லோக்பால் மசோதா 1968 முதல் 2011 வரை

லோக்பால் மசோதா, உணவுப்பாதுகாப்பு மசோதா ஆகிய இரண்டு மசோதாக்களும் நாடாளுமன்றத்தில் தாக்கல் செய்யப் பட்டுள்ளன. டிசம்பர் 27ம் தேதி துவங்கி மூன்று நாட்களும் விவாதம் நடைபெற உள்ளது. இதற்காக நாடாளுமன்றத்தின் குளிர் கால கூட்டத்தொடர் நீட்டிக்கப்பட்டுள்ளது.

இம் மசோதாக்கள் குறித்து பரபரப்பும் எதிர்பார்ப்பும் உருவாகியுள்ளது இயல்பான தொன்றே. பிறப்பிலிருந்து இறப்பு வரை இந்தியாவில் அங்கிங்கெனாதபடி எங்கும் நிறைந்திருப்பது ஊழல். இந்திய மக்கள் தங்கள் வாழ்க்கையின் அனைத்து நிலை களிலும் ஊழலைச் சந்தித்து வருகிறார்கள்.

சமூக ஆர்வலர் அன்னா ஹசாரே தான் முன்வைத்துள்ளபடி இம்மசோதா அமைய வேண்டுமென வலியுறுத்தி மும்பையில் மூன்று நாட்கள் உண்ணாவிரதப்போராட்டத்தை துவக்கியுள்ளார். தில்லி ராம்லீலா மைதானத்தில் ஹசாரே குழுவினர் மற்றும் ஆதரவாளர்கள் ஆர்ப்பாட்டம் நடத்து கின்றனர்.

லோக்பால் மசோதாவை பொதுமக்கள் குறைதீர்ப்பு மற்றும் சட்டம், நீதித்துறை தொடர்பான நிலைக்குழு செப்டம்பர் 23 முதல் டிசம்பர் 2வதுவாரம் வரை சுமார் இரண்டரை மாதங்கள் செலவிட்டு உருவாக்கியுள்ளது. நிலைக் குழுவின் முன்பு 140 பேர் ஆஜராகி இம் மசோதா குறித்து சுமார் 40 மணி நேரம் தங்களது பரிந்துரைகள், ஆலோ சனைகளை முன்வைத்துள்ளனர்.

லோக்பால் மசோதாவின் பூர்வீகம் நீண்ட நெடிய ஒன்றாகும். 1966 ஆம் ஆண்டு அமைக்கப்பட்ட நிர்வாகச் சீர் திருத்த ஆணையம், லோக்பால் அமைப்பு உருவாக்கவேண்டியதன் அவசியத்தை வலி யுறுத்தியது. அதன் பின்னர் மத்திய அரசு மாநிலங்களவையிலும் மக்களவையிலும் 1968, 1971,1977,1985,1989,1996,1998 மற்றும் 2001ஆம் ஆண்டுகளில் லோக்பால் அமைப்பிற் கான மசோதாக்களை அறிமுகப்படுத்தியது. ஆனால் மசோதா நிறைவேற்றப்படவில்லை.

இந்தப் பின்னணியில்தான் 2011ம் ஆண்டு ஏப்ரல் 8ம் தேதி அமைச்சரவை இம் மசோதாவை உருவாக்க ஒப்புதல் அளித்தது. லோக்பால் அமைப்பு உருவாக்கப்பட வேண்டுமென்று இடதுசாரிக்கட்சிகள் தொடர்ச்சியாக குரல் கொடுத்து வந்துள்ளன. அன்னா ஹசாரே, பாபா ராம்தேவ் போன்றவர்களும் இந்தப் பிரச்சனையை சமீபத்தில் கையிலெடுத்தனர். இவர்களது பின்னணி என்ன வென்று அறியாவிட்டாலும் கூட மக்கள் இவர்களது கோரிக்கைக்கு ஆதரவளித்தனர். ஊழலுக்கு எதிராக மக்களிடம் எழுந்துள்ள விழிப்புணர்வு மற்றும் எதிர்ப்புணர் வின் வெளிப்பாடே ஆகும் இது.

லோக்பால் மசோதாவின் நகல் டிசம்பர் 22அன்று நாடாளுமன்ற உறுப்பினர் களுக்கு வழங்கப்பட்டது. 62 பக்கங்களைக் கொண்ட இந்த மசோதாவில் 15 பிரிவுகள் இடம் பெற்றுள்ளன. மத்திய அளவில் லோக் பால் அமைப்பையும், மாநிலங்களில் லோக் அயுக்தா அமைப்பையும் உருவாக்குவதற் கான பரிந்துரைகள் இம் மசோதாவில் இணைக்கப்பட்டுள்ளன.

இந்த மசோதா நிறைவேறுமா? என்ற ஐயப்பாட்டை ஊடகங்கள் எழுப்பிக்கொண்டுயிருந்தன.  மக்களவையில் இந்த மசோதா  ஒருவழியாக நிறைவேற்பட்டுள்ளது . மசோதா எந்த வடிவில் வந்தாலும் அதை ஆதரிக்க திமுகஇ திரிணாமுல் காங்கிரஸ் போன்ற கட் சிகள் தயாராக உள்ளன. அரசுக்கு நெருக்கடி ஏற்படும்போதெல்லாம் கை கொடுக்கும் ஆர்ஜேடிஇ சமாஜ்வாதிஇ பகுஜன் சமாஜ் போன்ற கட்சிகள் மசோதாவை ஆதரிக்க வில்லை என்றபோதிலும்  மசோதா நிறைவேற்பட்டுள்ளது குறிபிடதக்கது .

ஆனால் மாநிலங்களவையில் மசோதாவை நிறைவேற்றுவதற்கான பலம் ஐ.மு. கூட்டணிக்கு இல்லை. எதிர்க்கட்சியான பாஜக ஆதரித்தால்தான் மசோதாவை நிறை வேற்ற முடியும். சிறுபான்மையினருக்கு இட ஒதுக்கீடு வழங்குவதால் மசோதாவை எதிர்ப் பதாக பாஜக கூறியுள்ளது. ஆர்ஜேடி போன்ற கட்சிகளும் வேறு சில காரணங் களைக் கூறி மசோதாவை எதிர்ப்பதாகக் கூறுகின்றன.

மகளிர் இடஒதுக்கீடு மசேதா மாநிலங் களவையில் நிறைவேற்றப்பட்டது. ஆனால் மக்களவையில் இம் மசோதாவை நிறைவேற்ற விடாமல் ஆர்ஜேடி, சமாஜ்வாதி போன்ற கட் சிகள் தடுத்துவிட்டன என்பது முந்தைய அனுபவம். இதைச் சாக்காக வைத்து, கருத் தொற்றுமை ஏற்படுத்தப்போவதாககக் கூறி மசோதாவை கிடப்பில் போட்டுவிட்டது மன் மோகன்சிங் அரசு.

 மசோதாவை தயாரிப்பதில் மார்க்சிஸ்ட் கம்யூனிஸ்ட் கட்சி குறிப்பிடத்தக்க பங்காற் றியுள்ளது. நிலையாணைக்குழுவில் இடம் பெற்றிருந்ததின் மூலம் பல்வேறு ஆலோ சனைகளை கட்சி முன்வைத்துள்ளது. எனி னும் எதிர்பார்த்த பலன் கிடைக்கவில்லை. அதைத் தொடர்ந்து நடைபெற்ற அனைத் துக்கட்சி கூட்டத்தில் மார்க்சிஸ்ட் கம்யூ னிஸ்ட் கட்சி முன்மொழிந்த சில தீர்மானங் கள் ஏற்கப்பட்டன. அது எந்த வடிவில் உள் ளது என்பது விவாதத்தின்போதே வெளிச் சத்திற்கு வரும். மார்க்சிஸ்ட் கட்சி தமது ஆலோசனைகள், திருத்தங்களை எழுத்துப் பூர்வமாக அளித்துள்ளது.

இதே போன்று பல்வேறு கட்சிகள் தங் களது திருத்தங்கள், கருத்துக்களை முன் வைத்துள்ளன. மார்க்சிஸ்ட் கம்யூனிஸ்ட் கட் சியை பொறுத்தவரை சில முக்கியமான ஆலோசனைகளை முன்வைத்தது.

1. பிரதமர் பதவியையும் லோக்பால் விசா ரணை வரம்பிற்குள் கொண்டுவர வேண்டும்.

2. நாடாளுமன்ற உறுப்பினர்களையும் விசாரணை வரம்பிற்குள் கொண்டுவர வேண்டும். அதற்கு தடையாக உள்ள அரசியல் சாசனத்தின் 105வது பிரிவில் உரிய மாற்றம் செய்ய வேண்டும்.

3. மத்திய மற்றும் மாநில அரசு நிலை யில் குரூப்-ஏ, குரூப்-பி, குரூப்-சி, குரூப்-டி அதிகாரிகளை விசாரணை வரம்பிற்குள் கொண்டுவரவேண்டும். மத்திய அரசு அதிகாரிகளை லோக்பால் வரம்பிற்குள்ளும், மாநில அரசு அதிகாரிகளை லோக் அயுக்தா விசாரணை வரம்பிற்குள்ளும் கொண்டுவர வேண்டும்.

4. லோக்பால் அமைப்பின் தலைவர் உட்பட, சுதந்திரமான தேர்வுக்குழுவின் தேர்வு அடிப்படையிலேயே நியமிக்கப்பட வேண்டும்.

5. மாநிலங்களில் லோக் அயுக்தா அமைப்பை உருவாக்க தனி மசோதா தாக்கல் செய் யப்பட வேண்டும்.

மத்திய புலனாய்வுத்துறை இயக்குநர் நியமனம், லோக்பால் தேர்வுக்குழு பரிந்துரை அடிப்படையிலேயே நடைபெற வேண்டும்.

6.ஊழல் குறித்த வரையறையில் தெளி வில்லை. 1988ஆம் ஆண்டு உருவாக்கப் பட்ட ஊழல் தடுப்புச்சட்டத்தின் அடிப்படை யிலேயே வரையறுக்கப்பட்டுள்ளது. எனவே உரிய வகையில் ஊழல் குறித்த வரையறை செய்யப்பட வேண்டும்.

7. மிக முக்கியமாக பெரும் முதலாளி களையும், அவர்களது நிறுவனங்களையும் லோக்பால் விசாரணை வரம்பிற்குள் கொண்டுவர வேண்டும். தவறிழைக்கும் நிறுவனங்களின் உரிமம் மற்றும் குத்தகையை ரத்து செய்யவேண்டும். இழப்பீட்டுத் தொகையை அவர்களிடமிருந்து வசூலிக்க வேண்டும். ஊழலில் ஈடுபடும் நிறுவனங் களின் சொத்துக்களை பறிமுதல் செய்து, அரசு கஜானாவில் ஒப்படைக்க வேண்டும் என்பன உள்ளிட்ட முக்கியத் திருத்தங்களை மார்க்சிஸ்ட் கட்சி முன்மொழிந்துள்ளது. விவாதத்தின்போதும் முன்வைக்கும்.

இம்மசோதாவை நிறைவேற்றுவதற்கு முன்பு அரசியல் சாசன திருத்தத்தை அரசு முன்மொழிந்திருக்கவேண்டும். ஆனால் அவ்வாறு செய்யவில்லை. பலவீனமான லோக்பால் அமைப்பையே அரசு விரும்பு கிறதோ என்ற ஐயப்பாடு எழும்புகிறது.

எதிர்க்கட்சியான பாஜக மற்றும் சில கட்சிகள் எதிர்க்கும் வேகத்தைப் பார்க்கும் போது மசோதா நிறைவேறுமா? என்ற கேள்வி வலுவாகவே எழுகிறது.

லோக்பால் அமைப்பை உருவாக்கு வதற்கான போராட்டம் 1968ல் அதாவது 20ம் நூற்றாண்டில் துவங்கி இந்த நூற்றாண்டு வரை நடைபெற்று வருகிறது. இம் மசோதா வலுவான லோக்பால் அமைப்பை உரு வாக்கும் வகையில் நிறைவேற்றப்பட வேண்டு மென்று இந்திய மக்கள் எதிர்பார்க்கி றார்கள். அவர்களது விருப்பம் நிறை வேறுமா? என்பது இரண்டொரு நாளில் தெரிந்துவிடும்.

- டி.கே.ரங்கராஜன் எம்.பி.,

 மார்க்சிஸ்ட் கம்யூ னிஸ்ட் கட்சி 

இந்திய பொருளாதர அடியாள் மன்மோகன்சிங் ஒப்புதல் வாக்குமூலம்...

முன்பு விலைவாசி உயர்வு, அதனால் மக்களுக்கு ஏற்படும் தொல்லை ஆகியவை பற்றி யாராவது கேட்டால், உலக நாடுகளோடு ஒப்பிடு கையில் இந்தியாவில் அப்படியொன்றும் கவலையளிக்கத்தக்க அளவுக்கு விலை உயர வில்லை என்று பதிலளிப்பார் பிரதமர் மன்மோகன்சிங். அப்புறம், விலை உயர்வு என்பது வளர்ச்சியின் வெளிப்பாடுதான் என்று சொல்ல ஆரம்பித்தார். “பொருளாதார வல்லுநர்” என்பதால் தாம் சொல்வதையெல்லாம், மக்கள் நம்பி விட மாட்டார்கள் என்ற ஞானம் இப்போது ஏற்பட்டிருக்கிறது போலும் - விலைவாசி உயர்ந் திருப்பது உண்மைதான் என்று ஒப்புக்கொண்டிருக்கிறார்.

உலகமயமாக்கல் கொள்கை எதிர்பார்த்த விளைவுகளை ஏற்படுத்தவில்லை என்றும் தனது கவலையை வெளிப்படுத்தி உள்ளார் அதன் தீவிர காதலர்

முன்னர் இதே கேள்விக்கு பதிலளிக்கையில் “இது தற்காலிகமானதுதான்; பணவீக்க விகிதம் விரைவில் ஒற்றை இலக்கத்திற்குத் திரும்பிவிடும்,” என்று புள்ளிவிவர விளையாட்டில் இறங்கிவிடுவார். இப்போது, “தற்போதைய பணவீக்கம் பிடிவாதமாக நிற்கிறது என்பது உண்மைதான். இது மட்டுப்படுவதற்கு அதிகக் காலம் ஆகும்.” என்று கூறியிருக்கிறார்.

மேலும் தடாலடியாக இந்தியர்கள் செல்வந்தர்களாக மாறி வருவதால் தான் விலைவாசி உயர்வு ஏற்படுகிறது.அமெரிக்காவின் குரலில் பேசியுள்ளார் ஏற்கனவே இந்தியர்கள் அதிகம் உண்பதால்தான் உணவு நெருக்கடி ஏற்படுகிறது என்று பொருக்கிதனமாக பேசியது அமெரிக்கா என்பதையும் கவனத்தில் கொள்ளவேண்டும் .

அரசாங்கத்திற்கு விலையைக் கட்டுப் படுத்தி வைத்திருக்கிற பொறுப்பு இருக்கிறது என்பதைக் கொள்கைப் பூர்வமாகவே எதிர்ப் பவர் இவர். விலைகளைச் சந்தை சக்திகளின் கையில் விட்டுவிட வேண்டும் என்பதே இவரது மந்திரம். இந்த விமானப் பயணத்தில் முதல் முறையாக, விலைவாசி உயர்வின் பின்னணி யில் சந்தை சக்திகள் இருக்கின்றன என்று கூறி யிருக்கிறார். வழக்கம்போல் “பொருளாதார வளர்ச்சி விகிதம் 7.5 முதல் 8 விழுக்காடு வரை யில் அதிகரிக்கிறது என்றால், தனி நபர் வருமானமும் 6 முதல் 6.5 விழுக்காடு வரையில் அதிகரிக்கிறது.” என்று புள்ளிவிவர மாய்மாலத் தையும் காட்டியிருக்கிறார். எந்தத்தனிநபர் வருமானத்தை அவர் குறிப்பிடுகிறார்? கார்ப் பரேட் கனவான்களின் தனி நபர் வருமானம் நிச்சயமாக அதிகரித்திருக்கும்; ஏழை மக்களின் தனி நபர் வருமானம் முன்பிருந்ததைவிட சரி வடைந்திருக்கும் என்பதே உண்மை. அதற்கொரு புள்ளிவிவரம் தயாரிக்க இந்த அரசு முன் வரப்போவதில்லை.

 மன்மோகன் ஒப்புக்கொண்டுள்ள மற்றொரு உண்மை: “மானியங்கள் தொடர்பாக அரசு எடுத்த கறாரான முடிவுகள் எரிபொருள் விலை களில் பாதிப்பை ஏற்படுத்தியிருக்கிறது.” ஒவ் வொரு முறையும் பெட்ரோலியப் பொருள்களின் விலை உயர்த்தப்படும்போதெல்லாம், இதனால் அனைத்துப் பொருள்களின் விலைகளும் உயர்ந்துவிடும் என்று மக்கள் இயக்கங்கள் எச் சரித்துவந்துள்ளன. அதைக் காதில் போட்டுக் கொள்ளாதவர், இப்போது இவ்வாறு கூறியிருக்கிறார். இப்படியெல்லாம் பிரதமர் உண்மைகளை ஒப்புக்கொள்வது நிலைமையை மாற்றும் எண் ணத்துடன் அல்ல. மக்கள் இதற்குப் பழகிக் கொள்ள வேண்டும் என்ற எண்ணத்துடன்தான். அதனால்தான், உலகச் சந்தை நிலவரத்துக்கு ஏற்ப உள்நாட்டில் பெட்ரோலிய விலையில் மாற் றம் ஏற்படுவது தவிர்க்க இயலாதது என்ற பழைய பல்லவியை மறுபடியும் பாடியிருக்கிறார். உலக விலை நிலவரம் உயருமானால், மறுபடியும் இங்கே விலையை உயர்த்த வேண்டியிருக்கும் என்றும் கூறியிருக்கிறார். கடந்த ஆண்டு ஜூன் மாதத்திலிருந்து இதுவரையில் 11 முறை பெட் ரோலியப் பொருள் விலை உயர்த்தப்பட்டது பற்றிய எவ்வித உறுத்தலும் இல்லாதவராக அவர் இப்படிக் கூறியிருப்பது, எளிய மக்களின் வாழ்க்கை நிலை மீது காங்கிரஸ் கூட்டணி அரசுக்கு எள்ளளவும் அக்கறையில்லை என் பதன் வெளிப்பாடுதான்.

வால் ஸ்டிரீட்டைக் கைப்பற்றுவோம்!

அமெரிக்காவின் நியூயார்க் நிதி மாவட்டத்தில் துவங்கிய பெரு நிறுவன ஊழலுக்கு எதிரான போராட்டம் உலகம் முழுவதும் 1,400 நகரங்களுக்குப் பரவியுள் ளது.

ஆக்குபய் டுகெதர் (http://www.occupytogether.org/) என்ற இணையதளத்தையும் போராட்டக்காரர்கள் துவக்கியுள்ளனர். அனைத்து இடங்களில் நடைபெறும் போராட்டங்களையும் ஒருங்கிணைக்க இந்தத் தளம் உதவும் என்று போராடி வரும் குழுக்கள் முடிவு செய்துள்ளன. அக்டோபர் மாதத்தில் இந்தப் போராட்டம் மற்றும் போராட்டத்திற்கு ஆதரவான இயக் கங்கள் 1,496 நகரங்களில் நடைபெறும் என்று திட்ட மிடப்பட்டுள்ளது. அமெ ரிக்க நகரங்களில் ஆர்ப் பாட்டக்காரர்களை வன் முறை மூலமே காவல்துறை யினர் எதிர்கொண்டுள் ளனர்.

டல்லாஸ், அட்லாண்டா, சியாட்டில் மற்றும் பாஸ்டன் ஆகிய நகரங்களில் கடந்த இரண்டு நாட்களாக நடைபெற்ற ஆர்ப்பாட்டங் களைக் கலைக்க காவல்துறை யினர் வன்முறையையே கை யாண்டிருக்கிறார்கள். பாஸ் டனில் 130 பேர் கைது செய் யப்பட்டனர். “எழுச்சி பெறு சிகாகோ கூட்டணி” சார்பில் சிகாகோ நகர வீதிகளில் பெருந்திரள் பேரணி நடைபெற்றது. ஆயிரக்கணக்கான மக்கள் பங்கேற்ற இந்தப் பேரணி யை சீர்குலைக்கும் நோக்கத் தில் 27 பேர் கைது செய்யப் பட்டு, சிறையில் அடைக் கப்பட்டுள்ளனர்.

வாஷிங்டனில் வெள்ளை மாளிகை அருகில் முகாம டித்திருக்கும் ஆர்ப்பாட்டக் காரர்கள் மேலும் நான்கு மாதங்கள் அங்கேயே இருந்து போராட்டத்தைத் தொட ரப் போவதாக அறிவித்தி ருக்கிறார்கள். வால் ஸ்டி ரீட்டை மையமாகக் கொண்டே கொள்கைகளை வகுத்து வருவதே பொருளாதார நெருக்கடி, வறுமை, பொரு ளாதார ஏற்றத்தாழ்வு மற் றும் உயர் மட்டத்தில் ஊழல் ஆகியவை ஏற்பட்டு வரு கின்றன என்று அமெரிக்க மக்கள் கருதுவதே போராட் டத்திற்கு ஆதரவு பெருகி யுள்ளதற்குக் காரணமாகும்.

ஆர்ப்பாட்டம் செய்து வரும் மக்கள், ஆப்கானிஸ் தான் மற்றும் இராக் ஆகிய நாடுகளில் மேற்கொள்ளப் பட்டுள்ள ஆக்கிரமிப்பை முடிவுக்குக் கொண்டு வர வேண்டும் என்ற கோரிக் கையையும் முன்வைத்திருக் கிறார்கள். ‘நியூயார்க் டைம்ஸ்’ நாளிதழில் வெளியான ஆய் வொன்றில், அமெரிக்கக் குடும்பத்தினரின் சராசரி வருமானம் மேலும் சரிந் துள்ளது என்று தெரிவிக்கப் பட்டிருக்கிறது. தங்கள் போராட்டம் நியாயமா னது தான் என்பதை இந்த ஆய்வு காட்டுவதாக போராட் டக்குழுவினர் சுட்டிக் காட் டுகிறார்கள்.

ஐரோப்பாவிலும் தாக்கம்

அமெரிக்காவில் நடை பெற்று வரும் முதலாளித் துவ எதிர்ப்புப் போராட் டம் பிரிட்டன் உள்ளிட்ட பல்வேறு ஐரோப்பிய நாடு களிலும் தாக்கத்தை ஏற் படுத்தியுள்ளது. விரல் விட்டு எண்ணக்கூடிய அள வில் இருக்கும் பெரும் பணக் காரர்களுக்காக பெரும் பான்மை மக்களின் நலன் களைக் காற்றில் பறக்க விடு வதை அனுமதிக்க முடி யாது என்று அந்த நாடுகளி லும் மக்கள் போர்க்குரல் எழுப்பியுள்ளனர்.

தனித்து விடப்பட்ட வாச்சாத்தி மக்களை தலை நிமிரச் செய்த தலைவர்கள்

தருமபுரி மாவட்டம் சித்தேரி மலை அடிவாரத்திலுள்ள வாச்சாத்தி கிராமத்தில் 1992ஆம் ஆண்டு ஜூன் 20ம் தேதி மலைவாழ் பழங்குடி மக்கள் மீது கொடூரமான வன்முறைகள் ஏவப்பட்டன. காவல்துறை, வருவாய் துறை துணையுடன் வனத்துறையினர் நடத்திய அத்துமீறல்களின் உச்சகட்டமாக 18 பெண்கள் பாலியல் வன்புணர்ச்சிக்கு உள்ளாக்கப்பட்டனர். வீடுகள், உடைமைகள் நாசமாக்கப்பட்டன. இச்சம்பவம் வெளி உலகுக்கு தெரிந்துவிடாதபடி கிராமத்தில் எவரும் இல்லை என்கிற நிலை உருவாக்கப்பட்டது. 28 குழந்தைகள், 90 பெண்கள், 28 ஆண்கள் உட்பட 133 பேரை கைது செய்து சிறையிலடைத்தனர். கிராமத்திலிருந்து தப்பி ஓடிய சிலர் மூலம் மலைவாழ் மக்கள் சங்கத் தலைவர்களுக்கு இத்தகவல்கள் தெரியவந்தது.

மார்க்சிஸ்ட் கம்யூனிஸ்ட் கட்சியின் முன்னாள் சட்டமன்ற உறுப்பினர் எம். அண்ணாமலை, எச்.ஆர். கணேசன், மலைவாழ் மக்கள் சங்க தலைவர்கள் பெ. சண்முகம், பாஷா ஜான், கிருஷ்ணமூர்த்தி, சித்தேரி பொன்னுசாமி, விஸ்வநாதன் ஆகியோர் கிராமத்தை பார்வையிட்டதுடன், பாதிக்கப்பட்ட மக்களை சேலம் சிறையில் சந்தித்து நடந்தவற்றை உறுதி செய்தனர்.

 சித்தேரி பொன்னுசாமி, எம். அண்ணாமலை ஆகியோர் இதுதொடர்பான புகார்களை காவல்துறைக்கும் உயர் அதிகாரிகளுக்கும் கொடுத்தனர். ஆனால், சந்தனக்கட்டை கடத்தியோர் மீது எடுக்கப்பட்ட சாதாரண நடவடிக்கை என்பது போல அன்றைய அதிமுக அரசு கண்டுகொள்ளாமல் இருந்தது.

உடனடியாக மார்க்சிஸ்ட் கம்யூனிஸ்ட் கட்சியின் மாநில செயலாளராகவும் மாநிலங்களவை உறுப்பினராகவும் இருந்த தோழர் ஏ. நல்லசிவன் வாச்சாத்தி கிராமத்திற்கு சென்று நேரில் பார்த்தார். பாதிக்கப்பட்டோரின் துயரங்களை ஊடகங்களிடம் தெரிவித்தார். இதற்கு பதிலளித்து சட்டமன்றத்தில் பேசிய அன்றைய வனத்துறை அமைச்சர் கே. ஏ. செங்கோட்டையன், நல்லசிவன் தெரிவித்திருந்த குற்றச்சாட்டுகளை மறுத்தார். அதோடு வாச்சாத்தி மலை உச்சியில் உள்ளது. வயதான நல்லசிவனால் அங்கு போகவே முடியாது என்று ஒரே போடாக போட்டார்.

அதைத் தொடர்ந்து அனைத்திந்திய ஜனநாயக மாதர் சங்கத்தின் தலைவர்கள் பாப்பா உமாநாத், மைதிலி சிவராமன், பங்கஜவல்லி உள்ளிட்டோரும் இந்திய ஜனநாயக வாலிபர் சங்க தலைவராக இருந்த பி.டில்லிபாபுவும் வாச்சாத்தி சென்று பாதிக்கப்பட்ட மக்களுக்கு ஆறுதல் கூறியதுடன், நீதிக்கான போராட்டத்தில் கரம் கோர்த்தனர்.

மார்க்சிஸ்ட் கம்யூனிஸ்ட் கட்சி, தமிழ்நாடு மலைவாழ் மக்கள் சங்கம், அனைத்திந்திய ஜனநாயக மாதர் சங்கம், இந்திய ஜனநாயக வாலிபர் சங்கம் உள்ளிட்ட அமைப்புகள் அரூரிலும் தருமபுரியிலும் ஏராளமான போராட்டங்களை வாச்சாத்தி மக்களுக்கு ஆதரவாக நடத்தின. கட்சியின் மாவட்டச் செயலாளராக இருந்த கே.எம். அரிபட் மற்றும் கே. வரதராசன் ஆகியோர் இப்போராட்டங்களுக்கு உறுதுணையாக இருந்தனர். வாச்சாத்தி மக்களுக்கு பண்டபாத்திரங்களையும் துணிகளையும் தமிழக உழைப்பாளி மக்களிடமிருந்து சிஐடியு, விவசாயிகள் சங்கம் உள்ளிட்ட அமைப்புகள் பெற்றுத்தந்தன. வழக்கு நடத்த தேவையான நிதியை போக்குவரத்து தொழிலாளர்கள், ஓசூர் அசோக் லேலண்ட் தொழிலாளர்கள் வழங்கினர். வழக்கை விரைவாக நடத்தி முடிக்கக் கோரி கட்சியின் மாநில செயற்குழு உறுப்பினர் கே. பாலகிருஷ்ணன், பி. டில்லிபாபு தலைமையில் சுமார் ஆயிரம் பேர் அரூரில் மறியல் செய்து கைதானார்கள்.

கிருஷ்ணகிரி நீதிமன்றத்திற்கு சாட்சியமளிக்க வந்த வாச்சாத்தி பெண்களுடன் மாதர் சங்க தலைவர்கள் பங்கஜவல்லி, நாகரத்தினம், அண்ணாஜி, பூபதி, வாலிபர் சங்க தலைவர்கள் பி. டில்லிபாபு, எம். மாரிமுத்து, ஏ.குமார் உள்ளிட்டோர் துணைக்கு வந்தனர். பெ. சண்முகம், எம். அண்ணாமலை, மைதிலி சிவராமன், பங்கஜ
வல்லி ஆகிய தலைவர்கள் கூண்டிலேறி சாட்சியமளித்தனர். வனத்துறையினரால் சீரழிக்கப்பட்ட தங்களது வாழ்க்கை, மார்க்சிஸ்ட் கட்சி உள்ளிட்ட அமைப்புகளின் உதவியால் புத்துயிர் பெற்றதாக பாதிக்கப்பட்ட மக்கள் நீதிமன்றத்தில் சாட்சியமாக கூறினார்கள். அவை நீதிமன்ற பதிவுகளாகவும் உள்ளன.

காணாமல் போன அனைத்துக் கட்சிகள்1992 துவக்கத்தில் சித்தேரி மலைப்பகுதி வாச்சாத்தி காப்புக் காட்டிலிருந்து லாரி லாரியாக சந்தன மரங்கள் வெட்டி கடத்தப்பட்டன. அதிமுக பிரமுகர்கள் சிலரை சந்தனமரம் கடத்திய லாரிகளுடன் வனத்துறையில் நேர்மையான சில அதிகாரிகள் கைது செய்தனர். அந்த அதி
காரிகளை அதிமுக அரசு பழிவாங்கும் நடவடிக்கையாக இடமாற்றம் செய்தது. இதற்கு எதிராக அதிமுக அல்லாத அனைத்துக்கட்சிகள் கூட்டாக பல போராட்டங்களை நடத்தின. அதன் எதிரொலியாக மத்திய சுற்றுச்சூழல் மற்றும் வனத் துறை அதிகாரிகள் குழு வாச் சாத்திக்கு வருவதாக தகவல் வெளியானது. அதற்குள் பிரச்சனையை திசை திருப்பும் நோக்கத்துடன் தமிழக வனத்துறையினர் திட்டமிட்டு நடத்திய தாக்குதல் தான் வாச்சாத்தி சம்பவம் என எம். அண்ணாமலை தீக்கதிருக்கு அளித்த ஒரு பேட்டியில் தெரிவித்துள்ளார். 

சந்தனக் கடத்தல் குற்றச்சாட்டை அரசியல் ரீதியாக அதிமுகவுக்கு எதிராக திமுக பயன்படுத்தியது. ஆனால், அதிகாரவர்க்கத்தின் காட்டு தர்பார் நடந்து 19 ஆண்டுகளாக வாச்சாத்தி மக்களுக்கு நீதி கேட்பதில் மார்க்சிஸ்ட் கம்யூனிஸ்ட் கட்சியை தவிர திமுக உள்ளிட்ட அனைத்துக் கட்சிகளும் காணாமல் போயின. தருமபுரி நீதிமன்றம் 29.9.2011 அன்று அளித்துள்ள வரலாற்றுச் சிறப்புமிக்க தீர்ப்பில் தனித்து மிளிர்கிறது மார்க்சிஸ்ட் கம்யூனிஸ்ட் கட்சி.

தீர்ப்பின் போதும் பாதுகாப்புவியாழனன்று (செப். 29) வாச்சாத்தி வழக்கில் தீர்ப்பு வெளியாகத் தொடங்கியதும் தருமபுரி நீதிமன்ற வளாகத்தில் பதட்டம் ஏற்பட்டது. குற்றவாளிகளின் குடும்பத்தினர் வாச்சாத்தி பெண்களுக்கு எதிராகவும் நீதிபதிக்கு எதிராகவும் குரல் எழுப்பத் தொடங்கினார்கள். வாச்சாத்தி மக்களுக்கு அரணாக சிபிஎம் மற்றும் மாதர், வாலிபர், மலைவாழ் மக்கள் சங்க தலைவர்கள் எம். மாரிமுத்து, நாகராஜன், குப்புசாமி, பூபதி, கவிதா, மேரி, முத்து, ஜோதிபாசு, எஸ்.பி. சின்னராசு, எஸ்.கே. கோவிந்தன், நேரு உள்ளிட்ட தலைவர்கள் நின்றனர். வாச்சாத்தி மக்களுக்கு எதிராக விடுக்கப்பட்ட மிரட்டலை துணிச்சலுடன் எதிர்கொண்டனர்.

காலம் கடந்தாலும்: வாச்சாத்தி மக்கள் கண்ணீர் மல்க நன்றிசித்தேரி மலை அடிவாரத்தில் உள்ள ஒரு சின்னஞ்சிறிய கிராமம் வாச்சாத்தி. அரூரிலிருந்து 12 கி.மீ. தொலைவில் உள்ளது இந்த வாச்சாத்தி. இங்குள்ள அனைவரும் மலையாளி இனத்தைச் சேர்ந்தவர்கள். ஆடு, மாடு மேய்ப்பதே இந்த மக்களின் பிரதான தொழிலாகும். இதை நம்பித்தான் வாழ்க்கையை நகர்த்தினர். வருவாய்த்துறையின் துணையுடன் காவல் மற்றும் வனத்துறையினர் 18 ஆண்டுகளுக்கு முன்பு ஊருக்குள் புகுந்தனர். அங்கிருந்த அப்பாவி மக்களை தாண்டவமாடியதோடு பாலியல் வன்புணர்ச்சிக்கும் உட்படுத்தினர். இந்தக் கொடூரக்காரர்களின் துன்புறுத்தலுக்கு பயந்து மலையின் உச்சியிலேயே மூன்று மாத காலம் பசியும் பட்டினியுமாக தஞ்சமடைந்திருந்தனர்.

இந்த தகவலை அறிந்த மலைவாழ் மக்கள் சங்கமும் மார்க்சிஸ்ட் கம்யூனிஸ்ட் கட்சியும் மாதர் சங்கமும் அந்த மக்களை நேரில் சந்தித்து அவர்களது அச்சத்தைப் போக்கினர். இதனைத் தொடர்ந்து சங்க மற்றும் கட்சித் தலைவர்களின் துணையோடு அந்த மக்கள் வாச்சத்திக்குள் நுழைந்தனர். உடைமைகளை இழந்து பரிதவித்த அப்பாவி மக்களுக்கு பாதுகாப்பு அரணாக நின்று நீதிகேட்டு போராடினர்.

அதனைத் தொடர்ந்து 19 ஆண்டுகாலம் நீதிமன்றத்தில் வழக்கு நடைபெற்று, வியாழனன்று (செப். 29) தீர்ப்பு வழங்கப்பட்டது. நீதிபதி குமரகுருவின் தீர்ப்பு வெளியானதும் வாச்சாத்தி கிராம மக்களும் இந்த சம்பவத்தில் பாதிக்கப்பட்ட பெண்களும் ஆனந்தக் கண்ணீர் விட்டனர்.

காலம் கடந்து தீர்ப்பு வந்தாலும் ஓரளவிற்கு நியாயம் கிடைத்திருப்பதோடு நீதி நிலைநாட்டப்பட்டுள்ளது. இந்த வெற்றிக்கு அன்று முதல் இன்று வரையிலும் தோளோடு தோள் நின்றமார்க்சிஸ்ட்கம்யூனிஸ்ட்கட்சி மற்றும் மலைவாழ் மக்கள் சங்கம், மாதர் சங்கத் தலைவர்களுக்கும் நன்றியைத் தெரிவித்துக்கொள்வதாக பெண்கள் கூறினர்.

வாச்சாத்தியிலிருந்து வந்திருந்த அனைவரும் கண் கலங்கியதோடு மார்க்சிஸ்ட் கட்சிக்கும் மலைவாழ் மக்கள் சங்கத்திற்கும் தலைவர்களுக்கும் நன்றி தெரிவித்தது. நீதிமன்ற வளாகத்தில் இருந்த அனைவரின் உள்ளத்தையும் நெகிழ வைத்தது.

பரந்தாயி எங்க ஊரையே அடிச்சி துன்புறுத்தி பொண்ணுங்களெல்லா கற்ப்பழிச்சாங்க. ஊரையே கொண்டுபோயி சிறையில தள்ளுனாங்க. நிர்வாணப்படுத்தி நிக்க வைச்சி கொடும பண்ணாங்க. இத்தனைக் கொடுமையும் தாங்கிக்கினு நாங்க உசுர கையில புடிச்சி உங்க முன்னால நிக்குரோம்னா அதுக்குக் காரணமே இந்த கம்யூனிஸ்ட் கட்சிதா (சிபிஎம்) காரணம். அவங்கதா இந்த நல்ல தீர்ப்பு வாங்கிக் கொடுத்திருக்காங்க என்று கண் கலங்கினார்.

கண்ணகி நெருப்புல சுட்டாக் கூட வடு மாறிடும் ஆனா எங்கல அந்தப் ஃபாரஸ்ட்டுக் காரங்க திட்டுன வார்த்தையும் அடிச்ச அடியும் இன்னமும் நெஞ்சுல ஆராத காயமா இருக்கு. மலைவாழ் சங்கமும் கம்யூனிஸ்ட் கட்சியும்தா இந்தத் தீர்ப்பு மூலம் எங்க காயத்துக்கு மருந்து கொடுத்திருக்காங்க என்று கண்ணீர் மல்க நன்றித் தெரிவித்தார்.

முருகன்18 வருஷத்துக்கு முன்னாடி எங்க கிராமத்துலஅந்த ஃபாரஸ்ட்டுக்காரங்க அடிச்ச அடியால இன்னமு என்னால நடக்கக் கூட முடியல. அந்த அளவுக்கு உடம்பு புல்லா எனக்கு காயம். அதோடு மட்டுமில்ல, ஃபாரஸ்ட்டுக்காரங்க போட்ட பொய் கேசால 3 மாசம் ஜெயில்ல இருந்த. என் பொன்ஜாதி புள்ளைங்கல கூட பார்க்க விடல, அப்படி என்ன துன்புறுத்துனாங்க. கம்யூனிஸ்ட் கட்சியின் முயற்சியாலதான் நா ஜெயில்ல இருந்து வெளிய வந்த. அரசாங்கத்தான்ட இருந்து ஒன்றரை கோடி ரூபாய் நிவாரணமும் வாங்கித் தந்தாங்க. நான் உயிரோடு உள்ளவரை மலைவாழ் மக்கள் சங்கத்துக்கும் கம்யூனிஸ்ட் கட்சிக்கும் நன்றி உள்ளவனாக இருப்ப என்று கண் கலங்கினார்.

தலித்துகளுக்கு எதிராக நீடிக்கும் ஒடுக்குமுறைகள்

* திருச்செந்தூர் தாலுகா நாலு மூலைக்கிணறு கிராமத்தில் தலித்துகள் மீது காவல்துறை துப்பாக்கிச்சூடு-ஒன்றரை வயது, 3 வயது குழந்தைகள் உட்பட பலர் படுகாயம்.

* ஒட்டப்பிடாரம் தாலுகா கொடியங்குளம் கிராமத்திற்குள் நூற்றுக்கணக்கான காவல்துறையினர் நுழைந்து தலித் மக் கள் மீது காட்டுமிராண்டித்தனமான தாக் குதல்-வீடுகளையும், விலை உயர்ந்த பொருட்களையும் உடைத்து நொறுக்கு தல், கால்நடைகளையும் விட்டுவைக்க வில்லை. குடிதண்ணீர் கிணற்றில் மண் ணெண்ணெய் ஊற்றி விஷமாக்குதல்.

* நெல்லை மாவட்டம் மாஞ்சோலை தோட்டத் தொழிலாளர்கள் (தலித் உழைப்பாளி கள்) நெல்லை மாவட்ட ஆட்சித்தலைவர் அலுவலகம் முன்பு கோரிக்கை ஆர்ப்பாட்டத்திற்காக கூடியபோது, காவல்துறையின் மிருகத்தனமாக தடியடி தாக்குதல்- தாமிரபரணி ஆற்றுக்குள் விரட்டி 17 தலித்துகளை படுகொலை செய்தல்.

* விழுப்புரம் மாவட்டம் காங்கியனூரில் ஆலய நுழைவிற்காகச் சென்ற தலித் மக்கள் மீது காவல்துறையின் கொடூரமான தடியடி -சட்டமன்ற உறுப்பினர் லதாவை கீழே தள்ளி பூட்ஸ் காலால் ஏறிமிதித்த னர். கோவிலுக்கு சென்றவர்களை சிறைக்கு அனுப்பினர்.

* மதுரை மாவட்டம் உத்தப்புரம் கிராமத்தில், அரச மர- ஆலய வழிபாடு நிழற்குடை அமைத்தல், தலித் குடியிருப்பை நோக் கிச்செல்லும் சாக்கடையை வேறு பாதைக்கு திருப்புதல் போன்ற கோரிக் கைகளுக்காகப் போராடிய தலித் மக்கள் மீது காவல்துறை அட்டூழியம், நள்ளிரவில் போலீசார் புகுந்து, பெண்கள், முதியவர் கள், குழந்தைகள் உட்பட ஏராளமானோ ரை தாக்குதல், கைது செய்தல் - பிறகு மதுரை மாவட்ட ஆட்சியர் அலுவலகம் முன்பு நியாயம் கேட்டு குரல் கொடுத்த டி. கே.ரங்கராஜன் எம்.பி., பி.சம்பத், கே. சாமுவேல்ராஜ் ஆகிய தலைவர்கள் உட் பட பல நூற்றுக்கணக்கான தலித்துகள் மீது காவல்துறை தடியடி தாக்குதல்-தலைவர்களையும் தலித் மக்களையும் அடித்து உதைத்து காவல்துறை வேன் களில் தூக்கி எறிதல்.

* வேலூர் மாவட்டம் குடியாத்தம் நகரில் 36 தலித் மற்றும் இஸ்லாமியக் குடும்பங்கள் ஒரு ரியல் எஸ்டேட் பேர்வழியால் சமூக விரோதிகளைக் கொண்டு தாக்கி அப்புறப் படுத்துதல்-அவர்களின் குடியிருப்பு நிலத்தை ஆக்கிரமித்ததை எதிர்த்து நியாயம் கேட்டதற்காக பேச்சுவார்த்தை, ஒப்பந்தம் எல்லாம் முடிந்தபிறகு தாலுகா அலுவலகத்திற்குள் புகுந்து காவல்துறை யின் அத்துமீறிய கைது நடவடிக்கைகள், சிறையில் அடைத்தல்.

கடந்த பல ஆண்டுகளில் தலித் மக்கள் மீது தமிழக காவல்துறை நடத்திய தாக்குதல் களின் சில நிகழ்வுகளே இவை.

இந்த அனைத்துச் சம்பவங்களிலும் சிபிஎம் மற்றும் தீண்டாமை ஒழிப்பு முன் னணி தலையிட்டுள்ளன. இது போன்ற ஏராள மான இன்னும் பல சம்பவங்களைக் குறிப்பிட முடியும். தமிழகத்தில் ஆட்சிமாற்றம் ஏற்பட் டாலும் தலித் மக்கள் மீதான காவல்துறை யினரின் அணுகுமுறையிலும் தாக்குதலிலும் எவ்வித மாற்றமும் இல்லை. ஆதிக்க சக்தி களும், சாதி வெறியர்களும் தலித் மக்கள் மீது வன்கொடுமைத் தாக்குதல்களை தொடர்ச்சி யாக நடத்தி வரும் வேளையில், தமிழக காவல்துறையும் அவர்கள் மீது வெஞ்சினத் தோடும் வன்மத்தோடும் தாக்குதல்களையும் அடக்குமுறைகளையும் ஏவி வந்துள்ளனர் என்பது மறுக்க முடியாத உண்மையாகும்.

சட்டத்தையும் நியாயத்தையும் காக்கவேண்டிய காவல்துறையினரையும் சமூகத்தில் நிலவும் சாதிய உணர்வுகள் விட்டுவைக்கவில்லை. காவல்துறையின ரின் ஒரு பகுதியினரும் சாதிய வன்மத்தோடு தாக்கிய பல சம்பவங்களைப் பட்டியலிடமுடி யும். நேர்மையான காவல்துறையினரும் இருக்கிறார்கள். மிகக் கணிசமான தலித் மக்களைப் பொறுத்தவரை வர்க்கம் என்ற முறையில் கூலி உழைப்பாளிகளாக உள்ள னர். மறுபுறம் சாதி என்ற முறையில் இவர்கள் சமூகத்தின் அடித்தட்டு மக்களாகவும் உள்ளனர். எனவே சாதி ஆதிக்க சக்திகளின் தாக்குதலையும், ஆளும் வர்க்க அரசின் தாக்குதலையும் எதிர்கொண்டு, இரண்டு வித மான ஒடுக்குமுறைகளை அனுபவிப்பவர் களாக தலித்துகள் உள்ளனர்.

நடைபெற்ற சம்பவங்களும், முதல்வரின் விளக்கமும்

இப்பின்னணியிலேயே தியாகி இமானு வேல் சேகரன் நினைவு தின நிகழ்ச்சியை யொட்டி நடைபெற்ற சம்பவங்களைக் கவ னிக்க வேண்டியுள்ளது. 9.9.11அன்று இரவில் பழனிக்குமார் தங்கவேல் என்ற தலித் மாணவன் சாதி ஆதிக்கவெறியர்களால் படு கொலை செய்யப்படுகிறான். 11.9.11 அன்று நடைபெற்ற காவல்துறை துப்பாக்கிச்சூட்டில் 7 பேர் படுகொலை செய்யப்படுகின்றனர். இரண்டு தரப்பினருடைய தாக்குதலுக்கும் தலித் மக்கள் இரையாகிஉள்ளனர் என்பது வேதனையான உண்மையாகும். இந்த இரு சம்பவங்களுக்கும் தமிழக முதல்வர் சட்ட மன்றத்தில் கூறியுள்ள விளக்கம் நியாய மானதாக இல்லை.

பழனிக்குமார் தங்கவேல் என்ற 16 வயது மாணவன் எந்தத் தவறும் செய்யவில்லை. தலித் பிரிவைச் சார்ந்தவன் என்ற ஒரே கார ணத்திற்காக அப்பிரிவினரை மிரட்டி அச் சுறுத்தும் நோக்கத்துடன் சாதிவெறியர்களின் வன்கொடுமைத் தாக்குதலுக்கு அவன் பலியானான். இம்மாணவனின் படுகொலைக்கு சட்டமன்றத்தில் தமிழக முதல்வர் அளித்த விளக்கத்தை நியாய உணர்வு உள்ள எவரும் ஏற்றுக் கொள்ளமாட்டார்கள் என்பதோடு, அது சம்பவத்தை திசை திருப்பும் வகையிலேயே அமைந்தது. அதே வேளையில் துப்பாக்கிச் சூடு நடத்திய காவல் துறையினரின் கொடூரச் செயலுக்கு அவர் நியாயம் கற்பிக்க முயன் றுள்ளார்.

கேள்விக்கு என்ன பதில்?

தியாகி இமானுவேல் சேகரன் நினைவு தின நிகழ்ச்சிக்கு உணர்வுப்பூர்வமாக பல்லா யிரக்கணக்கான மக்கள் கூடுவார்கள் என் பது காவல்துறைக்குத் தெரியாதா? இச்சந்தர்ப் பத்தில் எந்த ஆத்திரமூட்டல் நிகழ்ச்சிக்கும் இடம் தராதபடி செயல்பட வேண்டும் என்ற சாதாரண புரிதல் கூட காவல்துறைக்கு இல் லாமல் போய்விட்டதா? ஜான்பாண்டியனை பரமக்குடிக்குச் செல்லவிடாமல் தடுத்து, அன்றைய தினம் கைதுசெய்வது நினைவு தின நிகழ்ச்சியை அமைதியாகக் கொண்டு செல்ல உதவும் நடவடிக்கையா? விரும்பத்த காத சம்பவங்களுக்கு இடம் தரும் வகையில் காவல்துறையின் அணுகுமுறை அமைய லாமா? பல நூற்றுக்கணக்கான வாகனங் களில் பல்லாயிரக்கணக்கானோர் அஞ்சலி செலுத்த வரும்போது, அந்நிகழ்ச்சி தடையின் றியும் அமைதியாகவும் நடைபெறும் வகை யில் காவல்துறையின் செயல்பாடும், பாதுகாப்பு அணுகுமுறையும் இருக்கவேண்டாமா?

வெட்கக்கேடான நிலை

மேற்கண்ட கேள்விகளுக்கு பதில் அளிக் கும் எவரும் காவல்துறையின் தவறான செயல்பாட்டைச் சுட்டிக்காட்டவே செய்வார் கள். எனவேதான் மார்க்சிஸ்ட் கம்யூனிஸ்ட் கட்சி இப்பிரச்சனையில் காவல்துறையின் செயல்பாட்டை முதிர்ச்சியற்ற அணுகுமுறை என்றும், கண்டிக்கத்தக்கது என்றும் சாடியுள் ளது. ஆனால் இப்பிரச்சனையில் நியாயமான நிலை எடுப்பதைவிட, காவல்துறையின் தவ றான போக்கைப் பாதுகாப்பதற்கே தமிழக முதல்வர் முன்னுரிமை அளித்துள்ளார். காவல்துறையின் செயல்பாடு கடுமையாகக் கண்டிக்கத்தக்கது. 7பேர் கொல்லப்பட்ட சம் பவத்தில் காவல்துறை அதிகாரி எவரும் சஸ் பெண்ட் செய்யப்படவில்லை என்பது வெட் கக்கேடான நிலையாகும்.

அரசின் பொறுப்பு

அடுத்து இச்சம்பவங்கள் அனைத்தை யும் உயர்நீதிமன்ற நீதிபதி விசாரணை நடத்த வேண்டும் என்று சிபிஐ(எம்) மற்றும் பல இயக்கங்கள் அழுத்தமான கோரிக்கையை முன்வைத்த பின்பு, குறிப்பாக மார்க்சிஸ்ட் கட்சி சட்டமன்ற உறுப்பினர்களின் தலையீட் டிற்கு பிறகு தான், பரமக்குடி சம்பவத்தை ஓய்வுபெற்ற உயர்நீதிமன்ற நீதிபதி விசாரிப்பார் என முதல்வர் அறிவித்தார். உயிரிழந்தவர் களுக்கு முதல்வர் அறிவித்த நிவாரணமும் போதுமான தல்ல. தலா ரூ.5 லட்சம் என நிவா ரணத்தை உயர்த்துவது அவசியமாகும். காய மடைந்தவ களுக்கு சிறந்த சிகிச்சையும் அறிவித்ததைவிட கூடுதலான நிவாரணத் தையும் வழங்கு வது அரசின் கடமையாகும்.

வினோத, விரோதமான நிலை

அடுத்து இப்பிரச்சனையில் தேமுதிக வைச் சேர்ந்த பண்ருட்டி ராமச்சந்திரன் சட்டசபையில் தெரிவித்த கருத்து வினோத மானதாகவும் வெறுப்பூட்டும் விதமாகவும் அமைந்துள்ளது. இந்தக் கொடூரமான துப் பாக்கிச்சூடு பற்றி எந்த நீதிவிசாரணையும் வேண்டியதில்லையாம். இதனைக் கேட்டு தேமுதிகவின் இளம் தொண்டர்கள் நெஞ்சம் கொதித்திருப்பார்கள். ஒடுக்கப்பட்ட தலித் மக்களுக்கு காட்டப்படும் சமூக அநீதியாகும் பண்ருட்டி ராமச்சந்திரனின் பேச்சு. சட்டப் பேரவையில் புதனன்று மார்க்சிஸ்ட் கட்சி, இந்திய கம்யூனிஸ்ட் கட்சி, பாமக, புதிய தமிழ கம் உறுப்பினர்கள் வெளிநடப்பு செய்துள்ளனர்.

வன்கொடுமைக்கு எதிராக அணிதிரள்வோம்

மொத்தத்தில் 11.9.2011 தேதிய இச்சம்ப வங்கள் தலித் மக்கள் மீது தமிழகக் காவல் துறை நடத்திய மற்றொரு வன்கொடுமைத் தாக்குதலேயாகும். சிபிஐ(எம்), தமிழ்நாடு தீண்டாமை ஒழிப்பு முன்னணி மட்டுமல்ல, பல ஜனநாயக இயக்கங்களும் மனிதஉரிமை அமைப்புகளும் இயல்பாகவே இத்தாக்குத லுக்கு எதிராகத் தங்களது கண்டனத்தையும் ஆவேசத்தையும் வெளிப்படுத்தியுள்ளன. இந்த கண்டனம் மேலும் மேலும் பலப்பட்டு, இப்பிரச்சனையில் தலித் மக்களுக்கு நியாயம் கிடைக்க அரசை நிர்ப்பந்திக்கவேண்டும்.

தலித் மக்கள் மீது ஆதிக்க சக்திகள் மற் றும் அதிகாரவர்க்க ஒடுக்குமுறைகள் தொடர அனுமதியோம். தீண்டாமைக்கொடுமைக ளுக்கு முடிவு கட்டுவோம். சமூக சமத்துவம் உருவாகவும் அதன் அடிப்படையில் சமூக நல்லிணக்கம் ஏற்படவும், உழைக்கும் வர்க்க இயக்கங்களும், ஜனநாயக இயக்கங்களும், மனித உரிமை ஆர்வலர்களும் இணைந்து செயலாற்றுவோம். வர்க்க நீதியையும், சமூக நீதியையும் நிலைநாட்டுவோம்.

-பி.சம்பத்

மார்க்சிஸ்ட் கம்யூனிஸ்ட் கட்சி
தீக்கதிர்

நாசவேலை செய்தால் பதவி உயர்வு..!!! மத்திய அரசின் சாதனை

மக்களின் உயிர் காக்கும் மருந்துகளைத் தயாரிக்கும் பிரச்சனையொன்றில், முறையாக நடத்தப்பட்ட துறைரீதியான விசாரணைக்கு சமாதி கட்டும் வேலை நடந்து வருவதாக டைம்ஸ் ஆப் இந்தியா நாளிதழ் அம்பலப்படுத்தியுள்ளது.

ஒருபுறம் மக்களின் உயிர் காக்கும் மருந்துகளைத் தயாரித்துக் கொண்டிருக்கும் அரசுக்குச் சொந்தமான மருந்து நிறுவனங்களை இழுத்து மூடும் முயற்சி நடக்கிறது. மறுபுறத்தில் இவற்றிற்கு மாற்றாக தனியார் நிறுவனங்களை முன்னிறுத்தும் வேலையும் உள்ளது. அரசுக்குச் சொந்தமான மருந்து நிறுவனங்களின் அபாரமான பணி ஆட்சியாளர்களின் மக்கள் விரோத நடவடிக்கைக்கு முட்டுக்கட்டையாக இருந்து வந்தது. இதனால் அரசு நிறுவனங்களில் சில கருப்பு ஆடுகளை உருவாக்கி அவர்கள் மூலமாக நாசவேலைகள் மேற்கொள்ளப்பட்டன. குறிப்பாக, நீலகிரி மாவட்டம் குன்னூரில் உள்ள பாஸ்டியர் மருந்து மையத்தில் அத்தகைய நாசவேலை 2006 ஆம் ஆண்டில் நடைபெற்றது.

டெடானஸ் நோய்க்கான மருந்துகள் தொடர்ந்து 14 முறை கெட்டுப்போயின. அவ்வாறு தொடர்ந்து கெட்டுப்போவதற்கு வாய்ப்பில்லாததால் விசாரணை செய்ய வேண்டும் என்ற கோரிக்கைகள் எழுந்தன. இது திட்டமிட்டே செய்யப்படுகிறது என்ற குற்றச்சாட்டுகள் எழுந்ததால் விசாரணைக்கு உத்தரவிடப்பட்டது. 14 முறை மருந்துகள் கெட்டுப்போனதால் 21.2 லட்சம் ரூபாய் நஷ்டம் ஏற்பட்டது. துறைரீதியான விசாரணை பல்வேறு உண்மைகளை அம்பலப்படுத்தியது. நாசவேலை நடந்துள்ளது என்பதையும் அந்த விசாரணை உறுதிப்படுத்தியது. இந்த நாசவேலையைச் செய்தவர் ஆராய்ச்சி உதவியாளராகப் பணியாற்றிக் கொண்டிருந்த மோகன் என்பது விசாரணையில் தெரிந்தது. அவரை உடனடியாகப் பணிநீக்கம் செய்து மையத்தின் அப்போதைய இயக்குநர் இலங்கேஸ்வரன் உத்தரவிட்டார்.

மத்திய மருந்து பரிசோதனை நிலையத்தின் கூடுதல் இயக்குநரான சுரீந்தர் சிங் இந்தத் துறைரீதியான விசாரணையை நடத்தினார். அவரது அறிக்கையில், “தற்போதுள்ள ஆவணங்களின் அடிப்படையில் நாசவேலை நடந்திருக்கிறது என்பது தெளிவாகத் தெரிகிறது. தொடர்ந்து 14 முறை மருந்துகள் கெட்டுப்போயிருக்கின்றன என்பதைப் பார்த்துக் கொண்டு அதிகாரிகள் சும்மாயிருந்திருக்க மாட்டார்கள். சம்பந்தப்பட்ட நபர்களின் நேர்மை மீது இது கேள்விக்குறியை எழுப்புகிறது. மையத்திற்கு ரூ.21 லட்சம் நஷ்டம் ஏற்பட்டது என் பது பிரச்சனையல்ல. முக்கியமான உயிர்காக்கும் மருந்துகளை விநியோ கிக்க முடியாமல் போனது என்பது தான் மிகப்பெரிய பிரச்சனை” என்று குறிப்பிட்டுள்ளார்.

அவர் அதோடு நிற்கவில்லை. இந்த நாசவேலைக்கும் தனியார் நிறுவனம் ஒன்றிற்கும் உள்ள தொடர்பு பற்றி விசாரிக்க வேண்டும் என்றும் பரிந்துரை செய்தார். மோகன் என்ற ஊழியர் பணிநீக்கம் செய்யப்பட்டதோடு சரி. சுரீந்தர் சிங்கின் அறிக்கை கிடப்பில் போடப்பட்டது. தரமான உற்பத்தி முறையைப் பின்பற்றவில்லை என்று கூறி பாஸ்டியர் மையத்தின் உரிமத்தை மத்திய அரசு ஜனவரி 15, 2008 அன்று ரத்து செய்துவிட்டது. தொழிற்சங்கங்கள், சமூக ஆர்வலர்கள் இந்தப் பிரச்சனையைக் கையில் எடுத்தாலும் தனியார் மருந்து நிறுவனங்களுக்கு ஆதரவாகவே மத்திய அரசும் இயங்கியது. கடுமையான எதிர்ப்புக்குப் பிறகு பிப்ரவரி 22, 2010 அன்று மருந்துகளைத் தயாரிப்பதற்கான ஒப்புதலை இந்த மையங்களுக்கு மத்திய அரசு வழங்கியது.

ஆனால், இன்னும் முழுமையான அளவில் இந்த மையங்களில் உயிர் காக்கும் மருந்துகள் உற்பத்தி நடக்கவில்லை. சுரீந்தர் சிங்கின் பல்வேறு பரிந்துரைகள் கண்டுகொள்ளப்படவில்லை. எல்லாவற்றிற்கும் மேலாக, நாசவேலை செய்ததற்காகப் பணிநீக்கம் செய்யப்பட்ட மோகன், தற்போது பாஸ்டியர் மையத்தில் அதிகாரியாகப் பணிநியமனம் செய்யப்பட்டுள்ளார். பணிநீக்கம் செய்யப்பட்டவர் எப்படி அதிகாரியானார் என்று பார்த்தால், அவரை பணிநீக்கம் செய்ததற்கான உத்தரவு மட்டும்தான் எங்களிடம் உள்ளது. துறைரீதியான விசாரணை அவர் மீது நடந்ததாகவோ அல்லது ஒழுங்கு நடவடிக்கை மேற்கொள்ளப்பட்டதாகவோ எந்தவித ஆவணங்களும் இல்லை. இந்நிலையில் அதிகாரிகள் பணியிடங்களை நிரப்புவதற்கான விளம்பரம் வெளியாகி, அதில் அவர் விண்ணப்பம் செய்து பணிநியமனம் செய்யப்பட்டுள்ளார் என்கிறது மைய நிர்வாக வட்டாரம்.

முன்னாள் இயக்குநர் இலங்கேஸ்வரனிடம் ‘டைம்ஸ் ஆப் இந்தியா’ நாளிதழ் சார்பில் இதுபற்றிக் கேட்டிருக்கிறார்கள். விதிமுறைகளை ஒட்டுமொத்தமாக வளைத்திருக்கிறார்கள் என்று அவர் குறிப்பிட்டிருக்கிறார். மக்களின் உயிர் காக்கும் மருந்துகளில்கூட நாசவேலை செய்பவர்களைத் தண்டிக்காமல் அவர்களுக்கு பதவி உயர்வு கொடுத்து அழகு பார்க்கும் வேலையையே மத்திய அரசு செய்துள்ளது. சி- பிரிவு ஊழியராக இருந்தபோதே, பெரிய நாசவேலையைச் செய்தவர் தற்போது உயர் அதிகாரியாகப் பணியேற்கிறார் என்றால், இதுவும் ஒருவகையான நாசவேலையே என்கிறார்கள் பாஸ்டியர் மையத்தைப் பாதுகாக்க வேண்டும் என்ற விருப்பத்தைக் கொண்டிருக்கும் சமூக ஆர்வலர்கள்.

எங்களுக்கு அறிக்கை தரவில்லை- பாஸ்டியர் நிறுவனம்

டைம்ஸ் ஆப் இந்தியா நாளிதழின் செய்திக்கு நிறுவனம் சார்பில் செப்டம்பர் 5ம்தேதியன்று உண்மை நிலையை விளக்கும் அறிக்கை ஒன்று வெளியிடப்பட்டுள்ளது. அதில், தரமற்ற மருந்து தயாரித்ததால் தற்காலிகமாக உரிமம் ரத்து செய்யப்படவில்லை. மாறாக, தரக்கட்டுப்பாடு வழிமுறைகளை செயல்படுத்துவதற்காகத்தான் என்று கூறியுள்ளனர்.

மேலும், மத்திய மருந்து பரிசோதனை நிலையத்தின் கூடுதல் இயக்குநராக இருந்து, 2006 ஆம் ஆண்டில் விசாரணை நடத்திய சுரீந்தர் சிங்கின் அறிக்கை எங்கள் நிறுவனத்திடம் தரப்படவில்லை. அதனால் அந்த அறிக்கை குறித்த செய்திகள் கேள்விக்குறியாகவே உள்ளது என்று கேள்வி எழுப்புகிறது பாஸ்டியர் நிறுவனத்தின் அறிக்கை. ஆராய்ச்சி அதிகாரி பணி நியமனம் எவ்வாறு நடைபெற்றது என்பதை விரிவாக எடுத்துரைக்கும் அறிக்கை, 2006 ஆம் ஆண்டின் நாசவேலை செய்தார் என்று பணி நீக்கம் செய்யப்பட்ட மோகன் என்பவர் அதிகாரியாக பணிநியமனம் செய்யப்பட்டுள்ளது பற்றி மவுனம் சாதிக்கிறது. தகுதி மற்றும் அனுபவமுள்ள நபரையே முறையாக தேர்வு செய்துள்ளது என்று மட்டும் விளக்கம் கொடுக்கப்பட்டுள்ளது. .

2010 ஆம் ஆண்டு மீண்டும் உரிமம் புதுப்பிக்கப்பட்ட நிலையிலும், முறையான உற்பத்தி துவங்கப்படவில்லை என்கிற செய்தியை உண்மை நிலையை விளக்கும் அறிக்கை உறுதிப்படுத்துகிறது. அறிக்கையின் கடைசிப்பகுதியில், “தற்போதைய மருந்து உற்பத்தியானது உற்பத்தி நிலையிலும் உபகரணங்களிலும் சிறு சிறு தடைகளை நிவர்த்தி செய்த பிறகு தற்போது சீரான முறையில் நடந்து கொண்டு வருகிறது. கூடிய விரைவில் மருந்து விநியோகமானது ஆரம்பிக்கப்பட உள்ளது” என்று கூறப்பட்டுள்ளது. அதாவது உயிர் காக்கும் மருந்துகள் உற்பத்தி இந்த மையத்தில் முழுமையாக நடக்கவில்லை என்பதை நிறுவனத்தின் அறிக்கையே ஒப்புக்கொள்ளும் வகையில் உள்ளது.

அரசியல் முதலாளித்துவம்!

பல ஆண்டுகளுக்கு முன் சமூகவியல் என்ற ஒன்று உருவாவதற்கு காரணமாக இருந்த மேக்ஸ் வீபர் என்ற மேதை அரசியல் முதலாளித்துவம் என்ற ஒரு சொல்லைத் தன்னுடைய புத்தகத்திலே கையாண்டிருந்தார். அதாவது கார்ல் மார்க்ஸ் மூலதனம் எழுதிய காலத்துக்குப் பிறகு கையாண்ட சொல். இந்த மேக்ஸ் வீபர் என்பவரும் ஒரு ஜெர்மானியர்.

இவரது அரசியல் முதலாளித்துவம் பல ஆண்டுகள் ஆய்வு செய்யப்படாமலேயே இருந்திருக்கிறது. மேக்ஸ் வீபரும்கூட இந்த அரசியல் முதலாளித்துவம் பற்றி ஒரு சிறு வரையறையாகத்தான் கையாண்டிருந்தார். ஆனால், இந்தக் கருத்து இப்பொழுது உலகில் பிரபலமடைய ஆரம்பித்துவிட்டது.

பெரும்பாலும் கோட்பாட்டுவியலாளர்கள் எதிர்காலத்தில் நடக்கப் போவதை அனுமானித்து கருத்துகளை உருவாக்கிக் கோடிட்டு காட்டியிருப்பார்கள். அந்த வகையில்தான் இந்தச் சொல்லையும் இன்று சமூக அறிவியல் ஆராய்ச்சியில் பயன்படுத்த ஆரம்பித்துவிட்டனர்.

மேக்ஸ் வீபர் அரசியல் முதலாளித்துவம் என்ற சொல்லுக்கு எல்லையில்லா அளவுக்கு அரசாங்கப் பதவியின் அதிகாரங்களைப் பயன்படுத்தி எந்தத் தொழிலும் செய்யாமல் பணம் சம்பாதிப்பது; அதைத் தொடர்ந்து அரசியலில் குற்றம்புரிவது, கலகம் விளைவிப்பது இவைகளைப் பயன்படுத்தி அரசியலிலும், ஆட்சியிலும் நிர்வாகத்திலும் ஒரு புதுமுறைமையை உருவாக்கி விடுவது என்று விளக்கமளித்துள்ளார்.

ஊழலின் ஊற்றுக் கண்ணாக இருக்கிற உலகமயமான பொருளாதாரமும் எல்லையில்லா ஊழலால் வீழப் போவது வெகுதூரத்தில் இல்லை.

 அரசியல் முதலாளித்துவம் பற்றி உலகில் பல ஆராய்ச்சிகள் நடைபெற்று வருகின்றன. இந்தியாவில் இதேபோன்ற ஓர் ஆராய்ச்சியை நடத்தினால், எப்படி ஒன்றுமில்லாதவர்கள் அரசியலுக்குள் புகுந்து, ஆட்சியைப் பிடித்ததற்குப் பிறகு மிகப்பெரிய அளவுக்குப் பணம் சம்பாதித்தனர் என்பதை உலகுக்கு அம்பலப்படுத்திவிடலாம்.

அரசியலிலும், பதவியிலும் தங்களைத் தக்க வைக்க எப்படிப்பட்ட கலகங்களையும், அராஜகங்களையும் கட்டவிழ்த்து, ஊழல் மூலம் புகுத்தி புதிய அரசியலை உருவாக்கினர் என்பதையும் ஆராய வேண்டும்.

நம் நாட்டில் உள்ள சமூக விஞ்ஞானப் பேராசிரியர்கள் இப்படிப்பட்ட ஆய்வுகளை மேற்கொள்வது இல்லை. ஏனென்றால், அரசியல் அதிகாரத்தில் இருப்பவர்களைப் பார்த்து மிரட்சியில்தான் இருக்கிறார்கள்.

ஆனால், இந்தப் பணியை மேற்கத்திய நாடுகளில் இந்திய அரசியல், சமூகம் பொருளாதாரம் பற்றி ஆய்வு செய்யும் இளம் சமூக விஞ்ஞானிகள் ஆரம்பித்துவிட்டனர். ஏனென்றால், இந்தியாவில் சமீபகாலத்தில் புதிய வணிகத்தை அரசியலில் நம் கட்சித் தலைவர்கள் ஆரம்பித்து, சில குறிப்பிட்ட வர்க்கம், சில குடும்பங்களை அரசியல் மூலம் மிகப்பெரிய செல்வந்தர்களாக்கி விட்டிருக்கிறார்கள். அவர்கள் செய்த சாதனை அரசியல் அமைப்புகளை நிறுவி, அவைகளை மக்கள் மத்தியில் நிலைநாட்ட பல யுக்திகளைக் கையாண்டு தொடர்ந்து மக்களைத் தங்கள் வயப்படுத்தி ஓட்டு வங்கிகளாக வைத்து ஆட்சியைப் பிடித்து மிகப்பெரிய அளவில் வருமானம் ஈட்டிவிட்டார்கள்.

ஈட்டிய வருமானத்தின் மூலம் மக்களை விலைபேசி ஆட்சியைத் தக்க வைத்துக்கொண்டு ஒரு புதிய அரசியல் பொருளாதாரத்தை ஏற்படுத்த முனைந்தனர்.

இதன் மூலம் நாடாளுமன்ற மக்களாட்சி என்ற அமைப்பையே அடியோடு சாய்க்க எண்ணினர். இதற்கு அவர்களுக்குக் கிடைத்த காரணிகள் இரண்டு. ஒன்று, மக்களின் அறியாமை. இரண்டு, ஊடகங்களின் வலிமை.

பாவம், இவர்கள் மக்களாட்சியின் தன்மையை, வலிமையை, சக்தியைக் குறைத்து எடைபோட்டுவிட்டனர். இதனால்தான் சமூக பொருளாதார மாற்றத்துக்காக புதிய கருத்துகளை மக்கள் மத்தியில் எடுத்துச்செல்லும் மத்தியதர வர்க்கத்தையும் அறிவு ஜீவிகளையும்கூட விலைக்கு வாங்கி அவர்கள் மூலமும் தங்களைத் தக்க வைக்க முனைந்தனர்.

ஆனால், இன்று மக்களாட்சியின் மாண்பு என்ன என்பதை இந்த அரசியல் முதலாளிகளுக்கு மக்கள் காண்பித்துவிட்டார்கள். மக்கள் சமூக மருத்துவர்களாக மாறி மரணத்தை நோக்கிச் சென்ற ஆளுகையைத் தங்களின் விரல் நுனியால் பொத்தானை அழுத்தி உயிர் பிழைக்க வைத்துவிட்டார்கள்.

உலகமயமான பொருளாதாரம் அறிமுகப்படுத்தப்பட்டதற்குப் பின் இந்த ஊழல் செயல்பாடு மக்களாட்சியையே தூக்கி விழுங்கும் சூழலுக்கு உருவெடுத்துவிட்டது.

அரசியல் முதலாளித்துவம் என்பது அரசாங்கம், ஆளுகை, நிர்வாகம், ஜனநாயகம் ஆகியவைகளைத் தகர்க்க ஆரம்பித்துவிட்டது. ஆனால், எதிர்பாராதவிதமாக நம் நாட்டில் சமூக மூலதனம் என்பது மக்களாட்சிக்கு உதவிகரமாக இருந்ததால் அதிகாரத்தை மக்கள் கையில் எடுக்க ஆரம்பித்துவிட்டார்கள்.

அரசுசாரா சமூக அமைப்புகள் ஆதரவளித்திடவும் ஊடகங்களின் திறம்பட்ட செயல்பாடும் மக்களாட்சியில் உள்ள சில நற்கூறுகளைச் செயல்பட ஆவன செய்து விட்டனர். இதன் விளைவாக, நம் உச்ச நீதிமன்றமும் தேர்தல் ஆணையமும் செயல்பட்டு அதன் தனித்தன்மையைக் காட்டிவிட்டன.

இந்தியாவில் ஆளுகை அமைப்புகள் சீரழியத் தொடங்கும் காலத்தில் மூன்று நிறுவனங்கள் அதாவது, குடியரசுத் தலைவர், உச்ச நீதிமன்றம், தேர்தல் ஆணையம். இந்த மூன்றும் மக்களாட்சியைப் பாதுகாக்கும் அரணாகச் செயல்பட ஆரம்பித்தன. ஆனால், இன்று குடியரசுத் தலைவர் அலுவலகச் செயல்பாடு இந்தச் சூழலை மாற்றக்கூடியதாக இல்லை என்பதை கே.ஆர். நாராயனண், சங்கர் தயாள் சர்மா, ஆர். வெங்கட்ராமன் காலங்களுடன் ஒப்பிடும்போது அனுமானிக்க முடிகிறது.

தேர்தல் ஆணையம் சேஷன் காலத்தில் ஆரம்பித்து இன்றுள்ள குரேஷி காலம்வரை தொய்வில்லாமல் மக்களாட்சியைப் பாதுகாப்பதில், வலுப்படுத்துவதில் தன் சேவையைச் செய்து வருகிறது.

அதேபோல் உச்ச நீதிமன்றம் பி.என். பகவதி, வி.ஆர். கிருஷ்ணய்யர் காலத்தில் ஆரம்பித்து இன்றுவரை தொய்வின்றி மக்களாட்சியைக் காப்பாற்றும் பணியில் ஈடுபட்டு வருகிறது.

மத்திய அரசின் நிறுவனங்களையே தன் கட்டுப்பாட்டில் செயல்பட வைத்துள்ளது உச்ச நீதிமன்றம். இதுவரை அரசியலில் மக்களின் அறியாமையையும் ஏழ்மையையும் வைத்து அரசியல் நடத்தி சொத்துச் சேர்த்து மக்கள் மத்தியில் சாதனை நாயகனாக செயல்பட்ட தலைவர்களைப் பற்றிய கட்டுரைகள் புத்தகங்கள் வெளியாக இருக்கின்றன.

விக்கி லீக், புதிய யுக்தியைக் கையாண்டு உலக அரசாங்கச் செயல்பாடுகளில் மாற்றத்தை ஏற்படுத்த முனைந்த மாதிரி, நம் நாட்டுத் தலைவர்களின் சொத்துகள், தொழில்கள், முதலீடுகள், வெளிநாட்டு வணிகங்கள், உள்நாட்டு வணிகங்கள் இவைகளையெல்லாம் தொகுக்க ஆரம்பித்துவிட்டனர்.

மேற்கத்திய நாடுகளில் இந்தியாவின் அரசியல் பற்றி ஆய்வு செய்யும் ஆராய்ச்சியாளர்கள். விக்கி லீக் உபயோகப்படுத்திய அதே தொழில்நுட்பத்தைப் பயன்படுத்தி ஆராய்ச்சி செய்ய ஆரம்பித்துவிட்டனர். அரசாங்கத்துக்கும், துப்புத்துலக்கு நிறுவனங்களுக்கும் இனிமேல் ஆதாரங்கள் தரப்போவது இந்த புதிய சமூக விஞ்ஞானிகள்தான்.

இன்று நம் நாட்டில் தாங்களே சூட்டிக்கொண்ட பட்டங்களோடு பகட்டாக பவனி வந்து கட்சிக்காரர்கள் மத்தியிலும், பாமர மக்கள் மத்தியிலும் மிகப்பெரிய தலைவர்களாகக் காட்சியளித்தவர்களின் மோசமான வரலாறுகள் எதிர்காலத்தில் வெளிவரப் போகிறது.

இதற்கு இன்று முதல்நிலையில் விக்கிலீக் தலைவர் வழிகாட்டிவிட்டார். தொழில்நுட்பத்தைப் பயன்படுத்தி ஆளுகையையும் சரிசெய்ய உலகில் படித்த நல்ல இளைஞர்களில் பலர் ஊடகங்களுக்குள்ளும் புகுந்துவிட்டனர். இந்தப் பணியால் பொய் பிரசாரத்துக்காகவும், அரசியல் வணிகத்துக்காகவும் உருவாக்கப்பட்ட ஊடகங்கள் மக்கள் மத்தியில் செல்வாக்கை இழக்கப் போகின்றன.

நம் நாட்டில் நம் தலைவர்களின் தலைமைப் பண்பை உருவகப்படுத்தி, உச்சத்துக்குக் கொண்டு சென்று மக்களை ஒரு மாயையில் சிக்க வைத்து, பிழைத்தவர்களின் முகத்திரையைக் கிழிக்க விக்கிலீக் தலைவர்கள்போல் பலர் புறப்பட்டு விட்டனர்.

இவர்கள் கொண்டு வரும் கருத்துகள், கட்டுரைகள், புத்தகங்கள் சமூகத்தில் இன்று போலித் தலைவர்களின் போலி வரலாற்றை உடைத்தெறியப் போகிறது.

இதுவரை மக்களாட்சியில் சர்வாதிகாரிகளாக இருந்த நம் அரசியல்வாதிகளுக்கு இப்போதுதான் மக்களாட்சியில் நியாயத்துக்குப் புறம்பாக நடந்தால் நாம் நிச்சயமாக தப்பிக்க முடியாது என்ற சிந்தனை வந்துள்ளது. இனிமேல் தவறாகப் பணம் சேர்த்து வெளிநாடுகளில் பதுக்கலாம் என்று இருந்த எண்ணத்துக்கும் அடிவிழுந்து விட்டது.

இனிமேலாவது நம் தலைவர்கள் போலி அரசியலிலிருந்து உண்மை அரசியலுக்கு வரவேண்டும், கொள்ளையடிக்கும் அரசியலிலிருந்து கொள்கை அரசியலுக்கு வரவேண்டும், மாயை அரசியலிலிருந்து மக்கள் அரசியலுக்கு வரவேண்டும், குழப்பத்துக்கான அரசியலைவிட்டு தெளிவான அரசியலுக்கு வரவேண்டும், கலக அரசியலிலிருந்து அமைதி அரசியலுக்கு வரவேண்டும், கலாசார ஒழுங்கீன அரசியலிலிருந்து பக்குவமான கலாசாரம் சார்ந்த அரசியலுக்கு வரவேண்டும்.

இல்லையேல், நம் மக்களாட்சி அவர்களுக்குத் தகுந்த இடத்தைக் காண்பித்துவிடும். இன்று நம் கட்சிகள் அனைத்தும் பதவியில் ஆட்சியில் இருப்பது கொள்கையாலோ, தலைவராலோ, சாதனையாலோ, வலிவாலோ, ஆற்றலாலோ அல்ல, எதிர்க்கட்சிகளின் பலவீனத்தால்தான் என்பது நாடறிந்த உண்மை.

எனவே, நம் அரசியல் கட்சிகள் புதிய தடத்தில் கால்பதிக்க ஆரம்பிப்பது இந்திய நாட்டுக்கும், மக்களாட்சிக்கும், இந்திய அரசியலுக்கும் நல்லதாக அமையும். அரசியல் முதலாளித்துவம் என்பது இனிமேல் நம் அரசியலில் எடுபடாது. அது மட்டுமல்ல, மக்கள் விழித்துக் கொண்டார்கள்.

அரசியல் கட்சிகள் கொடுக்கும் பணம் என்பது ஒன்று அரசியலில் சம்பாதித்தது அல்லது சம்பாதிக்கப்போவது என்று புரிந்துகொண்டார்கள். எனவே, மக்களின் அரசியல் செயல்பாடுகள் என்பது மாறுபட்டதாகத்தான் இனிமேல் இருக்கும். மாற வேண்டியது நம் கட்சிகளும், அவற்றின் அரசியலும்தான்.

க. பழனித்துரை

நன்றி தினமணி

இலங்கைத் தமிழர் இன்னல் தீர்க்க இயக்கம். இனியொரு தாமதம் என்றுமில்லை

கடந்த ஜூலை மாதம் 30ம்தேதி சென்னையில் நடைபெற்ற மார்க்சிஸ்ட் கட்சியின் மாநாட்டில் இலங்கைத் தமிழர் தேசிய கூட்டமைப்பின் தலைவர் சுரேஷ் பிரேமச்சந்திரன் பேசும் பொழுது, இந்த மாநாட்டில் எனக்கு பேசுகின்ற வாய்ப்பு கிடைத்ததை “நான் ஒரு வரப்பிரசாதமாகவே கருதுகிறேன்’’ என்றார். அதற்கான விளக்க மாக அவர் சொன்னது “ஒரு அகில இந்திய கட்சி என்ற முறையில் மார்க்சிஸ்ட் கட்சி குரல் கொடுத்தால் அது நாடு முழுவதும் எதிரொலிக்கும். நாட்டு மக்கள் கவனத்தை மட்டுமல்ல, நாடாளுமன்றத்தின் கவனத் தையும் ஈர்க்கும்” என்றார்.

அதுமட்டுமல்ல, இலங்கைத் தமிழர் விசயத்தில் அரசியல் தீர்வுக்கு மார்க்சிஸ்ட் கட்சி சொல்வதைத்தான் நாங்கள் இலங் கையில் சொல்கிறோம் என்றார்.

1964ல் இலங்கை பிரதமர் சிரிமாவோ பண்டார நாயகா, இந்திய பிரதமர் லால் பகதூர் சாஸ்திரி ஆகியோர் ஒப்பந்தத்தின் மூலம் இலங்கையிலிருந்து இந்தியாவிற்கு அகதி களாக லட்சக்கணக்கானோர் அனுப்பி வைக் கப்பட்டார்கள். அன்றைய இந்திய சூழ்நிலை யில் இங்கே வந்த அந்த அகதிகளுடைய வாழ்க்கை உருட்டிவிடப்பட்ட பந்தை போல எங்கெங்கோ உருண்டு ஓடியது. கிட்டத்தட்ட அரை நூற்றாண்டு காலத்தை நெருங்கிவிட்ட சூழலில், அவர்களுக்கு தாங்கள் அகதிகளாக வந்தவர்கள் என்பது மறந்து போயிருக்கும். வாழ்க்கைக்கான அன்றாட போராட்டம், நேற்றைய வாழ்க்கை நிகழ்வுகளை கூட அசைபோட முடியாத அளவுக்கு அலைக் கழிக்க கூடிய இன்றைய சூழலில் அரை நூற்றாண்டு பிரச்சனைக்கு ஏது நேரம்?

இந்த வலியை சம்பந்தப்பட்டவர்கள் மறந் தாலும், இந்த பிரச்சனையின் மீது அக்கறை உள்ளவர்கள் அவ்வளவு எளிதாக மறக்க மாட்டார்கள். சமீபத்தில் வெளிவந்த கொற்கை என்ற நாவலில் அதன் ஆசிரியர் ஜோடி குரூஸ் இதை மிக அழகாக கையாண் டிருப்பார். இலங்கை அகதிகள் பிரச்சனை பற்றி சொல்ல வரும் நிலையில், அவர் களுக்கென்ன, சட்டையில் ஒரு ரோஜா பூவை குத்திவிட்டால் போதும். அதன் அழ கைப் பார்த்துக் கொண்டிருப்பார்கள். அதுபோல, அங்கேயிருக்கும் ஆட்சியாளர்கள் இவர்களுக்கு ரோஜா பூவை குத்திவிட்டி ருப்பார்கள் என்று குறிப்பிட்டிருப்பார்.

அதாவது, சிரிமாவோவும், நேருவும் நடத்திய பேச்சுவார்த்தையைத் தான் அவர் இப்போது அப்படி குறிப்பிடுகிறார். இப்படி, இலங்கை சுதந்திரம் வாங்கிய 1948லிருந்து சிறு பொறி நெருப்பாய் கிளம்பிய இலங்கைத் தமிழர் பிரச்சனை என்பது ஊழித்தீயாய் மாறி உலகமெங்கும் இருக்கக்கூடிய அரசியல் இயக்கங்களையும், நல்லெண்ணம் கொண் டோரையும் மனம் பதைபதைக்க வைத் திருக்கிறது.

1983ல் கிளம்பிய இப்பிரச்சனை மிகப் பெரிய அரசியல் வன்முறை, கலவரங்களில் முடிந்தது. தமிழ்நாடு ஏறத்தாழ ஓராண்டு காலத்திற்கு மேல் இதே பிரச்சனையில் அன் றாடம் ஏதேனும் ஒரு இடத்தில் இயக்கத்தை கண்டுகொண்டே இருந்தது. அன்றைக்கு இப்பிரச்சனைக்காக சட்டமன்ற உறுப்பினர் பதவியையே துறந்தோம் என்று சொல்லி பெருமைப்பட்டுக் கொண்டவர்கள், கடைசி யில் தேர்தல் நேரத்தில் காலை 10 மணிக்கு துவங்கிய உண்ணாவிரதத்தை அடுத்த 2 மணி நேரத்தில் முடித்துக்கொண்டு, எல்லாம் முடிந்துவிட்டது என்று சொல்லிய காட்சி களையும் பார்த்தோம்.

எல்டிடிஇ என்ற அமைப்பு இலங்கை யில் நடைபெற்ற யுத்தத்திலிருந்து அறவே துடைத்தெறியப்பட்டு 2 வருடமான நிலை யில் அந்த யுத்தத்தை சொல்லியே இலங்கை யில் இருக்கக்கூடிய அப்பாவி மக்களை கொல்லாமல் கொன்று கொண்டிருக்கிறது ராஜபக்ஷே அரசு.

பிடித்துச் செல்லப்பட்ட இளைஞர்களை விடுவிக்கவில்லை. இதேபோல் பிடித்துச் செல்லப்பட்ட குடும்பத் தலைவர்களும் வீடு வந்து சேரவில்லை. இதற்கு மேல் பலியான இளைஞர்களும், குடும்பத் தலைவர்களும் ஏராளம் உண்டு. ஆகமொத்தத்தில், வீட்டில் ஆண்கள் இல்லாமல் வெறும் பெண்களை மட்டுமே கொண்டதாக ஆயிரக்கணக்கான குடும்பங்கள் அல்லல்பட்டுக் கொண்டிருக் கின்றன.

கட்டிய கணவன் இல்லையெனில் மனைவி என்பவள் விதவைதானே. எனவே, விதவைகள் எண்ணிக்கை அங்கு பெருத்துப் போயிருக்கிறது என்பது சொல்லித்தீர வேண்டிய சோகச்சித்திரம்.

அகதிகள் முகாமில் உள்ள பல்லாயிரக் கணக்கானோருக்கு ஒவ்வொரு முகாமிலும் 2 அல்லது 3 கழிப்பறைகளே உள்ளன என்று நேரில் பார்த்தோர்கள் சொல்லும் பொழுது, அந்த முகாமின் சுகாதாரம் எவ்வளவு கேடா னது என்பதை நாம் புரிந்து கொள்வதற்கு இன்னொரு புத்தி தேவையில்லை.

எல்டிடிஇ-யுடன் நடந்த யுத்தத்தை யொட்டி வீடிழந்த லட்சக்கணக்கானோருக்கு இன்னும் வீடுகட்டும் பணிகளே துவங்க வில்லை என்பது மிகப்பெரிய சோகம்.

“எலி வளையானாலும் தனி வளை வேண்டும்’’ என்பது வீட்டின் அவசியத் திற்காக சொல்லப்பட்ட முதுமொழி.

இருந்த வீட்டையும் யுத்தத்தில் இழந்து விட்டு அனாதையாக நிற்கும் தமிழர்களின் நிலை எப்படி இருக்கும் என்பதை இதற்கு மேல் விவரிக்க தேவையில்லை.

யுத்தத்தின் இறுதி நிலை என்பது சுடு காடே என்பதற்கு இன்றைக்கு இலங்கைத் தமிழர்கள் வாழ்ந்த பகுதி என்பது கண் கொண்ட காட்சியாக நிற்கிறது. எல்டிடிஇ மீது கொண்ட குரூர கண்களோடேயே அப்பாவி தமிழ் மக்களையும் ராஜபக்ஷே அரசு பார்ப்பது “காமாலை கண்ணுக்கு காண்பதெல்லாம் மஞ்சள்” என்பதையே நமக்கு நினைவு படுத்துகிறது.

ஒரு நாட்டில் குடிமக்கள் வாழும் அனைத்து இடங்களிலும் ராணுவம் தான் அனைத்தையும் தீர்மானிக்கும். சர்வமும் ராணுவமயம் என்றால் சாதாரண பிரஜைகள் சகஜமாக வாழ முடியுமா?

எனவே, சாதாரண குடிமக்கள் வாழு மிடங்களில் இருக்கக்கூடிய இராணுவம் உடனடியாக விலக்கப்பட வேண்டும். காவல் துறை வசம் அதற்குண்டான பொறுப்புக்கள் ஒப்படைக்கப்பட வேண்டும் என்பது மிக முக்கியமானதொரு கோரிக்கையாகும்.

இலங்கைத் தமிழர் பிரச்சனைக்கு தீர்வு காண வேண்டியது ராஜபக்ஷே அரசின் முதற்பெரும் கடமை என்பதில் இரண்டு கருத்துக்கு இடமில்லை. ஆனால், அதை வசதியாக மறந்துவிட்ட நிலையிலிருக்கும் ராஜபக்ஷேவுக்கு அதை நினைவுபடுத்த வேண்டிய கடமையும், கட்டாயமும் இந்திய அரசுக்கு உண்டு.

ஏனெனில் அங்கே அல்லலுறும், அவதிப்படும் தமிழர்கள் இங்குள்ள தமிழர்களின் தொப்புள்கொடி உறவுகள், வம்சாவழிகள், வாழையடி வாழைகள்.

எனவேதான் இந்திய அரசினுடைய கவனத்தை இதில் ஈர்ப்பதற்காகவும், நடந்த போர்க்குற்றங்களுக்கு நியாயம் கிடைக்க வலியுறுத்தியும், இனியாவது தன் நாட்டு குடிமக்களுக்கு ஆற்ற வேண்டிய கடமையை பாரபட்சமின்றி ஆற்ற வேண்டுமென்பதை ராஜபக்ஷேவுக்கு எடுத்துக்காட்டும் விதத் தில் மார்க்சிஸ்ட் கம்யூனிஸ்ட் கட்சி ஆகஸ்ட் 9ம்தேதி தமிழகம் முழுவதும் லட்சக்கணக் கானோரை திரட்டி பெருந்திரள் கண்டன ஆர்ப்பாட்டங்களை நடத்தவிருக்கிறது.

அடுத்தக்கட்டமாக நாடாளுமன்றத்தின் உள்ளேயும், வெளியேயும் இதற்கான குரல்கள் இந்திய மொழிகள் அனைத்திலுமாக ஓங்கி ஒலிக்கவிருக்கிறது. வெறும் உணர்ச்சிக்கு மட்டும் இடம்தராது, உள்ளார்ந்த உணர்வுகளை வெளிப்படுத்தும் அறிவார்ந்த சிந்த னையோடு நடைபெறவுள்ள இந்த ஆர்ப் பாட்டத்தில் இலங்கைத் தமிழர் வாழ்வுரிமை மீது பற்று கொண்ட அனைவரும் பங்கேற்று சிறப்பிக்க வேண்டியது அவர்தம் தலையாய கடமையாகும்.

ஜூலை 30ம்தேதி நடைபெற்ற இலங்கைத் தமிழர் வாழ்வுரிமை மாநாட்டில் நிறை வேற்றப்பட்ட தீர்மானத்தின் முழக்கங்கள் தமிழகத்தின் மூலைமுடுக்கெல்லாம் ஒலிக்கும் விதத்தில் அலைகடலென ஆர்ப்பரித்து அனைவரும் சந்திப்போம் ஓரிடத்து.

அணிதிரண்டு வருக! வருக!!

இரா.ஜோதிராம்

திசைதிருப்ப முயன்ற திமுக பொதுக்குழு கூட்டம்

கோவையில் கூடிய திமுக பொதுக் குழு கூட்டத்தின் தீர்மானங்கள், அக்கூட் டத்தில் திமுக தலைவர் கருணாநிதி ஆற்றிய உரை, செய்தியாளர்களுக்கு அவர் அளித்த பேட்டி ஆகியவற்றைப் பார்க்கும் போது, திமுக திசை தெரியாமல் தவிக் கிறதா? அல்லது திசை திருப்ப முயல்கிறதா? என்ற கேள்வி எழுகிறது.

இக்கூட்டத்தில் 25 தீர்மானங்கள் நிறை வேற்றப்பட்டுள்ளன. கச்சத்தீவை மீட்க மத்திய அரசு முயற்சிகளை மேற்கொள்ள வேண்டும்; மத்திய அரசு உடனடியாக டீசல், பெட்ரோல், கேஸ், மண்ணெண்ணெய் ஆகியவற்றின் விலையைக் குறைக்க வேண்டும்; தமிழ் உள்ளிட்ட மாநில ஆட்சி மொழிகளை மத்திய ஆட்சிமொழியாக, உயர்நீதிமன்ற மொழியாக மாற்ற வேண்டும்; மத்திய- மாநில உறவுகளை சீரமைக்க வேண்டும் என்பன உள்ளிட்ட தீர்மானங்கள் நிறைவேற்றப்பட்டுள்ளன.

பாஜக தலைமையிலான தேசிய ஜன நாயக கூட்டணி துவங்கி, காங்கிரஸ் தலை மையிலான ஐக்கிய முற்போக்குக் கூட் டணி அரசுகள் வரை, தொடர்ந்து திமுக மத் திய அரசில் அங்கம் வகித்து வருகிறது.

பெட்ரோல்- டீசல் விலையை வாஜ்பாய் அரசு துவங்கி மன்மோகன் அரசு வரை மத்திய அரசு உயர்த்திய போதெல்லாம், மத்திய அமைச்சரவையில் அதற்கு தலையாட்டியே வந்துள்ளது திமுக! “நான் கஷ் டத்தைச் சொன்னேன்; அவர்கள் நஷ்டத்தைச் சொன்னார்கள்” என்று விலை உயர்வை நியாயப்படுத்தவும் திமுக தலை வர் தயங்கியதில்லை. இப்போதும்கூட திமுக, மத்திய அரசில் அங்கம் வகிக்கிறது. கேபினட் கூட்டங்களில் திமுக பெட்ரோ லியப் பொருட்களின் விலை உயர்வை எதிர்த்ததுண்டா?

மத்திய ஆட்சிமொழியாக, உயர்நீதி மன்ற மொழியாக தமிழை மாற்ற மத்திய அரசில் அங்கம் வகிக்கும் கட்சி என்ற அடிப்படையில் திமுக எடுத்த நடவடிக்கை என்ன?

கல்வித்துறை உட்பட அனைத்துத் துறைகளிலும், மாநிலங்களின் அதிகாரங் கள் தொடர்ச்சியாக பறிக்கப்பட்டே வருகின்றன; மத்திய அரசில் அங்கம் வகிக்கும் திமுக, இதைத் தடுக்க எடுத்த நடவடிக்கை என்ன?

இப்போது, திமுக பொதுக்குழுவில் நிறைவேற்றப்பட்டுள்ள மத்திய அரசு தொடர்பான தீர்மானங்கள் யாருக்காக, யாரை நோக்கி போடப்படுகின்றன என்பது பெரும் புதிர்!

திமுகவைச் சேர்ந்த மத்திய அமைச்சர் ஆ.ராசா கைது; மாநிலங்களவை உறுப்பினர் கனிமொழி கைது; அமைச்சர் தயாநிதி மாறன் ராஜினாமா என தொடர்ச்சியாக நடந்துவரும் பின்னணியில், காங்கிரஸ் கட்சியைக் குறைகூற திமுகவினால் முடிய வில்லை. கனிமொழிக்கு ஜாமீன் கிடைக்க விடாமல் செய்வது மத்திய புலனாய்வுத் துறையில் உள்ள சிலரின் உள்நோக்கம் தான் என்று திமுக தலைவர் குற்றம் சாட்டி யுள்ளார்.

ஆனால் அக்கட்சியின் கொள்கை பரப்புச் செயலாளர் ஆ.ராசா, உச்சநீதிமன் றத்தில் வாதிடுகையில், ஸ்பெக்ட்ரம் முறை கேடு தொடர்பான அனைத்து முடிவுகளும் பிரதமர் மன்மோகன் சிங்குக்கும் முந்தைய நிதியமைச்சர் ப.சிதம்பரத்திற்கும் தெரிந்தே எடுக்கப்பட்டது என்று ஒரே போடாகப் போட்டுள்ளார். இது ஆ.ராசாவின் சொந்தக் கருத்து என்று திமுக தலைமை உடனடி யாக மறுக்கிறது.

அப்படியென்றால், “ஸ்பெக்ட்ரம் ஊழலை ஒரு நபர் தனியாக செய்திருக்க முடியாது...” என்ற கருணாநிதியின் முந் தைய கருத்து என்னவாயிற்று?

உச்சநீதிமன்றத்தின் நேரடிக் கண்காணிப்பில் ஸ்பெக்ட்ரம் ஊழல் வழக்கு விசாரணை நடைபெறுவதால்தான் சிபிஐ ஓரளவு நடவடிக்கை எடுத்து வருகிறது; ஆ. ராசா, கனிமொழி, தயாநிதிமாறன் ஆகி யோர் குற்றமற்றவர்கள் என்று காங்கிரஸ் கட்சியினர் ஒருபோதும் கூறவில்லை; மாறாக “சட்டம் தன் கடமையைச் செய் கிறது” என்றுதான் கூறி வருகின்றனர்.

காங்கிரஸ் கட்சி மீது திமுகவினால் கோபத்தைக் காட்ட முடியாத நிலையில், சிபிஐ மீது பாய்கிறது திமுக! இதை அரசி யல் பழிவாங்கும் நடவடிக்கை என்று திமுக வினால் கூறமுடியவில்லை.

ஆனால், தமிழகத்தில், திமுகவினர் மீது தொடுக்கப்பட்டு வருகிற நிலப்பறிப்பு புகார்கள் மீதான வழக்குகளை மட்டும்,, அதிமுக அரசின் பழிவாங்கும் நடவடிக்கை என்று திமுக தீர்மானம் கூறுகிறது. ஏனிந்த இரட்டை நிலை...?

2006-ஆம் ஆண்டிற்கு முன்பிருந்தே நிலப்பறிப்பு புகார்களை விசாரிக்க வேண் டும் என்று திமுக பொதுக்குழு கூறுகிறது; இப்போது வீரபாண்டி ஆறுமுகம் உட்பட எழுந்துள்ள நிலப்பறிப்பு விவகாரங்கள் அனைத்தும், திமுக ஆட்சியில் நடந்தவை தான்; அதைத் தடுக்க முந்தைய திமுக அரசு எடுத்த நடவடிக்கை என்ன?

குறிப்பாக வீரபாண்டி ஆறுமுகத்தால் நிலத்தை இழந்த அங்கம்மாள் காலனி பொதுமக்களைத் திரட்டி மார்க்சிஸ்ட் கம்யூ னிஸ்ட் கட்சி போராடியது; அந்த புகார் மீது வழக்குப் பதிவு செய்யக்கூட முந்தைய திமுக அரசு தயாராக இல்லை!

“திமுகவை நிலைகுலையச் செய்யும் ஆற்றல் வெற்றி- தோல்விகளுக்குக் கிடை யாது” என்று திமுக தலைவர் கருணாநிதி பேசியுள்ளார். திமுக கூட்டணிக்கு வாக் களித்த 1 கோடியே 45 லட்சம் பேருக்கு நன் றியும் தெரிவிக்கப்பட்டுள்ளது; ஆனால் தன்னுடைய ஆட்சிக்கால குடும்ப ஆதிக் கம், பொருளாதாரச் சீர்கேடு உள்ளிட்ட பிரச் சனைகள் குறித்து, குறைந்தபட்ச சுயமதிப் பீட்டிற்குக் கூட திமுக தயாராக இல்லை என்பதையே அக்கட்சியின் பொதுக்குழு கூட்ட நிகழ்வுகள் காட்டுகின்றன.

“திமுகவுக்கு, காங்கிரஸ் மீது எந்த அதிருப்தியும் இல்லை” என்று சமாளித்தா லும் திமுக- காங்கிரஸ் கூட்டணி மீது மக் களின் அதிருப்தியே தேர்தல் முடிவு என் பதை திமுக மறைக்க முயல்கிறது; மொத்தத் தில் பொதுக்குழு, அந்த கட்சிக்குள் பிரச் சனைகள் முற்றி வருகின்றன என்பதையே காட்டுகின்றன.

டி.கே.ரங்கராஜன் எம்.பி.,

இவை திமுகவின் அரூப லீலைகளே!

திராவிட முன்னேற்றக் கழகத்தின் அதிகாரப்பூர்வ நாளேடான முரசொலியில்(22.7.2011) “அல்லல் நீங்கும்; தொல்லை குறையும்!” என்ற தலைப்பில் அக்கட்சியின் தலைவரும், முன்னாள் முதல்வருமான கருணாநிதி தனது உடன்பிறப்புகளுக்கு எழுதியுள்ள கடிதம் வெளியாகியுள்ளது.

“ஆரம்பமாகிவிட்டன அரூபத்தின் லீலைகள்” என்று துவங்கும் இந்தக் கடிதத்தில் “அராஜகத்தை தன்னுடைய ஆபரணமாகவும் - அடக்குமுறையை தனது போர் வாளாகவும் - ‘இம்’ என்றால் சிறைவாசம் - ‘ஏன்’ என்றால் வனவாசம் என்ற ஜார் மன்னனின் இரக்கமற்ற கூச்சலை இசைப்பாடலாகவும் ஆக்கிக் கொண்டு -...” என்று தற்
போதைய அரசை வர்ணித்துக் கொண்டு செல்கிறார் திமுக தலைவர்.

அரூபத்தின் லீலைகளாக அவர் சித்தரிப்பதற்கு ஆதாரமாக பல புகைப்படங்களையும் வண்ணமயமாகப் பிரசுரித்திருக்கிறார்கள். “தெரிகிறது வெளிச்சம் - அதை நோக்கி விரைந்து நடந்து வாருங்கள்” என்று தனது கடிதத்தில் அவர் அழைப்பு விடுத்திருப்பதால்தானோ என்னவோ, அவசர கோலத்தில் திமுக ஆடிய கோர நர்த்தனப் படங்களை எடுத்துப் பிரசுரித்து விட்டார்கள்.

உத்தப்புரத்தில் நிழற்குடை, ஆலய வழிபாடு உள்ளிட்ட பல்வேறு பிரச்சனைகளைத் தனது ஆட்சிக்காலத்தில் தீர்க்காமலேயே சென்றது திமுக அரசு. அதோடு நில்லாமல், இந்தக் கோரிக்கைகளை வலியுறுத்தி மதுரை மாவட்ட ஆட்சியர் அலுவலகம் முன்பாக மார்க்சிஸ்ட் கம்யூனிஸ்ட் கட்சியின் மாநிலங்களவை உறுப்பினர் டி.கே.ரங்கராஜன் மற்றும் தமிழ்நாடு தீண்டாமை ஒழிப்பு முன்னணியின் மாநிலத்தலைவர் பி.சம்பத் ஆகியோர் தலைமையில் ஆர்ப்பாட்டம் நடந்தது. அந்த ஆர்ப்பாட்டத்தைக் குலைக்க காவல்துறையை ஏவிவிட்டது திமுக அரசு.

அப்போது நடந்த வெறியாட்டக்காட்சிகளில் இரண்டைத்தான் இப்போது முரசொலி எடுத்துப் போட்டு, தனது ஆட்சியில் நடந்த வன்முறைக்கு சாட்சியாக வந்து நிற்கிறது. சொல்லப்போனால், திமுக தலைவர் சொல்லும், “முடிந்தால், தணலில் வேண்டுமானாலும் போட்டுப் பொசுக்குவேன் - என்று ஆங்காரக் கூச்சலிட்டு - ஓங்கார முழக்கம் செய்து -...” என்றெல்லாம் தற்போதைய அரசைப் பற்றி வைக்கும் விமர்சனங்களுக்கு சாட்சியாக வைப்பதாக நினைத்துக் கொண்டு, தனது ஆட்சியின் அவலங்களை மீண்டும் மக்களுக்கு நினைவூட்டி உள்ளனர். அவர்கள் பிரசுரித்துள்ள படங்களில் கிட்டத்தட்ட அனைத்துமே திமுக ஆட்சிக்காலத்தில் நிகழ்ந்த சம்பவங்களாகவே உள்ளன.

 தாக்கப்ப்பட்டு வீழ்ந்த தீண்டாமை ஒழிப்பு முன்னணித் தலைவர் சம்பத் இழுத்துச் செல்லப்படுதல்

எம்.எல்.ஏ நன்மாறன் இழுத்துச் செல்லப்படுதல்

டி.கே ரெங்கராஜன் எம்.பியை இழுத்துச் செல்லுத்ல்

மக்களின் “அல்லல்” நீங்கி, திமுகவினரின் “தொல்லை” குறைந்திருப்பதுதான் தற்போதைய அரசியல் நிலை. இந்நிலையில் தங்கள் கட்சிக்காரர்களை உசுப்பி விடுவதற்காக சொந்த ஆட்சியையே காட்டிக் கொடுக்கும் வகையில்தான் முரசொலியின் படங்கள் அமைந்துள்ளன.

திமுக தலைவரின் இக்கடித பாணியிலேயே சொல்வதென்றால்,ஆருயிர் உடன்பிறப்புகளே அதோ தெரிகிறது வெளிச்சம் அதை நோக்கி விரைந்து நடந்து வாருங்கள் முரசொலி படியுங்கள் இதுதான் நமது அரசை சுட்டெரித்தமாற்ற நெருப்பின் பொறிகள்...

லோக்பால்: மார்க்சிஸ்ட் கட்சி நிலைபாடு

அறிமுகம்

கடந்த சில ஆண்டுகளாக அம்பல மாகிவரும் மோசடிகளால் ஊழல் என்பது மக்கள் மத்தியில் கவலைப்படும் விஷய மாக உருவாகியுள்ளது. கோடிக்கணக் கான மக்கள் கொடும் வறுமை, பட்டினி மற்றும் சமூகப் பொருளாதார வாய்ப்புகள் இல்லாமை ஆகியவற்றால் துயருற்றிருக்கும் நிலையில் உள்ள இந்தியா போன்ற நாட்டில், ஊழல் மூலம் மக்கள் பணத்தைக் கொள்ளையடிக்கும் குற்றம் மிகவும் கடுமையானதாகும். பொருளாதார வளர்ச்சி குறைந்துவரும் வேளையில், ஊழல் மூலம் செல்வத்தைக் குவிப்பது சமச்சீரற்ற நிலையை விரிவுபடுத்துவ தோடு, சமூகத்தின் ஒழுக்கக் கட்டமைப் பைத் தகர்க்கவும் செய்கிறது.

அண்மையில் அம்பலப்படுத்தப்பட்ட 2ஜி அலைக்கற்றை வழக்கு, காமன் வெல்த் மோசடி ஆகியவை, மக்கள் பணத்திலிருந்து ஆயிரக்கணக்கான கோடி ரூபாய்களை பெரும்நிறுவனங்கள், அதிகாரிகள் மற்றும் அமைச்சர்களில் ஒருபகுதியினர் சட்டவிரோதமாகக் கைப்பற்றிக் கொண்டதைக் காட்டின. இதைவிட மோசம் என்னவென்றால், நீதி கிடைப்பதைத் தடுக்கும் வகையில், குற்றம் சாட்டப்பட்டவர்கள் அமைச்சர் பதவியில் மாதக்கணக்கில் நீடிக்க அனு மதித்ததோடு, விசாரணைகளை தடம் புரளச் செய்யவும் வாய்ப்பளிக்கப்பட்டது. உயர்மட்டங்களில் ஊழல் என்பது பல ஆண்டுகளாக நமது அரசியல் அமைப் பில் இருக்கும் அம்சம்தான் என்றாலும், அரசின் உயர்மட்டங்களில் கொள்கை முடிவு எடுக்கும் நடைமுறையை மீறு வது தாராளமயக் காலகட்டத்தின் போக் காக உருவெடுத்துள்ளது. பெரும்முதலாளிகள், அரசியல்வாதிகள் மற்றும் அதிகாரிகள் ஆகியோருக்கு இடையி லான கூட்டு பெரிதாக உருவெடுத்து, ஜன நாயகத்தையே முடக்கும் அளவுக்கு மிரட்டி வருகிறது. தற்போதைய பொருளா தார ஆட்சிமுறை நமது அமைப்பை, குற்றங்களுக்கும் வேண்டியவர்களுக்கு ஆதாயம் செய்யும் மோசடித்தனத்திற்கும் சாதகமாக மாற்றியுள்ளது.

ஊழலுக்கு எதிரான போராட்டம், இன் றைய தினத்தில் மிகவும் வலுவாக இருக்க வேண்டியுள்ளது. இதை, நமது அரசியல், சட்ட, நிர்வாக மற்றும் நீதித் துறைகளில் ஒரு சில இடைக்கால ஏற் பாடுகளைச் செய்வதன் மூலம் மட்டுமே சாதித்துவிட முடியும் என்று எண்ண முடியாது; மாறாக ஒருங்கிணைந்த சீர் திருத்த நடவடிக்கைகளை செய்வதன் மூலமே சாதிக்க முடியும். லோக்பால் என்ற அமைப்பை உருவாக்கு வது அத் தகைய நடவடிக்கைகளில் ஒன்றாகும். இதற்குத் துணையாக மற்ற நடவடிக்கை களும் எடுக்கப்பட வேண்டும். குடிமக்க ளின் குறைதீர்க்கும் அமைப்பு ஒன்று சட்டரீதியாக உருவாக்கப்பட வேண்டும். நீதித்துறையின் உயர்மட்டத்தை மேற் பார்வை செய்ய தேசிய நீதித்துறை ஆணையம் அமைக்கப்பட வேண்டும். ஊழலுக்கு வழிவகுக்கும் மற்றொரு செய லான தேர்தலில் பணபலத்தைப் பயன் படுத்துவதைத் தடுக்கும் வகையில் தேர்தல் சீர்திருத்தங்கள் அவசியம். வரி கட்டாமல் இருந்து கொள்ளும் வசதி யுள்ள இடங்கள் மற்றும் வெளிநாடுக ளில் உள்ள வங்கிகள் ஆகியவற்றில் கொட்டி வைக்கப்பட்டுள்ள கருப்புப் பணத்தை வெளிக்கொணரவும், வரி வசூலில் உள்ள ஓட்டைகளை அடைக் கவும் சீர்திருத்த நடவடிக்கைகளை அவசரமாகக் கொண்டு வர வேண்டும். பெரு முதலாளிகள்-அரசியல்வாதிகள்-அதிகாரிகளின் கூட்டை உடைக்க உறுதியான நடவடிக்கைகள் எடுக்கப்பட வேண்டும். அமைப்பு ரீதியாக முழுமை யாக மேற்கொள்ளப்படும் சீர்திருத்தமே ஊழலை வலுவாகத் தடுக்க முடியும்.

லோக்பால் மசோதா

உலகின் பல நாடுகளில் இருக்கும் ‘விசாரணை அதிகாரி’ என்ற அமைப்பை உருவாக்கும் பணி, ஊழல் மற்றும் அரசுப் பதவியைத் தவறாக பயன்படுத்துவது ஆகியவை குறித்த மக்களின் குறை களைத் தீர்க்க வாய்ப்பளித்துள்ளது. ஆனால், கடந்த நாற்பதாண்டுகளாக லோக்பால் மசோதா இந்திய நாடாளு மன்றத்தில் நிறைவேற்றப்படாமல் உள்ளது என்பது, ஊழலை ஒழிக்க போதிய அரசியல் உறுதி இல்லாததையே காட்டுகிறது. கடந்த காலத்தில் பல்வேறு அரசுகள் இந்த விஷயத்தைக் கையில் எடுத்துவிட்டு, பின்னர் பல காரணங் களைச் சொல்லிக் கிடப்பில் போட்டு விட்டன. தொடர்ந்து அம்பலமாகியுள்ள மோசடிகளால் மக்கள் மத்தியில் கடும் அதிருப்தி எழுந்துள்ளது. இதனால் தற்போதைய அரசும் இந்த மசோதா குறித்த விவாதத்தை துவக்க வேண்டிய நிர்ப்பந்தம் ஏற்பட்டுள்ளது. உயர்மட்டங் களில் நடக்கும் ஊழலை விசாரிக்க லோக்பால் மசோதாவை வரும் நாடாளு மன்றக்கூட்டத்தொடரில் தாக்கல் செய்ய வேண்டியது அவசியமானதாகும்.

லோக்பால் என்பதன் பங்கு மற்றும் அதன் செயல்பாடு எப்படிப்பட்டதாக இருக்க வேண்டும் என்பது பற்றிய விவாதம் நடைபெற்றுக் கொண்டிருக்கும் வேளையில், லோக்பாலை அமைப்பது குறித்து தனது நிலைபாட்டைத் தெளிவு படுத்த மார்க்சிஸ்ட் கம்யூனிஸ்ட் கட்சி விரும்புகிறது.

ஊழல் என்பதன் விளக்கம்

லஞ்சம், சில்லரைக் குற்றங்களை ஊக்குவித்தல், சுயநலத்திற்காக சலுகை கள், வேண்டியவர்களுக்கு தாராளம், தேர் தல் முறைகேடு, கையாடல், அதிகாரி களுக்கு லஞ்சப்பணம் மற்றும் திட்டமிட்ட குற்றங்களில் பங்கேற்பு என்று பல்வேறு வகையான நடவடிக்கைகள் ஊழல் என்று அழைக்கப்படுகிறது.

1988 ஆம் ஆண்டில் கொண்டு வரப் பட்ட ஊழல் தடுப்புச்சட்டம், ஊழல் நட வடிக்கைகளுக்குள் வரும் குற்றங்கள் எவை என்பதை வரையறுத்துள்ளது. இது மேலும் விரிவாக்கப்பட வேண்டியிருக் கிறது. தனிப்பட்ட லாபத்துக்கு அல்லது வளப்படுத்திக் கொள்வதற்கு அரசு அதிகாரத்தைப் பயன்படுத்துவதற்கான தொடர்பு என்பது, ஊழல் பற்றிய மிகவும் குறுகிய வரம்புக்குட்பட்ட புரிதலாகவே உள்ளது. பல வழக்குகளில், தனியார் நிறுவனத்தின் லாபத்திற்காக அதிகாரம் தவறாகப் பயன்படுத்தப்படுகிறது. ஊழல் தடுப்புச் சட்டத்தின்படி ஒரு நபராக அந்த நிறுவனம் கருதப்பட மாட்டாது. பல சமயங்களில் லஞ்சம் மற்றும் கையாடல் களைக் கண்டுபிடிக்க முடியாமலேயே போயிருக் கும். ஆனால், அரசுக்கு பெரும் இழப்பு ஏற்பட்டிருக்கும். மக்களின் நம்பிக் கை தவறாகப் பயன்படுத்தப்பட்டிருக் கும். எடுத்துக்காட்டாக, தெரிந்தே அதி காரத்தைத் தவறாகப் பயன்படுத்தி பொதுத் துறை நிறுவனங்களை விற்கின்றனர்.

ஊழல் என்பதன் விளக்கம் மேலும் விரிவாக்கப்பட வேண்டும். “தெரிந்தே, நியாயமில்லாத லாபத்தை ஒரு நப ருக்கோ அல்லது நிறுவனத்திற்கோ தரு வது அல்லது சட்டங்களை மீறி நியாய மில்லாத லாபத்தை எந்தவொரு அரசு ஊழியரிடமிருந்து பெறுவது” என்பதை யும் அதில் சேர்க்க வேண்டும்.

செயல்பாடுகள் பற்றிய தெளிவு

லோக்பால் என்பது அடிப்படையில் புகார்களைப் பெறுகிற, அதை விசாரிக் கிற, அதுகுறித்து சோதனை நடத்துகிற ஒரு உண்மை அறியும் குழுவாக இருக்க வேண்டும்; மேலும், ஒருஊழல் வழக்கில் பூர்வாங்க ஆதாரம்இருக்குமானால் அது குறித்து விசாரணை நடத்தவும், ஒரு குறிப் பிட்ட காலவரையறைக்குள் தண்டனை வழங்கவும் வகை செய்யும் விதத்தில் சிறப்பு நீதிமன்றங்களுக்கு அந்த வழக்கு களை அனுப்பிவைப்பது என்ற பணி யையும் செய்ய வேண்டும். தானாகவே முன் வந்து விசாரணைகளுக்கு பரிந் துரைக்கும் அதிகாரம் லோக்பாலுக்கு இருக்க வேண்டும். ஊழல் வழக்குகள் தொடர்பாக மத்தியில் உள்ள ஒட்டு மொத்த அரசு எந்திரத்தையும் லோக்பால் தான் மேற்பார்வை செய்ய வேண்டும். இறு தியாக, நிர்வாக ரீதியான நடவடிக்கைக ளுக்கு பரிந்துரைக்கும் அதிகாரம் இருக்க வேண்டும். அந்தப் பரிந்துரைகள் ஏற்றுக் கொள்ளப்படாவிட்டால், நீதிமன்றங் களை நாடுவதற்கான வாய்ப்பும் இருப்பது அவசியம். சுயேச்சையான, பொறுப்புடன் கூடிய வெளிப்படையான மற்றும் கால வரம்புக்குள் உள்ள செயல்பாடுகளைக் கொண்ட அமைப்பாக இயங்க, குறிப்பி டத்தக்க சட்ட அதிகாரங்களும், சுயாட்சி யும் கொண்டதாக லோக்பால் இருக்க வேண்டும்.

நாடாளுமன்றம், நிர்வாகம் மற்றும் நீதித் துறை ஆகியவற்றின் அதிகாரங்களை தனித்தனியாகப் பிரித்து வைத்திருப்பது அரசியல் சட்டத்தின் அடிப்படையான அம்சமாகும். லோக்பாலின் செயல்பாட் டில் ஒரு விஷயத்தைப் பரிசீலனை செய்ய வேண்டியுள்ளது. ஊழல் விவ காரத்தை இது கையாளுமா அல்லது குறைதீர்க்கும் பணியையும் சேர்த்து செய் யுமா என்பதுதான் அது. இந்த இரண்டு பணிகளையும் தனியாகப் பிரிக்க வேண் டும் என்று மார்க்சிஸ்ட் கம்யூ னிஸ்ட் கட்சி கருதுகிறது. குறைதீர்க்கும் பணிக்கு தனியான ஏற்பாடு இருக்க வேண்டும். தனியாக சட்டம் இயற்றி இதை அமைக்க வேண்டும். மக்கள் சாசனம் பற்றிய குடிமக்களின் குறைகள் போன்றவை இதன்கீழ் கொண்டுவரப்பட வேண்டும்.

தேர்வு மற்றும் லோக்பால் உறுப்பினர்கள்

லோக்பால் உறுப்பினர்களைத் தேர்வு செய்வதற்கான நடைமுறை தெளிவான தாகவும், திறமை, அனுபவம், தகுதி ஆகிய வற்றை அடிப்படையாகக் கொண்டு வெளிப்படையானதாகவும் லோக்பால் சட்டம் இருக்க வேண்டும். அரசு நிர்வா கத்தைச் சேர்ந்தவர்கள், நாடாளுமன்ற உறுப்பினர்கள், நீதித்துறையின் உயர்மட் டத்தில் உள்ளவர்கள், நீதிபதிகள் மற்றும் கல்வியாளர்கள் ஆகியோரைக் கொண்ட விரிவான ஒன்றாக தேர்வுக்குழு அமைய வேண்டும். தேர்வுக்குழு உறுப்பினர் களைப் பரிசீலனை செய்யும் குழுவும் விரிவானதாக இருக்க வேண்டும்.

லோக்பால் அமைப்பு : ஒரு தலைவர் மட்டுமின்றி, லோக்பாலில் பத்து உறுப் பினர்கள் இருக்க வேண்டும். இதில் நான்கு பேர் நீதித்துறையைச் சேர்ந்தவர் களாகவும், மூன்று பேர் நிர்வாகத்துறையி லிருந்தும் (அவர்களுக்கு மத்திய குடி யாண்மைத்துறை அனுபவப்பின்னணி இருக்க வேண்டும்), எஞ்சிய மூன்று பேர் சட்டம், கல்வி மற்றும் சமூகப்பணி ஆகிய துறைகளைச் சேர்ந்தவர்களாவும் இருக்க வேண்டும். அதில் அரசியல்வாதிக்கு இடம் இல்லை என்பதைப்போல வர்த்த கம் மற்றும் தொழில்துறையைச் சேர்ந் தவர் யாருக்கும் அதில் இடமளிக்கக் கூடாது.

நீதித்துறை

உயர்மட்டத்தில் உள்ள ஊழலைத் தடுக்க வேண்டும் என்பதற்கு முன்னு ரிமை அளிக்க வேண்டும் என்றாலும், சாதாரண குடிமகனைப் பொறுத்தவரை, அன்றாடம் சந்திக்கும் ஊழல் மற்றும் அரசு நிர்வாகத்தின் லஞ்ச லாவண்யம் ஆகியவற்றிற்கு எதிராக நடவடிக்கை எடுக்க வேண்டும் என்பதுதான் முக்கிய மானதாகும். இத்தகைய லஞ்ச லாவண் யத்தில் பெரும்பாலானவை மாநில அரசு அதிகார மட்டத்தில்தான் எதிர்கொள்ள வேண்டியுள்ளது. லோக்பாலைப் போல கொண்டுவரப்பட்ட லோக்ஆயுக்தாக் களின் கீழ் மாநில அரசு ஊழியர்கள், உள்ளாட்சி அமைப்புகள் மற்றும் மாநில அரசு நிறுவனங்கள் ஆகியவற்றை கொண்டு வர வேண்டும். மேலும், தனியாக கொண்டு வரப்பட வேண்டும் என்று எங்களால் வலியுறுத்தப்பட்டுள்ள குடிமக்கள் குறைதீர்ப்பு அமைப்பு, அனைத்து அடிப்படை சேவைகள் மற்றும் குடிமக்களின் உரிமைகள் குறித்த குறைகளைக் கவனத்தில் எடுத்துக் கொள்ள வேண்டும்.

அ) பிரதமர் : போதிய பாதுகாப்பு ஏற் பாடுகளோடு, லோக்பாலின் வரம்பிற்குள் பிரதமர் கொண்டுவரப்பட வேண்டும். அனைத்து பொது சேவை ஊழியர் களோடு பிரதமர் பதவியும், 1989 ஆம் ஆண்டில் வி.பி.சிங் தலைமையிலான அரசு பதவியிலிருந்தபோது லோக்பா லின் வரம்புக்குள் கொண்டுவரப்பட்டது. அதைத்தொடர்ந்து வந்த அனைத்து முன்மொழிவுகளிலும் பிரதமர் லோக் பாலின் கீழ் கொண்டு வரப்பட்டார். 2001 ஆம் ஆண்டு லோக்பால் மசோதாவை பரிசீலனை செய்யும்போது அப்போதைய நாடாளுமன்ற நிலைக்குழு தலைவராக இருந்த பிரணாப் முகர்ஜியே இதைக் குறிப்பிட்டார். 1989 ஆம் ஆண்டிலிருந்து முதன்முறையாக, ஏராளமான ஊழல் விவகாரங்களில் மூழ்கியுள்ள அரசு இந்த ஊழல்களுக்கு நாட்டின் உயர் நிர்வாக அலுவலகத்தை பொறுப்பேற்கச் செய்வதில் மறுப்பு தெரிவித்து வருகிறது. ஊழல் தடுப்புச் சட்டத்தின்கீழ் வரும் பிரதமர் உள்ளிட்டு மத்திய அரசின் அனைத்து ஊழியர்களும் லோக்பாலின் வரம்புக்குள் வர வேண்டும்.

ஆ) நீதித்துறை : நீதித்துறையும் சோதனைக்கு உட்படுத்தப்பட்டு, மேலும் பொறுப்புள்ளதாக மாற்றப்பட வேண்டும். முன் அனுமதி வேண்டும் என்கிற கடுமையான விதிமுறை மற்றும் முதல் தகவல் அறிக்கை(எப்.ஐ.ஆர்) பதிவு செய் வதற்கும், ஊழல் குற்றச்சாட்டுகளை விசாரிப்பதற்கும் முன்பாக தலைமை நீதிபதியின் ஒப்புதல் தேவை என்பது போன்றவை கிட்டத்தட்ட சட்டரீதியான பாதுகாப்பையே அளித்துள்ளன. ஆனால், அவர்களை லோக்பாலுக்குக் கீழ் கொண்டு வர வேண்டும் என்ற முன் மொழிவுகள் அரசியல் சட்டரீதியாக உச்ச நீதிமன்றத்திற்கு அளிக்கப்பட்டிருக்கும் சுதந்திரத்திற்கான உத்தரவாதத்தைப் பாதிக்கும் வகையில் உள்ளன. கெட்ட நோக்கத் துடன் செயல்படுகிறார் என்கிற வெறும் குற்றச்சாட்டைக் கொண்டு நீதிபதிகளின் செயல்பாடுகளை லோக் பால் விசாரிக்கத் துவங்கினால், எந்தவித அச்சமுமின்றி நீதிபதிகளால் நடந்து கொள்ள முடியாது.

உச்சநீதிமன்ற, உயர்நீதிமன்ற நீதிபதி கள் மீதான ஊழல் குற்றச்சாட்டுகள், தேசிய நீதித்துறை ஆணையம் என்கிற தனிப்பட்ட அமைப்பால் கையாளப்பட வேண்டும். நீதித்துறையின் உயர்மட்டத் திற்கு நபர்களைத் தேர்வு செய்யும் பணியை இந்த ஆணையம் மேற்கொள்ள வேண்டும். அவ்வாறு நியமிக்கப்படுப வர்களின் நடத்தை மற்றும் ஊழல் குற்றச்சாட்டுகள் குறித்து ஆணையம் விசாரிக்க வேண்டும். இதற்காக, தேவை யான சட்டத்தை நிறைவேற்ற வேண்டும். 2010 ஆம் ஆண்டில் கொண்டு வரப்பட்ட நீதித்துறையின் தரம் மற்றும் பொறுப்பு மசோதா, இந்த நோக்கத்தை நிறை வேற்றப் போதுமானதாக இல்லை.

இ) நாடாளுமன்ற உறுப்பினர்கள் : நாடாளுமன்ற உறுப்பினர்களின் ஊழல் நடவடிக்கைகள் குறித்த விசாரணைக் கான நடைமுறை, இப்போது பலவீன மானதாகவும், திருப்திகரமற்றதாகவும் இருக்கிறது. நாடாளுமன்ற உறுப் பினர்களைப் பொறுத்தவரை, அரசியல் சட்டத்தின் 105வது பிரிவு, வாக்குரிமை மற்றும் பேச்சுரிமை குறித்த பாதுகாப்பை அளிக்கிறது. உண்மையான பிரச்சனை என்னவென்றால், இந்த சுதந்திரமும், பாதுகாப்பும் நாடாளுமன்ற உறுப்பினர் களின் ஊழலுக்கு துணை போகாமல் பார்த்துக் கொள்ள வேண்டும் என்பது தான்.

அரசியல் சட்டச் செயல்பாட்டை பரி சீலனை செய்யும் தேசிய ஆணையம் பரிந் துரைத்துள்ளபடி, 105வது பிரிவைத் திருத் துவதன் மூலம் இதைச் செய்ய முடியும்.

மாற்றாக, வாய்ப்பு இருக்கும் பட்சத் தில், நாடாளுமன்ற உறுப்பினர்களின் நாடாளுமன்ற நடவடிக்கைகள் அவர்களின் ஊழலுக்குத் துணைபோகும் வகையில் அமைந்தால், ஊழல் தடுப்புச் சட்டம் மற் றும் இந்திய குற்றவியல் சட்டம் ஆகிய வற்றின் கீழ் கொண்டுவரப்பட வேண்டும்.

லோக் ஆயுக்தாக்கள்

மத்தியில் அமைக்கப்படும் லோக் பாலை மாதிரியாகக் கொண்டு மாநிலங் களில் லோக் ஆயுக்தாக்கள் அமைக்க வேண்டும்.

ஊழலை அம்பலப்படுத்துவோருக்கு பாதுகாப்பு

ஊழலை ஒழிக்க, அதை அம்பலப் படுத்துவோருக்கு பாதுகாப்பு தேவை. அவர்களைக் கண்காணிப்பது மற்றும் பாதுகாப்பை உத்தரவாதப்படுத்துவது ஆகியவை லோக்பாலின் வரம்புக்கு உட்பட்டதாக அமைய வேண்டும். ஆனால், இதற்கு முழுமையான சட்டரீதி யான ஒப்புதல் தேவை. 2010 ஆம் ஆண் டின் பொதுநலத் தகவல்கள் வெளியீடு (தகவல் பாதுகாப்பு)மசோதா பலப்படுத் தப்பட்டு, அது உடனடியாக சட்டமாக் கப்பட வேண்டும்.

பெரு முதலாளிகள்-அரசு அதிகாரிகள் கூட்டு

ஊழலின் முக்கியமான மூலமாக ஒன்று இருப்பதை உணர்ந்தாக வேண் டிய அவசியம் உள்ளது. பெரு முதலாளி கள் மற்றும் அரசு அதிகாரிகளின் ஊழல் கூட்டுதான் தாராளமயத்தின் அடிப்படை யாக இருக்கிறது. ஊழல் மோசடி மூலம் உரிமங்கள், பணிகள், குத்தகை மற்றும் ஒப்பந்தங்கள் ஆகியவற்றைப் பெற்றிருந் தால் அவற்றை ரத்து செய்யுமாறு பரிந்துரை செய்ய, பெரும் நிறுவனங்கள் தொடர்பான வழக்குகளையும் லோக்பால் விசாரிக்க வேண்டும். அரசு ஒப்பந்தங்கள் மற்றும் உரிமங்கள் பெறுவதிலிருந்து அத்தகைய நிறுவனங் களைத் தடுக்கும் வகையில் அவற்றை கருப்புப்பட்டியலில் சேர்க்கும் அதிகாரம் லோக்பாலுக்கு இருக்க வேண்டும்.

அதேபோல், ஒரு குற்றம் நடந்து, அத னால் பலனடைந்தது நிறுவனமாக இருக்கும்பட்சத்தில், மக்கள் பணத்திற்கு ஏற்பட்ட இழப்பை திரும்பப் பெறும் வகை யில் தீர்மானமான நடவடிக்கைகளை எடுக்க லோக்பாலுக்கு அதிகாரம் இருக்க வேண்டும். இந்தப் பரிந்துரைகளை அரசாங்கம் பொதுவாக ஏற்று அவற்றின் மீது நடவடிக்கை எடுக்க வேண்டும்.

சுயேச்சையான லோக்பாலை அமைப் பதற்கான சட்டத்தோடு, ஊழ லுக்கு எதிரான சட்டம் மற்றும் நிர்வாக ரீதியான கட்டமைப்பையும் பலப்படுத்த வேண் டும் என்று மார்க்சிஸ்ட் கம்யூனிஸ்ட் கட்சி வலியுறுத்துகிறது. கீழ்க்கண்டவை அத்தகைய நடவடிக்கைகளாக இருக்க வேண்டும்:

1) நீதித்துறையின் நடவடிக்கையைத் தன்கீழ் வைத்திருக்கக்கூடிய தேசிய நீதித் துறை ஆணையத்தை அமைக்க வேண்டும்.

2) பொதுமக்கள் குறைதீர்ப்புக்கான குடி மக்கள் சாசனத்தைப் பாதுகாக்க சட்டம்.

3) ஊழலுக்கு எதிரான நடவடிக்கை களுக்குக் கீழ் நாடாளுமன்ற உறுப்பினர்க ளும் வரும் வகையில் அரசியல் சட்டத்தின் 105வது விதியைத் திருத்துதல்.

4) தேர்தலில் பணபலம் விளையாடுவ தைத் தடுக்க தேர்தல் சீர்திருத்தங்கள்.

5) மாநில அளவிலான அனைத்து அரசு ஊழியர்களையும் உள்ளடக்கிய லோக் ஆயுக்தாக்களை மாநிலங்களில் அமைத்தல்.

6) கருப்புப்பணத்தை வெளிக்கொண்டு வருவதற்கான நடவடிக்கைகள் மற்றும் வெளிநாடுகளில் சட்டவிரோதமாகப் பதுக்கி வைக்கப்பட்டிருக்கும் நிதியைப் பறிமுதல் செய்ய வேண்டும்.

தமிழில் : ஹரி

கல்வி கொள்ளையில் சிறந்த தமிழ்நாடு

தடையற்ற கட்டணக்கொள்ளை

தமிழகத்தில் பள்ளிகள் திறக்கப்பட்டுள்ள சூழலில், தனியார் பள்ளிகளில் வசூலிக்கப்படும் கல்விக் கட்டண கொள்ளை பெற்றோர்களை மிகப்பெரும் அளவிற்கு பாதித்துள்ளது. இதனால் மாநிலத்தில் ஆங்காங்கே கல்விக் கட்டண உயர்வை எதிர்த்து போராட்டங்கள் நடந்து வருகின்றன. கடந்த திமுக ஆட்சிக் காலத்தில் தனியார் பள்ளிகளின் கல்விக் கட்டணங்களை முறைப்படுத்திட, நீதிபதி கோவிந்தராஜன் குழு அமைக்கப்பட்டு, கட்டண விகிதம் தீர்மானிக்கப்பட்டது. இதுவே அதிகமாக இருந்தது. இக்கட்டணம் தங்களுக்கு போதாது என 6400 பள்ளி நிர்வாகங்கள் முறையீடு செய்த சூழலில், திமுக அரசு கட்டணத்தை மறு பரிசீலனை செய்திட நீதிபதி ரவிராஜபாண்டியன் குழுவை புதிதாக நியமித்தது.

இந்தக்குழு ஆறுமாத கால அவகாசத்தை எடுத்துக்கொண் டும் கூட, இந்தாண்டு பள்ளிகள் திறக்கும் வரையிலும் கூடுதலாக எவ்வளவு கொள்ளை அடிக்கலாம் என்ற கட்டண விபரங்களை அறிவிக்கவில்லை. இதற்கிடையில் குழுத் தலைவர் நீதிபதி ரவிராஜபாண்டியன் ராஜினாமா செய்துள்ளார். இப்போது அறிவிக்கப் பட்டுள்ள கல்விக் கட்டணம் முந்தைய கட்டணத்தை விட மிக அதிகமாக உயர்த்தப்பட் டுள்ளது. எடுத்துக்காட்டாக, சென்னை எஸ்பிஓஏ மெட்ரிக் பள்ளியின் 11வது வகுப்பிற்கான கட்டணம் ரூ.11 ஆயிரம் என்ப தை ரூ.25 ஆயிரம் என உயர்த்தி அறிவித்துள்ளது.

புதிய கட்டணம் குறித்த விபரங்களை பொதுமக்கள் அறியும் வகையில் உடன் அறி விக்காததால், பள்ளி நிர்வாகங் கள் ரகசியமாக வைத்துக் கொண்டு தங்கள் விருப்பத்திற்கு கட்டணத்தை வசூலித்துள் ளன. இதற்கும் மேலாக சீருடை கள், நோட்டுப்புத்தகங்கள் கட் டணத்தை சம்பந்தப்பட்ட பள் ளிகளே தீர்மானித்துக்கொள்ள லாம் என்று தடையற்ற கொள் ளைக்கு வாய்ப்பளித்துள்ளது. மக்களை மிக மோசமாக பாதிக்கும் நீதிபதி ரவிராஜ பாண்டியன் குழுவின் கல்விக் கட்டண அறிவிப்பில் அரசு தலையிடுவதில் சட்டக்குறுக் கீடுகள் இருக்குமானால், அவ சரச் சட்டத்தின் மூலம் திருத் தம் கொண்டு வந்து, அரசு தலை யிட்டு திரும்பப் பெற வேண் டும். கடந்த ஆண்டின் கல்விக் கட்டணத்தை இந்த ஆண்டும் அமல்படுத்திட வேண்டும். வங்கிக் காசோலைகள், வரை வோலைகள் மூலம் மட்டுமே கட்டணம் பெறுவதை கட் டாயப்படுத்த வேண்டும் என மாநில அரசை மார்க்சிஸ்ட் கம் யூனிஸ்ட் கட்சியின் தமிழ்நாடு மாநிலக்குழு கேட்டுக்கொள் கிறது.

கல்வி உரிமைச்சட்டம்

அனைவருக்கும் இலவச கட்டாயக் கல்வி உரிமைச் சட்டம் 2010ம் ஆண்டு ஏப்ரலில் இந்திய நாடாளுமன்றத்தில் நிறைவேற்றப்பட்டது. இச்சட் டம் ஏழைகளுக்கு கல்வி தரு வதற்கு சில திட்டங்களை உரு வாக்கியுள்ளது. எடுத்துக்காட் டாக, அனைத்து மட்ட தனி யார் கல்வி நிறுவனங்களிலும் 25 சதவிகித இடங்களை இல வச கல்விக்கு ஒதுக்கிட வேண் டும் என இச்சட்டம் குறிப்பிடு கிறது. இப்படிப்பட்ட சட்டத் தை தமிழகத்தில் அமலாக்கிட அதற்கான விதிகள் தமிழகத்தில் இதுகாறும் உருவாக்கப்பட வில்லை. காலதாமதமின்றி விதிகளை உருவாக்கி, இச்சட் டப் பயன்கள் தமிழகத்திற்கு கிடைக்க அரசு நடவடிக்கை எடுக்க வேண்டும்.

சமச்சீர்க் கல்வி

சமச்சீர் கல்வி திட்டத்தில் பொதுப் பாடத்திட்டத்தை முற்றிலுமாக நிறுத்தி வைப்பது என்ற அதிமுக அரசின் முடிவு சரி அல்ல. இப்பிரச்சனை நீதிமன்றங்களுக்கு கொண்டு செல்லப்பட்டு உச்சநீதிமன்றம் 1 மற்றும் 6ம் வகுப்புகளுக்கு ஏற்கனவே உள்ள பொதுப் பாடத்திட்டத்தை அமலாக்க வேண்டும். 10 வரையிலான இதர வகுப்புகளுக்கு நிபுணர் குழு அமைக்கப்பட்டு, பரிந்துரை களைப் பெற்று மூன்று வாரங் களுக்குள் சென்னை உயர்நீதி மன்றம் தீர்ப்பளிக்க வேண்டும் என்றும் கூறியுள்ளது. நிபுணர் குழுவிற்கு தமிழக அரசு கல்வியாளர்கள் என்று இரண்டு தனியார் பள்ளி உரிமையாளர்களை (கொள்ளை அடிப்பவர்களையே ) அறிவித்துள்ளது. இது ஏற்கக்கூடியதாக இல்லை. பொருத்தமான கல்வியாளர் களை இக்குழுவில் இணைக்க வேண்டும். திமுக அரசு சமச்சீர் கல்வித் திட்டத்தில் பல அம் சங்களை அமலாக்கவில்லை. ஏற்கனவே அறிவிக்கப்பட்ட பொதுப்பாடத்திட்டம் என்ற முதல் படியை இந்தாண்டு அமு லாக்கிக் கொண்டே, சமச்சீர் கல்வி சம்பந்தப்பட்ட அனைத்து அம்சங்களையும் அமலாக்கிட நடவடிக்கை மேற்கொள்ள வேண்டும்.

மார்க்சிஸ்ட் கம்யூனிஸ்ட் கட்சியின் தமிழ்நாடு மாநிலக்குழு தீர்மானத்தின் ஒரு பகுதி.

நொடிந்த விவசாயிகளின் வேதனை தீர்க்குமா ஜெ அரசு?

நெல் விலை

விவசாயம் கட்டுப்படியாகாத தொழிலாக மாறிக்கொண்டிருக்கிறது. வேளாண் இடு பொருட்களின் விலையும் தொடர்ந்து அதி கரித்து வருகிறது. இதற்கேற்ப கட்டுப்படி யான விலை கிடைக்காத காரணத்தால் விவ சாயிகள் உணவு தானிய உற்பத்தியை கை விட்டு, வேறு பயிர்களுக்கு மாறுவது அதி கரித்து வருகிறது. எனவே நெல் உற்பத்தியில் ஈடுபடும் விவசாயிகளை ஊக்கப்படுத்தும் வகையில் நெல் விலையை உயர்த்த வேண்டி யது அவசியம் என்பதை சுட்டிக்காட்டு கிறோம்.

எனவே, இந்த ஆண்டு நெல்லுக்கு குவிண்டால் ஒன்றுக்கு ரூ.1500 விலையாக அரசு அறிவிக்க வேண்டுமென கேட்டுக் கொள்கிறோம்.

கரும்பு விலை

விதை, உரம் உள்ளிட்ட இடுபொருட் களின் விலை உயர்ந்தும், வெட்டுக்கூலி கடுமையாக அதிகரித்துள்ளது. எனவே, இந்த ஆண்டு கரும்புக்கு டன் ஒன்றுக்கு ரூ.3000 தீர்மானித்து அறிவிக்க வேண்டும். கரும்பு விலை குறித்து தீர்மானிக்க உடனடியாக முத்தரப்புக் கூட்டத்தை நடத்திட அரசு முன் வர வேண்டும். அத்துடன் வெட்டுக்கூலியை ஆலைநிர்வாகமே ஏற்க அரசு முயற்சி எடுக்க வேண்டுமென கேட்டுக் கொள்கிறோம். மேலும் கூட்டுறவு சர்க்கரை ஆலைகளை பாதுகாக்கும் விதத்தில் கூட்டுறவு ஆலை கள் மீதான ரூ.1,625 கோடி கடன் தொகையில் வட்டி, அபராத வட்டியை அரசு தள்ளுபடி செய் வதுடன், அசல் தொகையை அரசின் பங்கு தொகையாக மாற்றி கூட்டுறவு ஆலை களைப் பாதுகாக்க நடவடிக்கை எடுக்க வேண்டும்.

மா விலை

தருமபுரி, கிருஷ்ணகிரி, திண்டுக்கல், தேனி ஆகிய மாவட்டங்களில் கூடுதலாக மா விவசாயம் நடைபெற்று வருகிறது. கடந்த ஆண்டு 1 டன் மாம்பழம் ரூ.15000க்கு விற்றது. இந்த ஆண்டு டன் ரூ.3000 என்ற அளவுக்கு விலை வீழ்ச்சியடைந்துள்ளது. இந்த விலை வீழ்ச்சிக்கு வியாபாரிகளின் கூட்டுச் சதியே காரணம். எனவே, அரசு முத்தரப்புக் கூட்டத் தை நடத்தி மா விவசாயிகளுக்கு கட்டுப்படி யான விலை கிடைத்திட நடவடிக்கை எடுக்க வேண்டும்.

கடன்

கூட்டுறவு வங்கிகள், நிதியின்றி கடும் நெருக்கடியில் சிக்கியுள்ளன. இதனால், கடன் கோரிய விவசாயிகளில் பெரும்பகுதி யானவர்களுக்கு கடன் கிடைக்காமல், தனி யாரிடம் கூடுதல் வட்டிக்கு கடன் பெற்று தொடர்ந்து பாதிப்புக்குள்ளாகி வருகின்றனர். எனவே, கூட்டுறவு வங்கிகளுக்கு கூடுதல் நிதி ஒதுக்கீடு செய்ய அரசு முன்வர வேண்டும்.

மின்சாரம்

விவசாயத்துக்கு மின் இணைப்புக் கோரி சுமார் 20 ஆண்டுகளுக்கு மேலாக விவசாயி கள் காத்துக்கிடக்கின்றனர். மின்விநியோகம் சீராக இல்லாததால், மின் மோட்டார்கள் பழுதடைந்து பெரும் இழப்புக்கு விவசாயிகள் உள்ளாகின்றனர். பல மாவட்டங்களில் 4 மணி நேரம் மட்டுமே விவசாயத்திற்கு மும் முனை மின்சாரம் வழங்கப்பட்டு வருகிறது. இந்த நிலைமைக்கு முற்றுப்புள்ளி வைக்கும் வகையில் அரசு நடவடிக்கை எடுக்க வேண்டும்.

பாசனப் பிரச்சனைகள்

காவிரி நடுவர்மன்ற தீர்ப்புப்படி கர்நாடகத்திலிருந்து தமிழகத்திற்கு பெற வேண்டிய தண்ணீரை பெறுவதற்கு அரசு முயற்சிக்க வேண்டும். உச்சநீதிமன்றத்தில் உள்ள இதுதொடர்பான வழக்கை விரைவாக முடிக்க உரிய கவனம் செலுத்த வேண்டும். அண்டை மாநிலங்களுடனான நதிநீர்ப்பிரச் சனைகளில் தமிழகத்தின் பாசன உரிமை யை பாதுகாக்கும் விதத்தில் பேச்சுவார்த்தை மூலம் தீர்வு காண தீவிர கவனம் செலுத்த வேண்டுமெனக் கேட்டுக் கொள்கிறோம்.

வேளாண் விளைநிலங்களை பாதுகாக்க

தமிழகத்தில் வேளாண் விளைநிலங்கள் வேறு பணிகளுக்கு மாற்றப்படுவது வேகமாக நடைபெற்று வருகிறது. விவசாய நிலங்களை வேறு பணிகளுக்கு மாற்றுவதை தடை செய்யும் வகையில் புதிய சட்டம் ஒன்றை கொண்டு வர அரசு முன்வர வேண்டும்.

நிலம் தொடர்பாக

பெரும்பாலான கிராமப்புற மக்களின் வாழ்வாதாரம் நிலமேயாகும். நிலஉச்சவரம்பு சட்டத்தை கறாராக அமல்படுத்தி நிலமற்ற ஏழைகளுக்கு நிலம் வழங்க வேண்டும்.

நீண்டகாலமாக அரசு புறம்போக்கு நிலங் களில் பயிர் செய்து வாழ்ந்து வரும் விவசாயி களின் அனுபவ நிலங்களுக்கு பட்டா வழங்க வேண்டும்.அரசுக்கு சொந்தமான தரிசு நிலங்களை நிலமற்ற ஏழைகளுக்கு இலவச மாக வழங்கிட வேண்டும்.

ஆதிவாசி மக்களுக்கு, வனஉரிமைச் சட்டம்- 2006ஐ அமல்படுத்தி, அவர்களின் அனுபவ நிலங்களுக்கு பட்டா வழங்க வேண்டும். மலைப்பகுதிகளில் பட்டா வழங்க தடைவிதிக்கும் அரசாணை எண்.1168ஐ உடனடியாக அரசு ரத்து செய்ய வேண்டும்.

பல லட்சக்கணக்கான மக்கள் பல்வேறு வகையான புறம்போக்குகளில் நீண்டகால மாக வசித்து வருகின்றனர். போக்குவரத் துக்கு இடையூறு, பாசனத்திற்கு பாதிப்பு போன்ற இடங்களைத் தவிர வேறு எந்த வகை யான புறம்போக்காக இருந்தாலும் அவர் களுக்கு குடிமனைப்பட்டா வழங்க வேண்டும்.

திண்டுக்கல் மாவட்டத்தில் பெரியம்மா பட்டி, ஆண்டிப்பட்டி, பாலசமுத்திரம், ஆகிய கிராமங்களில் நிலஉச்சவரம்பு சட்டத்தின் கீழ் உபரி நிலம் 1971ம் ஆண்டு கையகப்படுத் தப்பட்டாலும் அந்த நிலங்கள் - நிலமற்ற ஏழைகளுக்கு வழங்கப்படாத நிலையில், தொடர்ந்த பல போராட்டங்களின் விளைவாக முதல்கட்டமாக 513.17 ஏக்கர் நிலம் 339 பயனாளிகளுக்கு மதுரை நிலச்சீர்த்திருத்த உதவி ஆணையாளரால் நில ஒப்படை உத்தரவு 11.05.2005 அன்று வழங்கப்பட்டது. ஆனால் இன்று வரை அந்நிலங்கள் உரிய பயனாளிகளுக்கு ஒப்படைக்கப்படவில்லை.

எனவே மேற்படி கிராமத்தில் ஒப்படை உத்தரவு வழங்கப்பட்டுள்ளவர்களுக்கு நிலத் தினை வழங்கிட நடவடிக்கை மேற்கொள்ள வேண்டுகிறோம்.

விழுப்புரம் மாவட்டம் - வானூர் வட்டம் பொம்மையார்பாளையம் கிராமத்தில் இருந்த 360 ஏக்கர் அனாதீன புறம்போக்கு நிலம் - மயிலம் பொம்மைபுர ஆதினம் ஸ்ரீமத் சிவஜான பால்ய சுவாமிகள் திருமடம் பெயருக்கு பட்டா வழங்கப்பட்டுள்ளது. மேலும் இதே மடத்தின் பெயருக்கு மேற்படி கிராமத்தில் 28.74 ஏக்கர் அனாதீன புறம்போக்கு நிலம் பி.மெமோ பதிவு செய்யப்பட்டுள்ளது. ஆனால் இந்த கிராமத் தில் பல தலைமுறைகளாக வசித்து வரும் சுமார் 1000 குடும்பங்களுக்கு வீட்டுமனை பட்டா கூட இதுகாறும் வழங்கப்படவில்லை.

மடத்துக்கு வழங்கப்பட்டுள்ள மோசடி பட்டாவையும், பி.மெமோவையும் ரத்து செய்து, அந்த நிலங்களை மீட்டு நிலமற்ற ஏழைகளுக் கும் தலித் மக்களுக்கும் வழங்குவதோடு, வீட் டுமனைப்பட்டா கோரியுள்ள அனைவருக் கும் வீட்டுமனைப்பட்டா வழங்கிட நட வடிக்கை மேற்கொள்ள வேண்டுகிறோம்.

நீலகிரி மாவட்டம், கூடலூர் வட்டம் நிலாம்பூர் ஜென்மம் நிலப்பிரச்சனை நீண்ட காலமாக நிலுவையில் உள்ளது. ஜென்மம் எஸ்டேட் பிரிவு 17ன் கீழ் ஜமீன்தார்களிடம் குத்தகைக்கு பெற்றிருந்த 7 பெரிய எஸ் டேட்டுகளின் குத்தகை காலம் முடிவுற்ற நிலையில், அந்த சுமார் 35,269 ஏக்கர் நிலங் களை அரசு தேயிலை தோட்டக்கழகம் எடுத் துக் கொள்ளலாம். அந்த நிலங்களில் நீண்ட காலமாக சாகுபடி செய்து வரும் ஏழை நடுத்தர குத்தகை விவசாயிகளுக்கு தலா 2 ஏக்கர் வீதம் பட்டா வழங்கிட வேண்டும்.

கடந்த ஆண்டு நவம்பர் -டிசம்பர் மாதங் களில் பெய்த கடும் மழை மற்றும் சூறாவளிக் காற்றினால் பயிர்பாதிப்பு, கால்நடை உயிரி ழப்பு உட்பட பல பாதிப்புகளுக்கு ஆயிரக் கணக்கானோர் உள்ளாயினர். பாதிக்கப்பட்ட வர்களுக்கு உரிய நிவாரணம் வழங்கப்படவில் லை. எனவே, வெள்ளப்பாதிப்புகளுக்குள் ளான அனைவருக்கும் வெள்ளநிவாரணம் வழங்கிட அரசு முயற்சிக்க வேண்டும்.

எண்டோசல்பான் பூச்சிக்கொல்லி மருந்து மனித உயிருக்கும், பல்லுயிர்களுக்கும் பாதிப்பு ஏற்படுத்தி வருகிறது. தமிழகத்திலும் எண் டோசல்பான் பூச்சிமருந்தை பயன்படுத்த வும், உற்பத்தி மற்றும் விற்பனை செய்வதை யும் தடை செய்ய தமிழக அரசு நடவடிக்கை எடுக்க வேண்டும்.

கிருஷ்ணகிரி மாவட்டம், பர்கூர் ஒன்றி யம் சிகரலப்பள்ளி கிராமத்தில் ஸ்ரீ அக்குவா பைன் இண்டஸ்ட்ரீஸ் எனும் குடிநீர் சுத்தி கரிப்பு ஆலைக்கு தி.மு.க ஆட்சி காலத்தில் வழங்கப்பட்ட அனுமதியை ரத்து செய்யக் கோரி 20க்கும் மேற்பட்ட கிராம மக்கள் தொடர்ந்து போராடி வருகின்றனர். இப் போராட்டத்தில் ஈடுபட்ட 4 பெண்கள் உட்பட 14 விவசாயிகள் மீது பொய்வழக்கு போடப் பட்டு சிறையில் அடைக்கப்பட்டனர். நிலத் தடி நீரை சுரண்டும் மேற்படி நிறுவனத்துக்கு அளிக்கப்பட்ட அனுமதியை ரத்து செய்வது டன் விவசாயிகள் மீது போடப்பட்ட பொய்வழக் கை திரும்பப் பெற வேண்டுகிறோம்.

விவசாயிகள் மற்றும் கிராமப்புற மக் களின் கோரிக்கைகளுக்கு தீர்வு காண்பது தொடர்பாக தமிழக வேளாண் துறை அமைச்சர் கே.ஏ.செங்கோட்டை யனை தமிழ்நாடு விவசாயிகள் சங்க மாநிலத் தலைவர் கே.பாலகிருஷ் ணன் எம்எல்ஏ, பொதுச்செயலாளர் பெ.சண்முகம், மாநிலப் பொருளாளர் அ.நாகப்பன் ஆகியோர் சந்தித்து மனு ஒன்றை அளித்தனர். அந்த மனுவில் கூறப்பட்டவை இவை