ஸ்டாலின் மருமகள் கிருத்திகா, ஒரு பத்திரிகையாளராக வலம் வருகிறார். அவரது குறும்படங்கள் பெரிதாகக் காட்டப்படுகின்றன. ஸ்டாலின் மகள் செந்தாமரை, சென்னை வேளச்சேரி பகுதியில் சன் ஷைன் என்ற பெயரில் பள்ளியைத் தொடங்கி, கல்வித் துறைக்குள் நுழைந்திருக்கிறார். அவரது கணவர், சபரீசன் பெயர் அவ்வப்போது சர்ச்சை களில் அடிபடும்.

தமிழரசுவின் மகள் பூங்குழலியும் அவரது கணவரும் அடுத்து வளர்ந்து வருகிறார்கள். கடைசியாக கனிமொழியின் மகன் ஆதித்யன் பற்றிச் சொல்லியாக வேண்டும்.

சில மந்திரிகள் அவருடன் கிரிக்கெட் விளையாடி காக்கா பிடிக்கிறார்கள் என்றால் பார்த்துக்கொள்ளுங்கள்!