உயிர்காக்கும் மருந்தில் பன்னாட்டு படையெடுப்பு

மருந்து விற்பனை என்பது இன்று வேகமாக லாபம் ஈட்டும் தொழிலாக மாறியுள் ளதை உலகமய சூழலில் நாம் காண்கிறோம். பெரும் கார்ப்பரேட் நிறுவனங்கள்கூட தங்கள் வர்த்தகத்தை அதிகப்படுத்திட, இத்துறையில் கால் பதிக்க துவங்கியுள்ளன. சேவை என்பது முற்றிலும் இல்லாமல் போய்விட்டது. லாபம்.. லாபம்.. கூடுதல் லாபம் எனும் தாரக மந்தி ரத்தை பின்புலமாய் கொண்டு இத்துறையில் உள்ளவர்கள் செயலாற்றி வருகின்றனர்.ஒரு மருந்து சிலகுறிப்பிட்ட நோய்களுக்கு மட்டுமே கொடுக்கப்படாமல், அதன் விரி வான பயன்பாட்டின் காரணமாக வேறு சில நோய்களுக்கும் கொடுக்கப்படும் வாய்ப் புள்ளது. சமீப காலமாக உலக அளவில் புதிய மருந்து கண்டுபிடிப்பில் தேக்கமும் வறட்சி யும் ஏற்பட்டுள்ளது.

ஆராய்ச்சி பணிகளுக்கு ஆகும் பெரும் செலவே இதற்கு முக்கிய கார ணமாகும்.ஏற்கனவே மேற்கத்திய நாடுகளில் ஏற் பட்டுள்ள பொருளாதார நெருக்கடி இதற்கு கூடுதல் காரணமாகவும் அமைந்துள்ளது.இது தான் இன்றைய நிலவரம். இந்தப் பின் னணியில் லண்டனை தலைமையிடமாக கொண்டு வர்த்தகம் செய்யும் கிளாக்சோ ஸ்மித் கிளைன் (ழுடுஹஓடீ ளுஆஐகூழ முடுஐசூநு) எனும் நிறு வனம் தான் தயாரித்து விற்பனைக்கு வந் துள்ள, சில நோய்களுக்கு மட்டுமே பயன் படுத்திட வேண்டிய சில மருந்துகளை விதி களை மீறி மற்ற நோய்களுக்கும் விற்பனை செய்தது இப்போது உலகுக்கு தெரியவந் துள்ளது.மன நோய்க்கு மட்டுமே கொடுக்கப்பட வேண்டிய ஒரு மருந்தின் பக்க விளைவான, இளம் வயதினருக்கு தற்கொலை உணர்வை தூண்டும் எனும் தகவலை தனக்கு சாதகமாக இந்நிறுவனம் மறைத்துள்ளது. பாக்சில் (ஞஹஓஐடு) எனும் வர்த்தகப் பெயரில் (கூசுஹனுநு சூஹஆநு) வந்துள்ள இம் மருந்துகளின் தன்மை கள் மறைக்கப்பட்டுள்ளது. இளம் வயதின ருக்கு-குழந்தைகளுக்கு இம்மருந்து கொடுக் கப்படலாம் என்பதற்கு சாதகமாக சில மருத் துவ அறிக்கைகளை பிரபலமான மருத்துவ புத் தகங்கள் மூலம் வெளியிட்டுள்ளது.இதே கிளாக்சோ நிறுவனத்தின் மற்றொரு தயாரிப்பான வெல்பர்டின் (றுநுடுடு க்ஷருசுகூஐசூ) மனநோய் சிகிச்சைக்கு பயன்படுத்தப்பட வேண்டிய மருந்தாகும். ஆனால் இம்மருந்தை உடல் எடை குறைப்பிற்கும், பாலியல் பிரச்ச னைகளுக்கும் இந்நிறுவனம் பரிந்துரைக்க சொன்னது. இதற்கு ஆதாரமாக தங்கள் நிறு வனமே பரிசோதனைகள் செய்ததாக அறிக் கைகளை வெளியிட்டது. இப்போது அவ்வ றிக்கைகள் அனைத்தும் தவறானது, முறையற் றது எனவும், அந்த அறிக்கைகள் வெளியிடப் பட ஆராய்ச்சியாளர்களுக்கு லஞ்சம் கொடுக் கப்பட்டதாகவும் தகவல்கள் தெரிவிக்கின்றன.கிளாக்சோ நிறுவனத்தின் இந்த தவறான வழிகாட்டுதல்களை மிகப் பெரிய குற்றம் என்று அந்நாட்டு கட்டுப்பாடு அதிகாரிகள் சொல்லியுள்ளனர்.

எப்போதும் போல இந்த பன்னாட்டு பெரும் வணிக நிறுவனமும் இதற்கு சில மூத்த அதிகாரிகளே காரணம் என ஒரு சில பேர்களின் பக்கம் தள்ளி விடப் பார்க்கின்றது. இது ஓர் நிறுவனத்தின் வர்த்த கம்/வியாபாரம் சம்பந்தப்பட்ட கொள்கை (ளை) முடிவுகள். அப்படியிருக்க ஒட்டுமொத்த நிறுவனமே தண்டிக்கப்பட வேண்டியுள்ளது.இப்படி தவறு செய்யும் நிறுவனங்கள் மீது நஷ்டஈடு என்ற பெயரில் பல்லாயிரக்கணக் கான டாலர்கள் செலுத்த வேண்டும் எனும் வழக்கு தொடரப்படுகின்றது.இப்படி ஏதோ ஒரு நிறுவனம் தான் தவறு செய்கின்றது என்பது மட்டுமல்ல. பன்னாட்டு நிறுவனங்களின் லாப வெறி ஓட்டத்தில் இது ஒரு சிறு புள்ளியே!அமெரிக்காவை தலைமையிடமாக கொண்டு செயல்படும் அபோட் (ஹக்ஷக்ஷடீகூகூ) எனும் நிறுவனம் நரம்பு தளர்ச்சி மற்றும் மன உளைச்சலை கட்டுப்படுத்தும் மருந்தான டெபாகோட் (னுநுஞஹமுடீகூநு) வேறு சில பிரச்ச னைகளுக்கும் எழுதப்படலாம் எனும் தவ றான தகவல் கொடுத்ததற்காக ஆறு மாதம் முன்பு 1.6 பில்லியன் டாலர் நஷ்ட ஈடாக கொடுக்க வேண்டும் என்று அந்நாட்டு நீதி மன்றம் தீர்ப்பளித்தது.அதே போல் ஜான்சன் & ஜான்சான் நிறு வனம் தயாரித்துள்ள ஒரு மருந்தை விற் பனை செய்ய மட்டுமே உரிமை பெற்ற அபோட் நிறுவனம் தவறான தகவல்களை அளித்தது கண்டுபிடிக்கப்பட்டு , 2 பில்லியன் டாலர் அபராதத் தொகையாக செலுத்திட வேண்டும் என தீர்ப்பு வந்துள்ளது. இந்த அபராதத் தொகைகளை கட்டாமல், தட்டிக்கழித்து விட லாம் எனும் எண்ணத்தில், நிறுவனம் வழங் கிய தகவல்கள் அனைத்தும் உண்மையே என மருத்துவர்கள் மூலம் சொல்ல வைத்தது.

அதுவும் முற்றிலும் தவறு என தெரியவந்தது.எங்கள் நிறுவனத்தின் நற்பெயருக்கு களங்கம் விளைவிக்க பார்க்கிறார்கள் எனும் விஷம பிரச்சாரமும் செய்யப்பட்டது. தங்க ளின் கார்ப்பரேட் நற்பெயரை காப்பாற்றிக் கொள்வதற்கு இந்த நிறுவனங்கள் என்ன வேண்டுமானாலும் செய்யும் என்பதை பல வரலாறுகள் நமக்கு சொல்லியிருக்கின்றன.இந்த மோசமான வழித்தடத்தை கொண் டுள்ள பன்னாட்டு நிறுவனங்களான கிளாக் சோவும் - அபோட்டும் தங்கள் நாடுகளில் ஏற்பட்டுள்ள பொருளாதார நெருக்கடிகளை சமாளிக்க, வளரும் நாடுகள் மீது கவனம் திருப்பி சந்தைகளை தங்கள் வசமாக்கி, ஒட்டு மொத்தமாக மக்களை ஏமாற்றி சுரண்டப் பார்க்கின்றன. மேற்சொல்லப்பட்ட நிறுவனங் கள் தங்கள் சொந்த நாடுகளிலேயே தவறான அனைத்தையும் செய்து அபராதம் கட்டி விதியை மீறியவைகள். நம்நாட்டில் என்ன செய்தார்கள்? ஆட்சியாளர்களோ கதவுகளை அகலமாக திறந்துவைத்து எதை வேண்டு மானாலும் செய்யுங்கள்- என ரத்தினக் கம் பளம் விரிக்கின்றனர்.அதனால் தான் இன்று தடுப்பூசிகள் வர்த் தகத்தில் சுமார் 70 சதவீதத்திற்கு மேலான சந்தையை தன்னுடைய ஆதிக்கத்திற்குள் வைத்திருக்கிறது கிளாக்சோ நிறுவனம். இவர் கள் வசதியாக நம்நாட்டு மக்களை சுரண்ட இந்தியாவிலுள்ள தடுப்பூசி நிறுவனங்கள் (பொதுத்துறை) இயங்காமல் - உற்பத்தி செய் வது தடுக்கப்பட்டு முடக்கி வைக்கப்பட்டது. விளைவுகளை இன்று நாம் சந்திக்கின்றோம். இதற்கு ஏற்றாற்போல், சில ஆண்டுகளுக்கு பிறகு (சுமார் 6 ஆண்டுகளுக்கு மேல்) இப் போது இந்தியாவின் மூன்று தடுப்பூசி நிறு வனங்களில் உற்பத்தி துவங்கியுள்ளது. இந்த நிறுவனங்களின் வெளியீட்டு திறன் (டீருகூஞருகூ ஊஹஞஹஊஐகூலு) அரசு மருத்துவமனை களின் தேவைக்கும் குறைவாகத்தான் இருக் கும். இதைத்தவிர வெளிச்சந்தை உள்ளது. ஆக, நாமே அறியாமல் நமது எதிர்கால தலை முறை பன்னாட்டு நிறுவனங்களின் கட்டுப் பாட்டில் பிறந்த நாள் முதல் இருக்கும். மற்றொரு புறத்தில் அபோட் நிறுவனம் இந்தி யாவில் உள்ள பெரும் இந்திய நிறுவனங்களை விழுங்கி இந்திய சந்தையில் அழுத்தமான கால் பதித்து, சந்தையில் 30 சதவீதம் இடத்தை பிடிக்க மேலும் நிறுவனங்களை வாங்கவும் முயற்சிக்கின்றது.

இப்படி செய்யும் போது பல ஆயிரக்கணக்கான தொழிலாளர்கள் (தொழிற்சாலை மற்றும் மருத்துவ பிரதிநிதிகள்) எந்தவிதமான உரிமைகளும் இன்றி நசுக்கப் படுகின்றனர்.இந்த பன்னாட்டு நிறுவனங்களின் படை யெடுப்பை - கொள்ளை முயற்சியை தடுப்பது தேச பக்த கடமையாகும். மருத்துவ அரங்கில் பல சாதனைகளை நம்நாட்டு அறிஞர்கள் புரிந்து வருவது ஒரு புறம். அதே நேரத்தில், சுகாதார மேம்பாட்டிற்காக அரசு செலவிடும் தொகையோ ஆண்டுக்கு ஆண்டு குறைந்து வருகின்றது. தனியார் மயத்தை நோக்கி இந்த துறையை அரசே தள்ளி விடுகின்றது. இன் னும் பெருவாரியான மக்களுக்கு சுகாதாரமான குடிதண்ணீர் கிடைப்பதில்லை. சமீபத்திய ஆய்வு அறிக்கை மூலம் நமக்கு கிடைக்கும் செய்தி நம்மை அதிர்ச்சியில் தள்ளுகின்றது.உலகப் புகழ்பெற்ற தி லான்செட் (கூழநு டுஹசூஊநுகூ) எனும் மருத்துவ இதழில், 2010ம் ஆண்டு மட்டும் 1.7 மில்லியன் மக்கள் உயிர் இழந்துள்ளனர்; அதில் சுமார் 4 லட்சம் பேர் நிமோனியா காய்ச்சலால் (ஞசூநுருஆடீசூஐஹ) மடிந் துள்ளனர்; அடுத்ததாக, சுமார் 2 லட்சத்தி பத் தாயிரம் பேர் வயிற்றுப் போக்கால் மறித்துள் ளனர் எனும் தகவல் வெளியிடப்பட்டுள்ளது..இப்படி வயிற்றுப்போக்கு நோய் வருவ தற்கு பல காரணங்கள் உண்டு. ஆனாலும் சுதந்திர இந்தியாவில் எந்த ஆட்சியிலும் அதைப்பற்றிய கவலையோ, அதை போக்கு வதற்கு உருப்படியான உறுதியான நடவடிக் கைகளோ எடுக்கப்பட்டதில்லை.சமீபத்திய யுனிசெப் நிறுவனத்தின் அறிக் கையை படிக்கும்போது மேலும் வேதனை யளிக்கிறது. அதாவது நம் நாட்டின் மொத்த மக் கள்தொகையில் கிட்டத்தட்ட 54 சதவீத மக் கள் (சுகாதாரமான) கழிவறை வசதியின்றி திறந்தவெளிகளில் மலம் கழிக்கின்றனர். நம்மைவிட பொருளாதாரத்தில் பின்தங்கிய, ஏன் ஏழ்மை நாடான வங்கதேசத்தில் கூட நம்மை விட முன்னேற்றம் கண்டுள்ளனர். ஆனால் நமது நாட்டின் நிலை மிகவும் மோச மானதாக உள்ளது.சுற்றுச்சூழல் துறையில் தண்ணீர் மற்றும் சுகாதாரத்திற்கான அமைச்சராக உள்ள ஜெய் ராம் ரமேஷ், 2017க்குள் மொத்த மக்கள் தொகைக்கும் கழிவறை வசதி கிடைத்து விடும் என ஆரூடம் போல சொல்லி வருகின் றார். திட்டங்கள் எதுவும் உருப்படியாக வடி வமைக்கப்படவில்லை.

கழிவறை கட்டுவதற்கு மானியங்கள் வழங் கப்படுவதாக பெரும் விளம்பரங்கள் அரசு தரப் பில் செய்யப்பட்டாலும், அதை வாங்குவதற் குள் மக்கள் பாடு திண்டாட்டம் தான்!சுகாதாரமான தண்ணீர் இல்லை. குடிப் பதற்கு தண்ணீர் கிடைக்க பல மைல் தூரம் நடக்கும் பெண்களின் அவலம் நீடிக்கும் நமது நாட்டில், முறையற்ற பன்னாட்டு நிறுவனங் களின் படையெடுப்பு ஒரு பக்கம்; திட்டமிட்டு தனியார் மயத்தை நோக்கி தள்ளும் மத்திய, மாநில அரசுகள் மறுபக்கம். மக்களை ஒட்டு மொத்தமாக சுரண்ட நினைக்கும் இவர்களுக் கெதிரான அரசியல் போராட்டத்தை மார்க் சிஸ்ட் கட்சியின் அரசியல் தீர்மானத்தில் வழி காட்டியிருப்பதைப் போல், வெகு மக்க ளிடத்தில் தொடர் விழிப்புணர்வு பிரச்சாரமாக கொண்டு சென்று, ஆட்சியாளர்களின் மக்கள் விரோத கொள்கைகளை முறியடிப்போம்!

மக்களின் நம்பிக்கைகளை கொச்சைப்படுத்தும் பூசைகள்

கர்நாடகம், மஹாராஷ்டிரா, குஜராத், ராஜஸ் தான், ஹரியானா, பஞ்சாப் ஆகிய 6 மாநிலங் களில் பருவமழை அளவு குறைந்ததால் வறட்சி நிலை உருவாகும் அபாயம் ஏற்பட்டிருப்பதாக ஒரு செய்தி கூறுகிறது. ஆகவே நிலைமையை சமாளிக்கவும், வறட்சியின் தாக்குதல்களி லிருந்து மக்களைக் காக்கவும் அரசுகள் திட்ட மிட்டு முனைப்புடன் செயல்பட வேண்டிய தேவை இருக்கிறது. அந்த வகையில் கர்நாடக மாநில அரசு ஒரு நடவடிக்கையை எடுத்துள் ளது. ஆனால், அது வரவேற்கத்தக்கதாகவோ பின்பற்றத்தக்கதாகவோ இல்லை!

மாநிலம் முழுவதும் உள்ள கிட்டத்தட்ட 34,000 இந்துக் கோவில்களில் சிறப்பு வழிபாடு கள் நடத்துவதுதான் அந்த நடவடிக்கை. “அபி ஷேகம்,” “ஜலாபிஷேகம்,” “வருண மந்திரம்” என்ற சடங்குகளை நடத்துமாறு மாநில அரசின் வருவாய்த் துறையிலிருந்து சுற்றறிக்கை அனுப் பப்பட்டிருக்கிறது. ஒவ்வொரு கோயிலுக்கும் ரூ.5,000 வீதம் மொத்தம் ரூ.17 கோடி நிதி ஒதுக் கீடும் செய்யப்பட்டுள்ளது. ஜூலை 27 முதல் ஆகஸ்ட் 2 வரையில் இந்தச் சடங்குகள் நடத்தப்படுமாம்.

மழை வேண்டி இப்படிப்பட்ட வழிபாடு களை சம்பந்தப்பட்ட கோவில் நிர்வாகிகள், அல் லது தனிப்பட்ட சில அமைப்புகளைச் சேர்ந் தோர் நடத்துவது உண்டுதான். ஆனால், அர சாங்கமே இதற்கு இவ்வாறு யாகம் நடத்தச் சொல்வதையும், மக்களின் பணத்தை அதற் காகச் செலவிடுவ தையும் கொஞ்சமும் நியாயப் படுத்துவதற்கில்லை. இரண்டு அடிப்படை யான அம்சங்களில் இது இந்தியாவின் அரச மைப்பு சாசனத்திற்கு எதிரானதுமாகும். ஒன்று - இந்தியாவின் அரசமைப்பு மதச்சார்பற்றதாக இருக்கும் என்பது மீறப்படுகிறது. இரண்டு - இந்திய சமுதாயம் அறிவியல் கண்ணோட்டத் துடன் வளர்க்கப்படும் என்ற அரசமைப்பு சாசன லட்சியம் அவமதிக்கப்படுகிறது.

பாரதிய ஜனதா கட்சியிடம் ஆட்சி சிக்கு மானால் ஒற்றை மதவாத - கலாச்சார ஆதிக்கத் தை ஏற்படுத்துகிற நோக்கத்துடன்தான் நட வடிக்கைகள் எடுக்கப்படும் என்பதற்கு இது ஒரு சரியான சான்று. இதே போன்ற மழை யாகங் களை குஜராத்தின் நரேந்திர மோடி அரசும் நடத்தியிருக்கிறது.

மழை நீர் சேகரிப்பு, அறிவியல் பூர்வமான நீர் நிர்வாகம், எதிர்பாரா நிலைமைகளுக்கான முன் தயாரிப்பு, வறட்சியை எதிர்கொள்ள போதிய உணவு தானியங்களும் இதர அத்தியாவசியப் பொருள்கள் கையிருப்பு போன்ற திட்டங்க ளைத்தான் ஒரு அரசு மேற்கொள்ள வேண்டும். அதை விடுத்து, இவ்வாறு பூசைகளை நாடுவது என்பது, கர்நாடக பாஜக தலைமையின் பதவிச் சண்டைகளைப் பார்க்கிற மக்களின் கவனத் தைத் திசை திருப்புகிற உத்தியுமாகும். மழைக் காக இன்று இவ்வாறு இப்படிப்பட்ட அபிஷேக சடங்குகளை நடத்துவோர், நாளை விலைவாசி யைக் கட்டுப்படுத்தவும், வேலை வாய்ப்பு களைப் பெருக்கவும், தொழில் வளர்ச்சிக்காக வும், விவசாயத்தில் அமோக விளைச்சலுக் காகவும், கல்விக்காகவும், சுகாதாரத்துக்காக வும் இன்ன பிற தேவைகளுக்காகவும் மத சாத் திரங்களின்படி சடங்குகளை நடத்திக் கொண் டிருப்பார்களோ என மக்களில் ஒரு பகுதியினர் கேட்பதில் முழு நியாயம் இருக்கிறது.

ஜனநாயக இயக்கங்களும், மக்களுக்கான அறிவியல் அமைப்புகளும் அரசாங்க எந்திரம் இவ்வாறு தவறாகக் கையாளப்படுவதை வன்மையாகக் கண்டிக்க வேண்டும்.

நடந்திருப்பது சாதாரண விஷயம் அல்ல!

2ஜி அலைக்கற்றை வரிசை ஒதுக்கீட்டில் அரசுக்கு 1.76 லட்சம் கோடி ரூபாய் அளவுக்கு இழப்பு ஏற்பட்டிருப்பதாக மத்திய தணிக்கை மற்றும் கணக்குக்குழு குற்றம் சாட்டியது. ஒரு நயா பைசா கூட இழப்பு ஏற்படவில்லை என்று மத்திய அமைச்சர் கபில் சிபல் உள்ளிட்டோர் வாதிட்டனர். ஆனால் முறைகேடாக ஒதுக்கப் பட்ட உரிமங்களை உச்சநீதிமன்றம் ரத்து செய்யு மாறு உத்தரவிட்டதோடு, இந்த உரிமங்களைப் பெற்ற நிறுவனங்களுக்கு அபராதம் விதிக்கு மாறும் உத்தரவிட்டது. இது தொடர்பான வழக்கு சிபிஐ சிறப்பு நீதிமன்றத்தில் நடைபெற்று வருகிறது.

2ஜி ஊழலைத் தொடர்ந்து, தேசத்தை உறைய வைக்கும் வகையில் வெளியான ஊழல், விண் வெளி அலைக்கற்றை ஒதுக்கீட்டில் நடந்த தாகக் கூறப்படும் ஊழலாகும். இதன் மூலம் அர சுக்கு ரூ.2 லட்சம் கோடி இழப்பு ஏற்பட்டதாக மதிப்பிடப்பட்டது.

இஸ்ரோவின் வர்த்தகப் பிரிவான ஆன்ட் ரிக்ஸ் நிறுவனத்திற்கும் தேவாஸ் மல்டி மீடியா நிறுவனத்திற்கும் இடையில் நடைபெற்ற உடன்பாடு பல்வேறு கேள்விகளை எழுப்புவ தாக இருந்தது. இஸ்ரோ அமைப்பு பிரதமரின் நேரடிக் கட்டுப்பாட்டில் இயங்கும் அமைப்பாகும். ஆனால் பிரதமர் அலுவலகம் தமக்கும் இதற்கும் தொடர்பே இல்லை என்பதுபோலக் காட்டிக் கொண்டது.

இதுதொடர்பாக விசாரணை எதற்கும் உத்தர விடப்படவில்லை. மாறாக துறைவாரியாக நடத் தப்பட்ட விசாரணையில், இஸ்ரோ முன்னாள் தலைவர் மாதவன் நாயர் உள்ளிட்ட சில விஞ் ஞானிகள் முறைகேட்டிற்கு பொறுப்பாக்கப்பட் டனர். இவர்களுக்கு அரசு சார்ந்த பதவி எதையும் ஒதுக்கக்கூடாது என்று முடிவு செய்யப்பட்டிருப் பதாக செய்திகள் வெளியாகின.

தம் மீதான குற்றச்சாட்டை மறுத்த மாதவன் நாயர், இஸ்ரோவின் தற்போதைய தலைவர் ராதாகிருஷ்ணன்தான் இத்தகைய அவதூறை செய்ததாகக் கூறினார். பதிலுக்கு ராதாகிருஷ் ணன், மாதவன் நாயரை குறை கூறினார். இது ஏதோ முன்னாள் தலைவருக்கும், இன்னாள் தலைவருக்கும் இடையிலான பிரச்சனைபோல சித்தரிக்கப்படுகிறது.

நாட்டிற்கு ரூ.2 லட்சம் கோடி அளவிற்கு இழப்பு ஏற்பட வகை செய்யப்பட்ட இந்த உடன்பாட்டை ரத்து செய்வதாக மத்திய அரசு அவசரஅவசரமாக அறிவித்தபோதும், இந்த உடன்பாட்டிற்குக் காரணம் யார்? பலன் பெற்றவர் யார்? என்பது இன்னமும் மர்மமாகவே உள்ளது.

தேவாஸ் மல்டி மீடியா நிறுவனத்தின் உரிமை யாளர் ஏற்கெனவே இஸ்ரோவில் பணியாற்றி யவர். இந்த ஊழலில் அதிகாரவர்க்கம், அரசியல் வாதிகளின் கூட்டுச்சதி உள்ளது. முழுமையான விசாரணை நடத்தப்படும்போதுதான் ஊழல் குறித்த முழுப் பின்னணி வெளிவரும். தவறிழைத் தவர்கள் தண்டிக்கப்படுவதோடு, எதிர்காலத் தில் இத்தகைய முறைகேடுகள் தடுக்கப்படவும் வாய்ப்பு உருவாகும்.

விஞ்ஞானிகளின் அறிக்கைப் போரோடு இந்த விவகாரத்தை அமுக்கிவிட மத்திய அரசு முயல்கிறது. 2ஜி முறைகேடு போல இந்த ஊழல் குறித்தும் விசாரணை நடத்தப்பட வேண் டும். ஊழல் சம்பந்தப்பட்ட தொகை மட்டும் பெரி தல்ல. மிகப்பெரிய மனிதர்களும் இந்த ஊழலில் சம்பந்தப்பட்டிருக்க வாய்ப்புண்டு. நாட்டு மக்களுக்கு உண்மை தெரிந்தாக வேண்டும்.

உங்களுக்கு தெரியாத கியூபாவின் உண்மைகள்

புரட்சிகர பூமியாம் சோசலிச கியூபாவிற்கு எதிராக அமெரிக்கா விதித்த பொருளாதாரத் தடைகள், வர்த்தகத் தடைகள் பற்றி நாம் அறிவோம். உலகெங்கிலும் உள்ள அமெரிக்க ஆதரவு முதலாளித்துவ ஊடகங்கள் கியூபாவிற்கு எதிராக நடைமுறைப்படுத்தி வரும் ஊடகத்தடை நாம் அதிகம் அறியாதது.

சமீப நாட்களாக கியூபாவுக்கு எதிராக உலக ஊடகங்களில் ஒரு திட்டமிட்ட அவதூறுச் செய்தி உலா வந்துகொண்டிருக்கிறது. அந்தச் செய்தி கியூபாவை ஒரு பிசாசைப்போல வர்ணிக்கிறது. கியூபாவில் மனிதஉரிமை காலில்போட்டு நசுக்கப்படுவதாகக் கதைக்கிறது. கியூபாவில் சிறைக் கைதி ஒருவர் இறந்துபோனது குறித்தே இத்தகைய செய்திகள் பரப்பப்பட்டுள்ளன.

கடந்த நான்காண்டுகாலமாக சிறையில் அடைக்கப்பட்டிருந்த கைதி ஒருவர் இறந்துபோனது உண்மைதான். தனது மனைவியை பொது இடத்தில் மிகக்கொடூரமான முறையில் தாக்கிக் காயப்படுத்திய குற்றத்திற்காகவும், அவரை தடுத்து நிறுத்த முயன்ற காவல்துறையினர் மீது வன்முறைத் தாக்குதலை நடத்திய குற்றத்திற்காகவும் கைது செய்யப்பட்டு, சட்ட நடைமுறைகளின் அடிப்படையில் அவருக்கு சிறை தண்டனை விதிக்கப்பட்டது. சிறையில், அவருக்கு ஏற்கெனவே இருந்த உடல்நலக் குறைபாடுகளின் தொடர்ச்சியாக மூச்சுக்குழலில் தொற்று ஏற்பட்டு அனைத்து உறுப்புகளும் செயலிழந்தன. உலகிற்கே மருத்துவச் சேவை அளிக்கும் கியூபா, தனது நாட்டிலுள்ள இயல்பான குடிமக்களைப் போலவே சிறைவாசிகளையும் நடத்தி வருகிறது. அந்த வகையில் அதிகபட்ச மருத்துவ சிகிச்சையை அவருக்கு அளித்தது. எனினும் சிகிச்சை பலனின்றி கியூபாவின் மிகப்பெரிய மருத்துவமனையான சாண்டியாகோ டி கியூபா மருத்துவமனையில் காலமானார்.

இந்தச் செய்தியைத்தான், உண்மைகளை மறைத்துவிட்டு உலகெங்கிலும் எடுத்துச் செல்கின்றன முதலாளித்துவ ஊடகங்கள். ஒருபுறம் அமெரிக்கா, மறுபுறம் ஸ்பெயின், மற்றொருபுறம் சிலி என எதேச்சதிகார - ஏகாதிபத்திய ஆதரவு ஆட்சியாளர்கள் இந்த செய்தியை கையில் வைத்துக் கொண்டு கியூபாவுக்கு எதிராக விஷத்தைக் கக்கி வருகிறார்கள்.

கியூபாவில் சிறையில் இதுவரை கைதிகள் எவரும் இறந்ததில்லை. மிகக்கொடூரமான முறையில் எவரும் கொல்லப்படவில்லை. மரண தண்ட னைக் குற்றங்களே அங்கு நடக்கவில் லை. அப்படிப்பட்ட அற்புதத்தேசத்தின் மீது சேற்றை வாரி இறைக்கும் ஸ்பெ யின் ஆட்சியாளர்களுக்கும் சிலி ஆட் சியாளர்களுக்கும் ஏராளமான கேள்விக் கணைகள் காத்திருக்கின்றன.

ஸ்பெயின் மட்டுமின்றி, கியூபாவை திட்டித் தீர்க்கும் ஐரோப்பிய கூட்டாளி களின் ‘மிகவும் நாகரிகமான’ அரசுகள், தங்களது நாடுகளில் தற்போது நடந்து கொண்டிருக்கும் மகத்தான தொழிலாளர் இயக்கங்களின் மீது, முன்னெப் போதையும் விட கொடூரமான தாக்குதலை கட்டவிழ்த்துவிட்டிருக்கின் றனவே, ஏன்?

ஸ்பெயின் நாட்டுச் சிறைகள் நிரம்பி வழிகின்றன. அத்தனை பேரும் அந் நாட்டிற்கு வேலை தேடி ஆப்பிரிக்க நாடுகளிலிருந்து வந்த அப்பாவிகள். கடந்தாண்டு ஜூலை மாதம் டெரூயல் எனும் நகரில் அமைந்துள்ள சிறைக் கொட்டடியில், ஒரு சாதாரண சிறைவாசி பல மாத காலம் பட்டினிப்போராட்டம் நடத்தி இறந்துபோனார். எப்படி? அவர் மொராக்கோ நாட்டிலிருந்து பிழைப்பு தேடி இங்கு வந்தவர். எந்தக்குற்றமும் செய்யாததற்காக கைது செய்யப்பட்டார். தான் ஒரு அப்பாவி என்பதை நிரூபிப் பதற்காகவே பட்டினி கிடந்து உயிர் நீத்தார். அவரது கதறலை ஸ்பானிய அதிகாரிகள் ஏறெடுத்துக்கூட பார்க்க வில்லை.

சிலி நாட்டில் சர்வாதிகாரி பினோ செட்டின் கையாட்கள்தான் ஆட்சியி லிருக்கிறார்கள். சமீபத்தில் பள்ளிப் பாடப் புத்தகங்களில் கொடூங்கோலன் பினோசெட் பற்றி புகழ்பாடும் பாடம் இடம் பெற்றதை எதிர்த்து போராட்டத்தில் இறங்கியமாணவர்கள் மீது கொடிய அடக்குமுறை ஏவப்பட்டது. பலர் மீது பயங்கரவாத தடுப்புச்சட்டம் பாய்ந்ததே?

அமெரிக்க ஆட்சியாளர்களோ மிகவும் ‘நல்லவர்கள்’.

கியூபாவின் மனித உரிமையைப் பற்றி கவலைப்பட்டுக் கொண்டே இருக்கிறார்கள்.உலகிலேயே மிகமிக மோசமான முறையில் மனித உரிமை களைப் பராமரிக்கிற ஒருநாடு இருக்கிறதென்றால், அது அமெரிக்காவே என்று ஐக்கிய நாடுகள் சபையின் மனித உரிமைக் கவுன்சிலே பளிச்சென்று சொல்லியிருக்கிறது. இந்த நாட்டின் பெண்கள் மிடுக்கான உடைகள் உடுத்தலாம்; ஆனால் ஆணுக்கு நிகரான உரிமைகள் இல்லாதவர்கள். இன ரீதியான, மத ரீதியான ஒடுக்குமுறைகளுக்கு அமெரிக்க மாகாணங்களில் ஏராளம் ஏராளம் உதாரணங்கள் மறைந்திருக்கின்றன. சிறைகள் சித்ரவதைக்கூடங்கள். இந்த நாட்டின் நீதித்துறை அடிக்கடி ‘தவறான’ தீர்ப்புகளையே வழங்கும். நீதித்துறையின் ‘தவறுகளில்’ சிக்கியவர்களுக்கு மரண தண்டனை உறுதி. உலகிலேயே சின்னஞ்சிறுவர்களையும் மன ரீதியாக பாதிக்கப்பட்டவர்களையும் கூட தூக்கிலேற்றிய பெருமைக்குரியது அமெரிக்க அரசு.

2010ம் ஆண்டு ஜனவரி மாதம் முதல் தற்போது வரை 90 சிறை வாசிகளை தூக்கில்போட்டு கொன்றிருக்கிறது அமெரிக்க நிர்வாகம். இன்னும் 3 ஆயிரத்து 220 பேருக்கு மரணக்கயிறு காத்திருக்கிறது.

கடந்தாண்டு நவம்பர் மாதத்தில் கலிபோர்னியாவில் உள்ள மிகப் பெரும் சிறை ஒன்றில் அனைத்துக் கைதிகளும் ஒட்டுமொத்த மாகப் பட்டினிப்போராட்டம் நடத்தினார்கள். அவர்கள் மீது கண்மூடித்தனமாக தாக்குதல் ஏவப்பட்டது. மூன்றுபேர் அடி வாங்கியே செத்துப்போனார்கள்.

உள்நாடு மட்டுமின்றி ஆப்கானிஸ்தான், இராக், பாகிஸ்தான், லிபியா உள்பட பல்வேறு நாடுகளில் அமெரிக்கா கொன்று குவித்த உயிர்கள் ஏராளம் ஏராளம்.

ஆனால், பேரிடர்களின் போது மட்டுமின்றி, இயல்பான காலங் களிலும் கூட பல்வேறு நாடுகளில் ஆயிரக்கணக்கான மருத்துவர் களை சேவைக்காக அனுப்பி, லட்சக்கணக்கான உயிர்களை பாது காத்துக் கொண்டிருக்கிற மகத்தான வரலாறு படைத்தது சோசலிச கியூபா.

முதலாளித்துவ ஊடகங்கள் உரைக்க மறுக்கிற உண்மை இது.

-எஸ்.பி.ராஜேந்திரன்

2ஜி ஸ்பெக்ட்ரம் ஊழல் வழக்கு எஸ்ஸார் - லூப் டெலிகாம் உரிமையாளர்கள் டிமிக்கி

2ஜி ஸ்பெக்ட்ரம் ஊழல் வழக்கில் தொடர்புடைய எஸ்ஸார் மற்றும் லூப் டெலிகாம் நிறுவனங்களின் உரிமையாளர்கள் வெள்ளியன்று சிபிஐ நீதிமன்றத்தில் ஆஜராகவில்லை.

எஸ்ஸார் தொழில் குழுமத் தின் உரிமையாளர்களான அனுஷ்மன் ரூபா, ரவி ரூயா ஆகியோர் மீதும், லூப் டெலி காம் நிறுவன அதிபர்களான கிரண் கேதான், அவரது கணவர் ஐ.பி.கேதான் ஆகி யோர் மீது 2ஜி ஸ்பெக்ட்ரம் விவகாரத்தில் சிபிஐ வழக்குத் தொடர்ந்துள்ளது. இவர்கள் மீது சமீபத்தில் தில்லி நீதிமன் றத்தில் குற்றப் பத்திரிக்கையும் தாக்கல் செய்தது.

இதையடுத்து, கைது செய்யப்படலாம் என்ற அச்சத்தில் இவர்கள் துபாய்க்குச் சென்று விட்டனர். இவர்களை விசாரணைக்கு வருமாறு கூறி நீதி மன்றம் அனுப்பிய சம்மன்களை, அவர்களது வீடுகள், அலுவலகங்களில் யாரும் வாங்கவில்லை. இதையடுத்து இந்த சம்மன்கள் அங்கு ஒட் டப்பட்டுள்ளன.

2008ம் ஆண்டில் வோட போன் நிறுவனத்தில் 33 சதவீத பங்குகளை வைத்திருந்த எஸ்ஸார் நிறுவனம், லூப் டெலி காமிலும் பெரும் பங்குகளை வைத்திருந்தது. ஒரு தொலைத் தொடர்பு மண்டலத்தில் 2ஜி லைசென்ஸ் பெறும் தொலைத் தொடர்பு நிறுவனம், இன் னொரு தொலைத் தொடர்பு நிறுவனத்தில் 10 சதவீதத்துக்கு மேல் பங்குகளை வைத்திருக் கக் கூடாது என்பது விதி.

ஆனால், இந்த விதியை மீறி லூப் டெலிகாமின் பெய ரைப் பயன்படுத்தி எஸ்ஸார் நிறுவனம் தனக்கு ஒதுக்கப்பட் டதை விட அதிகமான அளவு ஸ்பெக்ட்ரத்தை வாங்கியது. இதன்மூலம் எஸ்ஸார் நிறு வனம் மிகப்பெரும் லாபம் அடைந்தது. அப்போது வோடபோன் நிறுவனத்தில் பெரும் பங்கை எஸ்ஸார் நிறு வனம் வைத்திருந்தது.

இதையடுத்து எஸ்ஸார் மற்றும் லூப் டெலிகாம் நிறு வனங்களை 2ஜி வழக்கில் சிபிஐ சேர்த்தது. ஆனால், சிபிஐ விசாரணைக்கு வராமல் இழுத்தடித்த இந்த இரு நிறு வனங்களின் அதிபர்களும் ஜனவரி 27ம் தேதி வெள்ளி யன்று நேரில் ஆஜராக வேண் டும் என சிபிஐ சிறப்பு நீதிமன்ற நீதிபதி உத்தரவிட்டிருந்தார்.

ஆனால் உத்தரவின்படி, ரவி ரூயா, அனுஷ்மான் ரூயா, ஐ.பி கேதான், கிரண் கேதான் ஆகியோர் நீதிமன்றத்தில் ஆஜராகவில்லை. இவர்கள் தரப்பில் ஆஜரான வழக்கறி ஞர்கள் வாதாடுகையில், எங் கள் கட்சிக்காரர்களுக்கு துபா யில் தான் சொந்த வீடுகள் உள் ளன. ஆனால் தில்லியில் உள்ள முகவரிக்கு சம்மன் அனுப்பி வைக்கப்பட்டுள்ளது. எனவே அவர்களால் இந்த சம்மனை பெற முடியவில்லை என்று காரணம் கூறினர்.

மேலும் இந்த விசாரணையில் சிறப்பு நீதிபதி ஓ.பி. சைனிக்கு அதிகாரம் இருக்கிறதா என்ற கேள்வி எழுப்பும் வழக்கும் தில்லி உயர் நீதிமன்றத்தில் நிலுவையில் இருக்கிறது என் றும் கூறினார்.

பிரசாந்த் பூஷண்

எஸ்ஸார், லூப் நிறுவனங் கள் மீது சி.பி.ஐ. வழக்கு தொடர காலம் தாமதம் செய் வது ஏன் என்று கேள்வி எழுப்பி பிரபல வழக்கறிஞர் பிரசாந்த் பூஷண் உச்ச நீதி மன்றத்தில் வழக்குத் தொடர்ந் திருப்பது குறிப்பிடத்தக்கது.

இந்த வழக்கில் அவர் வாதாடுகையில், எஸ்ஸார், லூப் நிறுவனங்களுக்கு எதி ராக, பலமான ஆதாரங்கள் இருப்பதாகவும் ஆனாலும், இந்த நிறுவனங்களுக்கு எதி ராக, ஊழல் தடுப்பு பிரிவின் கீழ் குற்றச்சாட்டு பதிவு செய் யப்படவில்லை என்றும், இந்த விவகாரத்தை உச்சநீதிமன்றம் கண்காணித்து வரும் நிலை யிலும் கூட, இவர்கள் மீது சிபிஐ மென்மையான போக் கை கடைப்பிடிக்கிறது என் றும், இந்த விவகாரத்தில், மத் திய சட்ட அமைச்சர் சல்மான் குர்ஷித்தின் தலையீடு உள்ள தாகக் கூறப்படுகிறது என்றும் பிரசாந்த் பூஷண் கூறியிருந் தார். இதையடுத்தே இந்த நிறுவனங்கள் மீதான சிபிஐ யின் விசாரணை வேகம் எடுத் ததும் குறிப்பிடத்தக்கது.

உலகம் அணுமின் சக்தியை நாடுவது விருப்பத்தால் அல்ல

ஜப்பானின் தலைநகரான டோக்கியோவிற்கு வடகிழக்கில் ரிக்டர் அளவுகோலில் 9.1 அளவிற்கு நிலநடுக்கம் சென்ற மார்ச் 11 அன்று கடலுக்கடியில் ஏற்பட்டது. இந்த மிகக்கடுமையான நிலநடுக்கத்தால் புகுஷிமா டெய்ச்சி அணுமின் நிலையம் பாதிப்புக்குள்ளானது. அந்நிலையத்தில் செயல்பட்டுக் கொண்டிருந்த 3 உலைகளும் தானாகவே செயல்பாட்டை நிறுத்திக் கொண்டன. அம் மின்நிலையத்தில் இருந்த 6 உலைகளில் 3 பராமரிப்புப் பணிக்காக ஏற் கனவே நிறுத்தி வைக்கப்பட்டிருந்தன. ஆனால் நிலநடுக்கத்தைத் தொடர்ந்து ஏற்பட்ட ராட்சஷ சுனாமியால் செயல்பாட்டில் இருந்த 3 அணுஉலைகளின் குளிர்விப் பான்கள் செயலிழந்தன. குளிர்விப்பான் களுக்கு சென்ற மின்சாரத்திற்கு தடை ஏற் பட்ட தாலும்,பேக்கப் பேட்டரிகள் செயல் படாததாலும்,அவசர டீசல் மின்னாக்கிகள் நீரில் மூழ்கியதாலும்,இதர சில காரணங் களாலும் குளிர்விப்பான்கள் செயலிழந்தன.

அணுஉலையை குளிர்விக்கும் அமைப்பு பாதுகாப்பானதாக இருந்திருந்தால், அவசர கால மின்னாக்கிகளும் போதிய அளவு உயர மான இடத்தில் இருந்திருந்தால் இந்த விபத்து ஏற்பட்டிருக்காது.முற்றிலும் தவிர்க் கப்பட்டிருக்கும். உதாரணத்திற்கு புகுஷிமா அருகில் உள்ள ஒனகாவில் உள்ள டொகொகூ மின் நிறுவனத்திற்கு சொந்தமான நவீன தொழில்நுட்பத்துடன் கூடிய அணு மின் நிலையத்தின் குளிர்விப்பான் அமைப்பு கள் கடல்மட்டத்தில் இருந்து உயரமான இடத்தில் இருந்ததால் எந்த பாதிப்புக்கும் உள்ளாகவில்லை.சுனாமியால் வீடுகளை இழந்த ஒனகாவா மக்கள் மூன்று மாதம் வரை அம்மின் நிலைய உடற்பயிற்சிக் கூடத்தில் தங்கவைக்கப்பட்டனர் என்பது சிறப்புச் செய்தியாகும்.

சர்வதேச அணுசக்தி முகமையால், விபத்து நடப்பதற்கு சிறிது காலத்திற்கு முன்பு சுட்டிக்காட்டப்பட்டிருந்த குறைபாடுகளை, அந்நிலையத்தின் உரிமையாளரான டோக்கியோ எலக்ட்டிரிக் பவர் கார்ப்பரேசன் சரி செய்திருந்தால் இவ்விபத்து ஏற்பட்டிருக் காது.அலட்சியமாக இருந்த டெப்கோ நிறுவனமும்,முறையான கண்காணிப்பை செய்யாத அரசுமே இவ்விபத்திற்கு காரணம்.

புகுஷிமா விபத்திற்குப் பிறகு உலகம் முழுவதும் அணுஉலைகள் மூடப்படுவதாக கருத்துக்கள் பரப்பப்படுகின்றன. இது உண்மைக்கு மாறானது.

ஜெர்மனி 2022 க்குள் தனது அணு உலைகள் அனைத்தையும் படிப்படியாக மூடப்போவதாக அறிவித்துள்ளது. தற்போது இயங்கிவரும் அணு உலைகளின் செயல் பாட்டுக் காலம் முடிந்த உடன் அவற்றிற்குப் பதிலாக புதிய அணுமின் நிலையங்கள் தொடங்கப்படாது என சுவிட்சர்லாந்து அறிவித்துள்ளது.

செர்னோபில் விபத்துக்குப்பிறகு கருத்துக் கணிப்பு நடத்தி, அணு உலைகளை இத்தாலி மூடியது.புதிதாக அணுஉலை தொடங்கிட மீண்டும் கருத்துக்கணிப்பை அண்மையில் நடத்தியது.அதில் பெருவாரியான மக்கள் அணு உலைகள் மீண்டும் வேண்டாம் என வாக்களித்தனர். இருப்பினும், இத்தாலி தனது தொழில்நுட்பம் மற்றும் நிதி உதவியுடன் அல்பேனியாவில் அணுமின்நிலையத்தை அமைத்து அங்கிருந்து மின்சாரத்தை பெற உடன்பாடு கண்டுள்ளது. அணுமின்சாரம் வேண்டும், ஆனால் அணு உலையை தங்கள் நாட்டில் அமைக்கக்கூடாது என்பது தான் இத்தாலியின் நிலை.

ஜப்பான் அணுக் கொள்கையை மாற்றப் போவதாக அறிவித்தது.இருப்பினும் அணு மின் உற்பத்தியை அது முற்றிலும் நிறுத்து வதாக அறிவிக்கவில்லை. புகுஷிமா விபத் தையொட்டி நிறுத்தி வைக்கப்பட்டிருந்த சில உலைகள் மீண்டும் செயல்படத் தொடங்கி யுள்ளன. புதிதாக 16 அணுஉலைகள் கட்டப் படும் என ஜப்பான் சென்ற மாதம் அறிவித்துள் ளது. அணு உலைகளுக்கு எதிரான மக்களின் எதிர்ப்பை குறைப்பதற்காகவும், பாதுகாப்பை கருத்தில் கொண்டும் அணு உலைகள், அவற்றின் ஆயுட்காலமான 40 ஆண்டுகளுக்கு மேல் செயல்படாமல் தடுப் பதற்காக ஜப்பான் புதிய சட்டத் திருத்தம் கொண்டுவர உள்ளது.உள்ளூர் மக்களின் ஒப்புதலுடன் தான் புதிய அணு உலைகள் தொடங்கப்படும் என்றும் ஜப்பான் கூறியுள் ளது. இது எதிர்காலத்தில் பல புதிய அணு உலைகளை தொடங்க உதவும் என ஜப்பான் கருதுகிறது.

அணுஉலைகளின் பாதுகாப்பைப் பற்றிய அச்சம் பரவலாக இருந்த போதிலும், இதர உலக நாடுகள் அணுசக்தியை ஆக்கப்பூர்வ மாக பயன்படுத்தும் கொள்கை நிலையி லிருந்து மாறவில்லை.45 க்கும் மேற்பட்ட உலக நாடுகள் அணுமின் சக்தி தங்களுக்கு அவசியம் என கருதுகின்றன.உலகம் முழு வதும் தற்பொழுது 60 க்கும் மேற்பட்ட அணு உலைகள் கட்டப்பட்டு வருகின்றன.

அமெரிக்க அதிபர் பாரக் ஒபாமா அமெரிக்காவின் அணுக்கொள்கையில் எந்த மாற்றமும் இருக்காது என புகுஷிமா விபத்துக் குப் பிறகு திட்டவட்டமாக அறிவித்தார்.

புஷ்ஷரில் கட்டப்பட்ட தனது முதல் அணுமின் நிலையத்தில் ஈரான் மின் உற்பத்தியை துவக்கியுள்ளது. குஷ்ஷிஸ்தான் பிரதேசத்தில் டார்கோவின் என்ற இடத்தில் 360 மெகாவாட் திறன் கொண்ட அணு உலையை ஈரான் கட்டிவருகிறது.அடுத்த 20 ஆண்டுகளில் 20 ஆயிரம் மெகாவாட் அளவிற்கு மின்சாரத்தை அணுசக்தி மூலம் உற்பத்தி செய்ய ஈரான் திட்டமிட்டுள்ளது. இதற்காக 19 அணுஉலைகளை கட்டிட திட்டமிட்டுள்ளது.

சீனா 2011 மார்ச் அன்று பாதுகாப்பு நட வடிக்கையாக அனைத்து புதிய அணு உலை களுக்கான அனுமதியை தற்காலிகமாக நிறுத்திவைத்தது.பின்னர் மார்ச் 26 அன்று தனது புதிய அணுமின்திட்டப் பணிகள் அனைத்தும் தொடரும் என திட்டவட்டமாக அறிவித்தது.

சீன சுற்றுச்சூழல் அமைச்சகத்தின் கீழ் உள்ள நியூக்ளியர் பாதுகாப்பு மையத்தின் இயக்குநர் தியான் சுஜியா “அணுமின் திட்டங்கள் கைவிடப்படாது. சீனா 2020க்குள் 66 அணு உலைகளை புதிதாக கட்ட உள்ளது. இதன் மூலம் 66 ஆயிரம் மெகாவாட் மின்சாரம் உற்பத்தி செய்யத் திட்டமிடப்பட்டுள்ளது’’ எனக் கூறியுள்ளார்.

மேலும்,சீனா நான்காவது தலைமுறை அணுஉலைகளை கட்ட திட்டமிட்டு வருகிறது.இது முழுக்க முழுக்க சீன தொழில் நுட்பமாகும். இதில் ஹீலியம் வாயு குளிர்விப்பானாக பயன்படும். இந்த அணுஉலையின் குண்டங்கள் மிக அதிகமான வெப்பத்தையும் தாங்கும் திறன் கொண்டதாகும். விபத்து ஏற்பட்டாலும் குளிர்விப்பான்கள் அவசியம் இல்லை எனக் கூறப்படுகிறது.1600 டிகிரி செல்சியஸ் வெப்பநிலையில் நூற்றுக்கணக்கான மணிநேரத்திற்கு அணுஉலையின் குண்டம் இருந்தாலும்,அதன் உள்ளே உள்ள முலாம் பூசப்பட்ட யுரேனிய எரிபொருள் உருளைகளுக்கு எந்த பாதிப்பும் வராது எனக்கூறப்படுகிறது. இத்தகைய நான்காவது தலைமுறை அணுஉலையின் மாதிரியை 2003 ஆம் ஆண்டு சீனா உருவாக்கியது. பரிச்சார்த்த முறையில் செயல்பட்டுவரும் அந்த உலை 100 மெகாவாட் மின்சாரத்தை உற்பத்தி செய்துவருகிறது.

ரஷ்யா இப்பொழுது 23200 மெகாவாட் மின்சாரத்தை அணுசக்திமூலம் உற்பத்தி செய்கிறது. அதை 2020 க்குள் 43300 மெகா வாட் அளவிற்கு உயர்த்த திட்டமிட்டுள்ளது. தற்பொழுது நாட்டின் மொத்த மின் உற்பத்தி யில் 16.6 விழுக்காட்டை அணுமின்சக்தி மூலம் பெறுகிறது.அதை 2016க்குள் 18.6 விழுக்காடாக உயர்த்த திட்டமிட்டுள்ளது. 2011டிசம்பர் 13 ஆம் தேதி முதல் ககாலி னின்-4 என்ற புதிய அணு உலை செயல் படத் தொடங்கியுள்ளது. அது 950 மெகாவாட் திறன் கொண்ட வி-320 என்ற மாடலில் அமைந்த விவிஇஆர்1000 வகை அணு உலையாகும் .ரஷ்யாவில் செயல்படும் 33 வது அணு உலை என்ற பெருமையை பெற்றுள்ளது.அதை நாட்டுக்கு அர்ப்பணித்து பேசிய பிரதமர் புடின், ரஷ்யாவில் மேலும் 10 அணு உலைகள் கட்டப்படுவதாக அறிவித் தார்.ரஷ்யாவில் மட்டுமின்றி பல்வேறு நாடு களிலும் அணுஉலைகளை ரஷ்ய நிறுவனம் கட்டி வருவதாகவும் தெரிவித்தார்.2011 வரை 21 அணு உலைகளைக் கட்ட ரஷ்யா ஒப்பந் தம் போட்டுள்ளதாக புடின் கூறினார். அணுசக்தி மறுமலர்ச்சி பெற்றுள்ளதாகவும் பகர்ந்தார்.

தைவான் அரசும் அணுமின் திட்டங்கள் கைவிடப்படாது என 15.3.11 அன்று அறிவித் தது. புதிதாக கட்டப்பட்டு வரும் நான்காவது அணு உலையின் கட்டுமானப்பணிகள் தொட ரும் என தைவான் உறுதிபட கூறியுள்ளது.

தென்கொரியா தனது மின் உற்பத்தியில் 35 விழுக்காட்டை அணுமின் நிலையங்கள் மூலமே உற்பத்தி செய்கிறது.2024க்குள் மேலும் 35 அணு மின்நிலையங்களை உரு வாக்கத் திட்டமிட்டுள்ளது.தற்பொழுது புதி தாக ஒரு உலை செயல்பட தொடங்கியுள் ளது.இதன் மூலம் 2024 ல் தென்கொரியாவின் மொத்த மின் உற்பத்தியில் 50 விழுக்காடு அளவிற்கு அணுமின்சாரம் இருக்கும்.

ஐக்கிய அரபு எமிரேட் “டிசம்பர் 2009 ல் தென்கொரியாவுடன் போடப்பட்ட ஒப்பந்தத் தின் அடிப்படையில் கட்டப்பட்டுவரும் 1000 மெகாவாட் திறன் கொண்ட 4 அணு உலைகளின் கட்டுமானப்பணிகள் தொடரும்’’என அறிவித்துள்ளது.

வியட்நாம், தனது நாட்டில் 2020 க்குள் ஜப்பான் மற்றும் ரஷ்யா உதவியோடு 8 அணு மின்நிலையங்கள் உருவாக்கப்படும் என அறிவித்துள்ளது.

இந்தோனேசியா புதிய நவீன தொழில் நுட்பத்துடன் கூடிய அணுமின் நிலையங் களை தொடங்கப்போவதாக அறிவித்துள்ளது.

மலேஷியா புகுஷிமா விபத்துப்பற்றிய முழு விபரங்களும் வந்த உடன் அணுமின் திட்டம் தொடங்குவது பற்றி முடிவு செய்யப் படுமென அறிவித்துள்ளது.

ஜோர்டான், 2035 க்குள் தனது மின் தேவையில் 60 விழுக்காட்டை அணுமின் நிலையம் மூலம் பெறும் வகையில் அணுமின் திட்டங்கள் செயல்படுத்துப்படும் என அறிவித்துள்ளது.

தென்ஆப்பிரிக்காவின் மின்துறை அமைச்சர் டீப்புவா பீட்டர்ஸ் 26.5.11 அன்று அணுமின் திட்டங்கள் தொடரும் என அறிவித்தார். 6 புதிய அணுமின் நிலையங் களை 2030க்குள் உருவாக்கிட தென்ஆப் பிரிக்கா அரசு 2011 மார்ச் இறுதியில் அனுமதி வழங்கியது.

கென்யா 3 ஆயிரத்து 500 மெகாவாட் மின் உற்பத்தி திறன் கொண்ட நிலையங்களை கெய்ரோவிலிருந்து 50 கி.மீ தொலைவில் அமைக்க திட்டமிட்டுள்ளது.சர்வதேச அணு சக்தி முகமை 31.3.11 அன்று அனுமதி வழங்கி யுள்ளது.

ரஷ்ய உதவியுடன் அணுமின் திட்டம் தொடங்கிட நைஜீரியா-ரஷ்யா இடையே 2011 ஜூலை 26-28 தேதிகளில் முதல்கட்ட பேச்சுவார்த்தை நடைபெற்றது.விரைவில் உடன்பாடு நிறைவு பெற உள்ளது.

புகுஷிமா விபத்தோ உள்நாட்டு அரசியல் மாற்றங்களோ அணுமின் திட்டப்பணிகளை பாதிக்காது என எகிப்து அறிவித்துள்ளது.

புகுஷிமா விபத்திற்குப்பிறகு அணுமின் திட்டங்கள் தொடரும் என தென்அமெரிக்க நாடான சிலி அறிவித்துள்ளது.அமெரிக்கா, அர்ஜெண்டினா, பிரான்ஸ் உடன் அணுமின் திட்டங்களுக்காக உடன்பாடு கண்டுள்ளது.

இந்நிலையில் தான் 2020 ல் 20ஆயிரம் மெகாவாட்டும்,2050 ல் 2 லட்சம் மெகாவாட் டும் மின் உற்பத்தியை அணுமின் நிலையங் கள் மூலம் உற்பத்தி செய்ய திட்டமிட்டுள்ள தாக நமது இந்திய அரசும் அறிவித்துள்ளது.

அடர்த்தியான,தொடர்ச்சியான மின் சாரத்தை உற்பத்தி செய்ய உதவிடவல்ல புதுப் பிக்கத்தக்க மாற்று எரிசக்தி கிடைக்கின்ற வரையில், அணுசக்தியை மின்சாரத்திற்காக பயன்படுத்த வேண்டிய கட்டாய நிலையில் பல நாடுகள் உள்ளன.எனவே தான் உலகின் பல நாடுகள் புகுஷிமா விபத்துக்குப் பிறகும் கூட அணுமின் நிலையங்கள் அமைத்திட திட்டமிட்டு வருகின்றன.

உலகம் அணுமின் சக்தியை நாடுவது விருப்பத்தால் அல்ல காலத்தின் கட்டாயத்தால் தான். உரிய மாற்றை காணும் வரை நாமும் அணுசக்தியை கைவிட்டு விடமுடியாது. செர்னோபில், புகுஷிமா போன்ற விபத்துகளிலிருந்து படிப்பினை களை கற்று பாதுகாப்பாக அணுசக்தியை பயன்படுத்த வேண்டும் என்பதே இன்றைய தேவை.

டாக்டர் ஜி. ஆர். இரவீந்திரநாத்

எகிப்து மக்கள் சிந்திய ரத்தம் வீணாகிவிட்டதா?

கடந்த டிசம்பர் 20ம் நாளன்று எகிப்தியத் தலைநகரான கெய்ரோ நகரிலுள்ள சகல தெருக்களிலும் மக்கள், அதிலும் பெருவாரியான பெண்கள் அணிதிரண் டனர். அவர்கள் எகிப்திய ராணுவத்தினர் பெண்களை அடித்து இம்சித்த கொடு மைக்கு எதிராக ஆவேச முழக்கங்களை முழங்கினர். டிசம்பர் 16ம் நாளன்று ராணு வத்தினரின் தாக்குதல் காரணமாக 14பேர் உயிரிழந்தனர். 600க்கும் மேற்பட்டோர் காயமுற்றனர். ராணுவமானது சில பெண் களின் தலைமுடியை இழுத்தும், அவர் களது உள்ளாடைகளைக் களைந்தும் கோர நடனமாடினர். பல பெண்களை ராணுவ வீரர்கள் பாலியல் கொடுமைகட்கு உட்படுத்தினர்.

ஆர்ப்பாட்டத்தினர், ராணுவத்தின் கட் டுப்பாடுகள் இல்லாத வகையில் ஒரு மக்கள் குடியரசு உருவாக்கப்பட வேண் டும் என்று கோரினர்.

ராணுவத்தின் கொடூர முகம்

தஹ்ரீர் மைதானத்தில் கூடி நின்ற பெண்களில் பலர் ராணுவத்தினரால் இழுத்துச் செல்லப்பட்டனர். அவ்வாறு இழுத்துச் செல்லப்பட்ட பலரை நைல் நதியில் மூழ்கடித்தனர். எம்மட்பெட் என்ற புகழ்மிக்க அறிவுஜீவியை ராணுவம் சுட்டுக்கொன்றது.

அரசாங்க ஊடகங்கள் மேற்படி செய்தி களைத் தொடர்ந்து இருட்டடிப்புச் செய்து வருகின்றன.

ஆனால் “அல் ஜசீரா” வின் நிருபர் மட்டும் ஒரு சில உண்மைகளை வெளியுலகிற்கு தெரியப்படுத்தி வருகிறார். ராணுவ வீரர் கள் மொட்டை மாடிகளில் நின்று கொண்டு தெருக்களில் கூடி நின்று, போராடி வரும் மக்கள் மீது மஸட்டோவ் குண்டுகளை வீசுகிறார்கள். மேலும் தீப்பந் தங்களையும் வீசியெறிகிறார்கள். வீட்டுச் சன்னல்களிலிருந்து தண்ணீர்ப் பீய்ச்சி யடிக்கப்படுகிறது. கிளர்ச்சியாளர்கள் தங்கள் பங்கிற்குச் சில கையெறி குண்டு களை வீசியதில் ஒரு கட்டிடத்தில் தீப் பிடித்துக் கொண்டது. எகிப்திய மக்கள் தங்கள் மனசாட்சியை ராணுவ சர்வாதி காரத்திடம் அடகு வைக்கத் தயாரா யில்லை. புதிதாகத் தேர்ந்தெடுக்கப்பட் டுள்ள சில நாடாளுமன்ற உறுப்பினர்கள் கிளர்ச்சியில் ஈடுபட்டுள்ள மக்களுடன் ஓரணியாக நின்றுகொண்டு போராடி வரு கிறார்கள்.

இத்தகைய களேபரங்கள் நாடெங் கிலும் அரங்கேறி வருகின்றதோர் சூழ் நிலையில், டிசம்பர் 21ம் நாளன்று இரண்டாவது கட்டத் தேர்தலும் நடந்து முடிந்துவிட்டது. அந்தத் தேர்தலில் மிகக் குறைந்த சதவீத வாக்காளர்களே வாக் களித்தனர். அதிலிருந்தே நாம் எகிப்திய மக்களின் கோபாவேசத்தைப் புரிந்து கொள்ள முடியும். ஜனவரி மாதத்தில் மூன் றாவது கட்டத் தேர்தல் நடைபெற உள்ளது.

பொங்கிவரும் அதிருப்தி உணர்வுகள்

போராடுகின்ற எகிப்திய மக்கள் ஜன நாயகத்துக்காகத் தாங்கள் நடத்தும் போராட் டமானது நீர்த்துப் போவதற்கு அனுமதிக்கமாட்டார்கள். ஆனால், எகிப்திய ஆளும் வட்டாரங்களும் சர்வதேச நிதி நிறுவனங்களும் எகிப்திய மண்ணில் உண்மை யானதோர் மக்களாட்சி மலர்வதற்கு அனு மதிக்க மாட்டார்கள்.

ஆட்சியாளர்களது எதேச்சதிகாரம், வாழ்வாதாரங்கள் பாதிக்கப்பட்டமை ஆகிய காரணங்களால் மேற்காசிய நாடு களிலும் வட ஆப்பிரிக்க நாடுகளிலும் மக் களுடைய கோபாக்னி சுடர்விட்டு எரி கிறது. குறிப்பாக மேற்கண்ட நாடுகளிலுள்ள உழைப்பாளி மக்கள் தங்கள் வாழ்வில் உண்மையானதோர் பொருளாதார மறு மலர்ச்சி ஏற்பட்டிட வேண்டும் என்பதற் காக அணிதிரண்டு போராடி வருகிறார் கள். அதே சமயத்தில் புதிதாக அதிகார பீடத்தில் அமர்ந்துள்ள நபர்கள் ஜனநா யகக் கோட்பாடுகளை முடமாக்கிடுவதற் கான சதிச் செயல்களில் மும்முரமாக ஈடுபட்டு வருகிறார்கள். மேற்படி ஆசாமி கள் நாட்டில் உண்மையான மக்களாட்சி ஏற்படுவதற்கு ஒருபோதும் அனுமதிக்க மாட்டார்கள்.

சமூகத்தில் தீவிரமான அரசியல், சமூக மற்றும் பொருளாதார மாற்றங்கள் நடைமுறைப்படுத்தப்பட்டால்தான் நாட்டில் உண்மையான மக்களாட்சி மலர முடியும். அத்தகையதோர் சூழ்நிலையில் தான் பெரும்பான்மையான மக்கள் கை களில் ஆட்சியதிகாரம் கோலோச்சிட முடியும். அத்தகையதோர் சூழ்நிலையில் தான் மக்களுக்கும் அரசுக்கும் இடையில் எந்தவொரு இடைவெளியும் நிலவிடாது. அதனால்தான் சுயநலம் பிடித்த சுரண்டல் கும்பல்கள் தேர்தல், வாக்குரிமை, நாடாளுமன்ற ஜனநாயகம் என்றெல்லாம் பற்பல போலியான சொற்களைப் பயன் படுத்திக்கொண்டு தாங்கள் மக்களின் நலன்களுக்காகவே நாட்டை ஆண்டு வருவதாகச் செப்பித் திரிகிறார்கள்.

எது உண்மையான மக்களாட்சி

கியூபா நாட்டில் கம்யூனிஸ்ட் கட்சியும், அரசும் இணைந்துநின்று தீவிரமான பொருளாதாரத் திட்டங்களைச் செயல் படுத்திடுவதற்கு முன்பாக நல்லதோர் அரசியல் தீர்மானத்தைத் தயாரித்து அதை நாட்டு மக்கள் முன் சமர்ப்பித்தனர். நாட் டில் 2010, 2011ம் ஆண்டுகளில் 1 லட் சத்து 63 ஆயிரம் கலந்தாய்வுக் கூட்டங் கள் நடைபெற்றன. மேற்படி கூட்டங்களில்

90 லட்சம் மக்கள் கலந்துகொண்டனர். அத்தகைய கூட்டங்கள் மூலமாகக் கியூபா மக்களுடைய கருத்துக்கள் வழி மொழியப்பட்டன. மேற்படி கருத்துக் களின் அடிப்படையில் கியூபா அரசானது தனது செயல்திட்டத்தை வகுத்துக் கொண்டு செயல்பட்டு வருகிறது. இன் றைய கியூபா நாடானது ஒரு உண்மை யான சோஷலிஸ்ட் நாடாக பரிணமித் துள்ளது என்றால் அதில் வியப்படை வதற்கு ஒன்றுமில்லை. “சகல அதிகாரங் களும் மக்களுக்கே” என்ற லெனினிசக் கோட்பாட்டை கியூபா அரசும் மக்களும் ஒருசேர செயல்படுத்தி வருவதால்தான் அதெல்லாம் சாத்தியமாயிற்று. இன்றைய எகிப்திய ஆட்சியாளர்கள் தங்கள் நாட் டில் ராணுவத்தின் கை மேலோங்கி நிற் பதைப் பற்றித் துளியளவு கூடக் கவலைப் படவில்லை. அத்தகையதோர் சூழ்நிலை யில்தான் தங்களுடைய சுரண்டல் சாம் ராஜ்யமானது பாதுகாப்பாக இருக்கும் என்று அவர்கள் உறுதியாக நம்புகிறார்கள். எகிப்திலுள்ள முஸ்லிம் அமைப்புக்களும் ஆட்சி பீடத்தில் உள்ளவர்களுக்கு ஜால்ரா போட்டு வருகிறார்கள். அவைகள் முபாரக் காலத்திலும் அப்படித்தான் செயல்பட்டு வந்தன. நாட்டு மக்களைப் பற்றியெல்லாம் அவர்களுக்கு சிறிதளவு கூடக் கவலை கிடையாது. முபாரக் நாடாண்டபோது எகிப்தியக் கம்யூனிஸ்ட் கட்சியானது தடை செய்யப்பட்டிருந்தது. ஆனால் எந்த ஒரு முஸ்லிம் அமைப்பும் தடை செய்யப் படவே இல்லை. அத்தகைய பிற் போக்குத்தனமான மதவாதிகள் எவரும் இன்றைக்குத் தெருக்களில் இறங்கிப் போராடி வரும் மக்களுக்கு ஆதரவாகக் களம் இறங்கவில்லை.

எகிப்தியத் தொழிலாளி வர்க்கமானது தன்னுடைய துன்ப துயரங்களுக்கு ஓர் முடிவு காண்பதற்காகத் தீவிரமாகப் போராடி வருகிறது.

தஹ்ரீர் மைதானத்தில் அவர்கள் அணிதிரண்டு நடத்தி வரும் போராட்ட மானது நிச்சயமாக வெற்றிவாகை சூடிடும்.

“தஹ்ரீர்” என்ற சொல்லுக்கே விடு தலை என்று பொருள்.

-ஆர்.அருண்குமார்

பீப்பிள்ஸ் டெமாக்ரசி, தமிழில் : கே.அறம்

‘மீண்டும் மீண்டும் கூடாரம் அமைப்போம்!’

அமெரிக்கா முழுவதும் நடைபெற்று வரும் முதலாளித்துவ எதிர்ப்பு கைப் பற்றுவோம் போராட்டங்களின் ஒருபகுதியாக ஓக்லாந்து மற்றும் சார்லோட் டே பகுதிகளில் நடந்த ஆர்ப்பாட்டங்களில் பங்கேற்றதற்காக எட்டு பேர் கைது செய்யப்பட்டுள்ளனர்.

2011 செப்டம்பர் 17ல் அன்று துவங்கிய கைப்பற்றுவோம் போராட்டங்கள் தளர்ச் சியடையாமல் தொடர்கின்றன. நீதிமன்றம் மற்றும் நிர்வாக உத்தரவுகள் மூலம் நாட்டின் பல பகுதிகளில் அமைக்கப்பட்டிருந்த கூடாரங்களை காவல்துறையினர் அகற்றியுள்ளனர். ஆனால், கூடாரங்களை மீண்டும் அமைப்போம் என்ற முழக்கத்தோடு மக்கள் போராட்டங்களைத் தொடர்கிறார்கள். காவல் துறையினரின் அடக்கு முறை மக்கள் மத்தியில் பெரும் ஆவேசத்தை ஏற் படுத்தியிருக்கிறது.

ஓக்லாந்து மற்றும் சார் லோட்டே ஆகிய இரு நகரங்களில் காவல்துறை யினரின் கொடூர நடவடிக் கைகளைக் கண்டித்து பெருந்திரள் ஆர்ப்பாட்டங் கள் நடந்துள்ளன. எந்த அடக்குமுறைக்கு எதிராக ஆர்ப்பாட்டம் நடந்ததோ, அதே அடக்குமுறையைக் கொண்டு இந்த ஆர்ப்பாட்டங்களையும் கலைத்து விடலாம் என்று காவல் துறையினர் களத்தில் இறங் கினர். ஃபிராங்க் ஒகாவா பிளாசா என்ற கட்டிடத்தி லிருந்து காவல்துறையின ரின் தலைமையகம் வரை யில் பேரணியாகச் செல்ல போராட்டக்குழுவினர் திட்டமிட்டிருந்தனர்.

ஆனால் இடையிலேயே காவல்துறையின் கலவரத் தடுப்புப் பிரிவினரால் அவர்கள் தடுத்து நிறுத்தப்பட்டார்கள். போராட்டத்தில் பங்கேற்றவர்களை விரட்டி அடிக்கத்துவங்கினர். அவர்கள் மீது ரப்பர் குண்டுகள் வீசப்பட்டன. எட்டு பேரைக் கைது செய்து காவல்துறையினர் அழைத்துச் சென்றனர். கைது நட வடிக்கைக்கு மக்கள் கடும் எதிர்ப்பு தெரிவித்தனர். போராட்டம் அதிக வீச் சுடன் தொடரும் என்று போராட்டக்குழுவினர் அறிவித்திருக்கிறார்கள்.

கிழக்குப்பகுதி நகரமான சார்லோட்டேயில் நடை பெற்ற பெருந்திரள் பேரணி யையும் குலைக்கும் நடவடிக்கைகளில் காவல்துறை யினர் ஈடுபட்டனர். எதிர்ப்பு தெரிவித்ததற்காக இரண்டு பேரைக் கைது செய்தனர். தேவையான எரிபொருள் இல்லாமல் கைப்பற்றுவோம் போராட்டங்கள் நின்றுவிடாது. நாங் கள் தொடர்ந்து போராடு வதன் மூலம் சக்தியைக் தக்க வைத்துக் கொள்வோம் என் கிறார் போராட்டக்குழு வினரில் ஒருவரான டை லான் போஸ்லி.

லோக்பால் மசோதா 1968 முதல் 2011 வரை

லோக்பால் மசோதா, உணவுப்பாதுகாப்பு மசோதா ஆகிய இரண்டு மசோதாக்களும் நாடாளுமன்றத்தில் தாக்கல் செய்யப் பட்டுள்ளன. டிசம்பர் 27ம் தேதி துவங்கி மூன்று நாட்களும் விவாதம் நடைபெற உள்ளது. இதற்காக நாடாளுமன்றத்தின் குளிர் கால கூட்டத்தொடர் நீட்டிக்கப்பட்டுள்ளது.

இம் மசோதாக்கள் குறித்து பரபரப்பும் எதிர்பார்ப்பும் உருவாகியுள்ளது இயல்பான தொன்றே. பிறப்பிலிருந்து இறப்பு வரை இந்தியாவில் அங்கிங்கெனாதபடி எங்கும் நிறைந்திருப்பது ஊழல். இந்திய மக்கள் தங்கள் வாழ்க்கையின் அனைத்து நிலை களிலும் ஊழலைச் சந்தித்து வருகிறார்கள்.

சமூக ஆர்வலர் அன்னா ஹசாரே தான் முன்வைத்துள்ளபடி இம்மசோதா அமைய வேண்டுமென வலியுறுத்தி மும்பையில் மூன்று நாட்கள் உண்ணாவிரதப்போராட்டத்தை துவக்கியுள்ளார். தில்லி ராம்லீலா மைதானத்தில் ஹசாரே குழுவினர் மற்றும் ஆதரவாளர்கள் ஆர்ப்பாட்டம் நடத்து கின்றனர்.

லோக்பால் மசோதாவை பொதுமக்கள் குறைதீர்ப்பு மற்றும் சட்டம், நீதித்துறை தொடர்பான நிலைக்குழு செப்டம்பர் 23 முதல் டிசம்பர் 2வதுவாரம் வரை சுமார் இரண்டரை மாதங்கள் செலவிட்டு உருவாக்கியுள்ளது. நிலைக் குழுவின் முன்பு 140 பேர் ஆஜராகி இம் மசோதா குறித்து சுமார் 40 மணி நேரம் தங்களது பரிந்துரைகள், ஆலோ சனைகளை முன்வைத்துள்ளனர்.

லோக்பால் மசோதாவின் பூர்வீகம் நீண்ட நெடிய ஒன்றாகும். 1966 ஆம் ஆண்டு அமைக்கப்பட்ட நிர்வாகச் சீர் திருத்த ஆணையம், லோக்பால் அமைப்பு உருவாக்கவேண்டியதன் அவசியத்தை வலி யுறுத்தியது. அதன் பின்னர் மத்திய அரசு மாநிலங்களவையிலும் மக்களவையிலும் 1968, 1971,1977,1985,1989,1996,1998 மற்றும் 2001ஆம் ஆண்டுகளில் லோக்பால் அமைப்பிற் கான மசோதாக்களை அறிமுகப்படுத்தியது. ஆனால் மசோதா நிறைவேற்றப்படவில்லை.

இந்தப் பின்னணியில்தான் 2011ம் ஆண்டு ஏப்ரல் 8ம் தேதி அமைச்சரவை இம் மசோதாவை உருவாக்க ஒப்புதல் அளித்தது. லோக்பால் அமைப்பு உருவாக்கப்பட வேண்டுமென்று இடதுசாரிக்கட்சிகள் தொடர்ச்சியாக குரல் கொடுத்து வந்துள்ளன. அன்னா ஹசாரே, பாபா ராம்தேவ் போன்றவர்களும் இந்தப் பிரச்சனையை சமீபத்தில் கையிலெடுத்தனர். இவர்களது பின்னணி என்ன வென்று அறியாவிட்டாலும் கூட மக்கள் இவர்களது கோரிக்கைக்கு ஆதரவளித்தனர். ஊழலுக்கு எதிராக மக்களிடம் எழுந்துள்ள விழிப்புணர்வு மற்றும் எதிர்ப்புணர் வின் வெளிப்பாடே ஆகும் இது.

லோக்பால் மசோதாவின் நகல் டிசம்பர் 22அன்று நாடாளுமன்ற உறுப்பினர் களுக்கு வழங்கப்பட்டது. 62 பக்கங்களைக் கொண்ட இந்த மசோதாவில் 15 பிரிவுகள் இடம் பெற்றுள்ளன. மத்திய அளவில் லோக் பால் அமைப்பையும், மாநிலங்களில் லோக் அயுக்தா அமைப்பையும் உருவாக்குவதற் கான பரிந்துரைகள் இம் மசோதாவில் இணைக்கப்பட்டுள்ளன.

இந்த மசோதா நிறைவேறுமா? என்ற ஐயப்பாட்டை ஊடகங்கள் எழுப்பிக்கொண்டுயிருந்தன.  மக்களவையில் இந்த மசோதா  ஒருவழியாக நிறைவேற்பட்டுள்ளது . மசோதா எந்த வடிவில் வந்தாலும் அதை ஆதரிக்க திமுகஇ திரிணாமுல் காங்கிரஸ் போன்ற கட் சிகள் தயாராக உள்ளன. அரசுக்கு நெருக்கடி ஏற்படும்போதெல்லாம் கை கொடுக்கும் ஆர்ஜேடிஇ சமாஜ்வாதிஇ பகுஜன் சமாஜ் போன்ற கட்சிகள் மசோதாவை ஆதரிக்க வில்லை என்றபோதிலும்  மசோதா நிறைவேற்பட்டுள்ளது குறிபிடதக்கது .

ஆனால் மாநிலங்களவையில் மசோதாவை நிறைவேற்றுவதற்கான பலம் ஐ.மு. கூட்டணிக்கு இல்லை. எதிர்க்கட்சியான பாஜக ஆதரித்தால்தான் மசோதாவை நிறை வேற்ற முடியும். சிறுபான்மையினருக்கு இட ஒதுக்கீடு வழங்குவதால் மசோதாவை எதிர்ப் பதாக பாஜக கூறியுள்ளது. ஆர்ஜேடி போன்ற கட்சிகளும் வேறு சில காரணங் களைக் கூறி மசோதாவை எதிர்ப்பதாகக் கூறுகின்றன.

மகளிர் இடஒதுக்கீடு மசேதா மாநிலங் களவையில் நிறைவேற்றப்பட்டது. ஆனால் மக்களவையில் இம் மசோதாவை நிறைவேற்ற விடாமல் ஆர்ஜேடி, சமாஜ்வாதி போன்ற கட் சிகள் தடுத்துவிட்டன என்பது முந்தைய அனுபவம். இதைச் சாக்காக வைத்து, கருத் தொற்றுமை ஏற்படுத்தப்போவதாககக் கூறி மசோதாவை கிடப்பில் போட்டுவிட்டது மன் மோகன்சிங் அரசு.

 மசோதாவை தயாரிப்பதில் மார்க்சிஸ்ட் கம்யூனிஸ்ட் கட்சி குறிப்பிடத்தக்க பங்காற் றியுள்ளது. நிலையாணைக்குழுவில் இடம் பெற்றிருந்ததின் மூலம் பல்வேறு ஆலோ சனைகளை கட்சி முன்வைத்துள்ளது. எனி னும் எதிர்பார்த்த பலன் கிடைக்கவில்லை. அதைத் தொடர்ந்து நடைபெற்ற அனைத் துக்கட்சி கூட்டத்தில் மார்க்சிஸ்ட் கம்யூ னிஸ்ட் கட்சி முன்மொழிந்த சில தீர்மானங் கள் ஏற்கப்பட்டன. அது எந்த வடிவில் உள் ளது என்பது விவாதத்தின்போதே வெளிச் சத்திற்கு வரும். மார்க்சிஸ்ட் கட்சி தமது ஆலோசனைகள், திருத்தங்களை எழுத்துப் பூர்வமாக அளித்துள்ளது.

இதே போன்று பல்வேறு கட்சிகள் தங் களது திருத்தங்கள், கருத்துக்களை முன் வைத்துள்ளன. மார்க்சிஸ்ட் கம்யூனிஸ்ட் கட் சியை பொறுத்தவரை சில முக்கியமான ஆலோசனைகளை முன்வைத்தது.

1. பிரதமர் பதவியையும் லோக்பால் விசா ரணை வரம்பிற்குள் கொண்டுவர வேண்டும்.

2. நாடாளுமன்ற உறுப்பினர்களையும் விசாரணை வரம்பிற்குள் கொண்டுவர வேண்டும். அதற்கு தடையாக உள்ள அரசியல் சாசனத்தின் 105வது பிரிவில் உரிய மாற்றம் செய்ய வேண்டும்.

3. மத்திய மற்றும் மாநில அரசு நிலை யில் குரூப்-ஏ, குரூப்-பி, குரூப்-சி, குரூப்-டி அதிகாரிகளை விசாரணை வரம்பிற்குள் கொண்டுவரவேண்டும். மத்திய அரசு அதிகாரிகளை லோக்பால் வரம்பிற்குள்ளும், மாநில அரசு அதிகாரிகளை லோக் அயுக்தா விசாரணை வரம்பிற்குள்ளும் கொண்டுவர வேண்டும்.

4. லோக்பால் அமைப்பின் தலைவர் உட்பட, சுதந்திரமான தேர்வுக்குழுவின் தேர்வு அடிப்படையிலேயே நியமிக்கப்பட வேண்டும்.

5. மாநிலங்களில் லோக் அயுக்தா அமைப்பை உருவாக்க தனி மசோதா தாக்கல் செய் யப்பட வேண்டும்.

மத்திய புலனாய்வுத்துறை இயக்குநர் நியமனம், லோக்பால் தேர்வுக்குழு பரிந்துரை அடிப்படையிலேயே நடைபெற வேண்டும்.

6.ஊழல் குறித்த வரையறையில் தெளி வில்லை. 1988ஆம் ஆண்டு உருவாக்கப் பட்ட ஊழல் தடுப்புச்சட்டத்தின் அடிப்படை யிலேயே வரையறுக்கப்பட்டுள்ளது. எனவே உரிய வகையில் ஊழல் குறித்த வரையறை செய்யப்பட வேண்டும்.

7. மிக முக்கியமாக பெரும் முதலாளி களையும், அவர்களது நிறுவனங்களையும் லோக்பால் விசாரணை வரம்பிற்குள் கொண்டுவர வேண்டும். தவறிழைக்கும் நிறுவனங்களின் உரிமம் மற்றும் குத்தகையை ரத்து செய்யவேண்டும். இழப்பீட்டுத் தொகையை அவர்களிடமிருந்து வசூலிக்க வேண்டும். ஊழலில் ஈடுபடும் நிறுவனங் களின் சொத்துக்களை பறிமுதல் செய்து, அரசு கஜானாவில் ஒப்படைக்க வேண்டும் என்பன உள்ளிட்ட முக்கியத் திருத்தங்களை மார்க்சிஸ்ட் கட்சி முன்மொழிந்துள்ளது. விவாதத்தின்போதும் முன்வைக்கும்.

இம்மசோதாவை நிறைவேற்றுவதற்கு முன்பு அரசியல் சாசன திருத்தத்தை அரசு முன்மொழிந்திருக்கவேண்டும். ஆனால் அவ்வாறு செய்யவில்லை. பலவீனமான லோக்பால் அமைப்பையே அரசு விரும்பு கிறதோ என்ற ஐயப்பாடு எழும்புகிறது.

எதிர்க்கட்சியான பாஜக மற்றும் சில கட்சிகள் எதிர்க்கும் வேகத்தைப் பார்க்கும் போது மசோதா நிறைவேறுமா? என்ற கேள்வி வலுவாகவே எழுகிறது.

லோக்பால் அமைப்பை உருவாக்கு வதற்கான போராட்டம் 1968ல் அதாவது 20ம் நூற்றாண்டில் துவங்கி இந்த நூற்றாண்டு வரை நடைபெற்று வருகிறது. இம் மசோதா வலுவான லோக்பால் அமைப்பை உரு வாக்கும் வகையில் நிறைவேற்றப்பட வேண்டு மென்று இந்திய மக்கள் எதிர்பார்க்கி றார்கள். அவர்களது விருப்பம் நிறை வேறுமா? என்பது இரண்டொரு நாளில் தெரிந்துவிடும்.

- டி.கே.ரங்கராஜன் எம்.பி.,

 மார்க்சிஸ்ட் கம்யூ னிஸ்ட் கட்சி 

இந்தியா ஜனநாயக நாடாக இருக்க வேண்டுமா அல்லது கம்யூனிச நாடாக இருக்க வேண்டுமா?

கம்யூனிச நாடெனில் அதில் ஜனநாயகம் இருக்குமா?

கம்யூனிச நாட்டில் ஜனநாயகம் இருக்காது என்பது தவறான எண்ணமாகும். கம்யூனிச நிலையை அடைய இன்னமும் வெகுதூரம் செல்ல வேண்டியுள்ளது. அதற்கு முந்தைய சோசலிச நிலையை எடுத்துக் கொண்டோமென்றால் அதில் முதலாளித்துவ சமூகத்தைக் காட்டிலும் ஆழமான, செறிவான ஜனநாயகம் இருக்கும்.

 முதலாளித்துவ சமூகத்தில் பெயரளவிலான ஜனநாயகம் மட்டுமே இருக்கும். உதாரணமாக, நமது நாட்டில் எடுத்துக் கொண்டோமேயானால் 18 வயது பூர்த்தியடைந்தவுடன் வாக்களிக்கும் ஜனநாயக உரிமை அனைவருக்கும் கிடைத்துள்ளது. ஆனால், எந்த அரசியல் கட்சிக்கு, எத்தகைய கொள்கைகளுக்காக வாக்களிக்க வேண்டு மென்ற புரிதலை ஏற்படுத்தி அந்த ஜனநாயக உரிமையை சரியாகப் பயன்படுத்திட பயிற்றுவிக்காமல் வெறும் வாக்குரிமையை மட்டும் அளிப்பது முழுமையான பலனைத் தராது. 

இன்று முத லாளித்துவ சமூகத்தில் சந்தையில் எல்லாவித மான பொருட்களும் கிடைக்கின்றன. ஆனால், மக்களிடையே வாங்கும் சக்தி இல்லாதபோது சந்தையில் பொருட்கள் கிடைப்பதால் எந்த பயனும் இருக்காது. எனவே, சோசலிச சமூகத்தில் ஜனநாயகம் என்பது உரிமைகளை அளிப்பதுடன் மட்டுமின்றி அவற்றை பயன்படுத்த மக்களை பயிற் றுவிப்பதும் அடங்கியிருக்கும்.

 ஜனநாயகமின்றி எந்தவொரு அரசியலமைப்போ அல்லது கட்சியோ இருக்க முடியாது. எனவே, மக்களுக்கு ஜனநாயக உரிமை என்பது பெயரளவில் மட்டும் கொடுக் கப்படாமல் அவற்றை பயன்படுத்துவதற்கான முழுமையான திறனுடன் கொடுக்கப்படுவதே உண் மையான ஜனநாயகமாக இருக்க முடியும். 

இந்தியாவில் எத்தகைய ஜனநாயக உரிமையை அளிக்க விரும்புகிறோம் என்பதே கேள்வியாகும். ஜனநாயகத்திற்கும் சோசலிசத்திற்கும் எந்த முரண்பாடும் கிடையாது. அத்தகையதொரு நாடாக இந்தியா இருக்கவேண்டுமென்றே நாம் விரும்பு கிறோம். 

                                                                                                                   சீத்தா ராம் யெச்சூரி 

அடுத்த சதிவேலையைத் துவக்கிய அமெரிக்கா

சிரிய அரசு எதிர்ப்பாளர்கள் நடத்தியுள்ள தாக்குதல்களில் ராணுவத் தைச் சேர்ந்த எட்டு பேர் கொல்லப்பட்டுள்ளதால் லிபியாவுக்கு அடுத்த படியாக சிரியாவில் தனது சதிவேலையை அமெரிக்கா துவங்கிவிட்டதாகச் செய்திகள் வெளியாகியுள்ளன.

அமெரிக்க ஆதரவு பொம்மை அரசுகள் அதிகமாக இடம் பெற்றுள்ள அரபு லீக்கிலிருந்து சிரியாவைத் தற்காலிக நீக்கம் செய்து வைத்த நிகழ்வைத் தொடர்ந்து, ஆயுதந்தாங்கிய சிரிய அரசு எதிர்ப்பாளர்கள் தங்கள் தாக்கு தல்களைத் துவக்கியுள்ளனர். ராணுவத் தளங்களைக் குறிவைத்து இந்தத் தாக்குதல்கள் நடந்துள்ளன. ராணுவம் மற்றும் பாதுகாப்புப் படைகளைச் சேர்ந்த எட்டுபேர் இதில் கொல்லப் பட்டுள்ளனர்.

கடந்த எட்டு மாதங்களாக அந்நிய நாடுகளின் உதவியுடன் இந்தத் தீவிர வாதிகள் செயல்பட்டு வருகிறார்கள். சிரிய ராணுவத்தின் தீவிர நடவடிக்கை யால் இந்தத் தீவிரவாதிகளின் சதிவே லைகள் முறியடிக்கப்பட்டன. ஆனால் அமெரிக்கத் தூண்டுதலின்பேரில் அரபு லீக் எடுத்துள்ள நடவடிக்கை தீவிரவாதிகளுக்கு உற்சாகம் அளித்துள்ளது. தலைநகர் டமாஸ்கசுக்கு அருகில் உள்ள ஹரஸ்தா என்ற ஊரில் சிரிய விமானப்படையின் உளவுப்பிரிவு அலுவலகம் உள்ளது. அதன்மீது தீவிரவாதிகள் தாக்குதல் நடத்தினர்.

டோமா, கபோன் மற்றும் சக்பா ஆகிய இடங்களில் அமைந்துள்ள ராணுவத்தளங்கள் மீதும் தாக்குதல் நடந்துள்ளது. தற்காலிக ராணுவக் கவுன்சில் ஒன்றை அமைத்துள்ளதாக சிரிய எதிர்ப்பாளர்கள் அறிவித்திருக் கிறார்கள். இந்நிலையில் தற்போதைய ஜனாதிபதி அஸ்ஸாதுக்கு ஆதரவாக நாடு முழுவதும் மீண்டும் ஆர்ப்பாட்டங்கள் நடந்துள்ளன. அதில் ஆயிரக் கணக்கான மக்கள் பங்கேற்றுள்ளனர். பல்வேறு நாடுகளில் தூதரகங்கள் முன்பாக இந்த ஆர்ப்பாட்டங்கள் நடத்தப்படுகின்றன.

எட்டு மாதங்களாக நடைபெற்று வரும் இந்தத் தாக்குதல்களைப் பயன் படுத்திக் கொண்டு, லிபியாவில் செய் தது போன்ற ஆட்சி மாற்றத்தை சிரியாவிலும் கொண்டு வர அமெரிக்கா திட்டமிட்டு வருவதாகச் செய்திகள் வெளியாகியுள்ளன. சிரியாவில் உள்ள அரசு எதிர்ப்பாளர்களுக்கு லெபனா னில் உள்ள அமெரிக்க ஆதரவு அரசியல்வாதிகள் மூலமாக ஆயுதங்கள் வழங்கப்பட்டன என்பது குறிப்பிடத் தக்கது.

இந்திய பொருளாதர அடியாள் மன்மோகன்சிங் ஒப்புதல் வாக்குமூலம்...

முன்பு விலைவாசி உயர்வு, அதனால் மக்களுக்கு ஏற்படும் தொல்லை ஆகியவை பற்றி யாராவது கேட்டால், உலக நாடுகளோடு ஒப்பிடு கையில் இந்தியாவில் அப்படியொன்றும் கவலையளிக்கத்தக்க அளவுக்கு விலை உயர வில்லை என்று பதிலளிப்பார் பிரதமர் மன்மோகன்சிங். அப்புறம், விலை உயர்வு என்பது வளர்ச்சியின் வெளிப்பாடுதான் என்று சொல்ல ஆரம்பித்தார். “பொருளாதார வல்லுநர்” என்பதால் தாம் சொல்வதையெல்லாம், மக்கள் நம்பி விட மாட்டார்கள் என்ற ஞானம் இப்போது ஏற்பட்டிருக்கிறது போலும் - விலைவாசி உயர்ந் திருப்பது உண்மைதான் என்று ஒப்புக்கொண்டிருக்கிறார்.

உலகமயமாக்கல் கொள்கை எதிர்பார்த்த விளைவுகளை ஏற்படுத்தவில்லை என்றும் தனது கவலையை வெளிப்படுத்தி உள்ளார் அதன் தீவிர காதலர்

முன்னர் இதே கேள்விக்கு பதிலளிக்கையில் “இது தற்காலிகமானதுதான்; பணவீக்க விகிதம் விரைவில் ஒற்றை இலக்கத்திற்குத் திரும்பிவிடும்,” என்று புள்ளிவிவர விளையாட்டில் இறங்கிவிடுவார். இப்போது, “தற்போதைய பணவீக்கம் பிடிவாதமாக நிற்கிறது என்பது உண்மைதான். இது மட்டுப்படுவதற்கு அதிகக் காலம் ஆகும்.” என்று கூறியிருக்கிறார்.

மேலும் தடாலடியாக இந்தியர்கள் செல்வந்தர்களாக மாறி வருவதால் தான் விலைவாசி உயர்வு ஏற்படுகிறது.அமெரிக்காவின் குரலில் பேசியுள்ளார் ஏற்கனவே இந்தியர்கள் அதிகம் உண்பதால்தான் உணவு நெருக்கடி ஏற்படுகிறது என்று பொருக்கிதனமாக பேசியது அமெரிக்கா என்பதையும் கவனத்தில் கொள்ளவேண்டும் .

அரசாங்கத்திற்கு விலையைக் கட்டுப் படுத்தி வைத்திருக்கிற பொறுப்பு இருக்கிறது என்பதைக் கொள்கைப் பூர்வமாகவே எதிர்ப் பவர் இவர். விலைகளைச் சந்தை சக்திகளின் கையில் விட்டுவிட வேண்டும் என்பதே இவரது மந்திரம். இந்த விமானப் பயணத்தில் முதல் முறையாக, விலைவாசி உயர்வின் பின்னணி யில் சந்தை சக்திகள் இருக்கின்றன என்று கூறி யிருக்கிறார். வழக்கம்போல் “பொருளாதார வளர்ச்சி விகிதம் 7.5 முதல் 8 விழுக்காடு வரை யில் அதிகரிக்கிறது என்றால், தனி நபர் வருமானமும் 6 முதல் 6.5 விழுக்காடு வரையில் அதிகரிக்கிறது.” என்று புள்ளிவிவர மாய்மாலத் தையும் காட்டியிருக்கிறார். எந்தத்தனிநபர் வருமானத்தை அவர் குறிப்பிடுகிறார்? கார்ப் பரேட் கனவான்களின் தனி நபர் வருமானம் நிச்சயமாக அதிகரித்திருக்கும்; ஏழை மக்களின் தனி நபர் வருமானம் முன்பிருந்ததைவிட சரி வடைந்திருக்கும் என்பதே உண்மை. அதற்கொரு புள்ளிவிவரம் தயாரிக்க இந்த அரசு முன் வரப்போவதில்லை.

 மன்மோகன் ஒப்புக்கொண்டுள்ள மற்றொரு உண்மை: “மானியங்கள் தொடர்பாக அரசு எடுத்த கறாரான முடிவுகள் எரிபொருள் விலை களில் பாதிப்பை ஏற்படுத்தியிருக்கிறது.” ஒவ் வொரு முறையும் பெட்ரோலியப் பொருள்களின் விலை உயர்த்தப்படும்போதெல்லாம், இதனால் அனைத்துப் பொருள்களின் விலைகளும் உயர்ந்துவிடும் என்று மக்கள் இயக்கங்கள் எச் சரித்துவந்துள்ளன. அதைக் காதில் போட்டுக் கொள்ளாதவர், இப்போது இவ்வாறு கூறியிருக்கிறார். இப்படியெல்லாம் பிரதமர் உண்மைகளை ஒப்புக்கொள்வது நிலைமையை மாற்றும் எண் ணத்துடன் அல்ல. மக்கள் இதற்குப் பழகிக் கொள்ள வேண்டும் என்ற எண்ணத்துடன்தான். அதனால்தான், உலகச் சந்தை நிலவரத்துக்கு ஏற்ப உள்நாட்டில் பெட்ரோலிய விலையில் மாற் றம் ஏற்படுவது தவிர்க்க இயலாதது என்ற பழைய பல்லவியை மறுபடியும் பாடியிருக்கிறார். உலக விலை நிலவரம் உயருமானால், மறுபடியும் இங்கே விலையை உயர்த்த வேண்டியிருக்கும் என்றும் கூறியிருக்கிறார். கடந்த ஆண்டு ஜூன் மாதத்திலிருந்து இதுவரையில் 11 முறை பெட் ரோலியப் பொருள் விலை உயர்த்தப்பட்டது பற்றிய எவ்வித உறுத்தலும் இல்லாதவராக அவர் இப்படிக் கூறியிருப்பது, எளிய மக்களின் வாழ்க்கை நிலை மீது காங்கிரஸ் கூட்டணி அரசுக்கு எள்ளளவும் அக்கறையில்லை என் பதன் வெளிப்பாடுதான்.

“தேவதைக்கதையை உண்மையாக்கும் கம்யூனிஸ்டுகள்”

உலகின் முதல் புரட்சி நடைபெற்று 94 ஆண்டுகள் நிறைவு பெற்றதை ரஷ்யக் கம்யூனிஸ்டுகள் கோலாகலமாகக் கொண்டாடியுள்ளனர். தலைநகர் மாஸ்கோவில் உள்ள வெர்ஸ்க்யா சாலையில் ஆயிரக்கணக்கான மக்கள் ஊர்வலமாகச் சென்றனர். பெரும்பாலானவர்கள் கைகளில் செங்கொடிகளை ஏந்தியிருந்ததால் சாலை முழுவதும் செம்மயமாகக் காட்சியளித்தது. இந்த ஊர்வலத்திற்கு ரஷ்யக் கம்யூனிஸ்ட் கட்சியின் தலைவர் கென்னடி ஜூகானோவ் தலைமை வகித்தார். நடைபெறவிருக்கும் ஜனாதிபதித் தேர்தலில் கம்யூனிஸ்ட் கட்சிக்கு வெற்றி கிடைக்கும் என்றும், ஒவ்வொரு ரஷ்யருக்கும் அந்த வெற்றியால் பலன் கிடைக்கும் என்றும் அவர் ஊர்வலத்தில் பேசும்போது குறிப்பிட்டார். சிவப்பு அமைச்சரவையில் பங்கேற்கப்போகும் கம்யூனிஸ்ட் கட்சியினரின் பெயர்களையும் அவர் பட்டியலிட்டார்.

புரட்சியைக் கொண்டாடும் வகையில் வெர்ஸ்க்யா சாலையில் ஒவ்வொரு ஆண்டும் பாரம்பரியமாக ஊர்வலம் நடந்து வருகிறது. ஒவ்வொரு முறையும் 3 முதல் 5 ஆயிரம் பேர் வரை இந்த ஊர்வலத்தில் பங்கேற்பது வழக்கம். ஆனால் இம்முறை ஊர்வலத்தில் பங்கேற்றவர்களின் எண்ணிக்கை பத்தாயிரத்தையும் தாண்டிச் சென்றுவிட்டது. பொதுவாக, இந்த ஊர்வலத்தில் வயதானவர்களே கடந்த ஆண்டுகளில் பங்கேற்று வந்தனர். ஆனால் தற்போது நடந்த ஊர்வலத்தில் கம்யூனிஸ்டு இளைஞர் யூனியனில் உறுப்பினர்களாக உள்ள இளைஞர்கள் ஏராளமான அளவில் திரண்டிருந்தார்கள்.

15 ரூபிளுக்கு பெரிய அளவிலான ஜோசப் ஸ்டாலின் படம் கிடைத்தது. ஊர்வலத்தை ஒழுங்குபடுத்துகிறோம் என்ற பெயரில் காவல்துறையினர் தடுக்க முயற்சித்தனர்.

வழக்கத்திற்கு மாறாக, ஆயிரக்கணக்கான மக்கள் அதிகமான எண்ணிக்கையில் வந்ததால் அப்பகுதியில் போக்குவரத்து பாதிக்கப்பட்டது. அப்பகுதியில் இருந்த கடைகளின் சொந்தக்காரர்கள் கடைகளை இழுத்துமூடிவிட்டு, கூட்டத்தைப் பார்ப்பதற்காக வந்துவிட்டனர். ஊர்வலத்தில் பங்கேற்றவர்களில் சிலர், தேவதைக் கதையை உண்மையானதாக மாற்றவே நாங்கள் பிறந்துள்ளோம் என்று முழக்கமிட்டனர்.

ஊர்வலத்தின் நிறைவில் பேசிய கென்னடி ஜூகானோவ், இம்முறை வெற்றி நமக்குதான். அதிகாரத்தைக் கைப்பற்றியபிறகு என்ன செய்வோம் என்பதை நாங்கள் செய்து காட்டுவோம்.

சர்வதேச அளவில் முதலாளித்துவம் அழிவுப் பாதையில் பயணித்துக் கொண்டிருக்கிறது. அதனால் கம்யூனிஸ்டுகள் மீண்டும் ஆட்சியைக் கைப்பற்றுவார்கள். புதுப்பிக்கப்பட்ட சோசலிசத்தின் காலம் துவங்குகிறது. புடின் மற்றும் மெத்வதேவ் ஆகிய பிரபுக்கள் வசம் இருக்கும் கோடானு கோடி ரூபிள்களை கம்யூனிஸ்ட் கட்சி நாட்டு மக்கள் வசம் ஒப்படைக்கும். இந்தப் பணம் நாட்டில் தொழில் துவங்குவதற்கும், விவசாயத்திற்கும், நாட்டின் பாதுகாப்புக்கும் செலவிடப்படும் என்று குறிப்பிட்டார்.

அடுத்த ஆண்டு ரஷ்ய ஜனாதிபதிக்கான தேர்தல் நடைபெறவிருக்கிறது. அதில் கம்யூனிஸ்ட் கட்சி சார்பில் நிற்கவிருக்கும் கென்னடி ஜூகானோவ் மற்றும் தற்போது பிரதமராயிருக்கும் விளாடிமிர் புடினுக்கும் இடையில்தான் போட்டி இருக்கும் என்று எதிர்பார்க்கப்படுகிறது. கம்யூனிஸ்டுகளை போட்டியிலிருந்து ஒதுக்குவதற்கான ஊடகங்களின் முயற்சி வெற்றி பெறவில்லை. மக்கள் மத்தியில் செல்வாக்கு பெற்றுள்ளதோடு, தற்சமயம் அந்த செல்வாக்கு அதிகரித்துள்ளதும் அதற்குக்காரணமாக உள்ளது.

ரஷ்ய ஆட்சியாளர் அச்சம் முன்னாள் சோவியத் நாட்டில் அன்றைய ரஷ்ய ஜனாதிபதி போரிஸ் எல்ட்சின் கம்யூனிஸ்ட் கட்சியைத் தடை செய்த ஜனநாயக விரோத நடவடிக்கைக்குத் தற்போது இருபது ஆண்டுகள் ஆகின்றன.

இந்தச் சந்தர்ப்பத்தில் ‘அகில ரஷ்ய பொதுமக்கள் கருத்துக் கணிப்பு மையம்’ ஒன்று மக்களிடையே கருத்துக்கணிப்பு நடத்தியது. இந்தக் கணிப்பில் பங்கேற்றவர்களில் 47 சதவிகிதம் பேர் எல்ட்சினின் தடைவிதிப்புக்கு எதிராக வாக்களித்தனர். தடையை ஆதரித்து வாக்களித்தவர்கள் 26 சதவிகிதம் பேர்தான். சோவியத் நாடு பிளவுபட்ட பிறகு 1993ல் தான் மீண்டும் கம்யூனிஸ்ட் கட்சி உருவாக்கப்பட்டது. கே.பி.ஆர்.எஃப் என்று சுருக்கமாய்ப் பெயரிட்டு அழைக்கப்படும் ரஷ்ய கம்யூனிஸ்ட் கட்சிக்கு 35 சதவிகிதத்திற்கு அதிகமான மக்கள் ஆதரவு உள்ளது.

‘டூமா’ என்று சொல்லப்படும் ரஷ்ய நாடாளுமன்றத்திற்கு அடுத்த மாதம் 4ம் தேதி தேர்தல் நடைபெறவுள்ளது.

இந்நிலையில் நாட்டின் முக்கிய எதிர்க்கட்சியான கம்யூனிஸ்ட் கட்சியினுடைய பத்திரிகையின் 84 ஆயிரம் பிரதிகளை போலீஸ்அக்கிரமமாகப் பறிமுதல் செய்தது. கட்சியின் தேர்தல் பணியைத் துவக்குவதற்காக ஒரு ட்ரக்கில் பத்திரிகைக் கட்டுகள் கொண்டுபோகப்பட்ட போதுதான் அரசாங்கத்தின் கட்டளைப்படி போலீஸ் அதை மடக்கித் தடுத்துப் பறிமுதல் செய்தது. இவ்வாறிருக்க, நியாயமான தேர்தல் நடைபெற்றால் கம்யூனிஸ்ட் கட்சிக்கு பெரும் முன்னேற்றம் கிடைக்குமென்று நிபுணர்கள் கருதுவதாக பிடிஐ செய்தி நிறுவனம் தனது செய்தி அறிக்கையில் தெரிவித்துள்ளது.

பிரதமர் புடின்-ஜனாதிபதி மெத்வதேவ் அரசின் சுயநல ஆட்சிக்கும் ஊழலுக்கும் எதிராக எழுந்துள்ள மக்களின் கோபம், தேர்தலில் ஆளும் கட்சியின் வெற்றி வாய்ப்பைக் குறைத்து விடும் என்பதால் தான் அரசு அதிகாரிகள் இரண்டாவது பெரிய கட்சியாகிய கம்யூனிஸ்ட் கட்சிக்கு எதிரான நடவடிக்கையில் இறங்கினர். மீண்டும் ஜனாதிபதியாக வரவேண்டும் என்று முயற்சி செய்கிற விளாடிமிர் புடினுக்கு அடுத்த ஆண்டு மார்ச்சில் நடைபெறவுள்ள நாடாளுமன்றத் தேர்தல் பெரும் சவாலாக இருக்கும் என்று கூறப்படுகிறது.

கருவாட்டுப் பானைக்கு காவல் இருக்கும் பூனைகள்

ஊழலுக்கு எதிரான உறுதியான நடவடிக்கை எடுக்க வேண்டிய நேரம் வந்துவிட்டது என்று பிரதமர் மன்மோகன் சிங் கூறியுள்ளார். தில்லி யில் நடந்த மாநில ஆளுநர்கள் மாநாட்டில் நிறைவுரையாற்றிய அவர், இந்த ஆருடத்தை வெளியிட்டிருக்கிறார். ஊழலுக்கு எதிராக நட வடிக்கை எடுப்பதற்காக இவர் காத்திருந்தது போலவும் இப்போதுதான் அதற்கான நேரம் வந்துள்ளது போலவும் தூக்கத்திலிருந்து திடீரென்று எழுந்தவர் போல கூறியிருக்கிறார் நாட்டின் பிரதமர்.

சுதந்திர இந்திய வரலாற்றில் ஊழல் மிகுந்த ஒரு ஆட்சிக்கு தலைமை தாங்குபவர் என்ற அவப்பெயரை சம்பாதித்திருப்பவர் பிரதமர் மன் மோகன் சிங். இவரது அரசினால் பின்பற்றப் படும் தாராளமய பொருளாதாரக் கொள்கைதான் பெருகிவரும் ஊழலின் ஊற்றுக்கண்ணாக இருக்கிறது என்பது ஊரறிந்த உண்மை.

இவரது அமைச்சரவை சகாக்கள் சசிதரூர், ஆ.ராசா, சுரேஷ் கல்மாடி, தயாநிதிமாறன் ஆகியோர் ஊழல் புகார்களில் அடுத்தடுத்து சிக்கி, பதவி விலகியுள்ளனர். ஆ.ராசா, சுரேஷ் கல்மாடி ஆகியோர் சிறையில் அடைக்கப்பட் டுள்ளனர். இதன் பொருள், மற்றவர்கள் எல்லாம் உத்தமர்கள் என்பது அல்ல. அவர்களில் பலர் இன்னமும் சிக்கவில்லை என்பதுதான்.

ஊழல் குறித்த மன்மோகன் சிங் அரசின் கண்ணோட்டம் என்ன? போபர்ஸ் ஊழலில் சிக்கிய இத்தாலி தொழிலதிபர் குவாத்ரோச்சியை தப்பவிட்டது இவரது அரசுதான். அவரை துன் புறுத்தக்கூடாது என்று மனமிரங்கி கூறியவரும் சாட்சாத் மன்மோகன் சிங்தான்.

2ஜி அலைக்கற்றை ஊழல் விசாரணையை உச்சநீதிமன்றம் கண்காணிக்காமல் இருந்திருந்தால், போபர்ஸ் ஊழலை போல அதையும் ஆழக் குழிவெட்டி புதைத்திருப்பார்கள். காமன் வெல்த் விளையாட்டு போட்டி ஊழலில் கல்மாடியை காப்பாற்ற ஐக்கிய முற்போக்கு கூட்டணி அரசு இயன்றவரை முயன்று, கடைசியில்தான் அவரை கைவிட்டது.

இப்போது அலைக்கற்றை ஊழலில் முத லாளிகள் சிலரும் சிக்கியுள்ள பின்னணியில் இவ்வாறு அவர்களை துன்புறுத்தினால் தொழில் முதலீடு குறையும் என்று ஆதங்கப்படுகிறார் சட்டத்துறை அமைச்சர் சல்மான் குர்ஷித்.

ஸ்பெக்ட்ரம் ஊழலில் சிக்கிய ஆ.ராசா வானாலும், காமன்வெல்த் போட்டி ஊழலில் சிக் கிய கல்மாடியானாலும் பிரதமருக்குத் தெரிந்து தான் எல்லாம் நடந்தது என்று சாதிக்கின்றனர். ஆனால் பிரதமரோ இதுகுறித்து வாய்திறப்பதில்லை.

லோக்பால் மசோதா வரம்புக்குள் பிரதமர் பதவியையும் கொண்டுவருவது குறித்து மன் மோகன் சிங் ஒவ்வொரு நாள் ஒவ்வொரு கருத்தை வெளியிடுகிறார். லோக்பால் மசோதா விசயத்தில் முடிந்தவரை காலதாமதப்படுத்தி, அதை நீர்த்துப்போகச் செய்யும் உத்தியையே இவரது அரசு பின்பற்றி வருகிறது.

ஸ்பெக்ட்ரம் ஊழல் தொடர்பாக இவரது சகா சிதம்பரத்தை சிக்கவைக்கும் வகையில் மற் றொரு சகாவான பிரணாப் முகர்ஜி எழுதிய கடி தம் வெளியானது. ஆனால் இருவரையும் அழைத்து சமரசம் செய்து, விசயத்தை வெளியில் வராமல் பார்த்துக் கொண்டவர்தான் இவர். இப்போது வெளிநாடு பயணங்களின்போது பிரணாப் முகர் ஜியும், சிதம்பரமும் தனது பொறுப்புக்களை பகிர்ந்துகொள்ள வேண்டும் என்று இவர் கூறியுள்ளார்.

கருவாட்டுப்பானைக்கு பூனையை காவல் வைத்த கதைதான் இது. இந்த லட்சணத்தில் ஊழலை ஒழிக்க நேரம் வந்துவிட்டது என்று இவர் கூறுவது நகைக்கத்தக்கதன்றி வேறல்ல.

நன்றி :தலையங்கம் தீக்கதிர்

“முதலாளித்துவத்தின் மரணமே, மக்களின் விடுதலை”: ஜூனியர் விகடன்

வல்லரசு என்று தன்னைத்தானே மார்தட்டிக் கொள்ளும் அமெரிக்கா, இத்தனை காலமாகத் தனது நாட்டுக்குள் இருந்த ‘இன்னொரு அமெரிக்கா’ வை வெளிக்காட்டாமல் மறைத்தே வைத்தது. அந்த அமெரிக்கா நமக்கு அறிமுகம் இல்லாதது. வேலை அற்ற வர்களும் ஏழைகளும் சூழ்ந்தது. வாஷிங்டன், சியாட்டில், சாக்ரோமண்டோ போன்ற நகரங் களின் ஒதுக்குப்புறங்களில், தேவாலயங்க ளின் பின்பகுதியில் கூடாரங்கள் அமைத்து வாழும் ஏழைகள் நிறைந்த அமெரிக்கா அது!

அமெரிக்காவின் குடிமக்களில் கிட்டத் தட்ட 28 சதவிகிதம் பேர் வறுமைக்கோட் டுக்குக் கீழேதான் வாழ்கிறார்கள். வேலை இல்லாத் துயரம் நாளுக்கு நாள் அதிகரித்துக் கொண்டே இருக்கிறது. கடந்த10 ஆண்டுகளில் மட்டும் வேலையற்ற அமெரிக்கர்களின் எண்ணிக்கை ஐந்தில் இருந்து எட்டு சத விகிதமாக உயர்ந்துள்ளது. வேலை இல்லாத தால் வீட்டை இழந்து, காரையே வீடாக மாற்
றிக்கொள்ளும் கலாச்சாரம் அங்கு உரு வெடுத்து வருகிறது.

கடந்த 2007-08ல் அங்கு பொருளாதார மந்த நிலை ஏற்பட்டது. அப்போது 1.5 லட்சம் பேருக்கு வேலை பறிபோனது. பண நெருக் கடியில் சிக்கி, கடன்களை அடைக்க முடியா மல் திணறிய 50 லட்சம் பேரின் வீடுகள் ஜப்தி செய்யப்பட்டன. அமெரிக்க அரசு மிகப்பெரிய பொருளாதார மீட்சி நடவடிக்கை எடுக்கப்போகிறது என்று அன்றைய அதிபர் புஷ் அறிவித்தார். அது தங்களை முழுமை யாகக் காப்பாற்றும் என்று அவர்கள் நம்பிக்கை யோடு எதிர்பார்த்தனர். ஆனால், தவறு இழைத்த நிதி நிறுவனங்களுக்கு 35 லட்சம் கோடி அரசுப் பணத்தை வாரி இறைத்ததே, அந்தப் ‘பொருளாதார மீட்சி நடவடிக்கை’ யாக அமைந்தது. இதனால் ஏழை, மத்தியதர மக்களுக்கு எந்தவித நன்மையும் கிடைக்க வில்லை.

அப்போதுதான், ‘நம்மால் முடியும்.. மாற்றம் நிச்சயம்’ என்று அறைகூவல் விடுத்த ஒபாமாவை நம்பினார்கள். அதுவும் ஏமாற்றத்திலேயே முடிந்தது. அமெரிக்கப் பாணியைப் பின்பற்றும் ஏனைய நாடுகளிலும் இதுதான் நிலை. மக்களுக்கு வேலை வாய்ப்புகளை உருவாக்காத அரசாங்கங்கள், ஏற்கெனவே அவர்களுக்கு அளித்துவந்த கல்வி, சுகாதார மானியங்களையும் நிறுத்தத்தொடங்கின. ஒபாமா காலத்திலும் எந்த மாற்றங்களும் இல்லாமல் ஓடியது. இதுதான் கார்ப்பரேட் உலக தர்மமாக மாறியது.

பொறுத்துப்பொறுத்து ஏமாந்த மக்கள் கொந்தளித்து எழுந்தால் என்னவாகும்? அக்டோபர் 15ம் தேதி, இந்த கேள்விக்கு பதில் கிடைத்தது. உலகப் பங்கு வர்த்தகத்தின் கோயிலாகக் கொண்டாடப்படும் ‘வால் ஸ்ட்ரீட்’டை எதிர்த்து இந்த மக்கள் தங்களது போராட்டத்தைத் தொடங்கினார்கள். ‘வால் ஸ்ட்ரீட்டை முடக்குவோம்’ என்ற இயக்கத் தை முதலில் சிறிய அளவில் தொடங்கினர். அது கடந்த சனிக்கிழமை அன்று உலகம் தழுவிய அளவுக்கு மாறியதுதான் அதிரடியான மாற்றம். அமெரிக்கா தொடங்கி ஆப்பிரிக்கா வரையிலான அனைத்துக் கண்டங்களிலும் 82 நாடுகளில், 951 நகரங்களில் நடந்தது போராட்டம். நியூயார்க்கின் டைம் சதுக்கம், லண்டனின் மன்ஹாட்டன் வீதி, இத்தாலி யின் ரோம் சதுக்கம், ஸ்பெயினின் மாட்ரீட் வீதிகள், தென் ஆப்பிரிக்காவின் ஜோகன் னஸ்பர்க் பங்குச்சந்தை வீதி என்று எங்கெங் கும் போராட்டங்கள் நடக்கின்றன. அவர்கள் அனைவருக்கும் ஒரே இலக்கு... கார்ப்பரேட் உலகின் பேராசைக்கு முடிவு கட்டுவது!

‘முதலாளித்துவத்தின் மரணமே, மக்க ளின் விடுதலை’, ‘பங்குச்சந்தைகளை முட மாக்குவோம்’ ‘சர்வதேசச் செலாவணி நிதி யத்தை இழுத்து மூடுவோம்’, ‘கார்ப்பரேட் உல குக்கு சங்கு ஊதுவோம்’ ‘ஏழை- பணக்காரர் பிரிவினைக்கு முடிவு கட்டுவோம்’ என்று கோஷங்கள் விண்ணைப்பிளக்கின்றன. தன்னெழுச்சியுடனும் சமூக வலைதளங்கள் உதவியுடனும் ஒன்று கூடும் மக்களை எந்த நாட்டு அரசாங்கத்தாலும் எதுவும் செய்ய முடியவில்லை.

உலகம் முழுக்கப் பரவும் இந்தப் போராட் டங்களுக்கான காரணங்கள் நாட்டுக்கு நாடு மாறுபடுகின்றன. இந்தப் போராட்டக்காரர்கள் ஒரே இயக்கத்தின் கீழ் திரளவில்லை. ஆனால், இன்றைய முதலாளித்துவ உலகை மாற்ற ‘புரட்சி மட்டுமே தீர்வு’ என்று அவர்கள் அத்தனை பேரும் ஒன்றிணைந்து விண் அதிர முழங்குகிறார்கள்.

முதலாளித்துவம் எங்கு செழித்து உலகம் முழுமைக்கும் பரவியதோ, அங்கிருந்தே அதன் அழிவும் தொடங்குகிறது. மார்க்ஸ் சொன்னது போல, முதலாளித்துவம் தன் சவப்பெட்டிக்கான ஆணியைத் தானே தேர்ந் தெடுத்துக் கொண்டதுபோல் தோன்றுகிறது. இந்தப் போராட்டத்தின் தன்மையைப் பார்த்து அனைத்து நாட்டு அரசாங்கங்களும் பயம் கொள்ளத் தொடங்கியுள்ளன.

சமஸ்

நன்றி : ஜூனியர் விகடன் (23.10.2011)

எதிர்காலம் சோசலிசத்திற்கே!

சர்வதேசக் கம்யூனிஸ்ட் மற்றும் தொழிலாளர் கட்சிகளின் 13வது மாநாடு 2011 டிசம்பர் 9 - 11 தேதி களில் கிரீஸ் நாட்டின் தலைநகர் ஏதென் சில் நடைபெறவுள்ளது.

இம்மாநாட்டின் நிகழ்ச்சி நிர லையும் வரைவு அறிக்கையையும் தயாரிப்பதற்கான முன்தயாரிப்புக் குழுவின் கூட்டம் அக்டோபர் 22, 23 தேதிகளில் லெபனான் தலைநகர் பெய்ரூட்டில் நடைபெறுகிறது.

இக்கூட்டத்தில், மார்க்சிஸ்ட் கம்யூனிஸ்ட் கட்சியின் அரசியல் தலைமைக்குழு உறுப்பினரும் சர்வ தேசத்துறைச் செயலாளருமான சீத்தாராம் யெச்சூரி எம்.பி. பங்கேற் கிறார். இக்கூட்டத்தில், மாநாட்டில் கலந்து கொள்ள விருப்பம் தெரிவித் துள்ள புதிய கட்சிகள் தொடர்பாக இறுதி முடிவும் எடுக்கப்பட்டு, இத னைத் தொடர்ந்து நடைபெறவுள்ள பேரவைக் கூட்டத்தில் பரிசீல னைக்கு வைக்கப்படும்.

ஏதென்ஸ் நகரில் நடைபெற வுள்ள சர்வதேசக் கம்யூனிஸ்ட் மற் றும் தொழிலாளர் கட்சிகளின் 13வது மாநாட்டின் கருப்பொருள் ‘‘எதிர் காலம் சோஷலிசத்திற்கே!” என் றாகும்.

சோவியத் யூனியன் பின்னடை வுக்குப் பின்னர் கடந்த இருபதாண்டு களில் கம்யூனிஸ்ட்டுகளுக்கு ஏற் பட்ட அனுபவம் மற்றும் சர்வதேச நிலைமை, முதலாளித்துவ நெருக் கடி, ஏகாதிபத்திய யுத்தங்கள், தொழி லாளர் வர்க்கத்தின் உரிமைகளுக் கான போராட்டங்கள், தொழிலா ளர் வர்க்க சர்வதேசியத்தை வலுப் படுத்துதல், ஏகாதிபத்திய எதிர்ப்பு முன்னணியை கட்டுதல், முதலாளித் துவத்தைத் தூக்கி எறிந்து, சோசலி சத்தைக் கட்டுதல் ஆகியவை குறித்து மாநாடு விவாதிக்கிறது.

சர்வதேசக் கம்யூனிஸ்ட் மற்றும் தொழிலாளர் கட்சிகளின் 11ஆவது மாநாடு இந்தியாவின் தலைநகர் தில் லியில் நடைபெற்றது என்பதும் அதனை மார்க்சிஸ்ட் கம்யூனிஸ்ட் கட்சியும் இந்தியக் கம்யூனிஸ்ட் கட் சியும் இணைந்து நடத்தின என் பதும் நினைவுகூரத்தக்கது.

அந்த மாநாட்டில், இன்றைய உலகப் பொருளாதார நெருக்கடி குறித்து ஓர் ஆய்வு மேற்கொள்ளப் பட்டது. மேலும் தற்போதுள்ள சமூக அமைப்பினை மாற்றுவதை உத்தரவாதப்படுத்துவதன் மூலமே இவ்வாறு தொடர்ந்து வரக்கூடிய நெருக்கடிக்குத் தீர்வு காண முடியும் என்று அம்மாநாடு முடிவுக்கு வந் தது.

மேலும் உலகப் பொருளாதார நெருக்கடியின் சுமைகள் உழைக்கும் மக்களின் தோள்களில் ஏற்றப்பட்டு வருவதற்கு எதிராக உலக அளவில் போராட்டங்களை முன்னெடுத்துச் செல்வதற்கும் அதனை சோசலிசத் திற்கான அரசியல் போராட் டத்துடன் இணைப்பதற்கும் அம் மாநாட்டில் அறைகூவல் விடுக்கப் பட்டது.

இந்தப் பின்னணியில் கிரீசில் 13வது மாநாடு நடக்கிறது. தற்போது கிரீஸ் நாட்டில் ஆட்சி புரியும் சமூக ஜனநாயகக்கட்சி அரசாங்கம், சர்வ தேச நிதியம் மற்றும் ஐரோப்பிய ஒன்றியத்தின் கட்டளைகளுக் கிணங்க தொழிலாளர்களின் வயிற் றில் அடிக்கும் விதத்திலான ‘‘சிக்கன’’ நடவடிக்கைகளை மேற்கொண்டிருக் கிறது. இதற்கு எதிராக கிரீஸ் நாட்டின் தொழிலாளர் வர்க்கம் உக்கிரமான போராட்டங்களை நடத்தி வரு கின்றது.

இந்த நிலையில் சர்வதேச கம் யூனிஸ்ட்- தொழிலாளர் கட்சிகள் மாநாடு அங்கே நடைபெறுவது மிகுந்த முக்கியத்துவம் பெறுகிறது.

மேலும் உலகம் முழுவதும் பல நாடு களிலும் நடைபெற்று வரும் போராட்டங்களின் அனுபவங் களும், குறிப்பாக மேற்கு ஆசியா மற்றும் வட ஆப்பிரிக்காவில் நடை பெற்று வரும் போராட்டங்களின் அனுபவங்களும், நடைபெறவுள்ள மாநாட்டில் பரிமாறிக்கொள் ளப்பட இருக்கின்றன.

தற்போது பெய்ரூட்டில் நடை பெறவுள்ள முன்தயாரிப்புக் குழுவி னரின் கூட்டத்தில், வரைவு அறிக் கையை இறுதிப்படுத்துவதோடு, வரவிருக்கும் காலங்களில் உலகம் முழுதும் வளர்ந்து வரும் வருமான சமத்துவமின்மை, வறுமை, பசி, பஞ்சம், பட்டினி, சுரண்டல் மற்றும் ஏகாதிபத்தியம் ஆகியவற்றிக்கு எதி ரான போராட்டங்களுக்கான வடி வங்களைத் தீர்மானித்திடவும் முடிவு செய்யும். இத்தகைய போராட்டங் கள், சோசலிசம் ஒன்றே மாற்று என்று உத்தரவாதப்படுத்தக்கூடிய வகையில், மனித குலத்தை அடி மைத்தளையிலிருந்து விடுதலை செய்திடும் அடித்தளத்தை உருவாக் கும் என்று கம்யூனிஸ்ட் மற்றும் தொழிலாளர் கட்சிகள் கருது கின்றன. (ஐஎன்என்)

மோடி எதிரான போராட்டம் தொடரும்: சஞ்சீவ் பட்

குஜராத் மாநில மோடி அரசாங்கத்திற்கு எதிரான என் போராட்டம் இப்போதுதான் தொடங்கி இருக்கிறது, இது தொடரும் என்று குஜராத் மாநில அரசால் கைது செய்யப் பட்டு சிறையில் அடைக்கப் பட்டிருந்த ஐபிஎஸ் அதிகாரி யான சஞ்சீவ் பட், திங்களன்று பிணையில் (ஜாமீனில்) வெளி வந்தபின் செய்தியாளர்களிடம் தெரிவித்தார்.

குஜராத் மாநில மோடி அர சாங்கத்திற்கு எதிராகக் கருத் துக்கள் கூறியதை அடுத்து ஐபிஎஸ் அதிகாரியான சஞ்சீவ் பட், செப்டம்பர் 30 அன்று கைது செய்யப்பட்டார். குஜராத் மாநிலம்,மெகானிநகர் காவல் நிலையத்தைச் சேர்ந்த காவ லர் கே.டி.பந்த் என்பவர், கட் லோடியா காவல்நிலையத்தில் சஞ்சீவ் பட்டிற்கு எதிராக முறையீடு பதிவு செய்ததை அடுத்து சஞ்சீவ் பட் இவ்வாறு கைது செய்யப்பட்டார். மேற் படி காவலர் கே.டி.பந்த், உச்ச நீதிமன்றம் அமைத்துள்ள விசா ரணை வழக்குரைஞர் முன்பு, தான் 2002 பிப்ரவரி 27 அன்று முதலமைச்சர் நரேந்திர மோடி ஏற்பாடு செய்த கூட்டத்தில், மோடி, ‘‘முஸ்லிம்களுக்கு எதி ராக இந்துக்கள் கோபத்தை வெளிப்படுத்திட அனுமதிக்கு மாறு’’ காவல்துறையினருக் குக் கட்டளையிட்டதாக, தன் னைப் ‘‘பொய்யாக’’ உறுதி வாக்குமூலம் (அபிடவிட்) தாக்கல் செய்யுமாறு சஞ்சீவ் பட் அச்சுறுத்தினார் என்பதே அந்த முறையீடாகும். இதன் மீதே சஞ்சீவ் பட் கைது செய் யப்பட்டு, சிறையில் அடைக் கப்பட்டார்.

சஞ்சீவ் பட், மாவட்ட அமர்வு நீதிமன்றத்தில் பிணை மனு தாக்கல் செய்தார். இப் பிணை மனுவை எதிர்த்திட, மாநில அரசாங்கம் எஸ்.வி. ராஜூ என்பவரை சிறப்பு அரசு வழக்குரைஞராகவே நியமனம் செய்துள்ளது. பிணை மனுவை விசாரித்த மாவட்ட அமர்வு நீதிமன்றம், சஞ்சீவ் பட், இவ் வழக்கு தொடர்பாக நடை பெறும் புலனாய்வுக்குக் குந் தகம் விளைவிக்கக்கூடாது என்ற நிபந்தனையுடன் சஞ் சீவ் பட்டை பிணையில் விடு வித்தது.

சஞ்சீவ் பட் பிணை விடு தலையை, பல்வேறு மனித உரிமைகள் ஆர்வலர்களும், சமூக அமைப்புகளும், எண் ணற்ற சுயேச்சை அமைப்பு களும் மகிழ்வுடன் வரவேற் றுள்ளன. அவரது இல்லத்தின் முன்பும் நகரின் பல பகுதி களிலும் மகிழ்ச்சியைப் பிரதி பலிக்கும் வகையில் பேரணி- ஆர்ப்பாட்டங்களை நடத்தினர்.

சிறையிலிருந்து வெளி வந்த சஞ்சீவ் பட், செய்தியா ளர்களிடையே கூறுகையில், தனக்கு முன்னுள்ள மாபெரும் போராட்டத்திற்கு இது ‘‘தொடக் கம்’’ மட்டுமேயாகும் என்றார். மாநிலத்தில் சட்டத்தின் ஆட்சி தொடர்ந்து அமலில் இருந்து வருவது தனக்கு மகிழ்ச்சி அளிக்கிறது என்றார். தான் பிணையில் விடுதலையாகி யிருப்பது, 2002 ஆம் ஆண்டு நடைபெற்ற மதவெறிக் கல வரங்களில் பலியானவர்களின் வெற்றி என்றும் பட் கூறினார்.

தான் சிறையிலிருந்த நாட் களை ‘‘வார ஓய்வு நாட்கள்’’ என்று குறிப்பிட்ட சஞ்சீவ் பட், ‘‘என்னைவிட மாபெரும் லட் சியத்திற்கான என் போராட் டத்தைத் தொடர்ந்து மேற் கொள்வேன்’’ என்றார். தான் கைது செய்யப்பட்டு, நீதிமன் றத்தில் காவல் அடைப்பிற்காக ஆஜர் செய்விக்கப்படுவதற்கு முன்பு குற்றப் பிரிவு காவல் துறையினர் தன்னிடம் நடந்து கொண்டவிதம் குறித்து கருத்து எதுவும் கூற சஞ்சீவ் பட் மறுத்துவிட்டார். இது தொடர் பாக சஞ்சீவ் பட் மனைவி, உள்துறை அமைச்சருக்குக் கடிதம் எழுதியிருப்பது குறிப் பிடத்தக்கது. ‘‘நான் இது தொடர்பாக சரியான நேரத்தில், சரியான மன்றத்தின் முன் மட் டுமே பேசுவேன்’’ என்று சஞ் சீவ் பட் கூறினார்.

மோடி அரசாங்கம் தன்னை சுதந்திரமாக வாழ அனுமதிக் காது என்று தனக்குத் தெரியும் என்று சஞ்சீவ் பட் கூறினார். ‘‘அவர்கள் தங்கள் வேலை யைச் செய்யட்டும், நானும் என் வேலையைச் செய்வேன். அர சாங்கம் அடுத்து என்ன செய்ய இருக்கிறது என்பதைப் பற்றி நான் கவலைப்படவில்லை. நான் என் வேலையைச் செய் வேன். அவர்கள், அவர்களது வேலையைச் செய்யட்டும். நான் அவர்களை சும்மா விட்டு விடப் போவதில்லை. அதே போன்று அவர்களும் என்னை சும்மா விட்டுவிட மாட்டார்கள்’’ என்று சஞ்சீவ் பட் கூறினார்.

தான் சிறையில் அடைக் கப்பட்டிருந்த சமயத்தில் தன் பக்கமும் தன் குடும்பத்தார் பக்கமும் உற்ற துணையாக இருந்த அனைவருக்கும் சஞ் சீவ் பட் நன்றி கூறினார். குறிப் பாக தன்னுடன் பணியாற்றும் ஐபிஎஸ் சகாக்களுக்கும், ஐபிஎஸ் அதிகாரிகள் சங்கத் திற்கும் நன்றி கூறினார். தான் சிறையிலிருந்த காலத்தில் அவர்கள் தன் இல்லத்திற்கு வந்து தன் மனைவிக்கு ஆறு தல் கூறி தைரியம் அளித்தி ருக்கிறார்கள். ‘‘நான் மேலும் வலுவுடன் வெளியே வந்திருக் கிறேன். என் போராட்டத்தைத் தொடர தயாராகவே இருக்கி றேன்,’’ என்று சஞ்சீவ் பட் கூறினார்.

தனக்கு எதிராக ஒரு காவ லர் கொடுத்த முறையீட்டை, குஜராத் மாநிலத்திற்கு வெளியே உள்ள ஒரு ஏஜென்சி விசா ரணை செய்வதையே தான் விரும்புவதாக பட் தெரிவித் தார். ‘‘அவ்வாறு விசாரிக்கப் படுமானால், இம்மாநிலத்தில் அரசு எந்திரம் எந்த அளவிற்கு துஷ்பிரயோகம் செய்யப்பட்டது என்பதும், வழக்குகளில் சாட் சிகள் மிரட்டப்பட்டார்கள் என் பதும் வெளியாகும்’’ என்றார்.

தன் வீட்டில் காவல்துறை யினர் நடத்திய சோதனை, மோடிக்கும் மாநில அரசாங் கத்திற்கும் எதிராகத் தன் வீட் டிலிருந்த முக்கிய ஆவணங் களை அழிக்கும் நோக்கத் துடனேயே மேற்கொள்ளப்பட் டதாக சஞ்சீவ் பட் குற்றம் சாட்டினார். அதேபோன்று இதே நோக்கத்துடன்தான் தன் தாயாரின் வீட்டிலும் சென்ற ஆண்டு திருடு போனது என் றார்.

சஞ்சீவ் பட் பிணையில் வெளிவந்ததை அடுத்து மகிழ்ச் சியை வெளிப்படுத்திய அவ ரது மனைவி, நாட்டின் நீதித் துறையில் உள்ள தன் நம் பிக்கை மேலும் வலுப்பட்டிருக் கிறது என்றும், ‘‘உண்மை எப் போதும் நிலைக்கும்’’ என்ப தில் தான் எப்போதும் நம் பிக்கை கொண்டிருப்பதாகவும் தெரிவித்தார்