அம்பானிக்கு விலைக் குறைப்பு! “ஆம் ஆத்மி”க்கு விலை அதிகரிப்பு!!

பெட்ரோல் விலையில் ஐந்து ரூபாய் அதிகரித்திருப்பதன் மூலம், விமான எரிபொருள் விலையை விட மீண்டும் பெட்ரோலின் விலை அதிகரித்திருக்கிறது.

பெட்ரோல் விலை அதிகரித்த அதே வேளையில், விமான எரிபொருள் விலையில் சரிவும் ஏற்பட்டிருக்கிறது. தில்லியில் ஒரு லிட்டர் விமான எரிபொருளின் விலை தற்போது ரூ.58.80 ஆக உள்ளது. அதே வேளையில், பெட்ரோலின் விலை ஒரு லிட்டருக்கு ரூ.63.40 ஆக உயர்ந்திருக்கிறது. மும்பையில், விமான எரிபொருளின் விலை ரூ.59.60 ஆகவும், பெட்ரோலின் விலை ரூ.68.30 ஆகவும் உள்ளது.

அம்பானி, டாடா, சிங்கானியா போன்றவர்கள் வைத்திருக்கும் சொந்த விமானங்களுக்குள்ள எரிபொருள் விலை, சாதாரண மக்கள் வைத்திருக்கும் இரண்டு சக்கர வாகனங்களுக்கான எரிபொருளை விட குறைவாக இருக்கிறது. இருந்தாலும், எண்ணெய் நிறுவனங்களுக்கு நஷ்டம் என்ற காரணத்தை சொல்ல ஆட்சியாளர்கள் தயங்குவதேயில்லை.

விமான எரிபொருளுக்கான விலை சர்வதேசச் சந்தையில் குறைந்ததுதான் இதற்குக் காரணம் என்று கூறப்படுகிறது. சர்வதேசத் சந்தையில் பெட்ரோல் விலை பெரும் சரிவைச் சந்தித்தபோது, அந்த அளவுக்கு இந்தியாவில் பெட்ரோலின் விலை குறைக்கப்படவில்லை. இடதுசாரி கட்சிகள் ஆதரவில் ஐக்கிய முற்போக்கு கூட்டணி அரசு இருந்தபோது மட்டும் இரண்டு முறை பெட்ரோல் விலை குறைக்கப்பட்டது.

விமான எரிபொருள் விலை குறைந்துள்ளது என்பது பயணிகளுக்கு எந்த லாபத்தையும் தரவில்லை. விமான பயணக்கட்டணங்களில் எந்த மாற்றமும் வரப்போவதில்லை. விமான நிறுவனங்களுக்கு கொள்ளை லாபம். அதோடு, சொந்தமாக விமானங்கள் வைத்திருக்கும் “ஏழை பயணி”களுக்கு லாபம் கிடைக்கப்போகிறது. அவ்வளவுதான்.

பெட்ரோல் விலை உயர்வும் அடிமை இந்தியனும் ...

பெட்ரோல் விலையை உயர்த்திய உடன் அமெரிக்க அதிபரின் செல்வாக்கு சரிந்துவிட்டதாக அமெரிக்க பத்திரிக்கைகள் பக்கம் பக்கமாக எழுதுகின்றன. இந்தியாவில் உள்ள பத்திரிக்கைகள் ஒருவாரத்திற்கு முன்பே இந்த முதுகு எலும்பு இல்லாத இந்தியனின் மூளையை தயார்ப்படுத்துகிறது.

நவீன தாராளமயப் பொருளாதாரக் கொள்கையின் மையமான கோஷம் என்பதே, ‘‘தேவையற்ற முறையில் அனைத்திலும் அரசு தலையிடாது’’ என்பதாகும். அதாவது அனைத்துப் பிரச்சனைகளையும் தீர்மானிப்பது சந்தைதான். இதில் வாங்கு பவர்களுக்கும் விற்பவர்களுக்கும் இடையில் அரசு தலையிடாது என்று சொல்லும் போது, பலர் இது நல்ல யோசனை என்று இதன் பின்னால் உள்ள சூட்சுமங்களை அறியாமலேயே அறிவித்தார்கள். ஆனால் இந்த சந்தையைத் தீர்மானிப்பது, வாங்குபவர்களா அல்லது விற்பவர்களா என்ற கேள்வியை எழுப்பிப் பார்த்தால், வாங்குபவர்களும் தீர்மானிப்பதில்லை, விற்பவர் களும் தீர்மானிப்பது இல்லை, ‘எல்லாம் அவன் செயல்’ என்று பக்தர்கள் தெரிவிப் பது போன்று உலகத்தில் அனைத்துப் பிரச் சனைகளுக்கும் வழிகாட்டல் மற்றும் தீர்வு என்பதை விரல் விட்டு எண்ணக்கூடிய ஒருசில பன்னாட்டு முதலாளிகள் தீர்மா னிக்கிறார்கள் என்று மார்க்சிஸ்ட்டுகள் வலியுறுத்திக் கூறியபோது, பலர் ‘இவர் கள் இப்படித்தான் கூறுவார்கள்’ என்று சொன்னார்கள். இப்போது உலகத்தோடு ஒன்றி வாழ்வது தவிர வேறு வழியில்லை என்று கூறி, ‘‘உலகத்தோடு ஒட்ட ஒழுகல் பல கற்றும் கல்லார் அறிவிலாதார்’’ என்ற வள்ளுவரின் குறளைத் தங்கள் வாதத்திற்கு ஆதரவாக மேற்கோள் காட்டுகிறார்கள்.

வள்ளுவர், உலகத்தோடு ஒட்டி இருக் கக்கூடிய மக்கள், அவர்களுடைய பண் பாடு மற்றும் கலாச்சாரம் ஆகியவை குறித் துத்தான் சொன்னாரே ஒழிய, இவர்கள் இப்போது சொல்வதுபோல் சந்தை குறித்து அல்ல.

பெட்ரோல் விலையை லிட்டருக்கு ஐந்து ரூபாய் உயர்த்தி இருக்கிறார்கள். மேலும் உயர்த்தப் போகிறோம் என்றும் அறிவித்திருக்கிறார்கள். அதாவது இவ் வாறு லிட்டருக்கு ஐந்து ரூபாய் உயர்த்தப் பட்டிருந்தாலும் அப்படியும் நஷ்டம்தான் வருகிறதென்றும், எனவே விரைவில் மீண்டும் உயர்த்தப்போகிறோம் என்றும் சொல் லியிருக்கிறார்கள்.

இது தவிர சமையல் எரிவாயு, டீசல், மண்ணெண்ணெய் ஆகிய அனைத்தின் விலைகளையும் உயர்த்த இருக்கிறார்கள். இதற்கான முடிவை அடுத்தவாரம் நிதி அமைச்சர் பிரணாப் முகர்ஜி தலைமையில் உள்ள அமைச்சரவைக் குழுக் கூட்டத்தில் எடுக்கவிருக்கிறார்கள்.

பெட்ரோல் விலையை சென்ற மாதமே உயர்த்த இருந்தார்களாம். ஐந்து மாநிலங் களின் சட்டமன்றத் தேர்தல்களில் மக்கள் வாக்களிக்கட்டும் என்று காத்திருந்தார் களாம்.

2010 ஜூன் 25இல் கிரீத் பாரீக் குழு வின் பரிந்துரைகளை மத்திய அரசாங்கம் ஏற்று பெட்ரோலியப் பொருட்களின் மீதான கட்டுப்பாடுகளை நீக்கியபிறகு இப்போது எட்டாவது முறையாக பெட்ரோல் விலை யை உயர்த்தி இருக்கிறது. அன்றைய தினம் தில்லியில் ஒரு லிட்டர் பெட்ரோல் ரூ. 51.43க்கு விற்றது. இப்போது அது ரூ.63.37 ஆக உயர்ந்திருக்கிறது. அதாவது ஓராண்டு காலத்திற்குள்ளேயே 32 விழுக் காடு உயர்த்தப்பட்டிருக்கிறது.

சர்வதேச எண்ணெய் விலைகளோடு நம் நாட்டின் சந்தையை இணைப்பது என் பது மிகவும் ‘‘அபத்தமான’’ மடிவு என்று பொருளாதாரப் பேராசிரியர்கள் சந்திர சேகர் மற்றும் ஜெயதி கோஷ் தெரிவித்தி ருக்கிறார்கள். இவ்வாறு அரசாங்கமானது கந்துவட்டிக்காரனைப்போல நடந்து கொண் டிருக்கிறது என்றும் மேற்குவங்கம், கேரளா வில் இடதுசாரி அரசாங்கங்கள் தோல்வி யடைந்ததை அடுத்து மத்திய அரசின் இத்தகைய ‘‘சொரணையற்ற தன்மை’’ மேலும் அதிகரிக்கலாம் என்றும் ஜெயதி கோஷ் கருதுகிறார்.

அமெரிக்கா கூட தன் நாட்டில் எண் ணெய் நிறுவனங்களுக்கு 21 பில்லியன் டாலர் அளவிற்கு மானியம் அளித்து வரு கிறது. (பில்லியன் = 100 கோடி)

பெட்ரோல் விலை உயர்த்தப்பட்டிருப்பதால் அதனைத் தொடர்ந்து அத்தியா வசியப் பொருள்களின் விலைகள் மேலும் உயரும். இதனால் சாமானிய மக்களின் அவல நிலைமை மேலும் கடுமையாகி துன்பம் ஏற்படும்.

இதுகுறித்து மன்மோகன்சிங், சிதம்பரம் வகையறாக்களிடம் கேட்டால், அவர்கள் ‘‘மக்களிடம் பணப்புழக்கம் அதிகமாகி விட்டது. அதனால் விலைகள் உயர்கின் றன’’ என்று ஜோக்கடிப்பார்கள்.

இதில் மிகவும் கவனிக்க வேண்டியது, ஓராண்டுக்கு முன்பு வரை, அதாவது கிரீத் பாரீக் குழு பரிந்துரைகளை அரசு 2010 ஜூன் 25இல் ஏற்றுக்கொண்டு அமல் படுத்தத் தொடங்கிய பின்னர், பெட்ரோல் விலை உயர்வைத் தீர்மானிப்பது அரசு அல்ல. அரசுக்கு இதில் வேலையே இல்லை; இதனைக் கைகழுவி விட்டது.

இதற்குப் பெயர்தான் தனியார்மயம் என்பது. இன்றைய தினம் பெட்ரோல், டீச லுக்கு வந்திருக்கிற இந்தத் தனியார்மயம் தாராளமயமாக்கப்பட்டு அனைத்துப் பொருட்களுக்கும் வந்தால், நமது கதி என்னாகும் என்பதைச் சிந்தித்துப் பாருங்கள்.

கச்சா எண்ணெய்யின் விலை சர்வ தேசச் சந்தையில் உயர்ந்துள்ளதால், நாங் கள் ஒன்றும் செய்வதற்கில்லை என்றும் நம் எண்ணெய் நிறுவனங்கள் கடும் நஷ்டத் திற்கு உள்ளாகி இருக்கின்றன என்றும் ஆகவே நம் நாட்டிலும் பெட்ரோலின் விலை யை உயர்த்துவதைத் தவிர வேறு வழியில்லை என்றும் விளக்கம் அளிக்கிறார்கள்.

ஆனால், நமது அனுபவம் சர்வதேசச் சந்தையில் விலை உயரும்போது, இங்கும் விலையை உயர்த்துகிறார்கள். ஆனால் அங்கே விலை குறையும்போது, இங்கு விலையைக் குறைப்பது இல்லை. உயர்த் தப்பட்டது உயர்த்தப்பட்டதுதான்; இதை நாடறியும்.

மேலும் சர்வதேசச் சந்தையில் விலை உயர்வதைக் காரணம் காட்டி, இங்கும் விலை உயர்த்தப்படும்போது, அதனுடன் ‘விழுக்காட்டு வரி’ (யீநசஉநவேயபந வயஒ) என்ற பெயரில் விலை உயர்வுக்கு ஏற்ப, வரியிலும் ஓர் உயர்வினை ஏற்படுத்துகி றார்கள்.

அதாவது, பெட்ரோலின் விலையை உயர்த்தும்போது, அதனுடன் 55 விழுக் காடும், டீசல் விலையை உயர்த்தும்போது அதனுடன் 34 விழுக்காடும், சமையல் எரி வாயுவின் விலையை உயர்த்தும்போது அதனுடன் 11 விழுக்காடும், மண்ணெண் ணெய் விலையை உயர்த்தும்போது அத னுடன் 4 விழுக்காடும் வரி உயர்த்தப்படு கிறது. இதனால் அரசாங்கத்திற்கு இவற் றின் விலை உயரும்போது, இதனுடன் சேர்ந்து வரிவருவாயும் பெருமளவில் கிடைக்கிறது. இந்த வரியை ரத்து செய் தாலே, விலையை உயர்த்த வேண்டிய தேவையில்லை.

ஆட்சியாளர்கள் அடிக்கடி கூறுவது போல் தாங்கள் ‘‘சாமானிய மனிதர்களுக் காகத்தான்’’ (ஆம் ஆத்மி) ஆட்சி நடத்து கிறோம் என்பது உண்மையாக இருந்தால், இவர்கள் இந்த வரிகளைக் குறைத்திட வேண்டும்.

எனவே, பெட்ரோல் விலை உயர்வுக்கு எதிரான போராட்டம் என்பது மக்கள் வாழ்வதற்கான போராட்டமாகும். பெட் ரோல் விலை உயர்வு என்பது அனைத்துத் தரப்பினரையும் கடுமையாகப் பாதிக்கும் ஒன்றாகும். எனவே இதற்கு எதிராக அனைத்துப் பிரிவினரும் சாதி,மத பேத மின்றி ஒன்றுசேர்ந்து போராட வேண்டிய அவசியம் ஏற்பட்டுள்ளது.

- கே.வரதராசன்

பெட்ரோல் விலை உயர்வை எதிர்த்து கிளர்ந்தெழுவீர்!

பெட்ரோல் விலையை லிட் டருக்கு ஐந்து ரூபாய் உயர்த்தி இருப்பதன் மூலம் காங்கிரஸ், ஐ.மு.கூட்டணி அரசாங்கமா னது, ஏற்கனவே அனைத்து வித மான பொருள்களின் விலைவாசி உயர்வாலும் கடுமையாகப் பாதிக்கப்பட்டுள்ள மக்கள் மீது மேலும் ஒரு கொடூரமான தாக்கு தலைத் தொடுத்திருக்கிறது. பெட்ரோலியப் பொருட்களின் மீதிருந்த கட்டுப்பாடுகளை நீக் கிய பின், அநேகமாக ஒவ்வொரு மாதமும் பெட்ரோல் விலை உயர்த்தப்பட்டிருக்கிறது. ஆயி னும் 2011 ஜனவரியிலிருந்து எண்ணெய் நிறுவனங்கள் பெட்ரோல் விலைகளை உயர்த்தி அறிவிக்காமல் இருந்து வந்தன. ஐந்து மாநிலங்களில் சட்டமன்றத்தேர்தல்கள் நடைபெறுவதை யொட்டி அந்நிறுவனங்களை அவ்வாறு விலைகளை உயர்த்தா மல் அவற்றை ஐ.மு.கூட்டணி அரசாங்கம் கட்டுப்படுத்தி வைத் திருந்திருக்கிறது.

தேர்தல்கள் முடிந்தவுடனேயே, இவ்வாறு செங்குத்தான விலை உயர்வு அறிவிக்கப்பட் டிருக்கிறது. இதுவே, பெட்ரோல் விலைவாசி உயர்வு என் பது அரசியல் ரீதியாகவே மேற் கொள்ளப்பட்டு வருகிறது என் பதைக் காட்டுகிறது. ஐ.மு.கூட் டணி அரசாங்கம் பெட்ரோலியப் பொருட்களின் இறக்குமதி மீதான மதிப்புக் கூட்டு வரிக் கட்ட மைப்பை மாற்றியமைத்திட மறுத்து வருகிறது. சர்வதேச விலைகளில் உயர்வு ஏற்படுவதன் காரணமாக அரசாங்கத்திற்கு வருகின்ற தீர்வை வருவாய்களை எண் ணெய் நிறுவனங்களுக்குத் திருப்பிக் கொடுத்தாலே, பெட் ரோல் விலையை உயர்த்த வேண்டிய தேவையோ, சாமா னிய மக்களின் மீது சுமைகளை ஏற்ற வேண்டிய அவசியமோ இருக்காது.

பணவீக்கத்தை அதிகப்படுத் திடவும், விலை உயர்வைக் கொண்டு வரவும் கூடிய இத்தகைய மோசமான கொள்கையை மக்கள் அனு மதிக்கப்போவதில்லை. இப்புதிய தாக்குதலுக்கு எதிராக மக்களை அணிதிரட்டி கிளர்ச்சி இயக்கங்களை நடத்திட வேண்டும் என்று அனைத்துக் கிளைகளுக்கும் இடதுசாரிக் கட்சிகள் அறைகூவல் விடுக்கின்றன

பெட்ரோலுக்கு வரி விதிக்காமல் இருக்க முடியாதா?

பெட்ரோலிய கச்சா எண்ணெய்யின் விலை சர்வதேசச் சந்தையில் தொடர்ந்து ஏறிவருவதையும் அதனைக் காரணமாகக்காட்டி இந்திய அரசு பெட்ரோலின் விலையை அடிக்கடி ஏற்றிவருவதும் அதன் தொடர் விளைவாக அனைத்துப்பொருட்களின் விலையும் தாறுமாறாக ஏறிவருவதும் நமது அன்றாட அனுபவமாக இருந்து வருகிறது.இதே பிரச்சனையை வியட்நாம் அரசு எவ்வாறு அணுகி வருகிறது என்பது ஒருமக்கள் நல அரசுக்கும் முதலாளிகளுக்கு ஆதரவான அரசுக்கும் இடையே உள்ள வேறுபாட்டை படம் பிடித்துக்காட்டுகிறது. கச்சா எண்ணெய்யைத் தூய்மைப்படுத்துவதற்கான வசதிகள் இல்லாத ஒரு நாடு வியட்நாம் என்ற உண்மையையும் சேர்த்துப்பார்த்தால் இந்த வேறுபாட்டைத் துல்லியமாகப் புரிந்து கொள்ளலாம்.

கச்சா எண்ணெய்யின்விலை ஒரு பீப்பாய் 101 டாலர் என்ற அளவை எட்டியவுடன் மக்களின் மீது சுமை ஏறாமல் பாதுகாப்பதற்காக வியட்நாம் அரசு இரண்டு முடிவுகளை எடுத்தது. ஒன்று, பெட்ரோல் விற்பனையாளர் களுக்கு லிட்டருக்கு 600 டாங் அளவுக்கு இழப்பீட்டை நேரடியாக வழங்கியது. விலையை நிலைப்படுத்து வதற்கான நிதி என்ற ஒன்றும் அந்நாட்டில் உருவாக்கப்பட்டுள்ளது. ஒவ்வொரு லிட்டர் பெட்ரோல் வாங்கும் போதும் நுகர்வோர் அளிக்கும் விலையில் 300 டாங் இந்த நிதிக்கு செல்கிறது.

வியட்நாம் அரசு எடுத்த மற்றொரு முக்கிய நடவடிக்கை வரிக்குறைப்பு .இறக்குமதி செய்யப்படும் தூய்மைப்படுத்தப்பட்ட பெட்ரோலின் மீதான வரி (பூஜ்யம் ) என்ற அளவுக்குக் குறைக்கப்பட்டு விட்டது.பெட்ரோலுக்கு முதலில் 20 சதம் வரி விதிக்கப்பட்டு வந்தது. இது பின்னர் 6 சதமாகவும் தற்போது 0 சதமாகவும் குறைக்கப்பட்டு விட்டது. இதேபோல டீசலுக்கு விதிக்கப்பட்ட வரி 15 சதத்திலிருந்து

2 சதமாகவும் பின்னர் 0 சதமாகவும் குறைக்கப்பட்டுவிட்டது.

இந்தியாவில் பெட்ரோலியப் பொருட்களின் விலையில் ஏறக்குறைய சரிபாதியளவுக்கு வரிகள் விதிக்கப்படுகின்றன என்பது மட்டுமல்ல; இறக்குமதி செய்யப்படும் கச்சா எண்ணெய்யின் மீது 5 சதம் வரியினையும் கடந்த ஆண்டில் விதித்துள்ளது. இவ்வளவு கடுமையான வரிச்சுமையை ஏற்றியுள்ள மத்திய அரசு சில வாரங்களுக்குள்ளாகவே பெட்ரோலின் விலையை லிட்டருக்கு ரூ.5.50 என்ற அளவில் உயர்த்தியுள்ளது. வரிகளைக்குறைக்குமாறு இடதுசாரிகள் தொடர்ந்து எழுப்பிவரும் கோரிக்கைகள் இரக்கமற்ற முறையில் நிராகரிக்கப்படு கின்றன. ஏறிவரும் கச்சா எண்ணெய்யின் விலையைக் காரணமாகக்காட்டி கடந்த பத்தாண்டுகளில் 200 சதம்முதல்

300 சதம் வரை வரிகள் உயர்த்தப்பட்டுள்ளன.

இப்போதே பெட்ரோலியப்பொருட்களின் மீது பெரிய அளவில் மானியம் வழங்குவதாக அரசு பீற்றிக்கொள்கிறது. ஆனால் உண்மை நிலை முற்றிலும் வேறாக உள்ளது.ஒட்டு மொத்த பெட்ரோலியத்துறை, அரசுக்கு வரியாக ரூ.100-ஐ செலுத்தினால் இதற்கு பதிலாக அரசு வழங்கும் மானியம் ரூ.25 மட்டுமே.பெட்ரோலின் விலையை நிர்ணயிக்கும் அதிகாரத்தை அரசு கைவிட்டவுடன் மாதா மாதம் பெட்ரோலின் விலை கணிசமான அளவில் ஏற்றப்படுகிறது

மக்கள் நலன்களுக்கே முன்னுரிமை அளிக்கும் வியட்நாம் அரசு பெரும் தொகையை மானியமாக வழங்கி வருவதுடன் பெட்ரோலியப் பொருட்களின் மீதான வரிகளை முற்றிலும் நீக்கி விட்டது. இதன் காரணமாக 2010 துவக்கத்திலிருந்து கணக்கிட்டால் பெட்ரோலியப் பொருட்களின் விலை அந்நாட்டில் 2.8 சதவீதம் அளவுக்கே அதிகரித்துள்ளது. ஆனால் 2009 மே மாதத்தில் ஐ.மு. கூட்டணி அரசு பதவி யேற்றவுடன் பெட்ரோலியப்பொருட்களின் விலை

45 சதவீதம் ஏறியுள்ளது. சர்வ தேச சந்தையில் கச்சா எண்ணெய்யின் விலை தொடர்ந்து அதிகரித்து வருவதால் உள்நாட்டுச்சந்தையில் விலையேற்றம் தவிர்க்கமுடியாதது என்று மன்மோகன்சிங் கூறுவது எவ்வளவு தவறானது என்பதை வியட்நாமின் அனுபவம் அம்பலப்படுத்தியுள்ளது

-கி.இலக்குவன்
ஆதாரம் :பீப்பிள்ஸ் டெமாக்ரசி

பெட்ரோல் விலை உயர்வை எதிர்த்தால் கொடுர தாக்குதல் திமுக அரசின் பொங்கல் பரிசு

முத்தமிழ் அறிஞர் டாக்டர் கலைஞர் கருனாநிதியின் ஆட்சியில் போராட்டங்களாக ஒருபோதும் கூடாது

இளைஞன் என்ற திரைப்படத்திற்கு கதை வசனம் எழுதுவோம் இளைஞர்களை தன்மானமும் போராட்ட குணமும் கொண்டவர்களாக மாற்றுதற்காக அல்ல அவர்கள் இந்த படத்தை பார்த்துவிட்டு டாஸ்மார்க்கடையில் குடித்துவிட்டு மானம் இழந்து அறிவு இழந்து கிடக்கவேண்டும் என்பதற்காக இப்படிப்பட்ட எனது ஆட்சியல் இளைஞர்கள் போராட வருவதும் அவர்கள் மறியல் ஆர்ப்பாட்டம் செய்வதும் தேசவீரோத செயல் .

பெட்ரோல் விலைகளை பெட்ரோலிய நிறுவனங்களே தீர்மானித்துக் கொள்ள மத்திய அரசு அனுமதி வழங்கியுள்ளது. இந்த அனுமதி வழங்கப்பட்ட கடந்த ஆறு மாதங்களில் ஏழு முறை பெட்ரோல் விலை உயர்ந்துள்ளது. கடந்த 30 நாட்களில் இரண்டாவது முறையாக பெட்ரோல் விலை உயர்த் தப்பட்டுள்ளது.

இந்த விலை உயர்வை திரும்பப் பெற வலியுறுத்தி இந்திய ஜனநாயக வாலிபர் சங்கத்தின் தென்சென்னை மாவட்டச் செயலாளர் ச. லெனின், பொருளாளர் தாமு, வடசென்னை மாவட்டத் தலைவர் இல. சண்முகசுந்தரம், செயலாளர் விஜயகுமார், பொருளாளர் முருகன் ஆகியோர் தலைமையில் செவ்வாயன்று (ஜன.18) நுங்கம்பாக்கத்தில் உள்ள இந்தியன் ஆயில் பவனை முற்றுகையிட ஊர் வலமாக வந்தனர்.

இந்தியன் ஆயில் பவன் முன்பு ஆர்ப்பாட்டத்தில் ஈடுபட்டவர்களுடன் காவல் துறையினர் வாக்குவாதத் தில் ஈடுபட்டனர். இதனால் தள்ளு முள்ளு ஏற்பட்டது. இந்நிலையில் பிரதமர் மன்மோகன் சிங்கின் உருவ பொம்மையை தீயிட்டு கொளுத்தினர்.

தடியடி

இதனையடுத்து போலீசார் காட்டு மிராண்டித்தனமாக தடியடி நடத்தினர். கீழே விழுந்தவர்களை போலீசார் சுற்றி வளைத்துக் கொண்டு தாக்கிய தோடு, பூட்ஸ் கால்களால் மிதித்தனர். லத்தியை கொண்டு வயிற்றில் குத்தினர். இந்த தாக்குதல்களில் 8 பேர் காயம டைந்தனர்.

இதனிடையே, ஒரு பகுதியினர் இந்தியன் ஆயில் பவனுக்குள் நுழைந்து ஆர்ப்பாட்டம் செய்தனர். அவர்களை போலீசாரும், அடையா ளம் தெரியாத நபர்களும், ஆயில் பவன் ஊழியர்களும் சுற்றி வளைத்து தாக்கினர். இத் தாக்குதலில் முரளி (மயிலை), சுரேஷ் (சோழிங் கநல்லூர்), குமரன் (சைதை), மணி (ஆயிரம் விளக்கு), ரமேஷ் (எழும்பூர்), உதயா (அண்ணாநகர்), சுரேஷ் (வேளச்சேரி), ஜெயந்த் (தாம்பரம்) ஆகிய 8 பேரும் பலத்த காயமடைந்தனர்.

ஆர்ப்பாட்டம் செய்து கொண்டிருந்தவர்களை போலீசார் கீழே தள்ளி தரதரவென்று இழுத்து வேனில் தூக்கி எறிந்தனர். பின்னர் வேனுக்குள் ஏறி லத்தியால் தாக்கி பூட்ஸ் காலால் உதைத்தனர். இதனால் அந்த இடம் போர்க் கோலமாக காட்சி அளித் தது.

எத்தனை வக்கிரமான மகிழ்ச்சி உங்களுக்கு?

தீபங்கர் முகர்ஜி

இந்திய மக்களின் தேவை களில் 75-80 சதவீதப் பெட்ரோலியப் பொருட்கள் இறக்குமதி செய்யப்படு கிறது. எனினும், கச்சா எண்ணெய் சுத் திகரிப்பில் நமது நாடு தன்னிறைவுக் கும் மேலான நிலையை அடைந்து விட்டது. உள்நாட்டுத்தேவைகளை விடக் கூடுதலாக உற்பத்தி செய்யப் படுகிறது. 2009-2010ஆம் ஆண்டில் 28 மில்லியன் டன் பெட்ரோலியப் பொருட்களை இந்தியா ஏற்றுமதி செய் துள்ளது. 10 மில்லியன் டன் பெட்ரோ லியப் பொருட்களை இறக்குமதி செய் துள்ளது.

மே 2009ல் ஐக்கிய முற்போக்குக் கூட்டணி இரண்டாவது முறையாக ஆட்சிக்கு வந்தது. அப்போது கச்சா எண்ணெய் சர்வதேச விலை ஒரு பேரலுக்கு 70 டாலராக இருந்தது. அதாவது, லிட்டர் ஒன்றுக்கு ரூ.21.43 ஆக இருந்தது. இன்று கச்சா எண்ணெய் விலை பேரல் ஒன்றுக்கு 77 டாலராக உயர்ந்துள்ளது. அதாவது லிட்டர் ஒன்றுக்கு ரூ.22.43 ஆக உள் ளது. ஒரு பேரல் என்பது உத்தேசமாக 160 லிட்டராகும். எனவே சர்வதேச சந்தையில் கச்சா எண்ணெய்யின் விலை 70பைசா உயர்ந்துள்ளது. ஆனால், பெட்ரோலுக்கு ரூ.6.44 உயர்த்தியதை எவ்வாறு நியாயப்படுத் தப்போகிறீர்கள் திருவாளர் முரளி தியோரா அவர்களே?. கடந்த நான்கு மாதங்களில் டீசல் லிட்டர் ஒன்றுக்கு ரூ.4.55 உயர்ந்துள்ளது. மண்ணெண் ணெய் விலை லிட்டர் ஒன்றுக்கு ரூ.3 உயர்ந்துள்ளது. வீட்டு உபயோக எரிவாயு சிலிண்டர் ஒன்றுக்கு ரூ.35 உயர்ந்துள்ளது.

ஜூன் 26, 2010 அன்று பெட்ரோ லியத் துறை அமைச்சரான நீங்கள், ‘தி டைம்ஸ் ஆஃப் இந்தியா’ பத்தி ரிகைக்கு அளித்த பேட்டியில், “நாட் டின் நலனைப் பெரிதாகக் கருதி பொதுத்துறை எண்ணெய் நிறுவனங் களை அரசு பேணுகிறது. நவரத்தினங் கள் மற்றும் மகாரத்தினங்கள் என்ற ழைக்கப்படும் நிறுவனங்களைத் திவாலாகும் நிலைமையிலிருந்து காப் பாற்ற அரசு பாடுபடுகிறது. மேலும், அரசு, நுகர்வோரின் நலனையும் காப்பாற்றுகிறது.” என்று கூறினீர் கள் உண்மைதானா? பெட்ரோலியத் துறையின் வருடாந்திர வரவு-செலவு அறிக்கையைப் பார்ப்போமா?

இந்தியன் ஆயில் கார்ப்பரேஷன் (ஐஓசி) மிகப் பெரிய பொதுத்துறை எண்ணெய் நிறுவனம்.

2008-2009, ஐஓசி அளித்துள்ள வரவு-செலவு அறிக்கையில் அதற்கு முன் இல்லாத வகையில் மொத்த விற்பனையின் அளவு ரூ.2,85,337 கோடியாகும். அனைத்து செலவு களையும் நீக்கிய பின்னர் நிகர லாபம் ரூ.2,950 கோடி ஆகும்.. அதுவும் விலை உயர்வுக்கு முன் பெட்ரோல், டீசல், பொது விநியோகத்திற்கான மண்ணெண்ணெய் மற்றும் வீட்டு உபயோகத்திற்கான எரிவாயு விற் பனையினால் ஆகும். உலகத்திலுள்ள 500 பெரிய நிறுவனங்களில் இந்தியன் ஆயில் கம்பெனி 116வது இடத்தைப் பிடித்துள்ளது. உலக அளவில் 18வது பெரிய நிறுவனம் ஆகும். 2009-2010 நிதிநிலை அறிக்கையில் (2009 டிசம்பர் இறுதிவரை மட்டும்) வரி கழித்தது போக, இந்நிறுவனத்தின் நிகர லாபம் ரூ.4663.78 கோடியாகும். அதேசமயம், மொத்த விற்பனை அளவு ரூ.2,08,289.46 கோடியாகும்.

மூச்சைப் பிடித்துக் கொள் ளுங்கள். மார்ச் 31, 2010 ம் ஆண்டு தணிக்கை செய்யப்பட்ட நிதிநிலை அறிக்கைப்படி இந்தியன் ஆயில் கம்பெனியின் நிகர லாபம் ரூ.10,998 கோடியாகும். கையிருப்பு நிதி மற்றும் உபரி நிதியின் மதிப்பு ரூ.49,472 கோடிகளாகும்.

2009-2010ஆம் ஆண்டு இந்தி யன் ஆயில் கம்பெனி செலுத்திய எக்சைஸ் வரி ரூ26,050 கோடியாகும். மற்ற வரியினங்கள் ரூ.4049 கோடிக ளாகும். மேலும், இந்திய அரசுக்கு தனது பங்காதாயமாக 2007-2008ம் ஆண்டில் ரூ.656 கோடி அளித் துள்ளது. 2008-2009ம் ஆண்டில் ரூ.910 கோடி அளித்துள்ளது. 2009-2010ம் ஆண்டில் ரூ.3,000கோடிக்கும் அதிகமாக அளிக்கும்.

மற்ற இரு நிறுவனங்களான ஹிந் துஸ்தான் பெட்ரோலியம் கம்பெனி மற்றும் பாரத் பெட்ரோலியம் கம்பெ னிகள் முறையே ரூ.544 கோடி மற்றும் ரூ.834 கோடி(2009 டிசம்பர் வரை மட்டும்) லாபம் ஈட்டியுள்ளன.

தியோரா அவர்களே, கோடிகளைச் சம்பாதிக்கும் நிறுவனங்களைத் திவா லாகப் போகும் நிறுவனங்கள் என்று கூறுவதில் உங்களுக்குத்தான் எவ் வளவு வக்கிரமான மகிழ்ச்சி! உண் மையிலேயே மத்திய அரசு தான் திவா லாகியுள்ளது. மத்திய அரசுக்குச் சொந் தமான நிறுவனங்களையே தரக் குறைவாகக் கூறுவது, தனது மறை முகத் திட்டத்தை நிறைவேற்றுவதற் காக மட்டுமே.

இதோ ஒரு சுவாரஸ்யமான விஷ யம். திவாலான நிறுவனங்களையெல் லாம் அழைத்து ரே பரேலியிலுள்ள ராஜீவ் காந்தி பெட்ரோலியம் இன்ஸ் டிட்யூட்டுக்கு ரூ.250கோடி அன் பளிப்பு அளிக்கச் சொல்லியுள்ளனர்.

இந்தியன் ஆயில் கம்பெனியின் வருடாந்திர நிதிநிலை அறிக்கையில், ரூ.65,000 கோடி மதிப்பிலான திட்டத் திற்கு இந்திய அணுசக்திக் கழகத் தில் முதலீடு செய்வதற்கான புரிந் துணர்வு ஒப்பந்தத்தில் கையெழுத் திட்டுள்ளது. இந்திய அணுசக்திக் கழகத்துடன் இணைந்து அணுமின் சக்தி உற்பத்தித் துறையில் நுழைந் துள்ளது. மிக அதிகச் செலவு பிடிக்கும் இத்திட்டத்தில் மிகக் குறைவான லாபத்தையே அளிக்கும் என்பது குறிப்பிடத்தக்கதாகும். அமைச்சர் முரளி தியோரா, இதுவா திவாலாகும் நிறுவனம்?

‘பீப்பிள்ஸ் டெமாக்ரசி’இலிருந்து

தமிழில்: எஸ்.சுப்பிரமணியன்

எத்தனை வக்கிரமான மகிழ்ச்சி உங்களுக்கு?

-தீபங்கர் முகர்ஜி

இந்திய மக்களின் தேவை களில் 75-80 சதவீதப் பெட்ரோலியப் பொருட்கள் இறக்குமதி செய்யப்படு கிறது. எனினும், கச்சா எண்ணெய் சுத் திகரிப்பில் நமது நாடு தன்னிறைவுக் கும் மேலான நிலையை அடைந்து விட்டது. உள்நாட்டுத்தேவைகளை விடக் கூடுதலாக உற்பத்தி செய்யப் படுகிறது. 2009-2010ஆம் ஆண்டில் 28 மில்லியன் டன் பெட்ரோலியப் பொருட்களை இந்தியா ஏற்றுமதி செய் துள்ளது. 10 மில்லியன் டன் பெட்ரோ லியப் பொருட்களை இறக்குமதி செய் துள்ளது. மே 2009ல் ஐக்கிய முற்போக்குக் கூட்டணி இரண்டாவது முறையாக ஆட்சிக்கு வந்தது. அப்போது கச்சா எண்ணெய் சர்வதேச விலை ஒரு பேரலுக்கு 70 டாலராக இருந்தது. அதாவது, லிட்டர் ஒன்றுக்கு ரூ.21.43 ஆக இருந்தது. இன்று கச்சா எண்ணெய் விலை பேரல் ஒன்றுக்கு 77 டாலராக உயர்ந்துள்ளது. அதாவது லிட்டர் ஒன்றுக்கு ரூ.22.43 ஆக உள் ளது. ஒரு பேரல் என்பது உத்தேசமாக 160 லிட்டராகும். எனவே சர்வதேச சந்தையில் கச்சா எண்ணெய்யின் விலை 70பைசா உயர்ந்துள்ளது. ஆனால், பெட்ரோலுக்கு ரூ.6.44 உயர்த்தியதை எவ்வாறு நியாயப்படுத் தப்போகிறீர்கள் திருவாளர் முரளி தியோரா அவர்களே?. கடந்த நான்கு மாதங்களில் டீசல் லிட்டர் ஒன்றுக்கு ரூ.4.55 உயர்ந்துள்ளது. மண்ணெண் ணெய் விலை லிட்டர் ஒன்றுக்கு ரூ.3 உயர்ந்துள்ளது. வீட்டு உபயோக எரிவாயு சிலிண்டர் ஒன்றுக்கு ரூ.35 உயர்ந்துள்ளது. ஜூன் 26, 2010 அன்று பெட்ரோ லியத் துறை அமைச்சரான நீங்கள், ‘தி டைம்ஸ் ஆஃப் இந்தியா’ பத்தி ரிகைக்கு அளித்த பேட்டியில், “நாட் டின் நலனைப் பெரிதாகக் கருதி பொதுத்துறை எண்ணெய் நிறுவனங் களை அரசு பேணுகிறது. நவரத்தினங் கள் மற்றும் மகாரத்தினங்கள் என்ற ழைக்கப்படும் நிறுவனங்களைத் திவாலாகும் நிலைமையிலிருந்து காப் பாற்ற அரசு பாடுபடுகிறது. மேலும், அரசு, நுகர்வோரின் நலனையும் காப்பாற்றுகிறது.” என்று கூறினீர் கள் உண்மைதானா? பெட்ரோலியத் துறையின் வருடாந்திர வரவு-செலவு அறிக்கையைப் பார்ப்போமா? இந்தியன் ஆயில் கார்ப்பரேஷன் (ஐஓசி) மிகப் பெரிய பொதுத்துறை எண்ணெய் நிறுவனம். 2008-2009, ஐஓசி அளித்துள்ள வரவு-செலவு அறிக்கையில் அதற்கு முன் இல்லாத வகையில் மொத்த விற்பனையின் அளவு ரூ.2,85,337 கோடியாகும். அனைத்து செலவு களையும் நீக்கிய பின்னர் நிகர லாபம் ரூ.2,950 கோடி ஆகும்.. அதுவும் விலை உயர்வுக்கு முன் பெட்ரோல், டீசல், பொது விநியோகத்திற்கான மண்ணெண்ணெய் மற்றும் வீட்டு உபயோகத்திற்கான எரிவாயு விற் பனையினால் ஆகும். உலகத்திலுள்ள 500 பெரிய நிறுவனங்களில் இந்தியன் ஆயில் கம்பெனி 116வது இடத்தைப் பிடித்துள்ளது. உலக அளவில் 18வது பெரிய நிறுவனம் ஆகும். 2009-2010 நிதிநிலை அறிக்கையில் (2009 டிசம்பர் இறுதிவரை மட்டும்) வரி கழித்தது போக, இந்நிறுவனத்தின் நிகர லாபம் ரூ.4663.78 கோடியாகும். அதேசமயம், மொத்த விற்பனை அளவு ரூ.2,08,289.46 கோடியாகும். மூச்சைப் பிடித்துக் கொள் ளுங்கள். மார்ச் 31, 2010 ம் ஆண்டு தணிக்கை செய்யப்பட்ட நிதிநிலை அறிக்கைப்படி இந்தியன் ஆயில் கம்பெனியின் நிகர லாபம் ரூ.10,998 கோடியாகும். கையிருப்பு நிதி மற்றும் உபரி நிதியின் மதிப்பு ரூ.49,472 கோடிகளாகும். 2009-2010ஆம் ஆண்டு இந்தி யன் ஆயில் கம்பெனி செலுத்திய எக்சைஸ் வரி ரூ26,050 கோடியாகும். மற்ற வரியினங்கள் ரூ.4049 கோடிக ளாகும். மேலும், இந்திய அரசுக்கு தனது பங்காதாயமாக 2007-2008ம் ஆண்டில் ரூ.656 கோடி அளித் துள்ளது. 2008-2009ம் ஆண்டில் ரூ.910 கோடி அளித்துள்ளது. 2009-2010ம் ஆண்டில் ரூ.3,000கோடிக்கும் அதிகமாக அளிக்கும். மற்ற இரு நிறுவனங்களான ஹிந் துஸ்தான் பெட்ரோலியம் கம்பெனி மற்றும் பாரத் பெட்ரோலியம் கம்பெ னிகள் முறையே ரூ.544 கோடி மற்றும் ரூ.834 கோடி(2009 டிசம்பர் வரை மட்டும்) லாபம் ஈட்டியுள்ளன. தியோரா அவர்களே, கோடிகளைச் சம்பாதிக்கும் நிறுவனங்களைத் திவா லாகப் போகும் நிறுவனங்கள் என்று கூறுவதில் உங்களுக்குத்தான் எவ் வளவு வக்கிரமான மகிழ்ச்சி! உண் மையிலேயே மத்திய அரசு தான் திவா லாகியுள்ளது. மத்திய அரசுக்குச் சொந் தமான நிறுவனங்களையே தரக் குறைவாகக் கூறுவது, தனது மறை முகத் திட்டத்தை நிறைவேற்றுவதற் காக மட்டுமே. இதோ ஒரு சுவாரஸ்யமான விஷ யம். திவாலான நிறுவனங்களையெல் லாம் அழைத்து ரே பரேலியிலுள்ள ராஜீவ் காந்தி பெட்ரோலியம் இன்ஸ் டிட்யூட்டுக்கு ரூ.250கோடி அன் பளிப்பு அளிக்கச் சொல்லியுள்ளனர். இந்தியன் ஆயில் கம்பெனியின் வருடாந்திர நிதிநிலை அறிக்கையில், ரூ.65,000 கோடி மதிப்பிலான திட்டத் திற்கு இந்திய அணுசக்திக் கழகத் தில் முதலீடு செய்வதற்கான புரிந் துணர்வு ஒப்பந்தத்தில் கையெழுத் திட்டுள்ளது. இந்திய அணுசக்திக் கழகத்துடன் இணைந்து அணுமின் சக்தி உற்பத்தித் துறையில் நுழைந் துள்ளது. மிக அதிகச் செலவு பிடிக்கும் இத்திட்டத்தில் மிகக் குறைவான லாபத்தையே அளிக்கும் என்பது குறிப்பிடத்தக்கதாகும். அமைச்சர் முரளி தியோரா, இதுவா திவாலாகும் நிறுவனம்? ‘பீப்பிள்ஸ் டெமாக்ரசி’இலிருந்து தமிழில்: எஸ்.சுப்பிரமணியன்

பெட்ரோல் மானியம்: அரசு நாடகமாடுகிறது

டாக்டர் சஞ்சய் குல்ஷ்ரேஸ்தா

மீண்டும் ஒருமுறை பெட்ரோல் விலையை உயர்த்தி இருக்கிறது மத்திய அரசு. கொஞ்சநஞ்சமல்ல, ஒரு லிட்டருக்கு 3.73 ரூபாய்! பெட்ரோலுக்கு மிக அதிகமான மானியம் கொடுப்பதால் அரசாங்கத்துக்கு பல ஆயிரம் கோடி ரூபாய் இழப்பு ஏற்படுகிறது. இதனைத் தவிர்க்கவே இந்த விலையேற்றம் என்கிறதுஅரசு.

அரசின் இந்த வாதத்தைக் கேட்கும் சாதாரண மக்கள் கூட, பெட்ரோல் விலையை உயர்த்துவதில் நியாயம் இருப்பதாக நினைக்கிறார்கள். ஆனால் பெட்ரோல் மானியம் பற்றி அரசு உண்மையைச் சொல்கிறதா? என்னைப் பொறுத்தவரை மானியம் தொடர்பாக மத்திய அரசு முன்னுக்குப்பின் முரணாகப் பேசி, மக்களைக் குழப்பி, நாடகமாடுகிறது என்றுதான் சொல்வேன். மானியம் பற்றி அரசு சொல்லும் பொய்களுக்கு என் பதில் இதோ:

எல்லா பொருட்களுக்கும் உற்பத்தி விலை என ஒன்று உண்டு. உதாரணமாக ஒரு சட்டை தைக்கிறோம். இதன் உற்பத்தி செலவு 50 ரூபாய். இதனை 100 ரூபாய்க்கு விற்றால் 50 ரூபாய் லாபம். அதுவே 100 ரூபாய்க்கு பதிலாக 80 ரூபாய்க்கு விற்றால் 30 ரூபாய் லாபம். அதாவது, லாபத்தில் 20 சதவீதம் தள்ளுபடி கொடுத்து விற்கிறோம். இந்த 20 சதவீதம் நமக்கு நஷ்டம்தான் என்றாலும், அது லாபத்தில்தான் நஷ்டமே ஒழிய, உண்மையான நஷ்டமல்ல.

இனி பெட்ரோலுக்கு வருவோம். ஒரு லிட்டர் பெட்ரோலைத் தயாரிக்க 20 ரூபாய் ஆகிறது. அதற்கு மேல் அரசு பல வரிகளைப் போட்டு 49 ரூபாய் ஆக்கிவிடுகிறது என்றால், லாபம் 29 ரூபாய். அரசு அதன்பிறகு 4 ரூபாய் மானியமாகக் கொடுத்தால் அதை லாபத்திலிருந்து நஷ்டம் என்றுதான் பார்க்க வேண்டுமே ஒழிய, உண்மையான நஷ்டமல்ல!

எனவே, மானியம் கொடுப்பதால் அளவுக்கு அதிகமான நஷ்டம் ஏற்படுவதாகச் சொல்வதில் கொஞ்சமும் உண்மை இல்லை. அப்படி நஷ்டம் ஏற்பட்டிருந்தால் பெட்ரோல் தயாரிப்பு நிறுவனங்கள் நஷ்டம் அடைந்திருக்க வேண்டும். ஆனால் கச்சா எண்ணெய் விலை உச்சத்தில் இருந்த 2007-08ஆம் ஆண்டில்கூட பெட்ரோல் தயாரிப்பு நிறுவனங்கள் 9,557 கோடி ரூபாய் வரி செலுத்தியது. இந்திய கார்ப்பரேட் நிறுவனங்களிலேயே மிக அதிகமான வரி கட்டிய துறை என்கிற பெயரைத் தக்கவைத்துக் கொண்டன பெட்ரோல் தயாரிப்பு நிறுவனங்கள். ஆக, பெட்ரோலுக்கு அளிக்கப்படும் மானியத்தால் பெட்ரோல் நிறுவனங்களுக்கும் சரி, அரசுக்கும் சரி, நஷ்டமில்லை!

பெட்ரோலுக்கான மானியம் நமது ஜிடிபியில் 1 சதவீதம் கூட இல்லை. பெட்ரோல் உட்பட நமது மொத்த மானியமே நமது ஜிடிபியில் 2 சதவீதம் மட்டுமே. வளர்ந்த நாடுகள் மானியத்துக்காக 4 சதவீதம் பணத்தை செலவு செய்யும்போது, அதில் பாதியைக் கூட செலவு செய்யாத நாம், ஏன் இவ்வளவு பெரிதாகப் பேசுகிறோம் என்பது புரியவில்லை.

பெட்ரோல், டீசல் விலையை ஏற்றினால் ஏறக்குறைய எல்லா பொருட்களின் விலையும் ஏறும். பெட்ரோலியப் பொருட்களின் விலையை 4-5 சதவீதம் உயர்த்தினால் வீட்டுச்செலவு 23 சதவீதம் வரை உயரும் என ஒரு சர்வே சொல்கிறது. ஏற்கெனவே நம் அன்றாடத் தேவைக்குப் பயன்படுத்தும் அனைத்துப் பொருட்களின் விலையும் அதிகமாக இருக்கிறது. ஜூன் 2008ல் பெட்ரோல் விலை உயர்வு அறிவிப்பு வந்தவுடன் பணவீக்கம் 11.05 சதவீதத்திற்கு எகிறியது. கடந்த 13 ஆண்டுகளில் பணவீக்கம் இவ்வளவு உச்சத்தை அடைந்ததில்லை. மேலும் அரசாங்க பொருளாதார நிபுணர்களால் இந்த விலை உயர்வு 0.5/0.6 சதவீதம்தான் பணவீக்கத்தை உயர்த்தும் என்பது பொய்யாகி, ஒரே வாரத்தில் 2.31 சதவீதம் உயர்ந்தது. மானியத்தைக் குறைக்க வேண்டும் என்கிற தலைவலியைப் போக்க அரசு எடுக்கும் நடவடிக்கை, பணவீக்கம் என்கிற திருகுவலியைத்தான் கொண்டு வருகிறது. அரசாங்கத்தின் செலவு குறைவதற்காக மக்கள் அதிகம் செலவழிக்க வேண்டும் என்று சொல்வது எந்த வகையில் நியாயம்?

நன்றி: நாணயம் விகடன்

எண்ணெய் கம்பெனிகள் கொள்ளை லாபம்

இந்திரா காந்தி, 1976இல் பர்மா ஷெல், கால்டெக்ஸ், எஸ்ஸோ போன்ற அந்நிய பெரும் எண்ணெய் நிறுவனங்களைத் தேசியமயமாக்கினார். தேசியமயமாக்குவ தற்கு முன் இந் நிறுவனங்கள், நம் நாட்டு நுகர்வோரிடம் சர்வதேச விலைக்கு பெட் ரோலியப் பொருட்களை விற்று கொள்ளை லாபம் ஈட்டின.

‘இறக்குமதி விலை முறை’ என்று இதற்குப் பெயரிட்டிருந்தனர். பன்னாட்டு எண்ணெய் நிறுவனங்கள் தங்களுக்குள் கூட்டணி அமைத்துக் கொண்டு, தங்கள் லாபத்தை அதிகரித்திடும் வண்ணம், விலைகளை நிர்ணயித்து வந்தன. இது உலகில் உள்ள அனைவருக்கும் நன்கு தெரியும். 1976இல் ‘இறக்குமதி விலை முறை’ நிறுத்தப்பட்டுவிட்டது. பின்னர் அரசு அதற்குப் பதிலாக ‘நிர்வாக விலை ஏற்பாடு’ ஒன்றைக் கொண்டு வந்தது. இதன்படி, அந்நிய நிறுவனங்களிடமி ருந்து பெட்ரோலியப் பொருட்களை இறக்குமதி செய்வதற்கு முற்றுப்புள்ளி வைத்து விட்டு, உள்நாட்டில் உள்ள எண்ணெய் சுத்திகரிப்பு நிலையங்கள் மூலம் பெட் ரோலியப் பொருட்களை உருவாக்கி, மக்களுக்கு நியாயமான விலையில் விற்பனை செய்வது என்று முடிவு எடுக்கப்பட்டது. கச்சா எண்ணெய் விலை, அதனை சுத்திக ரிப்பதற்கான செலவு ஆகியவற்றுடன் சிறிது லாபம் வைத்து பெட்ரோலியப் பொருட்களின் விலைகள் நிர்ணயம் செய் யப்பட்டன. அவ்வாறுதான் இந்தியாவில் விலைகள் நிர்ணயம் செய்யப்பட்டன.

1991 இலிருந்து மன்மோகன் சிங் தலைமையில் நவீன தாராளமயப் பொரு ளாதாரக் கொள்கைகள் நடைமுறைப்படுத் தப்பட்டன. இதனை அடுத்து, நம் நாட் டைச் சேர்ந்த மற்றும் அந்நிய நாடுக ளைச் சேர்ந்த தனியார் முதலீட்டாளர்கள் நுழைவு அதிகரித்தது. இவர்கள் இத்த கைய ‘நிர்வாக விலை ஏற்பாட்டினை’ அரசு கைவிட வேண்டும் என்றும், மீண் டும் பழைய ‘இறக்குமதி விலை முறை’க்கே திரும்பிட வேண்டும் என்றும் வலியுறுத்தி வந்தனர்.

2002இல் பாஜக ஆட்சிக் காலத்தின்போது ‘நிர்வாக விலை ஏற்பாடு’ கைவிடப்பட்டது. கச்சா எண் ணெய் மற்றும் பெட்ரோலியப் பொருட்க ளுக்கு ‘இறக்குமதி விலை முறை’ மீண் டும் கொண்டுவரப்பட்டது. இதன் பொருள், நம் நாட்டில் பெட்ரோலியப் பொருட்களின் விலைகள் இனி சர்வதேச சந்தையில் உள்ள பெட்ரோலியப் பொருட்களின் விலைக்குச் சமமாக நிர்ணயிக்கப்படும். உண்மையில் இன்றையதினம் நாம் நம் முடைய ‘ஓஎன்ஜிசி’ மற்றும் ‘ஆயில் இந் தியா’ நிறுவனங்கள் மூலமாக மிகவும் மலிவான கச்சா எண்ணெய்யை உற்பத்தி செய்து வருகிறோம். அவற்றை மிகவும் குறைந்த செலவினத்தில் சுத்திகரிப்பும் செய்கிறோம். எனவே நம்நாட்டில் பெட் ரோலியப் பொருட்களின் உற்பத்திச் செல வினம் மிகவும் குறைவாகும். ஆயினும் சர்வதேச சந்தை விலைக்கு பெட்ரோ லியப் பொருட்களின் விலையை நிர்ண யம் செய்திட இந்நிறுவனங்கள் கட்டாயப் படுத்தப்படுகின்றன. உண்மையில் நாட் டில் உள்ள அனைத்து எண்ணெய் நிறு வனங்களும் அளவிடற்கரியவிதத்தில் கொள்ளை லாபத்தை ஈட்டியுள்ளன; ஈட் டிக்கொண்டும் இருக்கின்றன. உண்மை இவ்வாறிருக்கையில், அவை நஷ்டத் தை அடைந்திருப்பதாகக் கூறுவது மிகப்பெரிய மோசடியாகும்.

2002க்குப் பின், ‘ரிலையன்ஸ்’ , ‘எஸ் ஸார்’ போன்ற நம்நாட்டு தனியார் நிறுவ னங்கள் பெட்ரோலியப் பொருட்களின் விலைகள் மீது அரசு கட்டுப்பாடுகள் விதித்துள்ளதை மேலும் தளர்த்திட வேண்டும் என்று கோரி வந்தன. பாஜக அரசாங்கம் எடுத்த நடவடிக்கைகளில் அதற்கு திருப்தி ஏற்படவில்லை. கிரித் பாரிக் என்பவர் தலைமையில் குழு ஒன்று இதற்காக அமைக்கப்பட்டது. இந்தக் குழுவானது பெட்ரோலியப் பொருட்களின் விலைகள் மீதான கட்டுப்பாடுகளை முழுமையாக நீக்கிட வேண்டும் என்று பரிந்துரைத்தது. மத்திய அரசு இதனை ஏற்றுக்கொண்டு, மீண்டும் ‘இறக்குமதி சரிசமநிலை விலை’யை அமல்படுத்தியிருக்கிறது. இவ் வாறு நம் நாட்டு மக்கள், சந்தை சக்திகளின் தயவிற்குத் தள்ளப்பட்டுவிட்டார்கள்.

மீண்டும் அந்நிய எண்ணெய் நிறுவனங்கள் நம் நாட்டில் செயல்பட்டுக் கொண்டிருந்தபோது இருந்த நிலைக்குத் தள்ளப்பட்டிருக்கிறோம். பர்மா ஷெல், கால்டெக்ஸ், எஸ்ஸோ நம்மைவிட்டுப் போயிருக்கலாம். ஆயினும் அவை நிர்ண யித்த ‘இறக்குமதி சரிசமநிலை விலை’ மீண்டும் திரும்பி வந்திருக்கிறது.

(ஐஎன்என்)

விலை அப்படியொன்றும் அதிகம் இல்லை; அதனால் எனக்கொரு கவலையில்லை

தமிழக முதலமைச்சர் கலைஞர் 28.6.2010 அன்று கோவையில் செய்தியாளர்களுக்கு பேட்டியளித்த போது அவருடைய கட்சியும் பங்கேற்கிற மத்திய அரசாங்கமும் பெட்ரோல், டீசல், மண்ணெண்ணெய், சமையல் எரிவாயு ஆகியவற்றின் விலையை உயர்த்தியிருப் பதை பற்றி கேட்டபோது, அவர்கள் உத்தே சித்திருந்த விலையை விட குறைவான அளவே உயர்த்தப்பட்டிருப்பதாக தெரிவித் துள்ளார். மத்திய அரசாங்கம் ஒரு பெரிய தொகையை உத்தேசித்திருப்பதாக சொன் னால், அதை விட சற்று குறைத்து உயர்த்தி னால் இவருக்கு அதில் வருத்தம் கிடையாது. ஒரு விலை உயர்வு மக்களின் மீது ஏற்படுத் தும் சுமை குறித்த அடிப்படையில் இவர் விலை உயர்வை பரிசீலிக்க மாட்டார். மத் திய அரசாங்கம் சொல்கிற விலை என்பதை அளவுகோலாக வைத்துக் கொண்டு முதல் வர் விலையேற்றத்தை மதிப்பிடுவாரா? அரசு போக்குவரத்துக்கழகத்திற்கு 150 கோடி ரூபாய் கூடுதல் சுமை வருமாம். மக்கள் நலன் கருதி இவர் பஸ் கட்டணத்தை உயர்த்த மாட்டாராம். தமிழகத்தில் பேருந்துகள் மட்டும் தான் டீசலில் இயங்குவதாக கலைஞர் கற்பனை செய்து கொள்கிறாரா? ஆட்டோ, வேன், டாக்ஸி, லாரி, டிராக்டர் இவையெல்லாம் தண்ணீரில் ஓடுகிறதா? விலை உயர் வால் ஏற்படும் பாதிப்பு இந்த வாகனங்களை பயன்படுத்துவோருக்கு சுமை ஏற்படுத்தாதா?

மத்திய பெட்ரோலிய அமைச்சகம் 27.6. 2010 பத்திரிகையில் அண்டை நாடுகளில் மண்ணெண்ணெய் மற்றும் சமையல் வாயு சிலிண்டர்களின் விலைகளை பட்டியலிட்டு தனக்குத்தானே பாராட்டிக் கொண்டிருக் கிறது. பொதுவாக இப்படி அண்டை மாநிலங்களை ஒப்பிட்டு தனக்குத்தானே சபாஷ் போட்டுக்கொள்கிற வழக்கம் தமிழக முதல்வருக்கு மட்டுமே உரித்தானது. ஒரு மாநிலம் அல்லது நாட்டின் ஒரு குறிப்பிட்ட பொருளை மட்டும் எடுத்துக்கொண்டு அதை மட்டும் ஒப்பிட்டுக் காட்டி உலகத்தி லேயே தாங் கள் தான் சிறப்பானவர்கள் என்று பெருமை பேசுகிற ஒரு கபடத்தனத்தை மத்திய -மாநில அரசுகள் தொடர்ச்சியாக கடைப்பிடித்து வருகின்றன. தொழிலாளர் களின் சம்பளம் என்று வந்தால் தமிழக முதல் வர் கேரளாவை ஒப்பிட்டுப் பேச மாட்டார். ஏனென்றால் இந்தியாவிலேயே கேரளா வில்தான் தொழிலாளர் களுக்கான கூலி அதிகம். எனவே, ஒரு மாநிலத்தை மற்றொரு மாநிலத்தோடு ஒப்பிடும்போது அந்த ஒப்பீட் டுக்கு தேவையான இதர அம்சங்களையும் கணக் கில் எடுத்துக்கொண்டு ஒப்பிட வேண்டும் என் பது பொருளாதாரத்தின் பாலபாடம். இது ஆட்சியாளர்களுக்கு தெரியும். ஆனால் இதுபற்றி வாய் திறக்கமாட்டார்கள். ஏனென் றால், அது அவர்களுக்கு எதிரானதாக அமையும்.

சம்பளத்தை ஒப்பிடுவதாக இருந்தால் அதை வாங்கும் திறனோடு ஒப்பிட்டுத்தான் சரியான மதிப்பீட்டிற்கு வர முடியும். ஐயா யிரம் சம்பளம் பெரிதா? பத்தாயிரம் சம்பளம் பெரிதா? என்று குறிப்பிட்ட ஊரில் உள்ள இருவரின் சம்பளத்தை ஒப்பிடலாமே தவிர எங்கோயிருக்கிற ஒருவரின் சம்பளத்தை இன்னொரு ஊரில் உள்ள ஒருவரின் சம்ப ளத்தோடு ஒப்பிட வேண்டுமென்றால் இரண்டுபேரும் வீட்டுக்கான வாடகை, உணவு, மருத்துவம், கல்வி, சுகாதாரம் ஆகி யவற்றுக்கு என்ன விகிதத்தில் செலவழிக் கிறார்கள் என்பதை வைத்துத்தான் எது சிறந்த சம்பளம் என்பதை நிர்ணயிக்க முடியும். உதாரணமாக பத்தாயிரம் பெறுகிற ஒருவர் மேற்கண்ட தேவைகளுக்காக ரூ. 9500 செலவழிக்கிறார் என்றும், ஐயாயிரம் சம்பளம் வாங்குகிறவர் மேற்கண்ட தேவை களுக்காக ரூ.4500 செலவழிக்கிறார் என்றும் வைத்துக்கொண்டால் ஐயாயிரம் ரூபாய் சம் பளம் என்பது தான் உயர்வானது. ஆனால், தமிழக அரசு பொதுவாக இப்படி ஒட்டு மொத்தமாக பரிசீலிக்காமல் தனித்தனி விவரங்களை எடுத்து மக்களை திசை திருப் பும் வேலையை தொடர்ந்து செய்து வரு கிறது. அதேபாணியில் மத்திய அரசாங்கமும் செய்து கொண்டிருக்கிறது.

27.6.2010 தேதியிட்ட பெட்ரோல் அமைச் சகத்தின் ஒப்பீட்டுப்பட்டியலில் பெட்ரோல் மற்றும் டீசலின் விலைகள் ஒப்பிட்டுக் காட் டப்படவில்லை. மண்ணெண்ணெய் விலை யும் கூட ரேசன் கடையில் விற்கப்படும் வறு மைக்கோட்டிற்கு கீழுள்ளோருக்கு விற்கப் படும் விலையே குறிப்பிடப்பட்டுள்ளது. வெளி மார்க்கெட்டில் மண்ணெண்ணெய்யின் விலை ரூ. 32.-ம், அதற்கு அதிகமாகவும் விற் கப்படுகிறது. அரசாங்கம் ஏன் இத்தகைய புரட்டு வேலைகளிலும், கபடத்தனத்திலும் இறங்க வேண்டும். நாளை ஒருவேளை அரிசி விலை குறித்து ஒப்பிட்டால் தமிழ்நாட்டில் அரிசி விலை 1 ரூபாய் என்று எழுதி ஒப்பிடு வார்களா?

இது உத்தேசித்ததை விட குறைவான உயர்வு என்று முதல்வர் பெருமைப்பட் டுக்கொள்கிறார். அண்டை நாடுகளுடன் ஒப்பிட்டு பெட்ரோலிய அமைச்சகம் திருப் திப்பட்டுக்கொள்கிறது. இந்திய மக்களால் இந்த விலை உயர்வை தாங்கிக்கொள்ள முடி யும் என்று பிரதமர் உறுதிப்பட தெரிவித் திருக்கிறார். வாய்க்கும் கைக்கும் எட்டாம லிருக்க இந்திய மக்கள் ஒரு மாதத்தில் கூடு தலாக 30 ரூபாய் மண்ணெண்ணெய்க்கு செலவழிக்க முடியும். 35 ரூபாய் சமையல் எரிவாயுவிற்கு செலவழிக்க முடியும். தினசரி காய்கறி, உணவுப்பொருட்கள், கட்டுமானப் பொருட்கள் உள்ளிட்ட அத்தியாவசியப் பொருட்களின் விலையேற்றத்தை தாங்கிக் கொள்ள முடியும் என்று நம்பிக்கை தெரிவிக் கிற இவர்கள், இந்தியாவின் மிகப்பெரிய பணக்காரர்கள் குறித்து என்ன கருத்து வைத்திருக்கிறார்கள்.

இந்தாண்டு பட்ஜெட்டில் ஐந்து லட்சம் கோடி ரூபாய் பெருமுதலாளிகளுக்கு தானம் செய்யப்பட்டிருக்கிறது. இது ஒவ் வொரு நிமிடத்திற்கும் ஏறத்தாழ ஒரு கோடி ரூபாயாகும். பெருமுதலாளிகளுக்கு கடந் தாண்டு பட்ஜெட்டில் மூன்று லட்சம் கோடி விட்டுத்தரப்பட்டிருக்கிறது. இந்தியாவின் 110 கோடி ஜனத்தொகையில் ஒரு நூறு குடும் பங்களுக்கு ஒரு ஆண்டில் ஐந்து லட்சம் கோடி ரூபாய் விட்டுத்தருகிற அரசாங் கத்தால் 110 கோடி மக்களுக்கு ஓராண்டிற்கு அவர்களின் கணக்குப்படியே 53 ஆயிரம் கோடி ரூபாயை ஏற்றுக்கொள்ள மனமில்லை.

உலகப் பொருளாதார நெருக்கடி ஏற்பட்ட போது தொழில்கள் பாதிக்கப்பட்டன. தொழி லாளர்களுக்கு வேலை பறிபோனது. பொது மக்கள் தலையில் கடுமையான சுமையேற் றப்பட்டது. ஆனால், மத்திய அரசாங்கம் தொழில்களை பாதுகாக்க என்று இரண்டு முறை மீள் இயக்க நிதி என்ற பெயரில் மக்களின் சொத்து பலநூறு கோடி ரூபாய் களை முதலாளிகளுக்கு வாரி இறைத்தது. ஆனால், தொழிலாளர்களின் வேலைகளை பாதுகாக்கவோ, குறைக்கப் பட்ட சம்பளத்தை சரிகட்டவோ எந்தவிதமான முயற்சியும் மேற்கொள்ள வில்லை.

தமிழக முதல்வர் அதற்கு அடுத்த நாள் பேட்டியில், தமிழ்நாட்டில் மாநில அரசின் வரி ஏற்கெனவே குறைக்கப் பட்டதாகவும், இதர மாநில அரசுகள் குறைத்தனவா என் றும் கேட்டிருக்கிறார். இடது சாரி அரசுகள் கடந்த காலத் தில் குறைத்துள்ளன. முதல் வர் அவர்கள் சொல்வது போல மாநில அரசுகளின் நிதி வருவாய் குறைந்துள்ள நிலையில், மேலும் இதை மாநில அரசுகள் குறைப்பது சாத்தியமல்ல.

மக்கள் இந்தச்சுமையை தாங்கமுடியும் என்று முதல்வர் நினைத்தால் மத்திய -மாநில அரசுகள் வரியை குறைத் துக்கொள்ள வேண்டிய அவசியமில்லை.

சுமை அதிகம், மாநில அரசுக்கு போதிய வருவாய் உள்ளது என்றால், மாநில அரசு தனது வரியை குறைத்துக்கொள்ளலாம். அதற்கு சாத்தியமில்லை என்பதை முதல் வரும் ஏற்றுக்கொள்கிறார்.

மக்களுக்கு சுமை, மாநில அரசும் தன் வருவாயைக் குறைக்க வாய்ப்பில்லை என் றால் முதல்வர் என்ன செய்ய வேண்டும். மத் திய அரசாங்கத்தை நிர்ப்பந்திக்க வேண்டும்.

பெருமுதலாளிகளுக்கு ரூ.5 லட்சம் கோடி யை விட்டுக்கொடுத்த மத்திய அரசு, ஏழை மக்கள் மீது சுமையேற்றுகிற போது முதல மைச்சர் அமைதியாக இருக்கிறார் என்றால் என்ன பொருள். தன் வர்க்க பாசத்தின் அடிப் படையில் அமைதி காக்கிறார் அல்லது நியா யம் என்று உணர்ந்த பிறகும் மத்திய அர சின் தயவும் தாட்சண்யமும் வேண்டி பெட் ரோலியப்பொருட்களின் விலை உயர்வை நியாயப்படுத்துகிறார் என்றே பொருள்.

மார்க்சிஸ்ட் கட்சியின் திட்டம், இந்திய அரசு பெருமுதலாளிகளால் தலைமை தாங் கப்படுகிற முதலாளித்துவ, நிலப்பிரபுத்துவ அரசு என்று குறிப்பிடுகிறது. கடந்த காலங் களிலும் இந்த வரையறைக்கு ஒப்பவே அரசு தனது திட்டங்களையும், கொள்கைகளையும் வகுத்துள்ளது. ஆனால், அப்போதெல்லாம் அரசுப்பொறுப்பிலிருந்தோர் ஏழைகளின் பெயரைச்சொல்லிக்கொண்டு பெருமுத லாளிகளுக்கு சலுகைகளை வாரி வழங் குவதை வழக்கமாகிக்கொண்டிருந்தனர். ஆனால், இப்போது தங்களுடைய முகமூடி களை கழட்டி விட்டு அப்பட்டமாக தாங்கள் பெருமுதலாளிகளுக்கு ஆதரவானவர்கள் என்று தங்களை வெளிப்படுத்திக் கொண் டுள்ளனர்.

எனவேதான் திமுக தலைவருக்கு இது அப்படியொன்றும் அதிகமில்லாத விலை உயர்வாய் தெரிகிறது. இந்த உயர்வு மட்டு மல்ல. மத்திய பட்ஜெட்டில் பெருமுதலாளி களுக்கு தரப்பட்ட ஐந்து லட்சம் கோடி ரூபாய் அவருக்கு அப்படியொன்றும் பெரிதல்ல. அதனால் அவருக்கு கவலையில்லை. ஆனால், நம்மைப்பொறுத்தமட்டில் ஏழை களின் மீது சுமத்தப்பட்ட சுமையும், ஏக போகங்களுக்கு வாரியிறைக்கப்பட்ட நிதியும் மிக மிக அதிகம். எனவே, நாம் இதற்கெதி ரான தொடர்போராட்டத்தை நடத்த வேண் டிய நிலையில் உள்ளோம்.

க.கனகராஜ்

பொருளாதார அடியாளின் ஒப்புதல் வாக்குமூலம் : மன்மோகன்சிங்

பெட்ரோல், டீசல், மண்ணெண்ணெய், சமையல் எரிவாயு ஆகிய எரிபொருட்க ளின் விலையை உயர்த்தியதில் எந்தத்தவறும் இல்லை என்று பிரதமர் மன்மோகன் சிங் கூறினார்.

பெட்ரோல் விலையை நிர்ணயிப்பதில் அரசுக்கு இருந்த கட்டுப்பாடு முழுமையாக தளர்த்தப்பட்டு சுதந்திரமாக்கப்பட்டுள்ளது எனக் குறிப்பிட்ட பிரதமர், டீசல் விலை நிர்ணயித்திலும் இதேபோன்று செய்யவேண்டியுள்ளது என்றும், இது போன்ற “சீர்திருத்தங்களை” மேலும் துரிதமாக மேற்கொள்ள வேண்டியுள்ளது என்றும் கூறினார்.

கனடா தலைநகர் டொராண்டோவில் நடைபெற்ற ஜி-20 உச்சிமாநாட்டில் பங் கேற்ற பின்னர் புதுதில்லி திரும்பும்போது விமானத்தில் செய்தியாளர்களுக்கு மன்மோ கன் சிங் பேட்டியளித்தார். அப்போது எரிபொருள் விலை உயர்வுக்கு கடும் எதிர்ப்பு எழுந்துள்ளதே என்ற கேள்விக்கு மேற்கண்டவாறு பதிலளித்த அவர், விலை உயர்வை நியாயப்படுத்தினார்.

மண்ணெண்ணெய் மற்றும் சமையல் எரிவாயு ஆகியவற்றுக்கு அரசு மிகப்பெ ரும் அளவிற்கு மானியம் அளித்தது என்றும் இனியும் அதை தொடர முடியாத கார ணத்தால், அவற்றின் விலைக் கட்டமைப்பை மாற்றியமைக்க வேண்டிய தேவை ஏற்பட்டது என்றும், எனவேதான் “சிறிதளவு” விலை உயர்த்தப்பட்டுள்ளது என்றும் கூறினார்.

மேலும், பெட்ரோல் விலைக் கட்டுப்பாட்டை கை விட்டது போல டீசல் விலை கட்டுப் பாட்டையும் விரைவில் அரசு கைவிடு மென்றும் பிரதமர் குறிப்பிட்டார்.

டீசல் விலை நிர்ணயம் மீதான கட்டுப் பாட்டை அரசு கைவிட்டால் டீசல் விலையில் லிட்டர் ஒன்றுக்கு ரூ.1.50 உட னடியாக அதிகரிக்கும்.

ஏழை, எளிய மக்கள் மீது தமது அர சுக்கு அக்கறை இருப்பதாக கூறிக்கொண்ட பிரதமர், அப்படி அக்கறை இருப்பதால் தான் மண்ணெண்ணெய் மற்றும் சமை யல் எரிவாயு விலை நிர்ணயம் செய்வதில் அரசுக்கு இருக்கும் கட்டுப்பாட்டை இன் னும் கைவிடவில்லை என்றும் கூறினார்.

விலையை உயர்த்தவில்லை என்றால் பொதுத்துறை பெட்ரோலிய நிறுவனங்க ளுக்கு 2010-11ம் நிதியாண்டில் ரூ.74 ஆயி ரத்து 300 கோடி வருவாய் இழப்பு ஏற்படும் என்று கூறிய அவர், தமது அரசின் நிலையை மக்கள் புரிந்துகொள்வார்கள் என நம்புவதாக தெரிவித்தார்.

பெட்ரோலிய பொருட்களுக்கு இனியும் மானியம் கொடுத்துக்கொண்டிருக்க முடியாது எனக்குறிப்பிட்ட அவர், இந்த விலை உயர்வு சாதாரண மக்கள் மீது சிறு சுமையை ஏற்றியதுபோல் தெரிந்தாலும், அதை மக்கள் சமாளித்துக்கொள்வார்கள் என்றும் கூறினார். (பிடிஐ)

பெட்ரோல் விலையும் மளிகை பட்ஜெட்டும்

கே.பி.பெருமாள்

ஜூலை 2ந் தேதி பெட்ரோல், டீசல் விலைகளை மத்திய அரசு உயர்த் தியது. அதற்கு பின்பு நாடு முழுவதும் விலைவாசி உயர்வு, விண்ணை முட்டக் கூடிய வகையில் ஜெட் வேகத்தில் சென்று கொண்டிருக்கிறது. உழைப்பாளி மக்கள், நடுத்தர மக்கள் மளிகைச் சாமான் பட்ஜெட்டிற்கு மிகக் கூடுதலாக செலவு செய்ய வேண்டியுள்ளது.

தமிழகம் மளிகைப்பொருட்களுக்காக வெளி மாநிலங்களையே நம்பியிருக்க வேண்டியுள்ளது. அரிசி, சர்க்கரை, மிள காய் உள்ளிட்ட ஒரு சில பொருட்கள் மட் டுமே தமிழகத்தில் விளைவிக்கப்படு கிறது. பருப்பு வகைகள் டில்லி, அரியானா, குஜராத், மத்தியப்பிரதேசம், கர்நாடகா, ஆந்திரா போன்ற மாநிலங்களிலிருந்து வருகின்றன. தமிழகத்தின் தென் மாவட் டங்களில் விருதுநகர், தூத்துக்குடி, இராம நாதபுரம் பகுதிகளில் மல்லி விளைந்தா லும் ராஜஸ்தானிலிருந்து இறக்குமதி செய்யப்படுகிறது. ஏலக்காய், தேங்காய் எண்ணெய் கேரளாவிலிருந்தும், நீண்ட மிளகாய் ஆந்திராவிலிருந்தும் கொண்டு வரப்படுகிறது. லவங்கம் இலங்கையிலி ருந்து இறக்குமதி செய்யப்படுகிறது.

இந்த நிலையில் பெட்ரோல், டீசல் விலை உயர்வால் தமிழகத்திற்கு அரிசி, மளிகைப்பொருட்கள் கொண்டுவரும் லாரிகளின் வாடகை கடுமையாக உயர்ந் துள்ளது. டில்லியிலிருந்து சென்னைக்கு லாரிகள் மூலம் சரக்குகள் ஏற்றிவர பழைய வாடகை ரூ.52,500/- பெட்ரோல், டீசல் விலை உயர்வுக்கு பின்பு ரூ.58,500 ஆக உயர்ந்துள்ளது.

இந்தியா சரக்கு போக்குவரத்திற்கு 70 சதவீதம் லாரியை நம்பியுள்ள நாடு. எனவே, பெட்ரோல், டீசல்விலை உயர்வால் அத் தியாவசியப் பொருட்களின் விலை கடுமை யாக உயர்ந்துள்ளது. பருப்பு விலையும் உயர்ந்து வருகிறது. குறிப்பாக துவரம் பருப்பு விலை தங்கத்தின் விலையை போன்று உயர்ந்துள்ளது. தமிழகத்தில் மளிகைப்பொருட்களின் விலை விபரம் அட்டவணையில் உள்ளது.

விலைவாசி உயர்வு நாட்டு மக்களை கடுமையாக பாதிக்கக்கூடிய நேரத்தில் விலைவாசி உயர்வுக்கு காரணமான பெட் ரோல், டீசல்விலை உயர்வை குறைப்பது குறித்து சிந்திக்காமல், எண்ணெய் நிறு வனங்களுக்கு ஏற்படும் நஷ்டத்தை மட் டுமே சிந்தித்து செயல்படுகிறது மன்மோகன் சிங் அரசு. ‘வெந்த புண்ணில் வேல் பாய்ச் சுவது போல’ விமானத்திற்கான எரி பொருள் விலையை எண்ணெய் நிறுவ னங்கள் 5.7 சதவீதம் குறைத்துள்ளன. விமானத்திற்கான எரிபொருள் விலை குறைப்பால் லாபமடைபவர்கள் வசதி படைத்தவர்களும், பெரும் முதலாளி களும் மட்டுமே. ஏழை, எளிய, நடுத்தர மக்களுக்கு இதனால் எந்த லாபமும் இல்லை.