உங்களுக்கு தெரியாத கியூபாவின் உண்மைகள்

புரட்சிகர பூமியாம் சோசலிச கியூபாவிற்கு எதிராக அமெரிக்கா விதித்த பொருளாதாரத் தடைகள், வர்த்தகத் தடைகள் பற்றி நாம் அறிவோம். உலகெங்கிலும் உள்ள அமெரிக்க ஆதரவு முதலாளித்துவ ஊடகங்கள் கியூபாவிற்கு எதிராக நடைமுறைப்படுத்தி வரும் ஊடகத்தடை நாம் அதிகம் அறியாதது.

சமீப நாட்களாக கியூபாவுக்கு எதிராக உலக ஊடகங்களில் ஒரு திட்டமிட்ட அவதூறுச் செய்தி உலா வந்துகொண்டிருக்கிறது. அந்தச் செய்தி கியூபாவை ஒரு பிசாசைப்போல வர்ணிக்கிறது. கியூபாவில் மனிதஉரிமை காலில்போட்டு நசுக்கப்படுவதாகக் கதைக்கிறது. கியூபாவில் சிறைக் கைதி ஒருவர் இறந்துபோனது குறித்தே இத்தகைய செய்திகள் பரப்பப்பட்டுள்ளன.

கடந்த நான்காண்டுகாலமாக சிறையில் அடைக்கப்பட்டிருந்த கைதி ஒருவர் இறந்துபோனது உண்மைதான். தனது மனைவியை பொது இடத்தில் மிகக்கொடூரமான முறையில் தாக்கிக் காயப்படுத்திய குற்றத்திற்காகவும், அவரை தடுத்து நிறுத்த முயன்ற காவல்துறையினர் மீது வன்முறைத் தாக்குதலை நடத்திய குற்றத்திற்காகவும் கைது செய்யப்பட்டு, சட்ட நடைமுறைகளின் அடிப்படையில் அவருக்கு சிறை தண்டனை விதிக்கப்பட்டது. சிறையில், அவருக்கு ஏற்கெனவே இருந்த உடல்நலக் குறைபாடுகளின் தொடர்ச்சியாக மூச்சுக்குழலில் தொற்று ஏற்பட்டு அனைத்து உறுப்புகளும் செயலிழந்தன. உலகிற்கே மருத்துவச் சேவை அளிக்கும் கியூபா, தனது நாட்டிலுள்ள இயல்பான குடிமக்களைப் போலவே சிறைவாசிகளையும் நடத்தி வருகிறது. அந்த வகையில் அதிகபட்ச மருத்துவ சிகிச்சையை அவருக்கு அளித்தது. எனினும் சிகிச்சை பலனின்றி கியூபாவின் மிகப்பெரிய மருத்துவமனையான சாண்டியாகோ டி கியூபா மருத்துவமனையில் காலமானார்.

இந்தச் செய்தியைத்தான், உண்மைகளை மறைத்துவிட்டு உலகெங்கிலும் எடுத்துச் செல்கின்றன முதலாளித்துவ ஊடகங்கள். ஒருபுறம் அமெரிக்கா, மறுபுறம் ஸ்பெயின், மற்றொருபுறம் சிலி என எதேச்சதிகார - ஏகாதிபத்திய ஆதரவு ஆட்சியாளர்கள் இந்த செய்தியை கையில் வைத்துக் கொண்டு கியூபாவுக்கு எதிராக விஷத்தைக் கக்கி வருகிறார்கள்.

கியூபாவில் சிறையில் இதுவரை கைதிகள் எவரும் இறந்ததில்லை. மிகக்கொடூரமான முறையில் எவரும் கொல்லப்படவில்லை. மரண தண்ட னைக் குற்றங்களே அங்கு நடக்கவில் லை. அப்படிப்பட்ட அற்புதத்தேசத்தின் மீது சேற்றை வாரி இறைக்கும் ஸ்பெ யின் ஆட்சியாளர்களுக்கும் சிலி ஆட் சியாளர்களுக்கும் ஏராளமான கேள்விக் கணைகள் காத்திருக்கின்றன.

ஸ்பெயின் மட்டுமின்றி, கியூபாவை திட்டித் தீர்க்கும் ஐரோப்பிய கூட்டாளி களின் ‘மிகவும் நாகரிகமான’ அரசுகள், தங்களது நாடுகளில் தற்போது நடந்து கொண்டிருக்கும் மகத்தான தொழிலாளர் இயக்கங்களின் மீது, முன்னெப் போதையும் விட கொடூரமான தாக்குதலை கட்டவிழ்த்துவிட்டிருக்கின் றனவே, ஏன்?

ஸ்பெயின் நாட்டுச் சிறைகள் நிரம்பி வழிகின்றன. அத்தனை பேரும் அந் நாட்டிற்கு வேலை தேடி ஆப்பிரிக்க நாடுகளிலிருந்து வந்த அப்பாவிகள். கடந்தாண்டு ஜூலை மாதம் டெரூயல் எனும் நகரில் அமைந்துள்ள சிறைக் கொட்டடியில், ஒரு சாதாரண சிறைவாசி பல மாத காலம் பட்டினிப்போராட்டம் நடத்தி இறந்துபோனார். எப்படி? அவர் மொராக்கோ நாட்டிலிருந்து பிழைப்பு தேடி இங்கு வந்தவர். எந்தக்குற்றமும் செய்யாததற்காக கைது செய்யப்பட்டார். தான் ஒரு அப்பாவி என்பதை நிரூபிப் பதற்காகவே பட்டினி கிடந்து உயிர் நீத்தார். அவரது கதறலை ஸ்பானிய அதிகாரிகள் ஏறெடுத்துக்கூட பார்க்க வில்லை.

சிலி நாட்டில் சர்வாதிகாரி பினோ செட்டின் கையாட்கள்தான் ஆட்சியி லிருக்கிறார்கள். சமீபத்தில் பள்ளிப் பாடப் புத்தகங்களில் கொடூங்கோலன் பினோசெட் பற்றி புகழ்பாடும் பாடம் இடம் பெற்றதை எதிர்த்து போராட்டத்தில் இறங்கியமாணவர்கள் மீது கொடிய அடக்குமுறை ஏவப்பட்டது. பலர் மீது பயங்கரவாத தடுப்புச்சட்டம் பாய்ந்ததே?

அமெரிக்க ஆட்சியாளர்களோ மிகவும் ‘நல்லவர்கள்’.

கியூபாவின் மனித உரிமையைப் பற்றி கவலைப்பட்டுக் கொண்டே இருக்கிறார்கள்.உலகிலேயே மிகமிக மோசமான முறையில் மனித உரிமை களைப் பராமரிக்கிற ஒருநாடு இருக்கிறதென்றால், அது அமெரிக்காவே என்று ஐக்கிய நாடுகள் சபையின் மனித உரிமைக் கவுன்சிலே பளிச்சென்று சொல்லியிருக்கிறது. இந்த நாட்டின் பெண்கள் மிடுக்கான உடைகள் உடுத்தலாம்; ஆனால் ஆணுக்கு நிகரான உரிமைகள் இல்லாதவர்கள். இன ரீதியான, மத ரீதியான ஒடுக்குமுறைகளுக்கு அமெரிக்க மாகாணங்களில் ஏராளம் ஏராளம் உதாரணங்கள் மறைந்திருக்கின்றன. சிறைகள் சித்ரவதைக்கூடங்கள். இந்த நாட்டின் நீதித்துறை அடிக்கடி ‘தவறான’ தீர்ப்புகளையே வழங்கும். நீதித்துறையின் ‘தவறுகளில்’ சிக்கியவர்களுக்கு மரண தண்டனை உறுதி. உலகிலேயே சின்னஞ்சிறுவர்களையும் மன ரீதியாக பாதிக்கப்பட்டவர்களையும் கூட தூக்கிலேற்றிய பெருமைக்குரியது அமெரிக்க அரசு.

2010ம் ஆண்டு ஜனவரி மாதம் முதல் தற்போது வரை 90 சிறை வாசிகளை தூக்கில்போட்டு கொன்றிருக்கிறது அமெரிக்க நிர்வாகம். இன்னும் 3 ஆயிரத்து 220 பேருக்கு மரணக்கயிறு காத்திருக்கிறது.

கடந்தாண்டு நவம்பர் மாதத்தில் கலிபோர்னியாவில் உள்ள மிகப் பெரும் சிறை ஒன்றில் அனைத்துக் கைதிகளும் ஒட்டுமொத்த மாகப் பட்டினிப்போராட்டம் நடத்தினார்கள். அவர்கள் மீது கண்மூடித்தனமாக தாக்குதல் ஏவப்பட்டது. மூன்றுபேர் அடி வாங்கியே செத்துப்போனார்கள்.

உள்நாடு மட்டுமின்றி ஆப்கானிஸ்தான், இராக், பாகிஸ்தான், லிபியா உள்பட பல்வேறு நாடுகளில் அமெரிக்கா கொன்று குவித்த உயிர்கள் ஏராளம் ஏராளம்.

ஆனால், பேரிடர்களின் போது மட்டுமின்றி, இயல்பான காலங் களிலும் கூட பல்வேறு நாடுகளில் ஆயிரக்கணக்கான மருத்துவர் களை சேவைக்காக அனுப்பி, லட்சக்கணக்கான உயிர்களை பாது காத்துக் கொண்டிருக்கிற மகத்தான வரலாறு படைத்தது சோசலிச கியூபா.

முதலாளித்துவ ஊடகங்கள் உரைக்க மறுக்கிற உண்மை இது.

-எஸ்.பி.ராஜேந்திரன்

ஆம்... என்னால் முடியும்! வழிகாட்டுகிறது கியூபா கல்விமுறை

அமெரிக்கா மற்றும் பிரிட்டன், இத்தாலி உள்ளிட்ட ஐரோப்பிய நாடுகளில் கல்விக்கட்டணங்கள் உயர்த்தப்பட்டு, நடுத்தர வகுப்பைச் சேர்ந்த மாணவர்களின் கல்விகூட கேள்விக்குறியாகியுள்ள நிலையில், கியூபாவில் தொடர்ந்து உயர்கல்வியையும் அனைவருக்கும் கிடைக்கும் ஒன்றாக மாற்றியுள்ளனர். இதுதான் தென் அமெரிக்காவில் அமைந்துள்ள இடதுசாரி அரசுகளுக்கு வழிகாட்டியாக உள்ளது.


கியூபா சின்னஞ்சிறு நாடு. ஆனால் அதுபட்ட துயரமோ மாபெரிது. ஸ்பெயின் நாட்டின் காலனியாக இருநூறு ஆண்டுகள் இருந்த நிலையில், ஜோஸ் மார்டி தலைமையில் புரட்சி மூலம் 1902-ஆம் ஆண்டில் விடுதலை பெற்றது. தலைவலி போய் திருகுவலி வந்த கதையாய், அமெரிக்காவின் மேலாதிக்கத்திற்கு உட்பட்டது. துவண்டுவிடாமல் உலக வல்லரசை எதிர்கொள்ளும் துணிவு மிக்க நாடு. அமெரிக்கா தொடுத்த நெருக்கடிகளுக்கு அடிபணியாது நிமிர்ந்து நிற்கும் நாடு. ஐம்பது ஆண்டுகட்கு மேலாக பொருளாதார முற்றுகையிட்டும் அடிபணியாதது மட்டுமின்றி, நேரிடையாகப் போரிட்டும் அமெரிக்கா வெற்றி பெற இயலாது ஒதுங்கிக் கொண்டுள்ளது கியூபா மக்களது வீரத்திற்கும், அதன் ஒப்பற்ற தலைவர்களது சீரிய தலைமைக்கும் சான்றாகும். பொம்மை அரசுகளை அமெரிக்கா, கியூபா மக்கள் மீது திணித்தது. பாடிஸ்டா என்ற கொடுங்கோலன் ஆட்சியில் மக்கள் பட்ட துயர் சொல்லி மாளாது.

கல்வியைத் தனியார்க்கு தாரை வார்த்தது மட்டுமின்றி, அரசுக் கல்விக்கூடங்கள் புறக்கணிக்கப்பட்டன. இது தானே நம் நாட்டில் இன்றைய நிலை. இருநூறு ஆண்டுகட்கு மேலான ஹவானா பல்கலைக் கட்டிடம் தரைமட்டமாக்கப்பட்டு, அவ்விடத்தில் ஹெலிகாப்டர் தளத்தை நிறுவினான் பாடிஸ்டா. சுதந்திர தாகம் எடுத்த கியூபா மக்களால் சே குவேரா வழிகாட்டுதலில் பிடல் காஸ்ட்ரோ தலைமையில் புரட்சி வழியே 1959-ஆம் ஆண்டில் மக்களாட்சி நிறுவப்பட்டது.

புரட்சி அரசு கல்வி சீர்திருத்தத்திற்கு முதலிடம் கொடுத்தது. அருட்தந்தை ஜோஸ் அகஸ்டின் கபல்லரோவும் அவரது சீடர் அருட்தந்தை பெலிக்ஸ் வரேலாவும் பத்தொன்பதாம் நூற்றாண்டிலேயே கியூபக் கல்வி முறையையொட்டி பல திட்டங்களைத் தீட்டியிருந்தனர். அவற்றையும், பாலோ ப்ரையரே வகுத்த தர்க்கவழிக் கல்விமுறையையும் ஒருங்கிணைத்து புதிய கியூபக் கல்வித் திட்டம் வகுக்கப்பட்டது. எழுத்தறிவு இயக்கத்தின் மூலம், இரண்டே ஆண்டுகளில் அனைவரும் கற்றவர் என்ற நிலையை உருவாக்கி, யுனெஸ்கோவின் சான்றிதழும் பெற்று உலக சாதனை படைத்தது புரட்சி அரசு.

Yo, so puedo ( yes I can)  என்ற ப்ரையரேயின் கோஷத்தை முன்வைத்து படித்தவர் அனைவரும் நாடு முழுவதும் சென்று கல்வி பரப்பினர். வெறும் படிக்கத் தெரிவதுடன் சிந்தித்துக் கற்கவும், வினா எழுப்பவும், வினாக்களுக்கு விடைகாணவும் அறியும் வகையில் இவ்வெழுத்தறிவு இயக்கம் நடைபெற்றது. இதற்காகப் பல நூல்கள் வெளியிடப்பட்டன. இயக்கத்தில் பங்குபெற்றோர் ஒவ்வொருவரும் கையில் லாந்தரும், புத்தகப் பையையும் எடுத்துக் கொண்டு கிராமம் கிராமமாகச் சென்று பணியாற்றியதை உலக நாடுகள் பலவும் பாராட்டின.

கியூபாவின் முயற்சி 11 மொழிகளில் யுனெஸ்கோவால் வெளியிடப்பட்டது இத்திட்டத்தின் சீர்மையைக் காட்டுகின்றது. நாமும் அறிவொளி இயக்கம் தொடங்கி அரைகுறையாகக் கைவிட்டு, தொடங்கிய நிலைக்கே சென்றதை நினைவு கூருவது அவசியம் . வளர்ந்த நாடுகளான நியூசிலாந்து, கனடா போன்ற நாடுகளும் கியூபா எழுத்தறிவு முறையை அறிமுகப்படுத்தின என்பது வரலாறு. குறைந்த விலையில் நூல்கள் வெளியிட்டும் , ஊர் தோறும் நூலகங்கள் அமைத்தும், ஆண்டு தோறும் நூற்சந்தை நடத்தியும், அவற்றையொட்டி சர்வதேசக் கல்விக் கருத்தரங்குகள் நடத்தியும், எழுத்தறிவு இயக்கம் தொய்வு அடையாமல் சிறந்தோங்க வழி செய்யப்பட்டது. அந்நாட்டிலுள்ள ஐந்து அரசுத் தொலைகாட்சிகளில் இரண்டு கல்விக்கு மட்டும் என்று ஒதுக்கப்பட்டன. இவ்வியக்கம் நடைபெறும்பொழுது ஜான் கென்னடி தனது பன்றி வளைகுடாப் போரைத் தொடங்கினார் என்பதையும் நினைத்துப் பார்க்க வேண்டும்.

பாடிஸ்டாவால் இடிக்கப்பட்ட ஹவானா பல்கலைக்கழகம் புதுப்பிக்கப்பட்டதுடன், ஒவ்வொரு மாநிலத்திலும் குறைந்தது ஒரு பல்கலைக் கழகம், ஒரு மருத்துவப் பள்ளி என்று தொடங்கப் பெற்று, உயர்கல்வியும் அனைவருக்கும் இலவசமாகக் கிடைக்க ஏற்பாடு செய்யப்பட்டது. Universalation of university Education என்று அழைக்கப்பட்ட இத்திட்டத்தின் மூலம் பல்லாயிரம் மருத்துவர்கள் உருவாக்கப்பட்டு தம் நாட்டிற்குடுமின்றி,உலகம்முழுவதும்இலவச மருத்துவ சேவையில் ஈடுபடச் செய்தமை மிக உயர்ந்த மனித நேயச் செயல் என்றால் மிகையாகாது.

விடுதலையின் வழிகாட்டியாகவும் , விடுதலையைத் தக்க வைக்கவும் கல்வி தேவையாதலால், தொடர்ந்து மிகச்சிறந்தகல்வியைகியூபாமக்களுக்கு வழங்குவது புரட்சி அரசின் தலையாய பணியென்று பிடல் காஸ்ட்ரோ கூறியதை நினைவு கூர வேண்டும்

உலகைச் சுற்றி.. ஒசாமா பின்லேடனின் படுகொலை : பிடல் காஸ்ட்ரோ

2001 செப்டம்பர் 11ம் தேதி நடந்த நிகழ் வுகளைப் பற்றி அறிந்தவர்களுக்கு தெரிந்தி ருக்கும். அமெரிக்க மக்களுக்கு நமது மக்கள் ஆதரவாக நின்றார்கள். நியூயார்க் இரட்டைக் கோபுரங்களைத் தகர்த்த அந்த கொடிய தாக்கு தலை எதிர்கொண்ட அமெரிக்கர்களுக்கு மருத் துவ உதவி உட்பட ஒத்துழைப்புகள் அளித்தோம்.

இந்த தாக்குதலால் ஏற்பட்ட களேபரமான சூழலில் அமெரிக்க விமானங்கள் வேறு எங்கும் தரையிறங்க முடியாத நிலை ஏற்பட்டது. அப் போது உடனடியாக அமெரிக்க விமானங்களுக் காக எமது தேசத்தின் விமான நிலையங் களைத் திறந்து விட்டோம்.

அப்பாவி மக்களின் உயிர்களைப் பறிப் பதை எப்போதும் உறுதிபட எதிர்ப்பதே கியூப புரட்சியின் பாரம்பரியம்.

எமது நாட்டிலும் பாடிஸ்டாவின் கொடிய ஆட்சிக்கு எதிராக ஆயுதமேந்திய போராட் டத்தை தீர்மானகரமாக ஆதரித்தோம் என்ற போதிலும், எந்தவொரு பயங்கரவாத செயலா லும் அப்பாவி மக்களின் உயிர் பறிக்கப்படு வதை எதிர்த்தே வந்திருக்கிறோம். கடந்த அரை நூற்றாண்டுக் காலமாக இத்தகைய கொள்கையை பேணிப் பாதுகாத்து வருகிற அந்த தார்மீக உரிமையே, தற்போதைய உணர் வுப்பூர்வமான சம்பவம் குறித்து கருத்து வெளியிட உந்துகிறது.

சர்வதேச பயங்கரவாதம் என்பது வன் முறை மூலமாகவும், போர் மூலமாகவும் ஒரு போதும் ஒழிக்கப்பட முடியாது என்பதை உரத் துக் கூறுகிறேன்.

பின்லேடன் என்ற நபர், பல்லாண்டு கால மாக, அமெரிக்காவின் நண்பராக இருந்தவர்; அந்த நாடு தான் அவருக்கு ராணுவப் பயிற்சி அளித்தது; அவர் சோவியத் ஒன்றியத்தின் எதிரி; சோசலிசத்தின் எதிரி. ஆனால் அவர் எப்படிப்பட்டவராக இருந்தாலும், நிராயுத பாணியான ஒரு மனிதனை - அவன் தனது சொந்த உறவினர்களால் சூழப்பட்டு இருக்கிற தருணத்தில், சுற்றி வளைத்துப் படுகொலை செய்வது பயங்கரமானதே! உலகின் சக்தி வாய்ந்த நாட்டின் அரசாங்கம் செய்திருக்கிற காரியம் இதுதான். பின்லேடனின் மரணத்தை அறிவித்த ஒபாமா, மிகக் கவனமாக வரையறுக் கப்பட்ட தனதுபேச்சில் கூறினார்:

“... உலகில் இதற்கு முன்பு பார்த்திராத அளவிற்கு மோசமான காட்சிகளைப் பார்த்து விட்டோம். இரவு உணவு நடக்கும் மேசையில் காலியாகக் கிடக்கும் இடம். தங்களது அம் மாவோ, அப்பாவோ இல்லாமல் வளர நிர்ப்பந் திக்கப்பட்ட குழந்தைகள். தங்கள் குழந்தையின் தழுவலை அனுபவித்து உணரும் வாய்ப்பு பறிக்கப்பட்ட பெற்றோர்கள். சுமார் 3000 குடிமக்கள் நம்மிடமிருந்து பறிக்கப்பட்டார்கள். நமது இதயங்களில் பெரும் துளையை ஏற்படுத்திச் சென்றார்கள்.”

மேற்கண்ட வார்த்தைகள் அனைத்தும் சத்தியமானவை, உண்மையானவை; ஆனால் இந்த உண்மை, இராக்கிலும், ஆப்கானிஸ்தானத்திலும் அமெரிக்காவால் கட்டவிழ்த்து விடப்பட்ட கொடிய போர்களால் நூற்றுக்கணக்கான, ஆயி ரக்கணக்கான குழந்தைகள் தங்களது அம்மாக்களையும், அப் பாக்களையும் இழந்து அனாதைகளாக வளர நிர்ப்பந்திக்கப் பட்டார்களே; தங்களது குழந்தையின் தழுவலை அனுபவித்து உணரும் வாய்ப்பு பறிக்கப்பட்டவர்களாக எண்ணற்ற பெற்றோர் மாற்றப்பட்டார்களே, அந்த கொடூரத்தை நினைவு கூருவதில் இருந்து எந்தவொரு மாண்புமிகு மனிதனையும் தடுத்துவிடாது.

இராக், ஆப்கானிஸ்தான், வியட்நாம், லாவோஸ், கம் போடியா, கியூபா, இன்னும் உலகின் பல்வேறு நாடுகளின் கிராமங்களில் இருந்து லட்சக்கணக்கான குடிமக்கள் பறித்துச் செல்லப்பட்டு விட்டார்கள்.

இன்னும் லட்சக்கணக்கான மனிதர்களின் மனங்களில் மனித உயிர்கள் அழிக்கப்பட்ட பயங்கர காட்சிகள் நிழலாடிக் கொண்டிருக்கின்றன. கியூப எல்லையில் அமெரிக்காவால் ஆக்கிரமிக்கப்பட்ட குவாண்ட நாமோவில் இந்தப் பயங்கரத் தின் அமைதி மாதக்கணக்கில், வருடக்கணக்கில் கூட குடி கொண்டிருக்கிறது. சொல்லமுடியாத அளவிற்கு கொடிய சித்ரவதையின் வலி அது. நாகரிக சமூகங்கள் என கூறிக் கொள்ளப்படுபவர்களால் கடத்தப்பட்டு, ரகசியச் சிறைக் கொட்டடியில் அடைக்கப்பட்டவர்கள், இங்கு இருப்பவர்கள்.

ஒசாமாவை, தற்போது பாகிஸ்தானின் வசம் இருக்கும் அவரது குழந்தைகள் மற்றும் மனைவிகள் கண் முன்னால், 20 கோடி மக்களைப் பெற்றுள்ள அந்த முஸ்லிம் தேசத்தின் சட்டங்களை மீறி, அந்த நாட்டின் கவுரவத்தை சிதைத்து, அதன் மதப் பாரம்பரியங்களை இழிவுபடுத்தி கொன்றோம் என்று ஒபாமா ஒப்புக் கொள்வதைத் தவிர வேறு வழியில்லை.

எந்த விசாரணையும் இன்றி, எந்த சட்டத்தின் அடிப்படை யிலும் அன்றி அவர் கொல்லப்பட்டபோது என்ன நடந்தது என்பதை விளக்குவதில் இருந்து அந்தப் பெண்களையும் குழந்தைகளையும் எப்படித் தடுக்கப்போகிறார் ஒபாமா? உலகம் முழுவதிலும் அந்தக் காட்சிகள் ஒளிபரப்பப்படப் போவதை எப்படித் தடுக்கப் போகிறார்?

2002 ஜனவரி 28ம் தேதி சிபிஎஸ் செய்தி நிறுவனத்தின் பத்திரிகையாளர் டான் ராதர் எழுதினார்: 2001 செப்டம்பர் 10ம் தேதி, அதாவது உலக வர்த்தக மையக் கட்டிடமும், பெண்ட கன் கட்டிடமும் தாக்குதலுக்குள்ளாவதற்கு சரியாக ஒரு நாள் முன்பு, டி.வி.நெட்வொர்க் செய்தியில், பாகிஸ்தானில் உள்ள ஒரு ராணுவ மருத்துவமனையில் ஒசாமா பின்லேடன் டயாலிசிஸ் சிகிச்சையில் இருக்கிறார்; அவர் அழகான குகைகளுக்குள் வசிப்பதற்கோ, மறைவிடங்களில் வசிப்ப தற்கோ உடல்ரீதியாக தகுதியானவர் இல்லை.

அவரைப் படு கொலை செய்ததும், உடலை கடலில் தூக்கி எறிந்ததும் அச்சத்தின் வெளிப்பாடு; அவரை இன்னும் பயங்கர நபராகக் காட்டும் பாதுகாப்பின்மை உணர்வின் வெளிப்பாடு.

தகவல் தெரிந்ததும் ஏற்பட்ட கொண்டாட்ட உணர்வையும் மீறி, அமெரிக்கப் பொதுமக்களும் கூட, ஒசாமா கொல்லப்பட்ட முறையை விமர்சிப்பார்கள்; ஏனென்றால், குடிமக்களைப் பாது காப்பதில் இருந்து வெகு தூரம் விலகிச் சென்று, தங்களுக்கு எதிரான பகைமை உணர்வையும், பழி உணர்வையும் தங் களது தேசம் மேலும் தீவிரப்படுத்திவிட்டது என்ற உணர் வுக்கு அவர்கள் ஆட்படத் துவங்கிவிட்டார்கள்!

(கிராண்மா, மே 4)

தமிழில்: எஸ்.பி.ராஜேந்திரன்

சே’ யின் மோட்டார் சைக்கில் பயண தோழர் ஆல்பர்ட்டோ கிரானாடோ மறைந்தார்

1952ம் ஆண்டில் லத்தீன்- அமெரிக்காவில் குறுக்கும் நெடுக்குமாகச் சென்ற சே குவேராவின் வரலாற்றுச் சிறப்புமிக்க பயணத்தில் கூட்டாளியாகச் சென்ற ஆல்பர்ட்டோ கிரா னாடோ சனிக்கிழமை யன்று ஹவானாவில் மர ணம் அடைந்தார். அவருக்கு வயது 88.

1961 ம் ஆண்டு முதல் கியூபாவின் தலைநகர் ஹவானாவில் வாழ்ந்த அவர் இயற்கை மரணமடைந்தார். இருபதாம் நூற்றாண்டின் மாபெரும் புரட்சியாளராக சே குவேரா உருவாவதற்கு கிரானாடோவும் சேயும் மேற்கொண்ட பயணம் மிகப் பெரும் காரணமாக அமைந்தது. அருதப் பழசான மோட்டார் சைக்கி ளுக்கு, வலுவான என்ற அர்த்தம் கொண்ட லா போடரோசா என்ற ஸ்பா னிஷ் பெயர் சூட்டி, அதில் இருவரும் பயணித்தனர்.

1952 ம் ஆண்டில் மேற் கொள்ளப்பட்ட இப்பயணத்தின் பதிவுகளை இருவரும் குறித்து வைத்திருந் தனர். இவற்றைப் பயன் படுத்தி ‘தி மோட்டார் சைக்கிள் டயரீஸ்’ என்ற பெயரில் 2004ம் ஆண்டில் வெளியான திரைப்படம் சர்வதேசப் புகழ்பெற்றது.

அர்ஜென்டினாவின் கார்டோபா நகரில் 8.8. 1922ல் கிரானாடோ பிறந் தார். சே குவேராவும் கிரா னாடோவும் சிறுபிராயத் தோழர்களாகவும். மருத்துவக் கல்லூரி மாணவர் களாகவும் இருந்தனர். 1952ம் ஆண்டில் தென் அமெரிக்காவில் பயணம் செய்தனர். சிலி, கொலம் பியா, பெரு, வெனிசுலா உள்ளிட்ட நாடுகளில் வறுமை கோரத் தாண்ட வத்தை இருவரும் கண்ட னர். பெரு நாட்டில் தொழு நோயாளிகள் குடியிருப்பில் இருவரும் தங்கினர்.

வெனிசுலாவில் இருவரும் பிரிந்தனர். தொழு நோயாளிகளுக்கு சிகிச்சை அளிக்கும் மருத்துவமனையில் கிரானாடோ பணியில் அமர்ந்தார். பயணம் முடிந்த பின் சே மருத்துவப் படிப்பை முடித்தார். பிடல், ரால் காஸ்ட்ரோக்களுடன் இணைந்த சே குவேரா கியூபா புரட்சியில் பெரும் பங்கு வகித்தார்.

சே அழைப்பின் பேரில் 1960ல் கியூபாவைச் சுற்றிப் பார்த்த கிரானாடோ 1961ல் ஹவானா பல்கலைக்கழகத் தில் பயோ கெமிஸ்ட்ரி கற்பிக்கும் பணியில் ஈடுபட் டார். பெருமைமிகு தலைவ னோடு தனக்கிருந்த நட்பை பெரிதும் மதித்த அவர், அதனைப் பெரிதுப்படுத் திக் கொள்ளவில்லை.

தன்னுடைய உடல் எரிக்கப்பட்டு சாம்பலை கியூபா, அர்ஜென்டினா மற்றும் வெனிசுலா மீது தூவப் பட வேண்டுமென்று கிரானாடோ தெரிவித்துள்ளார். அவர் எழுதிய ‘சேகுவேரா வுடன் ஒரு பயணம் - ஒரு புரட்சிக்காரனின் உருவாக் கம்’ என்ற நூல் உலகப் புகழ் பெற்ற வரலாற்று ஆவணங் களில் ஒன்றாகும்.

பூக்களை வெட்டி எறியக்கூடும்...

சோவியத் யூனியன் உதயமான காலத்திலிருந்து உலக முதலாளித்துவ மானது சோஷலிஸ்ட் அரசுகளைக் கவிழ்ப்பதிலேயே முனைப்புடன் செயல் பட்டு வந்துள்ளது.

ஏகாதிபத்திய சக்திகள் சோஷலிஸ்ட் கியூபாவை அடியோடு தகர்த்திடுவதற்காக அரை நூற்றாண்டு காலமாகப் பல்வேறு சதிவேலைகளை அரங்கேற்றி வந் துள்ளன.

முன்னாள் ஜனாதிபதி காஸ்ட் ரோவைப் படுகொலை செய்வதற்காக அமெரிக்கப் புலனாய்வுத் துறை 300 தடவைகளுக்கும் மேல் முயற்சித்துத் தோல்வியடைந்துள்ளது.

சமீபத்தில் வெனிசுலா, பொலிவியா, ஈக்வடார் போன்ற பல்வேறு தென் அமெ ரிக்க நாடுகளில் இடதுசாரி சிந்தனை படைத்த தலைவர்கள் தேர்தல்கள் மூல மாக ஆட்சியதிகாரத்தைக் கைப்பற்றி யுள்ளனர். அதனால் அமெரிக்க ஆட்சி யாளர்களுக்கு மிகவும் எரிச்சலும், ஆத் திரமும் ஏற்பட்டுள்ளது. அவர்கள் வெனி சுலா ஜனாதிபதி சாவேஸை படுகொலை செய்வதற்காகத் தொடர்ந்து திட்டமிட்ட சதிகளில் ஈடுபட்டுள்ளனர்.

சமீபத்தில், கடந்த செப்டம்பர் மாதத் தில் ஈக்வடார் நாட்டு ஜனாதிபதி ரபேல் கோரியாவை சட்டவிரோதமான முறை யில் பதவி நீக்கம் செய்திடும் சதிகள் அரங்கேற்றப்பட்டன.

ஈக்வடார் நாட்டுத் தலைநகரான க்விட்டோவில் கடந்த செப்டம்பர் 20ம் நாளன்று ஜனாதிபதி ர

பேல் கோரியா சில உள்ளூர் ஏகாதிபத்தியக் கைக்கூலி களால் சிறைபிடிக்கப்பட்டார்.

ஜனாதிபதி கோரியா தென் அமெரிக் கக் கண்டத்தில் உள்ள முற்போக்கான இடதுசாரித் தலைவர்களில் ஒருவரா வார். அவர் ஜனாதிபதியாகப் பதவியேற்ற பின்னர் ஈக்வடார் நாட்டில் பல்வேறு வகையான தீவிரமான அரசியல் மற்றும் பொருளாதாரச் சீர்திருத்தங்களைச் செயல்படுத்தி வருகிறார். நாட்டில் தனி யார் வசமிருந்த ஹைட்ரோ கார்பன் தொழிற்சாலைகள் அரசுடைமையாக்கப் பட்டன. மேலும் ஜனாதிபதி கோரியா நாட்டில் பற்பல சமூக நலத்திட்டங்களை வெற்றிகரமாகச் செயல்படுத்தி வருகிறார்.
கலகக்கார காவல்துறைப் பிரதிநிதி களுடன் பேச்சுவார்த்தை நடத்தச் சென்ற போது

கோரியா அவர்களால் சிறைப் பிடிக்கப்பட்டார். மேற்படி கலகக்காரர்கள் அவரைப் பதவியிலிருந்து விலகுமாறு துப்பாக்கி முனையில் மிரட்டினார்கள். ஆனால் ஜனாதிபதி கோரியா சிறிது கூடக்கலங்காமல் உருக்கு உறுதியுடன் தலைநிமிர்ந்து நின்றார். “நீங்கள் விரும்பினால் என்னைச் சுட்டுத்தள்ளுங்கள்” என்று அவர் கலகக்காரர்களைப் பார்த்து தலைநிமிர்ந்து கம்பீரமாகக் கூறினார். ஜனாதிபதி கோரியா 2006ம் வருடம் பதவியேற்றார். அதற்கு முன்னர் ஈக்வடார் நாட்டில் 10 வருடங்களில் 8 பேர் ஜனாதி பதி பதவிக்கு வந்து போயுள்ளனர்.

காவலர்களின் தாக்குதல்களில் காயம்பட்ட ஜனாதிபதி கோரியா அரசு மருத்துவமனையில் சேர்க்கப்பட்டார். அங்கிருந்து தொலைபேசி மூலம் பேசிய அவர் பின்வருமாறு கூறினார் “மருத்துவ மனையை விட்டு நான் அதிபராக மீண்டு வருவேன் அல்லது பிணமாகக் கொண்டு வரப்படுவேன்”. மேலும் வெனிசுலா நாட் டுத் தொலைக்காட்சிக்கு அளித்த பேட்டி யில் அவர் மக்கள் கவிஞர் பாப்லோ நெரு டாவின் கவிதை வரியொன்றை மேற் கோள் காட்டிப் பேசினார். “அவர்கள் பூக் களை வெட்டியெறியக்கூடும், ஆனால் மீண்டும் ஓர் புதுவசந்தம் வருவதை அவர்களால் தடுத்திட முடியாது” என் பதே மேற்படி கவிதை வரியாகும்.

அவர் கலகக்காரர்களால் சிறைப் பிடிக்கப்பட்ட செய்தியறிந்த மக்கள் பல் லாயிரக்கணக்கில் மருத்துவமனை முன் திரண்டனர். பின்னர் ஜனாதிபதியின் சிறப்பு மெய்க்காவல்படையினரால் கோரியா விடுவிக்கப்பட்டார். அந்த மீட்பு நிகழ்ச்சியில் ஒரு மெய்க்காவலர் உயிரி ழக்க நேர்ந்தது.

ஜனாதிபதி கோரியாவுக்கு நாட்டில் 70 சதவீத மக்களுடைய ஏகோபித்த ஆதரவு உள்ளது.

ஒபாமா நிர்வாகமானது தொடர்ந்து தென் அமெரிக்க நாடுகளில் இத்தகைய கவிழ்ப்புப் பணிகளில் ஈடுபட்டு வரு கிறது. அமெரிக்க ஏகாதிபத்தியவாதிகள் ஈக்வடார் நாட்டின் காவல்துறைக்குள் தங்களுடைய அடியாட்களை ஊடுருவச் செய்கிறார்கள். ஜனாதிபதி கோரியா அமெ ரிக்கர்களுடைய மேற்படி சதிச்செயல் களையெல்லாம் வேரும் வேரடி மண்ணு மில்லாமல் வெட்டியெறிந்து வருகிறார்.

ஈக்வடார் நாட்டில் அமெரிக்கத் தூத ராகப் பணிபுரிந்து வரும் ஹீதர் ஹோட் ஜஸ் வேறு பல நாடுகளில் பணிபுரிந்த போதெல்லாம், அந்த நாடுகளிலுள்ள ஜனநாயக ஆட்சிகளைக் கவிழ்க்கும் சதிவேலைகளில் ஈடுபட்டு வந்துள்ளார். அவர் கியூபா அரசைக் கவிழ்ப்பதற்காகப் பற்பல முயற்சிகளை மேற்கொண்ட துண்டு. அவர்தான் 1990ம் வருடம் நிகர குவா நாட்டில் மக்களாட்சியைக் கவிழ்த் தவர். அவர்தான் தற்சமயம் ஈக்வடார் நாட் டில் அமெரிக்கத் தூதராகப் பணியாற்றி வருகிறார். அமெரிக்க ஆட்சியாளர்கள் 3.8 கோடி டாலர்களை ஈக்வடார் நாட்டி லுள்ள பற்பல தனியார் அமைப்புகளுக்கு வாரி வழங்கியுள்ளனர். மேற்படி அமைப் புகள் யாவுமே கோரியாவின் ஆட்சிக்கு எதிராக அணிதிரண்டுள்ளன. மேலும் ஈக்வடார் நாட்டிலுள்ள பெரிய பெரிய செய்தி ஊடகங்கள் யாவும் தனியார் வசம் உள்ளன.

இத்தகையதோர் சூழ்நிலைகளில் கோரியா தன் நாட்டு மக்களுக்காக நல்ல பல செயல்திட்டங்களை உருவாக்கியாக வேண்டிய ஒரு இக்கட்டான நிலைமை உள்ளது. கோரியா, தனது ஆட்சியை கவிழ்க்கும் முயற்சி முறியடிக்கப்பட்ட பின்னர், தன்னுடைய அரசானது கலகம் செய்த காவலர்களுக்கு எதிராக எந்த ஒரு பாதகமான நடவடிக்கையையும் மேற் கொள்ளாது என்று உறுதியளித்துள்ளார். அவர் நாட்டிலுள்ள அதிருப்தியாளர் களைத் திருப்திப்படுத்தும் வகையில் பல் வேறு முயற்சிகளை மேற்கொண்டு வரு கிறார்.

சமீபத்திய நிகழ்ச்சிகளானவை மக் கள் மத்தியில் கோரியாவின் செல்வாக் கை அதிகப்படுத்தியுள்ளது. அவர் தன் னந்தனியாக நிராயுதபாணியாக கலகக் காரக் காவலர்களை உறுதியுடன் எதிர் கொண்டவிதம் குறித்து நாட்டு மக்கள் வியப்பும், மகிழ்ச்சியும் அடைந்துள்ளனர். ஒரு மிகச்சிறந்த பொருளாதாரப் பட்ட தாரியான கோரியா, தன் நாட்டில் ஆற்றிட வேண்டிய பொருளாதாரப் பணிகள் ஏராளமாக உள்ளன. அவர் தனது நாட்டு மக்களுக்கான மக்கள் சேவையில் முழு வெற்றி பெறுவார் என்பதுஉறுதி.

ஜான் செரியன்

நன்றி - “பிரண்ட்லைன்”

தமிழில்: கே. அறம்

நீண்ட நாட்களுக்குப் பிறகு பிடல் காஸ்ட்ரோ

கியூபா முன்னாள் தலைவர் பிடல் காஸ்ட்ரோ நான்கு ஆண்டுகளுக்குப் பிறகு பொது நிகழ்ச்சி ஒன்றில் கலந்து கொண்டிருக்கிறார்.

நான்கு ஆண்டுகளுக்கு முன்பு அவர் நோயால் பாதிக்கப்பட்டது முதல் பொது நிகழ்ச்சிகள் எதிலும் கலந்து கொள்ளாமல் இருந்தார்.

அவரது உடல்நிலை பற்றி தெரிந்துகொள்ள மக்கள் ஆர்வமாக இருந்தனர். இந்நிலையில் காஸ்ட்ரோ, ஹவானாவில் உள்ள தேசிய அறிவியல் நிலையத்திற்கு வந்திருந்தபோது எடுக்கப்பட்ட புகைப்படம் வெளியாகியுள்ளது.

83 வயதாகும் காஸ்ட்ரோ, புன்சிரிப்புடன் தேசிய அறிவியல் நிலைய அதிகாரிகளுடன் பேசும் படங்கள் இணையப் பக்கத்தில் வெளிவந்துள்ளன.

அப்படங்களைப் பார்த்து மக்கள் மகிழ்ச்சி அடைந்திருப்பதாக தகவல்கள் கூறின.

புரட்சி என்னதான் செய்யும்!

கியூபா புரட்சியின் வெற்றி செய்தி அன்று தான் வந்தது. ஆம். 1959ஆம் ஆண்டு ஜனவரி 1ஆம் தேதி சர்வாதிகாரி பாடிஸ்டா நாட்டை விட்டு வெளியேறினார். புரட்சிக்குப் பின் பல்வேறு தடைகளைத் தாண்டி வந்த கியூபா, இன்று புரட்சியின் பொன்விழா நாளைக் கொண்டாடுகிறது. இந்த ஐம்பதாண்டுகளில் கியூபா நிகழ்த்திய சாதனைகள் அசாதாரணமானது.புரட்சிக்கு முன் மூன்றில் ஒருவர் எழுத்தறிவில்லாதவராக இருந்தார். 6 லட்சம் குழந்தைகள் பள்ளிக்கே செல்லவில்லை. 6 சதவீதம் பேர் மட்டுமே தொடக்கக் கல்வியை நிறைவு செய்திருந்தனர். 58 சதவீதம் பேர் ஆசிரியர் பணிக்காகக் காத்துக் கிடந்தனர். பல்கலைக் கழகங்களில் ஆண்டுக்கு 20 ஆயிரம் பேர் மட்டுமே படிக்க இடவசதி இருந்தது. ஆனால், புரட்சிக்குப் பின் ஏராளமான பள்ளிக் கூடங்கள் கட்டப்பட்டன. ஆசிரியர்களும், பேராசிரியர்களும் 3 லட்சத்துக்கும் மேற்பட்டோர் நிரந்தர பணியில் நியமிக்கப்பட்டனர்.

பள்ளிக்குச் செல்லும் வயதுஷீமீள அனைத்துக் குழந்தைகளுக்கும் இலவச கல்வி வழங்கப்பட்டது. மொத்த மக்கள் தொகையில் 98 சதம் பேர் தொடக்கக் கல்வி முடித்தவர்களாக மாறினர். 6 லட்சத்து 50 ஆயிரம் மாணவர்கள் கியூபப் பல்கலைக் கழகங்களில் பயின்று வருகின்றனர். கல்வி மற்றும் சிறப்புத் திறனுக்கான பயிற்சிகளும் பாகுபாடின்றி அனைத்து மாணவர்களுக்கு வழங்கப்படுகிறது. இவை அனைத்தும் இலவசமாகவே மக்களுக்கு வழங்கப்பட்டன. இப்படி தற்போது வளர்ந்துள்ள கியூபாவில், புரட்சிக்கு முன்பு சுமார் 5 லட்சம் விவசாயத் தொழிலாளர்களுக்கு மாதத்திற்கு 10 நாட்கள் மட்டுமே வேலை கிடைத்தது. 6 லட்சத்திற்கும் அதிகமானோர் எந்த வேலையும் இல்லாமல் இருந்தனர். வேலை செளிணித தொழிலாளர்களும் எந்தவிதமான சலுகைகளையும், உரிமைகளையும் முழுமையாக பெறவில்லை. அனைத்து நலத்திட்டங்களையும் சோசலிசம் மலர்ந்த பிறகே அனைத்து தொழிலாளர்களும் பெறத் தொடங்கினர்.


ஓய்வூதியத் திட்டமும் அனைத்துத் தொழிலாளர் களுக்கும் புரட்சிக்குப் பிறகே வழங்கப்பட்டன. தொழில் துறை வளர்ச்சிக்குத் தேவையான அனைத்து கட்டமைப்பைகளையும் உருவாக்கியதன் விளைவாக. மின் உற்பத்தி 8 மடங்கு அதிகரித்தது. நீர்த்தேக்க வசதிகள் 310 மடங்கு அதிகமானது.

பல்லாயிரக்கணக்கான கிலோ மீட்டர் நீளத்திற்கு சாலைகள் போடப்பட்டன. துறைமுகங்கள் நவீனமயமாக்கப்பட்டன. 1968ஆம் ஆண்டில் அனைத்து தொழில்களும் நாட்டுடைமையாக்கப்பட்டன. உள்நாட்டு உற்பத்தியில் தொழில்துறை 35 சதவீத பங்கை செலுத்துமளவுக்கு தரம் உயர்த்தப்பட்டது.

புரட்சி வெற்றி பெற்ற அன்று மக்களிடையே உரையாற்றினார் காஸ்ட்ரோ,

சோசலிசம் வேண்டுமா? என்றார்,

மக்கள் வேண்டாம்! வேண்டாம் என்றனர்.

நிலம் வேண்டுமா? என்றார், 

வேண்டும், வேண்டும் என்றனர்.

கல்வி வேண்டுமா? என்றார்.

வேண்டும் வேண்டும் என்றனர்.

இப்படி ஒவ்வொன்றாக கேட்டுவிட்டு இவைகளை தருவதுதான் சோசலிசம். 

இப்போது சொல்லுங்கள் சோசலிசம் வேண்டுமா? எனக்கேட்டார்.

அப்போது மக்கள் சோசலிசம்! சோசலிசம்!! என ஆரவாரம் செய்தனர்.

அந்த 93 மைல் இடைவெளியில்...

இதுவரை உலகில் எழுபதிற்கும் மேற்பட்ட நாடுகளில் நேரடியான தாக்கு தலை தொடுத்திருக்கிறது ஒரு தேசம்... உலகில் 68 நாடுகளில் இன்றைக்கும் தனது நாட்டிலிருந்து சுமார் முப்பதாயிரம் மருத்துவர்களை அனுப்பி, மருத்துவம் செய்து கொண்டிருக்கிறது இன்னொரு தேசம்.. ஒரு சின்னஞ்சிறிய நாட்டின் அதி பரை கொல்வதற்காக “ஆபரேசன் பேமிலி ஜூவல்ஸ்” என்ற பெயரால் இதுவரை யிலும் 638 முயற்சிகளை செய்திருக்கும் குரூரம் ஒரு தேசத்தினுடையது. ஐம்பது ஆண்டுகளில் இவ்வளவு முறை என் றால், சராசரியாக மாதத்திற்கு ஒரு கொலை முயற்சி.. அனேகமாக அனைத்து அதிபர் களின் காலத்திலும் இத்தகைய கொலை முயற்சிகள் நடந்திருக்கும்... தனது நாட்டு அதிபரை இத்துணை முறை கொலை செய்யத் துடித்த அந்த ஏகாதிபத்திய நாட் டை 2005ம் ஆண்டு காத்ரீனா என்கிற புயல் தாக்கிய போது உடனடியாக பாதிக்கப் பட்ட மக்களுக்காக தனது நாட்டிலிருந்து ஆயிரத்து ஐந்நூறு மருத்துவர்களை அனுப்பி இலவசமாக சிகிச்சை அளித்த மனிதநேயம் மற்றொரு தேசத்தினுடையது.

தனக்கு அருகில் இருக்கும் அந்த சின் னஞ்சிறிய தீவை பொறுத்துக்கொள்ள முடியாமல் எப்படியாவது தீர்த்துக்கட்டி விட வேண்டும் என்பதற்கான வன்மத் தோடு 250 கோடி டாலர்கள் செலவில் ஒரு தனி வானொலியையே துவக்கி, இரு பத்து நான்கு மணி நேரமும் செய்யப்பட்ட எதிர் பிரச்சாரங்கள் ஒருபுறம்.. 2001ம் ஆண்டில் செப்டம்பர் 11 தாக்குதலின் போது பற்றி எரிந்து கொண்டிருந்த பகுதி களில் பணியாற்றிய போது விபத்துக்குள் ளான அந்நாட்டு தீயணைப்பு வீரர்கள் அனைவரையும் தன் நாட்டிற்கு அழைத்து உயர்தர சிகிச்சைகள் அனைத்தும் அளித்து, தனது நாட்டு தீயணைப்பு நிலையங்களில் மரியாதை செய்து திருப்பி அனுப்பிய மனிதாபிமானம் மறுபுறம்.. உல கின் பல முனைகளில் தனது நாட்டு ராணுவத்தை நிறுத்தி, கோடிக்கணக் கான டாலர்களை செலவழித்து உலக நாடுகளை அச்சுறுத்திக் கொண்டிருக் கும் மோசமான தேசம் ஒன்று.. ஆனால் 26 லத்தீன் அமெரிக்க நாடுகளில் மட்டும் சுமார் மூன்று லட்சம் மக்களுக்கு தன் செலவில் இலவசமாக கண்அறுவை சிகிச்சை செய்திருக்கும் உன்னத தேசம் மற்றொன்று...

பேரழிவு ஆயுதங்கள் இருக்கிறது என்று சொல்லி ஒரு நாட்டிற்குள் புகுந்து அந்நாட்டு அதிபரை கொன்று குவித்த நய வஞ்சகம் ஒருபுறம் எனில், உலகில் ஆயு தங்களை அழித்து சமாதானத்தை நிலை நாட்டுவோம் என்கிற ஆலோசனை யோடு அனைவரையும் ஆரத்தழுவும் அர சியல் பண்பாடு மறுபுறம். விழாவொன் றில் கால் இடறி ஒரு நாட்டின் அதிபர் விழுந்த காட்சியை உலகின் அனைத்து ஊடகங்களிலும் திரும்ப திரும்ப ஒளிபரப்ப வேண்டும் என கட்டளையிட்டு ஆர்ப்ப ரித்த காட்சி ஒருபுறம் என்றால், தான் வாங்கிய செருப்படி காட்சிகளை எங்குமே ஒளிபரப்பக்கூடாது என அதட்டி உத்தர விட்டதோடு அந்த செருப்பையும் கூட உடனடியாக அழித்த காட்சி மறுபுறம்...

பட்டியலிட்டால் தொடர்ந்துகொண்டே போகும் இத்தகைய முரண்பாடுகள்... இத்தகைய முரண்பாடுகளின் பூகோள இடைவெளி வெறும் 93 மைல் மட்டுமே. ஆனால் இந்த முரண்பாடுகள் தற்செயலா னது அல்ல.. இவைகளின் பின்னணியில் அதற்கான காரணமும சித்தாந்த அடை யாளமும் இருக்கிறது. ஒன்றின் பெயர் ஏகாதிபத்தியம் அல்லது அமெரிக்கா... மற் றொன்று சோஷலிசம் அல்லது கியூபா... உலகின் அனைத்து தேச மக்களையும் தனது மக்களைப் போலவே பாவிக்க முடியுமென்றால் அதன் பெயரே சோசலி சம்.. தன் தேசத்து மக்களையும் கூட ஒரு அரசால் வெறுக்க முடியுமென்றால் அதன் பெயர் ஏகாதிபத்தியம்.

கொலை முயற்சிகள், பொருளாதார தடைகள், எதிர்ப்பிரச்சாரங்கள் என அனைத்தையும் தாண்டித்தான் தனது பொன்விழா ஆண்டை கொண்டாடிக் கொண்டிருக்கிறது கியூபா என்ற அந்த சோசலிச தேசம்... பொன்விழா கொண் டாட்டங்களின்போது மேற்கத்திய ஊட கங்கள் அந்நாட்டு மக்களிடம் கேட்டது... “உங்கள் பிடல் காஸ்ட்ரோ காலத்திற்கு பின்பு ஒருவேளை அமெரிக்கா உங்கள் மீது போர் தொடுத்தால் என்ன செய் வீர்கள்...? மக்கள் சொன்ன பதில்... “இறு திவரை சோசலிசம் அல்லது வீரமரணம்...” கியூப மக்களின் இந்த பதிலுக்கு நம் வீர வணக்கங்கள்... மக்களை நேசிக்கிற அனைவரும் சோசலிசத்தை நேசிப்பவர் களே.. கியூப புரட்சியின் பொன்விழா என் பது சோசலிசத்தின் பொன்விழா... உலக மக்களின் பொன்விழா... அதை உற்சாகத் தோடு கொண்டாடுவோம்...
- பத்ரி

பொன்விழா கியூப புரட்சி: வலிமைமிகு டேவிட்டின் வெற்றி

-சீத்தாராம் யெச்சூரி

கியூப சோசலிசப் புரட்சி அரை நூற்றாண்டு காலம் நிலைத்திருந்ததோடு மட்டுமல்லாமல் அதையும் கடந்து ஐம்பது ஆண்டு காலத்தில் வலிமைப் படுத்தப்பட்டுள்ளது. இது மனித உழைப்பும், விடாமுயற்சியும் படைத்த வீரகாவியமாக மனிதகுல வரலாற்றில் பதிவு செய்யப்பட வேண்டிய ஒன்று. 1989ல் புரட்சியின் 30வது ஆண்டு கொண்டாட்டத்தில் கியூப மக்களோடு இணைந்து கலந்துகொண்டபோது ஹவானாவிலுள்ள மாலிகானில் (மும்பை மெரைன் டைவ் போன்ற இடம்) பெரிய விளம்பரப் பலகை வைக்கப் பட்டிருந்ததைக் கண்டேன். அப்பலகை யில் அமெரிக்க ஏகாதிபத்தியச் சூழ்ச்சி களைத் தோல்வியுறச் செய்த கியூபப் புரட்சியின் வெற்றியினை இதிகாசக் கதையான அரக்கன் கோலியாத்திற்கு எதிரான சிறுவன் டேவிட்டின் வெற்றி யோடு ஒப்பிடப்பட்டிருந்ததை நினைவு கூர்கிறேன். அது சாலப் பொருத்த மானதே. இன்றைக்கும் பொருத்தமானதே.

1989க்குப் பிந்தைய இருபது ஆண்டு களில், சோவியத்யூனியன் மற்றும் கிழக்கு ஐரோப்பாவில் சோசலிசம் சிதைக் கப்பட்ட பின்னர், கியூபாவின் சோசலிச அமைப்பு பிழைத்திருக்காது என பலரும் நினைத்தார்கள். ஆனாலும் கோலியாத் திற்கு எதிரான ஒவ்வொரு களத்திலும் டேவிட்டின் வெற்றியே தொடர்ந்தது.

முதலாளித்துவத்தை விட சோசலிச அமைப்பு மேன்மையானது என்பதை இதைவிட வேறெந்த வகையிலும் அழுத் தமாக உறுதி செய்ய முடியாது.

சோசலிச கியூபாவின் அனைத்துவித சாதனைகளும் ஏற்கனவே ஆவணப்ப டுத்தப்பட்டிருப்பதால் அவற்றை மீண் டும் இங்கு குறிப்பிடவேண்டியது அவ சியமில்லை.

இருந்தாலும் ஒரு உண்மையை எவராலும் மறுக்கமுடியாது. கியூபப் புரட்சியின் அரைநூற்றாண்டு வெற்றியும், அதன் தலைவர் பிடல் காஸ்ட்ரோவின் இந்த ஐம்பது ஆண்டு கால வாழ்க்கை யும் ஒன்றுக்கொன்று பிரிக்க இயலாதது. ஒரு உண்மையான கம்யூனிஸ்டாக சுய புகழ்ச்சிக்கு என்றுமே அவர் இடமளித் ததில்லை. பிடலாக மாற இயலாவிட்டா லும் கூட அவரைப் பின்பற்றுவதற்காக வாவது புதிய கம்யூனிசத் தலைமுறையினர் இவ்வகையில் முயற்சிக்க வேண்டும். அவருக்கு சிலைகள் இல்லை. பெரிய உருவப் படங்கள் இல்லை. அவரது உருவம் பொறித்த அஞ்சல் தலை இல்லை. நாணயம் இல்லை. ரூபாய் நோட்டுக்கள் வெளியிடப்படவில்லை. இருந்த போதிலும் கியூபப் புரட்சியே சுவாசமாகவும் அதன் ஆற்றல்மிகு அதிர்வுகளைச் சுமப்பதாகவும் பிடலின் வாழ்வு தொடர்ந்து கொண்டிருக்கிறது.

சென்ற வருடம், 2007ல், “என் வாழ்வு - பிடல் காஸ்ட்ரோ“ என்கிற ஆங்கிலப் புத்தகம் வெளிவந்தது. கியூபப் புரட்சிக்கும் அதன் தொடர் வெற்றிக்கும் நாம் செலுத்தும் மரியாதையாக இத்தொகுப்பு அமைந்துள்ளது.

ஏறத்தாழ 600 பக்க விவரிப்பில் பிடல் காஸ்ட்ரோவின் பிரமிக்கத்தக்க வாழ்க்கை, பணி மற்றும் அவர் வாழ்ந்த காலம் ஆகிய அனைத்தும் தெரிவிக்கப்பட்டுள்ளது. பொதுவாக அதிகமாகப் பேசும் சுபாவமற்ற பிடல், அடுத்தடுத்த நேரடி கலந்துரையாடல்கள் மூலம் மூன்று ஆண்டு காலத்தில் அனைத்து விஷயங்களையும் பகிர்ந்து கொண்டிருக்கிறார். அவரது பெற்றோர், இளவயது தாக்கங்கள்,1953ல் புரட்சியின் தோல்வி, மெக்ஸிக்கோவிற்கு நாடு கடத்தல், கொரில்லாப் போர், ஜனவரி 1,1959ல் வெற்றி கண்ட புரட்சி உள்ளிட்ட அனைத்தும் இக்கலந்துரை யாடல்களில் இடம் பெற்றுள்ளன. இயல் பாகவே சே குவேராவுடனான அவரது உறவுகள், பன்றி வளைகுடா நெருக்கடி ஆகியன குறித்தும், சோவியத் யூனியன் சிதைவில் தொடங்கி மதம் மற்றும் ஓரினச்சேர்க்கை உள்ளிட்ட பரந்துபட்ட பல விசயங்களின் மீதான அவரது பார்வையும் இடம் பெற்றுள்ளன.

பிடல் அவர்களின் வாழ்க்கைக் குறிப்பு ஏதும் இல்லாத நிலையில், அவரும் அதை எழுதிட வாய்ப்பில்லாத நிலையில், இக்னாசியோ ரமோநெட், இக்கலந்துரையாடல்களை தொகுத்ததன் மூலம் பிடல் வாழ்க்கையினை மிகச்சிறப்பாகப் பதிவு செய்துள்ளார். அந்த வகையில் இருபதாம் நூற்றாண்டின் ஆளுமைமிக்க தலைவர்களில் ஒருவரைப் பற்றி முழு மையாக அறிந்து கொள்ளச் செய்யும் குறிப் பிடத்தக்க பங்களிப்பு இந்நூல் எனலாம். நூலாசிரியரே குறிப்பிட்டுள்ளதைப் போல “வரலாற்றில் பிடலுக்கான இடம் உத்தர வாதப்படுத்தப்பட்டதுதான் - பிடலின் குறிக்கோளும் அதுவே”. கடிதங்களின் மறுபதிப்பு, ஏனைய ஆவண இணைப்புக் கள் ஆகியன மூலம் இவ்விவரிப்பு செழு மைப்படுத்தப்பட்டிருக்கிறது. வரலாற்று இணை நிகழ்வுகளும் சமகாலத்தை யொத்த புரிதலோடு இணைக்கப்பட் டுள்ளன.

இதைக் குறிப்பிடுகிற அதேவேளையில், வாழ்க்கைக் குறிப்பினை நேர்காணல்கள் மூலம் மறுநிர்மாணம் செய்கிற போது, அதற்கேயுண்டான பலவீனங்க ளும் நேரிடும். நேர்காணல் செய்தவரே அதை ஒப்புக் கொண்டுள்ளார். கேள்வி கேட்பவருக்கும் பதில் அளிப்பவருக்கு மான அறிவுரீதியான ஏற்றத்தாழ்வு சில உரையாடல்களை பரஸ்பர பொருளி சைவு அற்றதாக ஆக்கிவிடும். தனிப்பட்ட பிடலைப் பற்றிய பார்வையைத் தந்திருப் பதோடு அதன் உண்மை இலக்குகளை யும் இப்புத்தகம் பெருமளவிற்குப் பூர்த்தி செய்திருக்கிறது. ஒரு வித்தியாசமான சூழலில் பிறந்த சிறுவன் எவ்வாறு 20ம் நுாற்றாண்டின் இரண்டாம் பகுதியின் மிகப் பெரிய புரட்சியாளனாய் மாறினான்? “நகர்ப்புற வாசனையே இல்லாத ஒரு குக்கிராமத்தில், வசதியான - கல்வி யறிவற்ற - பழைமைவாத எண்ணம் கொண்ட பெற்றோருக்குப் பிறந்தவர். இரண்டாம் உலகப் போருக்கு முந்தைய ஸ்பெயின் சர்வாதிகாரி பிராங்கோவின் ஆதரவால் நடத்தப்பட்ட மேல்தட்டு குழந்தைகளுக்கான ஜெசூட்ஸ்களுக்கு ஆதரவான கத்தோலிக்கப் பள்ளிகளில் பயிற்றுவிக்கப்பட்டவர். சட்டக் கல்லூரி யின் பள்ளி அறைகளில் பூர்சுவா இளை ஞர்களோடு தோளோடு தோள் சேர்த்து பழகிய இளைஞர். இப்படிப்பட்டவர் எப் படி மாறினார்?. எனினும் இந்த விவரிப் பில் பிடல் வாழ்க்கையின் முக்கியத்துவம் வாய்ந்த இந்த அம்சங்கள் போதுமான அளவு கூர்மையாக வெளிப்படவில்லை.

இவ்விவரங்கள் மீதான உன்னிப்பான கவனத்தின் அவசியத்தை என் நேரடி யான அனுபவத்தின் வாயிலாக1993ல் நான் பெற முடிந்தது. சோவியத் யூனியன் வீழ்ச்சியடைந்திருந்த வேளையில் ஜோதிபாசு அவர்களுடன் கியூபாவிற்குச் சென்றிருந்தேன். கம்யூனிச வரலாறு முடிந்துவிட்டது. அதன் கோட்பாடு தோற் றுவிட்டது போன்ற கம்யூனிசத்திற்கு எதிரான பிரச்சாரங்கள் கட்டவிழ்த்து விடப்பட்டிருந்த நேரம் அது. அவ்வர லாற்றின் அங்கமாகவே சோசலிச கியூபாவும் விமர்சிக்கப்பட்டது. ‘டைம்ஸ்’ இதழ் அதன் அட்டையில் பிடலின் படத் தோடு “காஸ்ட்ரோவின் கியூபா - முடி வுற்ற கனவு” என்று தலைப்பினைத் தாங்கி வெளிவந்திருந்தது.

ஒரு மாலை நேரம் நானும் ஜோதிபாசுவும் ஓய்வெடுத்துக் கொண்டிருந்த வேளையில், இரவு 11 மணியளவில் மாபெரும் தளபதி எங்களை வரவேற்கக் காத்திருப்பதாகத் தெரிவிக்கப்பட்டது. பிடலுடனான சந்திப்பு இரண்டு மணி நேரத்திற்கும் கூடுதலான ஆலோசனை யாக நீண்டது. கியூபா மீதான சோவியத் யூனியன் வீழ்ச்சியின் தாக்கம் உள்ளிட்ட பல பிரச்சனைகள் விவாதத்தில் இடம் பெற்றன. திடீரென பிடல் இந்தியா பற்றிய ஆழமான பல தகவல்களை கேட்கத் துவங்கினார். உற்பத்தியாகும் ஸ்டீலின் அளவு, பயிரிடத்தக்க, பாசன வசதி பெற்ற விவசாய நிலப்பரப்பு உள்ளிட்ட நிறைய விவரங்களை கேட்க ஆரம்பித்தார். இத்தகைய கேள்விகளை அதுவும் அந்த அதிகாலை நேரத்தில் ஜோதிபாசு சற்றும் எதிர்பார்க்கவில்லை. பின் என்னை நோக்கிய பிடல், வயதின் காரணமாக ஜோதிபாசுவை பொறுத்துக்கொள்ளலாம். ஆனால் என்னிடம் இத்தகைய விவரங்கள் இல்லை எனச் சொல்வதற்கு எந்த முகாந்திரமும் இல்லை எனக் குறிப்பிட் டார். அதன் பின் பிடலை சந்திக்க நேர்ந்த இருவேறு வாய்ப்புகளிலும் புதுப்பிக்கப் பட்ட புள்ளி விபரங்களை என் கைகளில் வைத்துக்கொண்டுதான் சந்தித்தேன்.

இப்புத்தகத்திலிலுள்ள கலந்துரையா டல்கள், 20ம் நூற்றாண்டின் மதிப்புமிக்க புரட்சியாளர்களில் சிறந்த ஒருவரை எளிய முறையில் படித்தறியும்படி தொகுக்கப்பட்டுள்ளது. பாடிஸ்டா படை யினைத் தோற்கடித்த பின் ஹவானா விற்குள் 32 வயது நிரம்பிய பிடல் வெற்றி நடை போட்டு நுழைந்த அதே நாளில் தான் ஜெனரல் சார்லஸ் டி கௌலி, ஜந் தாவது பிரெஞ்ச் குடியரசின் முதல் அதிப ராக பதவியேற்றார். பிரிட்டன் மற்றும் தாய்லாந்தின் சம்பிரதாய முடியாட்சி மன்னர்கள் மட்டுமே பிடலை விடக் கூடு தலான காலம் அதிகாரத்தில் நீடித்தவர் கள். சோசலிச கியூபாவை வென்றெடுத்து பலப்படுத்தி நீண்ட காலம் வாழ்ந்த அரசியல் தலைவனாக பிடல் திகழ்கிறார். அரசியல் தலைமை மாற்றத்தையும் சுமூ கமான முறையில் முன்னின்று ஏற்படுத் தித் தந்தார். கலந்துரையாடல்களில் குறிப்பிட்டுள்ளதைப் போல பிடல் தலை மையிலான கியூபா “அதன் இறையாண் மையைப் பாதுகாத்ததோடு, மறுக்கமுடி யாத பிரமிக்கத்தக்க வெற்றிகளை மனித வள மேம்பாட்டில் ஈட்டியது. இனபேதங் கள் ஒழிப்பு, பெண்ணடிமைத்தனத் திலிருந்து விடுதலை, சிசு இறப்புவிகிதக் குறைப்பு, எழுத்தறிவின்மை ஒழிப்பு, உச்சஅளவு பொது அறிவு மற்றும் கல்வி, ஆரோக்கியம், மருத்துவ ஆராய்ச்சி மற்றும் விளையாட்டு உள்ளிட்ட துறை களில் பல வளர்ந்த நாடுகளும் பொறா மைப்படுகிற அளவிற்கு வளர்ச்சியை எட்டியுள்ளது. பிற பல துறைகளையும் குறிப்பாக கலை, கலாச்சாரம் மற்றும் தனித்துவமிக்க அவர்களின் திரைப்படத் துறையையும் இந்த வெற்றிப் பட்டியலில் இணைக்கலாம்.

ஐசன்ஹோவர் முதல் புஷ் வரையி லான பத்திற்கும் குறைவில்லாத, அமெ ரிக்க அதிபர்களை எதிர் கொண்டவர் பிடல். சமீபத்திய ஒபாமாவையும் எதிர் கொள்ளத் துவங்கிவிட்டார். அவர் மீது ஏவப்பட்ட 600 கொலை முயற்சிகளை யும் முறியடித்தார். கியூபா மீது அமெரிக்க ஏகாதிபத்தியம் ஏவிவிட்ட பொருளாதார யுத்தங்களையும், கியூபாவை சிதைக்க ஏவப்பட்ட சதிச் செயல்களையும் முறிய டித்து வெற்றி கண்டார். இவையெல்லாம் முன்னாள் சி.ஐ.ஏ ஏஜெண்ட் பிலிப் ஏகீயால் ஆவணப்படுத்தப்பட்டிருக் கிறது.

20ம் நூற்றாண்டின் அனைத்து முக் கிய அரசியல் தலைவர்களுடனான அவ ரது தொடர்புகளையும், செயல்பாடு களையும் விவரித்துள்ளதோடு பிடலின் அறிவாற்றல்களையும் கட்டுக்கடங்கா புதுமை உணர்ச்சிகளையும் இக்கலந் துரையாடல்கள் தெளிவுபடுத்தியுள்ளன. எர்னெஸ்ட் ஹெமிங்வே, ஜுன் பால் சாட்ரே, சைமன் டி பொலிவர், பாப்லோ நெருடா, கேப்ரில் கார்சியா மார்க்ஸ், ஜோஸ் சாரமாகோ மற்றும் ஏனைய அறிவு ஜீவிகளுடனான பிடலின் தனிப்பட்ட உரையாடல்களும் விவரிக்கப்பட் டுள்ளன.

பிடலின் பன்முகப் பரிமாணங்களை உணர்த்தியுள்ள இக்கலந்துரையாடல் கள் நம்மிடையே விட்டுச் செல்லும் ஒட்டு மொத்தக் கருத்து, பிடலைப் பற்றி முன்னாள் பிரெஞ்சு அதிபர் மிட்டரண்ட் ஒருமுறை குறிப்பிட்டதை ஒத்ததாக இருக்கிறது. தன்னிடம் மிகப்பெரிய கருத்துருவாக்கத்தை ஏற்படுத்திய மூன்று தலைவர்களில் ஒருவராகப் பிடல் திகழ்ந்ததற்கு “எதிர்காலத்தை அனுமானிக்கிற அவரது ஆற்றலும், வரலாறு பற்றிய அவரது உணர்வுகளுமே காரணம்“ என்று மிட்டரண்ட் கூறியதே அது.

சோவியத் யூனியனின் சிதைவைத் தொடர்ந்து “கியூபப் புரட்சி நிலைத்து நிற்கும் என்று எவரும் நினைத்துப் பார்க்கக் கூட தயாராக இல்லை“ என்று கூறும் பிடல், தாங்கள் ஒரு மாபெரும் அதிசயத்தைப் படைத்ததாகக் கூறுகிறார். ஏனெனில் “மேலும் மேலும் ஒன்றுபடும், அறிவார்ந்த, படித்த போர்க்குணம்மிக்க மக்களின், தேசத்தின் ஆதரவு புரட்சிக் குத் தொடர்ச்சியாக இருந்து வருகிறது. அது மேலும் அதிகரித்தும் வருகிறது.” வயது ஆக ஆக உடல் வலிமை குன்றி னாலும் பிடலின் உத்வேகம் அப்படியே இருக்கிறது.

அவரை வியந்து போற்றுவோர் மட்டுமல்ல; பிடலை குறைகூறுவோரும் கூட படித்தறிய வேண்டிய மதிப்புமிக்க வெளியீடு இது. 1953 புரட்சி தோல் விக்குப் பின் பிடல் குறிப்பிட்டது போல “என்னைக் கண்டியுங்கள்; அது பிரச் சனையல்ல; வரலாறு என்னை விடு விக்கும்.”

தமிழில் : சுரேஷ்

சோசலிச கியூபா நீடுழி வாழ்க : ஜோதிபாசு

கியூப புரட்சியின் 50-ம் ஆண்டு பொன்விழாவை கொண்டாடும் மக்க ளுக்கு மார்க்சிஸ்ட் கம்யூனிஸ்ட் கட்சியின் முதுபெரும் தலைவரும், மேற்கு வங்க முன்னாள் முதலமைச்சருமான ஜோதிபாசு இதயப்பூர்வமான வாழ்த் துக்களை தெரிவித்துள்ளார். 

கியூபா மக்களுக்கு அவர் விடுத்துள்ள செய்தி வருமாறு:-

கியூப புரட்சியின் 50-ம் ஆண்டு விழா துவங்கும் இந்த தருணத்தில் கியூப மக்க ளுக்கும், கியூப கம்யூனிஸ்ட் கட்சிக்கும், அரசுக்கும் எனது சகோதரத்துவமிக்க வாழ்த்துக்களை தெரிவித்துக் கொள்கிn றன். கடந்த 50 ஆண்டு காலத்தில் மேற்கத்திய உலகில், அமெரிக்காவுக்கு அருகே ஒரு துணிச்சல்மிக்க தேசமாக ஜொலித்துக் கொண்டிருக்கிறது கியூபா. கியூபாவின் சமூக அமைப்பானது, வறுமை, எழுத்தறி வின்மை மற்றும் வேலையின்மை போன்ற பிரச்சனை களுக்கு எதிராக மிகச்சரியான முறையில் போராட்டம் நடத்தி இத்தகைய சமூகத் துறைகளில் குறிப்பிடத்தக்க சாத னைகளை படைத்துள்ளது. கியூபாவின் 1 கோடியே 10 லட்சம் மக்கள் சமூக, பொரு ளாதார மற்றும் கலாச்சாரம் உள்ளிட்ட அனைத்துத் துறைகளிலும் மெச்சத்தக்க சாதனைகளை படைத்துள்ளனர். ஏனென் றால் அமெரிக்கா விதித்த கிரிமினல் தன மான தடைகளையும், அச்சுறுத்தல்களை யும், சதித்திட்டங்களையும் தீரத்துடன் எதிர் கொண்டதில் இந்த மக்கள் மிகவும் ஒற்று மையாகவும், மிகக் கூரிய அரசியல் விழிப் புணர்வுடனும் இருந்தார்கள். 

கியூபா மீதான இத்தகைய கிரிமினல் தனமான, சட்டவிரோதமான தடைகளுக்கு எதிராக, ஐக்கிய நாடுகள் சபை தொடர்ச் சியாக ஒட்டுமொத்த உலகின் ஆதரவோடு தீர்மானங்களை நிறைவேற்றியிருக்கிறது. ஆனால், உலகின் இந்த கருத்துக்கு அமெ ரிக்கா எந்த மரியாதையும் தரவில்லை. அவர்கள் இன்னும் கூட தங்களது அனைத்து ராணுவ மற்றும் பயங்கரவாத செயல்பாடுகள் மூலமும், பொருளாதார யுத்தம் மூலமும் கியூபாவை தகர்க்க முயற் சித்துக் கொண்டிருக்கிறார்கள். 

அமெரிக்காவின் இத்தகைய கோழைத் தனமான, கொடூர சதிகளும் தடைகளும் தொடர்கிற போதிலும் கூட, கியூபாவில் சோசலிசம் வீர நடை போட்டு முன் செல்கிறது. கியூபா, இன்றைக்கு சக்திமிக்க போராளியாக, கியூப மக்களுக்கு மட்டுமின்றி உலகில் உள்ள அனைத்து மூன்றாம் உலக நாடுகளது மக்களின் போராளியாக திகழ் கிறது. வறுமை, ஏற்றத்தாழ்வு, வாழ்வா தாரங்கள் அழிப்பு போன்ற கடும் பிரச்சனை களை எதிர் கொண்டுள்ள உலகம் முழுவ தும் இருக்கிற மக்களுக்கு வெளிச்சத்தை காட்டுகிற ஒளிவிளக்காகவும் கியூபா திகழ்கிறது. 

கியூப மக்கள் காட்டிய இந்தத் தீரமிக்க முன்னேற்றத்தால் ஆதர்சிக்கப்பட்ட லத்தீன் அமெரிக்க மக்களும் தங்களது ஜனநாயக உரிமைகளை, அமெரிக்க நிர்வா கத்தின் ஆதிக்கத்திற்கு எதிரான சுதந்திர வேட்கையை உறுதி செய்கிற போராட் டத்தை முன்னெடுத்துச் செல்கின்றனர். 

சுதந்திரம், அனைத்துப் பகுதி மக்களின் நலன், அமைதி, முன்னேற்றம் மற்றும் ஜன நாயகம் ஆகியவற்றை காப்பதற்கு கியூப தேசத்தின் மக்கள் அளித்துள்ள மகத்தான பங்களிப்பின் மூலம் ஈர்க்கப்பட்டுள்ள இந் திய மக்கள் தங்களது போராட்டத்தை தொடர் வார்கள். கடந்த 50 ஆண்டு காலமாக கியூபா வுக்கு ஆதரவாக, கியூபா மீதான அமெரிக்க நிர்வாகங்களின் அத்துமீறல்களுக்கு எதி ராக எமது மக்கள் மாபெரும் இயக்கங் களை நடத்தியுள்ளனர் என்பதை இந்த தருணத்தில் நினைவு கூறுகிறேன்.

கியூப மக்களும் அவர்களது தலைமையும் எதிர்வரும் ஆண்டுகளில் மேலும் மேலும் பல வெற்றிகளை ஈட்ட வாழ்த்துகிறேன். கியூப புரட்சியின் மகத்தான தலைவரும், கியூபாவில் சோசலிசத்தை கட்டி அமைத்த அறிவார்ந்த தலைவருமான பிடல் காஸ்ட்ரோவுக்கு எனது இதயப்பூர்வமான வாழ்த்துக்களை தெரிவித்துக் கொள்கிறேன்